أنا حزينة جدا [الأرشيف] - منتديات الجلفة لكل الجزائريين و العرب

بيزة الشاوية

2012-09-29, 11:01

البارح عملت العجينة المورقة مصلحتليش ستر ربي عملت كمية قليلة والله قلقت كيما صلحتليش و أصبحت كئيبة نحب نتعلم و في كل مرة تصلحلي تجربتي لكن هذه المرة فشلت

*ام رامي*

2012-09-29, 11:08

معلش اختي ماتحزني ماوالو
قولي لنا كيفاش درتي ونعاونوك باذن الله

بيزة الشاوية

2012-09-29, 11:18

عملت 400غ فرينة و250غ زبدة توريق وماء وملح لكن وقت الحلان بدأت تخرجلي الزبدة وقلت نخلوها في الكونجيلاتور 10د خليتها لكن ماللي نخرجها بعد10د نلقى الزبدة ماهيش قاسية في العجينة رغم أني في الأول عملتها باردة هي و الماء و طريقة التوريق تبعت كيما عملتوها في الصور بحذافيرها ساعديني أرجوك و أجرك على الله

*ام رامي*

2012-09-29, 11:25

شوفي اختي بما ان الزبدة خرجت هذا يدل على ان
الزبدة باردة لدرجة انها اصبحت قاسية
انا في طريقتي نخلطها مع الفرينة ونعجنها وتكون معتدلة البرودة يعني طرية
ثانيا العجينة ممكن تكوني كثرتيلها الماء اي اصبحت لينة لدرجة ان الزبدة خرجت منها وقطعتها العجينة تكون متماسكة وتوضع في الثلاجة قبل الاستعمال
يعني هناك عدم تناسب بين العجينة والزبدة العجينة طرية والزبدة قاسحة

*ام رامي*

2012-09-29, 11:30

ممكن تقوليلي كمية الماء اللي عجنتي بيها ؟؟؟

*ام رامي*

2012-09-29, 11:32

الزبدة اذا كانت طرية عن العجينة تخرج واذا كانت يابسة عن العجينة تقطعها وتخرج لازم يكونوا في زوج تقريبا كيف كيف يعني متكماسكين وباردين

بيزة الشاوية

2012-09-29, 11:43

انا عملت الماء بارد حتى ولات العجينة طرية ماهي يابس ماهي رخوة كذلك الزبدة عملت التبادل مع الفرينة كي جيت نلمها ما جاتش ملمومة كيما تاعك أصبحت طرية جدا

بشرى2008

2012-09-29, 11:57

متزعفيش زيدي حاولي مرة اخرى راكي تعرفي السبب تقبلي مروري

بيزة الشاوية

2012-09-29, 12:31

متزعفيش زيدي حاولي مرة اخرى راكي تعرفي السبب تقبلي مروري

شكراااااااااااااااااااااااااااااااااااااااا

*ام رامي*

2012-09-29, 18:06

انا عملت الماء بارد حتى ولات العجينة طرية ماهي يابس ماهي رخوة كذلك الزبدة عملت التبادل مع الفرينة كي جيت نلمها ما جاتش ملمومة كيما تاعك أصبحت طرية جدا

واضح اختي ان الخلل كان في الزبدة لم تكن صالحة المفروض كي تزيديلها الفرينة تصبح متماسكة اكثر وليس العكس
جربيها مرة اخرى وان شاء الله تنجحي فيها

mordia

2012-09-30, 08:57

اختي بعض الاحيان تقولي نضربوا الارواحنا بالعين؟؟؟؟؟؟؟
والله الحاجة كنفرح لها في نفسي حتى تخسر لي!!!!!!!
ما عليش خيرها في غيرها........

بيزة الشاوية

2012-09-30, 11:53

اختي بعض الاحيان تقولي نضربوا الارواحنا بالعين؟؟؟؟؟؟؟
والله الحاجة كنفرح لها في نفسي حتى تخسر لي!!!!!!!
ما عليش خيرها في غيرها........

