شيء من رجاء !
2012-09-27, 08:22
بقلم / ياسين عز الدين ( كاتب فلسطيني )
http://2.bp.blogspot.com/-HpBGRTsUcR4/UGOW9oMGXcI/AAAAAAAAAQI/NLm9qz2IEWs/s1600/579609_377268242350546_1130015176_n.jpg
منذ أن نشر الفيلم المسيء للرسول صلى الله عليه وسلم وفرقع لوز لا يعرف للراحة طعمًا، لقد أنهك الليلة ليس فقط كثرة الصراخ وشتم منتجي الفيلم، بل لأن يده كادت تشل من كثر ما نسخ رابط الفيلم المسيء وهو يضع في كافة المنتديات وصفحات الفيسبوك المشارك بها، ففضح القوم "واجب مقدس" كما يرى صديقنا فرقع لوز.
وعندما هم بإغلاق لابتوبه إلا وعيناه تقعان على إعلان يطلب مقاطعة الفيسبوك يومي 24/9 و25/9، قفز فرقع لوز من مقعده "الله أكبر، لله دركم يا أسود التوحيد"، وبدأ يكلم نفسه "لغير نقضي عليها أمريكا ونمسح فيها الأرض، بكرة بس يشوفوا أسهم الجوجل واليوتيوب نازلة، بيجوا يبوسوا رجلينا، بس وين؟؟ وقتها راح نذلهم ذل قبل ما نرفع المقاطعة".
ونام فرقع لوز ليلته قرير العين لأول مرة منذ أيام وأسابيع، فقد بدأت الحرب الحاسمة وأم المعارك ضد أئمة الكفر و"أمريكا الشيطان الأكبر"، وما أن استيقظ حتى بدأ يبشر بالمقاطعة ومهددًا ومتوعدًا كل من لا يلتزم ابتداءً من أهل بيته حتى أصدقائه في الجامعة، وقرر أن يكرس وقته على الفيسبوك لنسخ إعلانات المقاطعة في كل مكان.
عندما عاد من الجامعة فتح الفيسبوك وكله حماس للمقاطعة فإذا به يجد رسالة من صديقه أبو الشعانين، فتحها فوجد بها رابط لفيديو على اليوتيوب وقد كتب له "هذا فيديو لمباراة الكلاسيكو الأخيرة بين فقعونة وفريال عتريس، علشان تشوف لاعب فقعونة الغشاش تيسي لما دخل الغول وهو في وضعية تسلسل".
ارتبك فرقع لوز ولم يدر ما يفعل، "الله يخزيك يا أبو الشعانين، بدك تحرجني علشان المقاطعة، طيب أنا باستد منك بعدين، عارفكم أنذال يا مشجعي الفريق السمكي ... ممممم ... إن الله غفور رحيم، ويا رب سامحني لازم أشوف المقطع علشان أرد على الأراجيف، تيسي لاعب خلوق وبحكوا كمان شوية راح يسلم، لازم نكسبه لصفنا."
بدأ بمشاهدة اللقطة وفجأة قفز "الله أكبر ولله الحمد، الله أكبر الله أكبر، طقوا وموتوا يا سمكيين، دايمًا الفقعونيين رافعين راسنا، مش مزبوط أنه تسلسل، والله لغير أمسح فيك البلاط يا شعنون مشعنن، بس أمسكك، أستغفر الله العظيم، رفعتلي ضغطي وخليتني أخرق الإضراب، بس معلش بعوض بأول يوم بعد ما يخلص الإضراب، الإسلام دين يسر ومش عسر."
أمضى فرقع لوز ليلته وهو يتجول على المواقع ليتأكد من مقاطعة الجميع لليوتيوب، وكلما وجد مخالفًا انفجر به وأسمعه "اللي فيه النصيب"، وأكمل جولته البوليسية بحماس أكبر في اليوم التالي وازدادت حدة الشتائم والمسبات، وما أن انتهى يوم 25/9 وجاء منتصف الليل حتى قال لنفسه "هسع بدي أبدأ تعويض اليوم اللي ما التزمت فيه".
وبعد دقائق من التجوال وقعت عينه على رابط فيديو لنصرة المسجد الأقصى على صفحة شبكة فلسطين للحوار، "أخ منكم يا كفرة يا فجرة ما صدقتوا ويخلص الإضراب علشان تروحوا لليوتيوب، ما انتو هيك دايمًا مصلحجية، وين مصلحتكم الحزبية دايرين وراها."
