استسمحكن,,,,مسابقة أجمل تزيين للجينواز [الأرشيف] - منتديات الجلفة لكل الجزائريين و العرب

مشاهدة النسخة كاملة : استسمحكن,,,,مسابقة أجمل تزيين للجينواز

*أم كوثر*

2012-09-28, 23:30

سلام عليكم ورحمة الله وبركاته
للاسف الشديد
اخواتي العضوات الكريمات
احيطكن علما ان مسابقة احسن تزيين للجينواز قد الغيت للاسباب التالية
اولا عدم التزام العضوات بقوانين اي مسابقة
اولهم النزاهة
حيث لاحظت ان تاكدت من ان بعض الصور مأخودة من النت وليست من اجتهاد العضوة داتها
لن اذكر الاسماء تفاديا للاحراج
ثانيا ظاهرة التراسل عبر الخاص وطلب التصويت لصالح عضوة ما
بهدا وفي نظري لن يكون الفوز مستحقا وسيكون على حساب جهد الاخريات
المسابقة ستلغى لكن تعاد من جديد بقوانين اكتر حزما وهي كالتالي
عدد المتسابقات في كل مرة لا يتعدى ال10
اعيد واكرر التطبيق يكون من جهد العضوة نفسها
يمنع منعا باتا كتابة الاسم على الصورة
الى جانب الصورة تكتب ورقة صغيرة عليها التالي
مسابقة اجمل تزيين للجينواز منتدى الجلفة
اعيد
تكتب ورقة الى جانب الصورة
الكتابة لاتكون على الصورة
يمنع منعا باتا التراسل عبر الخاص وطلب التصويت لصالح عضوة ما
الفائزات الثلاث مطالبات بعد الاعلان عن فوزهن تنزيل موضوع مفصل بالصور عن مراحل تزيين التارت
مدة استلام المشاركة اسبوعين
والتصويت سيكون لمدة اسبوع
موفقات
][/b]

لمسة حنية

2012-09-29, 00:06

باااااااارك الله فيكي اختى ام كوووثر على المجهود
فعلاا كثير العضوات سامحهن الله يغشنا مفاائدة الغش
ربي يجزييك اتمنا التوفيق والمزيد من تالق
تحياتي اختى ام كوثر

لمسة حنية

2012-09-29, 00:07

متا ستبدا المسابقة من جديد ام كوثر؟؟

*أم كوثر*

2012-09-29, 00:23

وفيك بارك الله اختي الكريمة
المسابقة تبدأ من الان الى غاية اسبوعين
يعني مدة 15 يوم من الان لاستلام المشاركات بالقوانين المدونة اعلاه

omchifa

2012-09-29, 07:13

الاخت ام كوثر الافضل لو دكرتي ارقام الكيكات هكدا يكن عبرة لمن يعتبر او حتى تسحب عضويتهن لانهن لا خير فيهن الله يهديهن.

*ام رامي*

2012-09-29, 07:43

شكرا لك اختي ام كوثر
لاحظت ذلك .......لكن اختي لماذا عشرة متسابقات فقط ؟؟؟
عموما لدي فكرة هي انه اي مشاركة تصور مراحل عملها للكيكة وتحتفظ بها في حالة نجاحها تحط الموضوع كاملا حتى نتاكد ان العمل من جهدها الخاص
موفقات باذن الله في المرة القادمة

أنا أمهم

2012-09-29, 08:47

الله يجازيك كل خير يا أم كوثر و الله تعبناك معانا ( و ربي يهدي الأخوات .... هي فقط لعبة لماذا الإلتجاء للغش؟؟؟!!!!! و الله حسيت بإحباط كبييييييير)

عجبني إقتراح أم رامي (تصوير خطوات التزيين و الإحتفاظ بها مع إمكانية بعثها لأم كوثر حتى تتأكد من صدق المشاركة , مع أني عندي ثقة في أغلب العضوات

أو على الأقل نطالب كل الأخوات المشاركات أنه في حال فوزها : الإلتزام بإعادة تزيين جينواز مع تصوير المراحل :)

