نحتاجك ادخلى عاونينى تعييييييييييييييشي

[حياتي نبع امل]

ارجوكم ما تبخلوش عليا ولو بابسط الافكار او الطرق هاد المشكل راه يواجه اعز وحدة عندى اللى هى اختى عندها زوجها انانى يحب روحو وماليه لدرجة مايخليهاش حتى تكلم اهلها بالهاتف اصلا نحاهولها ما عندهاش او ما يخليهاش تزورهم لازم تحلال كبير وادا كانت عندهم سبة فرح او اى شيء لازم تروح وتولى ماتباتش يعنى جامى تتلاقى بالعايلة الكبيرة والشابة يقولها ما تلبسي ما تماكييى ما تمشطى اقعدى هكداك اما فى عرس اماليه تروح للحفافة تلبس يبعثها قبل الفرح وبعد الفرح باه تعاونهم ومازال الخير للقدام لى تكملة فى الموضوع

[آلاء النايلية]

هذا ملقاش لي يوقفو عند حدو لازملو جماعه تاع رجال كبار من أهل الطفلة باش يعرف بللي مش وحدها و عندها على من تسند ظهرها و يهدرو معاه و يخوفوه

[آلاء النايلية]

ربي يجيبلها لي فيه الخير و يهنيها

[أم احمد3]

مريض من الشك والغيرة لذا يجب ان يذهب للطبيب
بقوة شخص ما

[it's me]

kima gatlek alaa hada lazmou darba s'hiha w maliha win rahom?? rabi yfarej 3liha

[مريم الصابرة]

السلام عليكم اختي
هذا مريض موسوس ولازم توقفو عند حدو لازم يدخلو اهلها باباها خاوتها تروح عندهم وتخليه ولازم يدخلو الأطراف لفك الخلاف هذا ويعرف باللي عندها اهلها مسيكنة كاين بزاف حقارين ما يعرفوش قيمة المرا صح ما تروحش لدارهم كل يوم على الأقل مرة فالفال وفالمناسبات تعاون اهلها هذي جامي شفتها الله يهديه مسيكنة يا اختي إنت اهلك لازم يعرفو ويحكو معاه موفقة ربي يهديه.

[sali-sali]

لازم تحكي لباباها و خوتها و هوما يهدرو معاه كيفاش هدي والديها و عايلتها يحرمها منهم حتى تقعد تحاول فيه هدا راه مريض وباينة هي تخاف منه بزاف
كاين احترام و طاعة الرجل مكاش خوف منه

[قاتلة الصهاينة]

اوااااه حرام عليه هذا ميخافش ربي؟؟
ربي يهديه

[حياتي نبع امل]

لكل من ردت عليا الله يحفضكم بالنسبة لتدخل الاهل تدخلو مرة ومن هداك النهار قالها داركم مانقبلهمش يدخلو لداري ومسكينة اتخيلو كى زيدت المرة الاولى اهلها راحو ليها للسبيطار شافوها من تم ماشافوهاش حتى راحت رافدة وليدها مولا شهرين وهو ما يروحش لنسابو لا اعياد ولا مناسبات وهى ماشى تخافو اولا تخاف ربي فيه تانيا على جال اولادها عندها 2 طفل وطفلة وهو مع العايلة تاعو فى دارو يعنى لاباس بيه يحب ولادو معيشهم كيما يحب الخاطر وحتى هي يخرجها تحوس عايشة لاباس بالصح المشكل هدا ماخلاهاش تحس بالحياة اللى راهى عايشتها اتخيلو كاين بزاف ناس قالولها كيفاش ماتعيطيش لماماك وهى ماتعيطلكش هدا ظلم قالولها ديرى تليفون بلا ما يعرف قالتلهم نقدر ندير ولوكان يطلع للسما مايعرفش بللى عندى تليفون بالصح نخاف من ربي اي خطوة جى ديرها لازم توزنها مسكينة والله الناس يصبرو ينالو وهى ماكان والو بابا وماما راهم مراض على جالها ماما فى الليل ماترقدش تبقى غير تخمم عليها وهو حسبي الله ونعم الوكيل

[الحطاب سهام]

