إلى متى هذا الذل

[samir062]

صباحا فوجدت كالعادة اشخاص ينتظرون امام الباب بحثت عن إعلان المسابقة لأعرف عدد المناصب وماذا يحتوي الملف ومتى أخر أجل فلم أجده فدخلت إلى المكتب للاستعلام فقابلني الموظف "اخرج اكتب اسمك فلاليست راها البرا.." قتلو "بعقلك راني حاب نسقسي... ومن بعد قتلو وعلاه ماراكمش تحكمو في الدواسا قالي مازال ما جاش اللي يحكم.." خرجت للبحث عن القائمة فوجدتها عند العون وحوله بعض المترشحين فكتبت اسمي وسألتهم لماذا تنتظرون مع العلم انهم لايعملون في المساء فكانت الإجابة "واش راح دير.." انتظرنا حتى التاسعة فقلتو لهم لنذهب ونرى لما هذا التأخير فقالو لي "هيه روح شوف واش كاين" قتلوهم نروحو كيما رانا باش يتحركو...المهم روحنا في 3 وكي سقسيناه عودلنا نفس الجواب مازال .. هنا رد الفعل اللي داروه ال2 اللي دخلو معايا هو انهم خرجووانا مفهتش كيفاه مازال راها 9 وكاينة ناس جات على 6 وحكايتها كاينة وحدة خدامة مازال ما جاتش ...المهم بعد 10 دقائق بداو يحكمو في الدواسا وهنا حاجة تمرض كاينين 5 اللي يحكمو الدواسا مقسمين على 3 مكاتب لكن يخدمو بعقلهم باش يحكم عليك دوسي لازملو فايت 10 دقائق كي سقسيتهم و علاش هاذ الوقت كامل قالي يعمر في وصل الاستلام ...الكارثة على 11 وصلت دالتي قالي خاصتك ورقة انا تم انفجرتفي وجه قتلو كيفاه مكانش إعلان في هذه الإدارة قالي روح لانام و شوف الدوسي تم قتلو وعلاه ما تعلقوش هنا علاه نستناو بالساعتين ومن بعد تقولي راه خاصتك ورقة علاه كل واحد تحكم معاه اكثر من 10 دقائق قالي نعمر في وصل الإستلام قتلو انا دفعت دواسا قبل ولقيتهم وجدو وصل الإستلام قبل و مكاشي يكتب فيه غير الإسم... قالي ما تنعتليش خدمتي... وكي روحت نحكي مع رئيس الموارد البشرية حاوزني وقالي ما تتدخلش في شِوني نتا جاي تنتقد .... انا روحتلو باش نقدم شكوى واش حابتي نقولو راك فووور........
كيفاه نخليوهم يتمسخرو بينا كيما يحبوهذا باش يحكمو علينا دوسي يشربونا المرار...مالا فكرة نحكمو خدمة نحيوها من بالنا

[الاسم مخالف 2]

زعمة طبقة مثقفة حاشاك
الحرس البلدي تجمعو دارو افار و احنا تقولو نحتجو يقولك روح احتج راني هنا
يا امة ضحكت من جهلها الامم

[HAYA2022]

الله يهدي ماخلق

[samir062]

hاللي تحكي معاه يقولك واش راح دير...
كيفاه واش راح دير نسكت ونخليه يدير فيا رايو أضعف الإيمان نقولو باللي ماعجبنيش الحال ومن حقي تعاملني مليح إذا راك تحكي بالقانون وريلي القانون اللي راك تخدم بيه . انا مافهمتش ناس قرات في الجامعة و حقها ما تعرفوش بكلمة يسوقوهم انا كرهت من شعب ذليل في بلاصة ما يحكي مع المسِولين ويكون يد وحدة يبكم ويجي عندك ويبدا يطيح في الهدرة وكي تقولو هيا نروحو نحكيو مع المسؤول يقولك واش راح يديرلك

[مينيفر]

.واختي حصل لها نفس الشيء اليــوم هذه هي الآدارة الجزائرية صبر جميل والله المستعان على كل الشسيء

[alissandro30]

شوف خويا نفس القصة صراتلي أنا نهار حاطينا الدواسا تاع التعليم
لقيت جماعة تكتب في اسمها في ليست والغدوى باه يحط الدوسي قتلهم راكم قابلين هكدا سكتو
حكمت انا الورقة طبقتها رايح نقطعها جا واحد خدام في اليسي هذاك قتلك روح اشكي لمن تحب سكت
وراح مشى
مي انا رحت حطيت الدوسي قبل جماعة جاو قبلي
الاستنتاج وشنهي هو
حنا اللي نذلوووووووووووووووو في رواحنا

[samir062]

يوم آخر مع البروقراطية والمحسوبية
اليوم ذهبت إلى الجامعة للتسجيل في المسابقة فوجدت مدرج ممتليء بالناس وكالعادة سجلت اسمي في القائمة وكان رقمي يتجاوز المئتين 200 ثم تركته وذهبت لاستخراج بعض الأوراق و عدت عند 11 وجدت ان عددد المسجلين اسماءهم في القئمة وصل إلى حوالي 400 لكن عدد الأشخاص الذين دفعوا ملفاتهم لم يصل الأربعين حوالي (35) فجلست اراقب فوجدت ان الملفات التي تمر هي لمعارف اعوان الأمن والموظفين في الجامعة وذلك امام مرأى الجيع فكل من يراقب العملية يمكنه مشاهدة ذلك ومن لم يكن موجود يمكنه معرفة ذلك
40 شخص دفع الملف/4 موظفين = كل موظف استقبل 10 ملفات في ثلاث ساعات هذا يعني ان الملف الواحد يستغرق 18 دقيقة وهذا غير معقول وغير مقبول
ولكن لا أحد يعترض