صديقتي لم ترد دينها [الأرشيف] - منتديات الجلفة لكل الجزائريين و العرب

مشاهدة النسخة كاملة : صديقتي لم ترد دينها

madoucha

2012-09-06, 16:14

السلام عليكم
عندي صديقتي طلبت مني نسلف لها مليون و فعلت ذلك و قالت لي نردولك كي نسلك وقتها مازالت مالقاتش خدمة و بعد ثلاث اشهر لقات خدمة ضمن عقد ما قبل التشغيل ب 7000 للشهر و الان راهي في عام و نص مازال ما سلكتنيش
راني حاشمة نقول لها رجعيلي دراهمي و هي ماهدرتش عليهم خلاص رغم انها وعدتني تردهم كي تسلك اول سلاك ليها
واش تنصحوني هل اتنازل عن الدين و لا نواجهها بصراحة
صديقتي اصبحت لا تتصل بي و لا تبعث رسالة في الهاتف كما كانت تفعل من قبل رغمانها طيبة جدا و لم اعهد منها مثل هذا تصرف
ا

sarl02

2012-09-06, 17:14

ها كلاك بوبي وخلاص ادعيلها ربي تاكلهم بالصحة والهنا.

abdel02

2012-09-06, 17:27

اللي مايحشمش مني محال نحشم منو
لوكان جأت قاتلك الله غالب واسمحيلي
ممكن بصح هكذا ندير المستحيل باش نسترجع
حقي.

- بصمة خير -

2012-09-06, 20:11

كما قال اللي قبلي

حقك ماتسمحيش فيه خلاص

الا اذا قالتك الله غالب ظروفي ماتسمحش

و لكن راهي جابتها شطارة

حقك حقك حقك

*نآدرة~

2012-09-06, 20:28

تخيلي انو نفس الشيئ راهو صاري معايا،وزيد نفس المبلغ لكن ماعنديش بزاف من لي مديتلها رغم اني مانعرفهاش مليح قصدتني سلفتلها لخاطر عرسها قريب ان شاء الله،من ثم لا اتصال ولا هم يحزنون كامل قالولي راحت عليك داتهم وخلاص بالصح أنا ناوية نقولها عليهم اول مانتلاقاو واذا ماعطاتنيش ربي يخلص فيها والله مانجري موراها بزاف،أنا درتها لوجه ربي،المهم لازم عليك تقوليلها ولا تسمحي من قلبك،لاخاطر اذا ماسمحتيلهاش فيهم راهي صعيبة عليها وراكي عارفة لي ياكل الدين كيفاه حسابه مع ربي،قوليلها وزيدي اصبري عليها وماذاامت صديقتك اكيد أكيد رايحة تردهملك برك ظروفها ماتساعدش بالاك وبالاك ثاني راهي ناسياتك
ربي يوفقك اختي

BAROUD

2012-09-06, 20:30

نهار يجي يتسلف يجي قريب يبكي و نهار يشدهم تصبح انت قريب تبكي
ايمالا من اول ما عنديش هكذا

amina2688

2012-09-06, 20:36

اختي قوليلها بلاك نست واذا تناست ايضا قوليلها

شيء يحير يدوا نتاع الناس ويضربو النح.........الطيف

مريم تعود

2012-09-06, 21:58

السلام عليكم اختي
هي شوفي هذا حقك وعادي تقوليلها ولكن خيري الطريقة يغني قوليلها راني في ضيقة ومحتاجة الامانة وشوفي واش تقولك عادي اختي علاش تحشمي وعلاش تسمحي فيهم نهار تبقى تبلعط فيك وكلي ربي وخليها او إسمحي فيهم من قلبك شكرا

aihemsara

2012-09-07, 00:20

يا بنت بلادي انتي ماقلتيلهاش مامبا لى الدراهم و راكي تظني بيها !
بالاك مسكينة نساتهم ولا مازالت في ضيق و حشمت تقولك او او او ,,,,
و زيد قلتي هي طيبة جدا,,
مالا إلتمسي لها العذر و روحي فكريها و قوليلها راني محتاجة الدراهم لي سلفتلك و شوفي واش تقلك
اذاااااااا رجتهملش اللهم بارك
و اذااااا زلاتك و قاتلك ما سلفتيلي ما سلفتلك هنا صح كلاكي بوبي هههههههه
نضحك برك,, بالاحرى كلاها هي لانو ماكانش اصعب من الدين

سميحة.لد

2012-09-08, 22:14

روحي ليها وكلميها بلعقل وفهميها انو جاك ظرف شديد عليها راكي جيتيها على المبلغ الي تسلفاتو من عاااااااااااام ونص وان شاء الله ترجعهم...

عميروش الحر

2012-09-08, 22:35

هذه الحكاية راهي صارية مع كامل الشعب الجزائري ... وهي معروفة
يقولك الساكت عن حقه شيطان اخرس عيطيلها وقوليلها راني محتاجة دراهم هي كي تسلفت ما حشمتش ونتي ايضا تسلفي دراهمك

عضوة جديدة

2012-09-09, 14:02

قوليلها نحتاجهم وخلاص

sami280

2012-09-11, 23:06

حقك ماتسمحيش فيه خلاص

sarra5

2012-09-12, 10:01

hia matahchemch w nti 3lah tahachmi

لكحل بلال

2012-09-12, 10:17

اذا مكش محتاجتهم صح ،، سامحيها ،،والله يعوضك باحسن منه ،،

أمال2008

2012-09-12, 10:27

سلاااام عليكم
من رأي أختي نتي قوليلها اني في ضيقة وكان تقدري رجعيلي امانتي ( بالاك تكون نسات) وايلا شتيها دير في الأعذار و ما عندهاش اسمحيلها وخلاص يخي قلتي صحبتك تكسبي فيها حتى أجر.
سلااام أختي بالتوفيق

Amouna.DZ

2012-09-12, 11:37

قوليلها بلي راكي محتاجتهم مافيها والو لكن بطريقة لبقة

staifia

2012-09-12, 12:04

-- رانا كامل كيفكيفـ،
حتى انـــا سلفت لصحبتي والله ما رجعتهملي لحد الان ,,,,,,
ملقينا كيفاش نديييييييييييرووو ,, تهدري تولي مش مليحة ,,,
ربي يجيب الخير

*عاشقة الجنة*

2012-09-12, 17:27

يا اختي هي كي مرجعتهمش محشمتش وانت تحشمي

على الاقل تعتدر منك وتقولك معنديش نرجعهملك

مي تجبد عليك ومتتصلش بيك

هنا لازم تواجهيها

smile39

2012-09-12, 17:37

اطلبي حقك منها