هل أخطأت؟

[مريم الصابرة]

السلام عليكم جميعا أعلم ممكن معظكم غائب اريد نصيحتكم لأانو ضاقت بي الاحوال قراري إتخدتو لكن نحب نعرف رأيكم
ان منذ فترة قصيرة خطبت وكنت طلبت رأيكم لنو الخطيب هذ ماكنتش قابلة بيه ولكن درت النية معاه وإتكلت على ربي اليوم تجيني فتاة للدار تعمل معاه وقالت إنها على علاقة معاه منذ مدة طويلة وارتني صور لهما حتى بعدما خطبني حسيت روحي وقفت بيناتهم ورغم هو خانني ولحد البارح كنا متفاهمين وراحين نفتحو لكن المكتوب ما كتبش طلبت منو نفسخو خطبتنا وغدا يجو اهلو حتى نحبس قراري لا رجوع فيه لكن واش رايكم ؟ بارك الله فيكم وشكرا

[السي محمد]

الخيرة فيما اختار الله


خليها على ربي يا اختي مريم

[amina2688]

السلام اختي مريم نقلك الصح انت علاه تحسي انك وقفتي بيناتهم

يخي هو الي خطبك باراتوا ،لكان شافها تخرج عليه راو خطبها هي مشو خطب اخرى

وبالنسبة انك تحسي انوا خانك ممكن توجع بصح هذا هو الوقت الله غالب النساء عادوا

يلوحوا في رواحهم،وما تلومش خطيبك واحدة ملوحة روحها عليه واش راح يدرلها

لقاه تحلك وتحكي راه يحكي معاه بصح خطب بنت الاصول...........

راني نكتب ببالعامية ما نعرف راك تفهي كلامي ولا لا؟

المهم انا ننصح نصيحة لوجه الله :لا تعيريها اي اهتمام ،ولا تزعجي نفسك بتفاهاتك

فهي تريد ازعاجك وهدفها ان توتر العلاقة بينك وبين خطيبك (لانوا ماشي مقيمها.....)

ربي يهديك الى ما فيه خير لك

ولك مني كل الاحترام

[amina2688]

شوف قلة الحياء اين وصلت جابت تصويرها معاه فرحانا ياسر بروحها

قلهاش المصري (صحيح الي يختشوا ماتوا)

[zima2012zima]

الله يهدي كل المومنين

[sarl02]

عموما كل شيء بالمكتوب لكن بصراحة اذا راطيتي هذه الفرصة راكي ضيعتي اي امل لك في تحسين حالك واحوالك.

[samir 1990]

عموما كل شيء بالمكتوب لكن بصراحة اذا راطيتي هذه الفرصة راكي ضيعتي اي امل لك في تحسين حالك واحوالك.

لماذا يا أخي نعتبرها آخر فرصة قد يتقدم لها من هو أحسن منه

[lidouch]

يا مريومه واش بيك متعرفيش لبنات هذي باينه حابه تخرب بينكم مالا متعطيهاش فرصه و زيدي قوليلو على القصه:mh31:

[بلقاسم 1472]

الخير فيما اختار الله أختاه
ربي يتمم لك خيرا أو يعوضك خيرا
استعيني على أمرك بالدعاء

[biti]

الاستخارة هي الحل و ربي يهنيك

[djeriou]

أختي أنت عاقلة...

إذا جاءكم فاسق بنبإ فتبينوا...

