أتمنى المساعدة

[مشكلتي]

بسم الله الرحمان الرحيم انا اول مرة اشارك في هاذا القسم واتمنى المساعدة اواجه مشكلة عويصة في الاختيار لم انجح في البكالوريا مرتين و هاذا العام المرة الثالثة عزمت هاذا العام ان اضاعف الجهد و احاول ان انجح و اردت ان اشارك في المعهد للتكوين اعلام آلي وجدت آراء كثيرة منها يقولولي تضيعي في الوقت يرايك من الباك ومنها كان قريتيهم في 2 تضيعيهم 2 صدقوني وحلت و مالقيت واش ندير مرة نقول نقرى للباك برك و مرة نقول مانديعش الوقت نزيد نقرى اعلام آلي معاها لكونكور قريب وانا حايرة من الصيف ماقدرتش نقرر لدرك الناس المجرية ماتبخلوش عليا بالنصائح تاعكم و شكرااا

[nasser26]

شوفي أختي الكريمة راح نقولك التجربة تاعي الشخصية :

أنا تاني قالولي واش أكي تقولي مي الارادة تاعي كانت ضد كل شئ

هذا العام : حوزت البكالوريا للمرة الثالثة و تحصلت عليها الحمد لله

مع أني موظف نخرج من العمل عالرابعة مساءا نروح مباشرة لمركز التكوين المهني -تقني اعلام الي- نخرج عالمغرب وزيد مسجل في جامعة التكوين المتواصل سنة اولى قانون اعمال والبكالوريا كنت نقرا فالليل حتى ساعة متاأخرة صح كان شوي ظغط مي الحمد لله كلشي جابو رب العالمين

خرجت العام تاع جامعة التكوين المتواصل
تحصلت على البكالوريا
أتممت التكوين تاعي

الحمد لله


أختي حكيتلك باش نوصلك فكرة متديري على حتى واحد الارادة تاعك توصلك خليك من هدرة الناس وديري في بالك لي يحسدك أكثر من لي يحبلك النجاحات

توكلي على ربي و شمري على ذرعتيك

[سهام1]

لقولك حاجا اختي قرايتك ثم قرايتك متفرطيش فيها جارتنا عاودتها خمس مرات قاتلي يا انا يا لباك و دوكا را ها خداما بشهاداتها الجامعية دات لباك و قرات هندسة معمارية و تخرجت و من تتفكر هدرت ناس ليها تقولي لحمدو للله لي كملت و ربحت قرايتي و ما سمعت لحتا واحد يا اختي كملي قرايتك و ماتمليش لقرايا عمرها ويلا تندمي عليها و ربي يسرلك

[z.abdo]

انصحك كاختي أن تكملي دراستك ........

[اسعى لرضى الله]

كملي دراستك ومتاسيش خويا المرة الخامسة باش دا الباك ودك راه العام هدا يكمل قرايتو وكون تبع هدرة الناس راه حبس قرايتو وقعد يتفرج

[bass_inf]

كملي اقري اعلام الي ... وعقبي الباك
برك حافظي على وقتك و استغليه مليح
تكسبي ان شاء الله الباك معاها شهاده واحد اخرى تاع اعلام الي
وتنفعك في المستقبل اتحطيها في دوسي التوضيف ان شاء الله
بالتوفيق