عزيوني في ماشينتي [الأرشيف] - منتديات الجلفة لكل الجزائريين و العرب

ايمان2009

2012-09-20, 18:19

:confused: الماشينة تاعي فسدت ديتها للخدام بدلي بياسة تحت الكانات و كي جبتها لقيتها ماخيطش البيزو بيزو مع العلم كانت تخيطو روعة هو والقطيفة لكن الآن واااااااااااااااااااااعععععععععععععععععععععععع ماتخيطش البيزوبيزو والكوتون و القماش الي يكون خشين ولا قماش الحجابات كي تعود الكفة مطبقة مايخيطهاش حجابي كفيتو بيدي كي رجعت للخدام قالي مادرتلهاوالو نحيت بياسة وحطيت بياسة برك
اني راح نهبل زعمة شريت لقماشات و نتخيل و نخمم عندي عرس 09/29 ههههههههههههههه للأسف مانخيط ما نلبس
مع العلم لاباري كل شريتهم اللي راسها اصفر والرقيقة والخشينة والنوعية المكتوبة واللي ماش مكتوبة
ربي يصبرني

ويناروز

2012-09-20, 18:47

ربي يصبرك في مصابك حنوننتي

جات في الحديد ان شاء الله ربي يخلف عليك

بدلي خدام اخر لعله يجد الخلل ربي يكون معاك

sassy86

2012-09-20, 18:48

السلام عليكم اختي
راكي عندك نفس المشكل نتاعي تمامااااااااااااااااااااااااااا ديتها عند كامل اللي يصلحو الماشينات و لا واحد صلحها
كانت تخيط كلش و الان ما راهيش تخيط نفس القماشات اللي دكرتيها
الا ان انا لقيت وحد الحل و راني نخيط بيه البيزو بيزو و كل القماشات الا انو ياخد وقت
شوفي واش تديري :
حطي قطع ورق الفازلين -هاداك اللي يتباع و يطرزو عليه - او قطع الجرائد تحت و فوق القماش تاعك و خيطي عليهم و ممبعد نحيهم بلعقل, هكا تخيطلك نورمال

الحل هدا لقيتو هنا في منتدى الجلفة نسيت شكون الاخت اللي قترحاتو و لكن نشكرها كتييييييير كتييييييييير

lamia89

2012-09-20, 19:07

ربي يصبرك ياحنونة زيدي شوفي خدام واحد اخر بلاك يعدلهالك

بوعنينبة

2012-09-21, 00:14

ننصحك شوفي خدام اخر ممكن هذاك ما يعرفش

marouko1

2012-09-21, 09:58

نقولك حاجة
أنا ماشينتي كان فيها نفس المشكل
ما تخيطش في الخشين
مالا خممت وخممت
ومبعد فقت بلي إبرة المشينة رقيقة بدلتها بوحدة شوي خشينة
والله يبارك من هاذيك ما قالت أي
سيي بدليها ورجعيلي لخبر

فريولة ابتسام

2012-09-22, 17:23

بدلي الابرة استعملي واحدة خشينة رايحة تخيطوبمشيئةالله

التوفيق بعبوش

2013-03-23, 22:59

اسعملي ابرة المشينة الطرز نتاع لندرستيال

هندة السوفية

2013-03-23, 23:10

ماشاء الله
والاخ كيفاش اجبد الموضوع

stayfiya

2013-03-23, 23:21

ههههههه هندة اني فهمتك ماشي اخ او اخت اني شفتها تكومونتي بصفة انثى ماشي ذكر ههههه

ايناس10

2013-03-24, 00:42

اختي لعزيزة نحس بيك لان الماشينة كي متخيطلكش تعمل ليناغ ربي يصلح امورك ، انا ماشينتي كانت متخيطش لبيزو بيزو وامثالو ديتها عند خدام ثيقة سيرالي واحد لبولونات هو ادرى بيهم والله ماشاء الله ولات تخيط لكن احينا نلقى صعوبة متقبلش كل الاباري ولقيت نوعية مليحة رقم 14 ومرسوم على الكاغط امرأة تعزف على القيتار جربيها وبالتوفيق

نور المستقبل

2013-03-24, 07:56

اختي امونة ان شاء الله تكوني لباس واش وليدك نتمنى يكون رتاح
شوفي العيب موش فالماشن العيب فاصنايعية همهم الوحيد كي يقبضو مايهمهمش كي يفسدو الله يكون في العون

ام مريم اسراء

2013-03-24, 08:33

و المشكل الاكبر وموالا والا شيء اصلي -دوريجين - تشريها بسعر غالي و يمكن تطيح انبان مارانيش عارفة علاه مركات بكري يقعدو حتال 20 عام او اكثر