شوفي يا اختي ياك اختك راهي عايشا حياة جميلة خلاص !!!!!!نعرف بنات تزوجو بعاد على دار ماليهم ومايشوفوش دارهم حتى ب 3 سنين وصابرين .بصح يا اختي قولي الصراحة .شا صرا باه زوج اختك ولا اخذ موقف من داركم هكا؟؟؟ راكي تقولي انو يخرجها ويحوس بيها يسما هذا ماشي غيار لحد المرض ؟؟؟؟طولوا بالكم ياك المهم اختكم راهي لاباس؟؟؟؟وانتم خلاص ديرو في بالكم راهي تزوجت بعيد وخلوها تعيش طرونكيل ياك راه مهنيها هذا المهم .وصبروا ميمتكم وفهموها بلي اختكم راهي في عنق راجل خلاص لازم تصبر عليها وذكا الحمد لله غير اختك تصبر برك ذكا يكبروا اولادها ودخل انتارنات وتولي تهدر معاكم بالكام ..صدقيني ...كاين رجال في السنوات الاولى نتاع الزواج يحب يستعرض عضلاته وخاصة امام اهله ومع الوقت ذكا يبرد وتولوا تشبعو من اختكم وتشبع بيكم
خلو اختكم تدير الدار واتمنولها ربي يهنيها وتنتلا في اولادها وفي دارها وخلاص مكتوبها جا هكا ترضى بيه وتصبر وصدقيني كي يكبرو اولادها ذكا هما يولو يجيبوها حتى لعندك ....

[حياتي نبع امل]

اختى سهام شكرا على مرورك رانى معاك فى مسالة انو المهم راهى مهنية معاهوخاصة ادا ماشى على جالها على خاطر الدرارى بالصح نحطو العقل بجهة والهبال بجهة ماجيش لدارهم اذاحب كل 10 سنين هو حر بالصح انها ما تكلمش ماماها بالهاتف ماشى نورمااااااااااااااال شكون تقدر تصبر على ماماها ما تشوفهاش او ماتسمعهاش بالشهور والله ماراهى ساهلة وزوجها قتلكم خدا موقف من دارنا على خاطر راحو ليه وقالولو الطفلة ادا ماراكش حابها ماشى بهاد الطريقة امساك بمعروف او تسريح باحسان بالصح تانى مانقبلوش تعيشها فى الظلم خاطر كان دايرها كيما الخديمة على دارهم كى تكون مريضة وراقدة يقولها نوضى تخدمى وكان يقوللها نحب كى نوض الصباح مانلقاكش قدامى لازم تكونى توجدى فى كاش حاجة مع قهوة الصباح قبل الفجر باش كى ينوضو باباه او يماه يصلو الفجر يلقاو القهوة واجدة مع كاش حاجة وهاد الشى كان ماعندهاش اسبوع مللى تزوجت وكانت تدخل لغرفة خواتاتو وهوما يتفرجو تخمللهم فراشهم وتنظفلهم الغرفة وتمسحها وهوما كامل كبار قد الزواج ودارهم الله يبارك كبيرة مللى تنوض وهى غير مع الشغل بزااااااااااااااف

[الحطاب سهام]

اختى سهام شكرا على مرورك رانى معاك فى مسالة انو المهم راهى مهنية معاهوخاصة ادا ماشى على جالها على خاطر الدرارى بالصح نحطو العقل بجهة والهبال بجهة ماجيش لدارهم اذاحب كل 10 سنين هو حر بالصح انها ما تكلمش ماماها بالهاتف ماشى نورمااااااااااااااال شكون تقدر تصبر على ماماها ما تشوفهاش او ماتسمعهاش بالشهور والله ماراهى ساهلة وزوجها قتلكم خدا موقف من دارنا على خاطر راحو ليه وقالولو الطفلة ادا ماراكش حابها ماشى بهاد الطريقة امساك بمعروف او تسريح باحسان بالصح تانى مانقبلوش تعيشها فى الظلم خاطر كان دايرها كيما الخديمة على دارهم كى تكون مريضة وراقدة يقولها نوضى تخدمى وكان يقوللها نحب كى نوض الصباح مانلقاكش قدامى لازم تكونى توجدى فى كاش حاجة مع قهوة الصباح قبل الفجر باش كى ينوضو باباه او يماه يصلو الفجر يلقاو القهوة واجدة مع كاش حاجة وهاد الشى كان ماعندهاش اسبوع مللى تزوجت وكانت تدخل لغرفة خواتاتو وهوما يتفرجو تخمللهم فراشهم وتنظفلهم الغرفة وتمسحها وهوما كامل كبار قد الزواج ودارهم الله يبارك كبيرة مللى تنوض وهى غير مع الشغل بزااااااااااااااف
يا لعزيزة والله هذا حال معظم الزوجات ...شفتي راكم هدرتو معاه زاد ضيق عليها ...تتحمل وتصبر وصدقيني والله غير ذكا تكبر ويكبرو اولادها وكلشي يتبدل .صدقيني الاعوام الاولى نتاع الزواج دائما صعيبة وبعد ذلك يتبدل الحل تماما .والله تصبر برك وكل وحدا راهي عندها جبل فوق راسها ...لازم حنا لبنات نصبرو ونتحملوا والا وحدا فينا ما تدير الدار.صبروا اختكم برك وكل عمل تقوم بيه في البت تؤجر عليه وان شاء الله ذكا يتزوجو اخواته وتولي هي ساس الدار .دائما الاعوام الاولى نتاع الزواج جايا هكا وصدقيني كي يكبروا اولادها راهي المراة تحس بالقوة وكتافها حاميين وتولي عادي تجي لعندكم

