زوجة اخو زوجي لا تعبرني [الأرشيف] - منتديات الجلفة لكل الجزائريين و العرب

مشاهدة النسخة كاملة : زوجة اخو زوجي لا تعبرني

lamiak1

2012-09-13, 13:01

السلام عليكم هذه اول مرة اشارك في الموضوع وقلبي ملي مشكلتي اني تزوجت منذ 8اشهر الي مكان بعيد عن اهلي في اوروبا وكان من الصعب التاقلم خاصة انزوجي يعمل كثيرا فعندما امل كنت اذهب تارة الي ام زوجي وتارة اخري الي زوجة اخو زوجي مرت سلفي في الاول كانت تستقبلني وكانت طيبة بعض الشي وفي بعض الاحيان عندما التقيها في مكان اخر عند بيت خالي فهي لاتعبرنيوتحاول ان تجرحني فمثلا مرة قالت باني اصبحت سمينة امام ابو زوجي وزوجة خالي وانها ليست مثلي تراقب وزنها ولاظت انها تتهجم علي عندمااتكلمدون مبرر هذاازعجني كثيرا وتساالت عن سبب تهجمها وعندما انجبت مولودا سالتها عن الهدية التي تعجبها فقالت الطفل ليس بحاجة لشي فصديقاتي اشترين له كل ما يحتاجه وعندما كنت اذهب اليها اراها غير مهتمة بي وتصرخ كثيرا علي اولادها وتخرج كثيرا مع طفلها كليوم لروية صديقاتها وعندما التقي بها وتكون هناك زوجة خالي تكلمها هي فقط ولا تنظر الي ولاتعبرني وتدعوها للخروج معا دون ان تدعوني كماانها لم تاتي ابدا الي منزلي منذ ان تزوجت ولا اظن بانها ستاتي مقارنة انني ذهبت علي الاقل عشرون مرة لزيارتها فهل اتراجع عن زيارتهالانها لاتزورني فكبريااي يمنعني كما اننا ذهبنا م وخرا لزيا رة ابنها عندما مرض فلم تضيفني وعندما جا زوجي سالته ان كان يريد شرب شي وانا لم تسالني ارجوكم اعطوني حل اوراي لكيفية التعامل معها

أم محمد و آيه

2012-09-13, 14:15

sarl02

2012-09-13, 14:26

.................................................. .................................

sarl02

2012-09-13, 14:35

هي صح انت جايحة وعلى نياتك بصح ما اتخافيش والله غير انت الي تربحي في الاخير .

فُـــضيل

2012-09-13, 17:32

وانت وعلاه تروحي عندها 20 مرة ...ديري العز لروحك انت تاني شوية ...

يقولك دير لعزك روحك يحبوك ...كيما راهي قيساتك فالتقيل قيسيها فالتقيل ...

وكيما راهي تزوخ بروحها كيما قاتلك قدام باباك راكي سمينة ..راهي كاينة بزاف وصفات في المنتدى في قسم تجهيز العرائس جربيها

...وكوني خير منها في لاطاي ^_^....

وحاجة وحدخرة انت تاني متحوسيش عليها قعدي في دارك ومتروحيش عندها الى ادا كانت عندها حاجة طلي عليها وبلخف شوري ...

مدام عندك راجلك يحبك الكل طز فيهم ....

وما تقلقي روحك لا والو ...اللي مايحبكش ارميه سيتو

الله يعزك ويرزقك الخير على خير...

.....

