هي على وشك الطلاق

[مشكلتي]

هي فتاة متزوجة منذ زوجها عمرو 26سنة شباب يعني تعرفو على بعض و تزوجو عمرو ما بخلها من حاجة المشكل انه هذا الزوج طلب من زوجتو العاملة انها تتحول و ترجع تسكن معاه في المدينة نتاعو للعلم انو كرالها دار وين تخدم هي من اجل راحتها على امل بعد ما تقدر تتحول تروح مع رجلها وين راح
قبل مدة صرى مشكل بينهم وراحت لدارهم بعد ما جاء زوجها باش يرضيها قالولو والديها بنتنا تسكون هنا وما تتبدلش وهنا بدا المشكل الاكبر لان هذا الزوج ما يرجعش في كلامو مهما كان ودرك راهي واصلة للطلاق
وين هو الحل وشكون الغالط بالرغم انو مازال يحاول معاها يلقى حل

[nasser26]

أملا تقلبت الحكاية

المعروف أنو الزوجة تسكن مع راجلها

مي هذي راهي غالطة في حسابها ووالديها يزيدو يدعمو فيها ؟؟؟

مي الصراحة كون انا في بلاصتو : نقولها ريحي عند باباك و يماك راهم يخرجو عليك بااااااااااااااااي

[YARMORACEN]

+
ثم مادا ؟ هناك تفاصيل مخفية في الموضوع ، واش هو المشكل لي صارا بينتهم ؟

[منهاج]

السلام عليكم

المفروض المرا تبع زوجها وين يكون حتى في اخر الدنيا قوليلها تنعل الشيطان وما تهدمش دارها بيدها

[داعي الله ياسين]

سلام الله

والديها يتحملوا المسؤووولية العظمى لو يحدث انفصال

وهده الزوجة أخطأت فالأولى إرضاء زوجها (فلا طاعة لمخلوق في معصية الخالق)

فقط ممكن المشكل بدأ قبل الزواج وكان من الممكن أن يفتحوا هته النقطة ورضا الطرفين

قبل الزواج

فقط لأن الكثير " نتزوجوا أومبعد ساهل ..!! ...هاهي نتائج كلمة أومبعد ساهل !!



تدخّل العقلاء من العائلتين سيحل المشكل

رب يجعل خير

[السي محمد]

برايي يطلق خير

[ما فهمت والو]

العجب ولا يصرا في وقتنا
خلاها تسكن وين حابة و زيد راح يراضيها وين تلقا اكثر من هكذا كون انا في بلاصتو نخسر و نفارق و ما نزيدش نشوف فيها خلاص

[ما فهمت والو]

انا حسب رايي تتبع راجلها خير و تلعن الشيطان و تحاول ترضيه

[ناشدة السؤدد]

لا نعلم ان كان المتحدث من جهة الفتاة أو الشاب

المهم على الفتاة أن تذهب مع زوجها لأنها وافقت من البداية أنه يتم التحول بعد حين و عليها أن تقتنع بهذا الأمر

و على الشاب أن يصبر قليلا مع أهلها فربما هم من يقف بطريقها

تدخل كبار العائلة و عقلائها أفضل و حل أمثل

لكن أحس أن القضية أكبر من مشكلة التنقل كأنها فقط عذر

[اسعى لرضى الله]

انا نحير علاه ديما مالين الطفلة يدخلو في النص هوما اللي زوجو ولا هي اللي زوجت؟

وهي كون كانت مرا ونص تاخذ راي راجلها لا مكانش فيه معصية كيعاد كي تطلق راح تطفر فيها هي

انا من رايي الراجل هدا ميزربش للطلاق

ويشوف كيفاش يحلها

[karimblida]

قبل ما تتزوج المرا .....عير باباها و خاوتها
ولادك راح يميلو ليهم بنسبة هامة

[شيء من رجاء !]

الآن ماعادت تنفع كلمة لو، فقط انقضى زمنها ، لدينا مشكلة والمطلوب إيجاد لها حل ..
برأيي لا يتعجل بالطلاق إن كانت فقط نقطة الخلاف هذه وفي غيرها من الأمور راضي عن زوجته
بنفس الوقت يرسل لأهلها من لهم خاطر عندهم ويحاول إقناعهم ، ويؤكد لهم أنه لن يمنعها عنهم إذا احتاجوها ، اليوم الحمد لله مع تطور التكنولوجيا لم تعد منطقة بعيدة عن الأخرى

[faty05]