[بنت الرّحّل]

ما شاء الأخت سهام لم تقصر

هناك بعض المشاكل لا حل لها سوى الصبر وطلب الفرج من الله

لأنه أي موقف غير موزون يؤدي إلى عواقب وخيمة


هذه النوعية من الأزواج مخيفة جدا ...

لكن ماذا تفعل المرأة حين يكون نصيبها كذلك هل تدمر حياة أطفالها من أجل أن تذهب عند أهلها أو تكلم أمها

ربي يعوض عليها

منذ أيام أخبرتني أختي عن جارة لها اشتكت لها عن سوء المعاملة الذي يعاملها بها زوجها المسكينة هددها بالطلاق وهي أصلا رأت كيف تطلقت أمها وعاشت عيشة سيئة
حتى أختي قالت لي بأنها تعرفها جيدا وأبدا لم تشتك هذه أول مرة وأرادت مساعدتها

في الحقيقة ما شاء زوج شقيقتي هادئ ورزين حقيقة وقلت لها لا يوجد إلا زوجك يحاول يذكره بالله وبحقوق الزوجة
وما شاء الله مثّل الدور على أكمل وجه دون أن يعرف جاره بأن زوجته هي التي اشتكت منه

كل يوم يخرج معه ويفتح الموضوع معه بالتلميج .. واتفق مع صديق آخر يتظاهر أمامه بنفس المشاكل التي تعاني منها زوجته
والثالث يقول له أنت ما شاء الله زوجتك فيها صفات حسنة ليس مثلي ...( قدح فيي زوجته ولو سمعته تعطيه حقه:) )

صديقني في ظرف ثلاثة شهور فقط اتصلت بشقيقتي وشكرتها كثيرا على المساعدة التي قدمتها لها وأخبرتها أن هناك تغيرا ملحوظا في معاملته معها



أسأل الله أن ييسر لأختك الخير ويهدي زوجها

[حياتي نبع امل]

سهومتى بارك الله فيك
بنت الرحل بوركت اخيتى على مرورك العطر
مشكور كل من ساعدنى بنصيحة او وجهة نظر او حتى الاحساس بالمشكلة

[حياتي نبع امل]

ما بقالى غير نقول كل من يشوف هاد المشكلة ويقراها نطلب منو طلب انو يرفد يديه او يديها وادعو رب البرية انو يهديه ويفرج عليها ويعوضها هى وكل المغبونات يارب ان شاء الله

[soso sirin]

مادام راجلها مليح تصبر عليه و يجي نهار وين يولي هو يجيبها لعندكم ان شاء الله الصح مادامها مهنية تخيلي اختي كون ماشي مهنيها و مايخليهاش تجي لعندكم.ربي يفرج عليها ان شاء الله و يهدي راجلها

[بلسم غرام2018]

ربي يهديه,,,,,

[رؤيا الظلام 48]

اختي مرت بنفس الحالة قوليلها تصبر مع مرور الوقت تعود الامور الى مجاريها ........ بصح نظن زوجها بعيد على الدين شوية ....هذا يتسمى قطع لصلة الرحم

[kakinova]

