طلب مساعدة حول الكروكي [الأرشيف] - منتديات الجلفة لكل الجزائريين و العرب

مشاهدة النسخة كاملة : طلب مساعدة حول الكروكي

عروبة وطن

2012-09-13, 17:29

السلام عليكم
انا دايما كي نخدم الكروكي يجي يابس
ندير فيه 4 بيض -كاس سكر عادي -كاس زيت -2 خمارة -لفاني

حابة وصفة يخرج فيها هشيش في اقرب وقت
واكون شاكرة لكم

linat

2012-09-13, 17:48

choufi hada rabite
http://www.djelfa.info/vb/showthread.php?t=900565

أم ياسين الزهراء

2012-09-13, 20:30

انا ندير 5 بيض 1كاس سكر نضربهم مليح مع الفاني ونزيدلهم 1 كاس زيت ونضرب ومن بعد ندير 2 خميرة الحلوى مع شوي بيكاربونات والفرينة مع شوي ملح ونلمهم بصح متنشفيش مليح العجينة انتاعك وغمسي يديك في الزيت واخدميه عادي كيما موالفة ديريه اضن المشكلة عندك في الفرينة تكثري بزاف

ام عبيدة

2012-09-13, 22:22

انا ندير نفس المقادير نتاعك ونضيف 3مغارف حليب غبره و3مغارف نشاء يجيني هشوش
بلاك راكي تفوتيه في الطياب

ام عبيدة

2012-09-13, 22:23

انا ندير نفس المقادير نتاعك ونضيف 3مغارف حليب غبره و3مغارف نشاء يجيني هشوش
بلاك راكي تفوتيه في الطياب

lamiak1

2012-09-14, 11:07

ماتكثريش الفرينة وزيدي شوي مايزينة و بشور القارص يجيك مثل المسكوتة

liliane24

2012-09-14, 12:01

أختي هناك عدة طرق لتحضير الكروكي و طريقتك هي الوصفة الأساسية ومن المفروض ما يجيكش يابس ، المهم فيه هو أنك ما تيبسيش العجبينة، هذا هو السبب اللي يخليه يجيك يابس، لأن عجينة الزيت تبان باللي مازالت تحتاج الفرينة لأنها تبقى تلصق في اليدين، لهذا غير تتلم خلاص ما تكثريش الفرينة و خليها ترتاح شوية في الثلاجة رايحة تلقايها مليحة.
لهذا ننصحك قبل تجربة أي طريقة أخرى عاودي ديريه و تأكدي باللي العجينة مايش يابسة، و بعدما ينجح لك يمكنك إضافة المحسنات : النشاء، الحليب بودرة،.......

élena

2012-11-17, 16:13

اظن المشكل في كاس السكر..حاولي تنقصي منه مقدار ملعقة...لانك في الاخير رايحا تذرذري فوقه السكر.......

zohir34

2012-11-17, 16:39

انا ندير نفس المقادير قدقد المشكل راه فالفرينة اختي نقصي قد ما تقدري و لميه بالزيت يجيك هشيش

amara30

2012-11-19, 07:19

انا تاني ندير نفس المقادير ويجيني هايل كاين اللي يحبو يابس وكاين اللي يحبو هشيش انا نقلك مقاديرك صحاح متحاوليش تغيري فيهم الحل انك متيبسيش العجينه و كي يطيب و تقطعيه و هو سخون غميه يعني خبيه في حاجه تتفرما كسرونه متلا و رديلي الخبر

الامل نور

2012-11-19, 08:11

اختي انا نديرو و يجيني يذوب في الفم
4بيض مع كاس سكر نضربهم مليح نزيدلهم كاس زيت +قشور القارص+ ( الفارينة ماتكتريش+النشاء +1خميرة)خلطهم وما دريهاش نشففة زدي حفنة تع الزبيب
ثم ادهني يديك بالزيت و اعمليه