انا بين ماما و طموحي

[soso sirin]

انا امراة لديها كل شيئ شهادات عليا عملا مستقرا و مرموقا و لكن رجلي لم يجد عملا لاني نافسته عليه فاخذته و اشهد ان كلانا لديه نفس المؤهلات و لكن لا اعلم لماذا اختاروني انا.طلب مني ان اتنازل عن العمل له و ان ابقى اميرة في بيته و لكني رفضت و قلت طموحي. حاول عدة مرات الحصول على عمل و لكنه لم يجد لانه في كل مرة يجدني امامه ياس اعتذر لي و قال جدي رجلا غيري لاني ساهجر الحياة.طويت صفحته لاني ضننت اني بعملي ساجد رجلا غيره و لكني نسيت ان هناك الكثيرات مني و الكثيرين منه.في الاخير لم اجد رجلا يمنحني اسمه.............طموحي سرق مني الكلمة التي تذيب قلبي ماما طموحي قتل ابنائي.قد تكون صرختي او قد تكون صرختكن بعيد الشر علينا انا لست ضد عمل المراة و لكن لا اريد لطموحنا ان يسرق منا اغلى ما في الوجود.

[♥ المتفائل ♥]

الله يبارك و الله ما تبان عليك متزوجة و تخدمي و عندك قع هذ ليبروبلام
ربي يفرج عليك ختي

[فتـ حييةـاة]

هاذي نتيجة من تبيع سعادتها الزوجية لتشتري وظيفة

[الواثق]

حقيقة لم افهم شيء .............عينيا لعبو لو تكبري الخط وتفصلي اكثر بين السطور لكان افضل فلقد هرمنا

[مسلم سني]

السلام عليكم
لماذا داما تربطون المرأة العاملة بأنها ضيعت حقها في الزواج والإنجاب ولهذا لدي سؤال
ماذا تقولون في التي تمتاز باخلاق عالية ومستعدة عن تتخلى عن عملها لكن كما يقولو مكتوبها مازال هي تنتظر لكن لم يدق باب بيتها أحد رغم عفتها أليس العمل لها ضروريا مثلا؟
لست لا مدافعا ولا ضد عمل المرأة أنا مع ما أراه وما تفرضه الظروف أحيانا فهي لاتترك للواحد منا خيارا في كثير من الأحيان
أما التي تفضل عملها على الزواج فهن قليلات كوني متأكدة وفي كثير من الأحيان تتشبث المرأة بعملها لأن الفرصة التي جاءتها لم تخدمها كما ينبغي أم أنها ستقبل بأي واحد يطرق بابها؟
هذا رأيي والله أعلم
احترماتي لك أختي سوسوسيرين

[عبد الله 31]

لو كل احد يحكم بما يراه هواه
مافراتش

[مريم الصابرة]

السلام عليكم اختي وسيلة شكرا على الموضوع انا قلت واشبيها خالتي ام وسيلة وقفت لسوسو فالطريق
لكن فهمت شوفي اختي الرجال ثاني ضرك يحوسو على النسا الخدامات عندهم عقلية نديها للدار تاكل وتشرب والله بزف يقولوها ويحوسو على المعلمات كل مرة يزيدولهم تخيلي في مجلس في مستوصف يحكو على تعدد الزوجات ينطق واحد قالهم انا متزوج 3 يخدمو كامل ويصرفو على ولادهم وممكن نزيد 4 قتلو خويا إسمحلي إنت راك داير بروجي وخما علاه تزوجو بيك ما فهمتش حارس شخصي كلاني قلبي وفرحان وميت بالسعادة
كلين تقبل تقعد فالدار مي سور انا نقولك تبور بالغرانتي قط ما يقولش عليها مياو
وانا ضد عمل المرأة بكل صراحة لكن ايضا بعض الرجال طماعين شكرا

[soso sirin]

الله يبارك و الله ما تبان عليك متزوجة و تخدمي و عندك قع هذ ليبروبلام

ربي يفرج عليك ختي يبارك فيك خويا مي مانيش نهدر على روحي نهدر بصفة عامة


لو كل احد يحكم بما يراه هواه
مافراتش
والله مافهمت خويا واش راك قاصد ممكن تفهمني

[soso sirin]

هاذي نتيجة من تبيع سعادتها الزوجية لتشتري وظيفة يا اختي فتحية المشكل الوحدا فينا ماتحسش انو غلطت حتا تكون طفرت و راح الي راح و الوقت مايرجعش

حقيقة لم افهم شيء .............عينيا لعبو لو تكبري الخط وتفصلي اكثر بين السطور لكان افضل فلقد هرمنا مافهمت والو نوغمالمو نكتبلك بالرموز و تفهم راك ماشاء الله عليك شيخ تاع فيزيك.والله الكتبة راهي باينة و لا راك تنحي في العين مازالت البركة هذا غير بداية السنة برك .ارجع خويا الواثق و عاود تقرى الموضوع علابالي راح تفهم انا نهدر على المراة الي تضيع حياتها و هي تجري مع الخدمة و كي تفطن تصيب الوقت فات و تكون ضيعت من حياتها فرصة انو تكون ام

[عبد الله 31]

والله مافهمت خويا واش راك قاصد ممكن تفهمني
كان ردي عل بعض الردود
هناك امور لانستطيع الحكم فيها بالاراء وانما هناك فاصل بين الحق والباطل
والله اعلم

[soso sirin]

السلام عليكم
لماذا داما تربطون المرأة العاملة بأنها ضيعت حقها في الزواج والإنجاب ولهذا لدي سؤال
ماذا تقولون في التي تمتاز باخلاق عالية ومستعدة عن تتخلى عن عملها لكن كما يقولو مكتوبها مازال هي تنتظر لكن لم يدق باب بيتها أحد رغم عفتها أليس العمل لها ضروريا مثلا؟
لست لا مدافعا ولا ضد عمل المرأة أنا مع ما أراه وما تفرضه الظروف أحيانا فهي لاتترك للواحد منا خيارا في كثير من الأحيان
أما التي تفضل عملها على الزواج فهن قليلات كوني متأكدة وفي كثير من الأحيان تتشبث المرأة بعملها لأن الفرصة التي جاءتها لم تخدمها كما ينبغي أم أنها ستقبل بأي واحد يطرق بابها؟
هذا رأيي والله أعلم
احترماتي لك أختي سوسوسيرين

و عليكم السلام.و الله يا خويا عبد الشافي الا راني شايفتهم قدامي الخدمة هي الاولى تحسب رايحة دخلها للجنة انا مانيش نهدر على الي الله غالب عليها مازال ماجاهاش مكتوبها هاذيك حاجة وخدخرى انا نهدر على بنات جاوهم رجال مي قاتلك انا مانحبسش الخدمة . و انا تاني ماهدرتش على الي عندها ظروف و لازم تخدم هاذيك تاني الله غالب عليها.مي مرات لبنات يضيعو من يديهم شي فرص نوغمالمو مايتضيعوش على جال الخدمة و المشكل كون غير خدمة مضمونة.و انا ضد فكرة انو الطفلة تتزوج غير باه يقولو انو تزوجت لانو هاذي حياة كاملة ماشي يومين و راجعة لدار باباها.والله نحترم رايك خويا و شكرا على الرد

[الواثق]

يا اختي فتحية المشكل الوحدا فينا ماتحسش انو غلطت حتا تكون طفرت و راح الي راح و الوقت مايرجعش

مافهمت والو نوغمالمو نكتبلك بالرموز و تفهم راك ماشاء الله عليك شيخ تاع فيزيك.والله الكتبة راهي باينة و لا راك تنحي في العين مازالت البركة هذا غير بداية السنة برك .ارجع خويا الواثق و عاود تقرى الموضوع علابالي راح تفهم انا نهدر على المراة الي تضيع حياتها و هي تجري مع الخدمة و كي تفطن تصيب الوقت فات و تكون ضيعت من حياتها فرصة انو تكون ام

واش نقلك بخلتينا حتى بتكبير الخط ومعناها دون تصرفو بشهريتكم ؟؟؟................اما قضية عمل المرأة والله امرها مؤسف ويستدعي الشفقة والله المستعان............واي مرأة نلقاها تخدم او عمل جديد واعرف انها غير مضطرة سأعزيها واطلب من الله ان يهديها

[soso sirin]

السلام عليكم اختي وسيلة شكرا على الموضوع انا قلت واشبيها خالتي ام وسيلة وقفت لسوسو فالطريق
لكن فهمت شوفي اختي الرجال ثاني ضرك يحوسو على النسا الخدامات عندهم عقلية نديها للدار تاكل وتشرب والله بزف يقولوها ويحوسو على المعلمات كل مرة يزيدولهم تخيلي في مجلس في مستوصف يحكو على تعدد الزوجات ينطق واحد قالهم انا متزوج 3 يخدمو كامل ويصرفو على ولادهم وممكن نزيد 4 قتلو خويا إسمحلي إنت راك داير بروجي وخما علاه تزوجو بيك ما فهمتش حارس شخصي كلاني قلبي وفرحان وميت بالسعادة
كلين تقبل تقعد فالدار مي سور انا نقولك تبور بالغرانتي قط ما يقولش عليها مياو
وانا ضد عمل المرأة بكل صراحة لكن ايضا بعض الرجال طماعين شكرا

خالتك مسكينة مادخلش كامل روحها هي كيما يقول السي بابا .المشكل يا ليليا ماشي في الراجل هذا المشكل راه في النسا الي قبلو بيه انا كي نتزوج و نحس روحي مازالني نصرف على روحي ديجا انا في دارنا و مانصرفش على روحي كي نروح عندو نولي كافية عمري نريح هكا و هي فرات و ديجا انا الراجل الي يقول خطبوهالي خدامة يقلقني هكا رايح يتزوج بالشاك تاعها ماشي بيها. مي مرات تاني شي نسا تلقايها لاصقة في الخدمة كيما الباتاكس و تقلك انا نخدم لانو مانيش ضامناتو انا كون مانضمنوش علاه نتزوج بيه اصلا .و زيد تخيلي كون نولو كامل خدامات الرجال وين يروحو يخدمو في الهند