وكتب تعليقًا غاضبًا على البوست "استحوا على دمكم، خلوا إضرابكم كمان يوم أو يومين، شو راح تطير الدنيا؟ انتو الفلسطينيين هيك دايمًا، أنانيين وما بتفكروا إلا بحالكم، كيف بدكم المسلمين ينصروكم وانتو بخلانين على الرسول بمقاطعة اليوتيوب، لو نيتكم صافية تستنوا العرب بس يرتبوا أوضاعهم وبعدين بيجوا بحرروا الأقصى تبعكم، الله أكبر شو أنانيين، خلي إيران تفيدكم يا شيعة يا خون يا كلاب يا ### يا @!@@!، الله يفضحكم فضحتونا قدام العالم!!@@###!!".
بعد قليل وجد تعليقه حذف وأخذ "باند (حظر)"، فقال لنفسه "معلش في سبيل الله، والله لو عندي ألف حساب على الفيسبوك لغير أضحي فيها في سبيل رسول الله، كلنا فداك يا محمد، الله أكبر على الظلمة الله أكبرررررررر."
أكمل فرقع لوز جولته فإذا به يفاجأ بخبر عن قيام فريق فقعونة باستقبال شاليط، "لاااااا، كذب مش صحيح يا ولاد الكلاب، مش معقول تيسي الخلوق والفقعونيين الأبطال يطبعوا مع اليهود!؟! أكيد هذه مؤامرة من السمكيين الأنذال،" وفتح صفحته على الفيسبوك وكتب "فقعوني وافتخر ... واللي مش عاجبه يروح ينتحر"، ثم فكر وفكر "الحرب خدعة وزي ما العتريسيين بيكذبوا فيجوز الكذب في الحرب"، ثم قام بكتابة خبر مضاد "المدير الفني لفقعونة غرابيولا ينفي خبر استضافة شاليط، ويؤكد على دعم الفريق الفقعوني للقضية الفلسطينية وعلى عروبة القدس وحق العودة."
ظهر له على التشات صديق عمره أبو الشعانين شامتًا "قلت لك فقعونة عملا لإسرائيل والاستعمار، بدكش تسمع كلامي."
- ليش هو فريال عتريس كان أحسن؟؟ هديك اليوم استقبلوا بيريس، وشوف كابتن الفريق أهبلوفتش صحبيته يهودية، فريق كله ماسونية
· على الأقل أهبلوفتش لاعب بوسني مسلم، واحنا لازم ندعم إخواننا المسلمين، مش زيك مصلحجي بتأيد الصربي سطلوفتش، بس داير ع مصلحتك يا فقوعة!! وفوق هيك صاحبك تيسي مسكوه بيخون صديقته.
- صحيح أنك ما بتستحي اللي تحكي هيك عن تيسي، كل شي ولا تيسي، خط أحمر. كل كذب وبالفوتوشوب يا عتارسة!!
· تم خودلك هالفيديو، فضيحة تيسك حبيب ئلبك.
- لو سمحت أنا مقاطع اليوتيوب، شو ما عندك غيرة على الرسول!! الله أكبر، وين راحت النخوة، وين راح الإسلام؟!
· طيب قاطع فقعونة علشانهم عملاء وبدهم يستقبلوا شاليط.
- ولا تحلم فيها، أنا لو ايدي بتبطل فقعونية لغير أقطعها.
· طبيعي ما هي العمالة متأصلة بعيلتك، الله يرحم سيدك وأبو سيدك كانوا عملا من أيام الإنجليز والأردن.
- طيب اخرس، ما شاء الله على بياع الأراضي سيدك، راح باع خلة الشعشبون لليهود واتفق معهم يقول أنها مصادرة.
· كذب كله كذب، بس إنتو هيك يا دار أبو الزغاليل بتعملوا العملة وبترموها ع غيركم!!
- الله أكبر!! طيب أنا ما بشرفني أعرفك ولا أحكي معك، روح انصرف ......
وقام صديقنا فرقع لوز بحجب (تبليك) صديقه أبو الشعانين، وأغلق اللابتوب وصرخ "لبيك يا رسول الله"، وقام من مكانه فقد حان وقت الفيلم الجديد على أم بي سي "أكشن"، لعل صديقنا يستفيد منه طرق القتال والجهاد عندما يذهب للجهاد في سوريا ضد بشار الأسد.
ملاحظات:
1) النادي السمكي هو اللقب الذي يطلق على نادي فريال عتريس، نظرًا لاشتهار مدينة عتريس بصيد السمك.
2) ما تخافوا على فرقع لوز وأبو الشعانين راح يتصالحوا بعد كم من يوم، مثل عادتهم.
