تسجيل الدخول

مشاهدة النسخة كاملة : اختي تحب شخصا متزوجا 2

مشكلتي
2012-09-28, 13:38
السلام عليكم ورحمة الله وبركاته جمعة مباركة
نشكركم بزاف على نصائحكم والله افادوني
مشي حصلت روحي؟
قلت لخالي وخالي راح دابز مع هداك الراجل وهداك الراجل قالو نشكي بيك امبعد ماما سمعت وخبينا على بابا وخويا واختي ولات تقولي شفتي وين توصلينا ؟ ايا مزية هداك الراجل مشكاش بخالي على خاطر قنعوه ناس وخالي جا لختي البارح صباح شدها من شعرها وكركرها في الكولوار قالها بهدلتيني مع الناس امبعد دار ليا عطاني بكف قالي الله ينعلكم ماركة بهدلتوني ودار لماما قالها هاهم بناتك شا يديرو الفضايح انا نخلعت وبقيت نبكي وقال لختي نزيد نشوفك برا نباصي عليك ماما داخت يا ويلي حصلة علبالي انا السبة امبعد شدني من يدي قالي انتي لكبيرة ونعزك فيهم نسمع عليك حاجة برك نذبحك فهمتي؟ نخلعت ورحت لشمبرتي وختي ولات تبكي وتحلل فيا قتلي راني نادمة وراحت لخالي وطلبت السماح ايا كي صفا الجو قالتلي ختي وش حاسب روحو هدايا خالي مهوش بابا ولا خويا ميسالنيش وندير شا نبغي تشوووكيت يا مازالت تحكي مع هداك لي معندوش عقل الله لا يتربحو ملقيت مندير خلاص حصلت ما صدقت الحرب نتاع البارح هدات
راني خايفة على ختي ما فادت معاها ملاحة ما فادت معاها قباحة وراني عارفة لوكان يسمع خويا الصغير 16 سنة غير يسيل الدم ياربي دبرو عليا نخليها في حالها راها ختي منقدرش وش نزيد ندير انا عييت كلش على راسي
نيروز الجزائرية
2012-09-28, 15:19
من المفروض هداك الشراف يخلي اختك ويقنعها بلي هادي غلطة ولازم تحط راسها في قرايتها حتى يجي اللي يناسبه
و انت قولي لاختك حطي روحك في مكان مرتو هل تقبلي راجلك يخونك
وقوليلها انت شابة وصغيرة تستاهلي ما خير منو و ربي يصلح الاحوال و يهديها
صح مشكل عويص ربي يحلها ان شاء الله عليكم وعليا وعلى جميع المومنين
**د لا ل**
2012-09-28, 15:25
ربي يهديها اختي الكريمة
ويصلح احوالكم عاجلا غير اجل
هذا كل ما استطيع قوله
حزن بحر
2012-09-28, 15:36
ربي يهيدها ويرجعلها عقلها
قوليلها راه يتزوجك ويعرف عليك ويطلقك ويتوزجها ترضاها لروحك
وكو ني متاكدة بلي كيما دارلك يديرلها
الحنون الجزائري
2012-09-28, 15:37
ختك طفلة ماتحشمش ومعطاتش قيمة لخالها وخوها وابوها وبغات تحط شرفكم تحت تراب
انا نصيحة ليك روحي خبري زوجة التاجر تحكم راجلها وبالاك راهي مارست الحرام معاه داخل الحانوت
انا نعرف صحاب لحوانت مدايرين الزبايل في البنات داخل لحوانت والبنات طماعات
soheib+206
2012-09-28, 15:42
لازم تقولي لخالك باش يحطلها حد

قبل ما يجي الفاس في الراس
sali-sali
2012-09-28, 15:47
هدا راه يفوت بيها الوقت مرته في دار وهو داير رايه ببنات الناس

واختك هدي قلها تخمم بعقلها و يماك تعقلها قبل ماتوصلكم في مشاكل كبار
ولا نقولك ادا حبت خليها تحكي معايا
بلال الرومنسي
2012-09-28, 15:57
هدا راه يفوت بيها الوقت مرته في دار وهو داير رايه ببنات الناس

