تقدرو تجاوبوني

[soso sirin]

هو مجرد سؤال فقط و لكن اريد منكم اجابات صريحة و حقيقية.انستي هل ستخبرين خطيبك انك عضوة في منتدى الجلفة و ان كنت مخطوبة او متزوجة هل اخبرته و كيف كانت ردة فعله .هل اصبح يقرا ماذا تكتبين ام انه تجاهل الامر هل عقب على احد مشاركاتك او مواضيعك.سيدي لو اخبرتك خطيبتك انها تكتب في منتدى الجلفة كيف سيكون موقفك و هل ستبدا في متابعة ردودها و مواضيعها.

[شيء من رجاء !]

وهل الانتساب لمنتدى الجلفة أو غيره من المنتديات عيب ؟ العيب إلا العيب
أنا وفرت كل هذا العناء وكتبت باسمي مباشرة

شكرا سوسو رصيد الشكر انتهى

[الواثق]

لا ادري .......................سؤال خطير هههه

[SOUSOU. DZ]

دوكا نجاوبك مي على اختي مرة قالت لخطيبها مانيش عاقلة بظبط واش جبدها في الموضوعالمهم على اساس راهي ترد على شباب في موضيعهم ويتطرأ لنقاش ايا منعاها قالها مرة اخرى يعجبك تفكيرو وهو يعجبو تفكيرك و و و وايا دوكا بطلت راهي لاصقة غير في منتدى العرائس قبل كانت هنا تنقاش العضاء منهم اخ الواثق وعبدو مسلم سن على مااظن المهم اعضاء القداما .............. اما انا والله واش نكتب نقولها الباب اما موضوع نوريه لبابا وعلى بالو بكلشي انا لي يهمني بابا مزال

وانتي سوسو جاوبي على موضوعك

[soso sirin]

وهل الانتساب لمنتدى الجلفة أو غيره من المنتديات عيب ؟ العيب إلا العيب
أنا وفرت كل هذا العناء وكتبت باسمي مباشرة

شكرا سوسو رصيد الشكر انتهى
هو ماشي عيب لا هنا و لا في منتدى وخدخر و لا حتا تكون فاتحة اي حاجة وخدخرى لانو عارفة روحي مليح و عارفة واش راني نكتب و مايهمنيش انو اي واحد في الواقع يعرفني مي كون تكوني متزوجة رجاء و راجلك يقلك راني مشارك في منتدى تولي تشوفي واش يكتب و لا لالا

[الواثق]

دوكا نجاوبك مي على اختي مرة قالت لخطيبها مانيش عاقلة بظبط واش جبدها في الموضوعالمهم على اساس راهي ترد على شباب في موضيعهم ويتطرأ لنقاش ايا منعاها قالها مرة اخرى يعجبك تفكيرو وهو يعجبو تفكيرك و و و وايا دوكا بطلت راهي لاصقة غير في منتدى العرائس قبل كانت هنا تنقاش العضاء منهم اخ الواثق وعبدو مسلم سن على مااظن المهم اعضاء القداما .............. اما انا والله واش نكتب نقولها الباب اما موضوع نوريه لبابا وعلى بالو بكلشي انا لي يهمني بابا مزال

وانتي سوسو جاوبي على موضوعك

اختك ؟؟؟؟.........اول مرة اعرف هذا ...............حقيقة خطيبتي لو تكون هنا سامنعها ليس لمحظور بل لانها ستلتصق بالجهاز واذا ارادت ان تمنعني فسأطيعها بل ساكرمها على ذلك فانا اريد الخلاص كذلك ................

[soso sirin]

لا ادري .......................سؤال خطير هههه
لانو سؤال خطير امالا جاوبنا الواثق ههههههه رانا نستناو في الاجابة راه سؤال اجباري

[شيء من رجاء !]

هو ماشي عيب لا هنا و لا في منتدى وخدخر و لا حتا تكون فاتحة اي حاجة وخدخرى لانو عارفة روحي مليح و عارفة واش راني نكتب و مايهمنيش انو اي واحد في الواقع يعرفني مي كون تكوني متزوجة رجاء و راجلك يقلك راني مشارك في منتدى تولي تشوفي واش يكتب و لا لالا

زوجي ؟ أكيدأتابع ما يكتب ، مدام زوجي أكيد سأكون معجبة بأفكاره وأحب الاطلاع عليها وقد أساعده ، ونوفروا نعملوا معرف مشترك :rolleyes:

[soso sirin]

دوكا نجاوبك مي على اختي مرة قالت لخطيبها مانيش عاقلة بظبط واش جبدها في الموضوعالمهم على اساس راهي ترد على شباب في موضيعهم ويتطرأ لنقاش ايا منعاها قالها مرة اخرى يعجبك تفكيرو وهو يعجبو تفكيرك و و و وايا دوكا بطلت راهي لاصقة غير في منتدى العرائس قبل كانت هنا تنقاش العضاء منهم اخ الواثق وعبدو مسلم سن على مااظن المهم اعضاء القداما .............. اما انا والله واش نكتب نقولها الباب اما موضوع نوريه لبابا وعلى بالو بكلشي انا لي يهمني بابا مزال