3) بعض أحداث القصة واقعية.
http://2.bp.blogspot.com/-HpBGRTsUcR4/UGOW9oMGXcI/AAAAAAAAAQI/NLm9qz2IEWs/s1600/579609_377268242350546_1130015176_n.jpg
منذ أن نشر الفيلم المسيء للرسول صلى الله عليه وسلم وفرقع لوز لا يعرف للراحة طعمًا، لقد أنهك الليلة ليس فقط كثرة الصراخ وشتم منتجي الفيلم، بل لأن يده كادت تشل من كثر ما نسخ رابط الفيلم المسيء وهو يضع في كافة المنتديات وصفحات الفيسبوك المشارك بها، ففضح القوم "واجب مقدس" كما يرى صديقنا فرقع لوز.
وعندما هم بإغلاق لابتوبه إلا وعيناه تقعان على إعلان يطلب مقاطعة الفيسبوك يومي 24/9 و25/9، قفز فرقع لوز من مقعده "الله أكبر، لله دركم يا أسود التوحيد"، وبدأ يكلم نفسه "لغير نقضي عليها أمريكا ونمسح فيها الأرض، بكرة بس يشوفوا أسهم الجوجل واليوتيوب نازلة، بيجوا يبوسوا رجلينا، بس وين؟؟ وقتها راح نذلهم ذل قبل ما نرفع المقاطعة".
ونام فرقع لوز ليلته قرير العين لأول مرة منذ أيام وأسابيع، فقد بدأت الحرب الحاسمة وأم المعارك ضد أئمة الكفر و"أمريكا الشيطان الأكبر"، وما أن استيقظ حتى بدأ يبشر بالمقاطعة ومهددًا ومتوعدًا كل من لا يلتزم ابتداءً من أهل بيته حتى أصدقائه في الجامعة، وقرر أن يكرس وقته على الفيسبوك لنسخ إعلانات المقاطعة في كل مكان.
عندما عاد من الجامعة فتح الفيسبوك وكله حماس للمقاطعة فإذا به يجد رسالة من صديقه أبو الشعانين، فتحها فوجد بها رابط لفيديو على اليوتيوب وقد كتب له "هذا فيديو لمباراة الكلاسيكو الأخيرة بين فقعونة وفريال عتريس، علشان تشوف لاعب فقعونة الغشاش تيسي لما دخل الغول وهو في وضعية تسلسل".
ارتبك فرقع لوز ولم يدر ما يفعل، "الله يخزيك يا أبو الشعانين، بدك تحرجني علشان المقاطعة، طيب أنا باستد منك بعدين، عارفكم أنذال يا مشجعي الفريق السمكي ... ممممم ... إن الله غفور رحيم، ويا رب سامحني لازم أشوف المقطع علشان أرد على الأراجيف، تيسي لاعب خلوق وبحكوا كمان شوية راح يسلم، لازم نكسبه لصفنا."
بدأ بمشاهدة اللقطة وفجأة قفز "الله أكبر ولله الحمد، الله أكبر الله أكبر، طقوا وموتوا يا سمكيين، دايمًا الفقعونيين رافعين راسنا، مش مزبوط أنه تسلسل، والله لغير أمسح فيك البلاط يا شعنون مشعنن، بس أمسكك، أستغفر الله العظيم، رفعتلي ضغطي وخليتني أخرق الإضراب، بس معلش بعوض بأول يوم بعد ما يخلص الإضراب، الإسلام دين يسر ومش عسر."
أمضى فرقع لوز ليلته وهو يتجول على المواقع ليتأكد من مقاطعة الجميع لليوتيوب، وكلما وجد مخالفًا انفجر به وأسمعه "اللي فيه النصيب"، وأكمل جولته البوليسية بحماس أكبر في اليوم التالي وازدادت حدة الشتائم والمسبات، وما أن انتهى يوم 25/9 وجاء منتصف الليل حتى قال لنفسه "هسع بدي أبدأ تعويض اليوم اللي ما التزمت فيه".
وبعد دقائق من التجوال وقعت عينه على رابط فيديو لنصرة المسجد الأقصى على صفحة شبكة فلسطين للحوار، "أخ منكم يا كفرة يا فجرة ما صدقتوا ويخلص الإضراب علشان تروحوا لليوتيوب، ما انتو هيك دايمًا مصلحجية، وين مصلحتكم الحزبية دايرين وراها."