واختك هدي قلها تخمم بعقلها و يماك تعقلها قبل ماتوصلكم في مشاكل كبار
ولا نقولك ادا حبت خليها تحكي معايا


وين تحكي معاك ؟؟؟
ilosa23
2012-09-28, 15:57
وعلاش راكي تقلقي في روحك
جابلي ربي ما يطلق مرتو ما والو راهو غير يتمسخر
وفي حالة مااذا طلقها وجاء يخطب في اختك ما تقبلوش بيه
لازم تفهميها بلي راهو غير يتمسخر بيها وقوليلها اذا صح طلق مرتو على جالك اكيد يجي اليوم الي يطلقك انت ثاني على جال وحدوخرة معناتها مافيهش الخير كيفاش مرتو وام اولادو بدلها بيها على جال واش ..
كيفاش تقدر تبني سعادتها على تعاسة ناس وحدوخرين
الله يهديها ويبعد هاذ العبد عليها
sarl02
2012-09-28, 16:02
يجب اعلام الاب في هذه الحالة فهو الوحيد القادر على التصرف وصدقيني اختي هذه المسائل احيانا لا تحل بالضرب والصراخ ...ولو انو هذا الحيوان الي راه يلعب باختك يستهل طريحة مالكبار باش يتربى الا انه اختك ما ينفعش معاها الضرب فقط ..يجب اعلام الاب لكي يتصرف مع ابنته.
AMINA.Z
2012-09-28, 16:09
اختك هادي ما تحشمش على روحها
يا اختي جربتي معاها بالملاحة و بالقباحة و ما صلحتش
تبانلي وصليها لباباك خير هاكا باه تنقذو السمعة و الشرف تاع العايلة و
صح رايحة تكرهك مي راح يجي الوقت وين تفيق بلي سلكتيها من مصيبة كبيرة
و الله الحب هادا شوهوه و ما خلاولو حتى قيمة في المجتمع تاعنا حتى الزواج و ما بقاتلوش قيمة
الله يهدينا
بلال الرومنسي
2012-09-28, 16:16
اختك طايحة في حبو لودنيها ................ وممكن تعمل شئ خطير من اجله ........
وانا اعتقد الاسرة التي ليس فيها تفاهم بين الابوين والابناء هي التي تحدث فيها هكدا مشاكل

لازم والديك يجلسو مع اختك ويشغلو معاها بعقلية ويفهموها ......... ولا اعتقد ان التاجر يريد الزواج منها ... لانه لو اراد دلك لما ههد خالك بانه سيقدم شكوى ضده في للشرطة ..... خبري ابوك ولا افهم كيف الاب ورب الاسرة هو اخر من يعلم ؟؟؟

يعني جيرانك علابالهم وخالك علابالو وامك علابالها واختك 5 سنين علابالها وابوك مثل - الاطرش في الزفة -
الحطاب سهام
2012-09-28, 17:27
اختي ياك قلتي خالك متفهم وعلاه تعامل معاها بالطريقة هذي؟؟؟؟هي الان راهي دايرتها معاندا ومغانة لالا من المفروض خالك يتكلم معاها بهدوء ويفهمها بهدوء
واختي هذي كيفاه راهي تهدر معاه؟؟؟انا من رايي انك تعاودي تهدري مع الخال لكن هذي المرة يهدر معاها بهدوء ورزانة وينحيلها وسائل الاتصال بيه نهائيا ...اوووووووووو هذا شرف ماشي لعب وهددوه بانكم ستخبرون اهل زوجته ان لم يبتعد
صراحة المشكلة الان راهي في اختكم هي الي راهي معمدا ومادايرا حساب لحتى واحد
لازم توقفو اختكم عند حدها .الراجل ذكا راهو في حاله وهي راهي تتصل بيه ....
ياسمين92
2012-09-28, 19:18
مادامها معندة خليها على هواها راهي كبيرة و تعرف صلاحها
انت المهم درتي اللي تقدري عليه و زدتي بهدلتي روحك ملفوق و هي مازالت غير في عماها
خليها تجرب و تشوف و صدقيني غير تعيا تعيا و تعرف حجم الغلطة تاعها
أم معاذ أم معاذ
2012-09-28, 19:48
يا أختي أنا من رأيي ما تزيدي تحكي مع حتى واحد في هذا الموضوع
و تبقاي تناصحي أختك بالتي هي أحسن لأنو أي تصرف آخر راح يزيد الطين بلة
و رانا نعرفو الكل العقليات
بدليل أنو حطيتي خالك عاقل و راح ينصحها و يحكي معاها لكن
في سنها ماش راح يفيد معاها العنف لأنو ممكن تدير أمر أكبر
أنت صاحبيها و خليها تطمنلك و تعود تحكيلك على كل خرجاتها و دخلاتها مع هذا الشخص باه و تنصحيها كل مرة و تبينيلها ديما عيوب تاع هاذ العلاقة
و أيضا تحطي ديما المواعظ في الدار أسمعي أنت و هي راح تسمع معاك بلا ما تعيطيلها تاع أرواحي تسمعي لأنها راح تزيد تخشن راسها
و إنت و حكمتك في التعامل معها
يعني راح تكوني إنت الإستشاري النفساني تاعها