السلام عليكم

شوفي أختي بكل صراحة و واقعية

ماكانش راجل فالدنيا يحب اسراروا تخرج برا داروا

و حتى المرأة اختي ماكانش زوجة تحب زوجها يخرج اسرار دارها و أسرارو هو خاصة

كوني واقعية و ديري روحك في بلاصتو

على حساب واش شفهمت من الكلام لي حكيتي

أختك لما كانت عروس جديدة كانت كل حاجة تحكيها لداركم و لو حاجة صغيرة
و لما اجتمعت الجماعة لإصلاح الأمور زوج اختك اتصدم كيفاه يعرفوا هاد الأشياء كامل
و لأنو يحب زوجتو و ما يقدرش يفرط فيها حب ، يحفض دارو
و لهذا سحب الهاتف من أختك و أصبح ما يخليهاش تروح ، و حتى لما تروح ما طولش سويعات و يجيبها تروح
لأنو في ظنو داركم عمروا راس زوجتو عليه

فهمتي أختي

و كاين بزاف حالات مثل هاذي ، و حتى يا أختي ، لو ان اهلك فقط ينصحوا أختك ، فأختك بمجرد أن تشتكي كبرت المشكلة بداخلها و ولات تحس نفسها مغبونة بزاف و مقهورة

المرا الفحلة اختي عمرها ما تخرج اسرارها و خصوصا لأهلها ، لأنها لما تخرج سرها راح تكون مشاكل ، اهل الزوجة رح يكرهوا الزوج و ، ماش رح يتحدثوا معاه بشكل طبيعي
أختي رح يطيح القدر بيناتهم كيما نقولوا

و مادام زوج أختك موفرلها حياة كريمة ليها و لأطفالها ، قولوا الحمد لله
و المهم راه يخليها تجي حتى بعد المشكل ، و ماش حارمكم منها نهائيا
أختى الشكوى لغير الله مذلة ، و راهي تتحاسب عند ربي لأنها تخرج أسرارها الزوجية

و زيد اختي علاه قطعتو رجلكم على اختكم
لو رحتوا لما نفست ، زوجها ما نظنش راح يقفل في وجوهكم الباب ولا يحاوزكم
لوكان رحتوا في هاذاك الوقت ممكن القلوب تصافات بالطفل الأول ، نتوما بعدتوا و خليتو الفجوة بينكم تكبر

كاين بزاف مناسبات للتآخي و التراحم

ان شاء الله العيد هذا روحوا لعندها ، و ان شاء الله تصفى لقلوب و ما يكون غير الخير

و اختي نقولك حاجة

كامل الرجال ما يحبوش نسوانهم يروحو لدارهم دائما ، أنا نروح مرة كل أربعة اشهر ، و لما كنت عروس جديدة كنت نروح مرتين فالعام او ثلاثة

الراجل لما تروح زوجتو لأهلها يتمرمد مسكين ، مايعرفش يفك راسو


تقبلي مروري فالموضوع اختي

[sara zara kadi]

ربي يهديه و يفرج عليها هدا راهو مريض نفسيا لازم عليها تنحي هاداك لخوف و تواجهو

[ام ملاك.]

هذا ملقاش لي يوقفو عند حدو لازملو جماعه تاع رجال كبار من أهل الطفلة باش يعرف بللي مش وحدها و عندها على من تسند ظهرها و يهدرو معاه و يخوفوه
:19::19::19::19::19::19::19::19:

[بسمة العمر]

لازم تقباح شوية

[sali-sali]

ربي يهديه و ان شاء الله تجد من يساعدها و ينصحه حتى يتغير و لو قليلا

[حياتي نبع امل]

بارك الله فيكم على الردود فقط الاخت kakinova شكرا اختى على ردك بالصح انت حللت الموضوع من وجهة نظرك وعلى حساب فهامتك صدقينى اختى صغيرة وراهى رافدة بزاف وامراة فحلة باتم معنى الكلمة ديرى روحك فى مكانها وكونى واقعية تتزوجى صغيرة وتروحى خديمة فى دار كبيرة تخدمى على لواساتك وهوما كيما انت فى السن حتى فنجالهم تاع القهوة لوكان ماترفديهش انت ما ينغسلش وزيدى على هذا قاع انواع المنكر يديروها والله ما رانى نزيد عليهم كل واحد يهدر عليه فعلو هذا من جهة ومن جهة كى نفست يا اختى هى قبل ما تزيد بيامات قالها اذا نسيتى نفكرك داركم بالاكى نلقاهم هنا والله غير نحاوزهم قدام الناس اما اسرارها ما خرجتهاش كاين صوالح بلا ما تحكيهم يبانو وديري فى بالك بلى هى من النوع الكتوم وصبارة بزاف على هاديك غاضتنى حنا ماراناش حابين نخربو بيتها ابدا بالصح شوية القلب لحمة

