انصحوني: راني خايفة

[امينة 1991]

السلام عليكم ورحمة "الله"تعالى وبركاته
هذه المشكلة في الحقيقة هي ليست مشكلتي بل مشكلة صديقتي التي تعرفت عليها منذ وان كنت في الثانوية وانا العام الماضي نجحت في البكالوريا واصبحت في الجامعة بينما هي لم تنجح في العام الذي نجحت فيه انا ولا في بكالوريا 2012 ، والسبب هو انها تضيع وقتها في التكلم مع صديقها في الهاتف رغم اني نصحتها وقلت لها ان ما تفعلينه حرام ولا يجوز وان هذه العلاقة هي علاقة غير شرعية سوف يحاسبك "الله" عنها يوم القيامة وانها ستحرق بنار جهنم بسبب واحد صايع ضايع لايحبها ويتسلى بها وهي ايضا ، وكم من مرة قلت لها :ماترخسيش روحك كوني غالية عندك روحك وماتهدريش مع اي رجل اجنبي عليك ، بصفته من حتى تتكلمين معه لكنها تسخر مني وتقول لي : انتي معقدة وغبية والخلل فيك انتي لانك لستي مثل كل هاته الفتيات ...الخ وبقولها هذا اتركها تفعل ماتشاء وحاولت ان الغي عقد الصداقة ما بيننا الا انها كانت دائما تحاول التقرب مني وهذا كله لانني انا الوحيدة التي تشرح لها الدروس وتتحمل منها كل شيء ورغم انني انا اصبحت في الجامعة وهي مازالت طالبة في البكالوريا الا انها تتصل بي يوميا لاشرح لها نقطة ما في بعض المواد وفي مرة من المرات طلبت مني ان ابعث لها شرح مختصر لدرس من الدروس عبر الsms وانها ( رايحة تفليكسيلي باه نبعث لها الدرس ) لكنها اعطت رقمي لصديقها كي هو من يبعث لي رصيد في هاتفي بدون ان تستاذنني وعندما عاتبتها قالت لي :عادي ماتخافيش على الرقم تاعك. لكن بعد مدة اصبحت تصلني رسائل قليلة الادب وحينها قررت ان اغير شريحة هاتفي واقطع علاقتي بها نهائيا لكن اذا غيرت شريحة هاتفي واقطع علاقتي بها نهائيا لكن اذا غيرت الشريحة ابي سيسالني لماذا غيرتها فماذا ساقول له؟؟؟؟؟؟المهم المشكل الان هو انه اليوم وصلتني رسالة من صديقها وقال لي ان اقول لها كالتالي :راني حاب نشوفها باه نمدلها بيستها (شريحتها) ولا نعطيها لاخوها واخر اجل يوم الخميس .وهي راهي غالقة هاتفها وانا منقدرش نعيطلها ونقوللها ومانعرفش نروح لدارهم وحتى لو نعرف مانروحش . من جهة قلت خليني ماندير والوا ونخلي خوها يربيها ويدير لها حد باه تعرف باللي راهي غالطة والنصيحة الي عطيتهالها كانت من ذهب ومن جهة اخرى راني خايفة خوها كاش مايدرلها ونكون انا السبب وضميري يانبني طول عمري انصحوني واش ندير ولو كان كنتوا في مكاني واش اديروا ؟
رغم انني اختصرت لكني اعتذر على على الاطالة
وشكرا لكم مسبقا

[أم احمد3]

سبحان الله
انت فعلا في مشكل ان شاء الله يمر بخير
هي تريد لك نفس المصير لكن حاولى ان تتصلي بامها مثلا او احد اقرابئها قبل يوم الخميس لك الوقت الكافى ثم اقطعي نهائيا العلاقة بينها لانها تجيبلك المشاكل
وان شاء الله خير

[soheib+206]

