موقف محررج او مضحك صار لك ومو منسي [الأرشيف] - منتديات الجلفة لكل الجزائريين و العرب

SOUSOU. DZ

2012-09-23, 13:21

موقف محرررج او مضحك صار لك ومانسيتو

صباااااااااح الخييير

و

مساااااااء الخييير

ليوم الموضوع غير

كل وحده منا اكييد مرة في موقف محرررج صار له

او موقف مضحك المهم موقف صار لك ومانسيتيه

اكيد كلنا عندنا موقف حزينه لكن حابين واقف طريفة حصلت لكل عضو او عضوة

اتمنى تعجبكم الفكرة واتمنى التفاااعل

ياله كل عضو او عضوة يدخل ويحكيلنا مواقف ماتنسى حصلت معاه

انا في انتظار ردودكم سلام

مريم الصابرة

2012-09-23, 13:40

السلام عليكم سوسو والله واش نقولك حياتي كاملة طرائف خليني نحكيلك على مرة فالليسي كنت نقرا وقالك مريم فوق المصطبة تكتب وانا امت نكنب ما نمشيش يعني نكتب باليمنى ونكمل باليسرى نكتب بزوج يدين ايا ومن بعد قالي الاستاذ كان واقف في آخر القسم إدي النص راه فوق المكتب ونقلي منو للصبورة وفراغ بين المصطبة والمكتب وتحصل رجلي ثم ياخا تبهديلة طحت واحد الطيحة ههههههههجت وجهي على الكرسي نتاع الأستاذ واش نقولك حسيت فمي تكسر هوما ضحكو عليا التلاميذ وانا إنكسرت من رجلي الأستاذ مسكين ندم اللي طلعني وختك إادات كونجي مالادي ما تقراش ههههههه والدروس يجوني حتى للدار مي والله تحشيمة كبيرة وطيحي واش نقولك الشفايا كثر من العزايا حبوهالي ههههههه شكرا.

آلاء النايلية

2012-09-23, 13:46

مسا الخير سوسو وش راكي ليك وحشة
اييييييييه مريوم خسارة لو كان جيت حاضرة هههههههههه
مواقف الليسي وحدها
كاش ما نتفكر نرجع

كاميلا

2012-09-23, 14:08

شكرا لللموضوع
يستحضرني موقف ولعل المواقف اللي من هاد النوع عندي كم منها لكن هذا مزلت مذكرته مليح
في وحد اليوم نسى الوالد غرض في السيارة وانا رحت نجيبهولو نساه في درج المقعد الامامي اللي قدام جهة السياقة كي افتحت السيارة والله لعجب ميلت روحي وانحنيت باش نجبدوا واذا بباب السيارة كان مفتوح على آخره ولا ليا اخبطني ههه جابني راقدة في السيارة :eek::eek::eek::eek:ورجليا في الخارج ابي ن بعيد يشوف بانله مكان حتى واحد مناه رجليا ميبانوش والباب يبان مفتوح من الجهة الاخرى حكمتو الفجعة قالك وينها الطفلة هههههههههههههه والباب مفتوح جا يجري لقاني نوض في روحي هههههههههه واللي شافوني شبعو ضحك عليا :1::1::1:
وضحك الشارع وضحك المارة وعشنا بعدها في فكاهة وهناء ههههههههه

knives55

2012-09-23, 15:05

أسوى موقف في حياتي عندي بزااااااااااااااااااااااف منها هذ يضحك

هذي صراتلي فلسيي كانت عدنا حصة رياضيات وطولت استاذة مجاتش المهم قعدنا نعلقوا عليها وانا خرجة غنيا عليها المهم انا راني

نشعر ونغني وأستاذة واقف ورايا تسمع فيا علبالك كي درة شفتها يبست في بصلاستي وهيا تضحك ما عرفت واش دير المهم قسم

تفلق ضحك وانا قريب انموت خلاص كــــــــــــــــــــــــــــــارث انسانسة هذك اليوم عادة وين تدخل تقولي واش اليوم كاش غنية جديد

حتي كي سمعوها أساتذة اخرين عادوا يسقسوا فيا يخي حنا مراكش تعلق علينا

هههههههههههههههه

هذي مننسهاش طول حياتي

خولة لبابة

2012-09-23, 15:17

الموقف الحزين اللذي صاري لي......في السنة السادسة ابتدائي............اخطات في اعراب الفعل المجزوم......فقلت فعل مرفوع.....فمسكني الاستاذ من شعري و ضرب راسي في الصبورة......هذا الموقف لن أنساه.....في حياتي كلها........فلقد أحرجني أمام الزملاء........و تسبب لي بوجع في رأسي......

