خوف و حزن في يوم فرح و الحمدلله [الأرشيف] - منتديات الجلفة لكل الجزائريين و العرب

مشاهدة النسخة كاملة : خوف و حزن في يوم فرح و الحمدلله

آلاء النايلية

2012-10-01, 13:53

السلام عليكم

عندي سؤال طمنوني الحروق من الدرجه الاولى شحال تبقى باش تزول نهائيا؟؟؟؟؟؟؟؟؟

الخميس لي فات فاتحتي الرجال فقط .. قبل خمس دقايق لا يجو الرجال طرطقت الكوكوت في وجه أمي تحرقت في وجهها و رقبتها و صدرها
رحت معاها للسبيطار بالسيف باش حظرنا و هم يقراو في الفاتحه
عماتي يعطيهم الصحه هم لي قامو بالصح ماما غاضها الحال ياسر كي محضرتش للتحضيرات و حتى انا مشفنا والو فاتحتي محظرتلهاش
فات يوم صامط محسينا بحتى حاجة غير الخوف و الحزن كرهت هاذ اليوم منشتيش نتفكرو
و المشكل انو باقي 11 يوم على عرسي و عندنا جداتي مريضة اكثر راني واقفة معاهم في زوج و ناسية روحي ماني نوجد ماني نرقد ما والو تخيلو ولله كرهت عرسي مش حابة ندير عرس و كي قلتها لخطيبي زعف ... من جهة راني نخدم فيهم و انا مريحه و حابة نخدمهم اكثر واكثر و من جهة غاضتني عمري خاطر ديما نقولو انا و ماما منربحو مزية حتى واحد خاطر ناسنا يقومو بينا في وقت الحاجة كما ينبغي و بالزيادة بالصح يجي نهار لي يبداو يتفكرو و يقولو لو كان مش حنا وانا نكره هاذ المعاملة و ضرك مضطرين لمساعدتهم و زيد جات في الوقت لي من المفروض نهتم بروحي الكاينة زادت راحت و بان عليا التعب
و من جهة اخرى حاسة بالذنب خاطر جاتنا وحدة عارفة بللي عينها ناشفة خاطر لي تشوفها عندي و تعجبها تفسد مجربتها مللي كنت صغيرة و كلمة الله يبارك و للا ماشاء الله عمرنا ما سمعناها منها ولله شوفتها برك متريحش بالصح كانت نيتي مليحه معاها قلت هي باباها و خاوتها مش يخللو فيها تخرج و متعرفش تشري نوريلها حوايجي و ننصحها بالماركات و الاسعار باش كي تتخطب تعرف كيفاه تشري ولله نوريلها وانا مش مريحه لخزرتها نستني في كلمة الله يبارك مكانش و في لاخير قالتلي لاباس بيهم مكيش مكثرة و خاصينك ياسر حوايج بالصح يعطيك الصحه تعرفي تشري ....... فقط
المهم....... الحمدلله كي خرجت هاك ولا اكثر
ادعو لامي بالشفاء قبل العرس ولله غاضتني كانت تحظر في روحها اكثر مني و دير في الماسكات و كلش راح في الباطل و هي متحشمة ضرك كيفاه تقابل النسا بهاذ الشكل حتى و ماقالتهاش بالصح اكيد تقولها في قلبها
.............
و الحمدلله على كل حال
و جاوبوني على سؤالي من فضلكم

soumsouma

2012-10-01, 14:06

آلاء النايلية

2012-10-01, 14:08

صحيتي سمسوم
كارية صالون و قبلها كنا نوخرو لأسباب اخرى منها وفاة بن خالي و قالونا منقدروش نزيدو نوخرو اكثر بالسيف باش وخرولنا شهرين بعد الوفاة هكذا و مرت خالي و بناتو زعفانين علينا

