بحث عن عمل أو كراء الدبلوم الخاص بي

[hassen2_9]

السلام عليكم، انا مهندس في تسيير التقنيات الحضرية متخرج منذ 2008 بدون خبرة في المجال لان الكثير من مكاتب الدراسات والمقاولات رفضت توظيفنا بحجة عدم معرفة الاختصاص؟؟؟؟؟؟؟ أبحث عن عمل في مجال التخصص في أي منطقة في الجزائر أو كراء الدبلوم الخاص بي للمهتمين بذلك،وهذا رقم هاتفي 0662817637

[david300]

ربي يرزقك باخدمة .....لا انصحك بالكراء

[بنـــ الشاوية ــت]

حرقتلي قلبي والله دمعة طاحتلي ربي يفرج عليك يا اخي

[salah_hyd]

....الهجرة لمن استطاع

...بالتوفيق ان شاء الله

[sofiane9500]

لا انصحك بما عاد يسمى الكراء

دبلوم متحصل عليه بعد خمس سنوات يستفيد منه بعض الانتهازيين مقابل مبلغ ضعيف جدا

انصحك بالتقرب من جديد بنفس المكاتب او المقاولات قصد توقيع عقد الادماج المهني و للتتاكد انك ستجد 100/100 بادن الله

حتى ياتيك الفرج بعمل قار

[المحترف اسطايفي]

خويا انا انوصيك بالاك بالاك ثم بالاك تكريه راه تندم عليها بزااااف ,,,انا انقول كيما خويا الي سبقني دير بيه ادماج حتى ربي افرج وربي اكون معانا راني خويا كيفك نفس الوضعية ,,,, الشدة في ربي

[hassen2_9]

السلام عليكم، شكرا للأخوة الكرام على النصيحة، اما الأخت بنت الشاوية ماتطيحلك الدمعة ما والو هذي يسموها المكتوب، المشكل ليس في أو في الأخوة والأخوات اللي قراو نفس التخصص نتاعين المشكل في الوزارات اللي فتحو تخصصات في الجامعة بدون معرفة أي شيئ عنها، والأكثر من ذلك جهل أهل الاختصاص بالاختصاص من مقاولات ومكاتب الدراسات،أما الأخ اللي تطرق للهجرة واش نقول بالنسبة ليا الهجرة أخر حل بالنسبة، لأنني ببساطة كنت مهاجر وشفت بعيني واش كاين لثم ما حكالي حتى واحد، الانسان يدير كل السبل في بلادو باش يستقر هنا واذا تغلقت كامل المنافذ كاين منفذ الهجرة اللي هو السلاح الأخير بما أنو لدي الاقامة هناك، ونصيحة اللي يحوس يدير المال ويعيش هاني من جهة ربي وما يفرطش في دينو ويربي أولادو كما يحب ربي ورسوله يعيش هنا والخارج للدراسة والاستجمام لا اكثر ولا اقل

[هشام_525]

يا الإخوة ممكن تشرحولنا علاه راكم تقولولو لا داعي لكرائه
أنا عندي دبلوم سأرميه مجانا لذا لو وجدت من اكريه له فلن أتردد لحظة

[غصن زيتون]

ياخي متخمم متكسر راسك رانا قع في نفس الحالة وفي بعض الحالات نحس في نفسي بلي راني غير مضيق في هدا البلاد وساعات نخمم نحرق ديبلومي ونهني راسي وننسى حاجة اسمها شهادة مهندس و6سنوات في الجامعة ونشمر على يدي ونخدم

[algerien w noss w 25]

...بالتوفيق ان شاء الله