تحوس شكون الغالط
هي الغالطة
قولها تلعن الشيطان و تبع راجلها
فالمرأة مهما علا شأنها في المجتمع و تقلدت مناصب سامية فمصيرها زوجا و بيتها و اولادها هذو هوما السكينة و المودة و الرحمة الذين ذكرهم الله في القرآن الكريم
اما الرجل فعليه بالتريث و لا يتسرع في امر الطلاق و يحاول يقنع المراة و اهلها
و زيد كل شي علا جساب وش تفاهمو قبل الزواج في امر عملها
سلام

[sunny8]

اكيد هي المخطئة فهي التي يجب ان تذهب للعيش مع زوجها و ليس العكس و ستندم اكيد ان اصرت على موقفها هذا

[lilou f lilou a]

صراحة هي الغالطة وربي يهدي ولديها وراح نقلها بلي زوجها هو لي دوم ليها
وربي يصلح الأمور ويسهل بينتهم

[ميمنة الجزائر]

في كل الاحوال تبع راجلها وهو من الول باينلها انو راهي تبدل من بيت لبيت

وتساعفو على حياتو وكيما قالت هووماشي باخلها ساعات البنات واهلهم ربي يهديهم برك

يلقاو الهنا لبنتهم ويحبو غير يديرو مشاكل وانا من رايي ترجع مع زوجها اكرم لها صح والديها ويحبوها لكن هذا زوجها

وربي يجمع شملهم يارب

[الفتآة]

السلام عليكم ورحمة الله
المخطأ في هذا الأمر هو الزوجة لأن المفروض أنها هي تذهب للعيش مع زوجها أين يسكن هو، وليست هي التي تأتي به أين تسكن
ثم الخطأ الأكبر من والديها الذان يؤيدانها في أمرها ولو وصلت بحق إلى الطلاق وندمت ستوجه الإتهام لهما من دون شك
فإنصحيها بأن تستعيذ بالله من الشيطان الرجيم وأن تطيع أمر زوجها

[aminahassiba]

سبب سادج

[knives55]

بنات اخر زمان يطلقها خير على خطركش ماتستهلش راجل كيما هذ اذ كان هو يخدم على راحتها وهي تعب فيه اذ لا مجال للمناقشة

[soheib+206]

الزوجة هي اللي غالطة بزاف ... المرأة تبع راجلها وين

سكن تسكن و ليس العكس

[اميرة باحتشامي]

هي الغالطة ربي يهديها المراة اللي تبع الراجل ماشي العكس

تطلق على حاجة تافهة تنعل بليس وترجع للراجلها احسنلها

[salma staifia]

وهاذي لاه زوجت
وراجلها علامن راهو يخدم عليا انا ولا
نورمالمو وين يروح راجلها تمشي معاها
واهلها راهم معاها مليح
قلها ريحي في دار والديك خيرلك باسكو متبعديش من بلادك وتلقاي راجل تانيك هه

[حياتي نبع امل]

ابغض الحلال ال الله الطلاق الطلاق ليس حل كما يعتقد الكثير انما هو بداية المشكل وهو حل لبعض المشاكل المستعصية الميؤوس من حلها و بالنسبة لهده الحالة وحسب رايى ان الزوجة تتبعزوجها وتسعى جاهدة لارضائه لا لغير دلك اتقى الله ايتها الاخت فقدقال صلى الله عليه وسلم لو كنت ءامرا احدا ان يسجد لاحد لامرت الزوجة ان تسجد لزوجها >او كما قال عليه افضل الصلاة وازكى تسليم وفيه ايضا قول لعائشة رضي الله عنها انو لو عرفت المراةحق زوجها لمسحت غبار رجله بخدها>الله اكبر اين نحن من هدا ما دام انو زوجك تطيعيه ولا تعصي له امرا ابدا ومهما كانت الاحوال والضروف الا فى معصية الخالق فلا اما عن واديك نسال لهم الهداية والثبات نصيحتى ادهبي الى زوجك وكونى معه واسعى لارضائه حتى يرضى عنك الله والله المستعان

[z.abdo]

تدخل أهل الزوجة هو المشكل الأكبر

كذالك الزوجة لا تعطي قيمة لزوجها لأنه اي شيء تطلبو منو يرضيها فيه وهنا يصبح وجوده أو من عدمه كيف كيف

[تهاليل]

ياأختي من المفروض اتبع زوجها وهي راهي عارفة وين يسكن من قبل يجي نهار ويرجع مهما تغرب قلها ربي يهديها ترجع تسكن معاه يا لو كان في قربي كيما نقولو وأبغض الحلال عند الله الطلاق وتلعن ابليس وماتخشنش راسها صح والديها تسمعلهم بصح مش لدرجة تخرب بيتها لسبب تافه كيما هذا والله المستعان