ماهية قيمة المهر في عائلتك [الأرشيف] - منتديات الجلفة لكل الجزائريين و العرب

ام هيثومة

2012-09-28, 13:33

السلام عليكم ورحمة الله تعالى وبركاته
المهر لا يرفـع و لا ينقص من شـأن الزوجـة و مقـدار غلاها عند أهلها أو عنـد زوجها المقــبل عليها ..

و مغالاة المهور ليست للمفاخـره بها !!!!!!

بينما التقــصير فيهاأيضـا قـد يظـلم الزوجـة .. لأنها مطلـوبه بالكثير من التجهـيزات

في ظــل غــلااااااااااء الأسعار الفاحشة في أسواقــنا ..!!
سؤالي ماهي قيمة المهر المطالبة بها في مجتمعك

فافا مينوشة

2012-09-28, 13:46

ههه منكدبش على ختي انا صح كن بابا يهديه ربي ويوافق على الانسان لي ختاريتو نطلب الهنا برك والله منحوس حاجة
بصح حنا في العائلة قيمة المهر المطلوب هو 8 ملاين برك

aihemsara

2012-09-28, 13:48

م انو المضوع مكرر,,, هنا كل واحد و كيفاش
حنا 5 بنات في الدار شرطنا كان مصحف
لكن رجالنا في المقابل قامو ينا دارولنا الشي لي يقدرو عليه و الحمد لله

كاميلا

2012-09-28, 14:13

انا اختي قال للخطاب ابي اللي تدوه وتقدروا عليه هوما مدولنا 15 مليون

ام هيثومة

2012-09-28, 14:34

شكرا على المرور اخواتي نتمنا مايكونش الموضوع مكرر اما المهر نتاعي انا واخواتي ونساء اخوتي هو 10ملاين

سعاذ

2012-09-28, 15:43

السلام عليكم
في العايلة تاعنا مابين 8 و 10 ملايين
و اخر واحدة 10 ملايين
دمتم في رعاية الله و حفظه

z.abdo

2012-09-28, 16:31

10 ملايين ....

SOUSOU. DZ

2012-09-28, 16:35

انا اختي دفعولها تسع ملاين مي اكثر شيء عشر ملاين والله ماهي مشكل دراهم قد هو الهناء وسعادة

SOUSOU. DZ

2012-09-28, 16:38

10 ملايين ....

ههه

وعلاش مكبرها هكدا ........... في رايك 10 ملاين بزاف ولا قليل

اسلام انس

2012-09-28, 16:43

حنا عندنــــــــــــا من 10ملاين حتى 15مليـــــــــــون الله يجيب الخير وين توصل كي نبغو نتزوجــــــــــــــــــو

ميمي مانو

2012-09-28, 16:43

احنا عندنا مكانش مبلغ محدد يقولو نشرطو الهناء ومباعد 4 مسايس وسلسلة وخاتم ولي بوكل ولي عندو او يدير رديف
شفتو ضرك معن الهناء ههههههههه
وهاو سبب العنوسة ربي يهدي برك

mohamed160

2012-09-28, 16:45

ما تهم القيمة المهر المهم تكون صالحة برك

كاميلا

2012-09-28, 16:48

احنا عندنا مكانش مبلغ محدد يقولو نشرطو الهناء ومباعد 4 مسايس وسلسلة وخاتم ولي بوكل ولي عندو او يدير رديف
شفتو ضرك معن الهناء ههههههههه
وهاو سبب العنوسة ربي يهدي برك

هادي هي الفخة اللي يطيحو فيها الناس واللي تجيبلهم كل شيء وتعمرله داره يستخسر فيها كبرة و2 ملاين ههههههههههه

soha1987

2012-09-28, 20:38

حنا 10 ملاين
مي هاد لموضوع تبالي دراو واحد لعضو
شكرا على الموضوع

z.abdo

2012-09-28, 20:47

ههه

وعلاش مكبرها هكدا ........... في رايك 10 ملاين بزاف ولا قليل

هههههههههههه.......مخلوع من المبلغ

في نظري ان أكثر من 10 بزاف:sdf:

الواثق

2012-09-28, 21:26

z.abdo

2012-09-28, 21:41

المشكلة مايتبع المهر .................من شروووووووووووووووووووووووووووط.................... ........وتشرااااااااااااااااااااااااااط........... ......حتى يرجع الرجل

شرييييييييييييطة

والله المستعان

شكرا للأخ الواثق اريد أن اوضح مصطلح شريطة هي العربة التي تجرها الحيوانات أكرمكم الله

اَلْنَّفْسُــــ اَلْمُطْــمَــئِـنَّـةღ♥ღ

2012-09-28, 21:52

حنا لمهر يكون في الدهب كان 50 غ اي مايقارب 16 مليون دوك اهوم هبطوه ل 35 غ ............بطبيعة الحال هدا بمنطقتي

فتـ حييةـاة

2012-09-28, 21:52

شكرا للأخ الواثق اريد أن اوضح مصطلح شريطة هي العربة التي تجرها الحيوانات أكرمكم الله

حنا نسموها الكَروسة في حين بعض المناطق الاخرى الكروسة = السيارة الي نسموها احنا اللوطو

خرجنا على الموضوع :::::::::في امان الله

الواثق

2012-09-28, 21:59

شكرا للأخ الواثق اريد أن اوضح مصطلح شريطة هي العربة التي تجرها الحيوانات أكرمكم الله

يوم اضرب الحيوان وقال *** لا اجر شيئا البتة للانسان
فحملــها الرجل باختلال *** فسمعنا صوت انين بكتمان
فاركبي وامسكي الحبال .... وقولي ار ار بلا حسبان
هذه حالنا اه بلا اسبال *** فلم اجد الا الله المستعان

محاولة هههههه

شيء من رجاء !

