صاحبي هبلني

[مشكلتي]

السلام عليكم
المشكلة الي عندي و مقلتني بزاف خلاص هي انو ماعنديش اصدقاء عندي واحد برك
و المشكل انو هذا الصديق يطلع الدم بويسك من النوع الي يحبو يقعدوا في الدار بزاف
تخايلو عمرو قريب 20 سنة و مايخرجش من الدار الا حين و مين و في بعض المرات ما يخرجش شهر كامل
والله راني حاير فيه من نعيطلو باه نخرجو يقلي راني غلبان و ساعات يقلي راني راقد "تقول عليه يتوحم"
و كي يخرج معايا نلاحظ بلي راه خارج من فوق القلب من كثرة مايشكي مرة على المشي مرة على البرد و مرة على السخانة
تخايلو يا خاوتي من عقبنا الباك خرجت معاه غير مرتين "الحمد لله نجحنا"
قتلو نروحو للبحر قلي لا , كي نقلو هيا ندخلو للبيزيريا ولا لكاش قهوة يقلي لا المهم معقد فوق الحق
الحاجة الوحيدة كي يخرج معايا يديني لوحد البلاصة معزولة و يخليني نتأمل
والله انا نعزو بزاااف و نعرف بلي هو يعزني كيما نعزو ولا كثر
, لكن والله مليت و حاب ندير اصدقاء جدد نصليو في الجامع كيف كيف و نسهرو مع بعضانا و نروحو للبحر و نديمنو في القهوة في شهر رمضان ,
مي صاحبي هذا اكيد راح يبقى صاحبي و فوق راسي و لكن كيما حاب هو , يعني نمشي معاه بعقليتو
و زيد عليها اكيد ماراحش نزيد نشوفو لانو هو يقرى في ولاية و انا في ولاية اخرى
انا راح ندخل للجامعة هذو ليامات علابيها نتمنى منكم تنصحوني وش هي افضل الطرق باه نكسب اكبر عدد اصدقاء

[Crazy lazy Girl]

ماكاش حاجة ساهلة كيما تربح اصدقاء... في ليكول تقدر تجبدهم ليك....فالمسجد تقدر تجبد شبان ليك...في الحومة تاني برك شوف روحك كيفاش تتعامل مع الناس فبل ما تشوفهم كيفاش يعاملوك

[نار الشوق]

السلام عليكم

كي قريت بلي عندك صاحبك واحد عرفت بلي راك في الثانوية
شوف أخي، غالبا في الثانوية و المتوسطة ما تصيبش بزاف لي تتفاهم معاهم، علاهادي تحوس على واحد مادابيك يعجبك في كلش
بصح كي تدخل للجامعة بإذن الله تشوف بلي العالم واسع و الناس أشكال و ألوان، و يولو عندك بزاف صحابك، و رغم ذلك من المستحيل تلقا واحد لي يخرج عليك مية بالمية، لكن كل واحد كاين بينك و بينو نقاط اتفاق حتما
فنصيحتي لك أخي الكريم، صاحبك هادا الذي يبدو أنه يميل إلى الهدوء و العزلة (يفكرني في خويا كي كان شوية صغير)، ولا كاين بيناتكم نقاط اتفاق تقبّلو كيما هو، تقدر تهدر معاه في النت، في التلفون، تزورو في دارو.... و في نفس الوقت، العالم واسع تقدر تتعرف على ناس واحدخرين تخرج معاهم و تروح معاهم للجامع، كي راك داخل للجامعة تتلاقا مع بزاف أصدقاء جدد ما تقلقش روحك,
و في رأيي و الله أعلم حتى كسب الأصدقاء يولي أسهل خاطر كي راك تكبر عقليتك راهي تتطور و انفتاحك يزيد
و بالمناسبة حتى صاحبك ممكن يتبدل كي يدخل للجامعة

هادا وش قدرت نقوللك حسب تجربتي الشخصية و أنا أختك الكبرى (تخرجت من الجامعة في 2008) و ربي يوفقك و يبعتلك الجلساء الصالحين

