عندي المعريفة ماكان علاه نخاف.... [الأرشيف] - منتديات الجلفة لكل الجزائريين و العرب

مشاهدة النسخة كاملة : عندي المعريفة ماكان علاه نخاف....

morad81

2012-09-11, 21:45

ماذا لو قال لك أحد المسؤولين له سلطة معينة ......أنا رايح نساعدك باش تدخل تخدم .

وهذا كي ديرو لكونكور .......معنتها عندك المعريفة .

- واش تقبل أنك تدخل بهذي الطريقة .

- وهل تقدر أنك تصارح أصدقاءك أنك دخلت معريفة .

المهم تخيل نفسك في هذا الموقف كيف تتصرف.

knives55

2012-09-11, 22:07

نعم وندخل نخدم ونحلل خبزتي معها

عميروش الحر

2012-09-11, 22:16

نعم نقبل للاسف ...
و نعم نصارح اصدقائي
لأن الامر اصبح عادي في بلادنا و في زمننا هذا

امينة 1991

2012-09-11, 22:16

اواه ما نظنش نقبل لاني مانيش رايحة نفرح بالخدمة و نحس دراهمي الي رايحة نخلصهم حرام ضميري يأنبني و لازم الواحد تكون عندو معرفة مع ربي يعني اذا ربي كتبلي رزق رح يوصلني وثاني المعرفة تاع ربي تدوم لكن العبد مؤقتة وربما يجي النهار الي يدور عليك ويظل يمنن فيك
بارك الله فيك على الموضوع

امينة 1991

2012-09-11, 22:18

z.abdo

2012-09-11, 22:19

بارك الله فيك أخي بن عمير

أما عن سؤالك فأقول إن الواقع شيء والكلام المثالي شيء آخر فلا أستيطع الإجابة

لينا الجنة

2012-09-11, 22:20

اولا انا معنديش معريفة كبيرة كبيرة تاع جينيرالات و لا من هذا القبيل

للاسف مؤخرا عرضت علي رشوة حتى ندخل و نترسم و رفضت

morad81

2012-09-11, 22:26

بارك الله فيك أخي بن عمير

أما عن سؤالك فأقول إن الواقع شيء والكلام المثالي شيء آخر فلا أستيطع الإجابة

شكرا عبدو ..... أخوك مراد 81 ......شكرا لصراحتك .....لكن ما تقر به نفسك فذاك هو ....يعني كيف يبدو لك من يدخل للعمل على هذه الطريقة

soso sirin

2012-09-11, 22:41

z.abdo

2012-09-11, 22:52

شكرا عبدو ..... أخوك مراد 81 ......شكرا لصراحتك .....لكن ما تقر به نفسك فذاك هو ....يعني كيف يبدو لك من يدخل للعمل على هذه الطريقة

العفو اخي مراد

لكن من يدخل بهذه الطريقة يعني بالمعريفة الله أعلم بحاله وأحواله ممكن يستاهل أنا عن نفسي لا اريد ان أشتغل

بهذه الطريقة ولو كنت اريد الرشوة أو المعريفة لو أني لم أدي الخدمة الوطنية وأضيع عامين من عمري رغم أنه كان عندي المعريفة

أريد أن أبدأ حياتي بالحلال الطيب

الجواهر

2012-09-11, 22:58

استعمال المعريفة استعمال لسلطة لاخذ حق ربما هو من حق الآخرين فالنسبة لي هي حرام حرام خصوصا في مجال العمل لانني ساعيش من مال حرام
اقبل بالمغريفة في المستشفى - في البريد ........و ربي بغفر لي

morad81

2012-09-12, 16:22

العفو اخي مراد

لكن من يدخل بهذه الطريقة يعني بالمعريفة الله أعلم بحاله وأحواله ممكن يستاهل أنا عن نفسي لا اريد ان أشتغل

بهذه الطريقة ولو كنت اريد الرشوة أو المعريفة لو أني لم أدي الخدمة الوطنية وأضيع عامين من عمري رغم أنه كان عندي المعريفة

أريد أن أبدأ حياتي بالحلال الطيب

ربي يوفقك إنشاء الله يرزقك من حلاله ......تحياتي .

morad81

2012-09-12, 16:31

والله يا خويا الشك الكبير راح نقبل لانو معرفة برك مي اذا كانت معرفة و باغي رشوة والله مانقبل و لهلا خدمت .و راح نقول علاه نكذب و نقول دخلت روحي انا اصلا شحال نكره الي يكذب في هذا الشي انا نهار قبلت العرف ماحشمتش و نهار دخلت بالعرف نحشم اذا حشمت امالا مانقبلش كامل.و زيد يا خويا مراد بلادنا راهي كلها عرف عندك عرف تفوت ماعندكش عرف ماتفوتش مي مانكذبوش العرف ضروك و لازملو الرشوة حتا و يكون يكونلك على هكا والله ماراه دايها .ان شاء الله يكون خوك مليح

ياسوسو تحياتي أولا .

