إلى حين يذهب عنك الغضب ... ماذا تفعل؟؟ [الأرشيف] - منتديات الجلفة لكل الجزائريين و العرب

السي محمد

2012-09-11, 21:18

السلام عليكم و رحمة الله و بركاته

كلنا نغضب

و ولكن عندما نغضب من شخص

او اشخاص

نكون مضطرين للرجوع او التواجد

في نفس المكان معهم

وإلى حين يزول الغضب

و تهدأ النفس

ماذا تفعلون انتم؟؟؟

انا شخصيا اترك ذلك المكان و اذهب

اغيب يوم يومين ثلاثة اسبوع

شهر
على حساب درجة الغضب و القَهر

انتم ماذا تفعلون و كيف تتصرفون؟؟؟

knives55

2012-09-11, 21:37

انا مشكلتي أذ غضبت على جهاز أنكسروا مباشرة

أما أذ غضبت على أنسان ما نقدرش انسامحوا الى ابد لان انسان ليتعمد أذائي والله ما يشوف مني غير عين الحمرة

وهذ واش صراه مع واحد صاحبي غرم اني احترموا وكلش الى انه يعملني على انني لاصق فيه تهردت معاه وضرك مانقدرش انسامحوا

غرم انه كل يوم يعيطلي في تلفون بصح

مرأة اذ نكسرت لا يمكن ارجاعها كما كانت

biti

2012-09-11, 21:43

و انا راني نكتب في الرد هذا و انا جد غاضبة و لكني مضطرة لان ابتسم مع من اغضبني و ياليتني استطيع ان ابتعد بعيدا و لكن اين المفر اللهم كن معنا

مريم الصابرة

2012-09-11, 21:46

السلام عليكم خويا محمد ما تتقلق ما والو يا خويا الصراحة لو نحكي على موضوع المشرفين وشعال تقلقت ومازال نتقلق من تصرفات البعض منهم نروح من المنتدى عام وما نوليش لكن هنا يموت قاسي وانا هنا باقية ولما نغلط انا نعترف ولكن مرات ومرات كثيرة هزما ظلموني لكن معليش ربي يحاسب الجميع
إنت درت الموضوع تساعد الناس وجزائك عند ربي كبير وكبير بزاف نقولها بكل صراحة لما كتبو الأعضاء موضوع على مرضي حذف قالك راهي تكذب ولما كتبت الاخت على البناء ونتمنى منها ما تزعفش مني لأانو ما نحكيش عليها لا صدقوها ودارو موضوعها مثبت خولنا من حالتي انا عادي جدا كاين حالات مرض كبيرة كالاخ اللي توفى من تيارت علاه ما ثبتوش موضوعو حتى وين مات علاه راح عند ربي هو ارحم عليه من الناس
المهم اخي لما توصل درجة غضبي كيما إنت نروح من المكان حتى نهدأ وانا شعال من مرة إنسحبت ورجعت على جالكم نتمنى تبقى على جالنا اليوم راك مقلق إستغفر ربي ووكلو ورجع على جالنا موفق وربي يجازيك على حساب نيتك

عميروش الحر

2012-09-11, 21:48

انا عندما اغضب لا احسسك بغضبي ولكن تعرفه من صمتي ... لذا انا اصمت اصمت اصمت اصمت الى ان يزول ...
لأني اذا عبرت عن غضبي بالكلام سيتطور الى فعل وبالتالي لا ادري ماذا سيحدث !!!!
مرة غضبت من شخص كسرت هاتف ... ومرة كسرت كرسي
لذا قررت ان اصمت احسن

morad81

2012-09-11, 22:51

انا عندما اغضب لا احسسك بغضبي ولكن تعرفه من صمتي ... لذا انا اصمت اصمت اصمت اصمت الى ان يزول ...
لأني اذا عبرت عن غضبي بالكلام سيتطور الى فعل وبالتالي لا ادري ماذا سيحدث !!!!
مرة غضبت من شخص كسرت هاتف ... ومرة كسرت كرسي
لذا قررت ان اصمت احسن