إذا أردت الفسخ فافعلي ...لكن ليس قبل أن تتأكدي من صحة الأمر منه ثم التشاور مع الأهل

فلنكن واقعيين، أنت من البداية قلبك هرب منه، و قد استخرت الله، و أظنه رد الإستخارة، مهما فعلت فذلك الصواب

[نورسين.داية]

انا نقولك حاجة أختي ...........قالك وصل السارق لباب الدار

بمعني ....لما لا تضعين إفتراض أن الفتاة ...قصدها التفريق بينكما ؟؟؟؟

الحل واجهيه ....لأنه لو نحللها منطقيا ...مامنعه من فسخ الخطبة معكي و ما اجبره على خطبتك اصلا من البداية

واجهيه .... و حاوريه بكل صراحة ....في علاقات مثل هذه لا يوجد أحسن من الصراحة ....و هاذي راها عشرة ...و حياة مع بعض ...مايجبر الإنسان ...ان يحكم على نفسه بحياة لا يريدها مع من لم يختار ..................سبحان الله الحياة هاذي ......و الله لواحد يقول ربي يجيب الخير و خلاص

ملاحظة : إستغربت الحظر ................................؟؟؟؟؟؟؟

[مريم تعود]

الخيرة فيما اختار الله


خليها على ربي يا اختي مريم
السلام عليكم خويا محمد بارك الله فيك راني مخليتها على ربي شكرا وبارك الله فيك نظن عرفتني راني محظورة هههه شكرا

[مريم تعود]

السلام اختي مريم نقلك الصح انت علاه تحسي انك وقفتي بيناتهم

يخي هو الي خطبك باراتوا ،لكان شافها تخرج عليه راو خطبها هي مشو خطب اخرى

وبالنسبة انك تحسي انوا خانك ممكن توجع بصح هذا هو الوقت الله غالب النساء عادوا

يلوحوا في رواحهم،وما تلومش خطيبك واحدة ملوحة روحها عليه واش راح يدرلها

لقاه تحلك وتحكي راه يحكي معاه بصح خطب بنت الاصول...........

راني نكتب ببالعامية ما نعرف راك تفهي كلامي ولا لا؟

المهم انا ننصح نصيحة لوجه الله :لا تعيريها اي اهتمام ،ولا تزعجي نفسك بتفاهاتك

فهي تريد ازعاجك وهدفها ان توتر العلاقة بينك وبين خطيبك (لانوا ماشي مقيمها.....)

ربي يهديك الى ما فيه خير لك

ولك مني كل الاحترام
السلام عليكم اختي امينة بارك الله فيك على ردك
صح هو خطبني وسقسيتو كان بموافقتو او امو فرضت عليه قالي باللي هو اللي طلب منهم يخطبوني لكن اختي خلاص واجهتو وقالي كنت معاها ونعرفها وتخدم معاه الثقة راحت وزيد يا اختي بعد ما خطبني كمل العلاقة معاها واش ندير بيه حتى لو فرضا هي فاسدة وما يحقليش نقول عليها هكذا ربي يسهل عليها لكن كان من المفروض يكون راجل وما يوصلش لهذوك المواقف وحتى وين توصل تجيني للدار خلاص ما بقا والو والله امي قالت الراي رايك وإنت حرة وأمو اليوم تجي واهلو نرجعلو خاتمو وخلاص ربي يهنيه وهكذا يروح ليها وكل شي بالمكتوب
بارك الله فيك اختي شكرا

[مريم تعود]

الله يهدي كل المومنين
السلام عليكم
اللهم آمين أختي شكرا

[مريم تعود]

عموما كل شيء بالمكتوب لكن بصراحة اذا راطيتي هذه الفرصة راكي ضيعتي اي امل لك في تحسين حالك واحوالك.
السلام عليكم اخي اكيد كل شي بالمكتوب
لا علاش ضيعت فرصة لدنيا مازالها طويلة وانا قررت ما نتزوجش نعالج وإن شاء الله نبرا ونلقى خدمة ونعين امي وما نتزوجش نتكفل بنفسي وبأمي يكفيني شكرا

[مريم تعود]

يا مريومه واش بيك متعرفيش لبنات هذي باينه حابه تخرب بينكم مالا متعطيهاش فرصه و زيدي قوليلو على القصه:mh31:
السلام عليكم اختي بارك الله فيك وشكرا
لا اختي واجهتو وما ننكرش وانا كنت نلقاه اوناتوند ويوقلي الخدمة ومرات نحكي معاه نسمع مرا تهدر معاه يقولي تخدم معايا خلاص اختي المكتوب حبس الله غالب بارك الله فيك

