الى كل الطلبه الجدد [الأرشيف] - منتديات الجلفة لكل الجزائريين و العرب

مشاهدة النسخة كاملة : الى كل الطلبه الجدد

عائشة قطر الندى

2012-09-04, 11:21

السلام عليكم ورحمة الله وبركاته

اخواني اخواتي في الله كتيرة هي تلك المواضيع المتشابهة التي تتعلق بدواء البروميل وبقضيه الاقامة وتنضيم الوقت وطريقة المحاضرات لان كل هده الامور لها دور كبير في تحصيل المردود الجامعي فالكل متخوف ولقد قرات في هدا المنتدى بان بعض الطلاب قرروا الا ياكلو من الريسطو والاخرون وهم بالاحرى كتيرون يسالون عن الاقامة وعن نضافتها ومنهم من هو مرتبك من الدروس الجامعيه وكيفيه تنضيم وقته ومابالك ادا قرر اعادة باك جديد فكيف له بدلك

انا ساسرد لكم قصتي بكل صراحة واتمنى ان تستنبطو منها ولو القليل من الفوائد:

انا طالبه جامعيه بالمدرسة العليا بوهران واقيم باقامة الدكرى التلاتون بالسانيا بوهران صحيح ان الابتعاد عن الاهل والاحباب في لحضة ما وتجد نفسك مع انس لم تعرفهم سيكون كالصاعقة علا قلبك ولكن هدا الامر يتعلق بقضيه الوقت انا بالدات اسبوع وانا ابكي واخرى اعرفها شهر ولكن من سيقرا موضوعي سيقول كيف لم تبكي شهر متل قرينتها وبكت فقط اسبوع لانني في كل مرة انزعج او اتدمر اتدكر هدفي النبيل وهو اسعاد والدي ودائما اقول في مخيلتي علاش راني هنا؟ جيت باش نقرا بصح نقرا ماشي علاجالي نو علاجال والديا تعبو فرحو بكاو فكل دقيقة من حياتي نردلهم خيرهم

كانت ماما وابي كي يعيطولي نقولهم صاي والفت والحمد لله باش منقلقهم وقدرت نوالف صحاباتي في الغرفة وكل وحدة كان عندها نهار دورها نتاع الكوزينة باسكو ماكناش ناكلو فريسطو كنا نجيبو ماكلتهم ونغيرو فيها شويا وتانيك مانتكلوش عليهم نشريو من برا

فيما يخص تنضيم الوقت مالازمش تتهاون في دروسك كمل كور نتاع ولا تيدي وركز مع البروف وممبعد ربي يسهل عليك روح لاشومبر نتاعك ولا روح حوس شويا وتلهى وعليكم بالمراجعة كل يوم ومن الاحسن ان تختار جماعة نتاع قرايه ماشي نتاع التمسخير والله مرجعة جماعيه هي الاحسن

بعض الطلبه يقول انا ماجيتش نحوس جيت نقرا مي انا تانيك وغيري قاع كنا نقولو هكدا بصح كيما يقول المتل شويا لربي وشويا لقلبي صحيح ماتكاسلش وتتهاونش في دراستك وهداك الضيق اللي في قلبك غادي تخرجه بالضحك واللهو مع زملائك

والله ايام الاقامة عمرها ولا تنتسى وفيما يخص دواء بروميل هو مساله وقت برك في الاول تقعد تنعس وممبعد عادي وغادي يسمن هدا مكان

سامحوني ادا اطلت في لموضوع بليز واي استفسار او مساعدة اختكم في الله عائشة قطر الندى راهي هنا في اي وقت :1:

نينو

2012-09-04, 11:27

كاينة اختي
مرسي عليك

Imiiii

2012-09-04, 11:32

عندك الحق أختي انا حبيت نعاود الباك مي أمي ماهيش موافقة قاتلي تقدري تروحي بعيد في التخصص تاعك إذا درت القلب واش تقولي ؟؟؟؟

abdou.em

2012-09-04, 11:34

الله يخليك اختي على التوضيح
جعله الله في ميزان حسناتك

عائشة قطر الندى

2012-09-04, 11:39

بيان سير اختي ايمي ودليل دلك حكمة المؤلف الانكليزي صامويل جونسون : يكون المرء غنيا او فقيرا حسب معدل رغباته مقارنة بمتعه والاكيد الغنى غنى العلم وبالتوفيق لكي