mangood

2012-09-23, 15:43

سلام عليكم موضوع جميل وينحي الغم والهم هههههههه
عندي بزاف مواقف مضحكة ههههههههههههه
نشفى كيما كنت نقرا في الابتدائي سنة خامسة طلب منا الاستاذ نديرو تعبير كتابي عر رحلة في الربيع المهم وانا كنت نموت على التعبير والكتابة بديت نعبر وقلتلو في يوم ربيعي مشمس وهواء عليل قررنا الذهاب في رحلة استجمام الى حانة وقضينا وقتا رائعا ومنعشا ;bar معناتها بالفرنسية بصح انا كنت حاطها مكان فسيح وفيه مناظر خلابة ههههه ويوم تاع التصحيح بهدلني في القسم وشرحاي معناتها القسم كامل ناض يضحك الله غالب هذا كامل من mbc وهلم ما جر

نورسين.داية

2012-09-23, 17:36

العام الماضي صراتلي تبعديلة عمري ما ننساها
سكيفيت من العمل ......في الفترة المسائية .....فتصوري من يبحث عني ............................رجال الأمن لبلديتي و جاء إتصال لمقر عملي

قال المين العام بكل فخر : أسماء راهي هنا ....درك تجي
و المفاجئة قالي : أسماء وين راكي ؟؟؟؟ قتلوا بكل تلقائية ...كالعادة راني في الدار .......................................

قالي غدو راني موجدلك وحد la surprise قتلو لا لا قولي عليها درك ................قالي لا لا غدوة خير ...............و لكي التتمة
مفاجئة عمري ما ننساها .......................................

عميروش الحر

2012-09-23, 17:46

والله يا اختي مواقف طريفة كثيرة صراتلي و لكن الموقف لي نشفا عليه هو فالسنة الاولى ابتدائي .. نعقل ثاني او ثالث يوم لي فالمدرسة اخذت معي محفظة وادوات .. وكي دخلنا للكلاسة قالتلنا المعلمة خرجو الادوات تاعكم كامل خرجو غير انا ههههه .. جات عندي قاتلي ونتا ما تخرجش الادوات قلتلها ..لاااا ههههههه (كنت خايف تسرقهم) مبعدا عيطت عليا... انا زعفت ضربتها بصقلة و خرجت ههههههههههههههههههههههههههههههههه
جامي ننساه هاذاك الموقف

SOUSOU. DZ

2012-09-23, 21:33

السلام عليكم سوسو والله واش نقولك حياتي كاملة طرائف خليني نحكيلك على مرة فالليسي كنت نقرا وقالك مريم فوق المصطبة تكتب وانا امت نكنب ما نمشيش يعني نكتب باليمنى ونكمل باليسرى نكتب بزوج يدين ايا ومن بعد قالي الاستاذ كان واقف في آخر القسم إدي النص راه فوق المكتب ونقلي منو للصبورة وفراغ بين المصطبة والمكتب وتحصل رجلي ثم ياخا تبهديلة طحت واحد الطيحة ههههههههجت وجهي على الكرسي نتاع الأستاذ واش نقولك حسيت فمي تكسر هوما ضحكو عليا التلاميذ وانا إنكسرت من رجلي الأستاذ مسكين ندم اللي طلعني وختك إادات كونجي مالادي ما تقراش ههههههه والدروس يجوني حتى للدار مي والله تحشيمة كبيرة وطيحي واش نقولك الشفايا كثر من العزايا حبوهالي ههههههه شكرا.

وعليكم السلام ورحمة الله

ههههههههههههههههههههههههههههههه ياخا والله مت بضحك قعدت نتخيل فيك والله تبهديلة صح ربي يعينك

معليش حنونة تسرى والله شكرا على ردك طريف جزاك الله كل خير

SOUSOU. DZ

2012-09-23, 21:34

مسا الخير سوسو وش راكي ليك وحشة
اييييييييه مريوم خسارة لو كان جيت حاضرة هههههههههه
مواقف الليسي وحدها
كاش ما نتفكر نرجع

مساء النور وبهجة وسرور صافا الحمد الله انا اكتر والله توحشتك بزااااااااف وينك ياطفلة ؟؟

اوكي مرحبا بيك في كل وقت

SOUSOU. DZ

2012-09-23, 21:37

شكرا لللموضوع
يستحضرني موقف ولعل المواقف اللي من هاد النوع عندي كم منها لكن هذا مزلت مذكرته مليح
في وحد اليوم نسى الوالد غرض في السيارة وانا رحت نجيبهولو نساه في درج المقعد الامامي اللي قدام جهة السياقة كي افتحت السيارة والله لعجب ميلت روحي وانحنيت باش نجبدوا واذا بباب السيارة كان مفتوح على آخره ولا ليا اخبطني ههه جابني راقدة في السيارة :eek::eek::eek::eek:ورجليا في الخارج ابي ن بعيد يشوف بانله مكان حتى واحد مناه رجليا ميبانوش والباب يبان مفتوح من الجهة الاخرى حكمتو الفجعة قالك وينها الطفلة هههههههههههههه والباب مفتوح جا يجري لقاني نوض في روحي هههههههههه واللي شافوني شبعو ضحك عليا :1::1::1:
وضحك الشارع وضحك المارة وعشنا بعدها في فكاهة وهناء ههههههههه

العفو

هههههههههههههههههه والله غير موقف تاع الصح يضحك انا دوكا نقولها لخطيبك نخبر بيك هع هع هع