و ربي يهديها و يبعد عليها ولاد الحرام
ناشدة السؤدد
2012-09-28, 20:21
هي قالت على خالها ما هو بابا ماهو خويا معناها الحل هنا

أمك تخبر والدك بطريقتها الخاصة

و حاولي انتي معاها مابيلا وافقت أمك على اخباره لأن الأمر عظيم

اجبديها بالملاحة و فهميها أنه حتى و لو تقدم لها -بافتراض أنه صادق نفترض فقط فالظاهر العكس- فلن يوافق الوالد تزويج ابنته 22 سنة برجل متزوج سيطلق زوجته من أجلها
المرة الماضية و الله أعلم قلتي ذهب في عطلة مع زوجته و هل هذا شخص يريد تطليقها؟

و أيضا حاولي معها من ناحية الدين أن ما تفعله حرام و ستدمر أسرة و هل تريد بناء الحلال بالحرام

حتى أمك لها دور و مسؤولية في كل هذا ، لها أن تمنعها من الاتصال به بأخذ الهاتف منها أو ما شابه

ندعو الله لها الهداية
و ان شاء الله تحل بدون مشاكل
z.abdo
2012-09-28, 20:30
والله احترت أختي لم اعرف اي نصيحة اقدمها لك


مزالي نفكر ونقلك بإذن الله
غليزاني 26 سنة
2012-09-28, 21:06
على حساب اصرار اختك راني شاك بلي دارت معاه الحرام في المتجر
اختي نورمالمو هادي اختك تحكي معاها كصيقة يعني ما تحشمش منك لازم تصارحك بواش كاين بيناتهم باه ما تطفرش الحية
*بسمة أمل*
2012-09-29, 09:46
يعني عيب هذا الرجل في نظرك أنه متزوج فقط؟؟؟؟؟؟ وإلا فإن العلاقة مسموحة
إذا كان سيخطبها وكانت مصرة عليه لغاية في نفسها لماذا ترفضون
نصيحة لك أختي ربما تبدو خارجة عن موضوع المشكلة أقطعوا النت وتخلوا عن التلفاز ربما تعدون إلى رشدكم
لأن الحياة ليست مسلسل نعيش فيها صراع العلاقات وفي الأخير البطلة تعيش بسعادة
hamza touazi
2012-09-29, 10:04
اختي وكان حليتو الامر بدون متسمعي خالك غلطتو مي دوك معليش حاولو تتعلمو من الغلط لازم تفهمي ختك بلي هادا شيئ مش مليح ليكم وتولو على لسان كل الناس والشرف تاعكم يحكو عليه الكل بهدلتو برواحتيكم وباباك مسكين يسمع ابابل يهبل ولا يموت بعيد الشر انعلو بلييس يابنات راكم دايرين فتن كبار فالبلاد يلبسو الفيزو وملفوق خمار لاحول ولا قوة الا بالله
القلب الجريء
2012-09-29, 18:29
الله غالب

هي تحوس تطيح الأرواح باش تحبس