مادا افعل لانقاذ نفسي ؟؟؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : مادا افعل لانقاذ نفسي ؟؟؟

مشكلتي

2012-09-29, 09:57

السلام عليكم
انا فتاة ضحية وكلت ربي غلى الي مكر بي
في سن 19 عشر خطبني شاب كان يحبني و انا ايضا قال لي قبل الخطبة قالت له امه اذهب اخطب لك بشرط ان الخطيبة لا تسرغك غلى الزواج
لما سمعت الشرط واقفت كوني فكرت انو خايفة غلى ينها
وافقت على الشرط علما انو خطيبي عندو منزل و منصب عند الدولة
الان في عمري 25 سنة و لم نتزوج بعد .
كل مرو نسقسيه نقولو متى الزواج بقولي ماما راهي تخبيلي في دراهمي من 2007 للان خطيبي عندو 20 مليون
و يخلص 4.7 مليون
راكم شايفين هدا السي منطقي ؟؟؟
كي نسالو يقولي راهي كي تسحق ماما تجبد منهم ؟؟؟ مع العلم انو اب خطيبي يخلص 9 ملايين و هما طفل ز طفلة برك
كل مرة مداوسو و نهدر مع عايلتي يقولولي واش يقولو الناس مخطوبة 6 سنين و خلاها منقدروش
انا راني حاصلة و كي مقول كلمة لخطيبي يبعني تعيطبي ماماه و اختو و يبهدلوني و يقولولي كي نعولو حنا تتزوجي انتي ؟
انا وليت نكره خطيبي ولا بالنسبة ليا كابوس .
حابة نخليه اكن اهلي راقضين
واس ندير ...........؟؟؟؟؟؟؟؟؟؟؟
حتى باش نتعرف على واحد اخر ما قدرتش لانو كا الناس عارفة بلي مخطوبة
غلقني و خلاني
و ما تفكروش انو صار بينا شي ابدا لامو لا نلتقي كونو يشتغل في ولاية اخرى يعني ما نتشاوفوش الا بوجود محرم

- بصمة خير -

2012-09-29, 20:36

http://www.3roos.com/files/ups/2011/42781/11315665106.gif

قوليلو أكثر من 6 اشهر فقط مانزيدش و بعدها اذا لم بحدث العرس كل واحد في طريق و ماتزيدش تبعثلي ماماك او اختك تهدر معايا على هذا الموضوع

و هذا كلام الاستاذ عمرو خالد

http://www.youtube.com/watch?v=cLECYguw558&list=PL8399D28D9C83873A&index=12&feature=plpp_video

شوفي الفيديو و القرار لك

العهد الرائع

2012-09-29, 21:49

excuse moi mais hada machi rajel
?????????????kifache yebay3ek le sa mere. ra7 tetzawjih houa wela heya

السي محمد

2012-09-29, 22:51

راه يستبهلل هذا

ناشدة السؤدد

2012-09-29, 23:09

6 سنين؟ هذا يكون ازوج و جاب الولاد

أنتي قولي لولي أمرك يهدر معاه ، هدرة تاع الرجالة ميش أمو و أختو هكذا يشوف نيتو وين واصلة ، و ان رفض الدخول فالخيرة فيما اختاره الله

ربي يفرج

غليزاني 26 سنة

2012-09-30, 01:44

يا بنتي راني خايف عليك
راكي تقولي عندك 25 سنة يعني انت مخطوبة مين كان في عمرك 19 سنة
انا نقولك حاجة رجل عندي 27 سنة و راه جايتني بلي كبرت
ربي يوفقك

faty05

2012-09-30, 06:40

والديك لازم يدخلو
هذي مش خطوبة هذو ربطوك و خلاوك معلقة
الله يهديهم
لازم والديك يفصلو في الامر اهدري معاهم و لازم يشوفو لصلاحك انتي

sarah..

2012-09-30, 12:41

اين والدك من كل هاذا ؟؟
لازم يدخل ويديرو جماعة تاع رجال وكلمة
بالنسبة لخطيبك ربي يهديه شخصيتو ضعيفة ............. الان وهكا ومن بعد كيفاه ؟
اختي راهم 6 سنين مش لعب ديري موقف وحددي واش تحبي اذا ماحبش يدير العرس كل واحد يروح في طريقو
العمر يمضي
سلامي وقبلاتي

نيروز الجزائرية

2012-09-30, 12:57

يا بنتي راني خايف عليك
راكي تقولي عندك 25 سنة يعني انت مخطوبة مين كان في عمرك 19 سنة
انا نقولك حاجة رجل عندي 27 سنة و راه جايتني بلي كبرت
ربي يوفقك
يا اخي نعيش 30 سنة معززة مكرمة ولا هاد العقلية

مريم الصابرة

2012-09-30, 13:22

السلام عليكم اختي
قوليلو لو تزوجنا لو وليدنا راه دخل ليكول هذا العام وراه بدا يقرا واشبيه هذا يتمسخر يا اختي عطيلو بينك وبينو قوليلو راحا نحبس أعطيو مهلة يجي فيها صحا ما يجيش يحدد يوم العرس من راي خلاص حبسي معاه واخلك مستغربة ردة فعلهم من المفروض يهدرو معاه الناس تهدر 6 سنين بزاف باغي يرقدك فالخل ربي يهديه الشي صعيب ربي معاك من راي دير حل وكوني صارمة موفقة

amina-alaa

2012-09-30, 13:37

الاخوة الكرام جاوبوك كيما يلزم هذا وضع ماش لازم يتسكت عليه

sarl02

2012-09-30, 14:17

06 سنوات بزاف يا اختي وهنا لازم موقف حازم من والديك .