الحمد الله لطلعتي بخير والله نقرا في ردك ونتخيل فيك يخاااااا

شكرا على مرورك وعلى ردك الطريف جزاك الله كل خير

SOUSOU. DZ

2012-09-23, 21:39

أسوى موقف في حياتي عندي بزااااااااااااااااااااااف منها هذ يضحك

هذي صراتلي فلسيي كانت عدنا حصة رياضيات وطولت استاذة مجاتش المهم قعدنا نعلقوا عليها وانا خرجة غنيا عليها المهم انا راني

نشعر ونغني وأستاذة واقف ورايا تسمع فيا علبالك كي درة شفتها يبست في بصلاستي وهيا تضحك ما عرفت واش دير المهم قسم

تفلق ضحك وانا قريب انموت خلاص كــــــــــــــــــــــــــــــارث انسانسة هذك اليوم عادة وين تدخل تقولي واش اليوم كاش غنية جديد

حتي كي سمعوها أساتذة اخرين عادوا يسقسوا فيا يخي حنا مراكش تعلق علينا

هههههههههههههههه

هذي مننسهاش طول حياتي

ههههههههههههههههههههه والله غير انت وحدك صح المزية ماحرقتكش في نقاط مي مام حنا كان عندنا الكوميك كيما هكدا

شكرا على مرورك وعلى الموقف المضحك جزاك الله كل خير

SOUSOU. DZ

2012-09-23, 21:45

الموقف الحزين اللذي صاري لي......في السنة السادسة ابتدائي............اخطات في اعراب الفعل المجزوم......فقلت فعل مرفوع.....فمسكني الاستاذ من شعري و ضرب راسي في الصبورة......هذا الموقف لن أنساه.....في حياتي كلها........فلقد أحرجني أمام الزملاء........و تسبب لي بوجع في رأسي......

اااااااااااااااه هادي صعيبة صح وي مام انا كانت عندي سيغتات كنت نزين بيها شعري وجديدة

وقتها كنت لون حتى قعرت الورقة ايا ضربتني ل راسي كسرتلي لي كنت حاطتتها في شعري والله راحتلها عمتي كانت تسكن قدامهم تخيلي من ديك الضرب ولا اختك اسماء ملكة في القسم مس والله دوكا كبرت وعمري ماننساها حتى ادا تلاقيتها * معلمة * نخبرها عليها هع هع
شكرا على مرورك جزاك الله كل خير

SOUSOU. DZ

2012-09-23, 21:50

سلام عليكم موضوع جميل وينحي الغم والهم هههههههه
عندي بزاف مواقف مضحكة ههههههههههههه
نشفى كيما كنت نقرا في الابتدائي سنة خامسة طلب منا الاستاذ نديرو تعبير كتابي عر رحلة في الربيع المهم وانا كنت نموت على التعبير والكتابة بديت نعبر وقلتلو في يوم ربيعي مشمس وهواء عليل قررنا الذهاب في رحلة استجمام الى حانة وقضينا وقتا رائعا ومنعشا ;bar معناتها بالفرنسية بصح انا كنت حاطها مكان فسيح وفيه مناظر خلابة ههههه ويوم تاع التصحيح بهدلني في القسم وشرحاي معناتها القسم كامل ناض يضحك الله غالب هذا كامل من mbc وهلم ما جر

وعليكم السلام ورحمة الله ورد اجمل اختي هههههه وي عندك الحق نبدلو شوية

الله الله على تعبير في لاخير خسرتيها يخااااااااا ههههههههههههههههههه

عندك الحق موقف كيما هدا مايتنساش كامل

شكرا على مرورك وعلى الرد المضحك جزاك الله كل خير

SOUSOU. DZ

2012-09-23, 21:54

العام الماضي صراتلي تبعديلة عمري ما ننساها
سكيفيت من العمل ......في الفترة المسائية .....فتصوري من يبحث عني ............................رجال الأمن لبلديتي و جاء إتصال لمقر عملي

قال المين العام بكل فخر : أسماء راهي هنا ....درك تجي
و المفاجئة قالي : أسماء وين راكي ؟؟؟؟ قتلوا بكل تلقائية ...كالعادة راني في الدار .......................................

قالي غدو راني موجدلك وحد la surprise قتلو لا لا قولي عليها درك ................قالي لا لا غدوة خير ...............و لكي التتمة
مفاجئة عمري ما ننساها .......................................

