تحضيرات عيد الاضحى

[ahlam2060]

مساء الخير اخواتي بمناسبة حلول عيد الاضحى وش رايكم نتبادلو الافكار حول التحضيرات و مختلف التدابير خاصة ملابس الاطفال يعني كل وحدة تقول لنا وش تشري وكيفاه راح تمشي امورها نتمنئ نلقى تفاعل

[natacha-sousou]

نخمم و نقولك ...........

[ام ايمان1]

يااختي الحم غالي والبسة غالية

[ahlam2060]

رد واحد فقط .وش ما عجبكمش الموضوع.

[ناشدة السؤدد]

رد واحد فقط .وش ما عجبكمش الموضوع.

جبتينا العيد يجري ^^

ان شاء الله الاخوات يفيدوك

[نسيبة2012]

والله الوحدة ما تلقى تخمم على الاضحية ولا اللبسة انا شخصيا ما نقدرش نستغنى عليهم في زوج ليا ولولدي لكن رانا عايشين في عايلة راكم تعرفو الحالة ...........اختي جيت نخمم على العيد جاتنا التريميستة تاع الكهرباء 3 ملاين كامل يخلصها راجلي الرجاء اللي تقدر تصبرني ما تبخلش عليا.................

[اكرم10]

الله اكون في العون

[ahlam2060]

اختي ربي يكون في العون لكن حاولي دايما ديري حساب الترسيتي , خاصة في الصيف يعني توفريلها حقها.ورانا كامل كيف كيف.

[hobbio]

اخواتي انا جاني عيد الاضحى يصادف عيد ملاد حفيدي خممت نعملهم مع بعض تحيني فرحة كبيرة

[raoufnina]

`♥★•Great! Thanks a lot dear friend for sharing!•★♥`

[catia]

انا بنتي قالت لي ماتشريلي والو ياخي شريت في الدخول المدرسي واما ولدي شريتلو تريكو برك وانا خيطت قندورة انتاع دار واشرينا طبعا الكبش واعملت شوي قاطو صابلي ورايحة نعمل خبز الدار والبركة في القليل يعني لا افراط ولا تفريط وكل واحد واش يقدر لا يكلف الله نفسا الا وسعها اما الاخت اللي حابة تعيد هي ووليدها والفاتورة انتاع الكهرباء 3ملايين انقولها اختي خلي ايعيد ولدك وانت شوفي حاجة سامبل يعني ماشي غالية وكل عام وانتم بالف خير