مخنوقة وحيرانة [الأرشيف] - منتديات الجلفة لكل الجزائريين و العرب

amira2020

2012-09-12, 11:43

مخنوقة ياجماعة لاني حاسة بلي مستقبلي ضاع على خاطر الباك هدا العام الثالث لي راح نعاود اباك ونخمم ندخل معهد ونقرا محاسبة جماعة انصحوني زعما مليحا وفكرتي مليحا ساعدوني اختكم اميرة

حضنية28

2012-09-12, 11:56

السلام عليكم اختي في رايي انا سجلي للباك السنة واقراي في نفس الوقت في المعهد بزاف ناس دارو كيما هاذ العفسة ونجحو وبالنسبة للباك ماتياسي موالو نعرف ناس عاودوه خمس خطرات ومفقدوش الامل شوفي اختي العزييزة مادام رانا احياء الامل لازم يبقى حي تحياتي اختي سلام

لينا الجنة

2012-09-12, 12:10

السلام عليكم و رحمة الله

ياختي لاكانك على الباك ان شاء االله تديه بالمونسيو و تنجحي فيه انت سجلي ماعندك ماخاسرة و سجلي في المعهد والا سونتر ديري فورماسسيون مليحة كيما مستغل معلوماتية ولا سكريتارية ( راهي شاملة فيها حتى لافورماتيك) والا محاسبة شوفي انت و واش يخرج عليك

ولاكان تحبي سجلي في ufc جامعة التكوين المتواصا مليحة تاني الله اعلك راهي درك بدت التسجيلات و تفوتي فيها باك تاني و تقري و تدي ديبلوم

و ربي يسهلك في واش ديري

منهاج

2012-09-12, 12:15

السلام عليكم

نقولك على وحدا فاميلتي من بعيد والله هبلت وهي تعاود في الباك شعال من مرة والمرة الاخير سجلت في الثانوية

عادي وسجلت bac ufc الله داتهم في زوج يقولك ودارت بيهم زوج تخصص "ما ينغلق باب حتى ينفتحو عشرة "

لازم على الواحد في هادي الدنيا يصبر وما يقطعش الامل ربي يسهلك ختي .

حنيني24

2012-09-12, 13:38

السلام عليكم ورحمة الله وبركاته
أخيتي الحبيبة،،،، من عنده رب كريم،،،أبداً،،،لا يحير ولا يتضايق،،،وهو القائل في كتاب"أدعوني أستجب لكم"فاجعلي حاجتك إليك،،،أخيتي والله هذه الحياة لا تنحصر على الدراسة فقط،،،وليست الدراسة هي المستقبل،،،هناك أمور أخرى كثيرة،،،تجعلك ثتبتين ذاتك،،،وتكوني بها مميزة،،،مع ذلك أقول لك،،،لا تيأسي،،،وحاولي مرة أخرى،،،وخذي بنصيحة أخواتي الفضليات،،،
فرج الله همك،،،،وغفر ذنبك،،،وأسعد قلبك

سينو91

2012-09-12, 14:09

ياو عاودي الباك حتى تديه ما يهبطلك المورال ما والو
أنا صحابي عاودوه 6 ولا 7 خطرات ودرك راهم في الدكتوراه
ربي كريم وما يظلم حتى واحد وكل واحد واش كتبلو

amira2020

2012-09-12, 14:27

والله انكم رائعين ربييحفظكم ويخليكم يا ربي والله فرحت والله ربي يوفقكم مرسي مرسي ياسر

لينا الجنة

2012-09-12, 14:34

اللهم امين لا شكر على واجب ربي يوفقك و يسهللك اخيتي في الله

amira2020

2012-09-12, 14:40

مرسي يا لينا ربي يحفظك يا اختاه ولا انسى فظلكم ابدا

مريم الصابرة

2012-09-12, 17:32

مخنوقة ياجماعة لاني حاسة بلي مستقبلي ضاع على خاطر الباك هدا العام الثالث لي راح نعاود اباك ونخمم ندخل معهد ونقرا محاسبة جماعة انصحوني زعما مليحا وفكرتي مليحا ساعدوني اختكم اميرة
السلام عليكم اختي علاش تتقلقي نعرف ناس عاودوه شعال من مرة وجابوه عاودي مترشحة حرة وأقراي الستاج اللي حبيتي ديريه وين المشكل هنا تضربي عصفورين بحجر موفقة اختي

لينا الجنة

2012-09-12, 18:14

بلا مزية :19: رانا ديما في الخدمة ختي و ربي يوفقك

بن النايلي

2012-09-12, 18:32

اختي المحترمة كتجربتي الشخصية انا جبت الباك في المرة الثالثة والحمد لله مفيهاش عيب الان رني نحضر للدكتورة متقوليش زعما راه فاتني كلش
وممكن كنصيحة اقراي للباك وللتكوين باش تكون عندك 2 ديبلومات ادا كنت قادرة ان شاء الله وربي يوفقك ان شاء الله

amira2020

2012-09-15, 10:36

ربي يوفقكم ويسهل عليكم دنيا واخرة

the flower girl

2012-09-16, 11:22

السلام عليكم اختي العزيزة نصيحتي ليكي لا تياسي كاين وحدة بنت الجيران عاودت الباك اكثر من 7 مرات ودوكا الحمد لله راهي في الجامعة وقريب تتخرج قوي عزيمتك وتكلي على ربي سبحانو وفقك الله

karimblida

2012-09-16, 17:04

الباك نشوة فقط
عندي زوج كي شغل ما عنديش
حسب تقديري
المعهد أفضل و شاوري في ما يخص التخصص
المحاسبة مليحة و زيدي سقسي
الهدف من الباك هو ارضاء المحيط و فقط
الباك ليس المستقبل الجامعة ماكان ماكان
هدا تقديري

kad_oma

2012-09-16, 22:31

الباك يتعاود أختي وين راهي المشكلة
فكرتيني بأحد المواقف أيام البكالوريا
كان عندي واحد صاحبي يقرى معايا معاود 3 مرات البكالوريا، سألناه، ما كرهتش من المعاودة
قالنا : إذا الباك صامط alors أنا صامط أكثر منه
و الله لربح الباك و راه ليسونسيي دروك
هذا يبينلك بلي الباك بزاف بزاف بزاف الناس اللي عاوداته و ربحاته
الله يسهل