ما عنديش كرامة...ماعنديش عزة نفس

[عضوة جديدة]

سلام

عندي مشكلة نحسها كبيرة بزاف وبديت نقلق من روحي بسبتها

وديمة نقول درك نتبدل وما نتبدلش

ماعلاباليش علاش ما عنديش كرامة

دايما الناس اللي يغلطو معايا انا اللي نرجعلهم و بلاما يعتذرو

في العيد انا اللي نعيط ولا نبعث ميساج وكاين اللي مايجاوبونيش ونزيد نبعثلهم في العيد اللي وراه

نقول كي نتلاقاهم نلومهم ونجبد روحي عليهم بصح مانديرهاش

شحال من انسان جرحني بالكلام ونبقى نعامله مليح

نقرر ونحلف اني مانديرش حاجة معينة ونولي نديرها

في الدار انا هي البونيشة اللي دير كلش

وماكاش في دارنا عدل بيني وبين خاوتي

وبالرغم من كل هدا نحاول نتفهم

بصح كرهت

نتمنى نكون رقم واحد عند اي انسان

ونتمنى تولي عندي شوية كرامة

الانسان مالازمش يسامح في كل الحالات

قولولي على طريقة تقسي القلب

قولولي كيفاش نطبق قراراتي

وكيفاش نتبدل مع الناس اللي حاسبيني غبية ( عندي غباء اجتماعي - اما من ناحية الثقافة والعلم فانا والحمد لله كنت دائما من المتفوقين )

الطيبة هي الغباء عينه مع الناس هادو

[karim vovinam]

أختي الله يبارك فيك خطكش نتي مشاء الله قلبك بيض ماشي حقد و يقولك المسامح كريم أختي ما تتقلقيش مشي مليح وديجا نهار صح تبعدي على هذو الناس تما يحسو بيك كين ربي

[عضوة جديدة]

أختي الله يبارك فيك خطكش نتي مشاء الله قلبك بيض ماشي حقد و يقولك المسامح كريم أختي ما تتقلقيش مشي مليح وديجا نهار صح تبعدي على هذو الناس تما يحسو بيك كين ربي

والله يا اخي غير نحس في روحي شيفونة - نشافة

اللي يجي يمسح فيا

قولولي برك طريقة تعاملكم مع الناس كيفاش

كيفاش تحطولهم حد

[Zakyy]

سلام....
لا احبذ مصطلح الكرامة
لانه مصطلح افلام و مسلسلات
انا اعرف هذه المقولة
"خالط الناس و اصبر على اذاهم خير من ان تبقى وحيدا و في كلاهما خير"

[amina2688]

السلام اختي الغالية

ما تقلقيش روحك وما تصفيش روحك كيما هك

اكيد الناس اجناس وكاين الي يستغلوا طيبة الفرد .........

وكوني اكيدة انك كي تعيطيلهم انت وتبعثيلهم مسجات وهما ما يردوش اكيد العيب فيهم

(...........بناتنا كلام اخر نتما يو صلك ما نيش حابة نكتبو)

وبالنسبة للعائلة اكيد شعورك خاطئ لانه اكيد ليس لا يوجد عدل بل هناك او لويات

يعني يبجلوا واحد على واح مش لانوا خرمنوا بصح لانها كاين اولويات

والكل حسينا هذا الشعور يبدوا انك انت صغيرة العائلة

ونحب نقلك انك رقم واحد عندي انا بطيبتك وبنيتك .........:19::19::19::19:.اختك امينة

[rimalarose]

انت كيما انا اختى متقلقيش ربى خير

[djeriou]

والله أنت أحسن منهم جميعا، أما عن الكرامة فأنت هي الكريمة، و أما عن عزة النفس فأنت هي العزيزة، هذا يظهر كم أنت كبيرة و ليس العكس و تأكدي أن الناس تحبك لهذه الصفات التي تريدين التخلي عنها. الله يبارك فيك

[aihemsara]

لوكان نتبعو الحساب هادا رانا كامل بدون كرامة ههههههه
ياو راهي غير دنيا و ما دام كاين جنة ما يهمني فيها واااالووووو
ديري الخير و احمدي ربي لي ععطاكي قلب ابيض و ما يهمك في حتى واحد

[بلقاسم 1472]

أنت الوحيدة التي لها كرامة
ياصاحبة القلب الأبيض
وهم الذين يفتقدونها
بقلوبهم السوداء الاستغلالية
ابقي كما أنتِ
فأنت في العلياء وهم في أسفل الدرك
ثمني سلوكك لتعرفي قدر كرامتك

[fathi souissi]

ماتقوليش ماعنديش كرامة على حساب وش قريت يعني من طبعك التسامح والعفو و..و..و.الخ وهذي صفة مليحة . كاين حالات وين يكون تسامحك عندو حد هنا لازم توقفي .