2012-09-28, 22:17

امينة 1991

2012-09-28, 22:17

لا اعرف بالضبط قيمة المهر عندنا لكن من المفروض ان لا يكون مهر البنت مبلغ من المال لان المال سيزول مهما كثر لكن المهر الحقيقي هو ان يتعهد الزوج لزوجته بالاخلاص والوفاء لها ولاولادهما في المستقبل وبحمايتهم فقط

شيء من رجاء !

2012-09-28, 22:18

يوم اضرب الحيوان وقال *** لا اجر شيئا البتة للانسان
فحملــها الرجل باختلال *** فسمعنا صوت انين بكتمان
فاركبي وامسكي الحبال .... وقولي ار ار بلا حسبان
هذه حالنا اه بلا اسبال *** فلم اجد الا الله المستعان

محاولة هههههه

من التي ستركب وتمسك الحبال ؟ :rolleyes:

z.abdo

2012-09-28, 22:27

لو بقينا حبيسي سؤال عن قيمة المهر في العائلة وفي المحيطين بك لنا نتقدم خطوة
السؤال الأهم برأيي ، ماهي قيمة المهر المفترض أن تكون ؟ ومن يستطيع الخروج عن العادات والأعراف التي تلزم مالا يلزم

لكن أختي نحن ننقاش حسب عنوان الموضوع وما كتب صاحب الموضوع

وإذا اردنا أن نتقدم بالفعل كما قلتي أختي علينا نغير في الواقع ومحيطنا قبل

شيء من رجاء !

2012-09-28, 22:34

لكن أختي نحن ننقاش حسب عنوان الموضوع وما كتب صاحب الموضوع

وإذا اردنا أن نتقدم بالفعل كما قلتي أختي علينا نغير في الواقع ومحيطنا قبل

نعم أدري ، فكلامي كان لصاحب الموضوع ، لأن قبل أيام كان يوجد موضوعا بنفس المضمون .
فأردت تغيير السؤال من ماذا فعلوا إلى ماذا سنفعل أو ماذا نريد أن نفعل

العادات ليست قرآن منزل

الواثق

2012-09-28, 22:35

من التي ستركب وتمسك الحبال ؟ :rolleyes:

سؤال صعب لم اجد له اجابة منذ زمن ..................حتى واذا وجدت له اجابة وجدتها انها صعبة التحقق او من الاوهام فاعتزلت والله المستعان

الواثق

2012-09-28, 22:39

لو بقينا حبيسي سؤال عن قيمة المهر في العائلة وفي المحيطين بك لنا نتقدم خطوة
السؤال الأهم برأيي ، ماهي قيمة المهر المفترض أن تكون ؟ ومن يستطيع الخروج عن العادات والأعراف التي تلزم مالا يلزم

على قدر المستطاع ...............بالنسبة لي ارى ان 12 مليون محسوب فيها كل شيء تكفي .............ولاهرج ومرج في العرس اكرام الضيوف واظهار الفرح ثم فلينتشرو في الارض ......................والله اعلم

شيء من رجاء !

2012-09-28, 22:42

سؤال صعب لم اجد له اجابة منذ زمن ..................حتى واذا وجدت له اجابة وجدتها انها صعبة التحقق او من الاوهام فاعتزلت والله المستعان

" ولا تيأسوا من روح الله " واستعينوا بالدعاء والاستغفار "فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً"

،
إلى كل مشتكي (http://www.youtube.com/watch?v=NVlbg9RenqI&feature=em-subs_digest-newavtr-vrecs)
:)

z.abdo

2012-09-28, 22:45

نعم أدري ، فكلامي كان لصاحب الموضوع ، لأن قبل أيام كان يوجد موضوعا بنفس المضمون .
فأردت تغيير السؤال من ماذا فعلوا إلى ماذا سنفعل أو ماذا نريد أن نفعل

العادات ليس قرآن منزل.

شكرا أختي على التوضيح

أما عن الموضوع فهناك مواضيع كثيرة تشبهه قد كتبت من قبل وليس منذ أيام فقط

أما عن التغيير من رأيي أن كل واحد مسؤول أثناء الخطبة ييسر ولا يعسر لكن المشكلة أن جميع الفتيات

يقلن انهم ضد هذه العادات لكن في الواقع هناك كثير من الشباب يشكون من تشراط خطيباتهم واهلم

أين المشكل الله اعلم

شكرا اختي مرة اخرى وجزاك الله كل خير

إكرام ملاك

2012-09-28, 22:45

عندنا القيمة الاجمالية 10 مليون ويخرج منها العشاء تاع العروس

شيء من رجاء !

2012-09-28, 22:46

شيء من رجاء !

