اين يذهب راتب المراة العاملة؟

[AMEL32]

كثيرا ما نسمع الرجال يقولون دراهم المراة تروح غي في التفاهات , الماكيج و الحفلات والسقايط, هل هذا الكلام صحيح وانت ان كنت عاملة اين تضعين او بالاحرى كيف تتصرفين في مرتبك؟ وانت اخي الرجل ان كانت زوجتك عاملة هل يظهر مرتبها في الاسرة مع احتراماتي لكل العاملات.:confused:

[djeriou]

أغلب الظن أختي أنه يذهب إلى البيت لأن المرأة بطبعها تحب أن يظهر بيتها بأحسن مظهر، طبعا لا نتكلم عن الأواني لأن ذلك بديهي بالنسبة إليها، بالإضافة إلى إقتناء الذهب

و إذا كانت ذات أولاد فراتبها لأولادها و قد تنسى نفسها في الأخير فقليلا ما تشترى ملابس لنفسها.

ما رأي أخواتي العاملات

[khadouj_1985]

السلام عليكم اختي انا نقولك بصفتي عاملة مع العلم اني عزباء المرأة تحب صوالح المنزل اواني فراش حوايج لعمارة كيما نقولو ما نكدبش عليك انا والديا وصلوني لمستوى لازم نرجعلهم شووية برك و ما ننساش احتياجاتي الخاصة طبعا و اللي تخصوا حاجة في العايلة يجي عندي مجمل و الحمد لله ندخر شوية للحاجة سبحان الله الدنيا ما فيها امان و ان شاء الله ناوية نحجج والديا ادعولي ربي يوفقني شكرا على الطرررح

[AMEL32]

السلام عليكم اختي انا نقولك بصفتي عاملة مع العلم اني عزباء المرأة تحب صوالح المنزل اواني فراش حوايج لعمارة كيما نقولو ما نكدبش عليك انا والديا وصلوني لمستوى لازم نرجعلهم شووية برك و ما ننساش احتياجاتي الخاصة طبعا و اللي تخصوا حاجة في العايلة يجي عندي مجمل و الحمد لله ندخر شوية للحاجة سبحان الله الدنيا ما فيها امان و ان شاء الله ناوية نحجج والديا ادعولي ربي يوفقني شكرا على الطرررح

الله يبارك لك ويزيدك انشاءالله.الوالدين يستهلو كلش.

[economica]

على حسب نوع المرأة اختي وتربيتها و مدى تحملها للمسؤولية.اذا كانت بنت اصل وتحب زوجها وتهتم لعائلتها ومستقبل اولادها فالكلام الذي قلته آخر شيء تفكر فيه المرأة،لكن لا اخفي عليك فإنه يوجد الكثير من التفاهات من النوع الذي تكلمت عنه،ولقد شاهدت الصنفين.

[biti]

اما في البيت و اما انا فاخطط ان ادخر مبلغا ماليا لانشاء بيت خاص بي فلا احد يعلم ماذا تفعل به الحياة

[AMEL32]

اما في البيت و اما انا فاخطط ان ادخر مبلغا ماليا لانشاء بيت خاص بي فلا احد يعلم ماذا تفعل به الحياة

فكرة صائبة الله يوفقك

[بتول8]

موضوع في المستوى
شكرا

[AMINA.Z]

بالتاكيد سيوجه للمنزل و للاولاد و للرفاهية (لباس محترم ذهب و انترنيت طبعا ) و للادخار
موضوع جميل شكرا

[morad81]

طبعا هي حرة في صرف راتبها ....ومع أنها تشارك في مشتريات البيت ألا أن هذا الراتب يوفر لها إستقلالية مالية ......على حساب متطلبات الزوج ........


ولكن لابد للزوج أن يتنازل عن بعض الأمور.....لتتماشى و الوقت الراهن.



لكن الكثيرات من يشترطن راتبهن لأهلهن أي لأبيها .

