ساعدوني وانيروني بارائكم فانا حزينة [الأرشيف] - منتديات الجلفة لكل الجزائريين و العرب

مشاهدة النسخة كاملة : ساعدوني وانيروني بارائكم فانا حزينة

فافا مينوشة

2012-09-25, 11:51

السلام عليكم ورحمة الله وبركاته
اولا هذه اول مشاراكاتي معكم واتمنى ان تلقى مشاركتي هذه اهتماما لدى بعضكم وتقويما ورايا سديدا المهم.
مشكلتي في ابي نعم ابي الذي اكن له الحب وهذا من واجباتي ان اطيعه لانه من رباني وامي واعطاني الحنان ورباني احسن تربية بشهادة الجميع والحمد لله انا الان في سن 19 سنة طالبة جامعية شعبة قانون بدات مشكلتي بظهور الخطاب وبما انني لا انكر نعمة الله علي بلجمال والاخلاق والاحتشام فقد كان مجمل الخطاب ياتون فما على ابي كان يردهم ويقول لهم لا ليس لدي بنات للزواج في بداية الامر لاحظت وامي ان الامر عادي بدليل انه يحافظ علي ويريد مني ان اكمل مشوار الدراسة جاء مكتوب اختي الكبرى فعز عليه ان يزوجها لولا تدخل اخي وامي وبعد شجار في البيت سمع به من هب ودب من الجيران وافق ابي وكانه برغم عليه الان اختي ببيتها والحمد لله لكن المشكلة فيا انا منذ سنتين تعرفت على انسان خلوق ومحترم نيته الارتباط فانا لم التقيه او اتكلم معه كلاما بذئ لا الحمد لله هدا الانسان اعلن نيته لي بلارتباط ففرحت لكن تذكرت ابي الذي قد لا يوافق ومتاكدة من ذلك تكلمت مع ماما في الامر فقالت لي يا بنتي تعرفي باباك مهوش من الناس لي يشورو وهاد الشخص حشمت منو كل يوم يقولي علاش مراكيش حابة نهدر مع داركم كاين مشكل؟ قلتلو واه المشكل هو بابا قالي انا نقنعو بصح مراهوش عارف بلي بابا ميتقنعش مراهوش حاب يزوجني مفهمتش علاش
المهم خاوتي اسمحولي ادا طولت عليكم بصح متقولوليش استعيني بلاقرباء لانو معندناش اقرباء وحتى لو ذلك بابا يكون عندو موقف تجاهي صارم واخي معندو ميدير مسكين وماما تاني بابا هدا بزاف متعصب وادا قال لالا يعني لالا وبدون نقاش ولا تنوض الحرب العالمية فدار
راني حايرة ياناس ساعدوني هاد الانسان ما بغياش نخسرو فيه كامل صفات الرجولة حمد لله ياربي
متنساونيش بدعاء الصالح
قولولي وش ندير اسكو نقول لهاد الانسان يجي ونخاف بابا يقولو لالا وهدا شيء متاكدة ولا نقولو روح منيش مكتوبك يقولي علاش تتمسخري بيا
ولا وشنو

محمد جديدي التبسي

2012-09-25, 12:20

وعليكم السلام ورحمة الله وبركاته
قوليلو يجي ويجيب معاه الإمام وشيوخة كبار من عائلته وهوما يقنعوا أبوك وما يلقى واش يدير ويضطر يوافق إن شاء الله

z.abdo

2012-09-25, 12:25

السلام عليك أختي نعم لازم لما يجي يجيب معاه شخص اللي لازم يحترمو والدك كإمام مسجدكم مثلا أو احد افراد عائلة خطيبك يكون

كبير ويعرف يتكلم ويقنع ولا انصح ان يأتي لوحده

فافا مينوشة

2012-09-25, 12:25

قوليلو يجي ويجيب معاه الإمام وشيوخة كبار من عائلته وهوما يقنعوا أبوك وما يلقى واش يدير ويضطر يوافق إن شاء الله

لا خويا بابا بزاف متعصب ونعرف ردو والله حرت وكن نبقى هكدا طول خير هكدا يرتاح ونرتاح