مع خالص شكري و تقديري لكل العضوات اللي شاركو سابقا بكل نزاهة

*أم كوثر*

2012-09-29, 09:52

السلام عليكم
اسعد الله صباحكم
اختي ام رامي اقترحت 10 متسابقات فقط كي يكون العمل منظم
كما لاحظتي التصويت ل 26 مشاركة يكون صعبا نوعا ما
10 متسابقات فقط
ورح يفوز منهم 3 مشاركات
وكل فائزة مطالبة بانزال موضوع كامل متكامل بالصور والمراحل لتزيين الكيكة اللي شاركت بيها
وهد ال 10 متسابقات
لا يشاركن في المسابقة الموالية
وهكدا
نسمح للكل بالمشاركة ونمنح فرصة كبيرة للابداع والتميز
حظ موفق

fifi180

2012-09-29, 10:09

كيفاش تكتب ورقة و نص العضوات راهم خلاص طيبوها و زينوها و راهي في كرشهم كيفاش راح يكتبو الورقة ضرك مش منظقية الفكرة

لؤلؤة الفردوس

2012-09-29, 10:14

السلام عيكم
من الأفضل المشاركة التي تشارك في المسابقة أن تبعث لك ** الاخت ام كوثر* صورة التارتة لي تشارك بها مع طريقة العممل بالتفصيل و بالصور و مبعد أقبليها في المشاركة ماشي حتى نشاركو ككامل و تنجح الفائزة و في الأخير كي تطلبي منها طريقة العممل بالصوور ماتحطهالناش ولا ما تدخلش ** تقبلي رأيي**
كما أنني وعدت الأخت ام كوثر سواء كنت فائزة أو خاسرة سأعيد صناعة تارت الباربي و نحطلكم الطريقة بالصور باش تتأاكدو بلي أنا
و بالنسبة للتصويت اعترف أنني بعثت رسالة خاصة لزوج عضوات فقط لتصوتلي و علابالي شكون هي لي بلغت عليا ، معليش في الأمر خير
و لي عودة للموضوع بقوة أكبر
صح فطوركم

لؤلؤة الفردوس

2012-09-29, 10:15

كيفاش تكتب ورقة و نص العضوات راهم خلاص طيبوها و زينوها و راهي في كرشهم كيفاش راح يكتبو الورقة ضرك مش منظقية الفكرة

اسمحيلي نجاوبك
الاخت راهي تقصد نعاودو كامل التطبيق

fifiarch

2012-09-29, 10:15

انا اريد المشاركة من فضلكن
وان شاء الله نكونو في المستوى
بارك الله فيكن على المبادرة الرائعة

مقدسية

2012-09-29, 10:15

عزيزتي ام كوثر فكرة المسابقة اكثر من رائعة والجو التنافسي الذي سادها فوق الوصف
فقط ماشد انتباهي منذ البداية كثرة الصور وصعوبة التصويت لان هذا الاخير يبنى اساسا على المقارنة (وماتفوتي من صورة لصورةغير الصور اللي قبلها راحو من ذاكرتك)
اقترح :ان لاتحرم اي متسابقة من المشاركة ،وحتى لوفاق العدد 10مشاركات ،تقسم المشاركات الى مجموعتين او ثلاث وكل مجموعة تخرج بثلاث متباريات
ليكون التصويت النهائي على 6 او تسع مشتركات كاقصى تقدير
وهكذا يسهل التصويت حسب رايي

fifi180

2012-09-29, 10:21

اسمحيلي نجاوبك
الاخت راهي تقصد نعاودو كامل التطبيق
مي هكد والله نحس كي شغل الي تعبو راح تعبهم خسارة يعني ضرك تعاود من جديد و امكانيات جديدة وقت جديد المفروض الاخوات الي غشو يفهمو رواحهم و ينسحبو والله غير عيب صح لي داروه لانو ياسر الي راحو بسبتهم

لؤلؤة الفردوس

2012-09-29, 10:28

ايه واش تحبي أختي أنا كي شفت بعض التارتات منقولات من النت قلت حراااام و حنا لي عيينا روحنا باطل عليها لجأت لارسال الرسائل الخاصة بيانسور تغيضك عمرك
انا كنت عارفة السابقة فاشلة من نوعها