فافا مينوشة

2012-10-01, 14:10

اولا بلباركة عليك حنونتي لا مشي كيمن هاك نحي هاد الشحوب وبداي تحضري لروحك وقفزي مرة مع جداتك ومرة مع التحضيرات راه عرس مش لعبة وان شاء الله كلشي يفوت بخير بنسبة ليماك ربي يخليهالك هكدا ولا اكتر قولي الحمد لله وقراي سورة الفلق راها مليحة للعين وللواحد لما يضبح ومايقولش الله يبارك ولا ما شاء الله وعرسك يفوت ان شاء الله وتكونو فارحين

آلاء النايلية

2012-10-01, 14:13

يبارك فيك مينوشة ربي يخليك ويسعدك
الحمدلله الحمدلله

z.abdo

2012-10-01, 14:36

السلام عليك أختي أول شيء أقدمه لك هو تحصين نفسك وبيتكم بالأذكار

قال رسول الله صلى الله عليه وسلم : (العين تُدخل الرجل القبر، وتُدخل الجمل القدر)

ليس ان تخافي لكن عليك أن تحصني نفسك وامك وكل افراد عائلتك بماء من الرقية

النجمة القطبية

2012-10-01, 18:35

اولا الحمد لله على سلامة الوالدة ونتمناولها الشفاء العاجل يا رب
بالنسبة للحروق اذا كانت من الدرجة الاولى المفروض مدة الشفاء بسيطة حسب الحالة تتراوح ما بين ست ايام الى تسع فى المتوسط اذا اتبعت العلاج الصحيح
اهم شئ تلتزم بدواء الطبيب
الماء البارد ==متوسط البرودة == مباشرة بعد الحرق مدة حوالى عشرين دقيقة
وتنظف المكان جيدا بصابون مضاد للبكتيريا
وتضع الكريم او الدواء اللى يصفه لها الطبيب
وباذن الله تشفى بسرعة
وانتى متقلقيش روحك وكلش راح يكون مليح
نقولولك الف مبروك مسبقا
موفقة

السي محمد

2012-10-01, 18:55

الحمد لله عل سلامة الوالدة

ربي يشافي الجدة

وانتي ربي يوفقك و يهنيك

شيء من رجاء !

2012-10-01, 18:59

الحمد لله على كل حال ، قدر ولطف
حمد لله على سلامة الوالدة ، ونسأل الله أن يتم شفائها عاجلا غير آجل .
بخصوص الزواج ، حاولي قدر المستطاع ألا تكلفي نفسك فوق طاقتها ، يعني عندكم حالة وفاة قريبة ، ومرض الأم والجدة ، كل هذه لها آثار على نفسيتك ، فإذا شغلت نفسك بباقي التحضيرات يصل موعد العرس وقد تلاشت طاقتك
حاولي النوم خاصة في الليل ساعة نوم في الليل قيمتها أكبر من عدة ساعات في النهار ، اقرأي القرآن أو استمعي له من خلال مسجل ، هكذا ترقي نفسك وبيتكم ، وتهدا نفسيتك .
هي ليلتك المنتظرة وليلته ، حاولي أن تكوني فيها في قمة تألقك تسعدي وتسعديه .
ربنا يتمم لك بخير ، وبارك الله لكما و جمع بينكما على خير

soso sirin

2012-10-01, 19:03

الحمد الله الي خرجت سلامات الاء و ربي يشافي ماماك ان شاء الله. والله ربي يكون في عونك مي هذا عرسك انتي رايحة تتزوجي مرة في حياتك ماشي كل يوم امالا نحي عليك الضغط و القلق .و ماماك منا للعرس مايكون غير الخير ان شاء الله المهم تبع الدوا الي مدهولها الطبيب باه مايبقالهاش باين و جداك ربي يشافيها .تهلاي في روحك شوية باه نهار عرسك تباني ماشاء الله عليك و على جهازك يا لالة انتي علاه يشوفوه الغاشي خلي غير الناس الي تحسيها تبغيك تشوفو.و ماتقلقيش روحك انا راني نقرى في الشي الي كتبتيه راكي درتيلي الضغط علاه عليك هذا .انتي راكي مقلقة من الشي الي جاي حياة جديدة علا هكا راكي تقلقي في روحك و تولي تزعفي من كلشي و تبكي من كلشي و كون ضروك مشكل عند الجوارين تخممي فيه نهار اختي تزوجت خاصتها غير الهراوة الي مامدتهناش .الاء امك و جداك ربي يشافيهم و انتي تهلاي في روحك و ان شاء الله كلشي يفوت مليح و ربي يهنيك ان شاء الله