يا أخت الإسلام لم يعلّمنا هكدا

كان كبير المشركين يأدي الرسول وبشدة وبكل أنواع الإداء

ولكن يوما مرض هدا المشرك فزاره الرسول عاااادي

ليس من قابلك بالسيّئة تقابليه بالسيّئة

زوريها عادي يا أخت نعم ليس لدرجة الذّل كما يقال

المهم المناسبات وووو زوريها عادي ونيتكِ حسنة

فمن قال لنا أنها تنوي السوووء لكِ ...لم تدكري حدث يؤول إلى دلك

ممكن (عقليتها ) كدلك فقط ولا تقصد شيء

المهم لا تدعوا الشيطان يقودكم ( وتعلمون إلى أين يقود )

عامليها بالإحسان كما أنتِ اليوم

ولو بدر منها شيء لا تبالي به ...ليس تدلّلا ولكن طاعةً للإسلام فقط

الحمد لله تعرفين أنك معزّزة في بيت زوجك وراضٍ عنك زوجكِ

لدى لا تبالين

المهم الخلاصة : لا تقابل الإساءة بالإساءة في الإسلام

ولا نعلم نوايا تلك المرءة ....وإن كان هناك ضغوط منها فالضغط يولّد الإنفجار

إن كانت صح لا تتحملكي سيأتي اليوم الدي تكشف دلك مباشرة

أما الآن لا تعامليها إلا بالإحسان ( ممكن هدية من مناسبة لأخرى ) تهــادوا تــحابّوا

المهم رب ايجيب الخير فقط فقط لا أتمنى أن يكون الشيطان هو الفائز بينكم

شكرا

رفيق الروح

2012-09-13, 18:03

نعم اختي لا تقابلي الاساءة بالاساءة ولكن قابليها بالاحسان وكيما يقولو مول النية يربح

سارة البوسعادية

2012-09-13, 19:25

نقلك حاجة ماتزيديش تروحي عندها اعتقد انك انتي كثرتيها علابيها عشات تجبد في روحها

خلي زياراتك ليها مقننه وفي المناسبات

وساااييي

salam algeria

2012-09-14, 03:52

هاذي غيارة و مريضة ربي يشفيها كنت جيت في بلاصتك خليقتي ماتزيدش تشوفها و رحمة ربي منها لي ما شافهاش خير ماراهيش لا امك لا اختك لا ام زوجك باش تتحمليها بعدي عليها واتهناي
ربي يهدي ما خلق و الله راكي زعفتيني سبحان الله من وحد الناس

lamiak1

2012-09-14, 11:11

مارسي حبيلاتي والله فرحت ورتحت كي قريت الردود ربي يجازيكم

أم محمد و آيه

2012-09-14, 11:44

يا أخت الإسلام لم يعلّمنا هكدا

كان كبير المشركين يأدي الرسول وبشدة وبكل أنواع الإداء

ولكن يوما مرض هدا المشرك فزاره الرسول عاااادي

ليس من قابلك بالسيّئة تقابليه بالسيّئة

زوريها عادي يا أخت نعم ليس لدرجة الذّل كما يقال

المهم المناسبات وووو زوريها عادي ونيتكِ حسنة

فمن قال لنا أنها تنوي السوووء لكِ ...لم تدكري حدث يؤول إلى دلك

ممكن (عقليتها ) كدلك فقط ولا تقصد شيء

المهم لا تدعوا الشيطان يقودكم ( وتعلمون إلى أين يقود )

عامليها بالإحسان كما أنتِ اليوم

ولو بدر منها شيء لا تبالي به ...ليس تدلّلا ولكن طاعةً للإسلام فقط

الحمد لله تعرفين أنك معزّزة في بيت زوجك وراضٍ عنك زوجكِ

لدى لا تبالين

المهم الخلاصة : لا تقابل الإساءة بالإساءة في الإسلام

ولا نعلم نوايا تلك المرءة ....وإن كان هناك ضغوط منها فالضغط يولّد الإنفجار

إن كانت صح لا تتحملكي سيأتي اليوم الدي تكشف دلك مباشرة

أما الآن لا تعامليها إلا بالإحسان ( ممكن هدية من مناسبة لأخرى ) تهــادوا تــحابّوا

المهم رب ايجيب الخير فقط فقط لا أتمنى أن يكون الشيطان هو الفائز بينكم

شكرا

صباح الخير ايه أخي علابالي ملزمش نقابلها بإساءة ..بصح انت متعرفش شي من النساء .....