[assia81]

نحمد ربي ونشكرو انو مدلي عمل محترم اعيش منه ولست مستعدة اني نتنازل عليه لناس مايستهلوش لحلب يخدم يروح يبيع الخضرة في السوق يعيش بها روحو ولي بلاها ربي وقبلت تزوج بيه

[soso sirin]

نحمد ربي ونشكرو انو مدلي عمل محترم اعيش منه ولست مستعدة اني نتنازل عليه لناس مايستهلوش لحلب يخدم يروح يبيع الخضرة في السوق يعيش بها روحو ولي بلاها ربي وقبلت تزوج بيه
شكرا اختي اسيا على الرد و هاذي حاجة باينة الواحد مادام ربي مدلو نعمة يشكر ربي ليل و نهار عليها لانو راه اختارو من بين الناس كامل و مدهالو.مي باه تفهميني مليح تخيلي كون انتي و خوك للزوج قريتو في الجامعة و عندكم نفس المؤهلات فوتو كونكوغ انتي فتي و هو لالا انتي بديتي تخدمي و هو مسكين دايمن يفوت و مايربحش و يربحو غير لبنات هنا خوك كيفاش راح يحس زيديلها المشكل هذا ماشي غير تاع خوك تاع الرجال بصفة عامة .انتي درتي الدراهم و الحمد الله و هو مازال مادار حتا حاجة وصلتو لوحد الاج بعيد الشر عليك اختي هذا مجرد مثال و ان شاء الله ربي يرزقك براجل يصونك مي انتي مالقيتيش الراجل الي يوالمك لانو مكانش الي راه يربح من الرجال الا القليل و رنتي عندك الدراهم و الحمد الله و خوك ماصابش الي تقبل بيه لانو ماعندوش خدمة ثابتة .انتي واش ديري بالدراهم و هو واش ذنبو انو يبقى بلا خدمة.انا مانيش نقول انو النساء راهم هوما الي دارو ازمة البطالة مي هوما و السياسة العوجة تاع التوظيف باه تلقاي النسا كامل خدامات و الرجال مريحين هاذ=ي فيها ان و ماتقوليليش ماشي قاريين والله غير متخرجين من الجامعة

[SOUSOU. DZ]

اممممم ماعندي جواب اختي وسيلة ربي يهدي نقولك حاجة انا نكره المرأة الخدامة ومتزجة لوكا نطفلة نقولو مي متزوجة وبولادها يععععع الله يستر

هدا راي وان شاء الله مايتبدلش

[soso sirin]

واش نقلك بخلتينا حتى بتكبير الخط ومعناها دون تصرفو بشهريتكم ؟؟؟................اما قضية عمل المرأة والله امرها مؤسف ويستدعي الشفقة والله المستعان............واي مرأة نلقاها تخدم او عمل جديد واعرف انها غير مضطرة سأعزيها واطلب من الله ان يهديها

المشكل والله ماشي غير في خدمة المراة خويا الواثق والله راه تاني في الثقة الي انعدمت بين النسا و الرجال هي تقلك مانخليش خدمتي لانو ممكن يدور عليا و هو يقلك نديها خدامة باه تصرف على روحها و تعاوني و المشكل لا هو لقى خدمة و لا هي لقات الراجل الي متمنياتو..سمحلنا خويا الواثق خلاص المرة اجاية نكبر الخط مي والله الا راه يبانلي اواه على حساب الشوفة الذراري راهم مكملينك تاع الصح.

[soso sirin]

اممممم ماعندي جواب اختي وسيلة ربي يهدي نقولك حاجة انا نكره المرأة الخدامة ومتزجة لوكا نطفلة نقولو مي متزوجة وبولادها يععععع الله يستر

هدا راي وان شاء الله مايتبدلش
ان شاء الله يا رب و حتا انا خايفة نهار الصح ندور هههههههههه.اسماء قوقل كروم راهي تتبلوكا مابغاتش تتفتح هبلت هي تاني كيما الميكرو غدوة و نكملو سمحيلي

[فتـ حييةـاة]

نحمد ربي ونشكرو انو مدلي عمل محترم اعيش منه ولست مستعدة اني نتنازل عليه لناس مايستهلوش لحلب يخدم يروح يبيع الخضرة في السوق يعيش بها روحو ولي بلاها ربي وقبلت تزوج بيه


تصدقي لو نقولك اني نقبل نتزوج بواحد يبيع الخضرة ويقولي ريحي فالدار ومانقبلش بدكتور فالجامعة ويقولي لازم تخدمي ؟؟؟
كل وحدة وكيفاش تشوف للموضوع هذا لايعني اني لم احترم رايك وانما مابغيتش منك كلمت بلاها ربي
كاين بزااف نساء متزوجين بلي يبيعو الخضر وعايشين ومستورين ولله الحمد ::::::::: لما يكون زوج صالح ويخاف ربي فيها صدقيني حتى لو كان بطااال تعيش معاه زوجته السعادة
لهذا مالازمش نحكمو على الناس من خلال مناصبهم فقط
في امان الله اختي

[assia81]

شكرا اختي اسيا على الرد و هاذي حاجة باينة الواحد مادام ربي مدلو نعمة يشكر ربي ليل و نهار عليها لانو راه اختارو من بين الناس كامل و مدهالو.مي باه تفهميني مليح تخيلي كون انتي و خوك للزوج قريتو في الجامعة و عندكم نفس المؤهلات فوتو كونكوغ انتي فتي و هو لالا انتي بديتي تخدمي و هو مسكين دايمن يفوت و مايربحش و يربحو غير لبنات هنا خوك كيفاش راح يحس زيديلها المشكل هذا ماشي غير تاع خوك تاع الرجال بصفة عامة .انتي درتي الدراهم و الحمد الله و هو مازال مادار حتا حاجة وصلتو لوحد الاج بعيد الشر عليك اختي هذا مجرد مثال و ان شاء الله ربي يرزقك براجل يصونك مي انتي مالقيتيش الراجل الي يوالمك لانو مكانش الي راه يربح من الرجال الا القليل و رنتي عندك الدراهم و الحمد الله و خوك ماصابش الي تقبل بيه لانو ماعندوش خدمة ثابتة .انتي واش ديري بالدراهم و هو واش ذنبو انو يبقى بلا خدمة.انا مانيش نقول انو النساء راهم هوما الي دارو ازمة البطالة مي هوما و السياسة العوجة تاع التوظيف باه تلقاي النسا كامل خدامات و الرجال مريحين هاذ=ي فيها ان و ماتقوليليش ماشي قاريين والله غير متخرجين من الجامعة
لو كان اخي لتنازلت له عن كل شيء اما باقي الرجال فلن افعل لانني لم اعد اثق في احد وهوما مستهلوش كل واحد يعوم في بحرو وانا وش راحا نديرلهم ان يتقوا الله يجعل لهم مخرجا

[assia81]

تصدقي لو نقولك اني نقبل نتزوج بواحد يبيع الخضرة ويقولي ريحي فالدار ومانقبلش بدكتور فالجامعة ويقولي لازم تخدمي ؟؟؟
كل وحدة وكيفاش تشوف للموضوع هذا لايعني اني لم احترم رايك وانما مابغيتش منك كلمت بلاها ربي
كاين بزااف نساء متزوجين بلي يبيعو الخضر وعايشين ومستورين ولله الحمد ::::::::: لما يكون زوج صالح ويخاف ربي فيها صدقيني حتى لو كان بطااال تعيش معاه زوجته السعادة
لهذا مالازمش نحكمو على الناس من خلال مناصبهم فقط
في امان الله اختي
ربي يرزقك الزوج لي بيع الخضرة وتوكوني معاه هانية
مع انني لم اعب المهنة بل عبت الرجال الذين ضاعت رجولتهم

[اللؤلؤة مريم]

أختي سرين أنت لم تتزوجي و حرمت من كلمة ماما ليس لأنك تعملين بل لأن مكتوبك لم يأتي بعد موفقة

[مسلم سني]

كان ردي عل بعض الردود
هناك امور لانستطيع الحكم فيها بالاراء وانما هناك فاصل بين الحق والباطل
والله اعلم
السلام عليكم
واش خويا زعما هدرتك غي بالآيات والأحاديث والدين
عندبالك غي نت الفاهم مع كل احترماتي ليك واش بعض الردود ؟؟؟؟؟؟؟؟؟؟
علاه ماتكونش صريح قولها هاكذا بصراحة عند بالك منفهمش الله المستعان
شوف خويا راك دايمن تعاودها الحكم على حساب الهوى واش هذا خويا واش من هوى خويا لعزيز
انا حكيت واش راني نشوف يا سي محمد في الواقع ولى نت راك عايش في المريخ؟؟
ياك جزائري وعلا بالك بلي كاينة عنوسة ولى غي الخدامة لي راها بلازواج؟؟؟؟
كاين لي راها في الدار ماكثة بالبيت ودين وجمال واخلاق وماتزوجتش ولى راني اغالط
المهم آراؤك على العين والراس إذا كانت بشكل مباشر لا بالمعاني
والمرة القادمة إذا لم يعجبك تدخلا فانصح صاحبه مباشرة وهذا إن كان مخطئا أما أن تتهم غيرك وكأنك تعلم بما يفكر هنا اسمحلي أنا لم أدخل المنتدى كي يملي علي أحد ما الأخلاق دخلت لاستفيد وأفيد إن أمكن لا أن أتربى فأنا لم أدخل إلا وأنا على أخلاق والحمد لله فرجاء المرة القادمة كن حذرا في إطلاق أحكامك لست المسلم الوحيد الذي يسعى لنيل رضى ربه
احترماتي