فافا مينوشة

2012-09-25, 12:27

السلام عليك أختي نعم لازم لما يجي يجيب معاه شخص اللي لازم يحترمو والدك كإمام مسجدكم مثلا أو احد افراد عائلة خطيبك يكون

كبير ويعرف يتكلم ويقنع ولا انصح ان يأتي لوحده
ايه خويا كي يجي وحده بابا ميقوليش ويحاوزو طول
معرفتش وش ندير والله حشمانة وليت نكوبي في وجهو خطاك حشمت كل يوم يقولي واش نجي وانا نبدل الهدرة

z.abdo

2012-09-25, 12:49

ايه خويا كي يجي وحده بابا ميقوليش ويحاوزو طول
معرفتش وش ندير والله حشمانة وليت نكوبي في وجهو خطاك حشمت كل يوم يقولي واش نجي وانا نبدل الهدرة

من المفروض تكون المصارحة من البداية إذا انت حابة يجي يخطبك ويكون كل شيء شرعي فهميه عن حالتك وعقلية

والدك هكا حتى تكون الأمور واضحة من البداية

فافا مينوشة

2012-09-25, 12:53

من المفروض تكون المصارحة من البداية إذا انت حابة يجي يخطبك ويكون كل شيء شرعي فهميه عن حالتك وعقلية

والدك هكا حتى تكون الأمور واضحة من البداية
خويا ملقيتش الحل انا حكيتلو كلشي وعارف كلشي في بالو بلي بابا انسان يرفض وسرعان ما يتقبل لكن للاسف بابا فيه طبيعة ميزوجناش ختي راحت بسيف ههه وانا متاكدة بلي هاد الانسان صح راحة نعيش معاه مليح لانو كل الصفات فيه حتى قالي نهدر عليك ونخليك تكملي قرايتك وتجهزي على راحتك
وش ندير ماما قاتلي معندي منديرلك

محمد جديدي التبسي

2012-09-25, 12:53

واش تحبي نقولولك لازم تكون إمكانية باه يوافق أبوك ولو 1 بالمئة
خلي هذا الشخص هو يدير حل وانت ارضي بما كتب الله لك وأكثري من الدعاء
والأهم ما تزيديش تحكي معاه بالهاتف لأنو مازال أجنبي عنك وهذا الأمر حرام

فافا مينوشة

2012-09-25, 12:55

واش تحبي نقولولك لازم تكون إمكانية باه يوافق أبوك
خلي هذا الشخص هو يدير حل وانت ارضي بما كتب الله لك وأكثري من الدعاء
والأهم ما تزيديش تحكي معاه بالهاتف لأنو مازال أجنبي عنك وهذا الأمر حرام

صحة خويا انا كن لقيت امكانية منبخلش روحي هو قالي نجي نقنعو وانا خايفة ردة فعل بابا مزاجو صعيب بزاف ربي يخليك خويا لالا هاد الشخص حمد لله نهدر معاه في حدود ونيتو معايا بلارتباط صافية بزاف

فافا مينوشة

2012-09-25, 13:07

عموما اشكركم على مساعدتي فنصائحكم كانت لها معاني كبيرة وجميلة

محمد جديدي التبسي

2012-09-25, 13:09

كيفاه راكم عايشين مالا مع أبوك هذا ولا مزاجو صعيب غير في امر زواج بناته
لازم هناك حل لاقناعه ولو بالعصا :)
حاولي أختي ما تكونيش انت النية لأنو النية يعلمها غير ربي

فافا مينوشة

2012-09-25, 13:18

كيفاه راكم عايشين مالا مع أبوك هذا ولا مزاجو صعيب غير في امر زواج بناته
لازم هناك حل لاقناعه ولو بالعصا :)
حاولي أختي ما تكونيش انت النية لأنو النية يعلمها غير ربي
بابا مزاجو صعيب كي تقولو بنتك خطبوها يولي ميضويش اما باقي الايام يكون عادي المهم ميزوجناش وصايي هههه
هاد الشخص قالي نبعت يما وختي انا رفضت خفت قاتلي ماما كي يجو وش نقول لباباك ههههه كلي رايحة نسرق ههه
امبعد قالي يا سيدي نجي انا قتلو لا بابا داير هكدا ايا وليد الناس قالي بغيت ندير خطوة بلحلال انا كل يوم نجبدلو عذر ونتهرب

