مشكلة خيار دراسي [الأرشيف] - منتديات الجلفة لكل الجزائريين و العرب

مشكلتي

2012-09-05, 13:51

لسلام عليكم ورحمة الله وبركاته
انا فتاة متحصلة على شهادة البكالوريا هذا العام ,لكني محتارة بين الدراسة في الجامعة وبين الباغامابديكال ,انا اهلي مش معارضين الفكرة وخلولي حرية الاختيار وعندي صديقتي قاتلي اخطيك تقرى في الجامعة خير ,انا صليت صلاة الاستخارة لاني صح تعبت من التخميم ,حلمت بأني جالسة في قاعدة الامتحان وعلى اشخاص من نفس سني تقريبا ما نعرفهمشي وكنا نعدو في الامتحان وكانت استاذة اتبان بنت اتعس علينا وكانت في ايدي اليمين ورقة الاسئلة وفي ايدي اليسار ورقة الي كاتبا عليها الاجابة وكنت انقولي بلي هذ الاجابة ولازم نكتبها ,صراحتا ما فهمت تفسير منامي بالرغم اني حلمت بهذا الشي مرتين ,اتعيشو اعطوني رايكم وقولولي وش يعني منامي

ناصرالدين الجزائري

2012-09-05, 19:14

حلمك هو أضغاط أحلام فقط .. فعمدما يجهد المرء نفسه بالتفكير في مسألة معينة فهو حتما سيراها في منامه .. مع العلم لا علاقة للأحلام بالاستخارة .. لأن جواب الاستخارة هو تيسيير الأمر أو تعسيره ...
انصحك أن تستعلمي مع من درس التخصص الذي تريدينه لتكون لك نظرة أوسع تمكنك من اتخاذ قرار لا تندمين عليه ...
بالتوفيق ان شاء الله ..

dina.labelle

2012-09-06, 14:16

basa7 mana9drouch njawbouk illa idha 3rafna takhassos ta3ek ta3 ljami3a mli7 walla la

aminahassiba

2012-09-06, 15:38

ديري واش يخرج عليك

نورالهدى بيولوجيست

2012-09-06, 18:33

انا من رأيي اقراي Paramedical

سميحة.لد

2012-09-06, 20:22

ادا كان على البراميديكال علابالك تتوظفي فيه اكيد بعد الدراسه هادا ادا كان على العمل ...بصح ايدا كان عندك طموح لبعيد وحابا تكملي الدراسه باه تحقيه تاني مليحه ....شوفي نتي لواش تميلي وحابه وعلى واش قادره

وردة27

2012-09-06, 21:35

السلام عليكم ... اختي انا مثلك تحصلت على الباك هاد تاعام و الحمد لله حابة ندير paramidical و نقرى فالجامعة و راني نخمم نعاود الباك ......

علي بابا واللصوص

2012-09-06, 22:30

أختي قراي واش تحبي أنتي ومقتنعة بيه غدوة كي تحبي تخدمي لازم تكوني تحبي الدومان اللي أختاريتيه وتكون فرحانة وأنتي رايحة تخدمي
إذا درتي على كلام الناس رايحة تندمي 100%
ومازالكي صغيرة كي تكملي عاودي قراية نورمال
أنا ثاني صرالي نفس المشكل قريت ضمنت الديبلوم في يدي والآن راني نعاود من جديد ونحقق في حلمي

لا حدود للعلم والطموح

lilou f lilou a

2012-09-07, 09:09

ديري الحاجة لي تريحك أختي
وربي يسهلك

أسـماء

2012-09-07, 11:23

الجامعة فوق 4 سنين وتزيد ديري سطاج وتستناي مسابقة وخدمة وعقود ماقبل التشغيل يعطوهم غير 12000 دج + الجامعة فاسدة لاخلاق لا تربية وووو
شبه طبي تقراي غير 3 سنين ومباعد تدخلي تخدمي في السبيطار والحمد لله في السبيطار ممرضات تقدري تقعدي معاهم محترمين وتخلصي على ماضن 3 ملاين
انا من راي الشبه طبي خير لك والله اعلم
اما اذا كانت شعبتك في الجامعة مليحة بزاف مثلا طبيبة او شهادة عليا ماعليش
وبالتوفيق

كوثر 20

2012-09-08, 21:16

ربي يسهلك اختي في مشوارك

la manita

2012-09-17, 14:31

بالتوفيق ان شاء الله ..