[مسلم سني]

و عليكم السلام.و الله يا خويا عبد الشافي الا راني شايفتهم قدامي الخدمة هي الاولى تحسب رايحة دخلها للجنة انا مانيش نهدر على الي الله غالب عليها مازال ماجاهاش مكتوبها هاذيك حاجة وخدخرى انا نهدر على بنات جاوهم رجال مي قاتلك انا مانحبسش الخدمة . و انا تاني ماهدرتش على الي عندها ظروف و لازم تخدم هاذيك تاني الله غالب عليها.مي مرات لبنات يضيعو من يديهم شي فرص نوغمالمو مايتضيعوش على جال الخدمة و المشكل كون غير خدمة مضمونة.و انا ضد فكرة انو الطفلة تتزوج غير باه يقولو انو تزوجت لانو هاذي حياة كاملة ماشي يومين و راجعة لدار باباها.والله نحترم رايك خويا و شكرا على الرد
السلام عليكم
أنا أعرف عاملا ت يتمنين لو يتزوجن ومستعدات لان يتركن عملهن في سبيل تكوين أسرة أنا شخصيا أرى أن مشكل الزواج تعاني منه العاملة والماكثة بالبيت والله أعلم
شكرا لك وأتمنى أن تدخلي لم يسبب لك إزعاجا
احترماتي

[اللؤلؤة مريم]

مع كل إحتراماتي لمن وضع ردا في هذا الموضوع لكن المرأة العاملة لم ترتكب أي جريمة نحن مسلمون سواء كانت المرأة عاملة أو ماكثة بالبيت فهي لن تتزوج إلا إذا جاء مكتوبها كل شيئ بيد ربي فلا نقول تلك عملت فضيعت الزواج لأن الزواج رزق من عند الله لم يخصصه للماكثة بالبيت فقط

[Terrified-dz]

ربي يرزقك الزوج لي بيع الخضرة وتوكوني معاه هانية
مع انني لم اعب المهنة بل عبت الرجال الذين ضاعت رجولتهم




واش بيه ليبيع الخضرة يا استادة حتى لي يعرق بجبينو تعايبوه منك لله على هدا الكلام اما الرجال موجودين و لكن لا تستاهليهم لان الرجل لا يرى الخير في العاملة المختلطة بالرجال
راكي ربحتي دعوة من عندي ان شاء الله ................علجال تحقيرك للرجل و بائع الخضر

[عميروش الحر]

كلشي بالمكتوب اذا الواحدة كانت امام خيارين تطمحهما فلا بد ان تختار الاهم في حياتها فاذا كان العمل مهما لها تختار العمل و تنتظر ربي يبعتلها مكتوبها و اذا كانت مستعجلة و مهتمة اكثر بالزواج تختار الزواج و ربي يسعدها في حياتها

[السي محمد]

آوووو!!!!

قبل مدة قلتي انك تبحثين عن عمل

والآن فقط انتبهت انك موظفة ههههه


لقيتي خدمة و ما قلتيلناش

و انا كنت رايح نجيبلك كونترا مع واحد مقاول صاحبي ؟؟؟؟

[morad81]

عودة ميمونة بمواضيع جديدة......راكم سهرتوا البارح المشكل أنني رقدت قبل هذا الوقت .........


المهم :
المشكل أنها المرأة العاملة ما تفيقش في الأول وتكون فرحانا بالعمل نتاعها وتتباها بالخدمة و الصوالح اللي تشريهم قدام صحاباتها .....مي نهار اللي يفوت الوقت تحوس على الراجل ماتلقاش و تشوف نتجاتها بولادهم كبار .......تخيلي الحالة النفسية نتاعها.


أما الحالة اللي راكي تتكلمي عليها ....أنا صاحبي أستاذ تزوج العام الماضي ...و هذا العام طلق بسبب الخدمة اللي قالها باباها لازم الشهرية تكون ليا .......والراجل قالها شهريتك تصرفيها على روحك ...وباباك ديريلوا مبغ معين .....راهو طلق وعلاه .


و الله حسب المعلومات راهي في أقصى درجة اليأس.........

[soso sirin]

أختي سرين أنت لم تتزوجي و حرمت من كلمة ماما ليس لأنك تعملين بل لأن مكتوبك لم يأتي بعد موفقةصحيتي على الرد مي والله مانيش نهدر على حالتي بصفة خاصة انا نهدر بصفة عامة و استعملت ضمير المتكلم باه كل وحدا تعيش الحالة برك.اما انا فراني مامنة بالمكتوب و الزواج رزق من ربي سبحانو بيناتنا مازال مايجي الي يدخل راسي برك و الي حاساتو انو هو الي قادر نكمل معاه حياتي .

مع كل إحتراماتي لمن وضع ردا في هذا الموضوع لكن المرأة العاملة لم ترتكب أي جريمة نحن مسلمون سواء كانت المرأة عاملة أو ماكثة بالبيت فهي لن تتزوج إلا إذا جاء مكتوبها كل شيئ بيد ربي فلا نقول تلك عملت فضيعت الزواج لأن الزواج رزق من عند الله لم يخصصه للماكثة بالبيت فقط
واش راكي مريومة والله يا مريم كيما قلتي انتي الزواج راه مكتوب و ماراه لا مخصص للعاملات و لا للماكثات في البيت.و المراة العاملة على الراس و العين و ماهيش مجرمة و لا راني نحاسب فيها لانو انا راني وحدا منهم
كلشي بالمكتوب اذا الواحدة كانت امام خيارين تطمحهما فلا بد ان تختار الاهم في حياتها فاذا كان العمل مهما لها تختار العمل و تنتظر ربي يبعتلها مكتوبها و اذا كانت مستعجلة و مهتمة اكثر بالزواج تختار الزواج و ربي يسعدها في حياتها
كل واحد و ظروفو خويا عميروش و ربي يمد لكل واحد على حساب واش متمني هو

[soso sirin]

السلام عليكم

أنا أعرف عاملا ت يتمنين لو يتزوجن ومستعدات لان يتركن عملهن في سبيل تكوين أسرة أنا شخصيا أرى أن مشكل الزواج تعاني منه العاملة والماكثة بالبيت والله أعلم
شكرا لك وأتمنى أن تدخلي لم يسبب لك إزعاجا

احترماتي

واش هذا الكلام خويا الموضوع موضوعك اكتب واش بغيت.المنتدى دخلت ليه لانو باغية ناقش الافكار اما اذا كتبت موضوع و مانيش باغية الناس يمدو اراءهم غير مانكتبش و خلاص.مشكل الزواج خويا عبد الشافي ماشي راه تعاني منو غير العاملة و لا الماكثة في البيت راه يعاني منو حتا الراجل و هذا لعدة اسباب .كاين اعضاء كي نكتب الموضوع نبغيهم يدخلو لموضوعي و يمدولي رايهم و انت منهم خويا
آوووو!!!!

قبل مدة قلتي انك تبحثين عن عمل

والآن فقط انتبهت انك موظفة ههههه


لقيتي خدمة و ما قلتيلناش

و انا كنت رايح نجيبلك كونترا مع واحد مقاول صاحبي ؟؟؟؟خويا وقتاش انا قلت راني نحوس على خدمة مانيش متفكرة اصلا هدرت على هذا الموضوع لانو ملي سجلت في المنتدى كنت خدامة .وعلى البريفي خويا كون يخلصني بالاورو مانخدمش عندو الا اذا كان يكونلي نيشان معنتها المشروع تاع دارنا بلاك نخدم معاهم

عودة ميمونة بمواضيع جديدة......راكم سهرتوا البارح المشكل أنني رقدت قبل هذا الوقت .........


المهم :
المشكل أنها المرأة العاملة ما تفيقش في الأول وتكون فرحانا بالعمل نتاعها وتتباها بالخدمة و الصوالح اللي تشريهم قدام صحاباتها .....مي نهار اللي يفوت الوقت تحوس على الراجل ماتلقاش و تشوف نتجاتها بولادهم كبار .......تخيلي الحالة النفسية نتاعها.


أما الحالة اللي راكي تتكلمي عليها ....أنا صاحبي أستاذ تزوج العام الماضي ...و هذا العام طلق بسبب الخدمة اللي قالها باباها لازم الشهرية تكون ليا .......والراجل قالها شهريتك تصرفيها على روحك ...وباباك ديريلوا مبغ معين .....راهو طلق وعلاه .

و الله حسب المعلومات راهي في أقصى درجة اليأس.........