[حياتي نبع امل]

اختي مرت بنفس الحالة قوليلها تصبر مع مرور الوقت تعود الامور الى مجاريها ........ بصح نظن زوجها بعيد على الدين شوية ....هذا يتسمى قطع لصلة الرحم

نقولك حاجة اوماتنخلعيش راجلها ملتحى ومن اتباع السنة بالصح كى يدير حاجة فى راسو ارواحى انت وقنعيه الله يهدينا كامل

[حياتي نبع امل]

ربي يهديه و يفرج عليها هدا راهو مريض نفسيا لازم عليها تنحي هاداك لخوف و تواجهو

امين يارب واش تواجه يا اختى حتى المستوى الثقافى نتاعها بعيد عليه بزاف معلاباليش اذا كان هاد الشىء عندو دور ولا لالا

[kakinova]

بارك الله فيكم على الردود فقط الاخت kakinova شكرا اختى على ردك بالصح انت حللت الموضوع من وجهة نظرك وعلى حساب فهامتك صدقينى اختى صغيرة وراهى رافدة بزاف وامراة فحلة باتم معنى الكلمة ديرى روحك فى مكانها وكونى واقعية تتزوجى صغيرة وتروحى خديمة فى دار كبيرة تخدمى على لواساتك وهوما كيما انت فى السن حتى فنجالهم تاع القهوة لوكان ماترفديهش انت ما ينغسلش وزيدى على هذا قاع انواع المنكر يديروها والله ما رانى نزيد عليهم كل واحد يهدر عليه فعلو هذا من جهة ومن جهة كى نفست يا اختى هى قبل ما تزيد بيامات قالها اذا نسيتى نفكرك داركم بالاكى نلقاهم هنا والله غير نحاوزهم قدام الناس اما اسرارها ما خرجتهاش كاين صوالح بلا ما تحكيهم يبانو وديري فى بالك بلى هى من النوع الكتوم وصبارة بزاف على هاديك غاضتنى حنا ماراناش حابين نخربو بيتها ابدا بالصح شوية القلب لحمة



اختي لعزيزة ن أنا راني مع اختك و متعاطفة معاها مليون بالمئة ، انا حبيت نقولك السبب الحقيقي لي خلا زوجها ياخذ هاذ الموقف ، ممكن لو ما شكاتش ، و ما تعملتش الجماعة ، ماكانش زوجها يكون هكذا

ربي يعاونها و يفرج عليها ان شاء الله ، توكل ربي سبحانو راح ينصفها

و بالنسبة لكلامك يا ختي ، ماراهيش اختك وحدها لي تعاني من هكذا مشكل ، رانا الأغلبية نفس المشكل
نجيو من العز في دار والدينا ، يحبو يطيحولنا قدرنا و يردونا خديمات
ربي يهنيها اختي ، لكن الوحدة مش لازم ابدا تتنازل ، لازم تدافع على نفسها و تعرف كيفاه تدافع على نفسها ، بلاما تعمل مشاكل
الوحدة منا لما تتزوج تقول رايحة لغابة و لا رايحة تحارب
المرأة لا خافت خلاص ، رايحة تتعفس ، المفروض انها من الأول واجهاتو و دافعت على نفسها
و حطت النقاط على الحروف ، كيما قلتي راها صغيرة رايحة تتحمل مسؤولية من الصفر ، يعني زوجها و نفسها و أولادها ، مش رايحة تتحمل مسؤولية الغير
بخصوص الخدمة حنونة ، المثل يقولك وين تحطي روحك تلقاي روحك و هي ختي ولفتهم الطبيعة هاذي ، علاه تنظف من وراهم أوساخهم
المهم دركا تصبر و خلاص ، و تدعي ربي ، و ربي ان شاء الله يصفي لقلوب ، و صدقيني اختي لكان جا ولد اصل ماش راح يحاوز الضيف لي وصا عليه ربي و النبي
لازم تحاولوا تزورو بنتكم ، و تكسروا عليها هاذ الحصار ،

[panpouna]

ربي يفرج عليها لازم تكثر من الصلاة والدعاء و ان شاء الله يتبدل

[شمس 15]

شدة و تزول ختي، قوليلي يرحم باباك شكون لي يبقى فحالو غير ربي سبحانو ربي يهديه و يجي نهار و يتكاكا أنتم متبينوش لختكم بلي مش عاجبكم الحال.بش ما تزيدولهاش يكفيها ساكنة مع الغاشي و زيد تخدمهم.مع الوقت تتكسر شوكتو ويولي يجيبها.

