تسجيل الدخول

مشاهدة النسخة كاملة : الى اصحاب بكالوريا 2013............

oglate
2012-09-06, 00:16
الى طلاب البكالوريا 2013..........خلي نحكيو بصاراحة ....انا من اصحاب بكاوريا 2012 للاسف ماربحتش الباك..mais راح نحكي التجربة ديالي بلاك تفيدكم انا بديتها من الصيف لي فات وانا نحمل في الدروس و المواضيع الجديدة الحوليات...........حوايج بزاف تخص الباك.......حتى صرات عندي مشكل كثرواعندي les neveux dossiers مالقيتش وقت نحط عناوين خاصة بيهم.....psq كان عندي فضول نعرف اجديد...وفات العام وكي وصل وقت الباك باه نريفيزي مالقيتش روحي ....وشعبتي كانت صعيبة بزاف....تخلطت اموري ومالقيتش حل هداك لاه ماركزتش وماربحتش الباك...
واش حابة نقلكم يا طلبة استعينو بزملائكم في هاد المنتدى الي حملوا قاع المواضيع.....واكيد انا راح نكون في خدمتكم.......الباك يبقى باك والدروس عمرها ماتتغير.............استغلوا فرصتكم هاد العام انكم تقراو واش كاين فالبرنامج............المواد تاع لحفاضة وحدها ولفهامة تاني .........كاين mes amis يعانو من مشكل حفضوا قاع الشخصيات والمصطلحات تاع الاجتماعيات ........ونهار كي قرب الباك نساو كلش يعني carte mémoire vide .........الوقت يجري والدروس تتراكم واش راح دير فهداك الوقت............ياحليلي كيتوقع اخبار تسرب الاسئلة.........هادي حاجة اخرى خلاه.....ربي يستر هاد العام .....انك تكون ناجح في مستقبلك ........لازم تعطي لكل خطوة حسابها ومجهودها الخاص.....................وفي الاخير........نتمنالكم النجاح سيرتولصديقتي في المنتدى lola 22.......................................امينننننن ننننننننننننننننننن .
zizou93
2012-09-06, 08:44
السلام اخي
يشرفني اني نكون اول وحدة ترد عليك
عمبالك انا ثاني صرالي كيمة نتا مي انا الحمد لله ديت الباك ب 11 مالقيتش واش ندير
بيه فالجامعة اذا قررت نعاود الباك و ثاني مام انا عام كامل وانا نحمل نحمل
فالاخير تخلط عليا كلشي تخيل و الله حتى كملت الباك باش رحت شفت الملفات و رتبتهم
وقررت انو نحطهم لخاوتي صحاب باك2013 باش مايتعبوش فالتحميل و مايضيعوش الوقت نتاعهم كيمة انا
شكرا اخي ان شاء الله تكون من الناجحين هاذ العام
ربي يوفقك بامتياز
سلام
oglate
2012-09-06, 09:13
مرسي اختي واش من برونش خطرتي فالجامعة................حتى نتي ربي يوفقك.
zizou93
2012-09-06, 11:45
انا درت سبور مي مانيش راح نقراها ........مليحة ليكم الذكور
ان شاء الله ربي يوفقك خويا
سلام
oglate
2012-09-07, 10:23
صباح لخير علاه درتي سبور................مكانش حاجةاخرى تناسبك...........ولا راح تعاودي الباك.....
ايمان1994
2012-09-07, 10:30
شكرا لك اختي على النصائح
انا مقبلة على باك 2013
انا صح راني نضل نحمل بصح راني مرتبا كل يعني هذا مايشكليش عاقب عليا ؟؟؟؟؟؟؟؟؟؟؟؟؟؟؟
oglate
2012-09-07, 10:51
معليش انك تحملي في البداية عبالي راح ترتبيها...........مي مباعد تكثر عليك.........حاولي تقري غير الحاجة لي تساعدك ديجا درك وقت قرايا.....ولازم تقراي شي لي حملتيه باه ماتلقيش صعوبة في الدراسة والتحضير للباكالوريا........بالتوفيق اختي.
zizou93
2012-09-07, 11:59
صباح لخير علاه درتي سبور................مكانش حاجةاخرى تناسبك...........ولا راح تعاودي الباك.....
اهلا اخي
صباح الخير
لاني نحب السبور (انا مفرفطة بزاااف:mh31: هه) مي من بعد اللي نقولو درتها يستغرب
وزادو نصحوني قالولي اخطيك منها وزدت سمعت عليها حوايج مايساعدونيش
كاين مثلا بيولوجيا تساعدي والناس هنا كااامل داروها مي انا مابغيتهاش
مانيش حابة نحرق راسي معاها ونضيع الوقت اذن قلت نعاود الباك ونتفرغلو احسن باش نحقق واش بغيت
ok
oglate
2012-09-07, 18:22
ربي يسهل ونشالله هاد العام دجيبي موايان باهي يساعدك ان تختاري برونش تبغيه بالتوفيق تستاهلي زيزو وانا تاني اسمي زيزوووووووووووووووو..........ههههههههههههههه
الوسيلة
2012-09-07, 18:27
شكـــــــــــــــــرآآ أخي..
موفق..
سلآمْ
oglate
2012-09-07, 18:31
وكذلك للجميع.
~ fâiza reâl ~
2012-09-07, 18:54
السلام عليك اخي
شكرا لك + سؤآل فضولي مآ هي شعبتك ؟
oglate
2012-09-07, 19:08
تقني رياضي واي سؤال انا في الخدمة.............
zizou93
2012-09-07, 19:22
ربي يسهل ونشالله هاد العام دجيبي موايان باهي يساعدك ان تختاري برونش تبغيه بالتوفيق تستاهلي زيزو وانا تاني اسمي زيزوووووووووووووووو..........ههههههههههههههه
مارسي خويا ربي عيشك
وان شاء الله تنجح و تتفوق لامتياز
متشرفين اخي زيزو ههه
سلام
lola22
2012-09-07, 21:30
Slt hanouuuuuuuuuuuuuuuna
merciiiiiiiiiiiiiiiiiiiii bzzzzzzzzzzzzf
zineb.alg
2012-09-07, 22:38
شكراا ليييييك
oglate
2012-09-08, 00:13
عودة ميمونة يا احلى .................lola 22
mihra
2013-03-15, 16:35
شكر ليك مستر oglate
هدية الرحمان
2013-03-22, 16:13
ممكن المساعادة اخواني في تحميل المواضيع الخاصة بالباكالوريا انا طالبة شعبة تقني رياضي هندسة مدنية واتمنى النجاح للجميع والله يجزيكم كل خير
Biba cool
2013-03-25, 21:16
عندي رغبة كبيرة باش نقرى و مابقاش الوقت .. كما قال لنا أستاذ ربي يذكرو على خير : كاين تلاميذ عندهم افراط في رغبة الدراسة يبقاو يقولو راني حاب نقرى و يجبد كل الاوراق والمراجع و الكراسات لكن يفوت عليه الوقت و مايعرفش من واش يبدى .. ويبقى غير حاب ولكن مادارش خطوة للأمام ...وبصراحة انا عندي هاذ المشكل .. وخايفة لأنو مابقاش وقت بقي غير شهرين ..ربي ينجحنا كامل في باك 2013 و ادعولنا انتم ثاني تفكرونا غير بكاش دعوة ربي ينوركم خاوتي
سما الايام
2013-03-25, 21:46
شكرا على الموضوع القيم