اللي يحبك كي يفتح الباب عليك يقابلك بالضحكة والصدر الرحب تقول راه في سنين مشافنيش وكاين اللي تفتح عليك

البااب تقول قتلتلها نفس ولا سرقتلها .......

حنا نديرو اللي علينا و الله يجيب الخير

هبة الله اريج

2012-09-14, 11:46

حاولي تعرفي منها السبب و لا خليك منها راك عزيزة اختي

مسلمة انا

2012-09-14, 11:59

اختي اعذريني لكن انت قلتي تنك زرتيها يمكن 20 مرة في 8 اشهر
اعتقد انه كثير يعني تقريباثلاث مرات في الشهر ييعني تقريبا كل اسبوع

اختي يقول المثل زر غبا تزدد حبا
تقلي روحك شوية حتى اذا جاتك السماطة اخرجي للمنتزهات للسوبر ماركت لاي مكان وخلي زيارتك ليها منين داك ماشي كل اسبوع
وحاولي انتي تعملي صديقات من حولك راح تنشغلي
يمكن هي محبتش كي وليتي تروحي كل وقت خاضة انك قلتي انها كانت عادية معاك في الاول

عادي متعمريش راسك بيها عيشي حياتك بعيد عليها ويبقى بيناتكم الواجب ديريه اذا مرضت او اي شيئ

maramelmess

2012-09-14, 12:06

و علاش تعمري راسك بيها
عندك دارك عندك راجلك عيشي حياتك ما تروحيش عندها و قيمي روحك
و لاتلاقيتي بها ما تهدريش بزاف راكي عروسة جديدة البسي لراجلك طيبيلو
انشاء الله نهار تجيبي الدراري تعرفي واش معنا واحد يكون مقلق طول النهار ما ديريش عليها
مي إيدا جات لعندك ما ديريش كيما هي حطيلها و تهلاي فيها باش تباني بلي مليحة
و يقلك لمثل
كل خلطة بجلطة و الجرب يعدي
مالا غير شدي دارك و ماتخليش المشاكل هدي تأثر على زواجك

ياسمين92

2012-09-14, 14:43

هادي باينة بلي تغير منك
انت تاني ما توليش تروحي عندها دايما اقعدي في دارك معززة مكرمة و كي يديق خاطرك قولي لراجلك يخرجك و خلاص و ما تعمريش راسك بيها كاين شي ناس هاكدا خاصتهم بزاف التربية ما يعرفوش يكرمو الضيف و ما عندهمش اللسان لحلو

حياة نور الدين

2012-09-14, 15:22

اهلا اختي شوفي عزي روحك يعني صح انت طيبة ومليحة لكن في بعض الاحيان لازم نغيروا من طباعنا وزيد ربما هي في اروبا تعلمت طبايعهم يعني تزور كي في المناسبات والعرضات وحاجة وحد اخرى لالا وزيد المثل يقول من عندي ومن عندك تنطبع ولا غير من عندي تنقطع واذا جاتك عامليها مليح وزيد كي تضايقي اخرجي ديري صديقات مثلها يكونوا مدينات ويعرفوا ربي يعني ماشي تاع قيل وقال وكي تتلاقايها في دار خالتك جاهليها وزيد اذا صح سمنت وراجلك دارلك الملاحظة يعني راجلك وبرك ماراكيش عجباتوا ديري الريجيم او اذا راكي عاجباتوا لبسي على حساب الحجم نتاعك تقدري تكوني سمينة وكي تلبسي واش يوالم متبانيش وفي الاخير ربي يهديها

شوق الجنة

2012-09-14, 18:39

وانت وعلاه تروحي عندها 20 مرة ...ديري العز لروحك انت تاني شوية ...

