من ينصحني لوجه الله ؟

[مشكلتي]

قبل مدة تعرفت على شاب و وعدني بالزواج عندما يجد عملا مناسبا وهو شاب معروف باخلاقو والكل يشهدلو وهدا اللي خلاني نثق فيه ....مرت الابام لأفاجأ بانه نفس الشخص اللي راها تحكي معه بنت خالتي على الفيسبوك لكنه باسم غير اسمه الحقيقي ...انا بطبيعتي انسحبت وحكيتش معاه خلاص وحتى هو مزادش عيطلي خلاص ...انا صح زعفت بزاف و غاصتني روحي كيفاش خدعني و ظهر بلي شخص يحب غير الهدرة مع البنات على الفيسبوك لكن في نفس الوقت مازلت اريده زوجا ونفكر في اني نحكي معاه وننصحو .....بالله عليكم انصحوني وش ندير ؟ زكيفاش نتصرف نخليه و لا نحكي معاه و وش نقولو باش يبطل هدي العادة ؟؟؟؟

[السي محمد]

اهدري مع بنت خالتك ثاني و حذّريها

باش ما يديهاش على راسها و يكذب عليها

[- بصمة خير -]

قال تعالى في سورة النور

{الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ

وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ}

و انتي خيري واش تحبي !


ابحثي على نفسير الاية

[داعي الله ياسين]

يــــانصيحة خلّيكم من هاد الهف والله

إعتبروا شوية ممّن سبقكم

مجرد تفاهات والله ...واش من زواج تاع الفيس بوك ؟؟؟؟

راكِ شفتي بعينيك يا أخت البارح معاك واليوم بنت خالتك وغدوة وحدا أخرى ..وتمضي الأيام

عندك ماماك كونكتي معاها في الكوزينة خير ليك ....

واش من أخلاق مادام ايجيب الوقت ويكدب على بنات الناس ((راهم دايرين الدين كوفراج برك الله يستر))

نصيحة بعدي كلّياً منه ...وخليكم ...(( ومتعاوديش تقولي أريده زوجاً ..هذاك ماشي زوج يا أخت ))

زواج ماشي رومنسية وكلام معسول.....زواج تضحية ومسؤولية يا أخت

في التفكير استعملي العقل لا العاطفة


نصيحة خليكم من الفايس بوووك راه حطّم مجتمعات ماشي غير قلوب أو عقول

في حين خلّيتوا الدين خليتوا القرآن مغطّى بالغبار >> فطنوا شوية ياناس كونوا شخصيات قوية

ماشي لهوا لي جي يديكم

عودوا للحق والقرآن السيرة النبوية == == والله فِـــيقوا من سباتكم

ورب يهديني ويهديكم

[عميروش الحر]

طلبتي الحل والحل عندي :
ما تنصحيه ما ينصحك نتي في طريقك وهو في طريقو ... الا اذا جاء للبيت خاطبا .. هنا لكل حادث حديث

[الدر المكنون]

ما بني على باطل فهو باطل

رانا بالحلال وما سلكناش من ولاد الحرام مابالك نديروا الحرام

ربي يهدينا ويبهديكم


ماديريش الثقة الا في باباك وخوك .

[wafaa90]

نصيحة بعدي كلّياً عنه

[بن النايلي]

فعلا هدا من الاول كدب عليك فمبالك لو تكونين معه يا اختي المحترمة ربي ان شاء الله يهدينا اجمعين قولو امين

[kamel76]

سبحان الله تمشون إلى الهاوية بعيون مفتحة . أسأل الله لك الهداية

[المساهم]

فارغ شغل لا هم له إلا العبث ببنات الناس خير لك أتركيه .
واحذري من الذئاب البشرية
وفقك الله.

[abdel02]

رغم انني قررت اعتزال الردود الصريحة لانها تجرح أصحابها،ولكن الجزائريات نيات بزاف،قلتي في بداية كلامك انه خلوق فأين الخلق فيه،قلتي أنه تركك أو بدلك فماذا تريدين أن تنصحيه، عليك بتحديد أولويات كرامتك أم هذا الرجل.

[منهاج]

السلام عليكم

اخطيك منه ما تنصحيه ما ينصحك ،وبنت خالتك شوفي طريقة واحكي معاها وعرفي كيفاش تقنعيها حتى ما تقولش غرتي منها

وباينة حتى هي راه مطمعها وناويها للزواج هدا طريق الخداعين دايما يدخلوها بكدبة الخطبة والزواج

[سميحة.لد]

شوفي ياختي ....بنت خالتك ماتقوليلها ماتديرك في قناة الجزيره قدام لافامي ...... بعد عليه ... ايدا ناويك للحلال والله غير يجي بلاماتقوليلو ماتنصحيه ..واصلا شكون نتي باه تنصحيه راكي تضحكي على روحك وقيل .....بن لحلال راه يجيبو ربي ..احسني الظن في ربي ....