التستر على الجريمة مشارك فيها ..... أنا من رأي خلي

خوها يعطيلها عقلية هكدا تتسقم فعايلها و تجيب الباك

ديالها و تتهنى ........ و خوها كي يضربها على جال

صلاحها و علا خاطر خايف عليها و على شرفو لايطيح

هذا مجرد رأي فقط أختي

[حنيني24]

وعليكم السلام ورحمة الله وبركاته
هلا،،، أمون،،،،ماذا أقول لك،،،،أختي
مادامك طول عمرك،،،تنصحيها،،، وأبت بأخذ نصيحتك لها،،، فلما الاستمرار معها،،،،
انهي علاقتك بها،،،، والله لن تندمي أبداً،،،
فهذه صديقة سوء،،، ورفقتك لها ستعود عليك بما يضرك،،،، اسمعي كلام أختك،،، غيري الشريحة،،
وإذا سألك والدك،عن السبب،، فأخبريه،،،
الله يوفقك،،، ويبعد عنك أصحاب السوء

[حضنية28]

السلام عليكم اختي امينة انا انصحك بقطع العلاقة نهائيا اما بخصوص الشريحة فاتركي الشخصيخبر اخاها لعلها تتربى وتستقيم

[مريم الصابرة]

السلام عليكم اختي امينة واش راكي؟
والله يا اختي الصداقة هذي مرت توصلنا للمشاكل تعرضت لنفس المشكل تقريبا لكن الحمد لله انا حللت المشكل
خليني نقولك حاجة إنت نصحتيها ودرت اللي عليك خليها تروح للواد ما تعرضيش روحك للمشاكل مع والدك او مع صديقها هذا باين ما راهش راجل وقادر يديرلك مشاكل من راي بعدي نفسك تماما إنت الآن اولا حالوت تتصلي بها وخلي يقول لخوها تستاهل لانو هي راحا تزرع نتيجة ما حصدت إنت حاولي تشوفيها او روحيلها كان تعرفيها وين تسكن بلغيها واش قالك وطلبي منها تبعد عليك بكل صراحة وإنهي العلاقة هذب راح يجيك منها مشاكل وباباك عادي قوليلو راهم يعيطولي بالماصكي ارقام ما نعرفهمش راحا نبدل الرقم باباك من الفمروض يفرح يعرفك واش تسواي قوليلو نتعرض لمضاقات نبدلها
انا لو ماكنك الصراحة نقطع علاقتي بها صح النصيحة مليحة وراهي صحبتك ووقفت معاها ونصحتيها لكن راحا تتعرضي للمشاكل ولو كانت صح صحيتك ما تعطيهش يفليكسيلك ويدي رقمك لأانو سور ما يخليكش في حالك وممكن بعدها هي يولي يحوس عليك إنت هذي سور إمالا تفاداي المشاكل من راي كان ما رحتيش وما لقيتيهاش خليه لو يروح لخوها ثم يدفع هو وياها الثمن وما نضنش يروح لخوها يهدد برك موفقة اختي.

[SOUSOU. DZ]

السلام عليكم ورحمة الله
والله اختي امينة نفس المشطل مع صحبتي مع هادي كوراث لي راهي دير فيها البنات مصاحبت دراري والله نشف ريقي وانا نقولها اخطيك ياطفة خليك من هدا الحرام والله مايشفو فيك ولا يدوك راهم يلعبوبيك وهي تقولي اسماء انتي معقدة معقدة معقدة وزيد تاني تقولي عيششي حياتك والله هبلتني كيفاش ناس تعيش حيتها بالحرام ............. صراحة صرلك كيما انا مليت قتلها دوكا راكي كبيرة ناس راهي تجي تخطبك وانتي قاعدة تصاحبي والله ماكش حل وماقتهولهاش وهي قاعدة مصصمة في رأيها ثراحة قلت هادي طفلة متشرفنيش نمشي معاها رناي دوكا وحدي مع زميلتي وصاي من قسم لساحة لبنات وهادي هيا .............. اسمحيلي اختي امينة انتي في مشكل وزدت عليك ....... مي حبيت نقولك والله كامل هكدا ......... انا واش نراي عليك بالنسبة لصحبتك اخطيك منها وبعدي عليها بشوي والله رايحة تجيبلك غير المشاكل ......... اما على شريحة ان شاء الله اعضاء يفيدوك ............ ونعاودلك خليك من هادي طفلة ........ سلام اختي امينة

