تسجيل الدخول

مشاهدة النسخة كاملة : اختي تحب شخصا متزوجا 3

مشكلتي
2012-09-30, 10:23
السلام عليكم ورحمة الله وبركاته
سمحولي قلقتكم معايا راني عارفة بصح نهار لي نحكيلكم وشحال نرتاح ربي عالم
حبيت نقولكم بلي ماما وصلتها لبابا جابلي ربي بابا فهمها بلمقلوب جا ليا جبدني من شعري وضربني جا عمي يسلك قالي وشبيك قتلو والو ماما قالت كيفاش هدا والو وختك مدايرة المداير ايا عمي ضربني بكف وزاد طلع لختي كسلها تاني انا زعفت وليت نبكي ولحد الان جسمي يسطر عليا جيت طالعة زاد خويا صرفقني بصقلة وشدني من شعري ومنعرف وش قال خملت قشي وداني خالي عند خالتي قعدت عندها معندهاش ولاد وراجلها خدام في ورقلة حكيتلها نخلعت وبقيت نبكي المهم ماما عيطت لدار خالتي وقالت بلي ختي خطبها صاحب خالي واش فرحت على خطراش راحة نتهنى منها وزدت فرحت كي قبلت ختي ايا رحت لدار لقيت خويا وبابا بابا قالي نلقاك برا نباصي عليك وخويا قالي ندبحك
وعمي قالي ندفنك حية وخالي قالي نكسرلك راسك وماما ياااااااااا ربي يجيك مكتوبك ونفك منكم
المهم قلت ماعليش حق الخير
دوك راني حايرة علاش مصيري هك حق ما درت الخير
لوكان غمضت عينيا وش كانت راح تكون العواقب؟
وش ندير نزوج بوليد عمي بسيف كبير عليا ويخدم في الجيش منشوفهش كامل ولا نريح عند خالتي بعيدة عليها الجامعة وهي قدها قد حالها
نريح فدار يعصروني ومشي محال نموت غير من الهدرة والعصير اففف
ياربي عاوني كرهت وسمحولي
j.p.sarter
2012-09-30, 14:07
بصح يا اختي التصرفيق والقتلات والتكسال راه داير حالة عندكم ...وانت ذرك علاه الي راه اجي بعطيك حقك؟..نورمالمو اختك هي الي دارتها ماشي انت...مالا ذرك المشكلة تاع اختك انحلت وبسبابها وليتي انت في مشكل ..ها اصبري حتى يفتح عليك ربي وتزوجي انت ثاني وتتهناي.
الحنون الجزائري
2012-09-30, 14:46
نتيا كل مايجيو يضربوك يجبدوك من شعرك !

خالك جبدك من شعرك
عمك جبدك من شعرك
باباك جبدك من شعرك
خوك جبدك من شعرك

قصي شعرك وتهناي .. رانا نستناو في الحلقة 4 من مسلسل شفيقة

ربي يصلح اسرتكم ويفوتها على خير راني نشوف لازم الكبار تاع العيلة والعقلاء او امام مسجد الحي يلقاولكم حل قبل مايسيل الدم
ام مريومة
2012-09-30, 15:01
اختي واش هادي الاحداث اللي راهي تصرا عندكم و الله مفهمت والو هل هذه القصة حقيقية و لالا
اذا كانت حقيقية ربي يفرج عليكم هادا واش نقدر نقولك
سموحة زهرة الياسمين
2012-09-30, 15:06
ربي يهديهم انشاء الله
وانتي صلي صلاة الاستخارة
وادعي ربي هو وحدو يفرجها عليك
بنت الرّحّل
2012-09-30, 15:20
بصراحة أسلوبك تحفــة:)

المشكلة يا غالية على ما يبدو ليست في أختك

بل فيك ...