[dotZero]

اللباس
السيارة
و الزينة
حاليا هناك نساء عملات بالسيارة و أزواجهم في النقل العمومي
لا أدري كيف يصبرون على الأمر
لكنه واقع الحال
أما من تصرف على بيتها فهي تعوض ذلك بإذلال زوجها ليل نهار

[yasmina31]

مانيش متزوجة مي بصراحة نشارك في مصروف البيت و نخلص les factures malgrés والديا مايبغوش راهم حابين ندير سكنة

[قَاسِمٌ.قَاسِم]

مرتب المرأة يمثل نسبة 30 في 100 من حالات الطلاق في العالم العربي

[فتـ حييةـاة]

مرتب المرأة يمثل نسبة 30 في 100 من حالات الطلاق في العالم العربي

ويمثل نسبة 70 في 100 من حالات الزواج في الجزائر ؟؟؟

[nibrasse76]

غالب الاحيان الراتب لشراء" الحاجيات "...بما فيها الرجل ....+++++ ..طبعا باستثناء الشهم والغيور على اهله فهو ليس للبيع

[الروح sourour]

ممممممممممممممممممممم استنئ كي نولي نخلص نقوللكم وين ترووح هههههههههههههههههه

[AMEL32]

ممممممممممممممممممممم استنئ كي نولي نخلص نقوللكم وين ترووح هههههههههههههههههه

خممي من ذرك باش كي يج الصوالد تحطيهم وين يلزم
الله يرزقك بالحلال.:dj_17:

[سارة البوسعادية]

الزمن صعب والشئ غلا بزاف وينا سقايط كون واحد يروح يتكسى2 اباي وماتكفيهش
وزيد بزيادة المرا نحسها اكثر انفاق من الرجللانا وين تخص حاجة لدار تبادر بشراءها حسب رايي
وكل فتاة وعقليتها

[همسة مشاعر]

كل وحدة والضروف الي عايشتها
كاينة الي تصرف على عايلتها وكاينة الي تشري بيها ذهب
وكاينة الي باباها لباس بيه تشري بيها طوموبيل ولا غير لبسة وكاينة الي تعمل بيهم مشاريع

[تالا تسنيم]

مشكورة أختي على طرح الموضوع..............

.. بما أني من عائلة فقيرة جدا و فور انتهائي من دراستي مدة 5 سنوات مانحكيلكمش كانت الجامعة بعيدة عن منطقتي بحوالي 400 كم يعني كان يلزم مصروف و الوالد رحمة الله عليه كان قليل الحيلة و عامل جد بسيط ........ كان وصل بيا الأمر اني ما نكملش الدراسة بصح جدتي لأمي ربي يحفظها ما حبتش و تكلفت بمصاريفي بما فيها النقل......... و الحمد حصلت على دبلوم و لكن كانت المعاناة بين البطالة و الحاجة و اخوتي كانوا صغار ........ لا حول و لا قوة الا بالله .......... حتى اكتب لي ربي و دخلت مسابقة و انجحت.......... و بدات الأمور تنفرج عليا و على عائلتي كامل......... مرتبي كله كان لتحسين ظروف هاذه العائلة الفقيرة التي كانت لا تعرف شيء اسمه فاكهة فقط نراه في الدكاكين و اللحم نأكله في العيد الكبير من صدقات أهل الخير............

والحمد لله على كل حال


ما يحز في نفسي والدي توفى و انا كنت نلم في نقود باش نروح معاه للعمرة لا أقول حج لأن المبلغ كبير........

الحمد لله على كل حال

.................................................

و سأتزوج قريبا و انا مطمئنة على أمي و اخوتي لأني لم أقصر في حقهم

و لن يحتاجو لأحد من بعدي

بعد ربي سبحانه

لأني اشتريت قطعة أرض صغيرة و بنيت فيها محلين .........بكرائهما يعيشوا أهلي

و راتبي بحول الله سيكون لبيتي و اولادي مستقبلا ان شاء الله

..........................


قصصت عيكم قصتي باش تعرفوا ماشي قاع البنات يخسرو دراههم في التفاهات لا و الله

...........................

