للشباب الجامعين الذين يعانون مع الخدمة العسكرية

[salim0585]

أرجو من كل الشباب الجامعين الذين يعانون مع الخدمة العسكرية بالمطالبة بحقوقهم المشروعة

لماذا واجب الخدمة الوطنية للرجال وحق العمل للبنات
لماذا 18 شهرا يعني الواحد كي كمل دراسته يلقى روحه شغل محكوم عليه بالسجن 18 شهرا علاااااااااه علاه
نريدها 6 أشهر وكل من لحق عمره 28 سنة يحقو له العفو نعم 18 شهرا لو نخدم فيها ندخل 50 مليون هذي الدراهم على الاقل تخليني نتزوج ونشوف مستقبلي لااااازم مانسكتوش على حقنا ياشباب
صدقوني اخواني لو يرسل احدكم مقالا في جريدة الشروق او النهار لرئيس الجمهورية يمكن ان تحل المشكل ولو انه حكومة راقدة لا تسمع للشعب الزوال لازم نوقفو وقفة واحدة


لماذا الشاب المسكين الزوالي يؤدي الخدمة الوطنية وفي اصعب الاماكن

اينا حقنا يا مسؤولي البلاد

[housseyn27]

kayna hadi hiya akhadra ta3 asah
ko aydirou aljami3iyin 9 moins
ali 3andou aniveaulycee 12 moins
wali 9al 18 mois
hada houwa al3adl wahad ma a9rach ayfawat 18 moins machi al3aks

[salim0585]

يعطيك الصحه خويا لازم الرسالة نتعنا توصل على الاقل في الجرائد الوطنية راهم يحطمو في الشباب راهم لي حاكمين الحكومة اولاد وقوادة نتع فرنسا

[غليزاني 26 سنة]

عندك حق خويا لارمي مفروض على الجامعيين الدكور
الشغل مفروض على البنات
بلااد ميكي

[harague]

يجب مظاهرة كبرى امام وزارة الدفاع

[salim0585]

ان شاء الله يد باليد وتوصل كلمتنا لكل الجامعيين لي يعانو

[صاحب الامل]

جماعة بالهدرة تبني دار

لانو راكم قاعدين وتقولول علاه ما نديروش هكذا وهكذا وووووو...............الخ

لانو الله غالب لوكان نقول غدوة نديرو مظاهرة .............اكيد واحد ما يكون الا فئة قليلة لانو هذا راح يعول على هذا

وبالتالي نتوكل على الله ونروح نفوتها

لانو الهدرة عمرها ما تجيب نتيجة

[souhiel]

انا تخرجت في 2011 زعمة ماستر عندي 26 سنة ومن نهار عرفت صلاحي وانا نقرا بديت نجري على روحي ونشارك في المسابقات ولم اتوفق في اي مسابقة سجلت في لانام لقيت منصب في مكتب محاسبة وكنت نخدم غير الصباح زيدت قفزت ولقيت خدمة في المساء ولتم بديت زعمة نشوف مع روحي ونبني في المستقبل تاعي درجة بدرجة وخممت حتى في الزواج قلت العام الجاي ان شاء الله نزوج وكنت ناوي ندير مشروع وكنت ندرس فيه لكن فجأة حاني امر استدعاء للخدمة الوطنية تم في لبلاد هادي لي يقرا تطفر فيه انا مافهمت والو في هذ لبلاد وكي نلتحق بالجيش المحاسب لي نخدم عندو في الصباح يسنني ولي نخدم عندو في المساء يسنني والراتب تاعي شهريا يوصل حتى 3 ملاين يعني حاب نفهم نخلي خدمتي ومستقبلي ونلتحق بالجيش الإحترافي تعهم والجيش الإحترافي هذا راح يمدلي 3 ملاين كل شهر والمؤسف في الأمر ان الخدمة الوطنية محتمة غير على الجامعيين وحاملي الشهادات وباقي الفئات الأخرى معفية من الخدمة الوطنية ورغم كل هذا لا توجد مظلة قانونية تحمينا نحن خرجي الجامعات لهذا انا مستاء جدا من سياسة الدولة بهذا شأن يعني انا حبيت نوصل كلامي للمسؤولين باه يعطوني رايهم في الحالة تاعي وما اكثر امثالي

[salim0585]

شفت اخي والله كاين حتى لي فوتاها الخدمة العسكرية وراهم يعانو لحد الان اخي واحد منهم ارسل طلب عمل الى شركة وطنية وعندما استدعته هذه الشركة من اجل العمل وقتاها كان في الخدمة العسكرية يعني راحت عليه .
وهذا ليس عدل لو نبقو ساكتين اتفر فينا

[souhiel]