عائشة قطر الندى

2012-09-04, 11:41

الى الاخوين نينو وعبدو ربي يحفضكم وهدا واجبي

Imiiii

2012-09-04, 11:42

شكررررااا أختي أنا راني في تخصص إنجليزية و انشالله ندير لي نقدر عليه

عائشة قطر الندى

2012-09-04, 11:45

انشاء الله ايمي ونتي ديري مجهودك والباقي علا ربي

ღ.¸¸.عهد الاصدقاء.¸¸.ღ

2012-09-04, 16:02

شكرا اختنا هاي الناس الي نحوسو عليها بالمنتدى و الله كلمات قليلة لكن تدخل القلب ترفع المعنويات ربي يخليك اخت عائشة قطر الندى ومشكورة و نتمناو انو مسيرتك الجامعية تتوج بناجاح باهر لانو صراحة تستاهلي

rimiana

2012-09-04, 16:42

شكرا اختي ربي يجازيك
انا حقيقة راني متوترة بزاااااااف و خايفة كتر ما كنت قبل الباك خاصة موضوع الاقامة فكل من اعرف لم يثني عليها بل اخافوني منها و صرت افكر فيها اكتر من الدراسة خصوصا عدد المقيمات في الغرفة و النظافة و التنقل( علما اني اسكن بجانب الثانوية فلم اجرب الدراسة بعيدا) اما الابتعاد عن الاهل فهو اكبر مشكلة.لا ادري ان كنت استطيع تجاوز هاته الصعاب.
للعلم انا طالبة في المدرسة العليا للأساتذة بوزريعة.و شكرا مرة اخرى

عائشة قطر الندى

2012-09-04, 18:57

يا اخي مينو والله هدا اللي قمت به مجرد مساعدة اللي العام اللي فات مالقيتش مساندة وربي يحفضك ويوفقك لما تريد يا طبيب المستقبل واي مساعدة راني هنا

عائشة قطر الندى

2012-09-04, 18:59

اختي ريميانا انا عنا في اي وقت انتي استفسري وانا نجاوبك بكل صراحة وشفافيه وربي ينجحك يا استادة المستقبل

مَجْنُوْنَةٌ أَنَاْ

2012-09-04, 21:25

أختي بااارك الله فيك
ممكن تحكيلي اكثر كيفاش كنتو تديرو على الماكلة بش نقتبس شوي عليك
شريتو ريزيسطونس و تطيبو فيها و الا كيفاه ؟؟
فهميني خاطكش علابالي مانيش حابة ناكل ماكلتهم ، ومادام نقدر نتكل على روحي ندير وحدي خير

عائشة قطر الندى

2012-09-04, 22:17

يا اختي كل واحد وعقليتو كاين اللي يقدر عادي ياكل من ماكلتهم بصح بعدما توالفي اكيد ولكن اكيد تاخدي ريسيتنوس ولكن بحسب تجربتي الخاصة ادينا ريسيستونس وكوبينك وكنا فكل مرة تكمل تعمرها وحدة يعني كل وحدا ودورها وايضا اواني اللازمة وادا خاصك قائمتهم راني هنا وربي يسهلك وتشري من برا وتطيبي في شومبرة وغادي تتكلي بالاكتر علا فريت اومليت بصح لازم تاخدي من ريسطو غير سخايف وهكدا تتجنبي بيروميل وربي معاك ويوفقك

تمثال التفاءل

2012-09-04, 22:19

شكرا الاخت عائشة والله وفيتي ومدابينا نلقاو بنات كيما انت يقبلوا الشراكة والتعاون ربي يطيحنا في بنات الحلال ومارسي من صديقتك انتصار تخصص طب بيطري بالبليدة

مَجْنُوْنَةٌ أَنَاْ

2012-09-04, 22:27

مشكوووووووورة اختي
تقدري تقوليلي وش هما الاواني اللي ديتيهم ؟؟
ومافهمتش هادي كوبينك وش قصدك بيها ؟؟

عائشة قطر الندى

2012-09-04, 22:43

اختي انتصار ربي يحفضك ويحققلك ماتتمناي وربي يلاقيك ببنات الخير اللي هوما خير مني انشاء الله وماتخافيش زيني نيتك وديري فبالك بلي مالازمش تكوني صعيفة ولا ماتعرفيش باش مايستصغروكش الله غالب هدي هي الاقامة ومرسي