السلام عليكم

[AMEL32]

نعم التصرف يا اختيتالا تسنيم الله يوفقك في حياتك ويهبك الذرية البارة كما بررت بوالديك .وكثيرا ما نجد الفتايات ينقذن اهلهم من الظروف القاسية في حين لا نرى من الذكور غير قول انا راجل؟باش بالله يجيب.:34:

[it's me]

اغلب لبنساء العاملات تلقاهم يحطو الدراهم بش تعدل دارها تحب ديما تشوفها جديدة عصرية
و كااااين بزاف نساء معاونين رجالهم في الدار و كان ماشي مرتو خدامة راهو في حالة مزرية

[achwak.1993]

المرأة العاقلة تصرف على بيتها و أولادها و ما تفكرش غير في روحها
على خاطر الزواج مسؤولية مشتركة بين الزوجين

[ام نادية]

انا امرآة عاملة براتبي و ذهبي و راتب زوجي شرينا بيتنا الخاص و سيارة و ليس لدي رخصة للسياقة زوجي من يقودها ليس هو من منعني بل لانني لا احب القيادة كما اني لحد الان اساعدزوجي في المصروف و حاجيات البيت و لحد الان لم استرد ذهبي الذي بعته فاامرآة العاملة تبني دارها يد بيد مع زوجها وربما أكثر فبعض المرات هيئة امرأة ماكثة بالبيت تكون أحسن من هيئتي أنا العاملة لأنني أفكر في كل شئ يخص بيتي و أسرتي.

[يوسف الحق]

مشكورة أختي على طرح الموضوع..............

.. بما أني من عائلة فقيرة جدا و فور انتهائي من دراستي مدة 5 سنوات مانحكيلكمش كانت الجامعة بعيدة عن منطقتي بحوالي 400 كم يعني كان يلزم مصروف و الوالد رحمة الله عليه كان قليل الحيلة و عامل جد بسيط ........ كان وصل بيا الأمر اني ما نكملش الدراسة بصح جدتي لأمي ربي يحفظها ما حبتش و تكلفت بمصاريفي بما فيها النقل......... و الحمد حصلت على دبلوم و لكن كانت المعاناة بين البطالة و الحاجة و اخوتي كانوا صغار ........ لا حول و لا قوة الا بالله .......... حتى اكتب لي ربي و دخلت مسابقة و انجحت.......... و بدات الأمور تنفرج عليا و على عائلتي كامل......... مرتبي كله كان لتحسين ظروف هاذه العائلة الفقيرة التي كانت لا تعرف شيء اسمه فاكهة فقط نراه في الدكاكين و اللحم نأكله في العيد الكبير من صدقات أهل الخير............

والحمد لله على كل حال


ما يحز في نفسي والدي توفى و انا كنت نلم في نقود باش نروح معاه للعمرة لا أقول حج لأن المبلغ كبير........

الحمد لله على كل حال

.................................................

و سأتزوج قريبا و انا مطمئنة على أمي و اخوتي لأني لم أقصر في حقهم

و لن يحتاجو لأحد من بعدي

بعد ربي سبحانه

لأني اشتريت قطعة أرض صغيرة و بنيت فيها محلين .........بكرائهما يعيشوا أهلي

و راتبي بحول الله سيكون لبيتي و اولادي مستقبلا ان شاء الله

..........................


قصصت عيكم قصتي باش تعرفوا ماشي قاع البنات يخسرو دراههم في التفاهات لا و الله

...........................

السلام عليكم


الله يبارك لك أختي و عليكي ....رد الجميل أتقاسم و اياك الكثير مما قلت و الحمد لله و من حسن الى أحسن والله يفرجها على الجميع امين

[abdou27300]

تالا تسنيم (http://www.djelfa.info/vb/member.php?u=382858)

الله يبارك

[تالا تسنيم]

اخوتي


kwiser

abdou27300

بالصبر و التوكل على ربي ... تفرج امورنا... و الحمد لله..... بارك الله فيكم ..... ..... و ربي يهنيكم...............