وانتي سوسو جاوبي على موضوعك
اسماء سمحيلي مابغاتش تتفتح راني غير نسيي معاها هم نيشان.نجاوبك علاه لالا .شوفي انا نهار سجلت فيه هدرت و شحال من مرة نهدر على المواضيع و ناسهم تقول نعرفهم في الواقع.و على خواتي عارفين بنات و رجال وحد النهار خويا واقف على راسي و انا نكتب في رد قالي هذا واش قتلو منتدى قالي شحال نكره المنتديات و انتي شكون قالك شكون هاذو الناس قتلو في قلبي حتا انا ماقتلكش بغيهم ههههه و منبعد قتلو شوف انا راني نهدر و نكتب في مواضيع واش دخلني واش يكونو و لا كيفاش دايرين انا المهم يهدرو معايا مليح و يكونو سوكارجية في الواقع.و عليه هو شوفي على حسابو هو اذا كان خاطيه نت مانهدرلوش كامل خيرمن يحسب المنتدى هذا حاجة خاطية ههههههههه.اما اذا كان عندو علاقة معاها نهدرلو بطريقة غير مباشرة و الشك تاع ثمانين بالمية نقولو و نخليها على ربي و نقلو ادخل و شوف و اذا كتب ربي و تخطبت و ماصبتينيش هنا عرفيه بلي هو قالي ماتزيديش تدخلي و تم ماعندي ماندير هههههههههه

[soso sirin]

اختك ؟؟؟؟.........اول مرة اعرف هذا ...............حقيقة خطيبتي لو تكون هنا سامنعها ليس لمحظور بل لانها ستلتصق بالجهاز واذا ارادت ان تمنعني فسأطيعها بل ساكرمها على ذلك فانا اريد الخلاص كذلك ................
و اذا كانت مدمنة خليها غير ساعة برك و هي تخليك ساعة و هي فرات

[soso sirin]

زوجي ؟ أكيدأتابع ما يكتب ، مدام زوجي أكيد سأكون معجبة بأفكاره وأحب الاطلاع عليها وقد أساعده ، ونوفروا نعملوا معرف مشترك :rolleyes:
يا رجاء هذا ذكاء منك انو ديرو معرف واحد ههههههههو تبقى المراة الجزائرية ذكية جدا .هاذي فكرة شابة و هكا هو و انتي للزوج تتهناو

[الواثق]

و اذا كانت مدمنة خليها غير ساعة برك و هي تخليك ساعة و هي فرات

اظنها ستترك المنتدى كلية فستجد في البيت كل الاقسام قسم المجتمع قسم المواضيع العامة قسم التعليم قسم الرياضة قسم الكتب القسم الاسلامي ...................حتى قسم مشكلتي هههه...................وزادها في الجلفة

[اسلام انس]

هو مجرد سؤال فقط و لكن اريد منكم اجابات صريحة و حقيقية.انستي هل ستخبرين خطيبك انك عضوة في منتدى الجلفة و ان كنت مخطوبة او متزوجة هل اخبرته و كيف كانت ردة فعله .هل اصبح يقرا ماذا تكتبين ام انه تجاهل الامر هل عقب على احد مشاركاتك او مواضيعك.سيدي لو اخبرتك خطيبتك انها تكتب في منتدى الجلفة كيف سيكون موقفك و هل ستبدا في متابعة ردودها و مواضيعها.

اذا كانت خطيبتي تكتب في المنتدى....يجب ان تتوقف هذا كل شيء وليا بغات تكتب تكتب ليا انا والاولاد نتاعها انشاء الله وتكتب في الكوزينة نتاعها.............

[salam algeria]

شكرا اختي على الموضوع انا قلت لراجلي اني ندخل للمنتدى خاصة لغرفة المغتربات و الطبخ و اشياء خاصة بالمراة و من بعد دخلت هنا نقرا المشاكل الاجتماعية و ماكنتش نرد ومن بعد ظهرتلي نرد يخي ما رانيش ندير حاجة مش مليحة و مرات نحكيلو على حوايج هنا و نطلب رايو هو لكن ما حكيناش بمنتهى الصراحة في الرد على مواضيع الشباب لكن راكي ولهتيني اختي ربي يجازيك

[salam algeria]

تعرفي اختي انا اصلا كنت نظن عادي لكن كي تكلمتي على الموضوع تهزيت و الله راكي ولهتيني حاسة بلي راني خدعتو خاصة اني ما نيش قادرة نقولو درك و انا دايما عندي مبدا انو الشيء لي نخاف الناس يعرفوه عليا راه غالط الا طبعا في حالات

[soso sirin]

اظنها ستترك المنتدى كلية فستجد في البيت كل الاقسام قسم المجتمع قسم المواضيع العامة قسم التعليم قسم الرياضة قسم الكتب القسم الاسلامي ...................حتى قسم مشكلتي هههه...................وزادها في الجلفة
ههههههههههههههه في ذي عندك الصح .في الديار راهم كاين الاقسام كامل ركزلي بزاف على القسم الي رانا فيه راه داير حالة

[soso sirin]

اذا كانت خطيبتي تكتب في المنتدى....يجب ان تتوقف هذا كل شيء وليا بغات تكتب تكتب ليا انا والاولاد نتاعها انشاء الله وتكتب في الكوزينة نتاعها.............
هي في الكوزينة باينة راح تكتب و راح تولي تشعر ديجا تكتبلكم دواوين من الشعر.مي علاه لازم تحبس واش هي الاسباب نقدرو نعرفو

[soso sirin]