تمثال التفاءل

2012-09-04, 22:46

عائشة قطر الندى

2012-09-04, 22:55

اختي الملقبه بمجنونة انا موضوعي هدا يسرد حقيقة عشتها بنفسي اوكي؟ كوبينغ هو قارورة غاز من الحجم الصغير مع ادواتها اللازمة ماهيش غاليه وتعمار نتاعها حنا كنا نعمروها 150 دج اما قائمة الاواني مغرف صغيرة وكبيرة فرشيطة طبسي غرفيه كاس شوب سارفييت( تارمو نتاع قهوة واخرى نتاع حليب طاجين صغير مقلة صغيرة 2 باسينة تغسلي فيهم الماعين سلة تحطي فيها الماعين وطاوة )واختي علابالي بلي هدو بزاف عليك بصح تقاسمي نتي واللي معاك فلاشومبر وجيبو فيفتي فيتي وربي يكون فعونكم وربي يسهلك ويوفق كلشي تسلك المهم صمني عامك

asma.gh

2012-09-05, 03:04

choukraaan jazilaan

drnafser

2012-09-05, 11:18

شكرااااااااااااااااااااااااااا

rimiana

2012-09-05, 13:21

[quote=عائشة قطر الندى;11463961]اختي ريميانا انا عنا في اي وقت انتي استفسري وانا نجاوبك بكل صراحة وشفافيه وربي ينجحك يا استادة المستقبل[/quote
شكرا اختي ربي ينجحك

zakyass

2012-09-05, 14:23

شكون لي عندو تجربة إعادة البكالوريا حر و هو يقرى فالجامعة ؟؟؟ يقولنا كيفاش كان ينظم وقتو

ابتسام123

2012-09-05, 14:43

السلام عليكم شكرا على الموضوع
انا عائشة اختي عمري ولا بعدت على الدار والان راني حايرة كيفاش ندير
مدولي مدرسة عليا استاذ اعلام الي في القبة العاصمة
وحابة نعاود الباك والله غير عييت من التخمام في الجامعة وخصوصا الاقامة

عائشة قطر الندى

2012-09-05, 15:12

الى كل من الاخوات انتصار ومجنونة انا واسماء وريميانا و ابتسام والاخ درانفسي شكر مني اليكم باخلص التمنيات وبالتوفيق

عائشة قطر الندى

2012-09-05, 15:15

الى الاخ زكي هدي التجربه نتاع باك حر السنة غادي نقوم بيها ولكن كانت معايا وحدا تقرا وتعاود الباك وكنت نشوفها ففيد تقعد وحدها وتريفيزي وانت انوي الخير وتلقاه وربي يسهل

عائشة قطر الندى

2012-09-05, 15:19

يا اخت ابتسام والله هي مساله وقت ضرك بلخف توالفي لاسيتي وتديري صحابات وتعرفي عقليه كل وحدة وتولو خواتات بصح حرزي روحك ديري كونفيونس في غير محلها باسكو كل وحدة وعقليتها وكيفاش تربت واما مشكل تتوحشي العايلة ديما تفكري راكي بعدتي عليهم علاجال هدف نبيل وباش تفرحيهم قبل ماتفرحي والديك وربي يسهلك في باك الحر ومتخافيش كلشي تسلك وربي يكون معاك انشاء الله واي شيء راني هنا

sarra sarita

2012-09-05, 15:25

yatik alsaha khtito

عائشة قطر الندى

2012-09-05, 15:32

ربي يحفضك اختي صارة وربي يوفقك

sarra sarita

2012-09-05, 15:35

mrccccccccccccccccccccccc

sarra sarita

2012-09-05, 15:35

mrcccccccccccccccccccccccccccccccccccccccccccccccc ccccccccccccccccccccccc

remili

2012-09-05, 15:51

عندك الحق أختي انا حبيت نعاود الباك مي أمي ماهيش موافقة قاتلي تقدري تروحي بعيد في التخصص تاعك إذا درت القلب واش تقولي ؟؟؟؟
انا راي يا ختي تعاودي الباك خير ...........امك اكيد تحبلك الخير وتحب تشوفك في الجامعة كيما لخريــــــــــــن .......مي الانسان ادا كانت عندوا الفرصة والقدرة على تحقيق الحلم نتاعوااااا نورمالموا ما يترددش عليها................بالتوفيق
....وفي مايخص معاناة الطلبة في الاقامة راح تكون اكتر بالنسبة للبنات..

siphaxs93

2012-09-05, 16:11

شكرا الاخت وبارك الله فيك

well known

2012-09-05, 16:31

merci rbi yhafdak mawdo3 ra2i3 :19::19::19::19:

عائشة قطر الندى

2012-09-05, 17:33

الى كل من الاخوين سيفاكس و ويل ناون ربي يحفضكم وينجحكم في مشواركم الجامعي