وما وقع درس لك لتعرفي أنك لا تعرفين أهلك ولا طريقة تفكيرهم :confused:

شيء مؤسف للغاية
تعيشين معهم ولم تقدّري من الأول أن اكتشافهم للأمر سيؤذيك
بل حتى أحكامك ليست صحيحة كما قلت في أول موضوع أن خالك رزين وإذا به مصارع من الدرجة الأولى:o
عليك إذًا من الآن أن تستفيدي بأن العجلة في حل المشاكل تؤدي في الغالب إلى أزمة أكبر ومشاكل أخرى

وأن تدركي أن التعامل مع الأهل يحتاج رزانة وتعقل في مسائل مثل مسألة أختك

حلها معقول جدا ..يزوجونها وانتهى الأمر

لكن ما فعلته هي أصبح كابوسا بالنسبة لك لأنهم سيشكون فيك ويرون أنك قنبلة موقوتة سوف تنفجر في أي لحظة

ذكرتني ببيت جدي رحمه الله كلما رآنا وكان أبي يرحمه الله أكثر أفراد الأ سرة عنده بنات يقول له : ربي بلاك بالمصايب
مع أن والدي ربانا أحسن تربية ومع ذلك كان جدي فيه جاهلية لا تُتصور نتيجة اعتقاد أن البنت تجلب العار وكلما حدثت قصة في حيهم من قصص البنات والغراميات طبقها علينا وملأ رأس والدتي بأننا سنفعل ونفعل
يعني أصبحنا (ملطشة ) هم يعشقون ونحن ندفع الثمن :confused:


لذلك تعلّمي من هذه التجربة وتمسكي بأخلاقك وبدينك فهذا الشيء الوحيد الذي يجعلهم يغيرون نظرتهم إليك

رزقك الله الصبر ورزق أسرتك الرفق
الحطاب سهام
2012-09-30, 16:21
قد ماكنت متاثرا بقصتك ونخمم فيك وفي اختك قد ما جائتني نهاية القصة مفاجاة

اختك خلاص خالك لقالها عريس بسرعة وقبلت وانت كتلوك بالطرايح وخرجتي من الدار وكي رجعتي لقيتي عريس يستنا فيك تاني
يا ريت قاع البيوت كيما بيتكم ...تغلط وحدا في الدار قاع يديو طريحة وقاع يزوجوهم ضربا وحدا
شفت كنا نخمو على اختك ذكا ولينا نخمو عليك اذا تتزوجي بولد عمك العسكري او تقعدي عند خالتك وماتروحيش للدار ؟؟؟؟ويزيد لحقوك عمامك وخوالك يكتلوك بالطرايح .....هههههههههههههههه .انا صراحة مانزيدش ندبر عليك نخاف عائلتك تتعرف عليا ويجو يسرفقوني ويكتلوني بالدرب ...الهربة تسلك الحالة من جيهتك ماراهيش تعجب هههههههههههههههههههههههه الله يحفظك يا الحنونة والله قصتك مشوقة
فافا مينوشة
2012-09-30, 17:37
والله عجبا فيكم تستهزئون وتستفزون من يشكيكم همه صدق من قال الشكوى لغير الله مذلة
مالكم دروك لي عاد يشكي همو تديرولو كيمن هاك ولا ضربة خاطية جنبي كلي في حيط خافو ربي الدنيا يوم لينا ويوم علينا وما يدوم على حاله غير ربي سبحانو
انا نوجه نداء للمشرفين نقولهم يديرو رقابة على كل الردود المستفزة ضد شكاوي الاعضاء وعدم مراعات شعور الغير
الله يهدينا
واختي صاحبة الموضوع ربي يفرج عليك
السي محمد
2012-09-30, 18:32
بمرور الوقت سيهدأ كل شيء

اصبري فقط
Golden Princess
2012-09-30, 18:32
مبروك على اختك المد لله الي ربي هداها و وافقت

المهم انتي صلي صلاة الاستخارة و خليها على ربي
غليزاني 26 سنة
2012-09-30, 18:34
ربي يفرج عليك يا صاحبة الموضوع
yasmina31
2012-09-30, 18:37
ربي يفرج عليك أختي و نوصيك استخيري ربي و ما تتقلقيش و تتزوجي غير باش تتهناي من المشاكل لانو بالاك طيحي في مشاكل أكتر هدا زواج ماش نهار و ترجعي وقت ما تحبي خمي مليح و استخيري ربي و ادعيه و ان شاء الله يقدملك ما فيه خير و يفرحك
♥كاتمة الأحزان♥
2012-09-30, 18:43
اصبري يا أختي ربي يعطيك القوة لكن أهلك مشي حق علهم يضربوك أنت