يايما على المفاجأة عندك الحق عمرك ماتنسايها

هههههههههههه وانتي واش داك تخرجي شفتي هع هع

على فكرة اسمك كيما اسمي يااسماء

شكرا على مرورك وعلى ردك المفاجا هههههههه امزح جزاك الله كل خير

SOUSOU. DZ

2012-09-23, 22:00

والله يا اختي مواقف طريفة كثيرة صراتلي و لكن الموقف لي نشفا عليه هو فالسنة الاولى ابتدائي .. نعقل ثاني او ثالث يوم لي فالمدرسة اخذت معي محفظة وادوات .. وكي دخلنا للكلاسة قالتلنا المعلمة خرجو الادوات تاعكم كامل خرجو غير انا ههههه .. جات عندي قاتلي ونتا ما تخرجش الادوات قلتلها ..لاااا ههههههه (كنت خايف تسرقهم) مبعدا عيطت عليا... انا زعفت ضربتها بصقلة و خرجت ههههههههههههههههههههههههههههههههه
جامي ننساه هاذاك الموقف

ههههههههههههههه

كف ضربة وحدة يايما كي مخرجوكش من المسيد كامل راك مليح والله ياخويا عميروش انت وحدك يخااا

شكرا على ردك خويا عميروش وباين عليك كنت قبيح جزاك الله كل خير

asma_83

2012-09-23, 22:05

انا الموقف صرالي غير اليوم
وانا مروحة من الخدمة للدار مع صاحبتي لحت عيني في الارض شفت 100دج طبست باش نهزها مابغاتش تجي في يدي اكتشفت بللي راهي لاصقة بالا كول ربيد في الارض يعني راهو مقلب . مشينا وخليناها بصح صاحبتي ما هانتش عليها بغات ترجع وتجيبها ما خليتهاش وكي درنا لورا لقيناهم شابعين علينا ضحك

soso sirin

2012-09-23, 22:08

اكثر التبهديلات في حياتي كانو مع الطيحات تقول مسلطين عليا .واش نقلك العام تاعي التالي في الجامعة و كان وقت الشتا واش نقلك في الجامعة تاعنا عندنا وحد الهباطية تحسبها زليجة و كاين تاني ليزيزكالي و انا لانو نفهم بزاف و باه نختصر الوقت هبط في الهباطية واش نقلك اديت وحد الخبطة ماحسيتش بروحي حتى لقيت روحي في الحدورة و زدت عيطت كي طحت الناس الي كانو تم قعدو يشوفو فيا و المشكل البلاصة هاذيك موقع استراتيجي معنتها الي كانو في الجامعة قعدو كامل يتفرجو عليا و بدا الضحك و التعليق انا باه مانبكيش بديت نضحك على روحي .هادي بلاك شوية منبعد ان شاء الله نحكيلك على التبهديلة تاع الصح

الواثق

2012-09-23, 22:10

المواقف عديدة .....................................الموقف الطريف اني كنت نسوق دراجة بسرعة كبيرة لاني كنت تأخرت عن موعد والدراجة كانت من النوع الكبير *** فيسبا** ..........لما لحقت الطريق الرئيسي خرجت في الدرك الوطني هوما ماتو بالخلعة وانا متت بالخلعة ووجهو الاسلحة تاعهم نحوي المهم توقفت وبهدلوني على السرعة وانا نعرفهم منهم اصدقائي ..............انا خفت يتيرو فيا روح في ضحكة هههههههه

لينا الجنة

2012-09-23, 23:27

السلام عليكم والله راني شابعة ضحك قبل مانقلك بعض من طرائفي

ايا ياختي كنا نقروا في لافاك و هداك النهار في الشتاء و النو دايرة حالة ايا انا جيت خارجة من لونفي و ني على ظهري الله لا يشوفك اللي ورايا و اللي قدامي كامل شبعوا ضحك

نزيدلك وحدة انا راني تاع مقالب و نموت نديرها كنا في الاقامة و انا ماكنتش نبات نروح غير ايام لي كنترول و كانت وحدة معانا خوافة خلاص قالولي عليها ايا في ليلة انا بايتة نريفيزي و تنوض هي رحت تخبيت و هي جات خارجة خلعتها من الخوف راحت تجري و انا وراها و نجيبها بطيحة على يدي اللي تكسرت عليها غدوة ماقدرتش نكتب و رحت للعيادة درت الجبس قاتلي هادي انا طلعت فيك

SOUSOU. DZ

2012-09-24, 13:06

انا الموقف صرالي غير اليوم
وانا مروحة من الخدمة للدار مع صاحبتي لحت عيني في الارض شفت 100دج طبست باش نهزها مابغاتش تجي في يدي اكتشفت بللي راهي لاصقة بالا كول ربيد في الارض يعني راهو مقلب . مشينا وخليناها بصح صاحبتي ما هانتش عليها بغات ترجع وتجيبها ما خليتهاش وكي درنا لورا لقيناهم شابعين علينا ضحك

اياياي والله تحشيمة شفتي ............. والله لوكان كنت بلاصتك نتمنى لاارض تنشق وتبلعني