[مسلم سني]

السلام عليكم
أختي الفاضلة الحل بيدك اقطعي علاقتك بها وغيري شريحة الهاتف وانتهى الأمر أما باقي ما كتبت لا دخل لك فيه لست مجبرة على أن تقومي بما طلب منك
هذا رأيي
أرجو تقبل مروري

[z.abdo]

انصحك أختي أمينة

أن تقطعي صلتك بصديقتك نهائيا مهما كان الأمر لا تتكلمي معها أما عن الشريحة فلا تغييرها وإذا مر وقت وأزعجك هذا الشاب برسائل

أو مكالمات بعدها فكري أن تغيريها

أهم شيء الآن هو أن تقطعي علاقتك مع هذه البنت

[امينة 1991]

سبحان الله
انت فعلا في مشكل ان شاء الله يمر بخير
هي تريد لك نفس المصير لكن حاولى ان تتصلي بامها مثلا او احد اقرابئها قبل يوم الخميس لك الوقت الكافى ثم اقطعي نهائيا العلاقة بينها لانها تجيبلك المشاكل
وان شاء الله خير

السلام عليكم
وهذا الي راني خايفة منو وثاني قالتلي كاش نهار نجي عندك لداركم ومارانيش حابة نعطيلها العنوان تاع دارنا نخاف تعطيه لصاحبها مرة اخرى وتبليني وانا مارانيش ناقصة مشاكل نعرفها غبية تديرها , اما بخصوص الاتصال باحد اقاربها ماعندي حتى رقم , وهذي فرصة باه نقطع علاقتي بها نهائيا لانو هي اكثر شخص ندمت على معرفتها
شكرا لكي اختي على النصيحة بارك الله فيكي:)

[امينة 1991]

التستر على الجريمة مشارك فيها ..... أنا من رأي خلي

خوها يعطيلها عقلية هكدا تتسقم فعايلها و تجيب الباك

ديالها و تتهنى ........ و خوها كي يضربها على جال

صلاحها و علا خاطر خايف عليها و على شرفو لايطيح

هذا مجرد رأي فقط أختي


صح يا اخي عندك الحق , انا ثاني قلت ما نقوللهاش ونخلي خوها يربيها ويحطلها حد , لكني خفت اذا قدر الله يقتلها ونحس بتأنيب الضمير طول حياتي
شكرا لك اخي بارك الله فيك

[امينة 1991]

وعليكم السلام ورحمة الله وبركاته
هلا،،، أمون،،،،ماذا أقول لك،،،،أختي
مادامك طول عمرك،،،تنصحيها،،، وأبت بأخذ نصيحتك لها،،، فلما الاستمرار معها،،،،
انهي علاقتك بها،،،، والله لن تندمي أبداً،،،
فهذه صديقة سوء،،، ورفقتك لها ستعود عليك بما يضرك،،،، اسمعي كلام أختك،،، غيري الشريحة،،
وإذا سألك والدك،عن السبب،، فأخبريه،،،
الله يوفقك،،، ويبعد عنك أصحاب السوء


اهلا ومرحبا بكي اختي سوسو ,
وهذا ما سأفعله فور انتهائي من هذه المشكلة , سأقطع علاقتي بها نهائيا وحتى اذا تلاقيت معاها في يوم من الايام مانهدرش معاها ونتجاهلها قد ما نقدر .
امين يارب , شكرا لكي اختي العزيزة على النصيحة بارك الله فيكي:)

