مية 3

[مشكلتي]

انا اشكر و الله كل من قدم لي النصيحة وكل من دعى لي و كل من احس بي و الله احبكم في الله اصبحت كل ما اقول كلمة الله قلبي يثلج

اتعبتكم معي اسفة و هده اخر مشاركة لي في هذا القسم الذي نور لي طريقي بردودكم الجد واعية

بخصوص ابي انا و الله احبه لكن في احيان كثيرة اكرهه
خالي و المعلم ولا احساس حتى الكره و خسارة فيهم لكن يا رب جازيهم على قد مااذوني

لكن الصديق الخبيث ليس من السهل نسيان اربعة سنوات في اربعة ايام و خصوصا ان السكين المسموم الذي طعنني به في جوف قلبي لايزال يغذبني حقيقة انا اريد الانتقام يعني لو لن انتقم لن اتقدم في حياتي و لن انساه و لن اتجاوز هذه المرحلة ابدا انا يجب ان انتقم لكن لاادري كيف
و الله لااستطيع التحمل اريد اشرابه المر المرير اريده ان يبكي ارجوكم من يعرف كيف استطيع ان ابكيه و اندمه يقولي في وجه ربي الا اتوسل لازم اشفي غليلي منو يا ناس رجوكم

و شكرا جزيلا

[قابضة على الجمر]

الله يهدي الجميع

[nouna l maghbouna]

يا اختي واش من انتقام راكي تهدري عليه؟ ربي يهديك وكلي عليه ربي
المهم ضكا انتي شوفي حياتك انساي كلشي اقراي ولا اخدمي و توبي و اللي دارو فيك الشر كامل والله غير يندمو عليها المهم انتي وكلي عليهم ربي و هذاك صديقك ماتزيديش تهدري معاه و بلاك تقوليلو كلام ميش مليح قادر يديرك مشاكل كبار بعدي عليه
و ربي يكون في عونك و كيما قتلك وكلي ربي وكلي ربي وكلي ربي

[**الفارسة الملثمة **]

ربي يفرج عليك يا رب و يهديك الى صراط المستقيم

[ايمااان]

انا دوك نقولك الانتقام اللي كنت رايحة نديرو لوكان صرالي المشكل هدا
معظم الرجال يلهون مع الفتاة اللي خاطية الطريق و العكس صحيح لهذا اقول لك تحجبي و هدي تكون اول خطوة ليك و ادا اح يشوفك بصورة التاة الجميلة و لكن الوقورة اللي مايقدرش يقرب منها و اللي غلط كي دار فيها المنكر و لكن ما يقدر يدير والو دوكا و رايح يغيظو الحال بزاف كي تخلى عن وحدة ممكن تكون احسن البنات جمالا و خلقا
ونحي فكرة انك تفني روحك للانتقام ...عيشي حياتك و عيشيها لربك

[imene12]

نصحتك في موضوعك السابق بأن تقدمي ضده شكوى

[الاسم مخالف 2]

وكلي عليه ربي هو العزيز ذو انتقام اما انت توبي لربي و اخطيك من العلاقات و كيما قلت لك سرك و اسرار العايلة كاملة ما تخرجيهاش مهما يصرا

[faty05]

وكلي عليه ربي
ما تضيعيش سنين عمرك في الانتقام

[~~نهال~~]

اختي

رجعنا لنقطة الصفر ماتخلينيش نهدر باسلوب يقلقك
كيفاه تحبينا ننصحوك بكريقة انتقام تجعله يبكي
نتي وكلتي عليه ربي علاه تفتشي تفهمي
كي تخمي فيه تزيدي ديريلو قيمة انسايه ياخي قفلتي الباب هذا

افضل انتقام انك تدعيه توكلي عليه ربي
فالله يمهل و لا يهمل
و لكن لم اكن انتظر منك فكرة الانتقام
لو انتقمت فهذا يدعى ضعف الايمان و ااك و القيام بها
اذا درتيها فهذا يعني انك :sdf::sdf::sdf:

[/زهرة عصفور الجنة/]

قولي حسبي الله ونعم الوكيل انساي فكرة الانتقام لسنا في مسلسل تركي

[~~ أغيلاس ~~]

أحسن انتقام لما يشوفك سعيدة في حياتك .

التزمي بالحجاب الشرعي ( حجاب واسع فضفاض ) و تفوقي في دراستك .

لما تشوفيه في الشارع و كأنك لم تَرَيْه، خليه يولي يحلم يسمع منك كلمة ليس انتقاما منه أولا إنما طاعة لله، كوني جدية في طريقة مشيتك، فتاة ذات طموح و هدف .

و لما يرزقك ربي بزوج ( بطريقة شرعية ترضي الله ) راح تنساي هاذ العبد و تولي تضحكي على روحك .

[عبد الناصر 17]

يا اختي وكلي ربي سبحانو وخليك من كلام الانتقام هدا وانا متاكد لو كان تكون عندك الارادة باش تنساي الماضي تقدري بهديك الارادة تهدي جبال وربي يهد ي ما خلق

[عاشقة الخير]

oooooooooooooooooo

[lamia89]

وكلي عليه ربي هذا مكان
والتهاي بامورك ومستقبلك ونحي فكرة الانتقام من راسك
مراكيش تمثلي في فيلم مكسيكي باه تنتاقمي

[Golden Princess]

لا توقد في صدرك نارا لعدوك فتحترق به انت .........لذا انصحك بالابتعاد عنه و عدم التفكير في أذيته ....دعي حسابه على الله فهو من يحاسب الناس و ليس نحن .......
ان وكلتي أمرك لله فقد وكلتها لخير موكل كما انك سترتاحين من هم الانتقام و فكرة اذيتك .....الله يمهل و لا يهمل ....له يوم فلا تخافي ...
بالتوفيق...

[عذراء الجبل18]

كاين ربي يديلك حقك منو بلا ماتعبي روحك
توكلي على الله ووكيلي امرك له فهو ذو الجلال والاكرام القوي الرحيم
ربي يفرج عليك
ليس الانتقام هو اللي راح يخليك تكملي حياتك بل العفو هو من يرفع شأنك