بصح معليش في الاعادة افادة ههههه

ام ماريا هاجر

2012-09-29, 10:46

سلام والله سماطتلي انا خدمت وتعبت وكيفاه نعاودها والامكانيات ماشي متوفرة دائما مرة وحدة فقط مع اني والله لم اطلب مساعدة اي عضوة في التصويت لاني منعرف حتى وحدة مي كون لوخرين ليغشو انسحبو وخلاونا نتنافسو ربي يجازي ليغشوا وانا مع اقتراح الاخت مقدسية لانو لو شاركت بس 10 متسابقات رايحين تحرمو بزاف متشاركات خاصة انو خسرو رواحهم وتعبوا لازم تكون فرصة للجميع و ربي يوفق كل المتسابقات

asma1s

2012-09-29, 11:50

مع اني كنت مع المشاركات وحقا احبطت لما قرات ان بعض المشاركات غششن وان المسابقة تم الغائها.. بصح ام كوثر عندها الحق عندما الغت المسابقة مانظنش انه كاين حل اخر لان الاخريات هما لزرعوا الشك وفقدت المسابقة نزاهتها.. والله غير عيب عليهم.
انا تمنيت لو اني نشارك مرة اخرى بصح الله غالب ماشكيتش نقدر نزيد نشارك لان الوقت ماكاش والدخول الجامعي راه بدا..
نتمنى نعاود نشارك لو كان عندي الوقت واذا ماكنش عندي ان شاء الله في فرصة اخرى..

لمسة حنية

2012-09-29, 12:28

يااااااااااريت كيما قالت ام كوثر نحط اسم منتدى جلفة قدام الحلوة بااش هكا نعرفو
وتااني ملزمش الغش من غشنا فليس منا
انا تااني منقدرش نزييد المقادير راهم غاليين بزاف بصح معلييش
نزييد نعااود ونريحا نصور بتفصيييل المملل بوركتي ام كوثر وربي يعااونك فكره ملييحه كيما الغيت المساابقه والله حتى لي شافو قالو انها من النت الى بعض بااين من صنع البناات ربي يعاون الجميع وبتوفيق

sahima

2012-09-29, 13:51

خساااارة لانو كاين اللي تعبو بزاف في التحضير
ولكن مع القوانين الجديدة ان شاء الله تزيد المصداقية

serine alger

2012-09-29, 15:18

السلام عليكم.والله كأني في مسابقة تاع الأطفال وعلاش الغش؟ والله عيب.سبحان الله صح كل شيء ممكن.ولكن أرجو من المشرفة تحط أسامي الغشاشين أو على الأقل الصور؟؟؟؟؟؟

ام طيب

2012-09-29, 15:26

السلام عليكم. الصور المأخوذة من النت معروفة ان لنطلب من الأخت كوثر الله إيجازها بخير تحتافظ بالصور ديال السيدات لتعبو فيهم ورآهم معروفين. وباينيننننن ولمشكوك فيهم يبعثو الطريقة وهد السيدات لجلسيننننن كوبي كولي. منهم الله خسروا مجهود هد السيدات 3 صور مأخوذة من النت

ام طيب

2012-09-29, 15:30

http://www.google.fr/search?tbm=isch&source=mog&hl=fr&gl=fr&tab=wi&q=%D8%A7%D9%84%D8%AC%D9%8A%D9%86%D9%88%D8%A7%D8%B2&sa=N&biw=320&bih=356#i=35

ام طيب

2012-09-29, 15:35

للأسف لا استطيع تحميل الصور بهاتفي لأرسل 3صور المأخوذ ين من النت بالعنوان

الأمنيات

2012-09-29, 17:10

لا استطيع المشاركة اعتذر انسحب شكرااااااا للاخوات الفحلات ربي يعطيكم الصحة

أم ياسين الزهراء

2012-09-29, 17:24

تصدقي بالله شكيت في بعض الصور بصح قلت محال واسفاه انا مانقدرش نعاود نشارك لاني قليل وين ندير تارت خاصة مع بنتي اميرة ماتخلينيش نخدم حظ موفق للجميع

أم عبير

2012-09-29, 18:54

وعلاش الغش اللي ماتقدرش ما تشاركش و برك

أم ماجد

2012-09-29, 19:17

رغم أنني كنت متأكدة من أنني لن أفوز بالمسابقة
لأن الصورة رديئة والتزيين بسيط
لاكنني حبيت نشارك ونبث روح المنافسة فقط
لاكنني فرحة جدا رغم أنني تحصلت على 0
لأنه عمل يدي وبجهدي وعرقي
لم أتوقع إطلاقا أن مستوىبعض العضوات وصل إلى هذه الرداءة

ام شيمو

2012-09-29, 21:11

الصراحة عيب وعار على وحدة كبيرة وواعية تحط صور ماشي ناعها

انا حطيت صورتي كنت خدمتها لبنت صحبتي وغير البارح درت وحدة اخري لعيد ميلاد وليدي ومنقدرش ندير وحدة اخرى بالتفصيل بصح راني صورت برك الصورة النهائية