[امينة 1991]

السلام عليكم اختي امينة انا انصحك بقطع العلاقة نهائيا اما بخصوص الشريحة فاتركي الشخصيخبر اخاها لعلها تتربى وتستقيم

وعليكم السلام ورحمة الله تعالى وبركاته
وهذا ما قررت فعله ان اقطع العلاقة بها نهائيا رغم انني حاولت من قبل كذا مرة الا انها دائما كانت تأتي عندي وتطلب السماح لانو كيما قلت سابقا ماكان حتى واحد يتحملها ويفريلها صوالحها غيري انا , وانا الغبية كنت نسامحها لكن الان مستحيل , وصراحة انا اتمنى كثيرا ان يخبر الشخص اخاها ويربيها ويشدها , لكن اخاف ان يفعل لها شيئا ما و مبعد تبقى في رقبتي
شكرا لكي اختي بارك الله فيكي :)

[امينة 1991]

السلام عليكم اختي امينة واش راكي؟
والله يا اختي الصداقة هذي مرت توصلنا للمشاكل تعرضت لنفس المشكل تقريبا لكن الحمد لله انا حللت المشكل
خليني نقولك حاجة إنت نصحتيها ودرت اللي عليك خليها تروح للواد ما تعرضيش روحك للمشاكل مع والدك او مع صديقها هذا باين ما راهش راجل وقادر يديرلك مشاكل من راي بعدي نفسك تماما إنت الآن اولا حالوت تتصلي بها وخلي يقول لخوها تستاهل لانو هي راحا تزرع نتيجة ما حصدت إنت حاولي تشوفيها او روحيلها كان تعرفيها وين تسكن بلغيها واش قالك وطلبي منها تبعد عليك بكل صراحة وإنهي العلاقة هذب راح يجيك منها مشاكل وباباك عادي قوليلو راهم يعيطولي بالماصكي ارقام ما نعرفهمش راحا نبدل الرقم باباك من الفمروض يفرح يعرفك واش تسواي قوليلو نتعرض لمضاقات نبدلها
انا لو ماكنك الصراحة نقطع علاقتي بها صح النصيحة مليحة وراهي صحبتك ووقفت معاها ونصحتيها لكن راحا تتعرضي للمشاكل ولو كانت صح صحيتك ما تعطيهش يفليكسيلك ويدي رقمك لأانو سور ما يخليكش في حالك وممكن بعدها هي يولي يحوس عليك إنت هذي سور إمالا تفاداي المشاكل من راي كان ما رحتيش وما لقيتيهاش خليه لو يروح لخوها ثم يدفع هو وياها الثمن وما نضنش يروح لخوها يهدد برك موفقة اختي.


وعليكم السلام ورحمة الله تعالى وبركاته
الحمد لله انا بخير لولا هذه المشكلة , كيف حالكي انتي اختي العزيزة ؟؟؟؟؟؟؟؟؟
هي في الحقيقة هي تعتبرني صديقتها ماشي انا انا نعتبرها بلاء , وهي دايمن الي تجي ليا وانا عمري ما رحت ليها وسحقيت منها حاجة والحاجة الوحيدة الي راني مسحقتها مني انها تقيلني وتنساني وتخرج من حياتي نهائيا , وبالنسبة لصاحبها راه من فترة الى اخرى يتصل بيا وانا مانردش عليه غير يصونيلي نكوبي لحد الان ما رديتش عليه وعمرو ما سمع صوتي "الو " وما قلتهاش ولا راح نرد عليه طول عمري , واصلا راني نفكر نبدل الشريحة تاع الهاتف تاعي و نقطع علاقتي بيها نهائيا ونتمنى اني مانزيدش نشوفها ولا نسمع عليها والو طول حياتي .
البارح اتصلت بيها لكني وجدت هاتفها مغلق ومازال مغلق لحد الان , وعلابالي بلي صاحبها يدور ليا ديجا اول ما عطاتلو رقمي بداو يوصلوني رسائل قليلة ادب وانا عرفت انها هي السبب لكن ما قلتلهاش قلت حتى نتاكد
وانا في الحقيقة ماذا بيا يقول لخوها باش تتربى شوي وتفهم واش كنت نقوللها
شكرا جزيلا لكي اختي ليليا بارك الله فيكي ويعطيك ماتتمناي :)