تعرفي اختي انا اصلا كنت نظن عادي لكن كي تكلمتي على الموضوع تهزيت و الله راكي ولهتيني حاسة بلي راني خدعتو خاصة اني ما نيش قادرة نقولو درك و انا دايما عندي مبدا انو الشيء لي نخاف الناس يعرفوه عليا راه غالط الا طبعا في حالات
نيشان يا سلمى انا هاذا الي بغيت نوصل ليه كي كتبت الموضوع هي كون نجو نشوفو ماناش نديرو في حاجة انوغمال مي مادام الوحدا ماتقدرش تقولو نيشان امالا كاين حاجة ماهيش نيشان في الموضوع و انا الصح مانبغيش نكذب لانو مادامني راح مانقولوش امالا راني كذبت عليه.مي هي كون تجي تخممليها تخافي كي تقوليلو ديري مشكل كبير الاولى يقلك كذبتي عليا الزاوجة تخافي يكبر الموضوع و يقلك راكي تهدري مع ليجان.انا بغيت نعرف الرجال كيفاه يخممو في الموضوع و كيفاه راهم يشوفو فيه. استناي سلمى اعرفي كيفاه تهدري معاه تاني تولي تدعي عليا كون تتناقري معاه لا قدر الله

[اسلام انس]

هي في الكوزينة باينة راح تكتب و راح تولي تشعر ديجا تكتبلكم دواوين من الشعر.مي علاه لازم تحبس واش هي الاسباب نقدرو نعرفو

لا توجد اسباب .......وانما انا منتداها وهي منتدايا.....حتى انا نقلل من الكتابة في المنتدى......ان لم اقل نتوقف

وليست هناك اسباب....هكذا عقلي راه يقولي......والمنطق....على ما اظن

[soso sirin]

لا توجد اسباب .......وانما انا منتداها وهي منتدايا.....حتى انا نقلل من الكتابة في المنتدى......ان لم اقل نتوقف

وليست هناك اسباب....هكذا عقلي راه يقولي......والمنطق....على ما اظن
عقلك نقلك عندك الحق يقلك واش بغى مي المنطق والله ماعلابالي اذا راه يقول هكا و لا لالا.خلاص لما تقلها ماتدخليش ليه امالا من المفروض انت تاني ماتدخلش هكا باه ماتكونش استعملت معاها سياسة تعسفية بحكم انك رجل.و لا فتحو منتدى جديد اسمو منتديات بن عمير .

[soso sirin]

بعد ماشفت رد الواثق و بن عمير امالا هناك احتمال انو ممكن بعد مدة عام و لا عامين المنتدى راح يخسر اعضاء و عضوات

[knives55]

شيئ عادي اتقبل أمر بكل جلفوية لا بلأخطبها مرة ثانية .......... لكن لن أخبرها بأني انا أكتب في المنتدي لكي لا تقرعج عليا ههههه

[محمد...عبد النور]

السلام عليكم أختي الكريمة سوسو سيرين
لو ان لي خطيبة و أخبرها بأن لي عضوية في الجلفة متأكد 1000/100 أنها ستتابع كل كلمة أكتبها الا اذا ماكانش عندها النت ههههههههههههه و ممكن تناقشني في اي كلمة ما تجيش على مزاجها و تكون كيفاش و علاش و شكون لي رد عليك و شكون لي ضحك معاك و شكون لشكرك ...ههههههههههههههه
لكن ليس لي اشكالية ان أخبرها و أخبرها بأن لي عضويات 3 أكتب بها عضوية اساسية و اثنتان عرضيتان فكلها متشابهة و اصلا ممكن واقعيا قد تعرفني فيكفيها الواقع عن عالم افتراضي
شكرا لموضوعك و جزيتي كل خير
ســــــــــــــــــــــــــــــــلام

[خولة لبابة]

نعم سأخبر خطيبي أنني عضوة في منتدى الجلفة......و اذا لم يعجبه الحال .......سأتخلى عن المنتدى.......و اذا كان زوجي عضو هنا في منتدى الجلفة......فأني كذالك سأمنعه من الدخول...........و الله أعلم......

[morad81]

بصراحة هو أنك تحاسب على من اليوم اللي بديت فيه ....واذا كانت مشاركة في منتدى المهم أنها ما عندهاش كونتاكت ديراكت مع الأعضاء هذا بحكم أنني مشترك ونعرف كيفاش راهي الحالة .....

لكن كلشي ربي يسترو و اذا حبيت انك تلقى اللي كامل ما دارتش اللي ما دار الياسر يدير لقليل .......المنتدى خير من حوايج وحدخرة.......ربي يهدينا ويسخر لينا من بعد الزواج ........

[SOUSOU. DZ]

اختك ؟؟؟؟.........اول مرة اعرف هذا ...............حقيقة خطيبتي لو تكون هنا سامنعها ليس لمحظور بل لانها ستلتصق بالجهاز واذا ارادت ان تمنعني فسأطيعها بل ساكرمها على ذلك فانا اريد الخلاص كذلك ................
نعم اخي الواثق عندي اختي هنا مسجل في المنتدى وكنت اعمل بعضويتها عندما كنت محضور واظن راهي شارك في موضوع الرجل وامرأة حوس عليها وادا لقيتها باين اختي خبرني

ايا مليح دوكا نولي ندعيلك ربي يزقك بفتاة لي تبعد على الميكرو ادا ماكنش هي اكتر منك لاصقة فيه

[خولة لبابة]

لقد عرفتها أختي سوسو...........لكن لن اقول ..............سنرى الأخ الواثق اذا كان شاطر.........وفقكم الله......

