بماذا تنصحوني !!! [الأرشيف] - منتديات الجلفة لكل الجزائريين و العرب

abdou27300

2012-09-01, 21:36

السلام عليكم

أفكر حاليا في الزواج، وذلك لعدة أسباب، أولها تحصين نفسي وإكمال نصف ديني...

لكن المشكلة أنو ليس لدي عمل مستقر "titulaire ،و ليس لدي سكن خاص لي وحدي

فهل يجب أن أنتظر هذه الشروط (التي يطلبها غالب النساء)

أم أتوكل على الله، لأنو كما يقال الرزق على ربي.

:confused:

!!!!!!!!!!!!!!!

شكرا

assia81

2012-09-01, 22:32

السلام عليكم ورحمة الله وبركاته
اخي توكل على الله كان اخي ليس لديه عمل مستقر زعندما خطب رزقه الله عملا دائم في مجال اختصاصه لانه كان خريج جامعة

abdou27300

2012-09-01, 22:45

مشكورة على النصيحة أختي

أنا ايضا اكملت ليسانس كلاسيك، وأكمل في الماستر lmd

وأنا أنتظر عملا دائما هذه السنة إن شاء الله

اسعى لرضى الله

2012-09-01, 23:03

اخي توكل فالرزق بيده سبحانه

وهدا مقطع شوفو لمحمود المصري

http://www.youtube.com/watch?v=IT3vPyjjZ7Y

راح يخليك تقدم ومتشوفش وراك وزيد نزيدلك حكاية

بابا كي زوج ما مكانش عندو دورو ودك او بدارو ولاباس بيه والحمد لله

المهم توكل برك ومدير حتى سبة لانو كاين رب الاسباب

YARMORACEN

2012-09-01, 23:09

لا
أنصحك أن تجد عملا دائما ، و أن توفر سكن مادامت وحيدا ، سيصعب عليك الأمر إدا تزوجت فعندها لن تتحمل مسؤولية نفسك بل مسؤولية زوجتك و ربما حتى أبنائك

abdou27300

2012-09-01, 23:11

بارك الله فيكم

abdou27300

2012-09-01, 23:38

YARMORACEN

2012-09-02, 00:22

أعرف إمرأة تقدم إلى خطبتها رجل لا يملك منصب، فرفضته

ثم تقدم إليها رجل آخر يعمل بالشركة، فتزوجته

وبعد مدة فقد زوجها عمله

والأول اللي ماكانش يخدم، دخلوه

يعني حتى العمل وماهوش مضمون، قادرين على سبة صغيرة يجبوك برا

كل شي على ربي، و كل شي بلمكتوب

نعم كلشي بالمكتوب و لكن انت راك عارف واش راه مخبي المكتوب ؟
بلاك هداك لي طرد من العمل يلقى عمل أحسن ، و بلاك هداك لي لقى عمل غدا يطردوه
في مثل هده الأمور الإنسان يخدم عقله و يرى للواقع واش فيه ، لا ينحاز نحو العاطفة و لا يعتمد على الحظ و المكتوب
الأحسن أن يبقى المرء عازبا يتحمل دنوبه لوحده
إدا تزوجت و انت تملك عمل و مسكن و غيره ، و غدوة طيح بيك ما راحش تندم لأنك درت لي عليك ، لكن لو كان تمشي غير هكدا و تجبر روحك في مزيرية راح تندم .

nasser26

2012-09-02, 00:45

أخي لا تتسرع ستندم فيما بعد

رتب امورك أولا

alger1

2012-09-02, 02:01

السلام عليكم صحيح ان الرزق على ربي سبحانه وتعالى في ايات كثيرة ومنها وما من دابة في الارض الا على الله رزقها ويعلم مستقرها ومستودعها ولكن اعتقد ان بعضا من الامور المادية قد يكون لها تاثير كبير على حياتك وسعادتك الزوجية وخاصة مع بنات هذا الجيل وفقك الله

abdou27300

2012-09-02, 11:03

مشكورين

وإذا حتى وصلت 40 سنة باش لقيت خدمة

ليمتا ندير دراري، وليمتا نقارعلهم يكبروا، ونفرح بيهم

حتى يكون في عمري 70 !!!!

+ هل أنا معذور إن وقعت في الحرام خلال هذه المدة !!!!!!!

alger1

2012-09-02, 13:02

السلام عليكم يا اخي انت لست معذورا اذا وقعت في الحرام والعياذ بالله لن تنال الا المقت والسخط من رب العالمين في الدنيا والاخرة يجب عليك ان تصبر وتصوم وتحتسب وتكثر من الاستغفار وتدعو الله ان يفرج همك واذا رايت انك لا تستطيع الصبر اعزم على ما توكلت فالله هو الرزاق في كل الاحوال .......................................وشكرا

abdou27300

2012-09-02, 18:07

شكرا

تخطيت هذه العقبة فواجهتني مشكلة أخرى

وهي من ستقبلني كما أنا، بدون عمل وبدون سكن ؟؟؟

فاطمة الزهراء_ عمرو

2012-09-02, 18:11

Tawakal ala Allah ,,, Rebbi yaftah alik

amiiiiiiiiiiiiiiiiiiiine

:):):)

abdou27300

2012-09-02, 18:20

tnmrt

صراحة اتمناها قبائلية حرة،

اصلها من جبال جرجرة

لكن اللي جات مكتوب هذيك هي.