البارح ماحسيتش اصلا بالوقت كيفاه فات حتى لقيت روحي فت الحد تفكرت ليام تاع رمضان.المشكل انو الخدمة للمراة راهي تسببلها مشاكل اكثر من انو راهي تحلها فيهم الاولى تدخل في صراع مع روحها و مع عايلتها و مع راجلها.وحد النهار سقسيت وحدا خدامة قتلها كون يقلك حبسي الخدمة تحبسي قاتلي مكانش مرا تلقى راجل قادر يصرف عليها و يوفرلها كلشي و تتمحن الا اذا هي انوغمال

[Terrified-dz]

لو كان اخي لتنازلت له عن كل شيء اما باقي الرجال فلن افعل لانني لم اعد اثق في احد وهوما مستهلوش كل واحد يعوم في بحرو وانا وش راحا نديرلهم ان يتقوا الله يجعل لهم مخرجا




انت استادة جامعية و دو مستوى عالي تتكلمي بهده الطريقة و الله العظيم مستواك التربوي 0000000000
و النساء كيما انت يموتوا بايرات الرجل موجود و لكن ما يحوش على وحدة لسانها طويل

[soso sirin]

الموضوع لم اكتبه من اجل استفزاز بعضنا لذلك ارجو من كل الاعضاء ان لا يتمادو في كلامهم حتى لا نجرح بعضنا البعض انا ارجوكم .انا لا اريد مناقشة عمل المراة في حد ذاته او ان اصورها انها لن تتزوج اذا تمسكت بعملها لان الزواج رزق من عند الله و من كتب الله لها الزواج ستتزوج كانت عاملة او ماكثة في البيت.انا اردت ان اناقش معكم فكرة انه لو ان كل بنات الجزائر اردن العمل و كان لهن ما اردن اين سيعمل الرجال وهنا ساذكر مسابقات التوظيف في بلادنا تكون دائما حصة الاسد من نصيب النساء.هل فعلا لان المراة لديها مؤهلات اكثر من الرجل ام انها سياسات التوظيف الغير عادلة .سيدتي انستي لو جاءك رجل و طلب منكي التنازل عن العمل هل تقبلين ام لا .هل تمسك المراة بالعمل هو ناتج عن خوفها منه و عدم ثقتها به ام ان هناك اسبابا اخرى.سيدتي انستي اذا عملت و كسبت اموال الدنيا طبعا حينما تريدين الارتباط ستفكرين في رجل يكون من مستواك هل ستجدين هذا الرجل و نحن نعلم ان الرجل اصبح يجاهد من اجل الحصول عليه و انا اعلم ان الرجل بدون عمل لن يستطيع الزواج.انا لا اقول ان المراة هي سبب بطالة الرجل و لكن لديها يد في المشكلة.ان اردتم اضافة شيئ لكم الخط و لكن من فضلكم بدون تجريح

[فتـ حييةـاة]

ربي يرزقك الزوج لي بيع الخضرة وتوكوني معاه هانية
مع انني لم اعب المهنة بل عبت الرجال الذين ضاعت رجولتهم

آآمين وانا هذاك علاش نحوس الهنا هو كلشيء ::: شكرا

[الواثق]

تصدقي لو نقولك اني نقبل نتزوج بواحد يبيع الخضرة ويقولي ريحي فالدار ومانقبلش بدكتور فالجامعة ويقولي لازم تخدمي ؟؟؟
كل وحدة وكيفاش تشوف للموضوع هذا لايعني اني لم احترم رايك وانما مابغيتش منك كلمت بلاها ربي
كاين بزااف نساء متزوجين بلي يبيعو الخضر وعايشين ومستورين ولله الحمد ::::::::: لما يكون زوج صالح ويخاف ربي فيها صدقيني حتى لو كان بطااال تعيش معاه زوجته السعادة
لهذا مالازمش نحكمو على الناس من خلال مناصبهم فقط
في امان الله اختي

ومن قال ان بيع الخضرة لايدر مالا ...................ماصحتناش برك ................احنا ثاني نحوسو على وحدة تعرف تنقي الخضرة ماشي تمسح السبورة

[السي محمد]

الله يعلم انا كنت حاسبك عاطلة

[حضنية28]

انا منعارضش فكرة عمل المراة ولكن لعمل المراة حدود ملازمش تتجاوزها يعني خدمتها لازم يكون راضي الزوج نتاعها عليها ومتكونش مهملة جانب على جانب اخر

[اسلام انس]

انا ضــــــــــــــــد عمل المــــــــــــــــراة........المراة بلاصتها في الــــــــــــــــدار وعند اولا دها

واش مــــــــــــن مــــــــــــــــــراة لي تـــــــــــــظل خارجه وداخــــــــــــــــــله.............ولالالالالالا لالالا

[بنت الرّحّل]

كلين تقبل تقعد فالدار مي سور انا نقولك تبور بالغرانتي قط ما يقولش عليها مياو

أضحكتني هذه الجملة أضحك الله سنك

يا شيخة... الله يبعد علينا القطط:)

[soso sirin]

الله يعلم انا كنت حاسبك عاطلة
لالا بحال نخدم
انا منعارضش فكرة عمل المراة ولكن لعمل المراة حدود ملازمش تتجاوزها يعني خدمتها لازم يكون راضي الزوج نتاعها عليها ومتكونش مهملة جانب على جانب اخر
عمل المراة يا اسوسة اختي كل واحد و كيفاه يشوفو مي والله كاين حالات الا يبكو الحجر و شكون هي الخاسرة المراة في الاول و الذراري تاني مساكن .المراة تولي تخدم خدمة الراجل و المراة في نفس الوقت و مايوليش عندها الوقت حتا روحها مسكينة سوغتو اذا تلاقات مع راجل راقد كامل في الخط و التالية تاعها يا تمرض يا تهبل من كثرة الضغوطات.و تاني الذراري والله الا يترباو في ليكغاش صح كاين الي يجو ماشاء الله مي كاين حاجة ناقصة عندهم.ربي يهدينا للشي الي فيه الفايدة ان شاء الله
انا ضــــــــــــــــد عمل المــــــــــــــــراة........المراة بلاصتها في الــــــــــــــــدار وعند اولا دها

واش مــــــــــــن مــــــــــــــــــراة لي تـــــــــــــظل خارجه وداخــــــــــــــــــله.............ولالالالالالا لالالا
ايه المراة بلاصتها في الدار و حتا و تكون عندها شهادات بالجملة مي لازم الراجل يدير الي عليه تاني و مايحسسهاش انو راه داير فيها خير لانو المراة الشي الي تمدولها رايحة ترجعولك معنتها اذا مديتلها الامان و الثقة رايحة تمدلك دار فيها الاستقرار و ذراري ماشاء الله و العكس ماشي معنتها يدير المراة في الدار و هو يخرج وقت مابغى و يدخل وقت مابغى و مايقيمهاش كامل .الشي الي راه صاري ضروك بين المراة و الراجل سبابو انعدام الثقة

[sarl02]

راكي امهلكتها ثان هنا يا لصنامية ..هذا وين راني انشوف الله ابارك ....المخلوقة تخدم على شر زمانها مسكينة وانتم طايحين عليها وعلاه ما اتخافوش ربي صار؟

[soso sirin]

راكي امهلكتها ثان هنا يا لصنامية ..هذا وين راني انشوف الله ابارك ....المخلوقة تخدم على شر زمانها مسكينة وانتم طايحين عليها وعلاه ما اتخافوش ربي صار؟
هههههههههه عجبتني هاذي لصنامية.والله يا خويا انا ماكتبتش الموضوع باه نقول المراة لازم تريح في الدار و لا انو ماشي من حقها باه ما تخدمش لانو انا تاني راني نخدم و الي تخدم لانو مكانش الي يصرف عليها و الا الله غالب عليها هاذيك والله نضربلها تعظيمة سلام .المشكل مرات تلقى شي نسا ربي مدلهم رجال ماشاء الله و قادرين يعيشوهم مليح مي هي تقلك انا ماقريتش باه نريح في الدار و تقلك انا مانيش خدامة لا عندو و لا عند ولادو عندي شخصيتي و عندي طموحي .ممكن في التالي الطموح يقتل فيها حاجات بزاف.والله كاين ايطارات ماشي متزوجين كون بلاك تروح تسقسيهم تقلك يدو الشهادات و يدو الخدمة يمدولي غير طفل برك نسمع منو كلمة ماما و هاذو ماشي لانو المكتوب ماجاش هاذو لانهم هوما خسرو حياتهم بيديهم .والله غير نخاف من ربي

[مسلم سني]

[QUOTE=soso sirin;11663836]واش هذا الكلام خويا الموضوع موضوعك اكتب واش بغيت.المنتدى دخلت ليه لانو باغية ناقش الافكار اما اذا كتبت موضوع و مانيش باغية الناس يمدو اراءهم غير مانكتبش و خلاص.مشكل الزواج خويا عبد الشافي ماشي راه تعاني منو غير العاملة و لا الماكثة في البيت راه يعاني منو حتا الراجل و هذا لعدة اسباب .كاين اعضاء كي نكتب الموضوع نبغيهم يدخلو لموضوعي و يمدولي رايهم و انت منهم خويا
السلام عليكم
بارك الله فيك أختي سوسوسيرين على ردك هذا
صح مشكل الزواج يعاني منه الرجل والمرأة هذه حقيقة
أما المرأة العاملة التي ترفض ترك عملها والزواج ربما أختي سوسو أنها لم تتزوج باخص الذي يمكن أن يوفر لها الأشياء الأساسية في البيت أو لنقل لا يستطيع ذلك وربما لو جاءتها فرصة زواج بشخص لا بأس به ماديا أظنها ستترك عملها هذه وجهة نظر والله اعلم لكن أن ترفض أكثر من عريس بحجة العمل والحرية هذا كلام آخر
بارك الله فيك
احترماتي

[خولة لبابة]

الله يهدي اخواتنا الى ما هو أحسن.....