[السي محمد]

ايه عرفتك اختي مريم

و راني بعثت لك امانة صغيرة

الله غالب تعرفيني بدون عمل


في المساء تقدري تسحبي

[مريم تعود]

الخير فيما اختار الله أختاه
ربي يتمم لك خيرا أو يعوضك خيرا
استعيني على أمرك بالدعاء


السلام عليكم اخي بلقاسم بارك الله فيك
اكيد ربي ما كتبش وربي يعوضلي بصحتي شكرا وربي يخليك

[مريم تعود]

ايه عرفتك اختي مريم

و راني بعثت لك امانة صغيرة

الله غالب تعرفيني بدون عمل


في المساء تقدري تسحبي


السلام عليكم خويا محمد شكرا وباكر الله فيك لا علاش بعثت انا بعثتولك لانك قتلي نوكل عليك ربي كان تحتاجي لحاجة انا صح كنت محتاجة فاليوم اللي مرضت فيه الوالدة لكن الآن لا خلاص لذريق ساعدني ربي يخليك خويا والله ما لقيت ما نقولك المهم نخليهم عندي وإبعثلي رقم حسابك الخاص نردلهملك إنت راك بلا عمل والله لوما وكلت عليا ربي ما نبعثلك والله ما لقيت واش نقولك شكرا وربي يجازيك

[مريم تعود]

يا مريم لا تعمري راسك بالاوغاد
السلام عليكم اخي بارك الله فيك واش نديرو خويا الحمد لله عندنا رب عادل وحاكم وقادر عليهم شكرا

[سميحة.لد]

اختي الكريمه انت ادرى بطبيعة هذا الشخص ......اذا كان شايفه بلي يستاهل تكملي معاه كملي ويدا شايفه بلي ماهوش متمسك بيك صح وقادر مره اخرى يضيعك او يدوم في علاقتو معاها خاصة انها معاه في نفس المكان فالانسحاب احسن ....والي خلق مايضيع ... واستخيري ربي والله ميضيعك ...

[madoucha]

لا تفسخي تمسكي به اذا التمست فيه صفات جيدة بعض الرجال تلقاهم ملاح بصح النساء يدورو بيهم و علابالكم المراة نقطة ضعف الرجل لازم تحاولي تكسبيه
نزيد نقلك معظم الرجال خانو زوجاتهم مايبانش برك عليهم الامهم لا يصل الامر الى الخيانة الجسدية او الزنا و العياذ بالله

[warda16]

rayi houwa salat elistikhara

[amina2688]

السلام عليكم اختي امينة بارك الله فيك على ردك
صح هو خطبني وسقسيتو كان بموافقتو او امو فرضت عليه قالي باللي هو اللي طلب منهم يخطبوني لكن اختي خلاص واجهتو وقالي كنت معاها ونعرفها وتخدم معاه الثقة راحت وزيد يا اختي بعد ما خطبني كمل العلاقة معاها واش ندير بيه حتى لو فرضا هي فاسدة وما يحقليش نقول عليها هكذا ربي يسهل عليها لكن كان من المفروض يكون راجل وما يوصلش لهذوك المواقف وحتى وين توصل تجيني للدار خلاص ما بقا والو والله امي قالت الراي رايك وإنت حرة وأمو اليوم تجي واهلو نرجعلو خاتمو وخلاص ربي يهنيه وهكذا يروح ليها وكل شي بالمكتوب
بارك الله فيك اختي شكرا


واش راح نقلك اختي الغالية انت معايشة الظروف وادرى بيه

نقلك ربي يرشدك للطريق الي فيه الخير يارب،ويعوضك لما فيه خير لك

فهمت من بعض ردودك انك مريضة،ربي يشفيك ان شاء الله ونتمنى ما تكونش

حاجة كبيرة

.................................................. ..............