يقولك دير لعزك روحك يحبوك ...كيما راهي قيساتك فالتقيل قيسيها فالتقيل ...

وكيما راهي تزوخ بروحها كيما قاتلك قدام باباك راكي سمينة ..راهي كاينة بزاف وصفات في المنتدى في قسم تجهيز العرائس جربيها

...وكوني خير منها في لاطاي ^_^....

وحاجة وحدخرة انت تاني متحوسيش عليها قعدي في دارك ومتروحيش عندها الى ادا كانت عندها حاجة طلي عليها وبلخف شوري ...

مدام عندك راجلك يحبك الكل طز فيهم ....

وما تقلقي روحك لا والو ...اللي مايحبكش ارميه سيتو

الله يعزك ويرزقك الخير على خير...

.....

ماهذا الكلام اختى الفاضلة انت راكى دزيتيها لطريق الشر اوانا اتنافى معك كلية اختى صاحبة الموضوع اقول لك شىء وحيد يعبر لك عن كل شىء لا تكترثى لها ولا تقطعى رحمك ولا تجعليها سببا فى قطع الرحم كونى معها بكل صفاتك الحسة ودعيها تبرز غيرتها وحسدها عليك لانها تبدو حينها انها هيا لى ماش ناس ملاح كيما يقولو وكونى واثقة من حالك متهتميش لكلامها كى تقوك وليتى سمينة ولا اتوكلى على ربى وديرى النية وكونى معاها مليحة مهما كانت هيا معاك ماش مليحة وبينيها بلى انت بنت ناس صح وخير عليها واخلاقك خير علىتاعها واقولها مرة ثانية متقطعيش صللللللللة الرحم معاها زوريها مرة على مرة متكثريش عليها وخلاص ديرى النية فى قلبك واكيد رح تكونى انت الاحسن ..........تقبلى مرورى ..............معك ايمان 20 سنة سطيف ههههههه حبيت نعرفك بروحى ............ ادعو لك بالتوفيق اختىالعزيزة ان الجزائر تشتاق لك

kakinova

2012-09-14, 18:52

ختي نقولك امثلة قالوها ناس بكري

لي باعني بالفول نبيعو بالقشور

يا نجلب الانظار يا نقعد فالدار

ما نخلط روحي بالنخالة ما ينقبني الجاج

داري داري ساترة عاري

اذا زاد الشيئ عن حده انقلب إلى ضده

عندها صحاباتها و حبيباتها الله يسهل عليها و عليهم

و حاجة تاني ماكش غريبة مادام ربي سبحانو معاك

ابقاي في دارك اشغلي نفسك مرة اكلة الله الله من تحت يديك لزوجك

مرة غيري في ديكور المنزل

مرة اعملي حلوى يفطر بيها زوجة و ياخذها معاه للعمل

اقراي المصحف كل شهر حاولي تختمي

حاولي تسجلي في منتدى نسائي

اعملي اشغال يدوية تزيني بيها بيتك

المهم ما تبقايش لا شغلة لا مشغلة

لما تقتلي الوقت راح تقتلي الملل و رح يكون بيتك جنتك الخاصة

لكن صلة الرحم ما تقطعيهاش مرة على مرة ولو فالهاتف كلميها و اسالي عليها و على صغيرها

ممكن تندم و ان شاء الله ربي يهدي النفوس و يقربها

ام مريومة

2012-09-14, 22:42

انا ننصحك متزيديش تروحي ليها بلا مناسبات اللي ماهو ليك غير يعييك ديري صديقات اخرجي معاهم روحي ليهم بما انك بعيدة على العائلة و ختي السمانة مراهيش عيب باه تعايرك بيها و نهار تقولك سمينة قولها مالهنا اللي راني عايشة فيه
انا عجوزتي كي تقولي ديري لاتاي مع أني نورمال ماني سمينة مراني رقيقة نقولها راجلي هكا يحب يقولي منحبكش تشياني يعني نتي أعرفي كيفاه تردي بلا متربحي العيب و الله يخرجك على نيتك