الصراحة ماكانش اللي ياكلها انا وراجلي نديرو الريجيم واولادي صغار بزاف عليها ههههههههههه

ام كوثر الله يخليك اذا تقبلي مني المشاركة من غير التفصيل

والحمد لله المسابقة اللي فاتت ما بعت لحتى لوحدة لاني منعرفهمش ونحب الناس تصوت بخاطرها ماشي انا اقولها

والحمد لله الصورة كانت نتاعي وبيديا وعليها كتبت اسمي عليها باه ميدوهاش ويديروها في منتيات اخري

ninafret

2012-09-29, 21:26

السلام عليكم والله خسارة كبيرة واحباط كبير كي لقيت بلي المسابقة تلغات
اختي ام كوثر اسبوع كامل وانامن غير انترنات ليوم ماصبرتش رحت انا وزوجي للسيبار ولقيت انو المسابقة تلغات وللاسف بسبب الغش بصراحة عيب كبير اللي عملوه واحنا كنا الضحيه وانا شخصيا ماعنديش معرفة شخصية بالعضوات وما اتصلت حتى يواحدة لطلب التصويت
المهم نظرا لظروف عملي خارج البيت ماعنديش الوقت نعملها للاسف عندي فقط صور الجينواز اللي بعتهالك على الخاص واكيد مصورة المراحل بالتفصيل لاني عملتها في عيد ميلاد اختي
حظ موفق للاخوات المشاركات

*أم كوثر*

2012-09-29, 22:07

كيفاش تكتب ورقة و نص العضوات راهم خلاص طيبوها و زينوها و راهي في كرشهم كيفاش راح يكتبو الورقة ضرك مش منظقية الفكرة
اختي اكيد منيش نتكلم على هد الصور حاجة باينة
اللي تحب تعاود من جديد
السلام عيكم
من الأفضل المشاركة التي تشارك في المسابقة أن تبعث لك ** الاخت ام كوثر* صورة التارتة لي تشارك بها مع طريقة العممل بالتفصيل و بالصور و مبعد أقبليها في المشاركة ماشي حتى نشاركو ككامل و تنجح الفائزة و في الأخير كي تطلبي منها طريقة العممل بالصوور ماتحطهالناش ولا ما تدخلش ** تقبلي رأيي**
كما أنني وعدت الأخت ام كوثر سواء كنت فائزة أو خاسرة سأعيد صناعة تارت الباربي و نحطلكم الطريقة بالصور باش تتأاكدو بلي أنا
و بالنسبة للتصويت اعترف أنني بعثت رسالة خاصة لزوج عضوات فقط لتصوتلي و علابالي شكون هي لي بلغت عليا ، معليش في الأمر خير
و لي عودة للموضوع بقوة أكبر
صح فطوركم
القوانين واضحة انا قلت الصورة تكون جنبها ورقة مكتوب عليها اسم المنتدى والمسابقة وهدا اكبر دليل على ان العمل من جهد العضوة
واكيد اللي تحب دير حاجة وتكون مميزة ورح تشاركنا بيها مش رح يصعب عليها تصوير المراحل
والمسابقة حين الغيتها لم اعلن عن الفائزة بعد لان التصويت كان مازال متواصل
عزيزتي ام كوثر فكرة المسابقة اكثر من رائعة والجو التنافسي الذي سادها فوق الوصف
فقط ماشد انتباهي منذ البداية كثرة الصور وصعوبة التصويت لان هذا الاخير يبنى اساسا على المقارنة (وماتفوتي من صورة لصورةغير الصور اللي قبلها راحو من ذاكرتك)
اقترح :ان لاتحرم اي متسابقة من المشاركة ،وحتى لوفاق العدد 10مشاركات ،تقسم المشاركات الى مجموعتين او ثلاث وكل مجموعة تخرج بثلاث متباريات
ليكون التصويت النهائي على 6 او تسع مشتركات كاقصى تقدير
وهكذا يسهل التصويت حسب رايي

رايك سديد لكن في موضوع واحد يسمح باستطلاع واحد
ومن قال ان البقية ستحرم من المشاركة
بالعكس فالمسابقة ستتواصل ان شاء الله والكل سيتمكن من المشاركة