[lilou f lilou a]

ربي معاااااااااااااااااااااااااااااااك

[AMINA.Z]

انا نحير فيكم يا البنات و الله
لي تجي تقولك متدين و متخلق و الكل يشهد له بدلك و يحافظ على صلواته و خجول و ....و ......و
الله يهديكم عايشين معاهم حتى تتاكدي بلي هاد الكلام كاين منو??????
او فيقو الراجل تاع الصح يحكي مع باباك و خوك
و يكذب عليك لي يقولك نعرف العقلية و من بعد
هادو راهم بلا كرامة و ما همش رجال لي يستاهلو بنت الفاميلية
يا اختي
راكي كبيرة و تعرفي الحلال و الحرام
واش تنصحي فيه هادا ربي يهديك
ديجا من المفروض تحمدي ربي لي كشفهولك و قالك هاي الطينة تاع الرجال لي غضبتيني علاجالها
و مام جاك يخطب كيفاه تقبلي بواحد كانو بنات الناس عندو لعبة !!!!!!
خممي بعقلك قلبك خليه لراجلك لي مكتبهولك ربي
اسمحيلي ادا زدت فيها شوية بالصح
الساكت عن الحق شيطان اخرص

[abdo71]

شوفي اختي ان الاعمال بنيات وانما لكل امرئ مانوى انت تقولين ان هذا الشخص ذو خلق وفي نفس كلامك عليه تششكين في هذا الكلام
وعليه اذا كان يحبك ويبغيك يذهب اللى بيتك ولا يذهب الى الفيسبوك ويخطبك هذا من جهة هل بنت خالتك صادقة هل هذا الشخص هو او لا كلها تخمينات تحتاج الى اجابات ولكن بكل اختصار اياك من تعارف عن طريق هذه الشات .مجرد رائ

[marouko1]

نقولك
حلي عينك لا تزيدي تهدري معاه
اقطعي طول
كأنك جامي سمعتى بيه
والله غير تنسايه طول أني قتلك
تعودي تضحكي على روحك
و نار الشوق تطفى صدقيني
رضي ربي قبل ما ترضي روحك

[aihemsara]

ابحثي على نفسير الاية
بااااااارك الله فيك كنت غالطة في معنى الآية و راني حذفت الرد هاداك:)
ربي يجعلها في ميزان حسناتك اختي

[انانيس]

ياختي نصيحتي يك ماتنصحيه ماينصحك نتي من طريق وهو من طريق اخرى وماتخليش قلبك يكون هو لي يمشيك حاولي تعفسي علي قلبك ومشي بعقلك هادا لوكان راجل مسؤول وصح يحبك مايديرش هكا يكون وفي ليك فحضورك وفغيبتك ومحتي ايلا جا يخطبك انا في مكانك نرفض انو لي فيه طبيعة شينة وتاع بنات يبقا هاكاك هادا درك دارلك هاكا من بعد كي تروحي عندي كيفاه يدير بداي حياتك بصفحة جديدة وانسايه تماما تجربة وتعلمتيب منها بزاف وربي يرزقك الزوج الصالح وكانت لي فيك خير كبير لانك وقفتي على المعدن الحيقي لهادال انسان ربي يصبرك ختي ويوزفقك

[مريم تعود]

السلام عليكم اختي والله فالحقيقة خليك من عقلية الفايس بوك انا يا اختي ما بقاتش لامان وكيما قالك المشرف داعي الله يسين خليك من التفاهات رانا جربنا الحب هذا وندمنا اسد الندم من غير تغضبي ربي اللي يحبك يجي للدار ويخيرك مرتو ويدير عليك الكارني ويديرلك القيمة امام اهلك وجيرانك ماشي علاقة فالظلام وبنت خالتك أحكيلها ما تخليهاش في عماها وربي يهديكم وهو ما تنصحيه ما تحوسي عليه راكي تحوسي على مبررات باه تحكي معاه واش يضمنلك يما يتزوجك ما يديرش علاقة اللي يدير فالفايس بوك راه داير ظل على المباشر ديري العقل وخليك منو ربي يعوضك بالزوج الصالح موفقة

[faty05]

شوفي اختي و خوذي الراي
اجبدي روحك ما تخممي عليه ما تنصحيه يعني خلاص شي ليكان بيناتكم هذا باين يتمصخر بيكم في زوج
ثانيا بنت خالك هذي خبريها عليه و نصحيها
يعني في زوج اجبدو رواحكم
و هو خلووه يندب في الفايسبووك تاعو
باين غير عقليه مراهق و زادا تع الفايسبوك هذو يحبو يجمعو اكبر عدد من لبنات و يحوسو غير علا الزين و القسرات
آمالا أنقذوا أنفسكم من هذا لحكايات و الخيالات

[اذكار]