[لكحل بلال]

بلاك راك عليا ههه اوصاف صاحيك تقريبا فيا انا مش قاع ولكن

[Zakyy]

سلام...
اترك صديقك براحته,قهو حسب مافهمت غير إجتماعي
اما بالنسبة لافضل طريقة لكسب الأصدقاء فأنصحك بقراءة كتاب للدكتور ديل كارنيجي
إسمه
كيف تكسب أصدقاء و تؤثر في الناس
إبحث عنه في جوجل
وفقك الله

[abdel02]

المجتمع يسير نحو العزلة بسبب الملهيات يعني الانترنت الألعاب التلفاز...
قلت العلاقات الاجتماعية والتواصل واصبح الشباب يديرو علاقات افتراضية
ويقلك عندي صحابي في الهند والصين و و والصراحة أنه يقضي 90٪ من
أوقاته في غرفته.

[zalamite]

حاول ان لاتجري وراء الصدقات و دعها تاتى وحدها ....فعقليتك هى الوحيدة التى تجلب لك الاصحاب ولاصدقاء ...رايح للجامعة دورك تتعرف على ناس جدد.... بصح امشى بشخصيتك او ماتتكلفش.

[زآئرة في مقبرة الضمآئر]

السلام عليكم ..
من المستحيل أن تجد شخصًا بنفس مواصفاتك ..!
لكسب أصدقاء عليك أن تكون أنت نفسك ، تصرّف بعفوية ولا تتكلّف أو تتصنّع !
بأسلوبك + شخصيتك ، يمكنك أن تقرب الناس إليك ..
أسأل الله أألعظيم أن يرزقك أصدقاءً أتقياء أوفياء لا يتركونك في السرّاء ولا في الضّراء =)
في أمان الله

[karimblida]

السلام عليكم
المشكلة الي عندي و مقلتني بزاف خلاص هي انو ماعنديش اصدقاء عندي واحد برك
و المشكل انو هذا الصديق يطلع الدم بويسك من النوع الي يحبو يقعدوا في الدار بزاف
تخايلو عمرو قريب 20 سنة و مايخرجش من الدار الا حين و مين و في بعض المرات ما يخرجش شهر كامل
والله راني حاير فيه من نعيطلو باه نخرجو يقلي راني غلبان و ساعات يقلي راني راقد "تقول عليه يتوحم"
و كي يخرج معايا نلاحظ بلي راه خارج من فوق القلب من كثرة مايشكي مرة على المشي مرة على البرد و مرة على السخانة
تخايلو يا خاوتي من عقبنا الباك خرجت معاه غير مرتين "الحمد لله نجحنا"
قتلو نروحو للبحر قلي لا , كي نقلو هيا ندخلو للبيزيريا ولا لكاش قهوة يقلي لا المهم معقد فوق الحق
الحاجة الوحيدة كي يخرج معايا يديني لوحد البلاصة معزولة و يخليني نتأمل
والله انا نعزو بزاااف و نعرف بلي هو يعزني كيما نعزو ولا كثر
, لكن والله مليت و حاب ندير اصدقاء جدد نصليو في الجامع كيف كيف و نسهرو مع بعضانا و نروحو للبحر و نديمنو في القهوة في شهر رمضان ,
مي صاحبي هذا اكيد راح يبقى صاحبي و فوق راسي و لكن كيما حاب هو , يعني نمشي معاه بعقليتو
و زيد عليها اكيد ماراحش نزيد نشوفو لانو هو يقرى في ولاية و انا في ولاية اخرى
انا راح ندخل للجامعة هذو ليامات علابيها نتمنى منكم تنصحوني وش هي افضل الطرق باه نكسب اكبر عدد اصدقاء

المهم شوف كيفاش يحترموك الناس
الاضدقاء تاع هاد الزمان مايهموش
ادا درت صديق ما يحترمكش راح تندم راك صغير و راح يأثرو عليك بعض الامور
الناس ملاح يجو وحدهم ادا حكمت القدر ما تتقلقش