محمد جديدي التبسي

2012-09-25, 13:30

ربي يوفقك لما فيه الخير

قولي له يتقدم وخلاص ويجيب وسائط ويمهد للموضوع واللي فيه الخير يسهل فيه ربي

أم أسيل الاثرية

2012-09-25, 14:27

عل عموم ربي ايوفقك ويهنيك وان شاء اله تحاولي تقنعي باباك

خولة لبابة

2012-09-25, 14:30

ربّي يسهل عليك أختي..............

Terrified-dz

2012-09-25, 14:31

علاش ما تصارحيش باباك و تقوليلوا كلش و ادا كان عندك عمك او قريب يجي يقنع باباك او ديري اضراب عن الطعام ههههههه

جيش محمد

2012-09-25, 14:36

ياختي ....مهما كان باباك صعيب كاين لي صعيب عليه....

قوليلو يجي يخطب ويجيب معاه الامام ..ولا شيخ كبير في العمر.......

هو راه جاي يخطب نتي راكي خايفة كثر منو خليه يجي وخليها علي ربي

نتي راكي مصعبتها علي روحك...وقولي لباباك كي تخطينا نتا لا سمح الله كيفاش يصرالي ...هذي سنة الحياة

ماتخافي ماوالو لي فيها الخير ربي يجيبها

سيد خرج راجل ونوي الحلال ماتروديهش ..دوك يقول ماهيش حابة ويكره....كاين لي صبره قليل

وربي يجيب الخير ان شاء الله

شمس 15

2012-09-25, 15:34

ختي ربي يهدي باباك و يقول إيه و نقولك حاجة إذا ربي كاتبهولك يجي لدار و باباك يرفضو و يزيد يجي و يكون زوجك باباك ما عندو حتى دخل فقدر ربي تلقايه يقول إيه و يقبل بيه,و زيدي من المستحيل باباك يكون راسو خشين لهذ الدرجة نتي شوفي وقت يكون مورالو طالع و هدريلو و لا ماماك هي تعرف كيفاش تهدلو راهي عشرة بيناتهم .

3aziz86

2012-09-25, 16:35

بارك الله فيك

مريم الصابرة

2012-09-25, 16:50

السلام عليكم اختي
رأي من رأي الأعضاء يجي يحكي مع باباك ويجيب معاه الإمام ويقنعو بالدليل ويفهمو باللي حرام يرجع إنسلم متخلق وعلى دين وبالاك باباك يحشم من الإمام ويقتنع بكلام الدين فعلا حاجة تحير باباك علاه حاب يخللكم فالخل يخليك صورة فالحيط لا لازم ديري دارك وتجيبي ولادك هذي سنة الحياة ربي يهديه موفقة ديري واش قالولك كامل قوليلي اول لقاء بينو وبين باباك يدي إمام معاه وشخص كبير من عائلتو موفقة

مسلم سني

2012-09-25, 17:19

السلام عليكم
كما فعلتم في زواج أختك الأولى وبعد نقاش طويل قبل في النهاية إذن نفس الطريقة قوموا بها وفي الأخير سيقتنع كما اقتنع بزواج أختك
حدث ما حدث من نقاش لكن قبل في النهاية وأكيد سيقبل بفكرة زواجك أنت أيضا
المهم بالتوفيق أختي ومهما يفعل أبوك فسيبقى والدك
هذا رايي الشخصي
احترماتي

فافا مينوشة

2012-09-26, 10:42

ربي يخليكم راكم نورتوني صح وعطيتوني نصائح ثمينة منلقهاش في هاد الوقت
انا قلت نقولو يجي وخلاص وش رايكم؟