[حضنية28]

وعليكم السلام ورحمة الله تعالى وبركاته
وهذا ما قررت فعله ان اقطع العلاقة بها نهائيا رغم انني حاولت من قبل كذا مرة الا انها دائما كانت تأتي عندي وتطلب السماح لانو كيما قلت سابقا ماكان حتى واحد يتحملها ويفريلها صوالحها غيري انا , وانا الغبية كنت نسامحها لكن الان مستحيل , وصراحة انا اتمنى كثيرا ان يخبر الشخص اخاها ويربيها ويشدها , لكن اخاف ان يفعل لها شيئا ما و مبعد تبقى في رقبتي
شكرا لكي اختي بارك الله فيكي :)انتي درتي واش عليك خليها تتحمل وزر ما فعلت هذه نتيجة افعالها

[امينة 1991]

السلام عليكم ورحمة الله
والله اختي امينة نفس المشطل مع صحبتي مع هادي كوراث لي راهي دير فيها البنات مصاحبت دراري والله نشف ريقي وانا نقولها اخطيك ياطفة خليك من هدا الحرام والله مايشفو فيك ولا يدوك راهم يلعبوبيك وهي تقولي اسماء انتي معقدة معقدة معقدة وزيد تاني تقولي عيششي حياتك والله هبلتني كيفاش ناس تعيش حيتها بالحرام ............. صراحة صرلك كيما انا مليت قتلها دوكا راكي كبيرة ناس راهي تجي تخطبك وانتي قاعدة تصاحبي والله ماكش حل وماقتهولهاش وهي قاعدة مصصمة في رأيها ثراحة قلت هادي طفلة متشرفنيش نمشي معاها رناي دوكا وحدي مع زميلتي وصاي من قسم لساحة لبنات وهادي هيا .............. اسمحيلي اختي امينة انتي في مشكل وزدت عليك ....... مي حبيت نقولك والله كامل هكدا ......... انا واش نراي عليك بالنسبة لصحبتك اخطيك منها وبعدي عليها بشوي والله رايحة تجيبلك غير المشاكل ......... اما على شريحة ان شاء الله اعضاء يفيدوك ............ ونعاودلك خليك من هادي طفلة ........ سلام اختي امينة

وعليكم السلام ورحمة الله تعالى وبركاته
شفتي كيفاه الي تمشي الطريق الصح يقولو عليها معقدة , غبية ماتعرفش صوالحها , بهلولة .........الخ , والله ماعلابالي هاذو العباد كيفاش يفكرو , وماعلاباليش اذا صح راهي مصدقة الاكاذيب الي يقولهملها ولا علابالها بلي راه يجيب بيها والوقت ويتمسخر بيها وهي ثاني تجيب بيه الوقت , بنات اخر زمن وما نتشرفش اني نكون واحدة منهم .................
السماح اختي مازدتي عليا ما والو لانو الحالة الخطيرة الي راهي فيها هذو البنات اصبحت حديث الساعة , ربي يسترنا ويبعدهم علينا بعد المشرق عن المغرب
شكرا اختي سوسو بارك الله فيكي , ربي يخليك :)

[امينة 1991]

السلام عليكم
أختي الفاضلة الحل بيدك اقطعي علاقتك بها وغيري شريحة الهاتف وانتهى الأمر أما باقي ما كتبت لا دخل لك فيه لست مجبرة على أن تقومي بما طلب منك
هذا رأيي
أرجو تقبل مروري