[كاميلا]

ارجوكم ما تبخلوش عليا ولو بابسط الافكار او الطرق هاد المشكل راه يواجه اعز وحدة عندى اللى هى اختى عندها زوجها انانى يحب روحو وماليه لدرجة مايخليهاش حتى تكلم اهلها بالهاتف اصلا نحاهولها ما عندهاش او ما يخليهاش تزورهم لازم تحلال كبير وادا كانت عندهم سبة فرح او اى شيء لازم تروح وتولى ماتباتش يعنى جامى تتلاقى بالعايلة الكبيرة والشابة يقولها ما تلبسي ما تماكييى ما تمشطى اقعدى هكداك اما فى عرس اماليه تروح للحفافة تلبس يبعثها قبل الفرح وبعد الفرح باه تعاونهم ومازال الخير للقدام لى تكملة فى الموضوع

لازم الرجال تاعكم ينعتولو الزنباع وين يتباع هذا راهو عندو عقدة اهل الزوجة والا كيفاش كان دار في حسابه انه في مرحلة الزواج راح يتعرف على عايلة جديدة تولي عايلته اعذريني لكني قلت رايي رغم انه زوج اختك

[وفاء سعاد]

اسمحيلي يااختي راه المشكل انتاع اختك اثر في بزاف نطلبو من ربي يفرج عليها وعلاش ماسقسيتوش عليه وعلي العائلة انتاعو وزيد الراجل كي يحس بلي الطفلة وحدها يزيد يتحنش ولقاها صغيرة وتخاف وانتوما خفتو كون جيت منكم رحتو عند بنتكم ودرتو روحكم ماعلابالكمش ولوكان كاشمة دار حاجة حضرتو باباه وعمامو المهم الجماعة ووقفتوه عند حدو وحطيتو النقط علي الحروف وقولو احنا ماتفاهمناش كي جيتو تخطبو الطفلة هكا تديوها وماتزيدتش تحكي مع اماليها خاصة امها وتغيب عندهم علي الاقل في المناسبات وتبات تنحي الوحش من عند امها وحكاية الهاتف غير ماتسكتوش عليها روحولها في العيد واديوه امعاكم وقولولو امام والديه راهي امها مريضة وتحب تسقسي عليها كل دقيقة لكان ولد فاميلة وراجل يسكت ومايهدر والو حاصة راهو عيد وعواشروزيد راهو عندو خاوتو البنات يفقس ربي فيه من الشئ اللي دارو في بنت الناس راهي عندو امانة وانتوما كي تحكيو معاها بينولها كلي الامر عادى ودارها اللي تدوملهل باش ما تحطش في قلبها

[TKRIMO]

السلام عليكم ورحمة الله تعالى وبركاته

أختي سامحيني إن قلت لكي أن تصرف زوج أختك بهذه الطريقة لم يكن بالصدفة، فحتى وإن كان من طبع الرجال التدمر من تكرار زيارة زوجاتهم لأهلهم، إلا أن الوصول إلى حد منع الهاتف عن أختك فهذا أمر له مسببات قد لا يفهمها البعض منا.

رغم ذلك فصبر أختك على ماتلاقيه من معاملة من طرف أهل زوجها وخدمتهم سيكون لها دخرا و اجرا عظيما عند السميع البصير إن هي احتسبت أمرها لله.

و أرى من الحكمة أن لا تظهروا لأختكم عدم رضاكم بحالها خاصة و أنها تعيش حياتها مع زوجها و أطفالها في حالة جيدة كما فهمت.

و قولي هذا ليس معناه أن زوج أخيك محقا تمما بما يفعل، لهذا نسأل الله تعالى أن يهدهما و يصلح حالهما و يوفقهما لتربية ورعاية الأبناء.