2012-09-28, 22:49

شكرا أختي على التوضيح

أما عن الموضوع فهناك مواضيع كثيرة تشبهه قد كتبت من قبل وليس منذ أيام فقط

أما عن التغيير من رأيي أن كل واحد مسؤول أثناء الخطبة ييسر ولا يعسر لكن المشكلة أن جميع الفتايات

يقلن انهم ضد هذه العادات لكن في الواقع هناك كثير من الشباب يشكون من تشراط خطيباتهم واهلم

أين المشكل الله

شكرا اختي مرة اخرى وجزاك الله كل خير

نعم حتى لا تشعر أنها أقل من أقرانها ، وخاصة في التصديرة ، الحل القضاء على التصديرة :rolleyes:

الواثق

2012-09-28, 22:52

كل شيء داخلة فيها تجهيز غرفة النوم ولواحقها أم تقصد المهر وتوابعه ..
،

أتخيل العريس ليلة زواجه يخرج للضيوف .. انتشروااا :o

قصدت من المبلغ جهازها وذهبها بقدر المستطاع ...........وانتهى الامر ..........................لم افهم قصدك بتجهيز الغرفة .............الغرفة تكون جاهزة من الرجل ولا دخل للمرأة فيها

اما قضية انتشرو راهي الاعراس ولات فندق ل6 ايام ..............يعني الواحد شهر وهو في العرس المفروض يومين على الاكثر

z.abdo

2012-09-28, 22:52

نعم حتى لا تشعر أنها أقل من أقرانها ، وخاصة في التصديرة ، الحل القضاء على التصديرة :rolleyes:

إذا برأيك أن التصديرة هي التي تكلف ؟؟؟؟

كم برأيك أختي تكلف من المال ؟؟؟؟؟؟؟؟

الواثق

2012-09-28, 22:56

إذا برأيك أن التصديرة هي التي تكلف ؟؟؟؟

كم برأيك أختي تكلف من المال ؟؟؟؟؟؟؟؟

خصها تكون لبستها ...................ياو سلف في سلف ................روبة يكروها ب 5000 دج جزاءري باش تلبسها زوج دقايق

z.abdo

2012-09-28, 22:58

خصها تكون لبستها ...................ياو سلف في سلف ................روبة يكروها ب 5000 دج جزاءري باش تلبسها زوج دقايق

هلا اخي الواثق

إذا كان سلف كما تقول إذا مال المهر اين ؟؟؟؟؟؟؟

شيء من رجاء !

2012-09-28, 23:00

قصدت من المبلغ جهازها وذهبها بقدر المستطاع ...........وانتهى الامر ..........................لم افهم قصدك بتجهيز الغرفة .............الغرفة تكون جاهزة من الرجل ولا دخل للمرأة فيها

اما قضية انتشرو راهي الاعراس ولات فندق ل6 ايام ..............يعني الواحد شهر وهو في العرس المفروض يومين على الاكثر

قلت داخلة فيها كل شيء ، فكان سؤالي كل شيء يتعلق بالعروس ، أو بتجهيز العرس ككل ، ومن ردك يبدو أن قصدك الأول .

بخصوص الأعراس ، عندنا تستمر لعدة أيام ، لكن نسبيا غير مكلفة مقارنة بما هو حاصل في مناطق أخرى من كراء صالة وغيره .
عندنا يوم الحنة ، وظهرت بدعة أخرى قبل ليلة الحنة الرسمية تقيم العروس حنة ( والدها ) ، يوم الزواج ، التصديرة ، يوم 3 ، يوم 7 .. عرس السلطان ستة أيام وسبعة ليالي :confused:

الواثق

2012-09-28, 23:01

هلا اخي الواثق

إذا كان سلف كما تقول إذا مال المهر اين ؟؟؟؟؟؟؟

والله ماني عارف ..........كل يوم يحسبوهم تروح ورقة وهكذا ههههه كل ماطول في الخطبة تروح الاوراق

z.abdo

2012-09-28, 23:04

قلت داخلة فيها كل شيء ، فكان سؤالي كل شيء يتعلق بالعروس ، أو بتجهيز العرس ككل ، ومن ردك يبدو أن قصدك الأول .

بخصوص الأعراس ، عندنا تستمر لعدة أيام ، لكن نسبيا غير مكلفة مقارنة بما هو حاصل في مناطق أخرى من كراء صالة وغيره .
عندنا يوم الحنة ، وظهرت بدعة أخرى قبل ليلة الحنة الرسمية تقيم العروس حنة ( والدها ) ، يوم الزواج ، التصديرة ، يوم 3 ، يوم 7 .. عرس السلطان ستة أيام وسبعة ليالي :confused:

تعني كلمة المهر فيه كل شيء يعني

الكبش + الذهب + ..........الخ

ولما يكون هذا الإتفاق ينتظر العريس يوم العرس أن يأخذ عروسته وفقط يعني لما يدفع المهر لأهل العروس

هو ليس ملزم بأي شيء آخر سوى ينتظر يوم العرس ليأخذ عروسته

هذا هو شرح المهر فيه كلش

شيء من رجاء !

2012-09-28, 23:05

إذا برأيك أن التصديرة هي التي تكلف ؟؟؟؟

كم برأيك أختي تكلف من المال ؟؟؟؟؟؟؟؟
:confused:
سؤال رده محرج بصراحة
لا أعرف بالضبط ، ولا يمكن أن أفيدك في هذه ، لأني لست من هواة متابعتها أو حضورها .
لكن بما أن التصديرة تحتاج فيها العروس إلى عدة أزياء بين مكري ومشري ، و ذهب وإكسسوارات ، وحلاقة ، يعني ستستهلك قيمة كبيرة من المهر إن لم يكن كله ، خاصة أن في التصديرة يكثر غمر ولمز النسوة

الواثق

2012-09-28, 23:07

قلت داخلة فيها كل شيء ، فكان سؤالي كل شيء يتعلق بالعروس ، أو بتجهيز العرس ككل ، ومن ردك يبدو أن قصدك الأول .