و الله يا عميروش الحر وكأنك تتكلم بلساني فلي نفس التصرف.

soso sirin

2012-09-11, 22:51

انا كي نزعف نهدر مانسكتش مي اذا زعفت تاع الصح مانهدرش كامل لانو نتخنق و نروح و نبلع على روحي في دار و نريح و الي زعفني مانقابلوش كامل .معليش خويا علاه الزعاف انت راسل كاش مشرف و طلب منو استفسار علاه حذف الموضوع و ان شاء الله يرجعو الموضوع لانو فيه فايدة كبيرة لينا و ليهم ان شاء الله ماتنساش خويا انو ممكن كان تبعثلهم و تفهمهم على الشي الي قلتو لانو يقلك هكا كل واحد يضهلو يدير واش درت كاين ناس يعرفوك مليح مي كاين ناس مايعرفوكش و الي فيها خير ربي يسهلها ان شاء الله المهم طريق الخير ماشي ساهلة و لازم فيها تعب و اذا راك تخمم في هاذوك الناس لازم تبعث للمشرفين و تهدر معاهم نعرفك عندك ارادة خويا و في جالهم زيد اهدر معاهم .والله الموضوع الي كتبتو الا فيه اجر كبير و كي تتفكر الضحكة على وجوه و لاد هاذوك الاسر راح تكتب موضوع و تهدر مع المشرفين رانا نستناو واش دير فيها خويا

مسلم سني

2012-09-11, 23:00

السلام عليكم
لكن أخي الموضوع لم يحذف الآن رأيته في قسم المواضيع العامة
فلم غضبت وانسحبت؟
إذا كنت تنوي الخير لليتامى يجب أن تعود وتكمل مشروعك هذا أخي الكريم
لاتفكلر في نفسك فكر في هؤلاء
ربما حدث سوء تفاهم وحل يجب أ، نضع الاحتمالات دائما
عد لتكمل مشروعك أخي الكريم
لاتفكر في أحد بل في هؤلاء اليتامى
احترماتي

soso sirin

2012-09-11, 23:09

[quote=مسلم سني;11558567]السلام عليكم
لكن أخي الموضوع لم يحذف الآن رأيته في قسم المواضيع العامة
فلم غضبت وانسحبت؟
إذا كنت تنوي الخير لليتامى يجب أن تعود وتكمل مشروعك هذا أخي الكريم
لاتفكلر في نفسك فكر في هؤلاء
ربما حدث سوء تفاهم وحل يجب أ، نضع الاحتمالات دائما
عد لتكمل مشروعك أخي الكريم
لاتفكر في أحد بل في هؤلاء اليتامى
احترماتي [/qu[/color] سمحلي السي محمد لانو بغيت نسقسي عبد الشافي على وليد خوه ان شاء الله يكون بخير والله لاكون راهي مهبلتني على هكا مانيش ندخل ربي يشافيه و يسمعكم الاخبار المليحة نهار الخميس ان شاء الله يا رب

a_s_m_a

2012-09-11, 23:24

اخي الغياب ليس حلا حاول الاستفسار عن الامر و نرجو من الله ان تكون مبادرتك في ميزان حسناتك وان يتقبل نبتك الطيبة . .