منهاج

2012-10-01, 20:56

السلام عليكم

الحمد لله على سلامة ماماك وان شاء الله يفوت عرسك على خير

بلسم غرام2018

2012-10-01, 21:03

يا اختي الحمد لله لي خرجت سلامات و من رايي اجلي شوية العرس في خاطر يماك ادا مركيش كارية صالة وخريه بشهر واحد هكدا تريح يماك و تتحسن و حتى انتي ترتاحي شوية
و حوايجك علاش توري فيهم للناس تجيبي غير العين ارقي نفسك و ارقي ل ماماك و ربي يحفظكم و يشافيهالكم
والنسا راها تحكي باطل لوكان جا لكلام بالدراهم التالي كامل مبلعين
مالا ربي يشفي امك وتهلي فيها باه ربي يباركلك
والله اول مقريت الموضوع عرفتها عين لانا مجربينها المهم ربي يقدر الي فيه الخير

سعاذ

2012-10-01, 21:12

السلام عليكم
حمد الله على سلامت يماك
وانت ماتقلقيش روحك كلشي دوك يفوت
المهم ماتنسايش ارقي روحك
ربي يهنيك ان شاء الله

بنوتة كيوت

2012-10-01, 21:39

اهلا اختي والله تقلقت كي شفت الموضوع ربي يشفيلك ماماك بصح انت علاه تنعتيلها في حوايجك يا المهبولة علاه ؟؟؟؟؟؟؟؟؟؟؟؟؟؟من هاد المرة متزيديش تنعتي حوايجك لحتى وحد ودائما أقراااي القرآن على روحك .أما بالنسبة لماماك ربي يشفيهالك ان شاء الله ونفرحك انا تحرقت لسقت في لا كوكوت حتى بقا جلد يدي لاسق فيها والله اتخيلي درجة تانية وبالزايد عندي السكر يعني جرحي ميبراش بصح بقدرة ربي شرالي آبي زيت الضرو ودرت la pomade biafine معنباليش ويناها الي فادتني مي يضهرلي لا بوماد ونبشرك والله سيكاتريس تنحات في سمانة.ربي يشفيلك ماماك وتعيشي اشريلها لابوماد والله مجربتها وطمنيني عليها.

حزن بحر

2012-10-01, 21:40

الحمد لله على سلامتك
نقول لك ما تستطريش وتقولي نهار الفاتحة شؤم ومانحبش نتفكرو
تفكريه وافرحي به
وتذكري ان المكتوب على الجبين لازم تشوفو العين
هذا قدر وقضاء والحمد لله على كل شيئ
المهم سلامة الراس
وربي يشفيهم جميعا افرحي بروحك وتهلاي فيها هذا عرسك مايتعاودش
مانيش قاسية بصح الحمد لله لي جات كيما هكا ومام راهي حروق من درحة الاولى يعني الحمد لله ماشي حاجة
كي تشوفي اللي كثر منها تحمدي ربي
هيا اضحكي وافرحي وماتسمطيهاش على روححك
كبيري قلبك وفوتي
وربي يهنيك مع راجلك

مريم الصابرة

2012-10-01, 21:49

السلام عليكم اختي ألا الف مبروك ربي يرزقك الأاولاد الصالحين ويهنيك يا رب
اختي وجدي روحك وإستغفري ربي هذي حادثة والحمد لله خرجت سلامات لأمك
اختي غبداي توجدي روحك تروحي لادار راجلك وعادي شكل امك هذي حادثة عادي اختي خليك من هدرة الناس لازم تكوني فرحانة وراكي ما قصرتيش في حق يماك او جداك ربي يشفيهم وجا دروك تفرحي
بالنسة لجارتك خليها تقول واش تحب مسكينة تشوكات واش حبيتي تقولك شابين هذو هوما النسا واعرات لمهم درت دارك ربي يهنيك ألف مبروك نتوحشوك يا الاء