شكرا على مرورك وعلى ردك جزاك الله كل خير

SOUSOU. DZ

2012-09-24, 13:07

اكثر التبهديلات في حياتي كانو مع الطيحات تقول مسلطين عليا .واش نقلك العام تاعي التالي في الجامعة و كان وقت الشتا واش نقلك في الجامعة تاعنا عندنا وحد الهباطية تحسبها زليجة و كاين تاني ليزيزكالي و انا لانو نفهم بزاف و باه نختصر الوقت هبط في الهباطية واش نقلك اديت وحد الخبطة ماحسيتش بروحي حتى لقيت روحي في الحدورة و زدت عيطت كي طحت الناس الي كانو تم قعدو يشوفو فيا و المشكل البلاصة هاذيك موقع استراتيجي معنتها الي كانو في الجامعة قعدو كامل يتفرجو عليا و بدا الضحك و التعليق انا باه مانبكيش بديت نضحك على روحي .هادي بلاك شوية منبعد ان شاء الله نحكيلك على التبهديلة تاع الصح

يخااااااااا نقولك الصح هادي تبهديلة مي تبهديلة لي حكيتيلي عليها لبارح وحدها ربي يستر عندك الحق كي قلتي تبهدايل يجوك غير ليك

شكرا على مرورك اختي جزاك الله كل خير

SOUSOU. DZ

2012-09-24, 13:11

المواقف عديدة .....................................الموقف الطريف اني كنت نسوق دراجة بسرعة كبيرة لاني كنت تأخرت عن موعد والدراجة كانت من النوع الكبير *** فيسبا** ..........لما لحقت الطريق الرئيسي خرجت في الدرك الوطني هوما ماتو بالخلعة وانا متت بالخلعة ووجهو الاسلحة تاعهم نحوي المهم توقفت وبهدلوني على السرعة وانا نعرفهم منهم اصدقائي ..............انا خفت يتيرو فيا روح في ضحكة هههههههه

ههههههه والله غير عندهم الحق شفت هادي دراجة تقول تاع المافيا هع هع والمزية ماتيراوش فيك ............. وجات في تبهديلة ............. الحمد الله

شكرا على مرورك وعلى ردك الجميل جزاك الله كل خير

SOUSOU. DZ

2012-09-24, 13:13

السلام عليكم والله راني شابعة ضحك قبل مانقلك بعض من طرائفي

ايا ياختي كنا نقروا في لافاك و هداك النهار في الشتاء و النو دايرة حالة ايا انا جيت خارجة من لونفي و ني على ظهري الله لا يشوفك اللي ورايا و اللي قدامي كامل شبعوا ضحك

نزيدلك وحدة انا راني تاع مقالب و نموت نديرها كنا في الاقامة و انا ماكنتش نبات نروح غير ايام لي كنترول و كانت وحدة معانا خوافة خلاص قالولي عليها ايا في ليلة انا بايتة نريفيزي و تنوض هي رحت تخبيت و هي جات خارجة خلعتها من الخوف راحت تجري و انا وراها و نجيبها بطيحة على يدي اللي تكسرت عليها غدوة ماقدرتش نكتب و رحت للعيادة درت الجبس قاتلي هادي انا طلعت فيك

هههههههههههههههههههههههههههههههه تبهديلة تاع الصح والله عندك الحق تبهدايل غير لينا ومشكل ادا شدوها الحضرين ولي ضحكو عليك

شكرا لى مرورك وعلى ردك الطريف جزاك الله كل خير

mimi jiji

2012-09-24, 13:30

مرة كي كنت في المتوسط
كان عندي عرس رحت مع ماما
سرحت شعري ولبست قشي ياك تعرفو حالة العرس رحنا نورمال والمورال طالع
في وقت لعشا بداو يسربيو ويديو الصحان تاع الشربة وانا كنت واقفة في الكولوار*الرواق* فاتت علي مرا هزت سينية فيها صحن جاري معمر
مانعرف كيفاه ومع اني كاكنتش وحدي واقفة كي فاتت علي ساح الجاري*الشربة* على شعري وقشي
وليت داب حشاكم رحت غسلت شعري ولميتو وقعدت

مطر تشرين~

2012-09-24, 14:31

و الله الحياااة ملييييييئة بالمواقف التي لا تنسى ~

أذكر مرة كنا ندرس في الثانوية ،، بعد العشاء ،، قالتلي أمي اغسلي الأواني [ المواعن ]

كان دور اختي يومها !!!!!

و هي راحت ترقد !!!

غاضني الحال ، و بديت نغسل في المواعن ، و نشوف في أختي راقدة و مستمتعة بالنووووم :1:

المهم كي كنت نغسل ، بديت نضرب في الأواني قريب يتكسرو [ باش أختي ما ترقدش ] ==> زعما زاعفة :1:

و هي في سابع نوووم ههههه

كان المطبخ قريب من باب الشارع

فجأة سمعت واحد من المارة في الشارع [ دوخوا الصوت :1: ] يقول : بالشوي كسرتي المواعن :1:

حشمت بزاااااااااااااااف ، و أختي فطنت طبعا ، و انفجرت بالضحك :1:

وقلتلها ما تحكيها لحتى واحد :24:

سوزان سوزي

2012-09-24, 14:56

انا هذا عام صراتلي حاجة كل منتفكرها نموت بضحك ان شاء الله تجيكم تضحك

انا واختي نوضو صباح بكري باش نروحو للجامعة نقراو

و كي نضت انا وياها على 4 تع صباح الشتاء و ضلمة بزاف مهم روحنا وركبنا نورمال

و كي كونا قريب نوصولو فتنا على وحدة البلدية يها غير البطيمات

حسبتلنا الاقامة الجامعية وزيد الرسوفوووووور قالنا وشكون يهبط هنا جات اختي نايضة رايحة هابطة حتى قالها مزال موصلناش

وبعدها غير قالها هذيك الهدرة رجعت رقدة انا مت بضحك عليها

Flower whitte

2012-09-24, 14:57

السلام عليكم
ههههههههههههههههههههههههههههه ...
والله متــت بضحـــك ...
شكـرا لصاحبة الموضوع ’’ســــوســـو’’
أدخلتي السرور إلى قلوبنا ...
دمتـم رائعيــن ...

imi02i

2012-09-24, 17:36

هذا ماحدث معي بالضبط في إحدى الليالي وقد كتبتها هنا بالمنتدى

***
**
*
هذا ماحدث معي ليلة أمس
خان عينيّ النوم
و
لم أجد ما ذا أفعل
صرت أتجول من غرفة إلى غرفة ومن طابق إلى طابق
ثم ارتأت لي الفكرة أن أشغل الجهاز

كالعادة فتت الجهاز
دخلت إلى منتدى الجلفة
شرعت في كتابة المواضيع والمشاركات
بعد ذلك ارتدت موقعا آخر
***
**
*
كان الهدوء يعم أرجاء البيت بعد منتصف الليل بساعة أو أكثر
لحظات قليلة ....

وإذا بي أسمع ضجة في الطابق السفلي
كانت دقة للباب
دق قلبي معها
يا إلهي !
ماذا هناك ؟

لصّ دخل إلى البيت ؟
لم أتمالك نفسي من شدة الخوف
لأني أيضا سمعت رجلا يتكلم
صرت أكذّب كل ما أسمعه

فقلت في نفسي : شياطين فقط
لكن الكارثة ...

انقطعت عني الكهرباء
و
خيّم الظلام عني
وانا لازلت جالسة على الكرسي
أحسست بحرارة تفوق ال1000 درجة تبتدأ من رجليّ صاعدة إلى الأعلى
لحظات قليلة ....

عادت الكهرباء
ذهب عني قليل من الخوف والفزع

بعد ذلك سمعت صوتا خافتا لباب غرفتي التي أغلقتها من شدة الخوف
ثم تيقنت أن هناك لصّا ما صعد إلى الطابق الأعلى وهو عند باب غرفتي ينتظر خروجي

لم أعرف ماذا أفعل ؟؟!!!!

توكلت على الله وفتحت الباب ببطئ شديد
الحمد لله
لا أحد هنا....
خرجت إلى البهو الذي كان مظلما
كنت أمشي بخطواتي الثقيلة المتجهة نحو قفل الكهرباء
وكنت حينها لا أنتظر شيئا سوى رجل مقنع يضع السكين على رقبتي
ازدادت دقّات قلبي
أشعلت النور
الحمد لله ليس هناك أحد ...
لكني احترت لأني لم أجد ابن أختي الصغير الذي تركته قبل قليل نائما في البهو
***
**
*
تذكرت ذلك المثل الذي يقول
"حاجة تخاف منها روح ليها"
أتتني قليل من الشجاعة
وفكرت في الذهاب إلى الحمام لأتفقد الأوضاع

لكني لم أستطع بعد ذلك
***
**
*
ازداد قلقي وتسارعت نبضات قلبي وجفّ حلقي
ففكرت في الذهاب إلى المطبخ كي أشرب الماء
ما إن وصلت هناك حتى رأيت نفسي في مرآة الباب
يا إلهي كنت أظن أن اللص أتى من ورائي

زادت حرارة رجليّ
وأحسست بفشل كبير
***
**
*
من عادتي أني أحب النوم بمفردي
لكن ليلتها ذهبت ونمت بجانب أختاي
وكنت أفكر في نفسي
هل عندما يأتي اللص سيبدأ بي أنا أم أختي.؟
يااااااارب يبدأ بأختي :confused:.
حملت معي الحايك الخاص بأمي ووضعته بجانبي
ثم هي لحظات قليلة حتى شممت رائحة حريق تنبعث من قريب
كان هذا بعد منتصف الليل بساعتين
نهضت مسرعة لأطل من شرفة البيت الطويلة

تيقنت أنه داخل المستودع يحرق شيئا ما
الحمد لله لا أثر لا لدخان ولا لنار
استعنت بحايك أمي ووضعته على نفسي
أتعلمون ؟
عين مغلقة وعين مفتوحة ....
الأولى تريد أن تنام والثانية تنتظر قدوم اللص
أغمضت عينيّ بخوف شديد
وقلت ماعليّ سوى أن أستسلم لقضاء الله وقدره
***
**
*

على كــــــــــلّ
كانت أسود ليلة من الليالي التي مررت بها
ويالفرحتي !!
عندما نهضت باكرا
وكأن شيئا لم يحدث لي ....
تيقنت أنه ليس من حقي أن أظل حتى الثانية ليلا
لأنه ليس وقتي !!!!!