ثانيا ليس المشكل في الرشوة ......ولكنه المشكل في أخذ حق الغير .......

أذا كان ليك معريفة و داش عليك الرشوة معنتها ما عليش لالالا يا سوسو ....المهم أنو قدمك .....

أنا نقولك يا سوسو بصراحة أنا ربحت ثلاث كونكورات نتاع متصرف إداري .....لكن عندما بغينا نلتاحقوا بالمناصب طلبوا لينا شهادة إقامة ....تخيلي كيفاش .....وإذا حبيت تخرج الشهادة لازم إجراءات قانونية ....معنتها تكون مفيم في هذي الولاية .....وكان هذا في 2011 ...المهم تنازلت على زوج مناصب .

أما المنصب الثالث كنا تحصلنا نحن خمسة بنفس المعدل .......و دخلوا زوج وبقينا في الإحتياط علاش.......ما نعرف؟

أما المسابقات لخرين رانا في الإحتياط دايما .........

ونقولك حاجة كي نسمع واحد يقولي راني هنا نشوفلك .......والله نكره حياتي من هذا النوع نتاع البشر......

معنتها إذا ما شافلكش يشوف لوخدخر ...يعني يدي حق الناس .......و الله ربي وكيلهم .....وربي نشاء الله يعوضنا خير من اللي ضاع

مريم الصابرة

2012-09-12, 16:51

السلام عليكم خويا مراد بارك الله فيك على الموضوع
الصراحة خويا الوقت راه يقول عندك لكتاف يهزوك ما عندكش يرموك وممكن واللي محتاجة الخدمة ويلقاها بالطريقة هذي لو انا ندخل نخدم ولو نقول راحا نصارح أقرب الناس إلي لكن ما نقولش للجميع لأنو لو بطريقتي محال يخدموني وصراتلي وراهي تصرالي ولكن للاسف ما عندناش المرعيفة وما نحب حتى واحد يدير فيا مزية بالمقابل والفتاة يكون المقابل كرامتها وشرفها محال ناكل التراب ولا نبيع روحي على جال المعريفة شكرا وبارك الله فيك

خولة لبابة

2012-09-12, 18:36

هذا أمر مؤسف فعلا......و حتى في ولايتنا منتشر بنسبة كبيرة......انا لن أقبل بالعمل لانني لن ارتاح منه هذا اذا عملت ههههه
و عندي أخ انهى دراسته أصبح استاذ فرنسية .....لكن في الكنكور لم يجتازه في ولايتنا لأنه يعلم كاين معرفة و ربما لن ينجح..........ذهب الى ولاية مسيلة و هناك اجتازه و الحمد لله نجح فيه و سيعمل هناك رغم بعده عنّا........

sarl02

2012-09-12, 21:36

.................................................. .................................................. .................................................. ...................

soha1987

2012-09-12, 22:09

انا مانقبلش لانو هادي حاجة حرام وزيد حنا في باتنة لمعريفة تاع يعرفك ماتكفيش لازم رشوة وباتنة معروفة وطنيا انا كي تخرجت بابا قال لوليد عمو كان مدير التربية لولاية ام البواقي باش يشوفلي قالو هيه نشوفلك ومبعد يامات قالو صعيب الحال لانو الناس لي هدر معاهم حبو الدراهم ويااخي الرشوة هي لي تخدم بيها في وقتنا وانا معريفتي مع ربي سبحانو وكي يكتبلي ربي المنصب واحد مايديهولي وان شاء الله يرزقك بمنصب شغل وشكرا

الواثق

2012-09-12, 22:27

والله من الغريب ان نجد طالبي الرشوة هم في مناصب عليا في التربية فكيف نطمح لتربية اجيال من هؤلاء والله المستعان

كوثر 20

2012-09-12, 22:33

مين خويا تدخل بالمعريفة وماتخبرش يعني دراهمك ماهمش ليك لازم تصدق منهم شويا

morad81

2012-09-12, 22:34

والله من الغريب ان نجد طالبي الرشوة هم في مناصب عليا في التربية فكيف نطمح لتربية اجيال من هؤلاء والله المستعان

هذا هو المشكل و الله أمر عم وجم ولا شيء أصبح يبشر بالخير.......لكن هل من يدخل بهكذا طريقة يمكنه أن يراها غدا أنها لا يمكن الدخول بها .

هذا إن أيقن بأنها غير شرعية سيعمل لجلب اكبر عدد ممكن من هؤلاء المرتشين و هذا ليخلق جوا مناسبا له .......شكرا أخي الواثق.

