تسجيل الدخول

مشاهدة النسخة كاملة : الرسوم المتحركة و ... !!!

-khaDouja-
2012-09-06, 15:00
السلام عليكم ورحمة الله تعالى وبركاته :mh31:
كيف حالكم ؟ان شاء الله بخير :19:
اليوم بغيت نتناقشوا ونعرف أراء البعض في مشاهدة الانمي ..انا لا أتحدث عن الاطفال فهم من حقهم مشاهدتها و لا اريد التحدث ادا كانت مفيدة او لا ..انا أتحدث عن الاشخاص الدين بلغوا 15 أو أكثر وهم مازالوا يشاهدون الرسوم المتحركة -اناث أو دكور -
هل انتم مع من يشاهدون الرسوم المتحركة و هم فوق سن 13 أو أكثر ؟او معارضون ؟
كيف يكون تفكيرهم ؟:rolleyes:
هل يكون لديهم خلل نفسي ؟
البعض يشاهد نفس الانمي ويكرره مرات و مرات ..
أنتظر أرائكم و اعطونا حلول باش نقنعوهم باش يتخلوا عن مشاهدتها لان معظهم متعلقون بها :19:
كتبت هدا الموضوع بعدما رأيت هده الظاهرة وبكثرة
soso sirin
2012-09-06, 15:29
و بكل فخر انا من الي يتفرجو الرسوم المتحركة ومافيها والو و تجيني عادي و مانيش معقدة نفسيا و لا عندي طفولة متاخرة و لا انسانة عاشت كبت في الطفولة الحمد الله تفرجت و مازالني نتفرج امالا كون نقلك بلي اختي متزوجة و تتفرج مع بنتها الرسوم واش تقولي .يا اختي الرسوم ماراهش حكر على الذراري برك انا نتفرج كونان نموت على انا و اخي و كون نظل نتفرج فيه مانملوش نتفرج تان سالي و مرات والله نديرهم في الميكرو .ماراهم معقدين ماوالو امالا خليهم يتفرجو و مرات نبغي نتفرجهم باه نتفكر روحي لما كنت صغيرة عقلي كان فارغ ماراهش عيب و لا حرام بالعكس هذا الشي يدل على انو الانسان مهما يكبر يقعد فيه طفل صغير امالا علاه نكبروه خليه يبقى فيا باه نقدر نفهم ولادي
crazy02
2012-09-06, 15:33
و بكل فخر انا من الي يتفرجو الرسوم المتحركة ومافيها والو و تجيني عادي و مانيش معقدة نفسيا و لا عندي طفولة متاخرة و لا انسانة عاشت كبت في الطفولة الحمد الله تفرجت و مازالني نتفرج امالا كون نقلك بلي اختي متزوجة و تتفرج مع بنتها الرسوم واش تقولي .يا اختي الرسوم ماراهش حكر على الذراري برك انا نتفرج كونان نموت على انا و اخي و كون نظل نتفرج فيه مانملوش نتفرج تان سالي و مرات والله نديرهم في الميكرو .ماراهم معقدين ماوالو امالا خليهم يتفرجو و مرات نبغي نتفرجهم باه نتفكر روحي لما كنت صغيرة عقلي كان فارغ ماراهش عيب و لا حرام بالعكس هذا الشي يدل على انو الانسان مهما يكبر يقعد فيه طفل صغير امالا علاه نكبروه خليه يبقى فيا باه نقدر نفهم ولادي


