تسجيل الدخول

مشاهدة النسخة كاملة : ضباظ الشرطة

شهيد غزة
2012-09-30, 15:33
السلام عليكم
حاب نسقسي شكون لي جوزو اليوم الطبيب والبسيكوا في شلف يخبرنا واش دارو واذا دارو الطبيب والبسيكوا في نهار واحد ولا يومين.
شهيد غزة
2012-09-30, 20:12
أين الردووووووووووووووووووووود
zikointer
2012-10-01, 12:51
يا اخي لنل فوت في قسنطينة الطبيب درونا فيزيت عادي اولا العيون و القامة والوزن ثم تنزع ثيابك وتشوفك الطبيبة في فمك ورجليك ادا كانو نسطحين واي وشم او اثار لعملية او اثار ضربة خنجر هدا هو الفحص الطبي و السيكو يوم 3 اكتوبر نجوزوه وساتيكم بالجديد بعدها
zikointer
2012-10-01, 13:03
افيدونا ادا كان هناك جديد
abdou7rb
2012-10-02, 13:47
خاوتي انا من مستغانم و فوت الطبيب و البسيكوتكنيك يومي 30 و 1 اكتوبر
الطبيب عادي
والبسيكو فيه 5 مراحل
الاول كتاب فيه 300 سؤال تجاوب "oui"او "non" وكاين "?"
حنا لي حرسنا تاع البسيكو قالنا ماديروش "?"جاوبو ب "oui ou non"
الامتحان الثاني قالنا عاونوكم و هادا الامتحان تاع الاعوان ونحاو الومينو
تاع الدكاء فيه معادلات و حسابات ساهلين بزاف تكمل الرقم الخاص برك
الامتحان الثالت تاع الذكاء ايضا تاع الاشكال كاين وحدين شوية صعاب فوتهم دير لي تعرفه مشي شرط ديرهم كامل
والامتحان الرابع تاع الضغط في 48 سؤال مشي حاجة صعيبة
والامتحان الاخير 567 سؤال كيما الاول
نعطيكم نصيحة
ماديروش على هاديك الهدرة تاع ما تكدبش
بلعكس اكدب و شكر بلادنا و اشكر روحك و ما تبينش النقائص لي فيك
نعطيكم مثال
كاين سؤال يقولك هل تعتقد ان كل من وصلو وصلو عن طريق المحسوبية "intervention"
حنا كامل عارفين بلي oui
لكن تجاوب non
حتى في الاسئلة الشخصية ايضا
كان كاين سؤال يقول هل تحس احيانا بنشاط و احيانا بخمول
هادي حنا كامل فينا و انا درت oui جا عندي لي يحرسنا قالي بدلها ديرها nn
يعني تيبن بلي انت حاجة كبيرة lol
ما تخافش ما تعياش تصبر بزاف شجاع تفكر مليح سريع البديهة تحب المجتمع الناس كامل يحبوك
دير كلشي مليح
حتى واذا كان فيك نقص ما تخبرش
حافظ على هذه الشخصية وجاوب
و معندك ما تخاف حتى لو تكررت الاسئلة جاوب على حسب الشخصية الكاملة و هكدا ما يصرالكش تناقض
راني خبرتكم بكامل واش كاين والباقي على ربي
دعولنا معاكم و ان شاء الله ننجحوا كامل
toyota corolla
2012-10-02, 14:18
بارك الله فيك خويا لعزيز ويعطيك الصحة وربي ينجحنا وينجحك ان شاء الله