لعجوزة ولعروسة [الأرشيف] - منتديات الجلفة لكل الجزائريين و العرب

magdalina20

2012-09-24, 19:41

سلام على الحبايب نسكسي المتزوجات كيفاه راكم مع عجايزكم انا الحمد لله نصيحة لخّياتي اتهلاو في أمهات رجالكم حتى إذا كانت لجوزة قبيحة انتي يا لعرس ترديها حنينة بشطارتك انتوم واش رايكم

nasser26

2012-09-24, 21:24

كون تتفاهم العجوز و الكنة بليس يدخل الجنة

مجرد رأي فقط

بدون تعليق أترك المناقشة للنساء فهن أكثر علما بهذا

نيل المنى

2012-09-24, 22:18

في اعتقادي أن المرأة عليها أن تغمض عينيها عن الكثير من الأمور التي قد لا تستسيغها في حماتها كسبا لودها من أجل الحفاظ على جو من الهدوء الأسري الضروري لها و لزوجها و لأبنائها مستقبلا و مع مرور الوقت فأنا لا أعتقد أن عجوزة تلاحظ كل هذا الاحسان و الحلم و التجاوز من زوجة ابنها+الاهتمام بأبنها كما ينبغي دون أن تحبها أكثر مما نتصور،و هذا رأيته فعلا في محيطي العائلي.و الله أعلم.

hana98

2012-09-25, 09:48

لعجايز يحب زوجت البن لقبيحة هي الي يديرولها لحساب ويخافو منها اما العاقلة مايديروهاش في الطريق راهم قالو القط يحب خانقوا

pharmajsk

2012-09-25, 11:47

لسلام عليكم اخواتي
والله موضوع يستحق النقاش
يقول المثل كون تتفاهم العجوز مع الكنة يدخل ابليس للجنة
يظهري هذا المثل خاطئ على خاطر يمات الزوجك راهي اعطاتك اثمن حاجة لي هي ولدها ولازم تتفهميها حطي روحك في بلاصتها اكيد راح تحسي بيها بعدما يكون الابن اهتمامو بالام تاعو قبل ماتجي انتي وكي يزوج راح يهتم بالزوجة اكثر طبعا لهذا راح تشعر بالغيرة وتحس بلي ولدها بعد عليها وهنا يجي الدور تاعك وشطارتك لازم تحبيها اكثر من الام ديالك وتساعديها وتقدميلها الهدايا مرة على مرة بدون متكلفي روحك(تهادو تحابو) وهكدا راح تحسيها بلي ولدها راه في ايدي امينة امراة تحبو وتحل اهلو ولازم تذكري كل مرة زوجك باش يريح مع يماه يقرعج معاها يشاورها يدي رايها يطلب دعوات الخير والنفس الشيئ مع حماتك وحماك واب زوجك والله راح تشوفي حياة ولا اروع والدنيا هذي الكل فيها مشاكل ولكن لازم نعرفو نتعاملو معاها على خاطر المصارن في الكرش ويدابزو عليكن بالرزانة وحسن التدبير وبالتوفيق للجميع

حياتي نبع امل

2012-09-25, 15:01

عجبنى الموضوع بزااااااااااف يعجبونى اللى يقولو ام الزواعطاتك احلى هدية ولا اعطاتك وليدها وام الزوجة واش تقول هى تانى اعطاتلهم كامل ماشى غير للرجل امراءة الى تقوم بيهم وتعتنى بشؤونهم وترفد همومهم فى وجه راجلها وتحمل هبالهم وترخس بروحها وتشوف وتسمع ودير روحها ما علابالهاش فى وجه راجلها
رانا عارفين كلنا مكانة الام وما اعظمها اللى تعرف بينها وبين ربى هى اللى تعرف تعيش مع العجوزة من رايى ماشى مسالة شطارة والله اعلم لكل واحد وجهة نظر واحترامى للجميع

magdalina20

2012-09-25, 17:10

chkran likol man tfa3ala m3a elmaoudou3 wentom ya erjala wach kifah rahi l3laka bin nsakom womahatkom

خنشلة40

2012-09-25, 17:36

الهدرة ساهلة اختي
ممكن نقولك انا راح نتفاهم معاها وندير وندير
لي راح يكون عندها مشكل لي عايشة في نفس الدار مع عجوزتها
مهما واش راح دير يجي نهار وتشكي منها
ختراه تصرفاتها كل قدام عينها الصغيرة ولكبيرة
التفاهم باش يكون لازم من الجهتين
نحاول ندير لي عليا والباقي على ربي سبحانو

pharmajsk

2012-09-25, 21:49

اخواتي الموضوع والله ماهو صعب وشيء لي قلتولكم موش مجرد كلام راه عن تجربة لازم يكون احترام متبادل لبنات هدرو بصراحة قولولي مع داركم يماك وخوتك كامل متدابزوش ومتتناشعوش مكاش بيت يخلو من المشاكل لكن متقدريش تفوتو بعضاكم عليكم بالصبر يا اخواتي سالي يماك كيفاش كانت العجوزة بكري والله راح تحمدي ربي على النعمة لي رانا فيها

amina-alaa

2012-09-26, 13:46

اناالحمد لله مع عجوزتي
عمرها ماقاستني بكلمة لاننا نحترمو بعضنا و نستشيرها في اصغر الامور باش تحس بللي عندها فايدة وبللي احنا مانستغناوش عليها
يعني كي نحب نخرج مع راجلي ديما نعرضها تجي معايا و هي تفهم و ما تقبلش تقولي روحو وحدكم خير
و انا ثاني كي تجي عندي ديما نقول لراجلي اديها معاك تشم شوية هوا باش تخرج معا ولدها وحدهم و يكونو على راحتهم
لانها بشر و مش لازم تحس بللي ولدها اللي رباتو باعها وماولاش يحوس عليها
هي ديما تقولي بلي المرا كي تكبر و تزوج ولادها تولي عقليتها كي الصغير تحب الاهتمام الكثير و تحب اللي يرضيها حتى بكلمة
و صراحة عندها الحق
انا مانقبلش مرت خويا تهمش يما
و يقولو ناس بكري حق الدنيا يرجع في الدنيا
ادا مادابيا مرت ولدي تحبني