ana tani netfarredj arrossoum almoutaharrika w nhabhoum bezzaf w hetta walaw 3endi 17ans
-khaDouja-
2012-09-06, 15:40
و بكل فخر انا من الي يتفرجو الرسوم المتحركة ومافيها والو و تجيني عادي و مانيش معقدة نفسيا و لا عندي طفولة متاخرة و لا انسانة عاشت كبت في الطفولة الحمد الله تفرجت و مازالني نتفرج امالا كون نقلك بلي اختي متزوجة و تتفرج مع بنتها الرسوم واش تقولي .يا اختي الرسوم ماراهش حكر على الذراري برك انا نتفرج كونان نموت على انا و اخي و كون نظل نتفرج فيه مانملوش نتفرج تان سالي و مرات والله نديرهم في الميكرو .ماراهم معقدين ماوالو امالا خليهم يتفرجو و مرات نبغي نتفرجهم باه نتفكر روحي لما كنت صغيرة عقلي كان فارغ ماراهش عيب و لا حرام بالعكس هذا الشي يدل على انو الانسان مهما يكبر يقعد فيه طفل صغير امالا علاه نكبروه خليه يبقى فيا باه نقدر نفهم ولادي
مشكورة أختي على رأيك...انا نتفرج مي خطرة في شهر لقطة و لا زوج مي ماشي دايمن نتبع ..بغيتكـ نسقسيك انت كيفاش تفسري اللي دايمن تتفرج الرسوم وقليل اللي يتفرجوا مسلسلات ولا حاجة أخرى ..و مين يحكيو يحكو معظم الوقت على الرسووم ..انا بانسبة لي يكون عندهم تفكير طفولي و لا تفكير الرسوم--شفتها هادي --و ثاني يتأثروا بهم :D بزااف
ادا اختك متزوجة و تتفرج مع بنتها هادي صحا المهم راهي تراقب في بنتها على خاطرش الرسوم تع دروك :mad:
انتي راك تحكي على رسووم هادفة شوية ...مي انا وحدة من الناس نعارض
كل حاجة و عندها وقتها ..:rolleyes:
soso sirin
2012-09-06, 16:04
انتي رتحكي على الي مسمطينها و يولي مداق هو ولادو على التيليفيزيون و يقولو انا نتفرج الكوميك الفلاني حتى يدير حالة في الدار لالا انا نهدر على العادي احوجي هاذوك مهبلين ولادهم مساكين
warda16
2012-09-06, 17:00
hhhhhhhhhhhhhhhhhhhhhhhhhhhh
wash mazaloum tetfarjou les miki
.
.
.
.
.
.
.
.
.
.
.
.
.
.
.
.sah sah ana 20ans ou mazal nshou les miki
:19::19::19::19::19::19:
عميروش الحر
2012-09-06, 18:14
نتفرج طومي جيري ...
نتفرج المحقق كونان احيانا ...
و نبغي القناص (Hunter x hunter ) ههههههههههههههههههه
و نعرف وحد الانسان يموت على الميكيات تع الجابون (les mangas ) عمرو 28سنة

بصح جامي نحكو عليهم و نديروهم موضوع ههههههههههههههه
نتفرجو فقط باش نتفكرو الطفولة

اما اذا كان الانسان عمرو 20 سنة فما فوق ويتفرج ويحكي عليهم و يداوس فالدار مع ختو( هو حاب يتفرج ميكي وهي حابة تتفرج مسلسل )ههههههههههههههه هادي حاجة أخرى
مريم تعود
2012-09-06, 18:23
السلام عليكم اختي انا نتفرج الرسوم وين المشكل وين راه العيب
لانو الرسوم تنجحي شويا على الواحد انا نتفرج توم وجيري نتفرج مروكو وكل شي وما نظنش اللي يتفرج هذاك مريض على العكس ممكن الإنسان ما يحبش يكبر يحب يبقى صغير بارك الله فيك
Zakyy
2012-09-06, 18:26
سلام...
هناك من يكبر عققله و هو في عمر 10 سنوات و هناك من يكبر عقله و هو في ال 20
انا شخصيا اصبحت لا اطبق الرسوم المتحركة و انا في عمر 17 سنة مع انني كنت اعشقها
تحياتي
soso sirin
2012-09-06, 18:28
السلام عليكم اختي انا نتفرج الرسوم وين المشكل وين راه العيب
لانو الرسوم تنجحي شويا على الواحد انا نتفرج توم وجيري نتفرج مروكو وكل شي وما نظنش اللي يتفرج هذاك مريض على العكس ممكن الإنسان ما يحبش يكبر يحب يبقى صغير بارك الله فيك
سلام ليليا واش راكي و تبقى مريم في المنتدى اسماء راهي تسلم عليك .ماعليش ماترديش عليا لانو الموضوع تاع الطفلة اذا بغيتي تردي روحي لموضوعي
لآميره مرام
2012-09-06, 18:30
ههههههههههههه