ايمان فلاور

2012-10-03, 10:42

السلام عليكم اختي الف الف مبروك على العرس وربي يزين سعدك .........اختي متقلقيش روحك هاذي باينة عين خرجت فيك وانا صرالي نفس الموقف كي نتفكر يوم خطبتي تحرقت في رجلي مي داوريتها ثم ثم لانو الحرق يخلي اثار اذا العلاج اتاخر وكن تاخري العرس شوية يكون احسن على الاقل كل حاجة تسير على مايرام

الواثق

2012-10-03, 10:52

الحمد لله على السلامة .........وحفظ الله اهلك .............والله المستعان

خولة لبابة

2012-10-03, 11:10

الله يشفيها يا أختي.............لقد حصل نفس الشيء عندنا فرح و حزن في نفس الوقت.........أختي لم يتبقى لها الا يوم على زفافها و اخي في المشفى و صحته ليست بجيدة.......لكن تمسكنا بالله و الحمد لله مرأ العرس بخير.....صحيح لم يحضر اخي العرس....و هذا لأمر مؤسف.......لكن الحمد لله على كل شيء.....** فعسى أن تكرهوا شيئا و هو خير لكم **...............و الله الموفق.............

الدر المكنون

2012-10-03, 11:20

قدر الله وما شاء فعل

ربي يشفيها

انت حاولي تبعدي على القلقة ووجدي روحك

السيدة كرمين

2012-10-03, 11:34

ذكرتني قبل سنوات في ليلة عيد الأضحى طرقطت كوكوت على أمي وكان حرقها من الدرجة الثالثة

وهي اليوم بخير كل لي عملاتوا الآتي:

بعد ما نشف لجرح وبرا استخدمت بومادا تع ماديكاسول + حنة الورق

أي تحني أماكن الحرق لمرة واحدة فقط وتبقى تستخدم ماديكاسول

ربي يجيبلها الشفا ويهنيك ويعطيك ماتتمناي

**د لا ل**

2012-10-03, 11:51

السلام عليكم

مبروووك عليك اختي وربي يهنيك ان شاء الله

ماتلقيقش روحك برك

كلش يفوت باذن الله على خير

وربي يشفي والدتك باذن الله

بالنسبة للحروق جربي زيت الضرو خاصة الاصلي مش الي يتباع عند العطارين

لان الحروق خفيفة وسطحية يعني تاتي على الجلد ففط

الحمد لله ربي سترها

داومي على الزيت كما اخبرتك وجربي العسل وطبعا هناك ادوية الان موجودة

لما تشفى الجروح خديها عند طبيب للجلد واكيد راح تشفى باذن الله تعالى

ماتقلقيش فقط

وجدي روحك واهتمي بنفسك كذلك

وما يكون غير الخير اختي

ومبروووك مرة ثانية

آلاء النايلية

2012-10-03, 18:29

ولله فرحتوني ياسر و طلعتولي المورال .. رجعتولي الروح
يا رب كل واحد فيهم حققلو لي في بالو و سهلو امورو و افتح عليه

zineb.alg

2012-10-09, 15:01

الحمد لله على سللاامة ماماك هيباتي

ربي يشااافيهاا ان شاء الله والله غاضني لحاال عليها مسكينة

مي هاد شي ولا كتر وبعيد الشر عليييك وعلى حباابك

وان شاء الله ديري لعرس وتفرحي وربي يهنيييييييك

متقلقيش نتي روحك درك ربي يعرف وااش يدير

++++ راح نتوحش هبااالك شريرة

zineb.alg

2012-10-28, 19:27

الله يهنيييييك ا لهراابة قالولي عرسك فات هاايل