SOUSOU. DZ

2012-09-24, 22:19

مرة كي كنت في المتوسط
كان عندي عرس رحت مع ماما
سرحت شعري ولبست قشي ياك تعرفو حالة العرس رحنا نورمال والمورال طالع
في وقت لعشا بداو يسربيو ويديو الصحان تاع الشربة وانا كنت واقفة في الكولوار*الرواق* فاتت علي مرا هزت سينية فيها صحن جاري معمر
مانعرف كيفاه ومع اني كاكنتش وحدي واقفة كي فاتت علي ساح الجاري*الشربة* على شعري وقشي
وليت داب حشاكم رحت غسلت شعري ولميتو وقعدت

ايايايايي والله تغيظ تاع الصح ................ انا لوكان منك والله نشربلها الجاري

يااخي ربي يعينك انا غاضتني في بصلاتك

المهم شكرا لمرورك وجزاك الله كل خير

imi02i

2012-09-24, 22:26

و الله الحياااة ملييييييئة بالمواقف التي لا تنسى ~

أذكر مرة كنا ندرس في الثانوية ،، بعد العشاء ،، قالتلي أمي اغسلي الأواني [ المواعن ]

كان دور اختي يومها !!!!!

و هي راحت ترقد !!!

غاضني الحال ، و بديت نغسل في المواعن ، و نشوف في أختي راقدة و مستمتعة بالنووووم :1:

المهم كي كنت نغسل ، بديت نضرب في الأواني قريب يتكسرو [ باش أختي ما ترقدش ] ==> زعما زاعفة :1:

و هي في سابع نوووم ههههه

كان المطبخ قريب من باب الشارع

فجأة سمعت واحد من المارة في الشارع [ دوخوا الصوت :1: ] يقول : بالشوي كسرتي المواعن :1:

حشمت بزاااااااااااااااف ، و أختي فطنت طبعا ، و انفجرت بالضحك :1:

وقلتلها ما تحكيها لحتى واحد :24:
راكي واعرة يا وحد الفصعونـة، مظنيتكش هكذا

SOUSOU. DZ

2012-09-25, 12:46

و الله الحياااة ملييييييئة بالمواقف التي لا تنسى ~

أذكر مرة كنا ندرس في الثانوية ،، بعد العشاء ،، قالتلي أمي اغسلي الأواني [ المواعن ]

كان دور اختي يومها !!!!!

و هي راحت ترقد !!!

غاضني الحال ، و بديت نغسل في المواعن ، و نشوف في أختي راقدة و مستمتعة بالنووووم :1:

المهم كي كنت نغسل ، بديت نضرب في الأواني قريب يتكسرو [ باش أختي ما ترقدش ] ==> زعما زاعفة :1:

و هي في سابع نوووم ههههه

كان المطبخ قريب من باب الشارع

فجأة سمعت واحد من المارة في الشارع [ دوخوا الصوت :1: ] يقول : بالشوي كسرتي المواعن :1:

حشمت بزاااااااااااااااف ، و أختي فطنت طبعا ، و انفجرت بالضحك :1:

وقلتلها ما تحكيها لحتى واحد :24:

ههههههههههههههههههههههههههههههه

والله انا نديرها صح مي ماشي حتى يقولولي بشوية

ماما تقولي روحي ماتجي تكمل لماعين نلقاهم كامل في لابوبال

ميرسي على ردك جزاك الله كل خيرر

SOUSOU. DZ

2012-09-25, 12:47

انا هذا عام صراتلي حاجة كل منتفكرها نموت بضحك ان شاء الله تجيكم تضحك

انا واختي نوضو صباح بكري باش نروحو للجامعة نقراو

و كي نضت انا وياها على 4 تع صباح الشتاء و ضلمة بزاف مهم روحنا وركبنا نورمال

و كي كونا قريب نوصولو فتنا على وحدة البلدية يها غير البطيمات

حسبتلنا الاقامة الجامعية وزيد الرسوفوووووور قالنا وشكون يهبط هنا جات اختي نايضة رايحة هابطة حتى قالها مزال موصلناش

وبعدها غير قالها هذيك الهدرة رجعت رقدة انا مت بضحك عليها

ههههههههههههههههههههههههه وي تصرا بزاااااااااف يخا

شكرا على مرورك وربي يوفقك ان شاء الله

SOUSOU. DZ

2012-09-25, 12:53

السلام عليكم
ههههههههههههههههههههههههههههه ...
والله متــت بضحـــك ...
شكـرا لصاحبة الموضوع ’’ســــوســـو’’
أدخلتي السرور إلى قلوبنا ...
دمتـم رائعيــن ...

