بخصوص تادية الخدمة الوطنية [الأرشيف] - منتديات الجلفة لكل الجزائريين و العرب

amiraek

2012-09-04, 18:23

السلام عليكم عندي صديقي يعمل معي -الادماج المهني- جاءه استدعاء الخدمة العسكرية وراه رايح
-كيفاه يدير مع الكونترا +سقسيت في لا نام قال لي ما كانش منها تبلوكيها /قال لي نحبسوها +كي يكمل تروحلو الكونترا
-ما تعليقكم+كاين الي بلوكاها---كيف +++انا من غليزان

needhope

2012-09-05, 11:24

السلام اخي..أنا ديت كونطرة لانام في مارس2010 و خدمت منها غي أسبوعين ..حتى جاتني إستدعاء الخدمة العسكرية.ما بغيتش نضيع الفرصة..رحت لانام و قلتلهم بلي باغي نروح الخدمة العسكرية ..تخلولي الكونطرة نتاعي نوقفعا و كي نجي نكمل؟قالك روح ادي الخدمة و غي تجي بالسلامة و ساهل...خليتلهم نسخة من الإستدعاء و رحت اديت الخدمة..كي رجعت و كملت المدة عام و نصف و جيت..ما ستعرفوش قاع بي...قعدت غي معاهم..قالولي الكونطرة نتاعك راحت..و الدوسي ديالك تبحر..دابزتهم و زقيت شوية...و مين بغيت نفوتهم للعدالة لأن ودرولي الدوسي و نسخة الإستدعاء..جاب ربي واحد ناس ملاح فيهم عاوني و قالي هاك ورقة و شوف كاش مدير يمضيلك باه نعطوك كونطرة....و انا هذا ما نكره...قعدت غي مع المدراء هدا ما نجمش نزيدك و هدا يشنف..و هدا يهرب من الباب لاخر...وليت لانام قلتلهم رسلتوني عند شواطين..قلتلهم ردوني عند وين كنت نخدم بكري ..قالولي جيبنا الدوسي من جديد و روح لمديرية التربية يمضولك...قلت بسم الله و رحت حتى جبت الدوسي و بعد 03 أشهر ديت الكونطرة بعد معاناة كبيرة هذا لأني اديت الخدمة الوطنية في لبعد نقطة في الجزائر و هي تندوف في السخانة..لوكان هربت من الخدمة و ما أديتهاش يسهلولي و يفرحو بي...و يوظفوني مترسم كيما شي ناس نعرفهم.أملا روح و دير تكلك على ربي..وخر حاجة من حياتك بكري . كي تجي ربي فيه الخير.