انا نتفرج سبونج بوب هادا راني نمووت عليها وكاين بعض رسوم القديمه لاخرى هديك تاني نحب نشوفهم مرات باش نتفكر طفولتي بصحاا منفتحشي مواضيع عليهم :)
آلاء النايلية
2012-09-06, 18:37
و علاه لا؟
جداتي كانت تتفرج معانا افتح يا سمسم
و منحكيلكش كي تجي زينة و للا هايدي ... عمرها عايلتنا ما تجملت قد نهار تجي زينة و هايدي ههههههههههه
منهاج
2012-09-06, 18:46
السلام عليكم

مكان حتى خلل نفسي في واحد كبير يتفرج الرسوم متحركة ومهما كبرنا سيبقى لنا جانب من الطفولة يرافقنا أنا تجاوزت

العشرين ومازلت أتفرج على توم وجيري والكثير الكثير يتابعون توم وغيرهم من الرسوم فهم همزة وصل بين الطفولة و الشباب

وغيرها فيجب ان لا نعتبر هدا مرض او خلل بل بالعكس هو متنفس لكل شخص عن ما يكيله من هموم ، ومرة الاخت" مريم الصابرة" الله

يدكرها بالخير طرحت موضوع كهدا ووجدت اغلبية المنتدى يتابع وبكل سرور يجاوب

شكرا لك الاخت خدوجة على الموضوع وتقبلي ردي
سعاذ
2012-09-06, 18:56
السلام عليكم
مافيها والوا انوا الواحد يتفرج على رسوم انا واحدة نحس بالراحة كي نتفرج
انا دوك نتفرج على مفتش كونن و الجاسوسات
و حبا نعرف وكتاش راهوا يعقب رسوم انا و اخي على سبابس تون باش نتفرجوا
ولا تعرفي وكتاش قوليلي
كيكيو7
2012-09-06, 20:27
لاتوجد اية مشكلة في هده فالانميات ليست كلها ضحك واستمتاع بل فيها درووووووس وعبر كثييييرة

وصديقيني يااختي كم تعلمت من الانمي ومن اغاني الانمي كم تعلمت منهن ومن كلماتهم وخصوصا تعجبني شخصية ناروتو الدي لايحب

الاستسلام والفشل ويعيد الكرة ويصر على انه سيفوز ويتعب وفي الاخير ينجح

انا مع مشاهدة الرسوم المتحركة لاني اتعلم منها وارفه عن نفسي واتسلى بها فهي رااااااااااائعة
-khaDouja-
2012-09-06, 20:37
السلام عليكم و رحمة الله تعالى وبركاته
بارك الله فيكم وجزاكم الله كل خير لانكم نورتوا موضوع و استمتعت بردودكم :19: ولكن في حقيقة الامر أبقى معارضة على الرسوم من سن 13 حتى 17 و حنا لازم الواحد يخرج من الطفولة ...انا قصدي الواحد يحسب العالم اللي نعيشو فيه كيما الرسوم السعادة و الهدوء و لكن عليه ان يعيش الواقع و لا يتأثر بهم وقصدي الواحد لازم يكون قافز--عارف الدنيا كي دايرة -
الموضوع تاعي كان أكثر على اللي يتأثوا بهم و على اللي يتفرجو غير الرسوووم بركـ ..
ثَرْثَرَة غَ ـيْمَه~
2012-09-06, 20:56
السلام عليكم

مازلتُ أتفرج الآنمي { رسوم عدنان ولينا وبطلي المُفضل عَبْسِي إلى الآن اشاهدهم على اليوتيوب ، علماً أنني شاهدتها من قبل في سما دبي :rolleyes:}


هل يعني هذا أنني أعاني من خلل نفسي ؟؟؟؟؟
-khaDouja-
2012-09-06, 21:11
السلام عليكم

