لو أحدكم في مكاني ماذا يفعل؟؟؟؟؟

[ام مريومة]

أعطاني زوجي هدية في اول مرة نروح فيها رحلة و في كل مكان كنا نزوروه نشرو فيه ذكرى وانا أخذت هاذ الهدية و الذكرى تع الرحلة و خبيتهم في خزانتي وكانو مغلفين انا راني مقيمة خارج الوطن كي رجعت لهاذي البلاد عجوزتي قلبت الخزانة و جدت ساشي فيه دوزان وقالت لوليدها وين راكم حاطين الساشي اللي فيه الحاجة الفلانية و انا كيما قلت كم كانو الدوزان مغلفين يعني وين عرفت لوكان محلتهمش و داتهم و شبحتهم وانا كنت مخبيتهم لداري زعفت بزاف عليهم ماشي لقيمتهم المادية لكن لقيمتهم المعنوية و طلبت من زوجي يفهم يماه بلي هدوك هدية من عندو ليا
لوكان راكم في مكاني واش رح ديرو

[safa16]

أي واحد منا عندو وجهة نظر معينة لكن تختلف باختلاف التجربة الحية فلكل واحد منا ردة فعل تجاه هدا الموقف مغايرة. وعليه فانا مثلا لو وقعت في هاد الموقف راح نسكت ماعندي ما راح ندير لانو هنا ندخل في متهات .قصدي ان الزوج راح يحرج من موقف يماه أي راه ديجا حدتلوا مكان ليكادوا لانوا هنا راهو عارف بلي راكي حرصت كل الحرص على انك تحتفظي بليكادوا . واش تجي في بالك تروحي وتقولي لزوجك يردلك الهدية من عند يماه . لكن هنا ماتحرجيش زوجك لان يماه تاني عزيزة عليه و مايحتاجش انو يغضبها عليه .
.....................لكن لكي ماتوقعيش في موقف كيما هاد مرة اخرى احتفظ با لهدايا في مكان اخر او خليهم عند انسان قريب كتير منك . لان الهدية عندها قيمة كبيرة جدا.

[z.abdo]

السلام عليك أختي

أولا أقول ربي يقوي عزيمتكم لأنك خارج الوطن وبعد :

يجب أن تعرفي أختي أن بعض العجائز لا يعرفون معنى القيمة المعنوية التي تتكلمي عنها ممكن جهلا وليست متعمدة


وتحصل كثير من الإحتلافات بسبب إختلاف المفاهيم والرؤى لكل واحد لكن يجب الصبر لأن هذه من ولدت لك قرة عينك

ويحصل كثيرا مثل حالاتك أن تدخل أم الزوح دون أن تطرق الباب أو تبعثر قش الكنة و الفضول لمعرفة الممتلكات ... الخ

عيلك بالصبر اختي

[sihem30]

الصراحة قد اتسامح في الموضع و اترك لها الهدية باعتبار انها أمه و ستفرح بالهدية و لكن إذا كانت هذه العجوز شريرة معي فسيختلف الامر لأنني سوف اتركها تأخذ هذه القيمة المعنوية من باب الانسانية كي تفرح بها و لكن سأنزعج ربما في نفس اللوقت ....... و الله اعلم ...

[mahmoud57]

أعطاني زوجي هدية في اول مرة نروح فيها رحلة و في كل مكان كنا نزوروه نشرو فيه ذكرى وانا أخذت هاذ الهدية و الذكرى تع الرحلة و خبيتهم في خزانتي وكانو مغلفين انا راني مقيمة خارج الوطن كي رجعت لهاذي البلاد عجوزتي قلبت الخزانة و جدت ساشي فيه دوزان وقالت لوليدها وين راكم حاطين الساشي اللي فيه الحاجة الفلانية و انا كيما قلت كم كانو الدوزان مغلفين يعني وين عرفت لوكان محلتهمش و داتهم و شبحتهم وانا كنت مخبيتهم لداري زعفت بزاف عليهم ماشي لقيمتهم المادية لكن لقيمتهم المعنوية و طلبت من زوجي يفهم يماه بلي هدوك هدية من عندو ليا
لوكان راكم في مكاني واش رح ديرو

عليك بالصبر وتستطيعين تعويضهم مرة أخرى بأشياء عصرية والألفة بينك وبين زوجك لن تتوقف على هدية
وبضياعها ضاع معناها عندكما

[الزبرجد]

أنا من رأيي أختي أن لا تجعلي هذه الأمور جوهرية في حياتك
فصحيح أن للهدايا قيمة لكن لاحترام مشاعر الأم قيمة أكبر من الهدية
وصدقيني من ترك شيئا لله أبدله الله خيرا منه