بخصوص الأعراس ، عندنا تستمر لعدة أيام ، لكن نسبيا غير مكلفة مقارنة بما هو حاصل في مناطق أخرى من كراء صالة وغيره .
عندنا يوم الحنة ، وظهرت بدعة أخرى قبل ليلة الحنة الرسمية تقيم العروس حنة ( والدها ) ، يوم الزواج ، التصديرة ، يوم 3 ، يوم 7 .. عرس السلطان ستة أيام وسبعة ليالي :confused:

كان قصدي بالعروسة فقط فالغرفة وتجهيزها هاذي 20 مليون وحدها و20 مليون للعرس ...............رانا في المتوسط هههه

نحن كذلك لاقاعة ولاهم يحزنون لكن لما تجي العايلة جايبة بقاج تاع شهر هي والاطفال والجد والجدة والجار وخلي برك .............والناس تاكل وتشرب وراقدة وتمونجي والعايلة او الرجل يخلصها بقرة وبنتها ...............لو يديرو كيما الحج ماعليش كل واحد يجيب الكبش او النعجة تاعو ويجي ههه...............لما اتى ابي من الحج جائتنا تقريبا 30 نعجة وكبش ذبحنا قريب 20 والباقي بعناه يعني لباس هههه

z.abdo

2012-09-28, 23:09

:confused:
سؤال رده محرج بصراحة
لا أعرف بالضبط ، ولا يمكن أن أفيدك في هذه ، لأني لست من هواة متابعتها أو حضورها .
لكن بما أن التصديرة تحتاج فيها العروس إلى عدة أزياء بين مكري ومشري ، و ذهب وإكسسوارات ، وحلاقة ، يعني ستستهلك قيمة كبيرة من المهر إن لم يكن كله ، خاصة أن في التصديرة يكثر غمر ولمز النسوة

حسنا حسنا اختي فهمتك أختي

بارك الله فيك أختي على التوضيح وجزاك الله كل خير

شيء من رجاء !

2012-09-28, 23:10

تعني كلمة المهر فيه كل شيء يعني

الكبش + الذهب + ..........الخ

ولما يكون هذا الإتفاق ينتظر العريس يوم العرس أن يأخذ عروسته وفقط يعني لما يدفع المهر لأهل العروس

هو ليس ملزم بأي شيء آخر سوى ينتظر يوم العرس ليأخذ عروسته

هذا هو شرح المهر فيه كلش

اه
عندنا متوسط المهر من 10 إلى 12 + خاتم + رجل خروف
لكن في مناطق مجاورة من نفس الولاية عندهم شرط الذهب ، يبدو اننا تجاوزتنا الحضارة

SOUSOU. DZ

2012-09-28, 23:11

هههههههههههه.......مخلوع من المبلغ

في نظري ان أكثر من 10 بزاف:sdf:

معليش دير مع خطيبتك افااااااار وقولها تنقصلك وقولها المهم الهناء وسعادة ولا واشنو

z.abdo

2012-09-28, 23:14

شيء من رجاء !

2012-09-28, 23:14

كان قصدي بالعروسة فقط فالغرفة وتجهيزها هاذي 20 مليون وحدها و20 مليون للعرس ...............رانا في المتوسط هههه

نحن كذلك لاقاعة ولاهم يحزنون لكن لما تجي العايلة جايبة بقاج تاع شهر هي والاطفال والجد والجدة والجار وخلي برك .............والناس تاكل وتشرب وراقدة وتمونجي والعايلة او الرجل يخلصها بقرة وبنتها ...............لو يديرو كيما الحج ماعليش كل واحد يجيب الكبش او النعجة تاعو ويجي ههه...............لما اتى ابي من الحج جائتنا تقريبا 30 نعجة وكبش ذبحنا قريب 20 والباقي بعناه يعني لباس هههه

لماذا تكلفون أنفسكم فوق طاقتها ؟
يعني بالمقابل كل شخص أحضر لكم عليكم أن تردوا له نعجته ، فإذا اجتمع أكثر من حاج في السنة تشتروا مجموعة نعاج

30 نعجة تصلح مشروع مربح ، لو قمتم بتربيتها ونفرض أن فقط عشرون نعجة حملت وأعطت خروف ، تشكلون قطيع

SOUSOU. DZ

2012-09-28, 23:17

على قدر المستطاع ...............بالنسبة لي ارى ان 12 مليون محسوب فيها كل شيء تكفي .............ولاهرج ومرج في العرس اكرام الضيوف واظهار الفرح ثم فلينتشرو في الارض ......................والله اعلم

والله ياخويا الواثق راك غالط 12 مليون ماعندها مادير وين تجي في دهب ول جهاااز ولا تفراش الدار ولا ضيوف ولا ولا ولا 12 مليون لي راك تحكي عليها والله في سلسلة ماتجيش تاني حتى شابة انا اختي لوكان نقولك وين راهي واصلة في دراهم لي حطتهم في جهازها كااااااااامل دوخ ديراكت والحمد الله كانت خدامة وعاونت روحها مع انو مابدرناش الحوايج الخصوصية

z.abdo

2012-09-28, 23:17

معليش دير مع خطيبتك افااااااار وقولها تنقصلك وقولها المهم الهناء وسعادة ولا واشنو

انا اصلا مبدأي هو الهناء والسعادة قبل المال ويكون جميل لو تطابقت افكاري مع افكار خطيبتي

اسعى لرضى الله

2012-09-28, 23:17

كون كان كل واحد يمشي على واش يخرج عليه هو دك مناش في الحالة هدي
--------------------
رجعنا كل واحد يحوس يرضي الناس ويدير اشهار لروحو ويعودو يديروه موضوع السهرة ويماها تقولهم ايه تشوفو بنتي مدولها كذا وكذا ودارت العرس كذا وكذا
__________