[حياتي نبع امل]

اختي لعزيزة ن أنا راني مع اختك و متعاطفة معاها مليون بالمئة ، انا حبيت نقولك السبب الحقيقي لي خلا زوجها ياخذ هاذ الموقف ، ممكن لو ما شكاتش ، و ما تعملتش الجماعة ، ماكانش زوجها يكون هكذا

ربي يعاونها و يفرج عليها ان شاء الله ، توكل ربي سبحانو راح ينصفها

و بالنسبة لكلامك يا ختي ، ماراهيش اختك وحدها لي تعاني من هكذا مشكل ، رانا الأغلبية نفس المشكل
نجيو من العز في دار والدينا ، يحبو يطيحولنا قدرنا و يردونا خديمات
ربي يهنيها اختي ، لكن الوحدة مش لازم ابدا تتنازل ، لازم تدافع على نفسها و تعرف كيفاه تدافع على نفسها ، بلاما تعمل مشاكل
الوحدة منا لما تتزوج تقول رايحة لغابة و لا رايحة تحارب
المرأة لا خافت خلاص ، رايحة تتعفس ، المفروض انها من الأول واجهاتو و دافعت على نفسها
و حطت النقاط على الحروف ، كيما قلتي راها صغيرة رايحة تتحمل مسؤولية من الصفر ، يعني زوجها و نفسها و أولادها ، مش رايحة تتحمل مسؤولية الغير
بخصوص الخدمة حنونة ، المثل يقولك وين تحطي روحك تلقاي روحك و هي ختي ولفتهم الطبيعة هاذي ، علاه تنظف من وراهم أوساخهم
المهم دركا تصبر و خلاص ، و تدعي ربي ، و ربي ان شاء الله يصفي لقلوب ، و صدقيني اختي لكان جا ولد اصل ماش راح يحاوز الضيف لي وصا عليه ربي و النبي
لازم تحاولوا تزورو بنتكم ، و تكسروا عليها هاذ الحصار ،


اهلا اختى مرة اخرى
بارك الله فيك على محاولتك للتخفيف من حدة الامى على اختى والله العظيم انها بنت فاميلية وما تستاهلش واش راه يصير فيها بالصح الخير فيما اختاره الله عموما ربي يجازيك

[حياتي نبع امل]

ربي يفرج عليها لازم تكثر من الصلاة والدعاء و ان شاء الله يتبدل

اللهم امين حبيبتى يفرج عليها وعلى كل المومنين يارب ان شاء الله يتبدل والله غير كامل رانا ندعولها بارك الله فيك

[حياتي نبع امل]

شدة و تزول ختي، قوليلي يرحم باباك شكون لي يبقى فحالو غير ربي سبحانو ربي يهديه و يجي نهار و يتكاكا أنتم متبينوش لختكم بلي مش عاجبكم الحال.بش ما تزيدولهاش يكفيها ساكنة مع الغاشي و زيد تخدمهم.مع الوقت تتكسر شوكتو ويولي يجيبها.

يارب ان شاء الله تزول فى اقرب الاجال
ماكاش اللى يبقا على حالو اكيد بالصح والله غير اهلى وخاصة ماما كى نشوفها غير تخمم ومتوحشة باه تهدر معاها وتسمع اخبارها واخبار ولادها ينقسم قلبى عليها ربي يهديه هلك كامل العايلة

[حياتي نبع امل]

لازم الرجال تاعكم ينعتولو الزنباع وين يتباع هذا راهو عندو عقدة اهل الزوجة والا كيفاش كان دار في حسابه انه في مرحلة الزواج راح يتعرف على عايلة جديدة تولي عايلته اعذريني لكني قلت رايي رغم انه زوج اختك

المشكل خفنا واذا يزيد يدير فيها السكارة انتقاما فينا
اختى احترم رايك مهما كان ومشكورة على الاحساس بي ربى يحفضك

[حياتي نبع امل]