[soha1987]

شكرا ياسوسو على الموضوع
انا نقلك الصح خاوتي ماعلابالهومش وكي يلقاوني لاصقة فالميكرو يحيرو يقولولي واش راكي ديري نقولهم راني نحوس على حوايج نتاع الخدمة ولا لقراية ولا القاطو المهم نقولهم حاجة لانو كون يعرفو بلي ناقش ونرد فالمواضيع يبيعو الميكرو ههههههه خاوتي مزيرين بزاف وعلى خطيبي مانقولو ماوالو لانو كي نتخطب ان شاء الله انا نحبس ديراكت بلا مايقولي لانو ربما يفهمها خيانة

[الواثق]

نعم اخي الواثق عندي اختي هنا مسجل في المنتدى وكنت اعمل بعضويتها عندما كنت محضور واظن راهي شارك في موضوع الرجل وامرأة حوس عليها وادا لقيتها باين اختي خبرني

ايا مليح دوكا نولي ندعيلك ربي يزقك بفتاة لي تبعد على الميكرو ادا ماكنش هي اكتر منك لاصقة فيه

لقد عرفتها أختي سوسو...........لكن لن اقول ..............سنرى الأخ الواثق اذا كان شاطر.........وفقكم الله......

خلاص عرفتها .***امونة ***............اول مرة اتعرض لاخت مع اختها ..................شيء جميل .................

وبصراحة انا حاير في هذه الانترنت كيف اتصرف معها .............لهذا سانزعها كلية ...............او كما قالت الاخت عندها ساعة في النهار

حتى انا لن استعملها لكي لاتقول اني حرمتها هي فقط فانا كذلك ساحرم نفسي ونكون متساويين

[الواثق]

بعد ماشفت رد الواثق و بن عمير امالا هناك احتمال انو ممكن بعد مدة عام و لا عامين المنتدى راح يخسر اعضاء و عضوات
اكييييييد ...................وربي يوفقنا ان شاء الله لنترك الصرح لمن يخلفنا

[خولة لبابة]

خلاص عرفتها .***امونة ***............اول مرة اتعرض لاخت مع اختها ..................شيء جميل .................

وبصراحة انا حاير في هذه الانترنت كيف اتصرف معها .............لهذا سانزعها كلية ...............او كما قالت الاخت عندها ساعة في النهار

حتى انا لن استعملها لكي لاتقول اني حرمتها هي فقط فانا كذلك ساحرم نفسي ونكون متساويين
اجابة صحيحة 20/20.........
نعم..........اذا منعتها أنت من الدخول الى المنتدى.......فهي كذالك ستمنعك........ربي يوفقك.....مع الواثقة......

[SOUSOU. DZ]

خلاص عرفتها .***امونة ***............اول مرة اتعرض لاخت مع اختها ..................شيء جميل .................

وبصراحة انا حاير في هذه الانترنت كيف اتصرف معها .............لهذا سانزعها كلية ...............او كما قالت الاخت عندها ساعة في النهار

حتى انا لن استعملها لكي لاتقول اني حرمتها هي فقط فانا كذلك ساحرم نفسي ونكون متساويين

اااااااااااااوه قافز خويا الواثق وي هاديك هي اختي تعرفها من قبل ولا اول مرة والله واش يصرا في المنتدى نقللها و و و

وزيد راهي كانت تقرأ معايا في رد هدا ونزيدلك لافامي كامل راهي هنا ادا حبيت نعرفك بيهم


وي هكدا مليح وان شاء الله تجي الواثقة صعيبة هكدا تتغلب عليك وتنحيلك النت كيما تنحلها تلفاز

لقد عرفتها أختي سوسو...........لكن لن اقول ..............سنرى الأخ الواثق اذا كان شاطر.........وفقكم الله......

اممممممممممم على بالي بيك شاطرة ياشاطرة ....... اه صحيح اخي فلال وقتاش تبد القرايا ديالك يعني الجامعة

[خولة لبابة]

اممممممممممم على بالي بيك شاطرة ياشاطرة ....... اه صحيح اخي فلال وقتاش تبد القرايا ديالك يعني الجامعة
الله اعلم ......فلقد ذهبت مرة .....وجدت اضراب.....فلم ارجع بعدها.....كون المدينة بعيدة قليلا عنّا......ربما بعد 10 ايام....
شكرا ..........

[شيء من رجاء !]

لا أدري لماذا سياسة أمنعه ويمنعني ..
هل أفهم أن وجود كل شخص هنا غرضه تضييع الوقت ؟ أم البحث عن منفعة و غيره من الأمور ؟
فإذا كان دخل لهدف أو فكرة معينة ، لا أظن أن هذا الهدف سيتغير أو الفكرة تنتهي .
وسواء كان العضو عازب أو زوج ، لا أظن إن كان له عمل سيتركه ويجلس في المنتدى , وعليه يحتاج ترشيد استعمال وقته .
الزواج ليس غاية عندما نصل إليها نلغي كل شيء ، بل وسيلة تعين الفرد على الانطلاق والمضيي قدما .
وعليه لا أعتقد أنه من الحكمة أن يرجع المرء للزمن البدائي لأنه تزوج ن فالانترنت في كل بيت ، ووجودها ليس تقليدا بقدر ماهو قضاء حاجة .