الزواج ساهل في دينا بصح العباد تاع دك فسدوه حتى انو رجع مافيهش البركة وكثرت المشاكل وكثرو المناكر

الله يهدينا برك

الواثق

2012-09-28, 23:18

لماذا تكلفون أنفسكم فوق طاقتها ؟
يعني بالمقابل كل شخص أحضر لكم عليكم أن تردوا له نعجته ، فإذا اجتمع أكثر من حاج في السنة تشتروا مجموعة نعاج

30 نعجة تصلح مشروع مربح ، لو قمتم بتربيتها ونفرض أن فقط عشرون نعجة حملت وأعطت خروف ، تشكلون قطيع

اغلبهم ردو النعاج يعني الخير سابق ................كنا نربي قديما لكن تأزمت الامور فعلينا ان نجد ارضا وراعيا وووو............وليس بالامر السهل

مريم الصابرة

2012-09-28, 23:20

السلام عليكم
صح هي من جهة الغلاء ومن جهة الراجل ثاني بزاف عليه إحنا في دارنا 10 ملاين منهم كل شي الكبش والذهب وكل شي إلا خاتم الخطوبة هذاك وحدو والباقي لا مشكل يتفاهمو عليهم كان الراجل ما عندوش نورمال يتفاهمو يتقاسمو جهازها مع اهلها هذا ماكان المهم الهنا شكرا

اسعى لرضى الله

2012-09-28, 23:20

شيء من رجاء !

2012-09-28, 23:22

SOUSOU. DZ

2012-09-28, 23:23

انا اصلا مبدأي هو الهناء والسعادة قبل المال ويكون جميل لو تطابقت افكاري مع افكار خطيبتي

اه وي عندك الحق خويا هاديك هيا المهم ربي يلاقيك بيها ان شاء الله ونفرحو بيك نديرو عرس في المنتدى انت وجميع الشباب ان شاء الله

شيء من رجاء !

2012-09-28, 23:27

مرة جات وحدة من عائلتنا تتسلف في الدراهم وحكات ليما قالتلها بلي ولدها راه في الديونات تاع العرس

مفهمتش انا هدا زوج باش يرتاح ولا يصبح في مشكل الدين؟؟؟

حتى الرجال ساعات نلومهم كيعاد يكلفو رواحهم فوق طاقتهم نورمالمون كي يروح يخطب يقولها شوفي ابنت الناس هاهو واش عندي بغيتي تزوجي مرحبا مبغيتيش الله لا زوجتي واش يديه يروح يسلف باش يدير عرس ؟؟؟

سواء الرجل أو المرأة كل الذين يكلفون أنفسهم فوق طاقتها ، تجديهم يهمهم الناس أكثر من جيوبهم
الله يهدينا ويهديهم
ذكرتيني بكرتون فلسطيني رأيته سابقا بخصوص الموضوع

خللها (http://www.youtube.com/watch?v=daOZNcgCM0k)

الواثق

2012-09-28, 23:27

والله ياخويا الواثق راك غالط 12 مليون ماعندها مادير وين تجي في دهب ول جهاااز ولا تفراش الدار ولا ضيوف ولا ولا ولا 12 مليون لي راك تحكي عليها والله في سلسلة ماتجيش تاني حتى شابة انا اختي لوكان نقولك وين راهي واصلة في دراهم لي حطتهم في جهازها كااااااااامل دوخ ديراكت والحمد الله كانت خدامة وعاونت روحها مع انو مابدرناش الحوايج الخصوصية

ومن قال اني احتاج هذه الامور تشري حوايج روحها وخلاص ...........وعلاه الامور التي ذكرتيها لازمة او مشروطة ؟؟؟ المهم مهر حسب الشرع وانتهى الامر ............واذا كان تجيبلي حانوت لازم نعطيها 200 مليون وعلاه انا ساكن في وسط الصحراء نهار نحتاجو حاجة رانا نشروها .......................واقلكن مهورا اكثركم بركة ..................واذا كان الواحد يروح يحوس على الخدامة باش تجيبلي الذهب والحوالا والقش والصوف ووووو ايملا تجارة هاذي ...........روح نشوف كاش دكتورة في الجامعة موجدة السكنة والجهاز ونشريلها مصحف واللهم بارك ههه.......

والله شر البلية مايضحك ....................

وانا نكره من المرأة التي لاتقدر تعب الرجل فهو وفر مايستطيع وافرضي راني نخلص 4 مليون للشهر كي نشدهم عامين تولي عندي 116 مليون معناه نخطب ونستنا عامين باش نتزوج ونرضيهم ................

حليلك يالزوالي

وهذا اذا كانت البنت تستاهل ؟؟؟ مانعرف

z.abdo

2012-09-28, 23:27

اه وي عندك الحق خويا هاديك هيا المهم ربي يلاقيك بيها ان شاء الله ونفرحو بيك نديرو عرس في المنتدى انت وجميع الشباب ان شاء الله