[assia81]

ومن قال ان بيع الخضرة لايدر مالا ...................ماصحتناش برك ................احنا ثاني نحوسو على وحدة تعرف تنقي الخضرة ماشي تمسح السبورة

فعلا اضحكني ردك
وشكون لقالك بلي لتمسح السبورة متعرفش تنقي الخضرة لمعلوماتك فانا اتقن اعمال البيت والطبخ احسن من الماكثات في البيت ماجتش في قعدة تاع الدار جات في الاتقان وكثيرات من هن ماكثات في البيت لا يتقن عملهن

[سعاذ]

السلام عليكم
اختي انا حبا نهدر على عدة نقاط
اولا على لي يقولوا بلي كي تتعلق لاليست تاع الناجحين طفلة ديما هي لي تنجح خاطر هي طفلة انا نقول صح ذكور راهم مصعبيله في الخدمة على جال العسكر و هذي حجا صح تغيض و انا واحدة نتمنى ديما نشوف لولاد يخرجوا في لاليست اكثر من لبنات
بصح حبيت نقول بلي لوكان تشوفوا كي يحطوا الدوسي او كي يعقبوا تلقاو في 50 مراة 1 رجل فمن الطبيعي ان نصيب لبنات يكون اكثر
حجا الثانية انا منى مع مراة العاملة او الماكثة في البيت كل واحدة و قنعتها و طريقة تفكيرها و ظروفها,انا واحدة من الناس الخدمة ضرورية بالنسبة ليا قبل الزواج اما بعد الزواج على حساب الظروف فمن المستحيل نهمل اسرتي و اولادي او نعادي زوج تاعي على جال الخدمة
والحمد الله هذا الشرط مرهوش في القائمة الشروط المهم الرجل الصالح لي يخاف ربي فيا
دمتم في رعاية الله و حفظه

[الواثق]

فعلا اضحكني ردك
وشكون لقالك بلي لتمسح السبورة متعرفش تنقي الخضرة لمعلوماتك فانا اتقن اعمال البيت والطبخ احسن من الماكثات في البيت ماجتش في قعدة تاع الدار جات في الاتقان وكثيرات من هن ماكثات في البيت لا يتقن عملهن
ايه على بالي تنقي الخضرة بلا اي اداة تفلسف على الخضرة تتنقى وحدها ...........

والعقل والمنطق ان المرأة العاملة وخاصة الاستاذة تضيع الكثير من عملها الاساسي ..........فهي تحظر الدروس وتحظر نفسها كل يوم *** كل خرجة بصنعة حاشا البعض *** وزيد التعب تاع التدريس والتصحيح والاجتماعات وهذا قع مع خلطة كبيرة مع الرجال.................ومن بعد تروح لدارهم وتقلك انا كيف كيف مع لي ناضت من الفجر وهي تنقي في بيتها ؟؟؟؟؟................بلا قراية بلا فيزياء بلا رياضيات باينة ..............

وهوما كامل يقلك انا قايمة ببيتي والحمد لله هي ترفد البالية نهار في السمانة راهي دارت انجاز كبييييير واذا طيبت الغداء والعشاء في نهار واحد هذي لازمها اسبوع راحة ....................

ترى هل المرأة التي هي في العمل واولادها في الحضانة او عند الجيران او عند ام الرجل او امها هل هي قامت بعملها ؟؟؟؟...........هل المرأة التي تنتقل من جامة الى وكل جامعة محاظرة واحتمال كبير انها لازواج لاوالو هل عاشت على فطرتها ؟؟؟؟.................
صحيح هناك ماكثات في البت ولايتقنون اي شيء هاذوك مانحكوش عليهم فهم ماكثات امام التلفاز وليس البيت ......لكن لايعني اننا نقارن انفسنا بهم ...............

يا اختي الفاضلة لو كانت الشهادات مقياس للبنت وثقافتها لتسابقنا عليهن لكن للاسف استاذة باحثة في النانو تكنولوجي ولاتعرف سنن الصلاة ولاتفرق حتى بين صلاة الفجر والصبح فهل اسميها مثقفة انا xyz واش ندير بيهم .................

لكن للاسف بعنا كل شيء بثمن بخس واصبحنا نصنف انفسنا بشهادات كلها لامعنى لها فحتى الفرق بين واحد ليسونس او مهندس وواحد ماجيستير او حتى دكتور عامين فقط وضربة حظ في الماجيستير الا ما رحم ربي ............هذا اصبح استاذ جامعي وذلك بطال وممكن خضار .....................هذه المناصب لاتعني لي شيئا وحتى الشهادات .....

وماتزعفيش مني على صراحتي فلست اطعن في احد فكلنا قد ابتلينا بهذا والله المستعان

[*سيرتا *]

وهل الزواج من اجل الاولاد فقط??? ; لا يملك وظيفة ويطلب منك التخلي عن وظيفتك ??? لم افهم...كيف لكما ان تبنيا حياتكما ان كان هو بطال...عدرا اختي و لكن لم اجد العلاقة بين هدا و داك ..

[assia81]

ايه على بالي تنقي الخضرة بلا اي اداة تفلسف على الخضرة تتنقى وحدها ...........

والعقل والمنطق ان المرأة العاملة وخاصة الاستاذة تضيع الكثير من عملها الاساسي ..........فهي تحظر الدروس وتحظر نفسها كل يوم *** كل خرجة بصنعة حاشا البعض *** وزيد التعب تاع التدريس والتصحيح والاجتماعات وهذا قع مع خلطة كبيرة مع الرجال.................ومن بعد تروح لدارهم وتقلك انا كيف كيف مع لي ناضت من الفجر وهي تنقي في بيتها ؟؟؟؟؟................بلا قراية بلا فيزياء بلا رياضيات باينة ..............

وهوما كامل يقلك انا قايمة ببيتي والحمد لله هي ترفد البالية نهار في السمانة راهي دارت انجاز كبييييير واذا طيبت الغداء والعشاء في نهار واحد هذي لازمها اسبوع راحة ....................

ترى هل المرأة التي هي في العمل واولادها في الحضانة او عند الجيران او عند ام الرجل او امها هل هي قامت بعملها ؟؟؟؟...........هل المرأة التي تنتقل من جامة الى وكل جامعة محاظرة واحتمال كبير انها لازواج لاوالو هل عاشت على فطرتها ؟؟؟؟.................
صحيح هناك ماكثات في البت ولايتقنون اي شيء هاذوك مانحكوش عليهم فهم ماكثات امام التلفاز وليس البيت ......لكن لايعني اننا نقارن انفسنا بهم ...............

يا اختي الفاضلة لو كانت الشهادات مقياس للبنت وثقافتها لتسابقنا عليهن لكن للاسف استاذة باحثة في النانو تكنولوجي ولاتعرف سنن الصلاة ولاتفرق حتى بين صلاة الفجر والصبح فهل اسميها مثقفة انا xyz واش ندير بيهم .................

لكن للاسف بعنا كل شيء بثمن بخس واصبحنا نصنف انفسنا بشهادات كلها لامعنى لها فحتى الفرق بين واحد ليسونس او مهندس وواحد ماجيستير او حتى دكتور عامين فقط وضربة حظ في الماجيستير الا ما رحم ربي ............هذا اصبح استاذ جامعي وذلك بطال وممكن خضار .....................هذه المناصب لاتعني لي شيئا وحتى الشهادات .....

وماتزعفيش مني على صراحتي فلست اطعن في احد فكلنا قد ابتلينا بهذا والله المستعان


انا منزعف من حتى واحد قشي نتوما اهل الغرب انا اتحدث عن نفسي لا اتحدث عن المراة التي تترك اولادها وتذهب للعمل فانا الوقت الذي امكثه في البيت اكبر من الذي اخرج فيه وتاني الله غالب عندي طموح كبير لا استطيع ان اتخلى عن طموحي لاني بكل بساطة نموت بقلبي ان واحدة حبا تقعد في دار ماعندها حتى طموح غير الخدمة تاع الدار وخلاص وش راح نديرها وان شاء الله ان كتب لي الله ووجدت من يفهمني ان اربي اولادي على القيادة والمواجهة والصعود بالوطن وليس على الخضوع والكسل المهم كل واحد كفاه يخمم دمت في رعاية الله

[فتـ حييةـاة]

سبحانك اللهم وبحمدك اشهد ان لا اله الا انت استغفرك واتوب اليك

[الواثق]

انا منزعف من حتى واحد قشي نتوما اهل الغرب انا اتحدث عن نفسي لا اتحدث عن المراة التي تترك اولادها وتذهب للعمل فانا الوقت الذي امكثه في البيت اكبر من الذي اخرج فيه وتاني الله غالب عندي طموح كبير لا استطيع ان اتخلى عن طموحي لاني بكل بساطة نموت بقلبي ان واحدة حبا تقعد في دار ماعندها حتى طموح غير الخدمة تاع الدار وخلاص وش راح نديرها وان شاء الله ان كتب لي الله ووجدت من يفهمني ان اربي اولادي على القيادة والمواجهة والصعود بالوطن وليس على الخضوع والكسل المهم كل واحد كفاه يخمم دمت في رعاية الله

واش نقلك سنشهد هذه الطموحات وكيف سنسأل عنها يوم القيامة ؟؟؟ هل قمت بكذا لارضاء الله ؟؟؟ هل الطريقة ترضي الله ؟؟؟؟ ترى ماذا سنقول ................هل سنقول من اجل طموحاتنا يالله ؟؟؟؟ أولم نعلم ان طموحنا هو دخول الجنة ولايدخلها احد الا بطاعة الواحد الاحد ؟؟؟....................................ياربي اختلطت بالرجال وخرجت وعملت من اجل مسكن واسع وشهادة دكتوراه ورحت لفرنسا ولبريطانيا واتقنت 10 لغات ودرت مخبر بحث وديت جائزة نوبل ولى عندي الدراهم واولادي كلهم درستهم منهم الطبيبة والمهندس ويتقنو جميع اللغات وسكنا في اغلى الفيلات وافضل المدن العالمية .................................هل هذا هو الطموح لذي سنتكلم عنه يوم القيامة ؟؟؟؟

اللهم ارنا الحق حقا وارزقنا اتباعه

واحدة قاعدة في المنزل ستقول باذن الله

يارب لقد التزمت بشرعك واخترت القعود في البيت على الدراسة والعمل والاختلاط بالرجال وانت ادرى بحال ذلك الزمان ..........فتركت الدنيا من اجل رضاك يالله فربيت اولادي على الدين وابعدتهم عن الحرام رغم قلة العيش ولكننا حمدناك يالله على جزيل نعمك .............لم تهمني شهادات ولامادة على ان اختار زوجي بل اخترته لدينه رغم بساطته وربيت اولادي ليس لاتقان لغات او جلب شهادات بل لعبدوك ويخافوك .....................