السلام عليكم ختي يا النيه
حبيت نقلك بلي هدا لي راه عاجبك ورايحه فيه لهدي الدرجه غير خطيك منو هدا الوقت وقت دياب وانا نقلك كوني ديبه لا ياكلوك الديابه
الديابه علابالك يا وحد النيه هو كي يكون يحكي معاك او في نفس الوقت يحكي مع 10 من مثالك وزيد يقول يخي جايحه يخي جامي
جامي شفت حمارة كيما هدي كون جات متربيه ماتحكيش مع دراري في لفيس وتحب نجيبها لدراي اسمحيلي ختي على هدا لكلام لي قلت مي هدا هو لكلام لي يقو
لي قلتو مي هكا هو ولي مثالو يقولو راه غير عقاب وقت ننصحك خمي بعقلك الا تبعتي قلبك راكي تروحي فيها وتبقاي وحدك
ومن بعد تولي تعضي في صباعك من الندامه اجبدي روحك مدام راكي على البر خير من يديك لبحر والا داك لبحر مابقاش ترجعي
هدا واش نقلك والقرار ليك وننصحك تبعي رايي وراي الاخوة لي نصحوك
سلاااااااااااام

[dadi4613]

:dj_17: الواقع أنا في هذا الزمان ماكانش الثقة ولهذا أنصحك باللإبتعاد عنه وأعدك أن الله يجازيك لي مكتوب فالجبن ما ينحوه اليدين وكل بنت تجد الزوج الدي أعده الله لها أصبري فان الله مع الصابرين أما بنت خالتك ليس ذنبها الى أنها مثلك تريد زوجا فلا تلوميها

[ishak1]

السلام عليكم ورحمة الله اليي يبدا بالحرام يكمل بيه هدا الشاب لو كان حاب الخير وكان جا يخطبك من باباك ووانتي الله يهديك بعدي هدا الشاب لخاطر ماهوش اي دير معاك الدار ومكتوبك راه يجيك بادن الله

[حمزة الجنوبي]

بسم اللله والسلام على رسول الله
اختنا الكريمة الوسائل التكنولوجية بقدر ماهي ايجابية اصبحت مدمرا للعائلات
.................................................. ...............................................
اختي الكريمة الزواج قسمة ومكاتيب ولن ياخدك الا من اذن له الرحمان
اختي الكريمة ....يقوم.....على الثقة ومن كان عنده شك في صاحبه استحالة العلاقة والهناء
عالجي الامر معه هو شخصيا
تاكدي بانه هو من يحكي معها

[zizou123456]

الأصل في هذه القصص أنها بنيت على باطل ... و كما يقال ما بني على باطل فهو باطل ... التعارف قبل الخطبة و ما ينجر عنه من كلام مباشر أو عن طريق الهاتف أو النت كله حرام و كلنا نعرف بعض لواحقه التي قد تصل إلى الزنا عفانا الله و إياكم.. الأصل أنه إذا أعجب الشاب بفتاة فعليه أن يتقدم إلى أهلها لخطبتها .. أدخلوا البيوت من أبوابها .. و كذلك الفتاة الذي يريدك فليسأل عنك من بعيد ثم فليتقدم إلى أهلك و لك أيضا أن تسألي عنه و عن أهله .. أما التعارف خفية عن أهلك فهو باطل و حرام و سيؤدي إلى ما لا يحمد عقباه .. و لو أننا التزمنا جميعا بهاته القواعد لما كان هنالك كل هذه المشاكل و الهم و الغم .. هذا رأيي و السلام

[maroua16]

لسلام عليكم
ربي اعطالنا قلب و عقل ...القلب باه نحسوا بيه او لعقل باه نفكروا بيه ..لكن لاسف الشديد كثير من البنات لا يفرقن استعمالهما بل واغلبهن يستخدمن قلوبهن بدل عقولهن ...أختي الكريمة حاولي التفكير بعقلك ليس بقلبك..ستتوسلين بكل سهولة الى الاجابة المقنعة والتي سترضين بها ان شاء الله ..نصيحتي الاولى لكي :حاولي قراءة مثل هده المواضيع في الجرائد والمجلات سوف تفيدك حقا وسوف تكتشفين ان هده العلاقات هي بالاصل حرام ولها نفس النهاية....اما النصيحة الثانية فهي : الزواج قسمة و نصيب يعني لست انت من سيبحث عن زوج المستقبل ..انتظري نصيبك لان الله ان كتب لك شيءا فلا احد سيغيره ..واقول لك هدا بكل قناعة وبكل جدية....راجعي نفسك فيما كنت تفعلين ....اوخليك من الامووووور هدي والعلاقات المزيفة ..واكتفي بدعاء الله لعسى ان يرزقك بالرجل الصالح الدي تستحقينه ...
اونزيد نقولك يكدب عليك الي اقولك بلي لازم علاقة في الوقت هدا والا ماكانش زواج..ول لازم نتعرف على عقلية الطفلة قبل مانديها..كلها اكاديب ولازم نتمسكوا كتر في دينا لانوا هو المرجع الاول...اوربي يهديناااا نشال الله