شكرا أختي اسماء

ربي يرزقك بما تقر به عينك

وشكرا لكم جميعا على النقاش المفيد واتتركم في حفظ الله بإذنه

سبحانك اللهم وبحمدك اشهد ان لا إلله إلا انت استغفرك واتوب إليك

SOUSOU. DZ

2012-09-28, 23:33

شكرا أختي اسماء

ربي يرزقك بما تقر به عينك

وشكرا لكم جميعا على النقاش المفيد واتتركم في حفظ الله بإذنه

سبحانك اللهم وبحمدك اشهد ان لا إلله إلا انت استغفرك واتوب إليك

العفو خويا عبدو

اللهم ماامين يارب

ههههههه

دعاء فكرني نهار لي كتبتو بعد نقاش وفي بالي حاجة اخرى هع

تصبح على طاعة الرحمان ورؤية الرسول في المنام

الواثق

2012-09-28, 23:34

إذا الآن فهمت من الاخت رجاء الخير ان التصديرة هي التي تكلف

أخي والواثق نظن قبل ما نديرو حملات مقاطعة اليوتيوب و قوقل

نديرو حملة مقاطعة التصديرة وماشابهها

تضييع مال بدون فائدة في الزوخ و تباهي النسوة أمام بعضهم بينما الشاب المسكين

ليس من عرق جبينه فقط بل دمه في رزقه سحقا لهذه العادات

اكيد المقاطعة وسيكون هذا في الشروط منذ البداية واقول لها بالحرف الواحد

اتق الله قدر المستطاع ولاتكلفي نفسك فلو وزعت المهر على الفقراء وجئتني بجلبابك فقط فلن احزن بل ساضحك وافرح واعلمي ان الواثق اذا ضحك في البيت فسيضحكون كلهم هههه

SOUSOU. DZ

2012-09-28, 23:37

ومن قال اني احتاج هذه الامور تشري حوايج روحها وخلاص ...........وعلاه الامور التي ذكرتيها لازمة او مشروطة ؟؟؟ المهم مهر حسب الشرع وانتهى الامر ............واذا كان تجيبلي حانوت لازم نعطيها 200 مليون وعلاه انا ساكن في وسط الصحراء نهار نحتاجو حاجة رانا نشروها .......................واقلكن مهورا اكثركم بركة ..................واذا كان الواحد يروح يحوس على الخدامة باش تجيبلي الذهب والحوالا والقش والصوف ووووو ايملا تجارة هاذي ...........روح نشوف كاش دكتورة في الجامعة موجدة السكنة والجهاز ونشريلها مصحف واللهم بارك ههه.......

والله شر البلية مايضحك ....................

وانا نكره من المرأة التي لاتقدر تعب الرجل فهو وفر مايستطيع وافرضي راني نخلص 4 مليون للشهر كي نشدهم عامين تولي عندي 116 مليون معناه نخطب ونستنا عامين باش نتزوج ونرضيهم ................

حليلك يالزوالي

وهذا اذا كانت البنت تستاهل ؟؟؟ مانعرف

وكيفااش خويا ريحم بوك عندها دار ماتجهزهاش تروح بلا دهب بلا بلا بلا انت اختك راحت هكدا ولا واشنو فهمني كيفاش تفكر خويا الواثق يرحم بوك

فتـ حييةـاة

2012-09-28, 23:39

هكذا تريدون توريطي مع بنات جنسي :o

الناس تدير difili de mode وتخلُص عليه الدراهم واحنا نخسرو عليه الملايين والناس تتفرج باطل و+ معاه الهدرة الزايدة مايعجبهم لا العجب ولا الصيام في رجب :rolleyes:

اسعى لرضى الله

2012-09-28, 23:41

الناس تدير difili de mode وتخلص عليه الدراهم واحنا نخسرو عليه الملايين والناس تتفرج باطل و+ معاه الهدرة الزايدة امايعجبهم لا العجب ولا الصيام في رجب :rolleyes:

iهههههههه ضحكتيني الله يعطيك الربح والله غير هديك هيا بعد هههه جبتيها يعطيك الصحة

شيء من رجاء !

2012-09-28, 23:43

الناس تدير difili de mode وتخلص عليه الدراهم واحنا نخسرو عليه الملايين والناس تتفرج باطل و+ معاه الهدرة الزايدة امايعجبهم لا العجب ولا الصيام في رجب :rolleyes:

وما يحز في النفس أن أغلب هذه الملابس تركن في الرف ، وبعد فترة تتوقف عن لبسها حتى في المناسبات ، لأنه ذهبت موضتها .

على الهامش /
أخي وصل بسلام إلى هناك ، وبدأ التدريب ، اتصل بنا خلسة ليطمئننا

اسعى لرضى الله

2012-09-28, 23:44

والله يا اختي عندك الحق يروحو يخسرو المخلوق في دم فادو مسكين جا يلمهم بشق النفس غير باش ينعتو رواحهم وكما قلتي واالافان التعلاق والتمنشير

كيعاد فيها التمنشير والتعلاق مالا مدير والو خير وخليهم يهدرو ولا واش قلتي ؟

اسعى لرضى الله

2012-09-28, 23:46

وما يحز في النفس أن أغلب هذه الملابس تركن في الرف ، وبعد فترة تتوقف عن لبسها حتى في المناسبات ، لأنه ذهبت موضتها .

على الهامش /
أخي وصل بسلام إلى هناك ، وبدأ التدريب ، اتصل بنا خلسة ليطمئننا

صح كاين منها والله حيرة هههه

كما قالت واحد المراة واحد المرة قالت هدوك الدراهم اللي يروحو في التصديرة يروح يشريهم 3 خرفان ولا هههه ويقعدو يشويو هو ومرتو خيرلهم ههههههه اموان يسمانو بهو بهي

الواثق

2012-09-28, 23:48

وكيفااش خويا ريحم بوك عندها دار ماتجهزهاش تروح بلا دهب بلا بلا بلا انت اختك راحت هكدا ولا واشنو فهمني كيفاش تفكر خويا الواثق يرحم بوك

فهمونا انتم ....................انا نمدلها 12 وربي يسهل اذا بغات اللهم بارك واذا ماعجبهاش الحال ربي يرزقها بما تريد

اختي خرجت من بيتنا ودفع زوجها 6 مليون فقط والحمد لله لها اخوة ورجال اشترينا لها كل ما ارادت حتى زوجها استحي منا فان كان هو لايستطيع فنحن اولى باختنا ..................