تقبلوا مروري وتحياتي

[sahra12]

بالنسبة لي أنا عاملة ولست متزوجة راتبي كله يذهب في نفقات البيت اتكفل بنفقات اخوتي الذين يدرسون ، المصاريف اليومية ، أمي مريضة اتكفل بكل نفقات علاجها ، رغم أن أبي له راتبه ، فمع ذلك يلجأ إليي ، لإصلاح سيارته وشراء قطع غيارها ، فمالي ليس لي ، لم استطع حتي أدخر ولو شيء من مالي . أو شتري لنفسي شيء مثلما يفعل غيري من الفتيات.
وأرجو منكم الدعاء لوالدتي أن يشفيها الله ، فإنه ليس لي في هذه الدينا من سند سواها.
تقبلوا مروري.

[hakimahakima1980]

انل مانيش عاملة بصح اقول لك ان السعادة ثم السعادة في ان الزوج وحده العامل فعندما يرجع الى البيت ويجد كل شءئ نظيف وزوجته مبتسمة في وجهه ينسى كل همومه

[maramelmess]

بصفتي عاملة نقولك على دراهمي هد العام واش درت بيهم
اشؤيت لبنتي حوايج و des livres ....الدراري لازملهم تاويلهم
و عاودت سبغت الدار و خدمتها عاونت راجلي
و مصروفي حوايج
و بادن الله مخبية دراهم للعيد الكبير
و الله المعين

[hyoucef32]

كثيرا ما نسمع الرجال يقولون دراهم المراة تروح غي في التفاهات , الماكيج و الحفلات والسقايط, هل هذا الكلام صحيح وانت ان كنت عاملة اين تضعين او بالاحرى كيف تتصرفين في مرتبك؟ وانت اخي الرجل ان كانت زوجتك عاملة هل يظهر مرتبها في الاسرة مع احتراماتي لكل العاملات.:confused:

لنا اتحدى كل امرأة عاملة ان تستطيع القيام بشؤون البيت والزوج والاولاد وعملها معا

[هبة الكوثر]

دركا الوحد يكدب كي قول لاباي واحة تكفي والله يد واحدة ماتصفق مع لغلا المعيشةالمرا الفحلة هي لي تخدم دارها وزوجه وولادها وتقول هدا قليل اما المسمومة هديك ربي يهديها كيما نقولوا خدمتها كي عدمها هاديك انانية وزيد كلش كلش بروح مع المفاهمة مع الزوج الا كانت متفهم ويعاون مرتوا كيما معاوناتو بدون كلام احراج ولا معايرات والله هداك يستهل كل خير اما الا كان تجريح من كلا الطرفين هنا الله غالب وزيد المرا ماتحبش الراجل كي يبدا يحاسبها ويبين بلي راهو طامع في دريهمتها تم وين هي تركب راصها بصح يخليها على ربي وصدقني والله ماكانش احن من المراة واطيب منها

[هبة الكوثر]

لنا اتحدى كل امرأة عاملة ان تستطيع القيام بشؤون البيت والزوج والاولاد وعملها معا

والله الحمد لله وربي يكملني بصحتي وعقلي الحمد الله رانا خير من واحدة قاعدة فالدار وراجلها يخرج حوايجو موسخين وباخلاتوا في الطياب والتنظاف ونهار كامل هي تشكي وتبكي وتبدر خاطرش ماهيش حاسة بالدورو كيفاه يجي
اخي ماتحكمش بلا متجرب وهادي هدرة فراغ والمعدرة

[hyoucef32]

والله الحمد لله وربي يكملني بصحتي وعقلي الحمد الله رانا خير من واحدة قاعدة فالدار وراجلها يخرج حوايجو موسخين وباخلاتوا في الطياب والتنظاف ونهار كامل هي تشكي وتبكي وتبدر خاطرش ماهيش حاسة بالدورو كيفاه يجي
اخي ماتحكمش بلا متجرب وهادي هدرة فراغ والمعدرة

المراة المتدينة ما تشكي ما تبكي هذا امر الله وقرن في بيوتكن والسعادة تكمن في سعادة الزوج فالزوج السعيد هو الذي يجد زوجته راضية

[ايمان نور الجزائر]

لست متزوجة...لكن جزءا من راتبي يوجه لحاجياتي الخاصة
اما الباقي فللادخار وقت الحاجة وهي وصية الوالد لي اطال الله عمره

[Meriemchawiya]

انا ثلث نصرفو الثلث ذهب و الثلث نخبيه و تبقى 5000 دج لماما طبعا

[AMEL32]

لنا اتحدى كل امرأة عاملة ان تستطيع القيام بشؤون البيت والزوج والاولاد وعملها معا

هذا ليس موضوعي يا اخي لكن اذا عملت المراة فهناك اطراف مساعدة للموازنة بين هذا وذاك والظروف هي التي تفرض عليها ذلك لا اظن ان المراة تريد التعب لها ولاولادها وزوجها.