وعليكم السلام ورحمة الله

ربي يدوم الضحكة ان شاءا لله ويفرحك يارب

وردك اروح حبيبتي جزاك الله كل خير

مطر تشرين~

2012-09-25, 14:40

راكي واعرة يا وحد الفصعونـة، مظنيتكش هكذا

منيح عرِفتي إني [ و ا ع ر هـ ] :D:D

باش ديري حسآآبك :cool:

SOUSOU. DZ

2012-09-25, 18:34

هذا ماحدث معي بالضبط في إحدى الليالي وقد كتبتها هنا بالمنتدى

***
**
*
هذا ماحدث معي ليلة أمس
خان عينيّ النوم
و
لم أجد ما ذا أفعل
صرت أتجول من غرفة إلى غرفة ومن طابق إلى طابق
ثم ارتأت لي الفكرة أن أشغل الجهاز

كالعادة فتت الجهاز
دخلت إلى منتدى الجلفة
شرعت في كتابة المواضيع والمشاركات
بعد ذلك ارتدت موقعا آخر
***
**
*
كان الهدوء يعم أرجاء البيت بعد منتصف الليل بساعة أو أكثر
لحظات قليلة ....

وإذا بي أسمع ضجة في الطابق السفلي
كانت دقة للباب
دق قلبي معها
يا إلهي !
ماذا هناك ؟

لصّ دخل إلى البيت ؟
لم أتمالك نفسي من شدة الخوف
لأني أيضا سمعت رجلا يتكلم
صرت أكذّب كل ما أسمعه

فقلت في نفسي : شياطين فقط
لكن الكارثة ...

انقطعت عني الكهرباء
و
خيّم الظلام عني
وانا لازلت جالسة على الكرسي
أحسست بحرارة تفوق ال1000 درجة تبتدأ من رجليّ صاعدة إلى الأعلى
لحظات قليلة ....

عادت الكهرباء
ذهب عني قليل من الخوف والفزع

بعد ذلك سمعت صوتا خافتا لباب غرفتي التي أغلقتها من شدة الخوف
ثم تيقنت أن هناك لصّا ما صعد إلى الطابق الأعلى وهو عند باب غرفتي ينتظر خروجي

لم أعرف ماذا أفعل ؟؟!!!!

توكلت على الله وفتحت الباب ببطئ شديد
الحمد لله
لا أحد هنا....
خرجت إلى البهو الذي كان مظلما
كنت أمشي بخطواتي الثقيلة المتجهة نحو قفل الكهرباء
وكنت حينها لا أنتظر شيئا سوى رجل مقنع يضع السكين على رقبتي
ازدادت دقّات قلبي
أشعلت النور
الحمد لله ليس هناك أحد ...
لكني احترت لأني لم أجد ابن أختي الصغير الذي تركته قبل قليل نائما في البهو
***
**
*
تذكرت ذلك المثل الذي يقول
"حاجة تخاف منها روح ليها"
أتتني قليل من الشجاعة
وفكرت في الذهاب إلى الحمام لأتفقد الأوضاع

لكني لم أستطع بعد ذلك
***
**
*
ازداد قلقي وتسارعت نبضات قلبي وجفّ حلقي
ففكرت في الذهاب إلى المطبخ كي أشرب الماء
ما إن وصلت هناك حتى رأيت نفسي في مرآة الباب
يا إلهي كنت أظن أن اللص أتى من ورائي

زادت حرارة رجليّ
وأحسست بفشل كبير
***
**
*
من عادتي أني أحب النوم بمفردي
لكن ليلتها ذهبت ونمت بجانب أختاي
وكنت أفكر في نفسي
هل عندما يأتي اللص سيبدأ بي أنا أم أختي.؟
يااااااارب يبدأ بأختي :confused:.
حملت معي الحايك الخاص بأمي ووضعته بجانبي
ثم هي لحظات قليلة حتى شممت رائحة حريق تنبعث من قريب
كان هذا بعد منتصف الليل بساعتين
نهضت مسرعة لأطل من شرفة البيت الطويلة

تيقنت أنه داخل المستودع يحرق شيئا ما
الحمد لله لا أثر لا لدخان ولا لنار
استعنت بحايك أمي ووضعته على نفسي
أتعلمون ؟
عين مغلقة وعين مفتوحة ....
الأولى تريد أن تنام والثانية تنتظر قدوم اللص
أغمضت عينيّ بخوف شديد
وقلت ماعليّ سوى أن أستسلم لقضاء الله وقدره
***
**
*

على كــــــــــلّ
كانت أسود ليلة من الليالي التي مررت بها
ويالفرحتي !!
عندما نهضت باكرا
وكأن شيئا لم يحدث لي ....
تيقنت أنه ليس من حقي أن أظل حتى الثانية ليلا
لأنه ليس وقتي !!!!!
نقولك حاجة يااختي والله ولكان جيت منك نديرها فيلم رعب يمااااااااا

ربي يعينك شكرا على مرورك وجزاك الله كل خير

SOUSOU. DZ

2012-09-29, 00:52

منيح عرِفتي إني [ و ا ع ر هـ ] :d:d

باش ديري حسآآبك :cool:

ههههه

في هادي كامل نديرو حسباتنا ختيتو

**د لا ل**

2012-09-29, 02:14

موضوع جميل