بنت البلاد ولا ..

[مشكلتي]

السلام عليكم ورحمة الله وبركاته

أود رأيكم في أمر حيّرني

أود خطبة فتاة تعرفت عليها في الجامعة تبعد عن مدينتي 1200كيلو وأكثر

محجبة خلوقة حشومة جميلة بالمقابل تلقيت من أقاربي وأهلي معارضة ليست حتمية
بحيث اغلبهم قالوا لي راها بعيدة عليك ..واش اداك .. ادي بنت البلاد ( انسابك قراب .خوال ادراري قراب. الفرح ولا القرح قراب منك واش اداك لداك البروالمصروف لازم كل مرة تروح ليهم مصروف مليييح ..)

الحقيقة اسمعت لهم ..وقلت لبنت الناس اسمحيلي كنت أود خطبتك لكن البعد مشكل...

لكن بعد مدة بديت نخمم عليها كزوجة ...

(فما رأيكم هل أقدم على هذا الخطوة..وأخطبها..أم بنت البلاد أحسن وقريبة ليا....

[- بصمة خير -]

هذه الامور غيبية و العلم عند الله وحده

الحل هو صلي الاستخارة -أكثر من مرة في اليوم-

و من اجل التأكد ابحث في الانترنت على الطريقة الصحيحة لصلاة الاستخارة مثلا هنا -> http://www.saaid.net/bahoth/41.htm

صلاة الاستخارة مش حلم

انت صلي الاستخارة مع المداومة في نفس الوقت اللي راك تصلي فيه تقدم لخطبة البنت

اذا كان التسهيل خير -> ممكن امك ترضى و هي الي تعاونك

ممكن اهلها يقبلوا بك و مايكونش عندهم مشكل البعد و الف سبب و سبب

و اذا كان الصعوبة ابتعد -> ممكن اهلها يرفضوك بسبب البعد

ممكن تكون تزوجت يعني الف سبب و سبب

[Zakyy]

سلام...
مثلما قالت لك الاخت عليك بالاستخارة
وفقك الله

[الدر المكنون]

الاستخارة هي الحل الامثل عند تعارض الافكار

[fatif123]

البعد لازم تدرسه مليح
1200 كيلو
نظن بزاف

كم باه تشوف أهلها ووو

مازال تسمع من أخواننا

[dotZero]

و الله أنت و دراهمك
صلي الاستخارة و رب العالمين ما يجيب إلا اللي فيه الخير
الحجة تاعهم ماشي رفض غير على البعد برك
ربي يوفقك

[loulou02]

يا أخي البعد ليس مشكلة ، و ناس بكري يقولو "البعد يجيب السلام "أنا تبانلي مدام أنت عجبتك البنت و راك باغي تكمل حياتك معاها و تجيبو وليدات توكل على ربي وروح أخطب ، البعد مليح مايجيبش المشاكل و تكون زياراتك لأنسابك عزيزة ماشي كيما القرب كل يوم تقولك زوجتك راني رايحة للدار...............و هكذا تبدى معضم المشاكل
إذن إتكل على ربي و دير النية و روح كمل نصف دينك مع لي حبيتها .

[ibrahimm]

يا اخي كاين ناس بعيدة عن اهلها الاف كيلومترات و يجو مرة في الصيف

انا من راي تتقدم لخطبتها خاصة انها عجباتك و البنت تعرفها و تعرف اخلاقها احسن من بنت متعرفهاش

و القرار يرجع لك

[سهام1]

يا خويا و الله ما تعرف لخير وين راه لا في لقريبا و لا في لبعيدا ادا كانت بنت عاقلا و بنت فاميلا صلي صلاة الاستخارة و تكل على الله و روح خطبها كاين وين تلقاها قريبا و تكلفك اكثر من لبعيدا و ربي يسرلك خويا

[yasmina31]

البعد عمرو ماكان عائق انت صلي صلاة الاستخارة و ربي راح يسهلك لي فيه خير ليك

[عبد الناصر 17]

نصيحةمني اقرايهم في زوج اي ابدلي مجهودك والباقية على ربي سبحانو ونتمنى ربي يوفقك

[أم محمد و آيه]

البعد سوى سبة برك ادا صح تبغيها وناويها للحلال توكل على ربي

وصلي صلاة الاستخارة ....

حتى أنا تخطبت من بعييييييييد بزااااااااف موووور البحر ....

و الله يسهل على كل مومن ان شاء الله

[أَحمــد]

البعد بحيث أنك تذهب لأهل زوجتك في نفس اليوم وترجع لا بأس به

لكن 1200 بعيد شوية , ويبقى كل شيئ بالمكتوب وقبل ما تعول تفاهموا على عدد الزيارات في السنة

بالتوفيق لك

[aihemsara]

الله يهدي عايلتك صح راهم يخمو عليك لكن البعد عمرووووووو ما كان مشكل
انا نسكن في الشرق و رايحة للعاصمة ماشي بعيدة؟ و الثلاثاء هادي بعد رايحة نعقد .. بصح جامي خممنا في الخوال قراب و المرض و القرح و و و و
انت اتزوج و هاديك خليها عند عالم الغيب
و كاين تاني وحد الاخت في المنتدى من سكيكدة و تزوجت عندها 10 ايام في عين تيموشنت !!
امالا اذا البنت هادي ناس ملاح و ناويها صح للحلال اتوكل على ربي

[ندرومة49]

والله أنا مثلك تقريبا نفس المشكل

لكن استفدت من الردود كثيرا ومن موضوعك ربي يسهلك إن شاء الله

[فتـ حييةـاة]

المهم تكون زوجة متربية وبنت اصل حتى وكانت تعيش فالمريخ ماعليش واش فايدة جارتك وتركبلك السكر

[بنت الحاج]

وعليكم السلام ورحمة الله وبركاته
أقول لك ما قال الشاعر:
إذا كنت ذا رأي فكن ذا عزيمة === فإنّ فساد الرأي أن تتردّدا.