[AMEL32]

انا ثلث نصرفو الثلث ذهب و الثلث نخبيه و تبقى 5000 دج لماما طبعا

هايلة كل حاجة ليها حقها الله يعاونك ويباركلك في اموالك.:34:

[AMEL32]

لست متزوجة...لكن جزءا من راتبي يوجه لحاجياتي الخاصة
اما الباقي فللادخار وقت الحاجة وهي وصية الوالد لي اطال الله عمره

نعم الوصية فاستغلي وضعك مادمت عند والديك لان بعد الزواج لا يبق لك ما تدخرين.

[AMEL32]

انا امرآة عاملة براتبي و ذهبي و راتب زوجي شرينا بيتنا الخاص و سيارة و ليس لدي رخصة للسياقة زوجي من يقودها ليس هو من منعني بل لانني لا احب القيادة كما اني لحد الان اساعدزوجي في المصروف و حاجيات البيت و لحد الان لم استرد ذهبي الذي بعته فاامرآة العاملة تبني دارها يد بيد مع زوجها وربما أكثر فبعض المرات هيئة امرأة ماكثة بالبيت تكون أحسن من هيئتي أنا العاملة لأنني أفكر في كل شئ يخص بيتي و أسرتي.

الله يبارك لك في اهلك ومالك المراة الحكيمة تساعد زوجها وبالتالي تساعد نفسها.:34:

[AMEL32]

انل مانيش عاملة بصح اقول لك ان السعادة ثم السعادة في ان الزوج وحده العامل فعندما يرجع الى البيت ويجد كل شءئ نظيف وزوجته مبتسمة في وجهه ينسى كل همومه

اذا كانت ظروفك مليحة الله يبارك .دامت سعادتك.

[AMEL32]

بصفتي عاملة نقولك على دراهمي هد العام واش درت بيهم
اشؤيت لبنتي حوايج و des livres ....الدراري لازملهم تاويلهم
و عاودت سبغت الدار و خدمتها عاونت راجلي
و مصروفي حوايج
و بادن الله مخبية دراهم للعيد الكبير
و الله المعين

عام كامل هذا واش درتي؟

[نيل المنى]

شويا للروح ....و شويا للوح.
طبيعي أن تصرف المرأة على بيتها و كذلك على نفسها و المرأة التي تصرف في التفاهات غالبا تفعل هذا كأسلوب انتقام من الزوج الغير مبالي أو المبذر و الذي لا يقدر مجهوداتها و هذا طبعا خطأ لأنها تهدم بيتها بنفسها تماما كما يفعل هو.
ربي يهدينا.

[hyoucef32]

هذا ليس موضوعي يا اخي لكن اذا عملت المراة فهناك اطراف مساعدة للموازنة بين هذا وذاك والظروف هي التي تفرض عليها ذلك لا اظن ان المراة تريد التعب لها ولاولادها وزوجها.

المراة تريد المسكن الخاص وتريد العمل وتقول بانها تستطيع ذلك وكيف تريد السعادة بابناء في كنف غيرها خارج بيتها وهي في الحقيقة لا تريد بمالها الا الكماليات

[AMEL32]

المراة تريد المسكن الخاص وتريد العمل وتقول بانها تستطيع ذلك وكيف تريد السعادة بابناء في كنف غيرها خارج بيتها وهي في الحقيقة لا تريد بمالها الا الكماليات

انا نرى امهات ربو اولادهم في حجورهم ودللوهم واليوم لا يسالون عنهم الا في الاعياد والمناسبات فهل سعدن بهم؟