ويرحم والديك قولينا بالتفصيل واش هو المهر الجيد بالنسبة لك

فتـ حييةـاة

2012-09-28, 23:51

iهههههههه ضحكتيني الله يعطيك الربح والله غير هديك هيا بعد هههه جبتيها يعطيك الصحة

اللهم آآمين يااارب العالمين

وما يحز في النفس أن أغلب هذه الملابس تركن في الرف ، وبعد فترة تتوقف عن لبسها حتى في المناسبات ، لأنه ذهبت موضتها .

على الهامش /
أخي وصل بسلام إلى هناك ، وبدأ التدريب ، اتصل بنا خلسة ليطمئننا

بالنسبة لي نهار يكتب ربي باذن الله ماكانش هذاك عرض الازياء

الحمد لله على سلامتو ربي يحفظو ويرجعولكم بالسلامة نستودعه الله الذي لا تصيع ودائعه

شيء من رجاء !

2012-09-28, 23:52

صح كاين منها والله حيرة هههه

كما قالت واحد المراة واحد المرة قالت هدوك الدراهم اللي يروحو في التصديرة يروح يشريهم 3 خرفان ولا هههه ويقعدو يشويو هو ومرتو خيرلهم ههههههه اموان يسمانو بهو بهي

صحيح أصبت .
الواقع يقول لن يرضى عنك الناس ، لو جهزتي القليل يروك بخيلة وان جهزتي الكثير يروك مبذرة إذن كل وحدة تفعل ما يناسبها .

أردت سؤالكم : عندكم النساء تلبس " محزمة لويز " ؟

شيء من رجاء !

2012-09-28, 23:54

اللهم آآمين يااارب العالمين

بالنسبة لي نهار يكتب ربي باذن الله ماكانش هذاك عرض الازياء

الحمد لله على سلامتو ربي يحفظو ويرجعولكم بالسلامة نستودعه الله الذي لا تصيع ودائعه

عرض الأزياء وأشياء أخرى ;)

واللهم آمين ، بوركت على المشاعر الطيبة رضي الله عنك

اسعى لرضى الله

2012-09-28, 23:56

فهمونا انتم ....................انا نمدلها 12 وربي يسهل اذا بغات اللهم بارك واذا ماعجبهاش الحال ربي يرزقها بما تريد

اختي خرجت من بيتنا ودفع زوجها 6 مليون فقط والحمد لله لها اخوة ورجال اشترينا لها كل ما ارادت حتى زوجها استحي منا فان كان هو لايستطيع فنحن اولى باختنا ..................

ويرحم والديك قولينا بالتفصيل واش هو المهر الجيد بالنسبة لك

ماشاء الله اخي الواثق صحيح هكاك خير كي درتو لاختكم هكا حتى من راجلها ميقولش اي طماعة ويهز عليكم نظرة مليحة بعكس كون طلبتو وو يقولك هدو جيعانين وداخلينها على الطمع

ابي وامي عندهم نفس عقليتك

اسعى لرضى الله

2012-09-28, 23:57

صحيح أصبت .
الواقع يقول لن يرضى عنك الناس ، لو جهزتي القليل يروك بخيلة وان جهزتي الكثير يروك مبذرة إذن كل وحدة تفعل ما يناسبها .

أردت سؤالكم : عندكم النساء تلبس " محزمة لويز " ؟

على سلامة خوك لم انتبه للملاحظة في الهامش هه

ايه تلبس المحزمة وكون غير جات في المحزمة برك ههههه

SOUSOU. DZ

2012-09-28, 23:58

فهمونا انتم ....................انا نمدلها 12 وربي يسهل اذا بغات اللهم بارك واذا ماعجبهاش الحال ربي يرزقها بما تريد

اختي خرجت من بيتنا ودفع زوجها 6 مليون فقط والحمد لله لها اخوة ورجال اشترينا لها كل ما ارادت حتى زوجها استحي منا فان كان هو لايستطيع فنحن اولى باختنا ..................

ويرحم والديك قولينا بالتفصيل واش هو المهر الجيد بالنسبة لك

علاش انا قتلكم انتوما ادفعو . والله حنا مانديروش كامل بالمهر هداك زايد ناقص وزيد في اختي والله ماتشرطنا لي جابوها قبلنا بيها وزيد دفعولها 9 ملاين
ماكلاه تعب روحك وتدفع لخطيبتك 12 مليون باسكو ماتزيد ماتنقص

وزيد راك قلتها الحمد الله والديا على روسنا نروح وماهو ناقصنا والو ................. واكيد نظن كامل لبنات هكدا المهر مايدير والو

ونقولها ونعاودها والله ماتهم حاجة من غير الهناء وسعادة

شيء من رجاء !

2012-09-29, 00:01

على سلامة خوك لم انتبه للملاحظة في الهامش هه

ايه تلبس المحزمة وكون غير جات في المحزمة برك ههههه

الله يسلمك ويحفظك يارب
هذه المحزمة لست مقتنعة بها ، نحس الوحدة تكون غبية أو ماشابه
أفكاري متطرفة نوعا ما

SOUSOU. DZ

2012-09-29, 00:03

صحيح أصبت .
الواقع يقول لن يرضى عنك الناس ، لو جهزتي القليل يروك بخيلة وان جهزتي الكثير يروك مبذرة إذن كل وحدة تفعل ما يناسبها .