مازلتُ أتفرج الآنمي { رسوم عدنان ولينا وبطلي المُفضل عَبْسِي إلى الآن اشاهدهم على اليوتيوب ، علماً أنني شاهدتها من قبل في سما دبي :rolleyes:}


هل يعني هذا أنني أعاني من خلل نفسي ؟؟؟؟؟


عدنان و لينا تع ناس بكري و مفيد و لكن الان اذا كنت تشاهدين.... و هاذوك اللي ديرهم سباستون باور ماذابيك خطرة ضربي طلة عليها ؟و تتفاعلي معها و تفرحي وتحزني و اشكال ماشي تع بنايدم.حاجة أخرى ..انا ثاني كنت نتفرج انا واخي رسوم هادف ماشي كيما تع دروك ..؟
اعطيني رأيكـ ...
وانا مانيش طبيبة نفسية باش نشرحلك مي الناس اللي حولي راني نشوفهم يعانون خلل نفسي بسباب هاذو رسوم ..هذا رأي -يمكن يعجبك ممكن لا - ولكن يبقى رأي
آلاء النايلية
2012-09-06, 21:28
السلام عليكم و رحمة الله تعالى وبركاته

بارك الله فيكم وجزاكم الله كل خير لانكم نورتوا موضوع و استمتعت بردودكم :19: ولكن في حقيقة الامر أبقى معارضة على الرسوم من سن 13 حتى 17 و حنا لازم الواحد يخرج من الطفولة ...انا قصدي الواحد يحسب العالم اللي نعيشو فيه كيما الرسوم السعادة و الهدوء و لكن عليه ان يعيش الواقع و لا يتأثر بهم وقصدي الواحد لازم يكون قافز--عارف الدنيا كي دايرة -
الموضوع تاعي كان أكثر على اللي يتأثوا بهم و على اللي يتفرجو غير الرسوووم بركـ ..

نوافقك على كلامك بنسبة كبيرة
خاطر انا كنت عايشة في عالم وحدي .... كنت نتبع في الرسوم و طيور الجنة ياااسر
وش نقولك نية و دايرة الناس كامل ملاح ...الخ
بالصح الحمدلله ربي معايا ديما
صدقيني من نهار لي تخطبت برك تحلت عيني شوي و بديت نتشوكا كل مرة في حاجة ... حتى في أهلي و صحاباتي
بالصح لحد الان نفضل قناة طيور الجنة رسوم بكري و بعض الرسومات الجديدة كيما ايميلي
-khaDouja-
2012-09-06, 21:32
نوافقك على كلامك بنسبة كبيرة
خاطر انا كنت عايشة في عالم وحدي .... كنت نتبع في الرسوم و طيور الجنة ياااسر
وش نقولك نية و دايرة الناس كامل ملاح ...الخ
بالصح الحمدلله ربي معايا ديما
صدقيني من نهار لي تخطبت برك تحلت عيني شوي و بديت نتشوكا كل مرة في حاجة ... حتى في أهلي و صحاباتي
بالصح لحد الان نفضل قناة طيور الجنة رسوم بكري و بعض الرسومات الجديدة كيما ايميلي

صحيتي اختي ربي يحفظك و ينورك ;)..هذي النقطة اللي بغيت نوصلها :19:..حتى انا من ذاك ذاك نتفرج لقطة و لازوج من الرسوم ..ربي يرزقك الذرية الصالحة و الزوج الصالح ..
الدلفين
2012-09-06, 21:58
السلام عليكم

[عندي ملاحظة وهي أن الرسوم المتحركة هي من إبداع أشخاص بالغين "كتاب روايات، سينمائيين، مخرجين،..." و أغلب أصوات الشخصيات الكرتونية هي لأناس بالغين أيضاً، والإنسان مين يكون صغير تعجبو الرسوم كرسوم وكألوان ، أمّا الكبار فيتأثرون بالسيناريو ، وهناك نوع من الرسوم المتحركة اليايبانية يسمى " manga " وهي موجهة إلى فئة المراهقين و الشباب، مثل "ناروتو" وبعضها فيه عنف أو خوف وغير مسموح للصغار بمشاهدتها، وهناك إقبال كبير من طرف الشباب عليها.