[fatima zohraa]

اختي الكريمة قال تعالى(والكاضمين الغيظ والعافين عن الناس)كفاك رضا ربك

[ام ايمان16]

ربي يرزقك على حساب نيتك ويعطيلك واش تتمناي اختي
بارك الله فيك وفي اخلاقك النبيلة:19:

[السي محمد]

بتوالي الصدمات والمواقف المحرجة و المُحزنة

يقسو قلبك و تصبحين ( ذكية إجتماعيا)

انا ايضا كنت مثلك نية ولكن تغيّرت

لانك إذا لم تتغيري سياكلونك حية

[فاستبقوا الخيرات]

السَّلاَمُ عَلَيْكُمْ وَرَحْمَةُ اللهِ وَ بَرَكَاتُهُ
*************************
عَنْ عُقْبَةَ بْنِ عَامِرٍ الْجُهَنِيّ رضي الله عنه قَالَ:
كُنْتُ أَمْشِي ذَاتَ يَوْمٍ مَعَ رَسُولِ اللهِ صلّى الله عليه وسلّم
فَقَالَ رَسُولُ اللهِ صلّى اللهُ عليه وسلّم:
«يَا عُقْبَةُ بْنَ عَامِرٍ: صِلْ مَنْ قَطَعَكَ، وَأَعْطِ مَنْ حَرَمَكَ، وَاعْفُ عَمَّنْ ظَلَمَكَ».
رواه الإمام أحمد وهو في السلسلة الصّحيحة.

*************************

عَنْ عَبْدِ اللَّهِ بْنِ عَمْرٍو رضي الله عنه ، قَالَ :
قِيلَ لِرَسُولِ اللَّهِ صَلَّى اللَّهُ عَلَيْهِ وَسَلَّمَ : أَيُّ النَّاسِ أَفْضَلُ ؟ قَالَ :
" كُلُّ مَخْمُومِ الْقَلْبِ صَدُوقِ اللِّسَانِ " ،
قَالُوا : صَدُوقُ اللِّسَانِ نَعْرِفُهُ ، فَمَا مَخْمُومُ الْقَلْبِ ،
قَالَ : " هُوَ التَّقِيُّ النَّقِيُّ ، لَا إِثْمَ فِيهِ ، وَلَا بَغْيَ ، وَلَا غِلَّ ، وَلَا حَسَدَ " .
حديث صحيح، رواه الإمام ابن ماجه في سننه.



*************************

عَنْ أَبِي هُرَيْرَةَ رضي الله عنه أَنَّ رَجُلاً قَالَ: يَا رَسُولَ اللَّهِ إِنَّ لِي قَرَابَةً أَصِلُهُمْ وَيَقْطَعُونِي،
وَأُحْسِنُ إِلَيْهِمْ وَيُسِيئُونَ إِلَيَّ، وَأَحْلُمُ عَنْهُمْ وَيَجْهَلُونَ عَلَيَّ. فَقَالَ رَسُولُ اللهِ صلّى الله عليه وسلّم:
«لَئِنْ كُنْتَ كَمَا قُلْتَ فَكَأَنَّمَا تُسِفُّهُمُ الْمَلَّ [أَيْ: تُطْعِمُهُمُ الرَّمَادَ الْحَارَّ]
وَلاَ يَزَالُ مَعَكَ مِنَ اللَّهِ ظَهِيرٌ [أَيْ: مُعِينٌ] عَلَيْهِمْ مَا دُمْتَ عَلَى ذَلِكَ»
رَوَاهُ مُسْلِمٌ في صحيحه.

*************************

[سارة البوسعادية]

يا اختي رانا كيف كيف لكنني اعتبرها مبادرة بالاحسان ولا انتظر جزاء او شكور رغم انها تحز في نفسي لكنني اتناسى الموقف

[aissam .3820]

نقرر ونحلف اني مانديرش حاجة معينة ونولي نديرها


ما شاء الله اختي نعم الاخلاق....

...

عندك حاجة مش مليحة...

..

حاولي ما تحلفيش...

..

[achwak.1993]

اجعلي ذلك كله ابتغاء مرضاة الله و مع ذلك فلكل شيء حدود

[ألمـ وعشناه ...]

انت شخصيتك رااااااااااائعة بكل معنى الكلمة و ونتي اللي قلبك ابيض ربي يخلييييييييييك

[a_s_m_a]

okhti l'karima ( ma3andkch karama ) kalma ghalta , allah ybarek fik 9albek kbir w ness li kifek 9lel.