.................

سلامي الحار

[الملهمة]

كان الله في عونك اختي مشكلتك صح صعيبة اكيد انت اتخذتي قرارك اذا راكي متاكدة انو حتى بعد الخطبة كان لا يزال على علاقة بها ؟؟؟ماوضحتيش هو كيفاه دافع على نفسو ؟؟؟؟؟ اذا جات ليك هاذي الطفلة برايها بدون دفع منه فاعلمي انو حب يبعد عليها وهي حابة تفلط عليكم المهم احسن حاجة انك تسمعيلو تتحقي مليح ا....وانت وقدرة تحختيملك ...ربي يصبرك ا

[مريم تعود]

اختي الكريمه انت ادرى بطبيعة هذا الشخص ......اذا كان شايفه بلي يستاهل تكملي معاه كملي ويدا شايفه بلي ماهوش متمسك بيك صح وقادر مره اخرى يضيعك او يدوم في علاقتو معاها خاصة انها معاه في نفس المكان فالانسحاب احسن ....والي خلق مايضيع ... واستخيري ربي والله ميضيعك ...
السلام عليكم اختي
هو فالحقيقة نعرف اهلو مليح لاني كنت مخطوبة لخوه اللي مات وخطتي منو جات بعد إلحاح وظغط كم ظروفي لكن لما بديت نتعرف عليه لقيتو شخص مليح بزاف وكان صح داير النية معايا ومهتم باموري وقبل حالتي المرضية وكل شروطي قبلهم بدون تردد لكن إلا الخيانة جات وشفت الصور ومن المفروض اليوم يجي نفسخو كل شي لكنو رفض وقالب ما نفسخش الخطبة وما حبش يجي لدارنا ما فهمتش واش ندير معاه إتصلت لأمو طلبت منها تجيني ونحكي معاها لانها تحبني بزاف وانا ايضا نعزها ونحبها وما نرفضلها حتى طلب لكن حياتي أولى وكرامتي اهم من كل شي وربي ماكتبش الله غالب شكرا وبارك الله فيك

[مريم تعود]

لا تفسخي تمسكي به اذا التمست فيه صفات جيدة بعض الرجال تلقاهم ملاح بصح النساء يدورو بيهم و علابالكم المراة نقطة ضعف الرجل لازم تحاولي تكسبيه
نزيد نقلك معظم الرجال خانو زوجاتهم مايبانش برك عليهم الامهم لا يصل الامر الى الخيانة الجسدية او الزنا و العياذ بالله
السلام عليكم اختي بواش نتمسك اختي الراجل خانني بعد ايام من خطوبتنا ولما كنت نلقاه يحكي فالهاتف يقولي الخدمة وهي وراتلي التلفون وفالليل يحكي معاها على 12 نتاع الليل انا لما قالي رفضت اكيد ما رانيش من اللي يحكو فأنصاص الليالي حتى لو كان خطيبي نحكي معاه فالنهار نتعارفو على بعضانا وطلبت منو نفتحو حتى يكون زوجي و نبداو بداية بالحلال مي حال الدنيا الحرام رجع خير من الحلال كل شي بالدليل وهي جات دافع على راجل كان حقها وانا وين نعرف ما رانيش انا اللي يسلبو الراجل من النسا وربي يسهل عليهم انا قلتلها قلتلها لو هو كان حابك علاه ماجاش خطبك علاه جا ليا ربي يهديهم وربي وكيلو هذا واش نقول شكرا وبارك الله فيك

[مريم تعود]

rayi houwa salat elistikhara
السلام عليكم اختي بارك الله فيك لا اريد ان أستخير لانني لا اريده سأستخير في امر آخر اما هو فلا قراري لا رجعة فيه كنت نظن رفم كل شي ظلمتو وإحتجت للآراء الأعضاء لكن كل شي بالدليل وما نكذبش عينيا معليش ربي ما كتبش شكرا

[مريم تعود]

واش راح نقلك اختي الغالية انت معايشة الظروف وادرى بيه

نقلك ربي يرشدك للطريق الي فيه الخير يارب،ويعوضك لما فيه خير لك

فهمت من بعض ردودك انك مريضة،ربي يشفيك ان شاء الله ونتمنى ما تكونش

حاجة كبيرة

.................................................. ..............