اسمحيلي يااختي راه المشكل انتاع اختك اثر في بزاف نطلبو من ربي يفرج عليها وعلاش ماسقسيتوش عليه وعلي العائلة انتاعو وزيد الراجل كي يحس بلي الطفلة وحدها يزيد يتحنش ولقاها صغيرة وتخاف وانتوما خفتو كون جيت منكم رحتو عند بنتكم ودرتو روحكم ماعلابالكمش ولوكان كاشمة دار حاجة حضرتو باباه وعمامو المهم الجماعة ووقفتوه عند حدو وحطيتو النقط علي الحروف وقولو احنا ماتفاهمناش كي جيتو تخطبو الطفلة هكا تديوها وماتزيدتش تحكي مع اماليها خاصة امها وتغيب عندهم علي الاقل في المناسبات وتبات تنحي الوحش من عند امها وحكاية الهاتف غير ماتسكتوش عليها روحولها في العيد واديوه امعاكم وقولولو امام والديه راهي امها مريضة وتحب تسقسي عليها كل دقيقة لكان ولد فاميلة وراجل يسكت ومايهدر والو حاصة راهو عيد وعواشروزيد راهو عندو خاوتو البنات يفقس ربي فيه من الشئ اللي دارو في بنت الناس راهي عندو امانة وانتوما كي تحكيو معاها بينولها كلي الامر عادى ودارها اللي تدوملهل باش ما تحطش في قلبها
قالك ناس بكري دير يدك على قلبك اللى توجعك توجع صاحبك هدا هو المومن اللى يحس بخاوتو بارك الله فيك وفيكم كامل وبالنسبة لسؤالك ياختى حنا سقسينا وهوما ناس معروفين لكن العشرة فتاشة والمظاهر خداعة وباباه وعمومو على بالهم بكلش بالصح هوما من النوع اللى يحبو الراجل يدحس على الطفلة وماليها هاديك هى الرجلة
او باش نروحو ما نقدروش لوكان نروحو نزيدو نديرولها مشكل وحنا نرجعو وقلبنا نخلوه عندها وهى واش يصرا فيها رانا نقولو بالاك نبعثو خالى يهدر مع باباه بالاك يتصلح ولو جزء من الامر

[حياتي نبع امل]

السلام عليكم ورحمة الله تعالى وبركاته

أختي سامحيني إن قلت لكي أن تصرف زوج أختك بهذه الطريقة لم يكن بالصدفة، فحتى وإن كان من طبع الرجال التدمر من تكرار زيارة زوجاتهم لأهلهم، إلا أن الوصول إلى حد منع الهاتف عن أختك فهذا أمر له مسببات قد لا يفهمها البعض منا.

رغم ذلك فصبر أختك على ماتلاقيه من معاملة من طرف أهل زوجها وخدمتهم سيكون لها دخرا و اجرا عظيما عند السميع البصير إن هي احتسبت أمرها لله.

و أرى من الحكمة أن لا تظهروا لأختكم عدم رضاكم بحالها خاصة و أنها تعيش حياتها مع زوجها و أطفالها في حالة جيدة كما فهمت.

و قولي هذا ليس معناه أن زوج أخيك محقا تمما بما يفعل، لهذا نسأل الله تعالى أن يهدهما و يصلح حالهما و يوفقهما لتربية ورعاية الأبناء.

بارك الله فيك على وجهة نظرك وانا احترمها لكن
مسببات منع الهاتف عن اختى هى انتقاما فى والدتى يعنى ماذا بيه يدير كلش باش يحرم ماما من بنتها على خاطر حبتها تعيش مكرمة ماشى كيما الخديمة او العبيد
رانا عارفين بللى الوحدة كى تتزوج تخدم ناسها كيما والديها بالصح كل حاجة عندها حدود ادا خرجو هى لالا لازم تعس الدار لازم تنوض قبل الفجر وما ترقدش قبلهم لازم هى التالية وين تلقى راحتها وتانى راهى بولادها ومازالت صغيرة
وباش تخدم على بنات قدها فى العمر تغسللهم وتطيبلهم وتحطلهم وتمسحلهم اسمحلى ماشى جاية هادى واسمها خديمة
ومن جهة انها عايشة مع زوجها ظاهريا ايه عايشة تخرج تحوس بالصح هدا كله رياء يحب الناس تشوفو بللى عايش ولاباس بيه تهمو بزاف نظرة الناس ليه واللى مخلينا ساكتين وغاضين النظر الاطفال

[همسة مشاعر]

راجل اختك هذا دايرها خدامة وتربي ولادو فقط وتخدم امو وخاوتو
ايه باين عليه محرش من امو وخاوتو البنات خاطر كون جات ساكنة وحدها ميصراش ليها هكا
يحسابها بلا اهل لازم يعرف حدو
كاين وحدة صراتلها نفس الحكاية راحت لدار باباها وشكات ليهم على كلش قاتلهم امو تحرش فيه مانعيني من التلفون ونخدم فيهم كامل ومنخرجش قالولو خير تسكن وحدها ولا تطلقها اقسم بالله ولى يجري ويحلل باش يرجع مرتو
راهي المشكل تلقايه في الام صدقيني مكانش راجل يحب مرتو يعمل فيها هاك

[حياتي نبع امل]

ربي يحفظك على صراحتك
يااختى مشكل ما نملك لها الا الدعاء هاد النوع جابلى ربي لوكان نزيدو نقيموه ونهدرو معاه يزيد يتعوعش
ربي يباركلك فى حياتك