ترى اي الكفة التي نقدر اننا نسميها طموحا ؟؟؟

لكم الاختيار

[soso sirin]

وهل الزواج من اجل الاولاد فقط??? ; لا يملك وظيفة ويطلب منك التخلي عن وظيفتك ??? لم افهم...كيف لكما ان تبنيا حياتكما ان كان هو بطال...عدرا اختي و لكن لم اجد العلاقة بين هدا و داك ..
يا اختي انا اصلا مانيش نهدر على روحي مي كتبت الموضوع بصفة المتكلم باه اي وحدا تقرى الموضوع تحسو تاعها برك .و انا ماقلتش انو الوحدا تتزوج غير على جال الذراري برك .

[soso sirin]

السلام عليكم

اختي انا حبا نهدر على عدة نقاط
اولا على لي يقولوا بلي كي تتعلق لاليست تاع الناجحين طفلة ديما هي لي تنجح خاطر هي طفلة انا نقول صح ذكور راهم مصعبيله في الخدمة على جال العسكر و هذي حجا صح تغيض و انا واحدة نتمنى ديما نشوف لولاد يخرجوا في لاليست اكثر من لبنات
بصح حبيت نقول بلي لوكان تشوفوا كي يحطوا الدوسي او كي يعقبوا تلقاو في 50 مراة 1 رجل فمن الطبيعي ان نصيب لبنات يكون اكثر
حجا الثانية انا منى مع مراة العاملة او الماكثة في البيت كل واحدة و قنعتها و طريقة تفكيرها و ظروفها,انا واحدة من الناس الخدمة ضرورية بالنسبة ليا قبل الزواج اما بعد الزواج على حساب الظروف فمن المستحيل نهمل اسرتي و اولادي او نعادي زوج تاعي على جال الخدمة
والحمد الله هذا الشرط مرهوش في القائمة الشروط المهم الرجل الصالح لي يخاف ربي فيا

دمتم في رعاية الله و حفظه

سعاد عجبني ردك بزاف بزاف.انا راني نخمم كيما انتي معنتها ضروك انا تاني خدامة مي اذا جا شخص مليح و يستاهل والله ماشي خسارة باه الوحدا تريح في الدار في جالو.ربي يرزقك بالزوج الصالح الي يهنيك و تهنيه ان شاء الله

[السي محمد]

ههههه تهدري تندمي

[سعاذ]

السلام عليكم
بار الله فيك على الدعوة
امين يا ربي العالمين
ليا و ليك و جميع المسلمين و المسلمات

[الواثق]

سعاد عجبني ردك بزاف بزاف.انا راني نخمم كيما انتي معنتها ضروك انا تاني خدامة مي اذا جا شخص مليح و يستاهل والله ماشي خسارة باه الوحدا تريح في الدار في جالو.ربي يرزقك بالزوج الصالح الي يهنيك و تهنيه ان شاء الله

نقلك الصراحة بلا زعاف ......................لا اريد من المرأة ان توقف عملها من اجل فلان او علان .................بل من اجل الله عزوجل ..............فهي خافت ربها وان لم تقع في المحظر لكنها اقتربت منه والله عزوجل يحثنا على ان نتقي الشبهات ...

انا لو نقلكم اليوم راه الكسوف ماتخرجوش من المنازل الناس اكل ماتخرجش مع العلم ان ليس شرط انك تخرج تصاب بالاشعة الخطيرة بل لم نخرج تجنبا لكل شيء ونقول *** واش حاتمنا **** ...................فهكذا من المفروض نتعامل مع شرع الله .........................ولاتخرج المرأة الا المحتومة هههه

والله اعلم

[soso sirin]

ههههه تهدري تندمي
شكون هي الي تندم يا السي محمد.ماقتليش الموضوع الي درتو ماعاودتش هدرت عليه

[1954مريم]

السلام عليكم والله احيانا اعجز عن الكتابة والفهم في هذه المواضيع حتى اني دوما اتذكر قول الشيخ محمد الغزالي في ما معناه مازال القوم يتقاتلون هل عمل المراة حلال ام حرام ؟ هل القبض في الصلاة فرض ام سنة والله المستعان.

والله كلمة اقولها للنساء اولا كل وحدة حرة في قناعتها ثانيا كل وحدة ومقدرتها وشطرتها وفهمها وفلسفتها للحياة .

فالكثيرات منهن بلا شهادات وماكثات بالبيت ماشاء الله تربية ابناء اخلاق وادب وحياة صح لكن في المقابل وجدتهن مثل

الشمعة التي تحترق لتضئ كانها تنتقم من نفسها لانها انثى وممكن تنسى نفسها لانها زوجة وتغوض في عالم الكنس والتربية كانها دركي .....بعد مدة تنهار .

فئة ثانية بالشهادة الجامعية وماكثة بالبيت لا شئ مست شئ اسمه التعليم او ثقافة امام التلفاز والجارات واذا ناقشتها تقولك انا جامعية ........واحيانا تصاب بانفصام الشخصية لو قلت لها جارتها او زوجها او شخص خسارة قرايتك "

فئة ثانية خرجت للعمل حبا في الاستظهار وانتقاما من الرجل وتعويضا عن رغبة الذكورة .



فئة اخرى خرجت للعمل لتادية رسالة والقيام بالواجب وقد تكون محتاجة وتساعد زوجها ولبست حجابها وسترت نفسها قدر المستطاع



المهم نعود للتحليل

بالنسبة للتربية ياخواني الكرام لقد تخلى الاباء عن دورهم تهائيا ...بحجة هذا الجيل قبيح .

بالنسبة للحضانة كل الاطفال المحضوضون راهم في الحضانة .

انما البقية راه في الشارع ولا تلعب عند الجيران الام تعيت راسها وجعها من الحس روحوا عليا خطوني ؟


حتى الواخدة وهم في الشارع لان لاب جاء وحاب يرقد وقال للام شوفي وين اديري اولادك ؟

الام تفتح الباب وابقوا هنا وهي امام تلفاز .


نظافة اليت كل النساء تعلموا ميناج الاسبوع اوة كل شهر تجيب خدامة وتخلصها
وتهني روحها .

الطبخ ياحسراه منذ زمن نسي الطيخ واصبح وكانه في المواسم كل النساء خبز الخباز والمقرونة ووالطعام اتع السوق .


الحفاظات اكرمكم الله كل النساء تستعملها منذ فهم ان الزواج استقرار ورفاهية والامجاب حفاضة وبيبرون ؟


لو كنا يحدن صعوبة في الزواح وتحمل المسؤلية ما تزوجت صاحبة 16ستة ؟


صلاة الفجر ياحسراه وياحسره نزعت من القواميس وكيف لا وهنا يسهرن في مشاهات الافلام والحليجيات نائمات طول الوقت فهل تبقى الجزائرية لوحدها فقط ؟

اذن بعد هذه المعادلة الصعبة قررت ان اعمل ؟

اولا اصلي الفجر في وقته واقدم رسالة اما الزواج لحد لان لم اجد شحص مناسب يستحق التضضحية ؟ ومتاكدة انه لن يوجد الا في عالم المثل ؟

لان الدنيا غدار والزمان صعيب .

واولهم الرجل لا امان له والدليل روحوا للمحاكم وشوفوا بلاوي ؟


وكانه دار فيك مزية تزوجك.

ولذلك اخواتي لا تكثرن التاسف على الرجال اذا جاء المناسب الله يبارك واذا لم ياتي فلله خير معوض.

اما عن التعب انا عندي تعب الجسد ولا تعب القلب .

كم من امراة محتاجة دواء ولا تشتريه .

كم من امراة ولدها مريض ولا يذهب للمستشفى ؟


وكم وكم وكم .............................وربي ييب الخير والسلام

[السي محمد]

الموضوع هذاك مات تماما للاسف

[soso sirin]

نقلك الصراحة بلا زعاف ......................لا اريد من المرأة ان توقف عملها من اجل فلان او علان .................بل من اجل الله عزوجل ..............فهي خافت ربها وان لم تقع في المحظر لكنها اقتربت منه والله عزوجل يحثنا على ان نتقي الشبهات ...

انا لو نقلكم اليوم راه الكسوف ماتخرجوش من المنازل الناس اكل ماتخرجش مع العلم ان ليس شرط انك تخرج تصاب بالاشعة الخطيرة بل لم نخرج تجنبا لكل شيء ونقول *** واش حاتمنا **** ...................فهكذا من المفروض نتعامل مع شرع الله .........................ولاتخرج المرأة الا المحتومة هههه

والله اعلم
زعفت الواثق رايحة نتكلاطا مي كاين الحيطان علابالي هههههه.والله شوف يا خويا انا عندي وحد الفلسفة والله ماعلابالي اذا سمعت بيها و لا لالا انا راني في دار بابا ماعنديش المسؤوليات بزاف الحمد الله .و على الخدمة والله تقدر تقول بوليسي معنتها مانهدر حتا مع واحد الا في حدود الخدمة و معنتها كلشي عندو حدود و كلشي محسوب .و انا كي نحبس الخدمة ضروك و نريح في الدار واش ندير نريح نحسب في الحيطان على بالي بلي نخفاف من عقلي سوغتو انا شوية مقلقة.امالا قلت نهار ربي يرزقني بالراجل نريح في الدار لانو تم رايحة نولي مسؤولة على حياتي و حياتو و انا مانقدرش نكون روبو نخدم برا و الداخل .