مي هكد والله نحس كي شغل الي تعبو راح تعبهم خسارة يعني ضرك تعاود من جديد و امكانيات جديدة وقت جديد المفروض الاخوات الي غشو يفهمو رواحهم و ينسحبو والله غير عيب صح لي داروه لانو ياسر الي راحو بسبتهم
اختي الكريمة لا تعب لا خسارة ياك التارت اللي داروها كلاوها؟؟؟هههههههه ميصرى والو كي تتعاود
وامامكم فرصة 15 يوم

ايه واش تحبي أختي أنا كي شفت بعض التارتات منقولات من النت قلت حراااام و حنا لي عيينا روحنا باطل عليها لجأت لارسال الرسائل الخاصة بيانسور تغيضك عمرك
انا كنت عارفة السابقة فاشلة من نوعها

بصح معليش في الاعادة افادة ههههه
ادا عرفتي ان المسابقة فاشلة علاه شاركتي من اصله؟؟؟؟
سلام والله سماطتلي انا خدمت وتعبت وكيفاه نعاودها والامكانيات ماشي متوفرة دائما مرة وحدة فقط مع اني والله لم اطلب مساعدة اي عضوة في التصويت لاني منعرف حتى وحدة مي كون لوخرين ليغشو انسحبو وخلاونا نتنافسو ربي يجازي ليغشوا وانا مع اقتراح الاخت مقدسية لانو لو شاركت بس 10 متسابقات رايحين تحرمو بزاف متشاركات خاصة انو خسرو رواحهم وتعبوا لازم تكون فرصة للجميع و ربي يوفق كل المتسابقات
اختي الكريمة ماشاركتيش هد المرة تشاركي المرة الجاية معليش
السلام عليكم.والله كأني في مسابقة تاع الأطفال وعلاش الغش؟ والله عيب.سبحان الله صح كل شيء ممكن.ولكن أرجو من المشرفة تحط أسامي الغشاشين أو على الأقل الصور؟؟؟؟؟؟
احتراما لهن لن افعل
فقط
السلام عليكم والله خسارة كبيرة واحباط كبير كي لقيت بلي المسابقة تلغات
اختي ام كوثر اسبوع كامل وانامن غير انترنات ليوم ماصبرتش رحت انا وزوجي للسيبار ولقيت انو المسابقة تلغات وللاسف بسبب الغش بصراحة عيب كبير اللي عملوه واحنا كنا الضحيه وانا شخصيا ماعنديش معرفة شخصية بالعضوات وما اتصلت حتى يواحدة لطلب التصويت
المهم نظرا لظروف عملي خارج البيت ماعنديش الوقت نعملها للاسف عندي فقط صور الجينواز اللي بعتهالك على الخاص واكيد مصورة المراحل بالتفصيل لاني عملتها في عيد ميلاد اختي
حظ موفق للاخوات المشاركات
الله غالب اختي كان لازم نلغيها
لانو هكدا الفوز سيكون على حساب تعبكم انتم ولن ارضى بهدا
وان شاء الله تشاركينا
امامك وقت كافي

لمسة حنية

2012-09-29, 22:42

اختى ام كوثر متغشيش روحك انا تاني عادي بلنسبه اليا لما الغتيه بلعكس هكا نزيدو الحماس ونزيدو نشاركو ومافيها والو لو تعاود الواحده نتعلمو زايده الخير خيران برك الله فيكي على المجهوداات وربي يوفقك اختى

*أم كوثر*

2012-09-29, 22:47

الله يبارك فيك لمسة حنية على التشجيع وصدقيني منيش متقلقة
وبانتظار صوكم ومشاركاتكم

لمسة حنية

2012-09-29, 22:59

الله يبارك فيك لمسة حنية على التشجيع وصدقيني منيش متقلقة
وبانتظار صوكم ومشاركاتكم
انتي تستااهلي كل خير حتى واني منعرفكش بصح دخلتي قلبي
وعلى المشااركه اصبري عليا شوي لاني عندي شغلات لما نكملهم راايحا اعمل ان شاء الله كيكه احسن من الاول