قَاسِمٌ.قَاسِم

2012-09-12, 22:41

إن كان حقا لي وليس فيه أخذ حق غيري

morad81

2012-09-12, 22:47

إن كان حقا لي وليس فيه أخذ حق غيري

كيف تعرف أنه حقك و أنت في مسابقة؟

soso sirin

2012-09-12, 22:48

ياسوسو تحياتي أولا .

ثانيا ليس المشكل في الرشوة ......ولكنه المشكل في أخذ حق الغير .......

أذا كان ليك معريفة و داش عليك الرشوة معنتها ما عليش لالالا يا سوسو ....المهم أنو قدمك .....

أنا نقولك يا سوسو بصراحة أنا ربحت ثلاث كونكورات نتاع متصرف إداري .....لكن عندما بغينا نلتاحقوا بالمناصب طلبوا لينا شهادة إقامة ....تخيلي كيفاش .....وإذا حبيت تخرج الشهادة لازم إجراءات قانونية ....معنتها تكون مفيم في هذي الولاية .....وكان هذا في 2011 ...المهم تنازلت على زوج مناصب .

أما المنصب الثالث كنا تحصلنا نحن خمسة بنفس المعدل .......و دخلوا زوج وبقينا في الإحتياط علاش.......ما نعرف؟

أما المسابقات لخرين رانا في الإحتياط دايما .........

ونقولك حاجة كي نسمع واحد يقولي راني هنا نشوفلك .......والله نكره حياتي من هذا النوع نتاع البشر......

معنتها إذا ما شافلكش يشوف لوخدخر ...يعني يدي حق الناس .......و الله ربي وكيلهم .....وربي نشاء الله يعوضنا خير من اللي ضاع
انت قتلي انو المشكل ماراهش في الرشوة وحدها لانو بالمعرفة راح تدي بلاصة ماشي من حقك امالا والله والله و الله يا خويا مراد و نعرف بلي البلاصة الي راح نديها بعرفي راح تكون من حق راجل والله و يكون كاين قانون يخلينا نتنازلو على العمل الا تنازلتلو مي باه نعرف بلي لالة مولاتي راح تديه لانو عندها عرف امالا عرف بعرف و خليها تتمشى. مع انو انا ماشي من النوع الي يقبل باه واحد يدير فيه بليزيغ لانو مكانش الي راه يديرلك حاجة لوجه الله. و انت خويا ربي يعوضك خير و ان شاء الله ربي يمدلك خدمة على قد الصبر الي صبرتو.مي الصح و بلا كذب الاكثرية راهم يخدمو بالعرف الا من رحم ربي مي حنا والفنا حتى نكذبو على رواحنا الناس كامل عارفا بلي دخلو بالعرف و يقلك انا جهدي و خدمتي و دعاوي الخير ماتتمسخروش بينا الواحد قلبو راه ضارو برحمة الوالدين

morad81

2012-09-12, 22:57

انت قتلي انو المشكل ماراهش في الرشوة وحدها لانو بالمعرفة راح تدي بلاصة ماشي من حقك امالا والله والله و الله يا خويا مراد و نعرف بلي البلاصة الي راح نديها بعرفي راح تكون من حق راجل والله و يكون كاين قانون يخلينا نتنازلو على العمل الا تنازلتلو مي باه نعرف بلي لالة مولاتي راح تديه لانو عندها عرف امالا عرف بعرف و خليها تتمشى. مع انو انا ماشي من النوع الي يقبل باه واحد يدير فيه بليزيغ لانو مكانش الي راه يديرلك حاجة لوجه الله. و انت خويا ربي يعوضك خير و ان شاء الله ربي يمدلك خدمة على قد الصبر الي صبرتو.مي الصح و بلا كذب الاكثرية راهم يخدمو بالعرف الا من رحم ربي مي حنا والفنا حتى نكذبو على رواحنا الناس كامل عارفا بلي دخلو بالعرف و يقلك انا جهدي و خدمتي و دعاوي الخير ماتتمسخروش بينا الواحد قلبو راه ضارو برحمة الوالدين

يارب أمين يا رب عوضنا خير مما ضاع ......

هي الواحد خطرات يتقلق و يضيق بيه الحال ....خاصة الناس يقولوا هذا قافز وساجي يعني اللي يدبر على روحو بأي طريقة ......و لكان تقوليهم هذي الشي راهو حرام ....يحسبوه ضعف فيك .....

بصح يا سوسو صدقيني ....ترقد ليلة هاني في مخك وما يأنبكش الضمير نتاعك ....و الله غير تسوى الخدمة كامل اللي تنازلت عليها.....

و الثقة في ربي ما يضيعش عبدو .....حنا ندير الأسباب عبادة و طمعة في ربي و الرزق ربي قاسمو مكان علاه نتقلق.

soso sirin

2012-09-12, 23:11

يارب أمين يا رب عوضنا خير مما ضاع ......

