الأطباق اللازم تحضيرها لعشاء الحج [الأرشيف] - منتديات الجلفة لكل الجزائريين و العرب

مشاهدة النسخة كاملة : الأطباق اللازم تحضيرها لعشاء الحج

emily21

2012-09-28, 23:24

مساء الأنوار أطلب منكم يا لحراير تاع منتدانا الغالي بعض الوصفات التي يمكن إعدادها لعشاء الحج بعد عودة زوجي سالما إنشاء الله وكيفية التحضير لهذه الأطباق نداء لكل النساء الموجودات في المنتدى مثل أم رامي . مقدسية .أم كوثر .........والقائمة طويلة أرجو المساعدة وعقبال لكل المسلمين والمسلمات::mh31::mh31::mh31:

حياتي نبع امل

2012-09-29, 08:01

حج مبرور وذنب مغفور وسعي مشكور مسبقا العاقبة لكل المسلمين الاطباق لمن لزوجك بعد عودته ام للمعزومين ام ماذا بالضبط وضحى اكثر رانا هنا ونفيدوك ان شاء الله

*رتاج الكعبة*

2012-09-29, 17:57

الف مبروك ان شاء الله حج مبرور وسعي مشكور وذنب مغفور ادعو معايا حتى والديا يحجوا هاد العام ,,
اما من عاداتنا نحضرو فالفطور الطعام( الكسكي )وفالعشا نديرو الحريرة و طبق الزيتون او البرقوق مع الفللفل والسلايط وكل واحد وكيفاش وان شاء الله يفيدوك باقي الاخوات

emily21

2012-09-29, 22:16

الأطباق تخص المعزومين من أفراد العائلة أجومنكم التوضيح أكثر وبالتفصيل على فكرة نحن من جهة الشرق فمثلا الحريرة يكون في مكانها شربة الفريك ما زلت أنتظر اقتراحاتكم

حياتي نبع امل

2012-09-30, 17:24

شربة الفريك متوم طاجين الحلو وسلطة خضرا مع سلطة ماسيدوان او شطيطحة لحم او دجاج مع شربة فريك او دولمة القرنون بالجلبانة مع اللحم او كسكسى او رشتة وان شاء الله يزيدو يفيدوك الاخوات حنا عموما فى الوسط كسكسى او رشتة

مقدسية

2012-09-30, 18:11

عودة ميمونة للحاج
حج مقبول وذنب مغفور ان شاء الله
العاقبة ليك حبيبتي برفقته مرة اخرى
بالنسببة لعشاء الحاج اقترح:
شربة فريك طبعا+شخشوخة الظفر +سالاد فاريي
وفي السهرة تاي مع حلوى كيما لقطايف مثلا ومكسرات متنوعة والشامية
وبالبركة ،الفايدة في رجوع زوجك بالسلامة وقد ادى فرضه على اكمل وجه

بشرى2008

2012-10-01, 19:56

شوربة فريك .رشتة شلاظة لحم حلو

sarra5

2012-10-02, 11:37

tajin lzaytoun

ljari bel frik

kesra

salade masidoigne

pizza

un autre plat moderne ya3ni jdid w hna f lmontada khayri w ekhtari kayen menhom bzeef

w nenashak rohi les sujets d om ramy walah tellement hayliine akiid rayha to3ojbek recette men andha

ام عبيدة

2012-10-02, 14:18

كل واحد و العادات نتاع نحن مثلا نديرو
شربة فريك ونوعين من السلاطة ولجناب في الكوشة يعني اللحم محمر ونزيدو الكسكس مع العسل والسمن و الحليب او الرايب

ريحانتي

2012-10-02, 14:41

تاوعنا يديرو الطعام او الكسكس

salam algeria

2012-10-02, 23:29

حج مبرور وسعي مشكور وذنب مغفور ان شاء الله
اختي انا من الشرق و من عادتنا نديرو
شربة فريك
شخشوخة الظفر او السيار
وطاجين الزيتون او شطيطحة دجاج او مثوم او طاجين الشواء
سلايط على كل نوع
حميص
خبز الدار
و في السهرة مقروظ الكوشة البقلاوة و شيء لي تختاريه من القاطوات مع المكسرات و حلوة الترك