أختك هي التي أحببت لست أنت ؟؟؟ إن شاء الله المشكلة نتاع تنتحل
sarl02
2012-09-30, 18:51
والله عندك وحد الاسلوب فالطرح روعة ...بصح جابلي ربي الضرب فالعايلة تاعكم متعة ..والجبيد مالشعر هواية ..مالا يا اختي ها اصبري هاو كيفاه اديري ها ربي طيحك في عايلة هايلة هذي ..ونصيحة ليك غير اقبلي بولد عمك العسكري هذا ويا لوكان اتشوفيه ف 6 اشهر مرة يا اختي هكذا ولا التكسال في كل دورة....وان شاء الله ربي افرج عليك.
sarl02
2012-09-30, 18:56
بصراحة أسلوبك تحفــة:)

المشكلة يا غالية على ما يبدو ليست في أختك

بل فيك ...

وما وقع درس لك لتعرفي أنك لا تعرفين أهلك ولا طريقة تفكيرهم :confused:

شيء مؤسف للغاية
تعيشين معهم ولم تقدّري من الأول أن اكتشافهم للأمر سيؤذيك
بل حتى أحكامك ليست صحيحة كما قلت في أول موضوع أن خالك رزين وإذا به مصارع من الدرجة الأولى:o
عليك إذًا من الآن أن تستفيدي بأن العجلة في حل المشاكل تؤدي في الغالب إلى أزمة أكبر ومشاكل أخرى

وأن تدركي أن التعامل مع الأهل يحتاج رزانة وتعقل في مسائل مثل مسألة أختك

حلها معقول جدا ..يزوجونها وانتهى الأمر

لكن ما فعلته هي أصبح كابوسا بالنسبة لك لأنهم سيشكون فيك ويرون أنك قنبلة موقوتة سوف تنفجر في أي لحظة

ذكرتني ببيت جدي رحمه الله كلما رآنا وكان أبي يرحمه الله أكثر أفراد الأ سرة عنده بنات يقول له : ربي بلاك بالمصايب
مع أن والدي ربانا أحسن تربية ومع ذلك كان جدي فيه جاهلية لا تُتصور نتيجة اعتقاد أن البنت تجلب العار وكلما حدثت قصة في حيهم من قصص البنات والغراميات طبقها علينا وملأ رأس والدتي بأننا سنفعل ونفعل
يعني أصبحنا (ملطشة ) هم يعشقون ونحن ندفع الثمن :confused:


لذلك تعلّمي من هذه التجربة وتمسكي بأخلاقك وبدينك فهذا الشيء الوحيد الذي يجعلهم يغيرون نظرتهم إليك

رزقك الله الصبر ورزق أسرتك الرفق




يا اختي الطفلة ما دارت والو والي اجي اكسلها كيما قالت وانت اتزيدي اتلومي عليها وتعطيلها فالمواعظ ياو كون جينا في بلد اجنبي كون العايلة هذي كلهم افوتو فوريال بتهمة التعذيب والجبيد مالشعر وانتهاك حقوق الانسان.
AMINA.Z
2012-09-30, 21:49
الحمد لله كي تهنيتي من اختك الصراحة
اما انتي اختي راهم قاعدين غير يفرغو في غشهم الليي بقا عليك الشيء اللي دارتو ختك ماهوش ساهل
نصيحة ابقاي عند خالتك فترة و بعدي على اشباه البشر اللي راكي عايشة معاهم
ماكالاه تتزوجي و انتي ماش مقتنعة
بقالك غير الصبر
ربي يهدينا و الله شعب تاع عنف و بعاد على الدين تاع الصح
ندرومة49
2012-09-30, 23:21
جا ليا جبدني من شعري وضربني جا عمي يسلك قالي وشبيك قتلو والو ماما قالت كيفاش هدا والو وختك مدايرة المداير ايا عمي ضربني بكف وزاد طلع لختي كسلها تاني انا زعفت وليت نبكي ولحد الان جسمي يسطر عليا جيت طالعة زاد خويا صرفقني بصقلة وشدني من شعري ومنعرف وش قال خملت قشي وداني خالي عند خالتي قعدت عندها معندهاش ولاد وراجلها خدام في ورقلة حكيتلها نخلعت وبقيت نبكي المهم ماما عيطت لدار خالتي وقالت بلي ختي خطبها صاحب خالي واش فرحت على خطراش راحة نتهنى منها وزدت فرحت كي قبلت ختي ايا رحت لدار لقيت خويا وبابا بابا قالي نلقاك برا نباصي عليك وخويا قالي ندبحك
وعمي قالي ندفنك حية وخالي قالي نكسرلك راسك وماما ياااااااااا ربي يجيك مكتوبك ونفك منكم