هي الواحد خطرات يتقلق و يضيق بيه الحال ....خاصة الناس يقولوا هذا قافز وساجي يعني اللي يدبر على روحو بأي طريقة ......و لكان تقوليهم هذي الشي راهو حرام ....يحسبوه ضعف فيك .....

بصح يا سوسو صدقيني ....ترقد ليلة هاني في مخك وما يأنبكش الضمير نتاعك ....و الله غير تسوى الخدمة كامل اللي تنازلت عليها.....

و الثقة في ربي ما يضيعش عبدو .....حنا ندير الأسباب عبادة و طمعة في ربي و الرزق ربي قاسمو مكان علاه نتقلق.

هاذيك هي مراد مكانش كيما ربي و الشدة فيه اما الانسان ماراح يديرلك والو و كيما قلت انت راحة البال ماتساويش مال الدنيا كامل اذا كان مال حرام.والله يحسن عونكم انا راني طفلة مرات قلبي يضرني من شي حوايج نشوفهم ناس قسما بالله مايصلحو كامل تلقاهم في شي بلايص نقول الحمد الله يا ربي الحمد الله يا ربي الي كاين و عارفة انو كلشي في ذي الدنيا عندها حكمة مي والله ربي مافيه غير الخير و مادام مامدلش للواحد شي حاجة هو عارف علاه.مي ربي كي يكون كاتب حاجة لواحد والله يديها و في الوقت الي ربي محددو و الخدمة راهي رزق و ربي يمدلك ان شاء الله انت و كل محتاج لخدمة من اوسع ابوابو ان شاء الله .مراد اذا فوت كاش نهار كونكوغ و ربحت رايح نتنازل عليه ليك هههههههه والله كل حاجة في وقتها مليحة ماتتقلق ماوالو ربي يمدلكم الصبر و الرزق ان شاء الله

morad81

2012-09-12, 23:23

هاذيك هي مراد مكانش كيما ربي و الشدة فيه اما الانسان ماراح يديرلك والو و كيما قلت انت راحة البال ماتساويش مال الدنيا كامل اذا كان مال حرام.والله يحسن عونكم انا راني طفلة مرات قلبي يضرني من شي حوايج نشوفهم ناس قسما بالله مايصلحو كامل تلقاهم في شي بلايص نقول الحمد الله يا ربي الحمد الله يا ربي الي كاين و عارفة انو كلشي في ذي الدنيا عندها حكمة مي والله ربي مافيه غير الخير و مادام مامدلش للواحد شي حاجة هو عارف علاه.مي ربي كي يكون كاتب حاجة لواحد والله يديها و في الوقت الي ربي محددو و الخدمة راهي رزق و ربي يمدلك ان شاء الله انت و كل محتاج لخدمة من اوسع ابوابو ان شاء الله .مراد اذا فوت كاش نهار كونكوغ و ربحت رايح نتنازل عليه ليك هههههههه والله كل حاجة في وقتها مليحة ماتتقلق ماوالو ربي يمدلكم الصبر و الرزق ان شاء الله

و المشكل أنني ما نديش هذا المنصب اللي تنازلتيلي عليه لخاطرش .....راهو حق للي من بعدك ههههههههه.

بصراحة سوسو الحمد لله و الله رانا ملاح .....مي الواحد برك كي كمل قرايتوا حب يخدم بالديبلوم .....

وماراهاش مشكل مادي أكثر من أنوا الواحد يحوس يخدم ....لأننا كلنا نظن أن المنصب في الوظيفة العمومية مضمونة ....

و الحمد لله على كل حال....................(ما تنسيش الوعد نتاعك ..هههههههههه)

soso sirin

2012-09-12, 23:29

و المشكل أنني ما نديش هذا المنصب اللي تنازلتيلي عليه لخاطرش .....راهو حق للي من بعدك ههههههههه.

بصراحة سوسو الحمد لله و الله رانا ملاح .....مي الواحد برك كي كمل قرايتوا حب يخدم بالديبلوم .....

وماراهاش مشكل مادي أكثر من أنوا الواحد يحوس يخدم ....لأننا كلنا نظن أن المنصب في الوظيفة العمومية مضمونة ....

و الحمد لله على كل حال....................(ما تنسيش الوعد نتاعك ..هههههههههه)

ربي يرزقك بخدمة ان شاء الله انت و كل واحد محتاجها. ماتخافش ماننساش غير دعيلي برك باه نروح نفوت في كاش كونوغ راني ملي تخرجت مافوت حتا واحد و اذا ربحت راح نديرو شرط ان شاء الله ههههههههههه.

morad81

2012-09-13, 22:16

ربي يقدرنا و يرزقنا حلالا طيبا .......شكرا لكم على المشاركة