ازربو ارواحو تشوفو الجديد

[ليلى المغامرة]

شوفو اليوم واش صرا رحت باش نمضي الدخول فاجاوني بملف التجديد العقد
وانا عندي 9 دارسات في المستوى الاول

وطلبو منا نزيدولهم 12 على الاقل باش يقبلو التجديد في العقد

واش رايكم انتم تاني دارولكم هاكاولا غير ولاية ام البواقي برك

قولولي وافيدوني

[safia22]

ههههههههههههه
واش رايك في الشلف يطلبوا من الإدماج 40
و من أصحاب العقود 50
قديمة---------و تلقاي الجديد قاع في الشلف

[Zakyy]

سلام....
لم أفهم شيئا على كل حال
الله الموفق

[الباجيرو]

thanks very mach

[SANAA2007]

hna yetelbou 30 loool

[amouna_nas]

في بسكرة طلبوا منا 40 متمدرس في حين العامين الدراسيين الي فاتو
طلبوا 20 في إطار الإدماج

ولا يجددوا لنا العقد إلا إذا دفعنا 420000
10000 على كل متمدرس
وعشرين ألف على المؤطر


ويقولونا هذي
assurance

[faidj14]

ماني فاهم والو

[ام تسنيم]

نعم اختي معقول انا في ولايتي صارلي 4 سنوةات كل عام يطلبو منا 40 متمدرس ووحد العام طلبو 50 توكلي على ربي وديري اعلان في المسجد ولا روحي لمصلى النساء واطلبيهم وفهميهم باش يجيبولك الوثائق بالتوفيق ان شاء الله

[كوندور الهضاب]

ثاني هنا في سطيف راهم طالبين 40 ملف، العام الفايت طلبو 40 وقالولنا بلي ما يقبلوش أقل من 40 وفي النهاية كاين إلي دفع 05 ملقات وكمل بيهم العام وهز دراهمو كاملة كيما إلي دفع 40 ملف، عيش أتشوف عيش تسمع دولة الهف في الهف

[k.semara]

في الشلف أنا طلبولي 15 فقط هذا العام ...و بركاك من ...... يا أختي ..حرام عليك

[كوندور الهضاب]

في الشلف أنا طلبولي 15 فقط هذا العام ...و بركاك من ...... يا أختي ..حرام عليك

واش في بالك الجماعة راهم يكذبو أرواح لسطيف أتشوف بعينك واش راه صاري

[زهرة نور]

هنا في تيبازة يطلبوا عدد40 دارس في القسم و هذا ليس بجديد الجديد هو ملفات الدارسين طلبوا شهادة الميلاد و نسخة من بطاقة التعريف وصورتين قبل شهر ديسمبر، أما انطلاق الموعد التدريس الله يعلم

[dinaali]

لم افهم
بالتوفيق

[كاميلا]

بلاد ميكي ههه

[ايمان الله]

ختي لعزيزة تشوفي لهدرة نجيب ؟؟؟؟؟؟؟؟؟؟؟
راهو غيييييييييييييير يزير

[نسرين17]

نورمالمو كل عامين ولا ثلاثة سنوات باش نجددو !!!!!!!!!!

لما تأخذ الدارسة على شهادة التحرر من الأمية

الله يهدي ماخلق

[مراد الأمل]

صحيح ،، أنا حدث معي هذا العام في التسجيل للسنة الدراسية الجديدة أنهم طلبو مني أن أزيد العدد وان يكون على الأقل 25 دارسا،،
علما أنني عقود إدماج ولدي حاليا 11 دارسا
بالتوفيق لكم،،

[boolbi27]

شيء عادي وين راه مشكل هوما أصلا الإدارة تحت سيطرة الديوان الوطني لمحو الأمية خوفاً من العقاب أو شيء آخر حرمان من الراتب
يعني تريد عقد عمل عن طريق عقد الديوان ولكن بشروط 40 متمدرس لكل معلم حسب الإحصائيات السكن والسكان يعني هوما أصلا حسبوا عدد الأميين في كل ولاية فمثلا ولاية فلان بها 2000 أمي إذا 2000 على 40 نتيجة 50 وهذا 50 يعني عدد معلمين معنيين بعقد العمل يخدم ويدي حقه يعني يحررهم من الأمية وينال الأجر لقاء واجبه الديني والمهني والأخلاقي
وبركاونا من تفلسيف باغين تمدو ملف فأر واحد وتدي عمل وأ أجر كبيرين لا حول ولا قوة إلا بالله
وخطأ وحيد ومسبب لهاته الكارثة هم معلمين وبعض إداريين في ملاحق تزوير عدد متمدرسين وعدد متحررين كمثال في بداية يجيبوا 40 وهو عدد وهمي ومن ثم يدرس فقط 4 أو 5 على أقل تقدير وفي نهاية السنة يتحرر واحد من اصل خمسة أو أربعة وغير متحررين يعيدون السنة وباقي 36 يعني هوما لي ما حضروش يقراو أو معلمين لم يستدعوهم أو بتلاعب بلي راه يقرا
ياو فيقو رانا في 2016 قال لك نقضيوا على الأمية بالنسبة 100 %

[نسرين17]

يا أخ boolbi27 الظاهر أنك خدام في الملحقة

شوف واش كاين يالأخ كاين بزاف نساء مايخلوهمش أزواجهم يخرجوا يقراو رانا نروحوا ليهم حتى لدارهم وفي الريف

ولي راك تشوف فيهم 5 ولا 6 دارسات هاذوك راهم غير أقلية لي خرجوا من الدار وقد تكون هذه أرملة

ولا مطلقة ... اما باش تجي وتظلم الكل هنا راك غالط خويا ومن عمم جهل ونظن بلي هذه حاجة مش ساهلة

على الواحد إمالا قبل ماتهدر قول بعض المعلمين ولا بعض الاداريين وطبعا تختلف من ولاية إلى أخرى



سلاااام

[hsaannaba]

:19:ممممممممممممممممممممممممشششششششششششششششششششششك كككككككككككككككككووووووووووووووررررررررررررررررراا ااااااااااااااااااااااااا