مسلم سني

2012-09-11, 23:40

[quote=مسلم سني;11558567]السلام عليكم
لكن أخي الموضوع لم يحذف الآن رأيته في قسم المواضيع العامة
فلم غضبت وانسحبت؟
إذا كنت تنوي الخير لليتامى يجب أن تعود وتكمل مشروعك هذا أخي الكريم
لاتفكلر في نفسك فكر في هؤلاء
ربما حدث سوء تفاهم وحل يجب أ، نضع الاحتمالات دائما
عد لتكمل مشروعك أخي الكريم
لاتفكر في أحد بل في هؤلاء اليتامى
احترماتي [/qu[/color] سمحلي السي محمد لانو بغيت نسقسي عبد الشافي على وليد خوه ان شاء الله يكون بخير والله لاكون راهي مهبلتني على هكا مانيش ندخل ربي يشافيه و يسمعكم الاخبار المليحة نهار الخميس ان شاء الله يا رب
السلام عليكم
بارك الله فيك أختي سوسو سيرين
أنا أيضا أعاني منها
يوم الخميس بإذن الله تعالى سنسمع أخبارا مفرحة يارب هذا أملي ورجائي
بارك الله فيكم جميعا وقفتكم هاته معي لن أنساها ابدا
سلام حار لكا من تمنى الشفاء له ومن توجه بالدعاء إلى الله بأن يشفيه
احترماتي لكم جميعا

لينا الجنة

2012-09-11, 23:48

السلام عليكم

اخي الكريم السي محمد انت درت موضوعك اول حاجة لربي سبحانو و تانيا لليتامى و ان شاء االه تؤجر على فعل الخير فلما الغضب راسل الادارة او المشرفين و باذن الله يرجعولك موضوعك

و بخصوص ردة فعلي عندما اغضب افضل التزام الصمت مدة من الزمن و لا اتكلم مع احد لانني ان فعلت اتفوه بما لا يحمد عقباه

اِشراقـة أمل

2012-09-12, 01:14

السّلام عليكم

الابتعاد هو الأحسن

حى لا تكون مخلفات تنتجها ضغوط الغضب

بارك الله فيك

السي محمد

2012-09-12, 11:24

لقد زال الغضب

ورعت من اجل اولئك اليتامى الذين ينتظرونني

بارك الله فيكم

وحزاكم الله خيرا

السي محمد

2012-09-12, 11:35

السلام عليكم
لكن أخي الموضوع لم يحذف الآن رأيته في قسم المواضيع العامة
فلم غضبت وانسحبت؟
إذا كنت تنوي الخير لليتامى يجب أن تعود وتكمل مشروعك هذا أخي الكريم
لاتفكلر في نفسك فكر في هؤلاء
ربما حدث سوء تفاهم وحل يجب أ، نضع الاحتمالات دائما
عد لتكمل مشروعك أخي الكريم
لاتفكر في أحد بل في هؤلاء اليتامى
احترماتي

و هذا ما يقهرني

اليتامى و ما ينتظرونه مني

==================

كتبت موضوع جديد

و وضعت فيه رقم حسابي البريدي

و بقية الارشادات
و تم حذفه نهائيا

و الرابط موجود في توقيعي

اضغط عليه

=============

بارك الله فيك

staifia

2012-09-12, 11:47

انا الشي اللي نغضب عليه نكسروا اي شي كان في يدي ,,,,, ولا قدامي ,,,,
والله انا نتقلق بزاف ونحب نقعد وحدي حتى نهدأ ,,,, وادا كنت غالطة نرجع نعتذر ,, اما ادا كنت مظلومة ننسى سبحان الله ومنحكمش في قلبي والوووووووووووو ,,,,,
شكرا

السي محمد

2012-09-12, 12:20

الافضل انك تبتعدي او تنامي يا اختي السطايفية

افضل من التكسير

staifia

2012-09-12, 13:14

صح الحل الافضل الواحد يبتعد او يجلس وحده حتى يهدأ ويرجع لعقله ,,, هكدا من بعدها ما يندمش
بصح الله غالب كي تكون في لحظة غضب والله ما تعرف وش دير لي تلقاه قدامك تنحيه من الطريق هههههه
شكر ا

دموع الحيــاة

2012-09-28, 18:54

لو في البيت

أغضب قليلاً ثم يزول الغضب وكأنه لم يكون ...