شفت اخي والله كاين حتى لي فوتاها الخدمة العسكرية وراهم يعانو لحد الان اخي واحد منهم ارسل طلب عمل الى شركة وطنية وعندما استدعته هذه الشركة من اجل العمل وقتاها كان في الخدمة العسكرية يعني راحت عليه .
وهذا ليس عدل لو نبقو ساكتين اتفر فينا

والله كرهنا منهم ربي ينتقم منهم واحد ورى واحد ولادهم العسكر هذا مايسمعوش بيه وزيد من فوق مدايرين قوانين ردعية للعصاة ويسدوا عليك كل الأبواب ما لقينا كيفاه نديرو معاهم

[الربيع الزاحف]

الخاوة انا منكم و عندي امر التحاق بصح خممت مليح مانروحش ويصرا واش يصرا خلي يديروني عاصي عمري ماربحت مالا ما عندي ما نخسر

[sofiane9500]

عندي سورسي حتى 15 سبتمبر جاتني لوردبال الدخلة في 15 سبتمبر

ولا دقيقة تنقص

لو ان جميع الحقوق و الواجبات تسير كسير الانتخابات و الخدمة العسكرية لكان حال الشباب و البلاد احسن

[azzeddine24]

راني راح نهبل بعد ما لقيت عمل في شركة خاصة خلاص مليح حالة واحد جديد 3 ملاين وانا في شهر تاسع بعثولي اوردبال كيفاه ندير

[mizouhamza]

وعلاه هوما سمعين بينا يا أخي خلينا من الهدرة هذي بارك الله فيك

[hamzawi18]

خاوتي لزملها مظاهرة مش الهدرة برك نديرو كيما دارو الحرس البلدي

[Buffalo]

للاسف لا حياة لمن تنادي يا اخي ، و هادي مستحيل تصرا

[boubaker007]

عندي سورسي حتى 15 سبتمبر جاتني لوردبال الدخلة في 15 سبتمبر

ولا دقيقة تنقص

لو ان جميع الحقوق و الواجبات تسير كسير الانتخابات و الخدمة العسكرية لكان حال الشباب و البلاد احسن




ya khoya nanshak 3la wejh lah idha kan fi 3omrek 23 wala 24 w ghir rouh 3agabha pk khadma ta3 idmage hadhi mech afair toul w ma3andekch soursi rak mata9dar todkhol hata concours mala takhodh rayi twakal 3la rabi w sali salat istikhara w rouh thana menha dir rouhek rah ta9ra 3am w noss okhra wakhlass rabi yfarege sahbi

[ha91]

من المستحيبلت السبع أنها تلغى هي عندهم هامة جدا

[وتر الأمنيات]

نقصو شويا الكذب قلو 18 شهر نخدم فيهم وندير 50 مليون وانت راك راح تعقبها لكان طارت قهاوي وشيش وترنديف ...... شبعتونا مقروظ مانيش مع السرفيس مي ماهوش معناها نبقو غير نندبو من ورا ليكرون

[salim0585]

يلزمنا وقفة تكون في اول 01 نوفمبر لازم كلمتنا توصل لرئيس الجمهورية القائد الأعلى للقوات المسلحة وزير الدفاع الوطني السيد عبد العزيز بوتفليقة . الحاضر يبلغ الغائب لازمنا وقفة كامل كي لي فوتها وكي لي مزال
انا نضحي في سبيل الوطن ومبعد يجي اولاد المعريفة واولاد القوادة نتع فرنسا يلقوها حاضرة وطايبة

[bellar]

..................

[salah_hyd]

خاوتي علبالي هذا مجرد كلام فقط وقتاش قلنا وطبقنا

...بالتوفيق ان شاء الله

[fenac90]

نقصو شويا الكذب قلو 18 شهر نخدم فيهم وندير 50 مليون وانت راك راح تعقبها لكان طارت قهاوي وشيش وترنديف ...... شبعتونا مقروظ مانيش مع السرفيس مي ماهوش معناها نبقو غير نندبو من ورا ليكرون

انت يلي حاط الناس كل كيف كيف. .. انا واحد كي نخدم هذه المدة نجيب فيها هاذ المبلغ. .. و أكثر. .. و الشيش و الترنديف هذه الله يسترنا منها. .. ياخي شيات هع هع. .