omrami

2012-09-30, 09:38

ana min chafthom 3raft bali maakhodin min net

amel5

2012-09-30, 11:02

السلام عليكم
و الله يااختي انا اول مادخلت و شفت الصور عرفتهم انهم من النت وماحبيتش نتدخل اصلا حرت كيفاش
مافقتيش بيهم باااااااينين كامل مانيش عارفة كيفاش كاين ناس يقدروا يغشوا بهاد الطريقة ههههههههه
ربي يكون معاك يااختي و ماتزعفيش روحك نتي حبيتي ديري منافسة شريفة بين العضوات باش تشجعيهم
يخدموا و لكن للاسف كاين عضوات ربي يهديهم و بلا ماتدكري اسمائهم راهم باينين شكون
للاسف كنت حابة نشارك بصح مانيش عارفة لاني بديت الخدمة و لاهية بخطوبتي ان شاء الله نقدر
ربي كون معاك اختي ام كوثر

islam1aya

2012-09-30, 14:27

شكرا لك ام كوثر

الله يهدي ماخلق

انا جد متاسفة على مابدر من بعض العضوات

اتمنى انه لن يتكررمجددا

والفائدة رايحة تكون كبيرة عندما تحاول اي اخت تزين كيكتها بيديها

وتستمتع العائلة بتذوقها وتقول انا التي صنعتها وزينتها

ام كوثر في احد تطبيقاتي جربت كيكة من المنتدى نصف نهار وانا معاها وكل من شافها وذاقها عجباتو وانا كنت جد مسرورة امام زوجي واولادي وحتى اهلي عجبتهم

واذا اسمحتيلي من فضلك نشارك بها
لكن مراحل عملها ماعنديش مصورين واذا حبيتي نبعثلك الصورة والموضوع يكون مشروح فقط باكتابة

انا في انتضار ردك

ام طيب

2012-09-30, 14:31

السلام عليكم أختي ام كوثر غداً سأصنع. جينواززززز وساصورررر جميع المراحل و اكتب منتدا الجلفة واسمي بجانب الكيكةةةة. لكن كيف ابعتهااااا لك بالتفصيل وجزاك الله بألف خير

*أم كوثر*

2012-09-30, 15:43

يا اهلا وسهلا بام اسلام واية
مادامالكيكة شاركتي بيها يعني مقبولة ومعروفة
الاحسن لو تشاركي بكيكة اخرى نعرفك شاااطرة
اختي ام طيب
مرحبا بيك وابعتيلي الصورة الاخيرة فقط
الى جنبها ورقة مكتوب فيها اسم المسابقة ومنتدى الجلفة

ام طيب

2012-09-30, 15:51

لو سمحتي يا ام كوثر ان تشرحي لي الطريقة من فضلك لبعتهاااا لك و شكرًا لك مرة تانية

dahbito

2012-09-30, 18:55

السلام عليكم
والله اختي حتى انا لاحظت ان معظم الصور ماخوذة من عندة مدونات للطبخ ربي يهدي ما خلق

*أم كوثر*

2012-09-30, 22:46

لو سمحتي يا ام كوثر ان تشرحي لي الطريقة من فضلك لبعتهاااا لك و شكرًا لك مرة تانية
عادي في رسالة خاصة

السلام عليكم
والله اختي حتى انا لاحظت ان معظم الصور ماخوذة من عندة مدونات للطبخ ربي يهدي ما خلق

اللهم امين

ام ملاك.

2012-10-01, 11:21

السلام عليكم
يعطيك الصحة ياخت كوثر اللي درتيها هكذاك خير كي حبستيها
خاطرش انا شفت بعض الصور صح باينين نتاع البيع ولا من النت
راني درت تارت نتاع بنتي ةبالصور والخطوات ان شالله غير تديرو مسابقة ابعثيلي عالخاص باش نعرف
مرسي فرحتيني كي لغيتيها
راحلي النت هاد اليامات ماعرفتش شكون اللي ربحت و راني داخلة من الخدمة

abassia81

2012-10-01, 20:40

السلام عليكم

ربي معاك أختي أم كوثر و شكرا على شيء لي قدمتيه و مازلت تقدمي فيه

ربي يعاونك و يعطيك كل خير

اذا ساعدني الوقت نشارك معاكم

ام ملاك.

2012-10-04, 13:16

كاش جديد؟؟؟؟؟؟؟؟؟؟؟
راني متشوقة لهاذ المسابقة بزاف

*أم كوثر*

2012-10-05, 11:48

للاسف اختي مونيا يوجد عضوتين فقط لحد الان شاركوا
ربما البعض تعود على خاصية نسخ لصق
مع احتراماتي لكل عضوة شاركت قبلا بجهدها الخاص
ومازلنا بانتظار تطبيقلتكم

ام ملاك.