كاميلا

2012-09-17, 17:07

متزيديش تعطيلها قيمة هادي من نوع اللي تقيميه يزيد يكفر اذا اكرمت الكريم ........................ اللئيم اخطيك منها ممكن بسبب الغيرة منك انت احسن منها في شيء ما المهم يخي ماكمش عايشين في دار وحدة اذا واش يهمك فيها وعندك تهدري فيها لزوجك متربحي والو خليها هي اللي تبين روحا وزيد ديري نشاط منزلي والا اشري كتب واقراي اتعلمي لغات من المنزل ربي يهنيك

بسمة العمر

2012-09-18, 13:55

قوليلي واش من بلاد راكي بالاك نولو صحابات و اخطيك كامل منها

lamiak1

2012-10-08, 12:33

انا من فرنسا

ام ملاك.

2012-10-08, 12:44

شوفي اختي لوكان ماتقيميش روحك ماكانش اللي يقيمك

اجبدي روحك واحكمي دارك حبيتس تخرجي اخرجي وحدك واحد ماراح ياكلك
اما هي اتجنبيها واحقريها وخليها وماتزيديش تكلميها خاطرش باينة بللي راهي غايرة منك
وماتحبلكش الخير
ماتزيدي تهدري معاها ماتقيميها واذا حبت تحكي معاك احكي معاها من الفوق لرك يعني اذا سقساتك جاوبي قد السؤال
كاينين نساء يالطيف
هذا واش نقدر نقولك
قيمي روحك يولو قع يقيموك

حياتي نبع امل

2012-10-08, 15:03

خلى علاقتك معاها جد سطحية ثقلى روحك وروحى ليها غير فى المناسبات هدا ماكان وادا تلاقيتو فى كاش بلاصة هدرت معاك اللهم بارك ماهدرتش الله يسهل انت تانى شدى لسانك او ما تهدريش الله يهدينا

شاملة لينة

2012-10-09, 19:48

طباع ناس الغربة مختلفة عنا تماما .. وذلك بسبب ضغط الحياة هناك( زمن كبير من النهار يضيع في العمل والنقل و أخذ الأبناء إلى المدارس أو الحضانة و حتى ضيق السكن يؤثر... ا)لوقت يمشي سريعا وهم يتسابقون معه.. أما نحن في البلاد العربية تشعر أن الوقت طويل.فأظن أننا أكثر راحة منهم لأن وجود العائلة الكبيرة يخفف عنا فليس من المعقول في بلادنا أن تقوم المرأة بكل هذه الأشغال .... خصوصا المتعلقة بخارج البيت فهناك من يتكفل بالأمر عنها............ وأنت يا سيدتي زرتها 20 مرة في 8 أشهر والله كثير.... معناها بمعدل زيارة كل 12 يوما.......في اعتقادي زدنها عبء على عبئها.... ان قرأناها بفكرهم هم المادي المصلحي ما ذا أفدتها في هذه الزيارات ؟ ماذا ناقشتها؟ ماذا تعلمت منك؟ أظن لا فائدة من زياراتك...آسفة سيدتي بهذا التفكير أنت تهدرين وقتك ووقتها........
إن نظرنا من جانب الدين ( أحب لأخيك كما تحب لنفسك) هل ترضين أن يزورك أحد بهذه الدرجة حتى و إن كنت في الجزائر ؟؟؟؟؟؟؟؟؟؟؟؟؟؟ أكيد سوف تجيبين أكره هذا أو على الأقل أتحرج
أختي خففي زياراتك .. اشغلي وقتك بأعمال مفيدة............ لا تقطعي صلتك بها أكرميها لكن في المعقول...........................
لا تدعي لهم الفرصة كي ينظروا إليك كأمرأة خارجة عن هذا العصر.......................................... وفقك الله