وعليكم السلام ورحمة الله تعالى وبركاته
اعجبتني نصيحتك كثيرا , انا الان قررت ان اقطع علاقتي بها نهائيا وان اغير شريحة هاتفي , لكنني لازلت محتارة في ان اخبرها ام لا , مع العلم انه طلب رؤيتها والا سيخبر اخاها وانا راني خايفة كاش ما يديرلها خوها ونكون اناتسببت في ايذائها , ونتمنى الموضوع يمر على خير ومبعد ما نعرفها ما تعرفني .
بارك الله فيك اخي شكرا

[امينة 1991]

انصحك أختي أمينة

أن تقطعي صلتك بصديقتك نهائيا مهما كان الأمر لا تتكلمي معها أما عن الشريحة فلا تغييرها وإذا مر وقت وأزعجك هذا الشاب برسائل

أو مكالمات بعدها فكري أن تغيريها

أهم شيء الآن هو أن تقطعي علاقتك مع هذه البنت

السلام عليكم
نعم اخي , هذا ما سأفعله باذن الله عز وجل , لكن يجب عليا تغيير الشريحة في اقرب وقت ممكن لانه ازعجني ولازال يزعجني بالاتصالات حتى انني سجلت رقمه في هاتفي وسميته هكذا " smata" لانو يظل غير يسمط عليا يتصل بيا احيانا 10 مرات او اكثر في اليوم ونظل نكوبي عليه و وكي مانردش عليه يبعثلي رسالة ويقولي مثلا قولي ل" ........." تسامحني ..........وكلام فارغ , وهذي المرة بعثلي هذي الرسالة الي قلتلكم عليها
بارك الله فيك اخي شكرا على نصيحتك

[امينة 1991]

بارك الله فيكم جميعا وشكرا لكم على نصائحكم الثمينة , ولازلت انتظر من الاعضاء الاخرين ردودا اخرى

[aminahassiba]

فخار يكسر بعضو

[لؤلؤة الرحمان]

اختي امينة انتي من الاول نصحتيها زيدي كملي انصحيها

واتصلي بيها من اي هاتف اخر نتاع امها صحباتها وخبريها بهذا الشئ متخليهاش توصل لخوها لخاطر يمكن تروح فيها الطفلة وتفقد

قرايتها ويمكن يقتلها كامل وتدخل مشاكل اخرى غير متوقعة

وانتي بعد ماتحلي مشكلتها هادي اقطعي كل شئ بيها قلها متزيدش تعيطلتك ديركت بلا ماتغيري نيميرو نتاعك

والله يحفطك ويسترك وصراحة والنعم الصديقة انتي ربي يبارك فيك استريها ربي يسترك وان شاء الله تتعلم هي من هذا الشئ

[Rose19]

شوفي اختي من الافضل الا تخبريها لسببين:
1-قد يكون غرض الشاب شيئ اخر غير اعطائها الشريحة (خبيث) و هنا ستندمين طول حياتك.
2- اذا اراد ان يعطي الشريحة لاخيها فليفعل كي تتأدب و هذا ضروري لها يجب ان تاخذ درس في هذه الدنيا و تتعلم ان الحرام حرام كي لا تعيدها.
3-اما انت فلا تغيري رقم هاتفك و اطلبي من هذا الشخص (عبر الهاتف الثابت تاكسي فون لا تسستعملي هاتفك) الا يتصل بك و الا ستبلغين الشرطة و مسيجاته موجودة كاثبات و اذا تجرأ و اتصل بك اعطي هاتفك لاخيك كي يرد عليه و يادبه و اذا ليس لديك اطلبي من قريب او زميل تثقين به (كي لا تضعين نفسك في و ضعية حرجة مع والدك) و الا اخبري والدك و لا تنسي الاهم ان تخبري والدتك بكل ما يحصل فهي سندك في هذه الدنيا.

و لا تخافي من شيئ فمن هو على صواب لن يتأذى