تسجيل الدخول

مشاهدة النسخة كاملة : خطيبي اصبح بدون عمل

مشكلتي
2012-09-15, 13:52
خطيبي اصبح بدون عمل بعدما كان ماشاء الله عليه .كان مقاول ناجح عمرو مادار في بالو بلي يدخل دراهم حرام و دوك على جال الرشاوي اللي غزات جميع المجالات حبس الخدمة و قالي نبقى بلا خدمة و ما يشوفوش دورو من عندي
انا عجبني الموقف تاعو بزااااف و بانلي ولد حلال و عندو اخلاق بصح واش راح يطون مستقبلي معاه
هو عندو راس مال حاب يدير بيه مشروع مليح بصح ماعرفش واش يدير و انا ما عندي حتى فكرة
يعيشكم يا خاوتي ادعولو ربي يهلو و يرزقو بخدمة مليحة و يبعد علينا دراهم الحرام يااا رب
و الله محتاجة دعواتكم و تاني نصائحكم
ادا عندكم اي اقتراح قولوهولي و ما تحشموش يعيكم خاوتي
ربي يحفظكم جميعا:19:
الدر المكنون
2012-09-15, 17:50
ربي يفرج عليه ويرزقه من حيث لا يحتسب
- بصمة خير -
2012-09-15, 17:52
الله يوفق اختي

قولي الحمد لله ان عنده راس مال يقدر يبدا بيه مشروع

و ايضا

لما يقرر على مشروع يبدا فيه يصلي صلاة الاستخارة عليه باش مايندمش -> صلاة الاستخارة مش حلم

فكرة على مشروع

قوليلو يقرا على كيفية بداية مشروع و كيفية النجاح في مشروع و ايضا يسأل ناس يعرفهم عندهم مشاريع كيفاه داروا الاخطاء اللي داروها باش مايغلطش كيفهم ...

أهم شيء مالازمش ينشر خبر انه رايح يدير مشروع الا للناس المقربين له -> لانه اذا نشر الخبر رايح يكون تحت ضغط مالازمش يغلط و الناس تبقى تنتظر واكتاه ينجح و هدرة الناس ماترحمش

يعني يخلي الامر في المحيط الصغير فقط باش يكون مرتاح و يخدم براحة

ماعنديش الان

و اذا تفكرت مشروع راني نقولك

ربي يوفقك أختي

google est ton ami
Amouna.DZ
2012-09-15, 18:05
اقول لكي كما قال رسول الله صل الله عليه و سلم

( من ترك شئ لله عوضه الله خير منه)

فأبشرو بفتح من الله قريب ان شاء الله
السي محمد
2012-09-15, 18:45
قولي له يبيع( المتريال)

و يفتح محل تجاري

مواد غذائية و خضر و فواكه

لاننا مجتمع مستهلك من الدرجة الاولى

او ادوات البناء و الخردوات ( كانكايري)

لان الشعب كله يبني صيف و شتاء
tarek1987
2012-09-15, 19:22
دورها تجارة وخلاص كيما قال سي محمد ولا يدورها بيزيريا راكي علاال شعب يحب تاني الماكلة خريف وربيع
وربي يبعد عليكم وعلينا الخدمة والمال الحرام
سلام
zalamite
2012-09-15, 22:56
الصحة برك... حاجة اخرى ماشى مشكل ربى يفتح على كل مؤمن .
ايمان نور الجزائر
2012-09-16, 07:42
ربي يجيب الخير
ان شاء الله يلقى خدمة مليحة وكيما قال الاخوة
يخدم في التجارة ...عائلتي كلها خلات اعمالها وتوجهت للتجارة وراهم الحمد لله
lilou f lilou a
2012-09-16, 12:50
ربي يسهل من اموركم
Pure HearT Dz
2012-09-16, 12:54
الله يفرج عليكم أختي ويجمع بينكم بالخير ان شاء الله
z.abdo
2012-09-16, 14:46
العمل كمقاول في الصحراء في ايليزي مثلا كنت انا اعمل مراقب بناء لدى مكتب دراسات لم تكون هناك أي رشوة

والحمد لله كنت أسهل دائما المعاملات للمقاولين الجديين واصعبها لمن يريد ان يتعامل بالرشوة
Golden Princess
2012-09-16, 14:57
لم أفهم يعني على جال الرشوة حبس خدمتوا؟؟!!!! ........كان قادر يبقى و يرفض الرشوة ......... و اذا كل واحد رافض للشوة تخلى عن عمله كيفاش رح نقضوا عليها ؟؟ ...او حتى نقصوا منها ..........
المهم الله يرزقوا بعمل اخر و يبعد عليكم الحرام
zizizanoubia
2012-09-16, 14:59
اختي نحب نقلك بالي هذا ماهوش مشكل لك وحدك احنا ثاني الوالد مقاول وراه يعاني من هذي المشكلة الرشوة في كل بلاصة ولات المهم ارض الله واسعة ومدام هو يخاف ربي متخافيش ان شاء الله ينجح في مجال اخر التجارة مثلا ففيها البركة ونيحة لك اقفي معه وسانديه في كل قرارت و متخافيش من الفقر ربي اللي يرزق *وفي السماء رزقكم وما توعدون*
z.abdo
2012-09-16, 16:17
لم أفهم يعني على جال الرشوة حبس خدمتوا؟؟!!!! ........كان قادر يبقى و يرفض الرشوة ......... و اذا كل واحد رافض للشوة تخلى عن عمله كيفاش رح نقضوا عليها ؟؟ ...او حتى نقصوا منها ..........
المهم الله يرزقوا بعمل اخر و يبعد عليكم الحرام

لأن مراقب البناء أو مكتب الدراسات ممكن أن يطلب من المقاول رشوة حتى يمررو فاتورة الأشغال وغذا رفض راح يتم تعطيل ورشته واشغاله

وبعدها يصبح المقاول في أزمة لأن هناك عمال ينتظرو دفع أجورهم من تلك الفاتورة التي عطلت
loulou02
2012-09-16, 18:08
ربي يفرج عليه و يسهل أموره و يجمع شملكم في القريب العاجل إن شاء الله .
lamiatwo
2012-09-16, 19:19
رزقك هو رزقك لن ياخذه احد
اما ان تكسبه بالحلال وتأجر عليه
او بالحرام و توزر عليه
انيس2006
2012-09-16, 20:46
اختي دوختيني كل مرة تجيبيلنا مشكل جديد
مرة تقولي بالي تقراي و مرة مخطوبة ومرة متزوجة و مرة مطلقة
فهميييييييييييييييييييييييييييييييينا
Golden Princess
2012-09-17, 10:51
لأن مراقب البناء أو مكتب الدراسات ممكن أن يطلب من المقاول رشوة حتى يمررو فاتورة الأشغال وغذا رفض راح يتم تعطيل ورشته واشغاله

وبعدها يصبح المقاول في أزمة لأن هناك عمال ينتظرو دفع أجورهم من تلك الفاتورة التي عطلت

اه كل هذا ............ شكرا على التوضيح اخي
سلاف26
2012-09-17, 12:16
هو أتقى الله و ربي أكيد لن يتركه شخص بهذه الأخلاق لازم توقفي معاه و ما تسمحيش فيه ولاد الحلال قلال في هذه الايام و ربي يكملكم بالخير و يرزقه بالخدمة ان شاء الله
la manita
2012-09-17, 14:15
ربي يفرج عليه ويرزقه