..........

سلامي الحار
السلام عليكم اختي ربي يخليك اختي مكتوبي راني رضيت بيه كيما رضيت بامور كثيرة وفالحقيقة عندي ظروف ما تخلينيش نتزوج وراني شادو في ربي الحياة الهانية ما راهيش للي كيما انا والحمد لله على كل شي
وي راني مريضة والحكاية طويلة اختي وحاجة كبيرة وإدعيلي ربي يشفيني

[مريم تعود]

[quote=الملهمة;11490864]كان الله في عونك اختي مشكلتك صح صعيبة اكيد انت اتخذتي قرارك اذا راكي متاكدة انو حتى بعد الخطبة كان لا يزال على علاقة بها ؟؟؟ماوضحتيش هو كيفاه دافع على نفسو ؟؟؟؟؟ اذا جات ليك هاذي الطفلة برايها بدون دفع منه فاعلمي انو حب يبعد عليها وهي حابة تفلط عليكم المهم احسن حاجة انك تسمعيلو تتحقي مليح ا....وانت وقدرة تحختيملك ...ربي يصبرك ا[/quote
السلام عليكم اختي ملهمة بارك الله فيك
لما واجهتو نكر ولكن لما قتلو على الصور والهاتف والوقت اللي يحكي معاها فيه تصدم ما توقعش هي ديرها بيه وتجي تقولي وبلغني إنو صرا شجار وضربها فمقر العمل ونظن فصلوه او خرجوه والله ما يهمني فالواقع راهي هذا وين إتصلت والدتو بيا وقاتلي راهي جايا من بعد تحكي معايا عادي خاتمهم راني موجداتو وهداياه نردهملو قراري ما نوليس عليه ربي يجيبلو وربي يعوضلي بصحتي بارك الله فيك اختي شكرا

[مريم تعود]

الاستخارة هي الحل و ربي يهنيك
السلام عليكم اختي بارك اله فيك وشكرا جزيلا وانا أتأسف على كلامي اختي فموضوع الأاخ والله انا ردودي من نفسي وما نحب نأثر على حتى واحد كان راي ومديتو وإنت والاخت سهام بقيتو تعلقو عليا انا وفقط ولكن راكي اختي إنت وهي وربي عالم السماح اختي
شكرا

[مريم تعود]

أختي أنت عاقلة...

إذا جاءكم فاسق بنبإ فتبينوا...

إذا أردت الفسخ فافعلي ...لكن ليس قبل أن تتأكدي من صحة الأمر منه ثم التشاور مع الأهل

فلنكن واقعيين، أنت من البداية قلبك هرب منه، و قد استخرت الله، و أظنه رد الإستخارة، مهما فعلت فذلك الصواب
السلام عليكم اختي صح فالبداية رفضتو وحتى قبلت بيه نحتم ولكن انا من الناس المؤمنة بالله كثيرا وقلت هذا مكتوبي ونحمد ربي عليه وراجل في حياتي وقبل بظروفي وبديت نتعرف عليه لقيتو شخص محترمني وناوي صح يعيشني معيشة الحمد لله ويحاول بكل الطريق يسعدني لكن إلا الخيانة وواجهتو وكل شي بالدليل والحمد لله مازال ما رانيش مرتو وربي كشفولي الحمد لله على هطا خلاص العلاقة خلاصت هو راه رافض لكن انا من جهتي خلاص شكرا اختي وربي يخليك

[aminahassiba]