[zizou93]

اهلا اخي

تصرف بشخصيتك الحقيقية و عامل الناس كما تحب ان يعاملوك

والاصدقاء سياتون لوحدهم

سلام

[أَحمــد]

السلام عليكم

اذا كان صاحبك صح اصبر عليها شوية الى حين يخرج من قوقعته

حاول باش تساندوا وابقى في اتصال معاه

وأظن مادام راح للجامعة وفي ولاية اخرى فقد ينطلق انطلاقة أخرى تعود انتا توقف فيه

توجد كثير من هاته الحالات مشاهدة

[lilou f lilou a]

ربي معاااك اخي

[aminahassiba]

كان الله في عونك

[Golden Princess]

على حساب ما فهمت انه صديقك يعاني من مشكلة ما ....يعني شهر م يخرجش من الدار بزااااااااااف !!!!! ...لذا حاول ان تساعده بكل ما استطعت حتى لو

استدعى الامر أخذه الى طبيب نفسي فقد يساعده ...

اخي انت الان راح تروح للجامعة يعني الناس هنا أسكال و ألوان ورح تشوف العجب العجاب ....لذا كن حذرا كل الحذر في اختيار اصدقائك

........... و مادامك رح تقرى في ولاية ثانية اعتقد انك رح دير لاسيتي يعني رح يكون معاك اصدقاء في الشومبرا و هوما الي راح تقضي

معهم اغلب الاوقات لذا كن حرصا في اختياراتك .

بالتوفيق

[لؤي02]

حاول تنويع الأصدقاء في كل مكان و إختر الأفضل من ناحية الخلق و الأدب و ستجدهم في كل مكان المسجد الجامعة إمتحان رخصة السياقة (لا تعجب فهو يعطيك أصدقاء لم تكن تتصورهم) الخدمة الوطنية إن نفذتها العمل إن إشتغلت وكما قال لك الأخ آنفا لا تتعجل فهم يأتون من حيث لا تدري

[اريج16]

نصيحة من اختك بلاك من اضدقاء اسوء في الجامعة راهم مايبنوش غير مع الوقت تعرفهم مليح حول في البداية متخلطهمش مليح وتلهومش عى اسراركم وكي تعرفهم مليح هذاك السعة تقدر تعتبرهم اصقاء تاع الصح

[اريج16]

نسيت تمنياتي لك بالتوفيق وربي يرزقك بالرفقة الصالحة

[رميساء خولة]

والله اصدقاء الثانوية في مرات ليسوا بالاصدقاء فصديق المصلحة ليس صديق وانت حالتك لديك صديق ولا تجد كذلك لكن صدقني انا ايصا لا املكة الصديقة المثالية التي اقول انها صديقتي لكنني واثقة ان دخولك الى الجامعة يجعلك ترى عالما اخر عالم تكون فيه الصداقة العمرية
واسال الله لك حسن الاختيار والسداد في الامور ان شاء الله

[Diblino]

الصداقة الحقيقية هي التي تأتي مصادفة. ليس أنت من يجري وراءها. نصيحة لك وعن تجربة أخي لا تفرط في صديقك و ابقى ملتسق به لأنه هناك نوع من الأصدقاء لن تعطيك الدنيا مرة أخرى مثلهم. رغم عيوبهم.

[la manita]

أسأل الله أألعظيم أن يرزقك أصدقاءً أتقياء أوفياء

[soheib+206]

السلام عليكم ....... صديقك هادا غير اجتماعي يعني يتقلل من الأماكن اللي فيها

بزاف الغاشي علابيها يديك للأماكن المعزولة باش تتأمل ......

أما بالنسبة لكسب عدد كبير من الأصدقاء فهي سهلة جدا بحيث تكفي أن تكون

ذات ابتسامة و صفات حميدة مع المحافظة على مظهر جذاب لأن الناس تحب

أن تنظر للأشياء الجميلة الجذابة .... و ستجذب الأصدقاء مثلما يجذب العسل

النحلة ههههههههههههه ...... أتمنى أني فدتك