2012-10-05, 11:56

شفتي كيفاش
تمسخير والله
اللي ماتقدرش تطيب علاش الكذب حرام عليهم الغش ماشي مليح
ايعرفوش المنافسة الشريفة
الله يهديهم

sahima

2012-10-05, 14:33

من فضلك وقتاش اخر اجل للمسابقة

لمسة حنية

2012-10-05, 19:11

ااااختى ام كوثر سامحيني انا راني راايحا ابعتلك لكن والله شوي مريظه وتاني عندي شغلاات بصح كما وعدتك كيما بعثتلك الاول تاانيه ان شاء الله تكون احسن انا عمري منعمل كوبي كووولي بلعكس نحب نعمل حاجتي بيدي

*أم كوثر*

2012-10-06, 22:13

اخر اجل لاستلام مشاركاتكم هو السبت المقبل
موفقات

sahima

2012-10-07, 17:16

كيف يكون تسليم المشاركة علما انني لا استطيع ارسال رسائل خاصة

*أم كوثر*

2012-10-07, 20:17

كيف يكون تسليم المشاركة علما انني لا استطيع ارسال رسائل خاصة

تقدري تراسلي اي مشرفة
ابعتيهالي في رسالة خاصةبالقوانيت اللي في الاعلى
موفقة

sahima

2012-10-07, 21:38

من فضلكم اشرحولي مافهمتش منين

*أم كوثر*

2012-10-07, 23:24

اختي عادي
ديري تارت و صوريها واكتبي جنبها ورقة عليها اسم المنتدى و المسابقة
وابعتيهالي في رسالة خاصة
وفقط

sahima

2012-10-08, 14:06

شكرا بارك الله فيك
جاري ارسال المشاركة

لمسة حنية

2012-10-12, 16:53

يارب تكون وصلتك ام كوثر طورطه تااعي

*أم كوثر*

2012-10-12, 23:22

نعماختي وصلت الصورة ويعطيك الصحة
تمتمديد المدة الى غاية الاتنين بحول الله
لتلتحق باقي المشتركات

serine alger

2012-10-13, 15:27

السلام عليكم.الاخت *أم كوثر* هل أستطيع المشاركة بتارت الجينواز عملتها البارح ولكن ما صورتش المراحل صورت الصورة النهائية فقط؟

*أم كوثر*

2012-10-13, 21:25

اخت سيرين مش مهم المراحل المهم جنب التارت ورقة مكتوب عليها اسم المنتدى والمسابقة فقط

sahima

2012-10-13, 21:54

من فضلك ام كوثر هل وصلت مشاركتي ام لا
لاني واجهت عدة مشاكل في ارسال الرسالة وتحميل الصور

*أم كوثر*

2012-10-13, 23:24

اختي الكريمة لمتصل صورك
اعيدي تحميلها

faizarbh

2012-10-14, 11:54

ام كوثر متى اخر اجل حابة نشارك لكن الخدمة هلكتني هاد الايام مع اللي كان عندنا ضيوف ما لقيتش راحتي باش نصع ممكن تحدديلي اخر اجل بالاك نلحق و ايلا ما لحقتش ان شاء الله في المسابقة القادمة

sahima

2012-10-14, 13:53

عاودت بعثتها وصلت ام لا ؟؟

ninafret

2012-10-14, 13:55

اختي ام كوثر عندي مدة ملي بعتلك مشاركتي عبر الخاص واستنيت ردك
وصلت الصور ولا لا

*أم كوثر*

2012-10-14, 23:36

ام كوثر متى اخر اجل حابة نشارك لكن الخدمة هلكتني هاد الايام مع اللي كان عندنا ضيوف ما لقيتش راحتي باش نصع ممكن تحدديلي اخر اجل بالاك نلحق و ايلا ما لحقتش ان شاء الله في المسابقة القادمة
اخر اجل يوم الاتنين بحول الله ان شاء الله نشوف تطبيقك
عاودت بعثتها وصلت ام لا ؟؟
نعم وصلت موفقة
اختي ام كوثر عندي مدة ملي بعتلك مشاركتي عبر الخاص واستنيت ردك
وصلت الصور ولا لا
اختي الكريمة اي رسالة تبعتيها توصل وانما النت هد ليام تقيلةوالمنتدى اكتر واكتر
لهدا منقدرش نتصفح بسهولة

ام ملاك.

2012-10-15, 22:12

وقتاش الاستطلاع مازال مابان والو؟