أردت سؤالكم : عندكم النساء تلبس " محزمة لويز " ؟

ممكن سؤال ماشي موجه ليا مي حنا في لافامي مانديروش المحزمة

ماشاء الله اخي الواثق صحيح هكاك خير كي درتو لاختكم هكا حتى من راجلها ميقولش اي طماعة ويهز عليكم نظرة مليحة بعكس كون طلبتو وو يقولك هدو جيعانين وداخلينها على الطمع

ابي وامي عندهم نفس عقليتك

وي اختي عندك الحق لبنت لازم ترفع راسها بدراهمها او دراهم والديها او خوتها

انا قتلهم المهر هداك زايد ناقص ولا واشنو

شيء من رجاء !

2012-09-29, 00:05

ممكن سؤال ماشي موجه ليا مي حنا في لافامي مانديروش المحزمة

وي اختي عندك الحق لبنت لازم ترفع راسها بدراهمها او دراهم والديها او خوتها

انا قتلهم المهر هداك زايد ناقص ولا واشنو

لالا السؤال كان عام وموجه للجميع
بوركت عزيزتي

SOUSOU. DZ

2012-09-29, 00:08

الله يسلمك ويحفظك يارب
هذه المحزمة لست مقتنعة بها ، نحس الوحدة تكون غبية أو ماشابه
أفكاري متطرفة نوعا ما

ماتخافيش ختيتو مام تفكيرنا هكدا يعني عندك الشبيه المحزمة ندير بيها حاجة اخرى اكيد في دهب

قتلهم ايماجيني راحت بروح كلشي ندير سلاسل ولا خواتم ماشي خير

الواثق

2012-09-29, 00:09

علاش انا قتلكم انتوما ادفعو . والله حنا مانديروش كامل بالمهر هداك زايد ناقص وزيد في اختي والله ماتشرطنا لي جابوها قبلنا بيها وزيد دفعولها 9 ملاين
ماكلاه تعب روحك وتدفع لخطيبتك 12 مليون باسكو ماتزيد ماتنقص

وزيد راك قلتها الحمد الله والديا على روسنا نروح وماهو ناقصنا والو ................. واكيد نظن كامل لبنات هكدا المهر مايدير والو

ونقولها ونعاودها والله ماتهم حاجة من غير الهناء وسعادة

لا اظن ذلك ...................فلقد اخطأت في هذا ربما لحداثة سنك ............لكن ستعلمين الكثير ان شاء الله

والكل يقول يهمنا الهناء والسعادة ....................ومن بعد يزيود بزااااااااف دراهم

والله المستعان

ليست نظرة تشائمية لكن واقع ............فان كنت انا على يسر في الامور المادية فالالاف لايتيسر لهم الا القليل فهل يحول ذلك امام السعادة والهناء ؟؟؟

لكن اغلب الناس يقولون ولا يعملون

شيء من رجاء !

2012-09-29, 00:12

نقاش ممتع و إن شاء الله يكون مثمرا في الواقع ، تصبحوا على خير وطاعة ، وتذكروا صلاة الفجر في وقتها تجلب الرزق ، وتذكروا أن رسول الله صلى الله عليه وسلم قال "بورك لامتي في بكورها "

في رعاية الله وحفظه

اسعى لرضى الله

2012-09-29, 00:16

اختي اعلمي انا لي اخت واحدة فقط وتقدم لها اكثر من 6 خطاب ورفضناهم بالرغم من مالهم وكانت الناس تهاب الخطبة من عندنا فيقولون انها اخت وحيدة واخت فلان وفلان وفلان وفلان وسيطلبون الكثير حتى زوجها هذا تقدم لاخي وهو صديقه باحتشام وكان ينتظر الرفض فقبلنا به

حتى ولو طلبنا من اجلها الكثير فسيدفع ولن يقول طماعين حتى عرسها لاغناء ولاهم يحزنون مر ببساطة وغلبه البكاء فقط

والحمد لله

ربي يحفظها ان شاء الله

ممكن ميقولش هو مي خرين يقولو وكي درتولها كلش نتوما احسن

فتـ حييةـاة

2012-09-29, 00:39

♥ المتفائل ♥

2012-09-29, 11:15

غير محدد
///==============

asma1s

2012-09-29, 12:24

10 ملايين ..

hananazziza

2012-09-29, 18:43

السلام عليكم
خندنا في ولايتنا يتراوح المهر من 15 مليزم الى 20 مليون

soussoudarine

2012-09-30, 00:13

ناشدة السؤدد

2012-09-30, 01:02

السلام عليكم المهر في المنطقة نتاعنا هو
اربعة ملايين او خمسة * مسايس او مقياس معاها سلسلة او خاتم* خاتم الحنة* قنطارين صوف* الكسوة تتراوح مابين سبعة ملايين حتى خمسة عشرة مليون وهي عبارة عن ملابس من قفطان و فرقاني وادوات تجميل وملابس مختلفة* كبش مع لوازم العشاء كلها على العريس

الله أكبر

عليها مالا الرجالة هنا يظلو يهدرو على التصديرة ، صار هو اللي يجيب الفرقاني و القفطان ؟ مالا عندهم الحق
و زيد الصوف و الذهب,,,

ـــــــــــــــ
عنا العادي و المشهور ميش الغني أو الفقير

10 ملاين و الخاتم (تاع الخطوبة اللي ولى عادة)
و في العرس زوج كباش و يكري الروبة و يسلك المشطة