[سعاذ]

السلام عليكم
انا رايحا نقولوا بصح مانقلوش على اسم عضويتي نخليه هو يكتشفها و حدوا و انا تاني لازم نعرف عضويتوا بلا مايقولي عليها (خاطر رايحا نعرف واش من اقسام لي يميل ليها و هنيا ساهل باش نجبد عضويتوا ) و رايحا نهار كامل و انا نعس فيه كل زلقة بفلقة خاطر انا غيارة بزاف و بيناتنا انا تاني لازم نعس روحي و هذا واش بديت نديروا(خطرا قريت موضوع تاع احد الاخوة و ولهني لحوايج بزاف كنت انا نديرهم بحسن نية بصح ممكن كاين لي يفهمهم بالنقص و كذالك اخت عزيزة عليا بزاف في هذا القسم استفدت منها بزاف ربي يجازيهم كل خير )
وجابلي ربي مع الوقت رايحا نقص دخولي للانترنات خاطر ماريحش يكون عندي الوقت كيما دوك
دمتم في رعاية الله و حفظه

[الواثق]

لا أدري لماذا سياسة أمنعه ويمنعني ..
هل أفهم أن وجود كل شخص هنا غرضه تضييع الوقت ؟ أم البحث عن منفعة و غيره من الأمور ؟
فإذا كان دخل لهدف أو فكرة معينة ، لا أظن أن هذا الهدف سيتغير أو الفكرة تنتهي .
وسواء كان العضو عازب أو زوج ، لا أظن إن كان له عمل سيتركه ويجلس في المنتدى , وعليه يحتاج ترشيد استعمال وقته .
الزواج ليس غاية عندما نصل إليها نلغي كل شيء ، بل وسيلة تعين الفرد على الانطلاق والمضيي قدما .
وعليه لا أعتقد أنه من الحكمة أن يرجع المرء للزمن البدائي لأنه تزوج ن فالانترنت في كل بيت ، ووجودها ليس تقليدا بقدر ماهو قضاء حاجة .



هو كل ماقلتيه صحيح ..........لكن تبقى حساسية نوعا ما .........لهذا الابتعاد افضل ...............انا لاانفي ان المنتدى رائع جدا للكثير وللكثيرا ولقد استفاد منه الكثير بل كان في كثير من المرات سببا لاستقامة البعض ...............كل مافي الامر هي غيرة ربما مفرطة لكن هذي الكاينة هه

كما اني لا اخاف من زوجتي بل اخاف عليها ..............واظن انك فهمتني

[الواثق]

اجابة صحيحة 20/20.........
نعم..........اذا منعتها أنت من الدخول الى المنتدى.......فهي كذالك ستمنعك........ربي يوفقك.....مع الواثقة......

لها ماتريد ولا اقول منعتني بل اقول انقذتني .........................فمثلا لما ياتيني اخي وينهرني ويصرخ في وجهي من اجل شيء ما أقول له راك تعزني كامل كيما هاك ........فيزيد غضبه فيقول لي انا لا امزح معك هههه

وارجو من الزوجات ان يفهمو من ازواجهم الامر الايجابي فلربما يقسو عليكي او يمنعكي من مشاهدة كذا او حضور كذا فهو يخاف عليكي ويغار عليك وهذا تعبيره الوحيد عن الخوف والغيرة .......................افلا تفرحون بذلك ؟؟؟

بالنسبة لدعائك اللهم اميـــــــــــن

[الواثق]

اااااااااااااوه قافز خويا الواثق وي هاديك هي اختي تعرفها من قبل ولا اول مرة والله واش يصرا في المنتدى نقللها و و و

وزيد راهي كانت تقرأ معايا في رد هدا ونزيدلك لافامي كامل راهي هنا ادا حبيت نعرفك بيهم


وي هكدا مليح وان شاء الله تجي الواثقة صعيبة هكدا تتغلب عليك وتنحيلك النت كيما تنحلها تلفاز



اممممممممممم على بالي بيك شاطرة ياشاطرة ....... اه صحيح اخي فلال وقتاش تبد القرايا ديالك يعني الجامعة

الله يبارك ............لو تعرفينا بالاب بلاك نقنعوه بافكارنا فيمنع عنكن التلفاز والعمل ويجبركن على الجلباب والنقاب والقفازين .هههههه.............


وممكن هو يقنعني ههه
...

[شيء من رجاء !]

هو كل ماقلتيه صحيح ..........لكن تبقى حساسية نوعا ما .........لهذا الابتعاد افضل ...............انا لاانفي ان المنتدى رائع جدا للكثير وللكثيرا ولقد استفاد منه الكثير بل كان في كثير من المرات سببا لاستقامة البعض ...............كل مافي الامر هي غيرة ربما مفرطة لكن هذي الكاينة هه

كما اني لا اخاف من زوجتي بل اخاف عليها ..............واظن انك فهمتني

لهذا قلت معرف مشترك ، مدام الغرض تحصيل الفائدة ، فلا يهم إن شاركت بمعرفها أو بمعرف زوجها . وسواء تعلق الأمر بهذا المنتدى أو غيره الأنترنت لها فوائد كثيرة لمن أراد ، فليس من اللائق أن يعزل الفرد نفسه عن العالم .
لذلك بالنسبة لي سأتركه وشأنه على أن أكون شريكته في الرؤية والمتابعة والمشاركة يعني أمام عيني ، و يسثنى وقت الليل طبعا , كنت في أحد المواقع وأرى اعضاء متزوجين يسهرون لوقت متأخر من الليل ، قلت في نفسي ويله إن حاول فعل هذا سيرى ما لا يتوقع :rolleyes:

[الواثق]

لهذا قلت معرف مشترك ، مدام الغرض تحصيل الفائدة ، فلا يهم إن شاركت بمعرفها أو بمعرف زوجها . وسواء تعلق الأمر بهذا المنتدى أو غيره الأنترنت لها فوائد كثيرة لمن أراد ، فليس من اللائق أن يعزل الفرد نفسه عن العالم .
لذلك بالنسبة لي سأتركه وشأنه على أن أكون شريكته في الرؤية والمتابعة والمشاركة يعني أمام عيني ، و يسثنى وقت الليل طبعا , كنت في أحد المواقع وأرى اعضاء متزوجين يسهرون لوقت متأخر من الليل ، قلت في نفسي ويله إن حاول فعل هذا سيرى ما لا يتوقع :rolleyes:

نعم شيء جميل ان يكون الزوج يشارك وزوجته في المتابعة ...........اما قضية متزوجين ويسهرون فيكون اخذها لبيت اهلها ههه هذا مكان

[شيء من رجاء !]

نعم شيء جميل ان يكون الزوج يشارك وزوجته في المتابعة ...........اما قضية متزوجين ويسهرون فيكون اخذها لبيت اهلها ههه هذا مكان

لا غالبا هو / هم من يسهرون ، وعلى هي أن تقوم بردعه ، طبعا لن ترسله لبيت أهله ، لكن لديها أساليبها :)

[عبد الله 31]

الله المستعان

[الواثق]

الله المستعان

صبرا جميلا والله المستعان ............لم نسمع رأيك في الموضوع.................ماشي تكتبلي شعر راني نردلك بقصيدة

[عبد الله 31]

صبرا جميلا والله المستعان ............لم نسمع رأيك في الموضوع.................ماشي تكتبلي شعر راني نردلك بقصيدة
السلام عليكم ورحمة الله وبركاته
انت اكثر واحد يعرف رايي في الموضوع واظن كل الاعضاء عارفين رايي
لا تسقــني ماء الحيــاة بــذلة *****بل فاسقني بالعز كأس الحنظل

ومن لا يذد عن حوضه بسلاحه **** يهدم ومن لا يظلم الناس يظلم


وليس مَلامِي عَلَى مَنْ وشَى******* ولكنْ ملامي عَلَى مَنْ وَعَى



الله المستعان اخي

[الواثق]

السلام عليكم ورحمة الله وبركاته
انت اكثر واحد يعرف رايي في الموضوع واظن كل الاعضاء عارفين رايي
لا تسقــني ماء الحيــاة بــذلة *****بل فاسقني بالعز كأس الحنظل

ومن لا يذد عن حوضه بسلاحه **** يهدم ومن لا يظلم الناس يظلم


وليس مَلامِي عَلَى مَنْ وشَى******* ولكنْ ملامي عَلَى مَنْ وَعَى



الله المستعان اخي





اهديتك توقيعي

لنا جلـساءُ مـا نــمَلُّ حـدِيثَهم *** ألِبَّاءُ مأمونون غيبًا ومشهدا
يُفيدوننا مِن عِلمهم علمَ ما مضى*** وعقلًا وتأديبًا ورأيا مُسدَّدا
بلا فتنةٍ تُخْشَى ولا سـوء عِشرَةٍ *** ولا يُتَّقَى منهم لسانًا ولا يدا
فإن قُلْتَ أمـواتٌ فلـستَ بكاذبٍ *** وإن قُلْتَ أحياءٌ فلستَ مُفَنّدا

[SOUSOU. DZ]

الله يبارك ............لو تعرفينا بالاب بلاك نقنعوه بافكارنا فيمنع عنكن التلفاز والعمل ويجبركن على الجلباب والنقاب والقفازين .هههههه.............


وممكن هو يقنعني ههه
...

يبارك فيك خويا ............ اه اوي ان شاء الله نعرفك بيه ................. مي الحمد والله العظيم ديما نحكي انا واختي عليكم وعلى افكاركم يعني ادا تعرفت بيه راه عندو نظر على تفكيركم ................. والحمد على تلفاز داير فينا ثيقة ونزيدلك الوالدة من كنا الصغار كي تلقانا نتفرجو في حاجة ماشي مليحة مثال اغنية تعطينا بواحد الشوفة تقول القيامة قامت وتعودنا على ديك شوفة بلا ضرب او عياط غير بالغزرة تربينا ............ اما على العمل من كنا صغار والديا يدععولنا ان يوفقنا ونكون ناجحين في حيتنا العلمية والعملية وننفعو بيها غيرنا مثل دوكا اختي طبيبة و لااخرى استادة ........... اما على الباس وكيما قتلك يما كامل عودتنا على كلشي ولباس داخل مع تربية المشاهدة في تلفاز اشياء النظيفة ........ والسلام عليكم

[الواثق]