على كل حال أحب مشاهدة الرسوم المتحركة القديمة وبعض المانغا، ولاحظت أن أغلب الذين ردوا عليك من متابعي رسوم المتحركة، فبعضهم يضع صورة شخصيات كرتونية والبعض الآخر أسماؤهم أسماء شخصيات كرتونية، "يعني وجدو الموضوع يهمهم" هههه
-khaDouja-
2012-09-06, 22:05
السلام عليكم

[عندي ملاحظة وهي أن الرسوم المتحركة هي من إبداع أشخاص بالغين "كتاب روايات، سينمائيين، مخرجين،..." و أغلب أصوات الشخصيات الكرتونية هي لأناس بالغين أيضاً، والإنسان مين يكون صغير تعجبو الرسوم كرسوم وكألوان ، أمّا الكبار فيتأثرون بالسيناريو ، وهناك نوع من الرسوم المتحركة اليايبانية يسمى " manga " وهي موجهة إلى فئة المراهقين و الشباب، مثل "ناروتو" وبعضها فيه عنف أو خوف وغير مسموح للصغار بمشاهدتها، وهناك إقبال كبير من طرف الشباب عليها.

على كل حال أحب مشاهدة الرسوم المتحركة القديمة وبعض المانغا، ولاحظت أن أغلب الذين ردوا عليك من متابعي رسوم المتحركة، فبعضهم يضع صورة شخصيات كرتونية والبعض الآخر أسماؤهم أسماء شخصيات كرتونية، "يعني وجدو الموضوع يهمهم" هههه
شكرا لك أخي ..لقد فهمتكـ بخصوصو المانغا و لكن معظمها تافهة *قتال -وحش داخل انسان :d يدوخوك باطل **-وين راه السيناريو الللي يعجب --
هذو تاوعنا غير يتبعواا برك ..
صح موضوع تاعهم ويدافعوا على رسوم
ابراهيم داود
2012-09-09, 17:15
الرسوم المتحركة ليست كلها ضحك و سخافات بل هناك من تكون مواضيعها درامية جدا ( خاصة اليابانية) و البعض الاخر يحمل افكارا خطيرة جدا تمجد الشيطان و الجنس و القتل و شباب اليوم لا يتابع الرسوم التي تتحدثون عنها لانها موجهة للصغار اذ هناك رسوم متحركة للكبار فقط تتحدث عن مواضيع الغرام و المخدرات من اجل هذا انتشر العنف بشكل واسع في مجتمعاتنا اليوم و هناك حتى الرسوم المتحركة التي فازت بجوائز الاوسكار و في الغرب هناك ثقافة مشاهدتها لدى كل الفئات العمرية لانها تنمي الحس الجمالي و توسع الخيال للطفل ألم تلاحظوا اليوم قلة ان لم اقل غياب الخيال الابداعي لدى الجيل الجديد فهو جيل مفرط في الواقعية و ليست له احلام و معروف ان اساس العلم و الابداع هو الخيال
ابراهيم داود
2012-09-09, 17:18
ملاحظة: تسريحات الشعر اليوم مستوحاة من افلام الكرتون اليابانية (manga-
Rihanna
2012-09-09, 18:29
عادي
أنا عمري 22 سنة و نحب نشوف كارتون
بابا و مازال يشوف كارتون
خاصة bob l'éponge و les simpsons
ما فيها والو
لينا الجنة
2012-09-09, 20:41
وين راه المشل ياختي انا شخصيا مازلت نتفرج على الرسوم توم و جيري و احيانا من اليوتوب نتفرج الرسوم تاعنا تاع بكري

ويننه العيب عادي جدا ا مرض و لا عيب و لا هم يحزنون و الله احيانا نفضل نتفرج رسوم على مسلسلات ماعنجها حتى قيمة مه اني لست مدمنة تلفاز