[soso sirin]

الموضوع هذاك مات تماما للاسف
وعلاه ماعودتش هدرتلهم عليه

[الواثق]

السلام عليكم والله احيانا اعجز عن الكتابة والفهم في هذه المواضيع حتى اني دوما اتذكر قول الشيخ محمد الغزالي في ما معناه مازال القوم يتقاتلون هل عمل المراة حلال ام حرام ؟ هل القبض في الصلاة فرض ام سنة والله المستعان.

والله كلمة اقولها للنساء اولا كل وحدة حرة في قناعتها ثانيا كل وحدة ومقدرتها وشطرتها وفهمها وفلسفتها للحياة .

فالكثيرات منهن بلا شهادات وماكثات بالبيت ماشاء الله تربية ابناء اخلاق وادب وحياة صح لكن في المقابل وجدتهن مثل

الشمعة التي تحترق لتضئ كانها تنتقم من نفسها لانها انثى وممكن تنسى نفسها لانها زوجة وتغوض في عالم الكنس والتربية كانها دركي .....بعد مدة تنهار .

فئة ثانية بالشهادة الجامعية وماكثة بالبيت لا شئ مست شئ اسمه التعليم او ثقافة امام التلفاز والجارات واذا ناقشتها تقولك انا جامعية ........واحيانا تصاب بانفصام الشخصية لو قلت لها جارتها او زوجها او شخص خسارة قرايتك "

فئة ثانية خرجت للعمل حبا في الاستظهار وانتقاما من الرجل وتعويضا عن رغبة الذكورة .



فئة اخرى خرجت للعمل لتادية رسالة والقيام بالواجب وقد تكون محتاجة وتساعد زوجها ولبست حجابها وسترت نفسها قدر المستطاع



المهم نعود للتحليل

بالنسبة للتربية ياخواني الكرام لقد تخلى الاباء عن دورهم تهائيا ...بحجة هذا الجيل قبيح .

بالنسبة للحضانة كل الاطفال المحضوضون راهم في الحضانة .

انما البقية راه في الشارع ولا تلعب عند الجيران الام تعيت راسها وجعها من الحس روحوا عليا خطوني ؟


حتى الواخدة وهم في الشارع لان لاب جاء وحاب يرقد وقال للام شوفي وين اديري اولادك ؟

الام تفتح الباب وابقوا هنا وهي امام تلفاز .


نظافة اليت كل النساء تعلموا ميناج الاسبوع اوة كل شهر تجيب خدامة وتخلصها
وتهني روحها .

الطبخ ياحسراه منذ زمن نسي الطيخ واصبح وكانه في المواسم كل النساء خبز الخباز والمقرونة ووالطعام اتع السوق .


الحفاظات اكرمكم الله كل النساء تستعملها منذ فهم ان الزواج استقرار ورفاهية والامجاب حفاضة وبيبرون ؟


لو كنا يحدن صعوبة في الزواح وتحمل المسؤلية ما تزوجت صاحبة 16ستة ؟


صلاة الفجر ياحسراه وياحسره نزعت من القواميس وكيف لا وهنا يسهرن في مشاهات الافلام والحليجيات نائمات طول الوقت فهل تبقى الجزائرية لوحدها فقط ؟

اذن بعد هذه المعادلة الصعبة قررت ان اعمل ؟

اولا اصلي الفجر في وقته واقدم رسالة اما الزواج لحد لان لم اجد شحص مناسب يستحق التضضحية ؟ ومتاكدة انه لن يوجد الا في عالم المثل ؟

لان الدنيا غدار والزمان صعيب .

واولهم الرجل لا امان له والدليل روحوا للمحاكم وشوفوا بلاوي ؟


وكانه دار فيك مزية تزوجك.

ولذلك اخواتي لا تكثرن التاسف على الرجال اذا جاء المناسب الله يبارك واذا لم ياتي فلله خير معوض.

اما عن التعب انا عندي تعب الجسد ولا تعب القلب .

كم من امراة محتاجة دواء ولا تشتريه .

كم من امراة ولدها مريض ولا يذهب للمستشفى ؟


وكم وكم وكم .............................وربي ييب الخير والسلام


وهل هذه الاسقاطات منطقية ؟؟؟.................فان حدث كذا وكذا فيجوز لنا ان نفعل كذا ؟؟؟؟...............اين الشرع في ذلك ؟؟؟

فلما نعيب على المرأة خروجها هل عبناه على ستكون مقصرة في حقوقها الزوجية ؟؟؟ هذا اجعليه في الاخير فالاولى ان نراعي حق الله اولا ................ولنرجع الى عملها اليس واقعنا مؤسف اغلب العاملات تكون بدايتهم فيها احتشام ثم تفتح وانصياع للواقع المؤسف تبرج خضوع في القول تسكع في الشوارع واختلاط فاضح بين الرجال حتى القلوب ماتت ..............تنقل سفر بين الذئاب البشرية واصبح لاتنكر شيئا من المنكر لانماسها فيه علاقات بالهاتف وهذا اعرفه جيد وجيدا وخاصة في سلك التعليم ...................هذا الذي جعل عمل المرأة محظور وليس ان يأتي فارس الاحلام فينقذك من المحظور بل انقذي نفسك فالسعيد من اتق الله وتورع لطاعته وحافظ على دينه وركل الدنيا ان جاءت في طريقه.........................

اما الحالات الضرورية فلانتكلم عنها كامرأة لم تجد من يعيلها وضطرت للعمل ..................لكن نحن الان نصنف ان التي لاتملك سيارة وجب عليها العمل لانها ضرورة ؟؟؟؟؟ والتي لاتملك سلسلة تاع ذهب لازم تخدم باه توفرها لخاطر ضرورة ووووووو؟؟؟ ممن يوجع الرأس

والله اعلم

[السي محمد]

لا فائدة يا اختي لو كان فيهم خير لم يحذفوه من البداية

[soso sirin]

لا فائدة يا اختي لو كان فيهم خير لم يحذفوه من البداية
انت واش خاسر اذا هدرت مع مشرف انت تعرفو .انت ماحاولتش حتى مرة وخدخرى .زيد الخير طريقو صعيبة اواه مانعرفكش هكذا داير

[سعاذ]

نقلك الصراحة بلا زعاف ......................لا اريد من المرأة ان توقف عملها من اجل فلان او علان .................بل من اجل الله عزوجل ..............فهي خافت ربها وان لم تقع في المحظر لكنها اقتربت منه والله عزوجل يحثنا على ان نتقي الشبهات ...

انا لو نقلكم اليوم راه الكسوف ماتخرجوش من المنازل الناس اكل ماتخرجش مع العلم ان ليس شرط انك تخرج تصاب بالاشعة الخطيرة بل لم نخرج تجنبا لكل شيء ونقول *** واش حاتمنا **** ...................فهكذا من المفروض نتعامل مع شرع الله .........................ولاتخرج المرأة الا المحتومة هههه

والله اعلم
السلام عليكم
شوف خيا انا واحدة دوك قبل من زواج ماعنديش مسؤوليات و عندي حوايج حبا نديرهم بلا مايعاونوني فيهم والديا لي لوكان نطلبهم في عينيهم مابخلونيش
بصح واش هو العيب اذا لقيت راجل باتم معنى الكلمة وكان شرطوا الوحيد اني نحبس خدما اني نحبسها خاطر مهما يكون مكانش حجا تتمنها في هذي الدنياالطفلة اكثر من الهناء و السترة
وكيما قلت خدمة بالنسبة ليا قبل زواج حجا اكثر من ضرورية اما بعد الزواج مارهيش ضرورية
دمتم في رعاية الله و حفظه

[السي محمد]

يمكنك انتي ان تتبني المشروع

[soso sirin]

يمكنك انتي ان تتبني المشروع
لالا انت ديرو خير و انا نشارك فيه برك

[assia81]

واش نقلك سنشهد هذه الطموحات وكيف سنسأل عنها يوم القيامة ؟؟؟ هل قمت بكذا لارضاء الله ؟؟؟ هل الطريقة ترضي الله ؟؟؟؟ ترى ماذا سنقول ................هل سنقول من اجل طموحاتنا يالله ؟؟؟؟ أولم نعلم ان طموحنا هو دخول الجنة ولايدخلها احد الا بطاعة الواحد الاحد ؟؟؟....................................ياربي اختلطت بالرجال وخرجت وعملت من اجل مسكن واسع وشهادة دكتوراه ورحت لفرنسا ولبريطانيا واتقنت 10 لغات ودرت مخبر بحث وديت جائزة نوبل ولى عندي الدراهم واولادي كلهم درستهم منهم الطبيبة والمهندس ويتقنو جميع اللغات وسكنا في اغلى الفيلات وافضل المدن العالمية .................................هل هذا هو الطموح لذي سنتكلم عنه يوم القيامة ؟؟؟؟

اللهم ارنا الحق حقا وارزقنا اتباعه

واحدة قاعدة في المنزل ستقول باذن الله

يارب لقد التزمت بشرعك واخترت القعود في البيت على الدراسة والعمل والاختلاط بالرجال وانت ادرى بحال ذلك الزمان ..........فتركت الدنيا من اجل رضاك يالله فربيت اولادي على الدين وابعدتهم عن الحرام رغم قلة العيش ولكننا حمدناك يالله على جزيل نعمك .............لم تهمني شهادات ولامادة على ان اختار زوجي بل اخترته لدينه رغم بساطته وربيت اولادي ليس لاتقان لغات او جلب شهادات بل لعبدوك ويخافوك .....................