ربي يوفقك لما فيه الخير كما قال لك الإخوة من قبلي استخر الله ومن ناحية الاستشارة قد فعلتَ وردّ عليك الكثيرون.
وبُعْدُ المسافة لم يكن عائقا أبدا أمام تكوين أسرة ، وحتى إن لم يتسنّ لكم زيارة أهلها بكثرة فوسائل الاتصال الحديثة تغنيك عن مشقة السفر ريثما تتيسّر لكم فرصة، والأمثلة عن هذا الأمر كثيرة والحمد لله.

أَقدِمْ على هذه الخطوة..واخطبها

[رُوح طِــஐـــفلة]

السلام عليكم
أنا منوافقش الأعضاء لي قالو البعد ماشي مشكل
ماراهيش 200 و300 ياجماعة راهي 1200 كلم يعني من الحدود للحدود
ياخويا البعد بزاف ماشي مليح
اولا الطفلة تحس روحها غريبة بزاف سيرتو اذا طولت ماشافتش دارهم
ثاني حاجة لازمك ميزانية مليحة باش تزور اهلها
ثالث حاجة اختلاف تام فالعقلية والعادات

هذا رأيي الشخصي من الواقع
وانت صلي الاستخارة
ولي فيها الخير يجيبهالك ربي
فالأخير مكتوبك واحد ماينحيهولك
وربي يسرلك امورك ان شاء الله

[مريم تعود]

السلام عليكم اخي كيفاه تفكير اهلك بنت خالك وبنت عمك على جال قريبة ليك وشنو هذا خويا راك ناويها وحابها هي روح وأخطبها حتى لو بعد 5000 كلم الدنيا طورت والنقل فبلادنا الحمد لله عرف تطور كبير يعني وين المشكل وكان اهلها ما يرفضوش لنفس سبب رفض اهلك خلاص عادي ربي يجيب الخير ويوفق بيناتكم من ٍ راي بما إنو عاقلة ومتربية وخلوقة روح وما تستناش عادي البعد وهذي العقلية خلاصت من زمان موفق

[منتهى الرقة-*]

اي بعد هذا الذي يجعل من هذا الامر مشكلا

انا امي بعيدة 1200 كلم عن اهلها نحن في الغرب و اهلها في الشرق و عادي لا توجد اي مشكلة

[الحطاب سهام]

هي صراحة الغربة صعيبة ولكن صدقني اخي بعد انجاب الاولاد المراة خلاص اولادها ينسوها حتى في نفسها والحمد لله الان راهي كاينا وساءل الاتصال واهمها السكااااااااااااايب اما اختلاف التقاليد فهذا ليس بعائق ابدا اذا احبتك فعلا سستاقلم وتتعلم تقاليد بلادك .هي فقط الحل في يدك اخي وسؤالي هل انت قادر ان تعوضها عن حنان والديها وعطفهم؟؟؟اذا كانت الاجابة بنعم فتوكل على الله المراة منا لا تبحث الا عن الاسقرار والسكينة وبناء بيت يسوده المودة حتى ولو كان الزوج يعيش في القطب الشمالي المهم ان يعوضنا وحشة الغربة والشوق الى الاهل بحنانه وطيبة قلبه

[الحطاب سهام]

هي صراحة الغربة صعيبة ولكن صدقني اخي بعد انجاب الاولاد المراة خلاص اولادها ينسوها حتى في نفسها والحمد لله الان راهي كاينا وساءل الاتصال واهمها السكااااااااااااايب اما اختلاف التقاليد فهذا ليس بعائق ابدا اذا احبتك فعلا سستاقلم وتتعلم تقاليد بلادك .هي فقط الحل في يدك اخي وسؤالي هل انت قادر ان تعوضها عن حنان والديها وعطفهم؟؟؟اذا كانت الاجابة بنعم فتوكل على الله المراة منا لا تبحث الا عن الاسقرار والسكينة وبناء بيت يسوده المودة حتى ولو كان الزوج يعيش في القطب الشمالي المهم ان يعوضنا وحشة الغربة والشوق الى الاهل بحنانه وطيبة قلبه

[Marisssa]

يا أخي البعد ليس مشكلة ، و ناس بكري يقولو "البعد يجيب السلام "أنا تبانلي مدام أنت عجبتك البنت و راك باغي تكمل حياتك معاها و تجيبو وليدات توكل على ربي وروح أخطب ، البعد مليح مايجيبش المشاكل و تكون زياراتك لأنسابك عزيزة ماشي كيما القرب كل يوم تقولك زوجتك راني رايحة للدار...............و هكذا تبدى معضم المشاكل
إذن إتكل على ربي و دير النية و روح كمل نصف دينك مع لي حبيتها .

[Golden Princess]

مثل ما تفضلوا الاخوة الكرام ....صلاة الاستخارة هي الحل

و الله يوفقك في اختيارك