والحقيقة أن تدخل الأم في أمور شخصية شيء سيء لكن فلنفكرفي الأحسن وأنا أتصور أن الزوج الأصيل لا يستطيع أن يقول لأمه أرجعي الهدية ولا أن يغلق الباب في حضرتها لأنه تخوين لها وإساءة لها

لذلك لو كنت في مكانك
أتبرع بها لوالدة زوجي لأنها والدة ولأني أتصور لو والدتي حدث لها هذا الموقف ستحزن

هذا رأيي

رأيي من رأي أختي

لأن هذه الأمور تعتبر قطرات تملأ الكأس

و إذا حدث و فاض الكأس يا إما يعصف بيك أو يعصف بيك

أما يعصف بيك الأولى : ألا و هي أن الزوج الكريم يختار أمو عليك .و يخليلك الهدايا ذات القيمة المعنوية تشبعي بيهم

و أما يعصف بيك الثانية : و هي أن الزوج الكريم يختارك على أمه و هنا اذا كنتي بنت فاميلية راح تحسي بالوضع اللي راكي فيه

و تحسي بحجم الخسارة اللي خسرتيها ألا و هي أنك كنتي عون لابليس على زوجك حتى خرج عن طاعة والديه

ملاحظة : الرجل لما تشكيلو من أمو مش رايح يعاونك في شيء ....الا انك تحطيه في احراج فقط

[salam algeria]

اختي كون جيت في بلاصتك راني نبقى نغلي بيني و بين روحي و يمكن ثاني مع زوجي لكن اني نطلب منو يرجعهالي من عند امو هاذي كبيرة بزاف انا ما نقدرش نحطو في موقف كيما هذا و هو ما رايحش يتقبل مني هذا الطلب و على هذا نوكل امري الى الله و نتقبل التكليحة و ما نزيدش نخلي حتى حاجة عندها
و الحمد لله انا راني عندي وحد الحماة و نحبها بزاف و كي رحت لدزاير عاملتني خير من ماما لي ولدتني ربي يحفظهالنا و يحفظلنا والديا ان شاء الله

[soheib+206]

الصبر هو مفتاح الفرج .......... وربي يهدي النفوووس

مزية ماراكيش عايشة مع عجوزتك هههههههههههههه

[كاميلا]

اغلب المشاكل في الديار هي التدخال والتجسس ربي يكون في عونك

[sarra sarita]

ana loukan jit f mkanak nechrikha kima houma w nedi li madhomli zouji

[الحطاب سهام]

سؤال فقط ولو كانت ماماك هي الي دارت هذي الخدمة مع زوجة خوك؟؟؟هل كون كانت ردة فعل كنتكم مستفزة هل كنت ترضين بهذا؟؟؟؟اختي انا الصراحة هذيك مهما كان هي المراة الي جابت هذاك الراجل وتعبت باه توجده وتربيه وانت تلقايه واجد باه يعيشك في احسن عيشة امالا اختي حتى واخذت الام عينين وليدها ماشي خصارة فيها اكسبيها باه تكسبي راجل احسن وكي تتغاضي على هذا التصرف صدقيني راكي رايحا تزيدي تكببري في عين راجلك ويهديلك عمرو وقليل عليك

[ام مريومة]

سؤال فقط ولو كانت ماماك هي الي دارت هذي الخدمة مع زوجة خوك؟؟؟هل كون كانت ردة فعل كنتكم مستفزة هل كنت ترضين بهذا؟؟؟؟اختي انا الصراحة هذيك مهما كان هي المراة الي جابت هذاك الراجل وتعبت باه توجده وتربيه وانت تلقايه واجد باه يعيشك في احسن عيشة امالا اختي حتى واخذت الام عينين وليدها ماشي خصارة فيها اكسبيها باه تكسبي راجل احسن وكي تتغاضي على هذا التصرف صدقيني راكي رايحا تزيدي تكببري في عين راجلك ويهديلك عمرو وقليل عليك

ختي انا يما الله يرحمها ماتت على هاد الشئ اللي شاورت كم لوكان كانت ماما حية نشاورها هي و عجوزتي هي صح ام زوجي و على العين و الرأس و لأكن كل واحدة فينا عندها خصوصية متحب حتى و احد يدخل فيها حتى و يكونو اقرب الناس و انا كيما راني نقصد الوالد راني نقصد اهل زوجي و عجوزتي كيما عطاتني وليدها هي قبلي عطاتها عجوزتها وليدها و هذه سنة الحياة أختي
سؤال فقط انت متزوجة ؟