كي راه معاها واش راه يدير معاك

[السي محمد]

بدل

ما ترجعي لي

ادعي لي

ربي يرزقني رزقا طيبا حلالا كثيرا كُباركا فيه

وهكذا تكون كل مصاريفكم على عاتقي باذن الله

مثل أي وحدة من بنات اُمي

[مريم تعود]

بدل

ما ترجعي لي

ادعي لي

ربي يرزقني رزقا طيبا حلالا كثيرا كُباركا فيه

وهكذا تكون كل مصاريفكم على عاتقي باذن الله

مثل أي وحدة من بنات اُمي
السلام عليكم اخي بارك الله فيك وربي يخليك خويا لا والله لوما وكلت ربي عليا اكيد ما نقولكش ربي يعينك ويرزقك الخير فقط قولي انا رحت لما قتلي الصباح وما لقيتش ممكن بالاك راك غلطت في رقم الحساب حرت ما لقيت والو شكرا

[مريم تعود]

كي راه معاها واش راه يدير معاك
السلام عليكم انا نقولك وحدة للدار وحدة للشارع فهمتيني كيما معظم الرجال لكن ربي يحبني وكشفو قبل ما نتزوج بيه معليش كل شي بالمكتوب هو الخاسر بارك الله فيك

[حزن بحر]

ربي يعوضك ما خير وينسيك فيه الخداع

[ندى جزائرية وافتخر]

ربي يشفيك اختي
وربي يرزقك من حيث لاتحتسبي ياارب

[سارة البوسعادية]

ربي يعوضك ويرزقك الزوج الصالح

[biti]

اخت مريم راني كتبت لك رد لكني ملقيتوش مفهمتش علاه المهم حبيت نعرف اذا قريتيه و لالا

[loulou02]

ربي يشفيك و يعافيك ويباركلك في صحتك و إن شاء الله ربي يعوضك و يرزقك سيد الرجال لي يحترمك و يتهلا فيك و تكوني هانية معاه .
قال الله تعالى :"الطيبات للطيبين " صدق الله العظيم .

[fathi souissi]

لا اخر فرصة لا والو تلقى احسن منو ان شاء الله اذا كان هذا الاساس بداه هكدا وفي رقبتو امراة ورايحة تعمر الدار معاه تلقاه يخونها مع خامجة حاشاكم ويتصور معاها ... هذا ما يصلحش .... الله يهدي ماخلق وربي يكتبلك لي فيها خير ليك ان شاء الله .

[شهد حنان]

ربي يكون معاك اختي مريم

وان شاء الله يرزقك بغيرو ويشافيك

[مريم تعود]

ربي يعوضك ما خير وينسيك فيه الخداع
السلام عليكم أختي اللهم آمين ربي يخليك وشكرا

[مريم تعود]

ربي يشفيك اختي
وربي يرزقك من حيث لاتحتسبي ياارب
السلام عليكم أختي
اللهم آمين ربي يبارك فيك شكرا

[اللؤلؤة مريم]

أهلا ليليا شكرا أختي لأنك أخبرتهم عن تقطع النت عندي
أختي ربما هذه البنت تريد أن تعمل لك مشاكل فقط المهم إن شاء الله سأتصل بك أحسن

[مريم الصابرة]

أهلا ليليا شكرا أختي لأنك أخبرتهم عن تقطع النت عندي
أختي ربما هذه البنت تريد أن تعمل لك مشاكل فقط المهم إن شاء الله سأتصل بك أحسن
السلام عليكم أختي مريم هذا واجب ولازم نبلغ الأمانة اعذريني فقط لم اجبك على الهاتف لم أره إلا متأخرا
بالنسبة لموضوعي خلاص فسخت الخطبة وكل واحد راح في حال سبيلو ربي يهنيه وربي يعوضني بصحتي ويخليلي امي بارك الله فيك اختي

[*جوري*]

الموضوع مغلق لحل المشكلة