يا أختي ليل ليل مت بالضحك
مانعرف تحكي صح ولا واش
المهم أذا صح

تمنىلكم أن تنزل الرحمة في بيتكم وتكون نعم العائلة
الله يفرجها عليكم
اللهم آميين
**د لا ل**
2012-10-01, 11:01
ربي يصلح احوالكم اختي

اصبري فقط هاته الفترة وسيمر كل شيء على خير

وربي يفرج عنكم
سجل أنا جزائري
2012-10-01, 11:02
ma3lich akhti kolchi yfoot



asam7ili malgrés l'histoir ta3ak tghidh mais

asloub ta3ak li tra7tih dha7kni bazaf (malgros je suis pas bien ) 3adak asloub rwa3a

rabi yfaraj 3liik incha'allah w yfa7ak)
بنت الرّحّل
2012-10-01, 11:18
يا اختي الطفلة ما دارت والو والي اجي اكسلها كيما قالت وانت اتزيدي اتلومي عليها وتعطيلها فالمواعظ ياو كون جينا في بلد اجنبي كون العايلة هذي كلهم افوتو فوريال بتهمة التعذيب والجبيد مالشعر وانتهاك حقوق الانسان.

لا أفهم ما الفائدة من ذكر مشكلة لا يستفيد الإنسان من خطئه فيها :confused:

ولاحظ أنها ذكرت جملة فيها نوع ندم على إرادة الخير

مع أن الندم لا يجب أن يكون في هذا الأمر بالذات وإنما في كيفية تطبيقها لهذه الإرادة
لأنها تعجلت في الطريقة ولم تحسن تقدير عاقبة الأمور
قال أحدهم: إن بعض الرجال في داخلهم وحوش نائمة وأغبى الناس من قام بفعل يوقظ فيهم هذه الوحشية
والمؤمن كيّس فطن ...
ولما يعرف الإنسان خطأه بالضبط أين يكمن فإنه يستفيد في المستقبل لأن هذه النوعية من المشاكل قادمة لا محالة سواء كانت أما أو أختا أو زوجة

لا أظن أنها ستقول لن أريد الخيرولن أحل المشكلة

يعني في رأيك أدخل للمشكلة وأبين بأن هؤلاء القوم وحوش ،هي أصلا ليست بحاجة لهذا التعريف لأنها تعايشه

وإذا كان هذا النوع من الردود تعتبره مفيدا ... شأنك واعتبارك لا أحد عاب عليك أما المواعظ فأعتقد أنه لا غنى لمؤمن عنها

وإذا كانت لا تعجبك فولِ مدبرا ولا تعقّب ...

وفي الختام كل أملي الآن أن تعجبك الموعظة:1:


مع التحية أيها الفاضل
شيء من رجاء !
2012-10-01, 11:26
البداية كانت جيدة وكنت متعاطفة ، الآن اعتذر منك لكني لست مقتنعة بالقصة ، توجد أحداث غير منطقية ، وتطورات سريعة غير معقوة في القصة
jirardo
2012-10-01, 14:24
الله يعاونك أختي
جهل الوالدين
ربي يهديهم