يبارك فيك خويا ............ اه اوي ان شاء الله نعرفك بيه ................. مي الحمد والله العظيم ديما نحكي انا واختي عليكم وعلى افكاركم يعني ادا تعرفت بيه راه عندو نظر على تفكيركم ................. والحمد على تلفاز داير فينا ثيقة ونزيدلك الوالدة من كنا الصغار كي تلقانا نتفرجو في حاجة ماشي مليحة مثال اغنية تعطينا بواحد الشوفة تقول القيامة قامت وتعودنا على ديك شوفة بلا ضرب او عياط غير بالغزرة تربينا ............ اما على العمل من كنا صغار والديا يدععولنا ان يوفقنا ونكون ناجحين في حيتنا العلمية والعملية وننفعو بيها غيرنا مثل دوكا اختي طبيبة و لااخرى استادة ........... اما على الباس وكيما قتلك يما كامل عودتنا على كلشي ولباس داخل مع تربية المشاهدة في تلفاز اشياء النظيفة ........ والسلام عليكم

لا تأخذي كلامي محمل الجد ............فانا لا اتدخل في امور لاتخصني ..............وحفظ الله االوالد والوالدة وجعلكم بارين بهم

كما اني لست بعقلية المنع ............فكل مافي الامر ان الدنيا حلالها بين وحرامها بين .........ولكن هناك متشابهات كان الاجدر بنا ان نتقيها حتى نسلم ..............والتقوى هنا تأخذ الى المنع ان صح التعبير ....................

وفقكم الله اختي وكل الاهل لخير الدنيا والاخرة

[djeriou]

الأخوات على العموم في منتدى الجلفة على قدر كبير من الأخلاق و العقل، و أنا أتمنى أن يرزقني ربي بواحدة من أمثالهن...

بارك الله فيهن...

[السي محمد]

لازم كل وحدة تعرف واش تكتب

و كل واحد يراقب نفسه ماذا يكتب

و الافضل ان نبتعد قدر الامكان عن ذكر الامور الخاصة

بالاسم و اللقب و السكن و العمل و السن و الجامعة

خصوصا الاخوات

[عبد الله 31]

لازم كل وحدة تعرف واش تكتب

و كل واحد يراقب نفسه ماذا يكتب

و الافضل ان نبتعد قدر الامكان عن ذكر الامور الخاصة

بالاسم و اللقب و السكن و العمل و السن و الجامعة

خصوصا الاخوات
جزاكم الله خيرا
وبارك الله فيك

[عبد الله 31]

اهديتك توقيعي

لنا جلـساءُ مـا نــمَلُّ حـدِيثَهم *** ألِبَّاءُ مأمونون غيبًا ومشهدا
يُفيدوننا مِن عِلمهم علمَ ما مضى*** وعقلًا وتأديبًا ورأيا مُسدَّدا
بلا فتنةٍ تُخْشَى ولا سـوء عِشرَةٍ *** ولا يُتَّقَى منهم لسانًا ولا يدا
فإن قُلْتَ أمـواتٌ فلـستَ بكاذبٍ *** وإن قُلْتَ أحياءٌ فلستَ مُفَنّدا
أحب من الأخـوان كـل مواتـى*وكل غضيض الطرف عن عثراتي
يوافقني فـي كـل أمـر أريـده*ويحفظنـي حيـاً وبعـد مماتـي
فمن لي بهذا ؟ ليت أنـي أصبتـه*لقاسمته ما لـي مـن الحسنـات
تصفحت إخوانـي فكـان أقلهـم*على كثرة الإخوان أهـل ثقاتـي

[SOUSOU. DZ]

الأخوات على العموم في منتدى الجلفة على قدر كبير من الأخلاق و العقل، و أنا أتمنى أن يرزقني ربي بواحدة من أمثالهن...

بارك الله فيهن...

الحمد الله ربي يكمل هكدا

وفيك برك

لازم كل وحدة تعرف واش تكتب

و كل واحد يراقب نفسه ماذا يكتب

و الافضل ان نبتعد قدر الامكان عن ذكر الامور الخاصة

بالاسم و اللقب و السكن و العمل و السن و الجامعة

خصوصا الاخوات

وي اخي محمد عندك الحق

لا تأخذي كلامي محمل الجد ............فانا لا اتدخل في امور لاتخصني ..............وحفظ الله االوالد والوالدة وجعلكم بارين بهم

كما اني لست بعقلية المنع ............فكل مافي الامر ان الدنيا حلالها بين وحرامها بين .........ولكن هناك متشابهات كان الاجدر بنا ان نتقيها حتى نسلم ..............والتقوى هنا تأخذ الى المنع ان صح التعبير ....................

وفقكم الله اختي وكل الاهل لخير الدنيا والاخرة

بـــــــــــــــارك الله فيك .............. اللهم ماامين يارب

[soso sirin]

لازم كل وحدة تعرف واش تكتب

و كل واحد يراقب نفسه ماذا يكتب

و الافضل ان نبتعد قدر الامكان عن ذكر الامور الخاصة

بالاسم و اللقب و السكن و العمل و السن و الجامعة

خصوصا الاخوات

امالا لازم انا ندير كونترول على روحي ههههههه مي علاه مادام عارفة واش نكتب و كون يعرفوني واش فيها المهم الوحدا تحترم روحها و ماتخلطش في الكلام و هذا هو الصح .

[السي محمد]

جزاكم الله خيرا
وبارك الله فيك


و فيك بركة اخي

[السي محمد]

امالا لازم انا ندير كونترول على روحي ههههههه مي علاه مادام عارفة واش نكتب و كون يعرفوني واش فيها المهم الوحدا تحترم روحها و ماتخلطش في الكلام و هذا هو الصح .


