قانون الإعفاء بعد عامين من التخرج؟

[luckylook]

السلام عليكـم


قانون الإعفاء للمتخرجين بعد عامين من التخرج هو قانون مصادق عليه من قبل. وفي النظام العسكري لا يلغى قانون إلا بصدور قانون آخر يلغيه وإلا فهو يبقى ساري المفعول. هذه معلومات مؤكدة لا غبار عليها

يا إخوتي الأكيـد أن قـانون الإعفـاء لخريجي 2010 موجود ومصادق عليه منذ شهر ماي الفـارط، وقد تأخر الإعلان عنه لأسباب داخلية منها أن بعض المسؤولين في مقر الخدمة الوطنية تغيرو، وهذه معلومات من كولونال في الجيش والذي أكد أن الإعلان عنه سيكون بعد دخول دفعة سبتمبر هذا..

وربما لم يعلن عنه قبل سبتمبر كي يدخل في هذه الدفعة أكبر عدد ممكن


أحد الشروط التي وضعت في القانون هي أن لا يكون المعني عاصي (réception de 3 ordres d'appel) وأن يكون قد اجتاز الفحص الطبي، لكن هذا لا يمنع أن يكون هناك تساهل أو أن تكون صرامة أكثر في تطبيقه

فنصيحــة: اللي جاتو الأولى ما يروحش وما يجبدهاش..نستناو هاذ الستة أشهر لعل فيها خيــر

ربي يسهل لينا وليكم خاوتي

ســـــــــلام

[oussa challange]

شكرا لك اخي لكن من جهتي عامين وانا نتخبط في المشاكل والفقر حتى ماي 2012 كل مرة يوعدوني بالقانون 2010 وانا نهار اللي رايح نجوز يزيد يجيني امل صغير بصح هل نامنك والا نكسح راسي ونروح
لوكان نزيد شوية نهبل صاحبي

[rachid_com]

صح أخي حب نسقسيك
أنا خرجتلي 2eme orderappele مع الورقة البيضاء النروح و لا لا

[سفيان31]

نعم اوافقك الراي اخي

لكن المشكل حتى لو خرج الاعفاء فالبعض لا يستفيد

مثل ما حدث لدفعتي 2009 - 2008 وتم تحويلهم للمحكمة العسكرية

فالاحسن الى قادر يروح يروح يفوتها افضل

[مجيد 88]

لازم تروح والا بعد 6 اشهر تولي عاصي وروشارشي وهدا القانون ماكانش منوا ارجوا ان يتم غلق الموضوع لانو كرهنا من الاخبار الكادبة

[mizouhamza]

لا قانون ولا شي وهل نحن نعيش في الدولة نحن نعيش في غابة القوى يأكل الضعيف ... اذا أحس المسؤلون أنه يوجد خطر على مناصبهم يقومون بذر الرماد في العيون بهذا القانون وهذا لامتصاص الغضب وفقط ...

[zafiina]

اين المصدر.... كرهنا من الاقاويل

[mizouhamza]

صح أخي حب نسقسيك
أنا خرجتلي 2eme orderappele مع الورقة البيضاء النروح و لا لا

والله غير روح يا خوياااااا لا قانون ولا هم يحزنون ولكان عندك ملف الكفالة ولا ملف طبي أديه معاك بالتوفيق

[rachid_com]

والله غير روح يا خوياااااا لا قانون ولا هم يحزنون ولكان عندك ملف الكفالة ولا ملف طبي أديه معاك بالتوفيق

بارك الله فيك أخي

[luckylook]

الشيء المؤكد خاوتي أن الإعفاء بعد عامين من التخرج قانون معمول به، ولم يتم إلغاؤه، ولو ألغي لتم إصدار القانون الذي يلغيه..أما متى يصدر فالله أعلم..
قلت أن كولونيل في النظام هو من أكد لنا أن القانون لا يزال ساري المفعول

والله يجيب الخير

[KHALED B]

ما فيها لا قانون لا والوا من مارس 2011 وهوما يقولو قانون
ههههههههه

[h4ni]

السلام أخي
قبل احداث الربيع العربي, القانون كان يصدر للذين انهو الدراسة قبل 3 سنوات و ليس سنتان
العام لي فات عفاو دفعتي 2008 و 2009 في نفس الوقت
بما ان الأمور هدأت نضن راح يوليو كي بكري, يعني لي انها الدراسة قبل 3 سنوات, و طبعا لازم يكون منسي, لأنو لي عندو أمر بالالتحاق لا يستفيد
هذا كله باش نقلك انو اعفاء 2010 بنسبة كبيرة لن يكون قبل جوان 2013

[djaberben1]

أنا متخرج في 2010 وجاتني غير إستدعاء واحد في سبتمبر 2011 ......واحد السيد تطوع من نفسوا وشافلي في مكتب الخدمة الوطنية في قسنطينة( الناحية العسكرية) قالي راه جاك إستدعاء واحد فقط وبالاك تسجل فالجامعة ولا أي معهد أو مدرسة تكوين قريب ةجدا يخرج الإعفاء تاعكم..........نصيحة لخاوتنا لي ماجاتهمش أمر بالإلتحاق ولا موش عاصي مايروحش هاذ المرة

[الربيع الزاحف]

انا امر التحاق بصح والله مانروح ندي المثال على هاني ههههههههههه نولي عاصي سامشي في خطاياك يا هاني

[moug med]

يا خيوتي ما تمن حد حد ،فوتوهم و اتكلو على ربي

[h4ni]

انا امر التحاق بصح والله مانروح ندي المثال على هاني ههههههههههه نولي عاصي سامشي في خطاياك يا هاني

يا أخي’ نصيحة من عندي, غير روح فوتهم و اتهنا
اذا عندك كاش ملف طبي او كفالة اديها معاك
لآنو باش تبقى عاصي كي حالتي و تعيش في الخوف, و الله ماهي معيشة

[الربيع الزاحف]

و الله ماني رايح راهي ليهم ياكتوها انا خديت قرار