[belkroukri]

نعم يا اخي لازم الفعل ماشي الهدرة لازم نتفاهمو علي النهار لي نديرو فيه هادي المظاهرة

[krimohouda]

هيا خاوتي لازم نتحركو سينو مايديرولنا واااااااااااالو
نتفاهمو على وقفة إحتجاجبة ليد في ليد إنشاءالله نجيبو حقنا
واش رايكم شوفو الوقت والمكان المناسبين والقدام إنشاء الله

[اسامة الامبراطور]

راني معاكم ليجان يلزم نديرو حل و راني سير بلي جميع الشباب يكونو معانا
يلزم تبدا من شبكة اجتماعية و ناس لكل تعرف
ناكتيفيو شوية خاوتي

[idris285]

السلام عليكم :
يا جماعة السورسي الميت
لستم شيئ بلا سورسي واحد نقولو للرايس وواحد نديرو في نوفمبر واحد لازم نتحركو ا.....................

ويقبوها 06 أشهر ومعرف هذي هدرة نتاع قهوة
الصح بلي السلطات المحلية راهم يديرو في الإحصاء للقوائم ولازم أكل تجي تجوز العامين وزيادة البلاد مهيش مليحة روحو فوتو العامين نتاعكم وأسكتو خيرلكم .........

[kadi 23]

كيف نروحولهم وندفعو دوسا باه ندخلو للجيش ميقبلوناشولاباحرى لبوسط بدوهم صحاب لمعارف
وللخدمة وطنية يحوسو عليك من بلاصة لبلاصة تقول قاتل رقبة ولاعامل عملة مش ملاحة
هدا غير باه يدوك للخدمة الوطنية يدوك كون حتى تكون معوق بصح كيف تدفع دوسى
لجامى قرى يدخل بلا ما يعدى لللافيزيت والجامعى ليعقب لافيزت من الف الى ياء
يقولولو رك مقبول خلي رقم تيلفونك نهار دخول نعيطولك ياو كرهنا من كدب والحقرة تعكم
كون مترشويش ولا ميكونش باباك ولا عمك جينرال انت اول وحد تعقب الخدمة الوطنية
واصحاب لكتاف يدولك البوسط تيعك وهم رقدين والله كرهنا من سياسة هدى لبلاد
تجى تفهم تعيا نقولو ربي يصلح احولا وخلاه

[aissantaa]

فات اول نوفمبر ومادرتو والو انا دا وين قريتها وما نوقف معاكم ايا في مارس نروحو ان شاء الله

[yacine-08]

رانا معاكم يا ليجان

بصح مطالبة بالحق تكون بطريقة سلمية وحضارية

ومن الافضل بداية جلب الاهتمام للقضية بالكتابة الى مختلف الجرائد كما تطرقت في الموضوع

حتى تصل الرسالة الى مختلف الشباب و يستفيق .

[torki]

رانا معاكم يا ليجان

بصح مطالبة بالحق تكون بطريقة سلمية وحضارية

ومن الافضل بداية جلب الاهتمام للقضية بالكتابة الى مختلف الجرائد كما تطرقت في الموضوع

حتى تصل الرسالة الى مختلف الشباب و يستفيق .

والله يا اخي واش من جرائد تهدر عليها البرقوق والظلام
ربي يهديك
هادوك هوما الاولين في ضرب الشيتة

[yacine-08]

والله يا اخي واش من جرائد تهدر عليها البرقوق والظلام
ربي يهديك
هادوك هوما الاولين في ضرب الشيتة
على الاقل نحن نعمل المطلوب منا ونطرق كل الابواب

فنقوم بارسال رسالة نطالب بها بحقوقنا و نعرض فيها ظروفنا و شكاياتنا

فادا تم عرضها من طرفهم فاهلا وسهلا

وادا لم تعرض المهم نحن قمنا بالمجهود المطلوب

[lamine-or]

ان شاء الله نديرولها حل

[kadi 23]

ياجماعة يجب فتح صفحة على الفيس بوك لاصال صوتنا اكافة الشباب الجامعى
على اخوة تبنى صفحة للمطالبة بحقوق تسوية الخدمة الوطنية لجامعيين
ان شاء الله نديرو اليد في يد ونوصلو صوتنا

[midou 01]

يجب علينا التظاهر يآ إخواني ،، والله لوكان نبقاو كيما هاك راه كلانا بوبي

[DOllARMaN]

والله عندك الصح

[sidali-katini]

salam ...il ya un solution ils doivent payer 3 millions par mois.....................

[Rissou]

توجد صفحات و مجموعات على المواقع الاجتماعية لكنها مشتتة. أقترح تكوين تنسيقية وطنية ثم الاتفاق على يوم واحد للاحتجاج حتى لا نتهم باللاوطنية و هذا شاوي و هذا قبايلي وما إلى ذلك من الأغاني المعتادة. و تحيا الجزائر

[Rissou]

إليكم هذه الصفحة و المجموعة بعنوان "حملة جمع مليون توقيع لتقليص من مدة الخدمة الوطنية" على الفايس و هي لعضو في المنتدى