والله عندك حق وصفات المنتدى اللي تعجبني نعملها وتصلحلي لكن الميلفاي عملي شوك

بيزة الشاوية

2012-09-30, 11:55

أم رامي كمية الفرينة اللي نزيدها للزبدة قدماه باش تولي كرة كيما اللي عملتيها

*ام رامي*

2012-09-30, 12:01

أم رامي كمية الفرينة اللي نزيدها للزبدة قدماه باش تولي كرة كيما اللي عملتيها

اضفت فنجان قهوة

*عاشقة الجنة*

2012-09-30, 13:23

اختي متقلقيش روحك

انا درت لي شوصون مصلحوش وقلب اللوز وعصير مشماش وقاطو بوسو لا تمسوهههههههه

وخلي وش نسيت ادا تفكرت نقولك مي والله ميأست........وماما ديما تقلق مني

مي تخليني نعاود ندير وش حبيت هههههههه بسك نشفها

بالعكس راني نهز وصفات منا ونحاول نديرها و ادا مصلحتلكش

حاجة مرة اكيد تعاوديها تصلحلك

ميرثا

2012-10-01, 12:00

انا تاني مكنتش تصلخلي ونهار صلحت خافت نزيد نعاودها ومتصلحش ويجيني الاكتئاب هههه

زيدي جربي برك وبحول الله تصلحلك

faizarbh

2012-10-01, 12:05

اختي انا اول مرة جربت العجينة مورقة نجحتلي 100/100 و ذلك بفضل ام رامي ربي يجازيها راهي دايرة موضوع بالتفصيل الممل و بالصور عليها روحي ليه و طبقي بالحرف الواحد و اكيد تنجحي

بيزة الشاوية

2012-10-01, 18:35

شكرا لكن اخواتي و الله اكثر من اخواتي راح نزيد نجربها حتى ينسى راجلي تجربتي الاولى الفاشلة و نعاودها

ام حبيب الرحمان

2013-02-17, 15:41

انا ثاني نخاف نجرب وتخسر لي الوصفة نتصاب بالاحباط ولكن مع هذا لازم نجرب ونجرب باه نتعلم قبل ما يجو الاولاد ويكبروا ويحبو ياكلو الجديد وصراحة انا نشري العجينة المورقة وتجيني هايلة تحية للجميع

لينا11

2013-02-17, 17:15

باين كمية فرينة قليل بالنسبة لكمية زبدة

zhor1970

2013-02-17, 20:53

معليش خ المرة الجاية انشاء الله تصلحلكيرها في غيرها

wafameriem

2013-02-17, 22:56

https://sites.google.com/site/cuisinedumondefr/home/video-grand-chef
شوفي فيديو تاعها انا درتها كيما الشاف و جاتني روعة و زدت درت بيها فطائر تلقاي الطريقة في قسم المقبلات و السلطات

أم عيشوش

2013-02-18, 15:20

نصيحتي ليك شوفي في youtube دايرين دي فيديو على la pâte feuilletée.ان شاء الله يفيدوك .

إلهام07

2013-02-19, 11:33

ما تحيريش روحك ، انا ثاني أول مرة درتها صار معايا نفس الشيء ، شوفي كاين 2 أسباب :
* العجين لازم ما تكونش جارية باش الزبدة ما تقطعها
* قبل ما تطرحي العجين رشي الطابلة مليح بالفرينة ( هذه تعلمتها من حورية المطبخ و من هاذيك انتهى المشكال ) ، ما تخليهاش تلصق في الطابلة رشي مليح و كل ما تطزيها عاودي رشي و بالبانسو نحي الفرينة اللي لاصقة من فوق في العجينة .
شوفي موضوع FELLA FOOD ART هايل ، ها هو الرابط : http://www.djelfa.info/vb/showthread.php?t=1163159
بالتوفيق :mh31:

ام البنتين

2013-02-20, 23:41

يا اختي ما تحزنيش خلاص انا لو كان جيت نسكن مع عجوزتي يا حصراه منين درتني طوط علحيوط لمزية جيت بداري وحدي و لي ديرو المعفونة ياكلوه وليدانها و ثاني كاين دجاجاتها هههههههه ماعليش نتعلم من اخطائنا