انا رأيت اسمك الحقيقي مكتوب

ولكن اتعمد مناداتك بسيرين

واعرف اسم الحقيقي لاختنا مريم الصابرة

و لكني اتعمد مناداتها بمريم

لغاية في نفسي

ربما اختنا مريم بسبب ظروفها كانت مضطرة تضع معلومات خاصة عنها

ولكن البقية لا و لا و لا



نعم لازم تراجعي نفسك يا اختي

و انا اقصد جيدا هذه العبارة لازم تراجعي نفسك

الآلاف يقرؤون ما يُكتب هُنا

و اغلبهم من الزوار و ليس الاعضاء فقط

[soso sirin]

انا رأيت اسمك الحقيقي مكتوب

ولكن اتعمد مناداتك بسيرين

واعرف اسم الحقيقي لاختنا مريم الصابرة

و لكني اتعمد مناداتها بمريم

لغاية في نفسي

ربما اختنا مريم بسبب ظروفها كانت مضطرة تضع معلومات خاصة عنها

ولكن البقية لا و لا و لا



نعم لازم تراجعي نفسك يا اختي

و انا اقصد جيدا هذه العبارة لازم تراجعي نفسك

الآلاف يقرؤون ما يُكتب هُنا

و اغلبهم من الزوار و ليس الاعضاء فقط

ان شاء الله رايحة نديها نصيحة مادامك عاودت لازم تراجعي نفسك مرتين امالا راني نسيت روحي شوية .صحيت خويا السي محمد و راني رايحة ندير كونترول روحي مرات ننسى انو رانا في منتدى و انو ممكن كاين ناس مرضى نفسيين .الشي الي قلتو راح نولي نخدم بيه ان شاء الله

[sarl02]

والله يا الشلفاوية هذه اديرنا غير المشاكل واجيب وحد المواضيع ....

[النجمة القطبية]

واين المشكل لما اخبره
بطبيعة الحال سيعرف عنى كل شئ

[اسعى لرضى الله]

نقولو نورمال الحمد لله حاكمة قدري ولا بغا حتى نمدلو المود باس هههه مشي مشكل

[السي محمد]

شكرا لك اختي سيرين ان شاء الله ما زعفتيش او انعجتي من كلامي



ربي يحفظك

[مريم الصابرة]

انا رأيت اسمك الحقيقي مكتوب

ولكن اتعمد مناداتك بسيرين

واعرف اسم الحقيقي لاختنا مريم الصابرة

و لكني اتعمد مناداتها بمريم

لغاية في نفسي

ربما اختنا مريم بسبب ظروفها كانت مضطرة تضع معلومات خاصة عنها

ولكن البقية لا و لا و لا



نعم لازم تراجعي نفسك يا اختي

و انا اقصد جيدا هذه العبارة لازم تراجعي نفسك

الآلاف يقرؤون ما يُكتب هُنا

و اغلبهم من الزوار و ليس الاعضاء فقط
السلام عليكم خويا محمد صح أنا كنت مضطرة نحكي على معلوماتي الشخصية
لانو كاين من تهموني بالكذب وبالدجل وحتى عنوان البيت كاين عند البعض وعادي ما نخاف من حتى واحد من ربي وبرك وانتم أعز ناس عندي يعني خاوتي وامكانش اللي يحبلي الضر لانو ما عندو حتى فايدة لكن بارك الله فيك فهمت قصدك وشكرا

[منهاج]

السلام عليكم

مازال ربي ما كتب ولكن وقتها ممكن نقول وممكن لا لانو كل واحد وتفسيرو وفهامتو

[خولة لبابة]

لها ماتريد ولا اقول منعتني بل اقول انقذتني .........................فمثلا لما ياتيني اخي وينهرني ويصرخ في وجهي من اجل شيء ما أقول له راك تعزني كامل كيما هاك ........فيزيد غضبه فيقول لي انا لا امزح معك هههه

وارجو من الزوجات ان يفهمو من ازواجهم الامر الايجابي فلربما يقسو عليكي او يمنعكي من مشاهدة كذا او حضور كذا فهو يخاف عليكي ويغار عليك وهذا تعبيره الوحيد عن الخوف والغيرة .......................افلا تفرحون بذلك ؟؟؟

بالنسبة لدعائك اللهم اميـــــــــــن
بارك الله فيك اخي على النصيحة........حتى أنا سأمنعه من اشياء كثيرة......و الله الموفق....

[soso sirin]

شكرا لك اختي سيرين ان شاء الله ما زعفتيش او انعجتي من كلامي



ربي يحفظك

مازعفت و لا تقلقت لانو كلامك صح يا خويا انا الصح كلمة الحق ماتزعفنيش بلعكس هاذي حاجة تفرح لما تلقى ناس ماتعرفهمش و ينصحوك النصيحة ضروك و راهي بالوجوه ههههههه امالا ماشي انا نلقاها باطل و نزيد نشنف
.والله راكم في معزة خاوتي و انا مانزعفش من خويا .مي الصح خممت واش الحوايج الي ممكن قلتهم حتا عاودت كلمة راجعي نفسك مرتين صح هو منتدى برك و صح مانعرفوش بعضانا مي انا مانبغي حتا واحد يدي عليا نظرة ماشي مليحة.صحيت خويا و صحيت لكل عضو يخاف على بنات الناس كيما خواتاتو .

[لارا لولو]

سؤالك حلو كتير, انا لو تجوزت بحدا يشارك في هاد المنتدى رح كون دايما بجانبوا مشان اساعدوا يعرض احلى رد على المواضيع لانوا مو غلط يلي بيعملوا .انا هاد تفكيري