وكتب تعليقًا غاضبًا على البوست "استحوا على دمكم، خلوا إضرابكم كمان يوم أو يومين، شو راح تطير الدنيا؟ انتو الفلسطينيين هيك دايمًا، أنانيين وما بتفكروا إلا بحالكم، كيف بدكم المسلمين ينصروكم وانتو بخلانين على الرسول بمقاطعة اليوتيوب، لو نيتكم صافية تستنوا العرب بس يرتبوا أوضاعهم وبعدين بيجوا بحرروا الأقصى تبعكم، الله أكبر شو أنانيين، خلي إيران تفيدكم يا شيعة يا خون يا كلاب يا ### يا @!@@!، الله يفضحكم فضحتونا قدام العالم!!@@###!!".
بعد قليل وجد تعليقه حذف وأخذ "باند (حظر)"، فقال لنفسه "معلش في سبيل الله، والله لو عندي ألف حساب على الفيسبوك لغير أضحي فيها في سبيل رسول الله، كلنا فداك يا محمد، الله أكبر على الظلمة الله أكبرررررررر."
أكمل فرقع لوز جولته فإذا به يفاجأ بخبر عن قيام فريق فقعونة باستقبال شاليط، "لاااااا، كذب مش صحيح يا ولاد الكلاب، مش معقول تيسي الخلوق والفقعونيين الأبطال يطبعوا مع اليهود!؟! أكيد هذه مؤامرة من السمكيين الأنذال،" وفتح صفحته على الفيسبوك وكتب "فقعوني وافتخر ... واللي مش عاجبه يروح ينتحر"، ثم فكر وفكر "الحرب خدعة وزي ما العتريسيين بيكذبوا فيجوز الكذب في الحرب"، ثم قام بكتابة خبر مضاد "المدير الفني لفقعونة غرابيولا ينفي خبر استضافة شاليط، ويؤكد على دعم الفريق الفقعوني للقضية الفلسطينية وعلى عروبة القدس وحق العودة."
ظهر له على التشات صديق عمره أبو الشعانين شامتًا "قلت لك فقعونة عملا لإسرائيل والاستعمار، بدكش تسمع كلامي."
- ليش هو فريال عتريس كان أحسن؟؟ هديك اليوم استقبلوا بيريس، وشوف كابتن الفريق أهبلوفتش صحبيته يهودية، فريق كله ماسونية
· على الأقل أهبلوفتش لاعب بوسني مسلم، واحنا لازم ندعم إخواننا المسلمين، مش زيك مصلحجي بتأيد الصربي سطلوفتش، بس داير ع مصلحتك يا فقوعة!! وفوق هيك صاحبك تيسي مسكوه بيخون صديقته.
- صحيح أنك ما بتستحي اللي تحكي هيك عن تيسي، كل شي ولا تيسي، خط أحمر. كل كذب وبالفوتوشوب يا عتارسة!!
· تم خودلك هالفيديو، فضيحة تيسك حبيب ئلبك.
- لو سمحت أنا مقاطع اليوتيوب، شو ما عندك غيرة على الرسول!! الله أكبر، وين راحت النخوة، وين راح الإسلام؟!
· طيب قاطع فقعونة علشانهم عملاء وبدهم يستقبلوا شاليط.
- ولا تحلم فيها، أنا لو ايدي بتبطل فقعونية لغير أقطعها.
· طبيعي ما هي العمالة متأصلة بعيلتك، الله يرحم سيدك وأبو سيدك كانوا عملا من أيام الإنجليز والأردن.
- طيب اخرس، ما شاء الله على بياع الأراضي سيدك، راح باع خلة الشعشبون لليهود واتفق معهم يقول أنها مصادرة.
· كذب كله كذب، بس إنتو هيك يا دار أبو الزغاليل بتعملوا العملة وبترموها ع غيركم!!
- الله أكبر!! طيب أنا ما بشرفني أعرفك ولا أحكي معك، روح انصرف ......
وقام صديقنا فرقع لوز بحجب (تبليك) صديقه أبو الشعانين، وأغلق اللابتوب وصرخ "لبيك يا رسول الله"، وقام من مكانه فقد حان وقت الفيلم الجديد على أم بي سي "أكشن"، لعل صديقنا يستفيد منه طرق القتال والجهاد عندما يذهب للجهاد في سوريا ضد بشار الأسد.
ملاحظات:
1) النادي السمكي هو اللقب الذي يطلق على نادي فريال عتريس، نظرًا لاشتهار مدينة عتريس بصيد السمك.
2) ما تخافوا على فرقع لوز وأبو الشعانين راح يتصالحوا بعد كم من يوم، مثل عادتهم.
3) بعض أحداث القصة واقعية.