ولكن خارجاً

لو كان التواجد مُحتماً فسأتواجد ولا أنظر أصلاً إلى من

أغضبوني...وسوف يكون التجاهل متواصلاً حتى مع زوالِ الغضب .

محمد...عبد النور

2012-09-28, 19:19

السلام عليكم أخي الكريم سي محمد
الغضب كائن لا محاولة من تصرفات البعض و أحكامهم المسبقة التي لا تحتكم الى فهم و عقل فنراهم يتهجمون على غيرهم و يكيلون لهم التهم جزافا ، لا لشيئ الا لأنهم علموا جزئية من شيئ واحد ، كثير و متعدد الجزئيات و اعتبروا ذلك الجزأ هو الكل و قد أخطؤوا خطئا شنيعا و غلطا ذريعا ، فما من متكلم الا و لديه جزئية من حق
لكن كل يتكلم في فضاء معين مثل موجات الراديو كل شخص يتكلم في موجة معينة لا يلتقطها غير فيراه غير موجود
و كمثال على هذا قول أحد الملحدين في وجود الله عز و جل : لا رى الله فهو غير موجود فرد عليه أحد الناس أنا لا أرى عقلك فأنت مجنون أي رد عليه بنفس المنطق الذي يفهم به و عليه فكرة النقاشات لابد أن تستند الى نقطة معينة
يعني نبدأ النقاش من مرجعية على أساسها نبدأ الكلام و الا فستتناثر الآراء تناثر النجوم و لا أحد سيقنع غيره بفكرته و ان كانت فذة و بديعة في الافكار
لكن أرى ذلك جليا في منتدى الاخبار و العجب أراه و كل و منتهج نهجه فهناك من يدافع عن الروافض عليهم من الله ما يستحقون و منهم من يدافع عن القتلة و منهم يبرر الفساد و الفوضى و و و و الله المستعان

و كما قلت بعد الغضب ينتهي كل شيئ و الانصراف الى قضاء حوائجنا و اتمام مصالحنا أهم لنا من كل جدال
بارك الله فيك أخي محمد و جزاك لله الفردوس و والديك
ســــــــــــــــــــــــــــــــلام

اسعى لرضى الله

2012-09-28, 19:28

كي نقلق نروح نرقد كاش ساعة ولا ساعتين ونوض كي شغل ما صرا والو

BAROUD

2012-09-28, 19:36

انا اذا غضبت نخاف لاني ندير كل شيء و ما نخاف من حتئ واحد مهما كان
اذا عرفت اني اني راح نغضب نغير المكان من اول باش اتفادئ

كبسولة الاحلام

2012-09-28, 19:36

اضربه اظربه اظربه او اقتله

سعاذ

2012-09-28, 20:53

السلام عليكم
كي نغضب نسكت ونسكت و نسكت ممكن مانهدرش يومين كاملين
ونخرج و نبدل لبلاصا
كيما يقولوا بدل لمراح تستراح
دمتم في رعاية الله و حفظه

aihemsara

2012-09-30, 01:03

كيما قلت من قبل,, مرات كي نغضب نولي المهاتما غاندي و مرات غولة هههههه
لكن و اللع بعد الغضب و الثورة هاديك ب 5 دقايق يكون واش يكون نرجع عاااادي في بلادي ههههه و الله كانو ما صرا وااااالو
لاني من قبل تقلقت و قعدت مقلقة حتى الاعصاب تاع راسي ولاو يسطرو و رقبتي جمدت وليت نمشي زي روبو و و و
مالا من نهارها بطلت التقلاق

جئت من الجحيم

2012-09-30, 07:03

عقدة نفسية ليس لها حل

أغضب و أكسر
أغضب وأقتل
أغضب و أهدء قليلا ثم أعود وأغضب
أغضب و أشتم
أغضب و أضرب

الغضب سيء و نتيجة الغضب أسوء يأخذك إلى هناك