فافا مينوشة

2012-09-30, 15:46

سمعي ختي على حساب ما قريت راكي تضيعي فعمرك فيقي على روحك خليك منه هو راجل في سن 40 يزوج معندهش مشكل اسمعي عطيله مهلة دار العرس اللهم بارك مدارش العرس خبري داركم وحاولي اقنعيهم ختي شاوالا هدا زواج مشي لعبة ربي يجمع بيناتكم في الخير وتتوصلو لحل اجابي ان شاء الله

خنشلية ومايعجبلي عجب

2012-09-30, 15:53

ماتخليش روحك هكدا الطفلة راهي تكبر مي الطفل راهو وين يلقى يتزوج

ماتخليهش يضيعلك عمرك في باطل

اهدري معاه وهدديه يا اختي

وش هدا

safo@

2012-09-30, 15:58

6 سنوات يعاون اهلو و يطلعو فيلا و يتزوج 4 مرات ...عفوا اختي كوني صارمة و اتخذي موقف و الا رايحة تندمي كل حياتك لا قدر الله...قولو يحدد العرس او انسحبي الناس مش راح يسكتو...تقعدي يقولو بايرة تتخطبي يقولو طولت ماتزوجتش تزوجي يقولو ما ضناتش تجيبي ولاد يقولو مش متربيين تربيهم يحسدوك فيهم و اخيرا يقولو رب عطاها كلش و هي طايرة ...لازم تتخذي قرار سريعااااااااااااا و ما تنسايش تفرحينا ...لن انساك بالدعاء و رب يفرج

غليزاني 26 سنة

2012-09-30, 19:00

يا اخي نعيش 30 سنة معززة مكرمة ولا هاد العقلية

:cool: واش من عقلية

ولد حمد الباتني

2012-09-30, 19:35

مشكل صعيب بزاااف
هاذو جايبينك تمسخيرة ونتي مكتفة ماتقدريش تتصرفي
طانا نلوم ونحي في بعض الوالدين كاريثة مفرطين في بناتهم كيما والديك
ونتي غلطي ووالديك غلطو
الناس يخطب مايفوتش عام يقولولو هز مرتك ولا امشي تلعب
نتي لوكان فاتو عامين راك درتي حل لروحك
ربما كنتي صغيرة ولكن والديك من المفروض يكونو علابالهم ويديرولك حل في السنتين اللولتين ولكن والديك حابسين ماعلابالهمش بيك
حلك صعيب وانا نظن والأرجح انو راح يخليك ويخطب وحدة اخرى
لنو قادر يزوج من غدوة ولكن راهو يماطل ويستنى فيك نتي ألي تبطلي ولا راهو متزوج ونتي ماعلابالكش ........

شاملة لينة

2012-10-02, 18:10

اللي يهتم بكلام الناس عمره مايريح............... جدي حل سريع مهما كان زواج أو انسحاب المهم تعرفي وين راكي حاطة رجليك وترتاحي

بلسم غرام2018

2012-10-03, 16:59

Yaw wyn ra7 tzydy
fakry bro7k

سماهر

2012-10-04, 18:25

الذي يظهر من كلامك أن خطيبك ضعيف الشخصية ولا يزال يعتمد على أمه عند أخذ قراراته و الادهى والأمر أن يكون القرار

خاص بحياته المستقبلية وهي زواجه !!!!! ولا يحرك ساكنا ؟ لو كنت مكانك لفكرت في المستقبل : كيف سأعيش مع هذا الشخص لو تم الزواج ؟ هل سيكون الرجل الزوج الذي قال فيه الله عز وجل ( الرجال قوّامون على النّساء) أم سيُسيِر حياتنا وفقا لرغبات أمه ؟

ملاحظة : أنا لا أعارض أن يرضي الإبن والدته لكن ليس لدرجة أن يفقد شخصيته أمامها ( ويترك بنت النّاس معلقة طاعة لامه

AMINA.Z

2012-10-04, 19:07

هادا وليد ماما و بابا
انتي اخديتي درس صعيب من هاد الدنيا بهاد الحالة
اليوم لازم كلش يبان بزاف 6 سنين
اذا حاب يتزوج غير يبين راسو من درك و ادا ماحابش
وكلي ربي عليه و شوفي حياتك
ربي يفرج عليك
حافظي على كرامتك انا تبانلي كون تكملي و تتزوجي راح يعذبوك