انصحونـــــــــــي و ساعدوني 14.95 مادرت بيها والو ممكن ترونسفير او معهد !!! جزاكم الله خيرا

[عماد ياسر]

السلام عليكم اخواني

تقبل الله صلاة الجميع
المهم نلنا شهادة الباكلوريا بتقدير جيد و معدل 14.95 .. ديت 15 في المات 15.5 في العلوم و 16 في الفيزيك و لاحوني مناجم في بجاية ب12 مع العلم اني شعبة علوم تجريبية

لكن ماقدرت ندير والو المحروقات +15 و كذلك الطب و الجراحة ... مابقالي والو حتى معهد الاتصالات بوهران بعد انتظار طويل جاءت القائمة دون اسمي


و الله ان محبط تماما و ارجو مساعدتكم و نصيحتكم .. اي معهد او جامعة و تخصص مليح ممكن يقبلوني فيهم
في انظاركم

[algerino1212]

و الله يا خويا راني كيفك بالضبط

تحصلت على 15.10 علوم تجريبية و ما عرفتش واش راح ندير بيها

و الله راح نهبل

[Dhaia]

chouf transefer madrassa 3olya

[amira.ar]

14,85 راني ندور في دوامة

[RACINTOSH]

خويا عماد عندك epst عنابة أو archi فسنطينة من جهتي
أنا يبانولي ملاح و ربي يرشدك للاختيار الاحسن

[عماد ياسر]

خويا عماد عندك epst عنابة أو archi فسنطينة من جهتي
أنا يبانولي ملاح و ربي يرشدك للاختيار الاحسن

خويا راني نخمم في المدرسة التحضيرية تاع عنابة اذا تحتمت نديرها بصح كيفاش نروح ندير طلب تحويل ولا كيفاش خويا ؟؟ و يعني يقبلوني مباشرة

[عماد ياسر]

chouf transefer madrassa 3olya

علاش المدارس العليا يقبلو طرونسفير ؟؟و ممكن اجد بلاصة فيهم من غير التعليم خاصة التعليم المتوسط؟؟

[عماد ياسر]

يا جماعة الخير

[عماد ياسر]

.................

[عماد ياسر]

ياربي ....

[ramzizeg]

7ata ana dit mo3adel 14.69 w fl math 16 w physique 18,5 w ma dert biha walo

[algerino1212]

و الله رايحين نهبلوا

؟؟؟؟؟؟؟؟؟؟؟؟؟؟؟؟؟؟؟؟؟؟

ياخي نظام ياخي

!!!!!!!!!!!!!!!!!!

[RACINTOSH]

عماد: روح نتا بنفسك و سقسي باش تتهنى تلقى لي يوريلك كيفاه تحول
و نقولك صلي إستخارة
رمزي: عندك اختيارات بزاف تقدر تديرهم ... ماهيش الميدسين والفارماسي برك هي المستقبل

[joulanar94]

allah galeb s7ab 14 mal9ina wach ndirou biha ana 14.87 w dart sciences infirmieres
mai balak ndir paramidical
hadi hiya algèrie

[عماد ياسر]

اخواني ممكن التحوي الى المدارس التحضيرية لعنابة علوم و تقنيات او تجارة وهل التسجيل عادي ام هناك مسابقة و مانصيحتكم

[espoire rst]

ana tani dit la moyenne 14... lazam ta3raf bali makench ghir medecine ou....... kayen d autre branche lazam thout rassak w ta9ra haja w tajtahed meme tkoun hed la branche ja mais la khamemt
w dir f balek bali ghadi nwsal b3id
3assa ane takraho chayan wa howa khir lakom

[عماد ياسر]

شكرا اخي ...

[عماد ياسر]

...............

[عماد ياسر]

هل من ناصح

[TOLAY]

يا اخواني استعينوا بالله فهو حسبكم
شاء الله و ما قدر فعل
,,,,,,,,
انا كيفكم نجحت ب 15.12 و سجلت رياضيات و اعلام الي لي يديوها تاع 10حزنت فلول لكن من بعد حمدت ربي و قررت اني نبدع فهذا المجال و نبين بلي مش كيفي كبفاي واحد يقرا فهذا الفرع
.......
انصحكم بالتريث و ان لا تحزنزا ,,,خموا بعقلكم و انساو عواطفكم لانو هاذي حاجة ربي

انصحكم بفرع الرياضيات و اعلام الي فهو جديد و مليح بزاف للي رايح يكمل رياضيات
تحياتي لكي
و ربي يوفق كل واحد فيكم و ينيرمستقبلوا بنور يجعله يدرك تعب البكالوريا الذي تاكدوا انه لن يذهب سدى ان اكملتم على نفس المنوال و في اي فرع اخترتموه

[espoire rst]

t as raison

[wided72]