محمد جديدي التبسي

2012-09-26, 11:56

ايه لازم يجي ويدير حل ويكون قوي الشخصية ويناقش أباك ويحاول يكون ذكي في التعامل معه حتى يُعجب بأخلاقه
ويجيب معاه إمام وكبار عائلته
ربي يوفقكم

imane-2020

2012-09-26, 12:15

اختي ادعي ربي يفرج عليك لكن لازم يجي وكيما قالو لي قبلي يجيب امام ولي راح يأكدلو بالادلة الشرعي وجوب الزواج وبلي حرام عليه يخليكم هكا على الاقل يتحط باباك في الامر الواقع ولوقتاش وهو يرفض ولا حابة تبقاي هكذا انا راي يجي ويدير لي عليه ويحاول مرة و2 و 3 وفي الاخير لازم على باباك يتقبل الامر وربي يسرلك ويجمع كل 02

امينة 1991

2012-09-26, 12:25

صحة خويا انا كن لقيت امكانية منبخلش روحي هو قالي نجي نقنعو وانا خايفة ردة فعل بابا مزاجو صعيب بزاف ربي يخليك خويا لالا هاد الشخص حمد لله نهدر معاه في حدود ونيتو معايا بلارتباط صافية بزاف

مادام قالك انا نجي نقنعو خليه يجرب بلاك ربي يهدي باباك ولا تنسي ان قال الله لشيء كن فيكون :19:

فافا مينوشة

2012-09-26, 13:25

فافا مينوشة

2012-09-26, 13:26

مادام قالك انا نجي نقنعو خليه يجرب بلاك ربي يهدي باباك ولا تنسي ان قال الله لشيء كن فيكون :19:
ان شاء الله ختي نتمنى والله كن غير يقدر يقنعو

فافا مينوشة

2012-09-26, 13:27

ايه لازم يجي ويدير حل ويكون قوي الشخصية ويناقش أباك ويحاول يكون ذكي في التعامل معه حتى يُعجب بأخلاقه
ويجيب معاه إمام وكبار عائلته
ربي يوفقكم

واه صح في هذي بابا راه عارف بلي الزواج سترة للبنات بصح منعرف علاش راه يدير كيما هاك

سعاذ

2012-09-26, 20:33

السلام عليكم
اختي قوليلوا يجي و يدبر راسوا مع باباك
خاطر بالتصرف تاعك هذا راكي تمرضي
في روحك و تمرضيه معاك
و شكون قالك لاعودش هو يدير واش
ماقدرتيش ديريه انت
ربي يفرج عليك ان شاء الله

لؤلؤة الفردوس

2012-09-26, 20:33

السلآم عليكمـ
أولآ ربي يهدي باباكــ
ثانيا خلي السيد يتقدم لخطبتك ، اذا رفض احكمي باباك و اهدري معاه صارحيه ، قوليلو راني كبرت و حابة نستقر نتزوج و نجيب ذراري و ماشي من حقك تحرمني من الزواج ، و أبكي أبكي أبكي قداااامو حتى تغيظيه

و ربي ييسر أموركــ
ننتظر أخباركــ

فافا مينوشة

2012-09-27, 11:06

ربي يخليكم ليا لؤلؤة الفردوس وسعاذ زعما من رايكم نغامر ونخليها على ربي؟

سعاذ

2012-09-27, 21:04

السلام عليكم
اختي هذي مايقولولهاش مغامرة خاطر هذا هو الصح
وانتي واش رايك تبقاي هكذا تطلعي و تحبطي وديري احتمالات و نتائج
ولا انت حبا تخسري هذا الشخص ولا تخليه يحس بلي راكي رافضتوا
انت حبا ترتبطي بيه وباش ترتبطي به لازم يجي لداركم و يهدر مع باباك
هكظا انتي درتي لي عليك و هو دار لي عليه و الباقي على ربي
وبربي ان شاء الله تكونوا لبعضاكم خاطر نيتكم صافية
وشكون قالك لعودش يقدر يبدل عقليت باباك كيما نقولوا دوام الحال من المحال
ربي يسرلك امرك ويفرج همك
ان شاء الله هو القادر على كل شيئ
دمتم في رعاية الله و حفظه