ترى اي الكفة التي نقدر اننا نسميها طموحا ؟؟؟

لكم الاختيار



انا لا اريد مناقشك وسيكون هذا اخر رد لي عليك فقط اقول انك دخلت في امور تمس باخلاقي وشرفي ان كنت رايت واحدة او اثنتن تفعل ماتقول فليسوا الكل مع اني في مناقشتي لم اطعن في احد المهم هذا الكلام يحسب عليك وربي يهديني

[1954مريم]

السلام عليكم ورحمة الله تعالى وبركاته


والله الاخلاق يااخواني الكرام لم تعد حكرا لا على العامل ولا على العاطل الباطل ولا على المتعلم ولا على الجامهل

احكي من منطلق واقع روح للمحاكم وشوف قضايا الطلاق مععضمها قضايا خيانة مع واحد في الهاتف ؟


والله ما قرات ماشفت معرفت ؟


اما عن علاقات في التعليم ياخي التعليم مكان كيفه كيف اي مؤسسسة فيه الطالح وفيه الصالح .


نعطيك مثال في التعليم والله الوقت ما نلقى حتى نشرب الماء من قاعة الاساتذة.

اما عن الزملاء واش راح تحكي معهم .؟
امور تلميذ غاب حضر نقطة وذا وجدت الوقت .


اما التي تعطي هاتفها لزملاء العمل نقدر تعطيه لاي واحد .


سواء في العمل سواء في الشارع .

الحجاب كامل تعلموا حجاب اناقة وساجدة وخماررفوق الراس ومن تحت سروال لاصق ويشبه لون الجسم انت وفسرها ؟


انا معك في ما تقول لكن لم يعد حكرا على العمل فقط ؟


روح للعراس وشوف ؟ راهم يحكوا لعجب ؟ الحمد لله طلقت الاعراس بالثلاث ن قرون؟


روح للحمام وشوف وح لاي مكان الاخلاق راحت من عهد جدتي وجدتك .

والمتخلق راه متخلف .

والبنات اقتنعوا انه لا فوز برجل او ذكر الا بالتبرج .

وهذا الواقع المعاش .لا تناقشني كل متبرجة متزوجة وعايشة سلطانة .في حين المحافظو على اخلاقها والملتزمة يقولولها راجل شكون يقرب منها .


والنفس البشرية ضعيفة .الا من رحم ربي .


النصيحة التي او جهاا الى الرجال غيروا معتقاتكح وقناعتكم


ونتحداك حتى هذاك اللي يدعي التدين واللحية يتزوج متبرجة ومتبخترت بحجة انه سوف يقنعها بالتدين .


وانا في التعليم والله كل الاساتذات اللواتي بلبسن لابس غير محتشم او نصف حجاب كلهم متزوجات او في الطريق ؟


اما المتجلبببات و الحجاب الشرعيى لا شئ اصلبا هما ينصحوا فينا فيقوا لعماركم راه الوقت تبدل ؟

ومن ضعف الشيطان كانت معي وحدة بالجلباب نحته ؟

الله يعلم بظروفها لطم اكيد قربت على الاربعين ولم يطرق بابها احد ؟


الواقع يدمي لا تلوموا النساء بل الرجل مهما كان فهو اما اب او اخ او زوج ؟



والسلام عليكم

[الواثق]

انا لا اريد مناقشك وسيكون هذا اخر رد لي عليك فقط اقول انك دخلت في امور تمس باخلاقي وشرفي ان كنت رايت واحدة او اثنتن تفعل ماتقول فليسوا الكل مع اني في مناقشتي لم اطعن في احد المهم هذا الكلام يحسب عليك وربي يهديني

لما الغضب اختي انت تكلمت برأي وانا تكلمت برأي وانا لا اعرفك اصلا حتى اطعن في اخلاقك او شرفك وحتى لو اعرفك لن اجرأ على الطعن في اي شيء ..................ومدام يجمعنا دين الاسلام فشرفك واخلاقك هم من شرفي واخلاقي ............

الله يهدينا ويهديك .........واذا الامور تفهم هكذا فلن اناقشك وهذا ماطلبته................فقط ملاحظة لاتطعني في الخضاريين فانا سأصبح منهم فلم اجد احد في البلاد نفع العباد الا الذي يمتهن الفلاحة والزراعة بحق وافضل من باحث في جامعة جزائرية هذا رأيي فتقبليه

[محمد جديدي التبسي]

السلام عليكم
لماذا داما تربطون المرأة العاملة بأنها ضيعت حقها في الزواج والإنجاب ولهذا لدي سؤال
ماذا تقولون في التي تمتاز باخلاق عالية ومستعدة عن تتخلى عن عملها لكن كما يقولو مكتوبها مازال هي تنتظر لكن لم يدق باب بيتها أحد رغم عفتها أليس العمل لها ضروريا مثلا؟
لست لا مدافعا ولا ضد عمل المرأة أنا مع ما أراه وما تفرضه الظروف أحيانا فهي لاتترك للواحد منا خيارا في كثير من الأحيان
أما التي تفضل عملها على الزواج فهن قليلات كوني متأكدة وفي كثير من الأحيان تتشبث المرأة بعملها لأن الفرصة التي جاءتها لم تخدمها كما ينبغي أم أنها ستقبل بأي واحد يطرق بابها؟
هذا رأيي والله أعلم
احترماتي لك أختي سوسوسيرين

وعليكم السلام ورحمة الله وبركاته
استغربت ردك أخي لانك في وسط ترى فيه العاملات ومعاناتهن بوضوح
المرأة العاملة غالبا ما تضيع بيت الزوجية وتقصر فيه
أما الحالة المعاكسة فنادرة جدا إن لم نقل مستحيلة
والأمر ذاته ينطبق على من تمتاز بأخلاق عالية وهي عاملة
فكلما تخلت المرأة عن فطرتها وخرجت من بيتها -من دون ضرورة- فقدت جزء من دينها وأخلاقها وحيائها
ويبقى لكل وجهة نظر
بارك الله فيك أخي

[حنيني24]

السلام عليكم
يا إلهي،،،، الموضوع نفسه،،،،، أينما أذهب أجده،،،كل يوم بحلة جديدة،،،، وردود ونقاشات نفسها،،،،يعني،،،، لازلنا ندور في دائرة مفرغة،،،
بدأت أشعر بالدوآآآآآر،،،،:)
أختي سيرين،،،، الله يفرج عليك،،،
)---------------(
بما أنّني شاركت في موضوعك،،،، تقبلي ودي،،
ولك دعواتي
دمتِ

[soso sirin]

السلام عليكم

يا إلهي،،،، الموضوع نفسه،،،،، أينما أذهب أجده،،،كل يوم بحلة جديدة،،،، وردود ونقاشات نفسها،،،،يعني،،،، لازلنا ندور في دائرة مفرغة،،،
بدأت أشعر بالدوآآآآآر،،،،:)
أختي سيرين،،،، الله يفرج عليك،،،
)---------------(
بما أنّني شاركت في موضوعك،،،، تقبلي ودي،،
ولك دعواتي
دمتِ



واش راكي حنيني ان شاء الله تكوني مليحة.تعرفي انا والله ماكتبت الموضوع باه نهدر على المراة العاملة لانو انا ماشي من حقي نهدر عليها لانو لحد الان راني منهم انا هدرت في الموضوع على المراة الي ممكن تتلاقا مع شخص ماشاء الله و ماتبغيش تضيع خدمتها و تضيعو هو و كي يفوت الحال تحس روحها انو مادارت حتا حاجة مع انو وصلت للشي الي كانت باغياتو .و تعرفي علاه نظلو نهدرو على نفس الحاجة لانو حنا رانا نهدرو باه نهدرو معنتها كل واحد فينا راسو يابس و مقتنع لفكرتو امالا راح يجي نهار وين مانولوش نهدرو اصلا. حنيني هذا الموضوع ان شاء الله كي تجي تفتحي منتدى الجلفة بعضوية بنتك رايحة تلقايه لانو حنا رانا نهدرو في المواضيع بلا ما نوصلو لحاجة نيشان.ربي يحفظك اختي

[حنيني24]

واش راكي حنيني ان شاء الله تكوني مليحة.تعرفي انا والله ماكتبت الموضوع باه نهدر على المراة العاملة لانو انا ماشي من حقي نهدر عليها لانو لحد الان راني منهم انا هدرت في الموضوع على المراة الي ممكن تتلاقا مع شخص ماشاء الله و ماتبغيش تضيع خدمتها و تضيعو هو و كي يفوت الحال تحس روحها انو مادارت حتا حاجة مع انو وصلت للشي الي كانت باغياتو .و تعرفي علاه نظلو نهدرو على نفس الحاجة لانو حنا رانا نهدرو باه نهدرو معنتها كل واحد فينا راسو يابس و مقتنع لفكرتو امالا راح يجي نهار وين مانولوش نهدرو اصلا. حنيني هذا الموضوع ان شاء الله كي تجي تفتحي منتدى الجلفة بعضوية بنتك رايحة تلقايه لانو حنا رانا نهدرو في المواضيع بلا ما نوصلو لحاجة نيشان.ربي يحفظك اختي

حياك الله أخيتي سيرين،،،، نحمد الله على كل حآآآل،،،مشكورة،،،،أما بالنسبة للاختيار،،،أيهما
الأهم الزوج،،،أم العمل،،، أقول لك يا أختي،،،
الزوج،،،هو الأهم،،،بمعنى،،، العمل تتطلبينه،،،
أما الزوج فلا،،،خصوصا إذا كان على خلق ودين،،،
لا أختي الحبيبة،،، ربما أنذاك يكون قد تغير الطرح،،،،إلى،،،، أيتها المرأة العاملة،،، أتؤيدين عمل الرجل،،،أم الأحسن له المكوث في البيت:)
ربما،،،،،،،، كل شيئ ممكــــ:)ــــــــن

[الواثق]

قديما كانو يقولو للمرأة الله يحفظك من العين وغسيل الماعين ..............وضرك نقولوها للرجل *** الله يحفظنا من العين وغسيل الماعيين ****