السلام عليكم
يا اخي شوف مدرسة عليا كيف تاع الاغواط و لا سكيكدة انا قبلوني علوم دقيقة بمعدل 14 و اذا ما كانش دير رياضيات و اعلام آلي و كيف ما قال الاخ تقدر تبدع فيها و ربي يفرج عليك خويا

[TOLAY]

انا طارتلي مدرسة عليا و رفضتها لاني حسيتها تقيدني بمستوى معين متوسط ولا ثانوي
لذلك خيرت فرع و قررت نمضي فيه و نسخر كل طاقتي فيه و نبين بلي حتى و قريت مع لي ماتعبوش و ماجابوش الباك بمعدل مليح نقدر نثبت وجودي و نحقق معدلات كبيرة تبين بلي الباك مجبتوش ب 15 فالباطل
و الله يا اخوتي الي حاب يقرا راح يقرا و يبدع فاي مجال

[TOLAY]

منيش حابتكم تياسوا ابدا
مازالكم فبداية الطرق حطوا هدف معين و متضيعوش الوقت
اتكلوا على ربي و استخيروه و حطوا قرار و تحملوا مسؤوليتكم
اتمنى ان لا اكون قد اثقلت عليكم
اختكم

[mira M]

yaw rana kamal ana tani 14.89 w dert anglais w haba n3awdo mais haw galo 9anon jdid y3ayachkm yakhi makanch manha ta3 limaya9drouch ysajlo b 2 bac !!!!

[عماد ياسر]

yaw rana kamal ana tani 14.89 w dert anglais w haba n3awdo mais haw galo 9anon jdid y3ayachkm yakhi makanch manha ta3 limaya9drouch ysajlo b 2 bac !!!!



لالا ختي هدا قانون جديد و كنت فاهمو كيما انت مي قالولي بلي حتى وتعاوودي الباك لازم تسمحي في عامك لي قريتيه في الجامعة يروح هكاك تسمى ماتقدريش تبلوكيه و كي تكملي بالباك الثاني تقراي بالباك لول

و الله اعلم زيدي سقسي

[حامل اللواء]

لديك العديد من الحلول فلم َ القنط ْ ..
شوف المدارس التحضيرية او تخصص mi او st او sm
والاختيارات كثير ..
عليك بالتوجه الى الجامعات فالوقت وقت ترونسفار ..
والله الموفق

[selma07]

انا تاني جبت الباك ب 14.54 ووجهوني مدرسة عليا للبيطرة اففففففففففففففف
يعني ما كان حتى مستقبل فيها ووقررت ندير ترونسفار علوم المادة في ولايتي ونعاود الباك ان شا الله
وسجلت في الشبه الطبي انا ننصحك دير ترونسفار للمدارس العليا خاصة المدارس العليا في الاغواط لانو ممكن يقبلوك في التعليم الثانوي وانت استفسر اكثر وبالتوفيق ان شا الله

[selma07]

اختي tolay


حتى بنت عمتي دارت كيفك لما نجحت الباك كان خاصها فاصلة وتسجل طب لكن للاسف ايا سجلت تسيير واقتصاد وكل عام تجي هي الماجور 2 برومو والسنة تخرجت وبعثوها لفرنسا باش تكمل ماجستير

[TOLAY]

اختي tolay


حتى بنت عمتي دارت كيفك لما نجحت الباك كان خاصها فاصلة وتسجل طب لكن للاسف ايا سجلت تسيير واقتصاد وكل عام تجي هي الماجور 2 برومو والسنة تخرجت وبعثوها لفرنسا باش تكمل ماجستير



الحمد لله انك جئتي بالمثال الحي اختي سلمى
و الله ربي خلاك تجيب ذا المعدل الا لحكمة هو علابالو بيها سبحانو
و لو كان جا الطب خيرلي راني جبت فاصلة كبيرة
لكن الحمد لله
رغم انو كانت الرياضيات من المستبعدات لكن قررت نتحدى هذا المجال لي يقولوا صعيب
الحمد لله

[روعة.]

والله رانا كامل كيفكيف

[madjedcons]

أخي أنا تحصلت على نفس معدلك 14.95 قمت بالتسجيل في صناعات بتروكيميائية جامعة سكيكدة أنصحك بها

[akramset]

السلام عليكم
حبيت نشارك عماد على انو صديقي وانو كنا نقراو كيف كيف وانو نحب لو الخير
مم كاين شعبة صناعة بيترو كيميائية بسكيكدة
يعني نشوفو للمستقبل
هي دراسة مليحة سيرتو عندها تعدد في الاختيارات في 2 اني
يعني انا قبل التسجيل درت عليها اطلاع واني درتها هي على رأس 10 الاختيارات نتاوعي مي ما كتبش ربي باش ندخل ليها
والله اعلم

[مسلمة وأفتخر*]

مثلك تماما 14,86 بعثوني من سكيكدة لسيدي بلعباس المانية وحاولت التحويل الى مدرسة عليا انجليزية ولكن لا حياة لمن تنادي
الله المستعان فلنتوكل عليه وكفى به وكيلا