[عذراء الجبل18]

حنونة اخلاقك عالية وقلبك بيض علاه حابة طريقة تقسي بيها قلبك لالا جامي خليك هكا راكي ماشاء الله عليك
تحياتي لكي

[عضوة جديدة]

ربي يخليكم
اخجلتم تواضعي

لكن سؤالي

اذا كان قلبي ابيض فما معنى احساسي ب " الرخص " حاشاكم

كلما قمت بتلك التصرفات

نحس بالرخص ليس بسبب تصرفاتي ولكن بسبب ردود فعل الاخرين ونظرتهم الي ( نولي نقول درك يقولو عليا ما نيش عاطيا قيمة لروحي وغبية )

نتمنى تكونو فهمتوني

وشكر كبير لكل من شارك في موضوعي

[بنت الرّحّل]

ربي يخليكم
اخجلتم تواضعي

لكن سؤالي

اذا كان قلبي ابيض فما معنى احساسي ب " الرخص " حاشاكم

كلما قمت بتلك التصرفات

نحس بالرخص ليس بسبب تصرفاتي ولكن بسبب ردود فعل الاخرين ونظرتهم الي ( نولي نقول درك يقولو عليا ما نيش عاطيا قيمة لروحي وغبية )

نتمنى تكونو فهمتوني

وشكر كبير لكل من شارك في موضوعي

لأنك يا الغالية لا تعرفين لماذا تقومين بهذا
أتصور حبيبتي أنك تعيشين نوع فراغ فاملئيه بالفائدة وانشغلي بشغل مفيد

و الإنسان إذا قام بأي عمل من أجل الله أحس برفعته لا بنقصانه

على فكرة


أضحكتني مسألة الهاتف أنا في هاتفي خمس أرقام لا غير لا يدق هاتفي إلا من أخطأ أو رسالة من خدمات شركة الاتصال أو من يريد مصلحة يعني صامت طول الأيام

( مممم(خصني واحدة كيفك ) على الأقل أتذكر أن عندي هاتفا:)


أمزح معك أختي ...


أعيدي حساباتك كلها وابدئي بهذا السؤال :

لماذا أفعل وما ذا أرجو


حياتك ستتغير بإذن الله


دمت موفقة

[staifia]

لالا اختي متقلقيش روحك هذا ماشي مشكل كيما تعتابريه انتي ,,,
بالعكس قلبك ابيض وما فيهمش حسد او غل ,,, يعني تمشي بنيتكـ
ومتخافيش مول النية ديما يربـــح ....
راكي كيفي حتى انا احيانا نقول نقسي قلبي و نغير من طبيعتي هادي ,,, لكن والله ما تقدري
ربي خلقنا هكدا والحمد لله ,,, حاجة مليحة ,,, ودير في بالكـ ديما تطلعي في الاخير المليحة صدقيني
و ربي يزيدلكـ في الخير ووين تكوني يكون معاكـ والله ,,,, عن تجربة اختي مش كلام هباء ,,,,,,
ربي يكتر من امثالكـ و يهدي الناس جميعا
سلامي

[لينا الجنة]

سلام اختي قولي عندي قلب ابيص و كبير متسامح و مايعرفش الغل و الحقد
حطي اي حاجة ديريها لله سبحانو و تعالى و هو راح يرزقك من حيث لا تدرين

[7anine 87]

اه يازمن اصبحت فيه الطيبة غباء

[salam algeria]

ربي يرزقك على حساب نيتك ويعطيلك واش تتمناي
اختي قلبك ابيض و صافي و ان شاء الله ربي يطيحك في ناس يستاهلوك

[acerrahim]

يا اختاه نصيحة لله كما قال المثل الشعبي ماتولي نخالة حتى ينقبك الجاج اعرفي شكون تخالطي ديري صديق واحد ويكون وفي وشكرا

[فاتح الخير]

لكي لا تغتاظي كثيرا اعطي بعض التجاهل لمن تجاهلك و ليس من العدل ان نعطي الدنية من انفسنا ، من جرحكي انسحبي من حياته او على الاقل قللي اهتمامك به كي يعرف قدره ... و من الناس من يجب تأديبهم و معاملتهم بالمثل حتى يعرفوا قدر انفسهم...تحياتي

[soheib+206]

السر هو في الشخصية ديالك يجب أن تصبح قوية ذات رأي واحد لا ثاني لهما

وليس في قسوة القلب يا أختي و هذه الحالة أنا أيضا جازت عليا و الحمد الله

راحت ............. اليوم اللي يغلط يخلص هههههههههه