YARMORACEN

2012-09-02, 18:27

مشكورين

وإذا حتى وصلت 40 سنة باش لقيت خدمة

ليمتا ندير دراري، وليمتا نقارعلهم يكبروا، ونفرح بيهم

حتى يكون في عمري 70 !!!!

+ هل أنا معذور إن وقعت في الحرام خلال هذه المدة !!!!!!!

شوف صاحبي إدا راك حاب تتزوج ، و خلاص
شوف كاش وحدة عانس مو لات 40 سنة أو 45 سنة
كاين شحال من موقع نتاع زواج ، تلقهم تم
عادة تلقى عندهم سكن و مال يعني لي نقصك انت
و ما يطلبو غير الأمان و شخص يكون رومنسي و يونسهم
أما إدا أردت وحدة صغيرة و حساب عمرك ، ما شكيتش تلقى لي تقبل بيك هكدا
الله يسهل صاحبي ، كاين بزاف لي كيفك ، أما إدا وقعت في لحرام ما عندي ما نقولك بينك بين مولك ، هو لي علم بيك أكثر مني و من غيري

abdou27300

2012-09-02, 18:41

إغمراسن

أنا نظن بلي بلعكس، لكبارات و صحابات 40 هوما اللي راهم يشترطو اكتر

نعرف وحدة لافامي، جاوها الخطابة بلا حساب

راه في عمرها 45 سنة، ومازال تتقلش

قصة واقعية,

+ باناتلي فكرة، نجيب طوموبيل شابة، ونغطي بيها الصوالح اللي ينقصوني

مي ما علاباليش يلا راني نهف فيهم ولا راني نحشي رروحي

الله غالب، ما كاش حلول

~بُوبَكر~_~الجَزائرِي~

2012-09-02, 18:41

السلام عليكم اخى ...
هو من الضروري ان تكون لديك همة عالية .
فرزقك مضمون من فوق سبع سموات

ولكن انا ارى من الاولى ان يكون لك منزل و عمل ...لانهما من اساسيات الزواج
فليس من المعقول ان تكون مسؤال على زوجة وليس لك ماتنفقه عليها اوتاويها ..
واعلم ان النفقة من واجبات الزواج ...فبعدمها لا يمكن الزوواج ..
لان الزواج يجب ان يتوفر فيها استطاعتين ومنها النفقة ...
ربي يقدر لك عمل ومسكن

abdou27300

2012-09-02, 18:46

شكرا أخي

لكن ف المسؤولية و النفقة على الزوجة وهادوك الصوالح

الحمد لله، نضمنهملك، وبدون عمل دائم

راني خير من ألف واحد نعرفو، الحمد لله

مي زعما راني باغي نضمنها 100%

+ باش ندي أي بنت أريدها،

نروح مع يما و أنا مرفوع الرأس وكلي ثقة x ثقة

شكرا

السي محمد

2012-09-02, 20:14

بلا زواج بلا بطيخ

هاجر و ريّح روحك

abdou27300

2012-09-04, 18:51

وين نهاجر ؟؟ نحر g !!!

السي محمد

2012-09-04, 19:18

روح لكندا و لا اسبانيا

abdou27300

2012-09-04, 20:19

الله غالب، كرهت كل شي

راني نبغي بلادي كثر من بكري

+ كنت مهووس بفرنسا و كندا في سنوات مضت

لكن طاحت من قلبي لوروب

شكرا

AMINA.Z

2012-09-04, 22:16

اخدم و دبر سكنة و من بعد توكل على ربي
اذا راك حاب الهنا وفر الاسباب قبل
كل عطلة فيها خير

abdou27300

2012-09-04, 23:16

شكرا

انا حاب امرأة تقبل بيا كيما راني، ب la base، ماكان حتى opition

كيما يقولك اللي يبغيني ، يبغيني بوسخي

اما إذا كان عندي كل شي: الفيلا و السكنا واللوطو ،

دائرة البحث تتوسع، وما نعرف الصديق من العدو

لان من تقبلك بهته الشروط، قد تتركك لما تفقدها

يعني يلا طاحت بيك، قادرة تقولك باي باي

لكن الحمد لله، مازال كاين نسا فيهم لخير

وتوقف مع راجلها ف السراء والضراء

شكرا

السي محمد

2012-09-05, 10:25

انت راك مثلي

تبحث عن امراة تقبل بك لذاتك و لشخصك و اخلاقك

وليسل انك خدام او عندك سيارة او سكن مُستقل

انا ايضا كنت ابحث عن امراة و عائلة تبحث عن رجُل

و ليس عن ccp او logement لابنتهم

ولكن تأكد لن تجدها ابدًا

و سياتي مرحلة تكهره فيها الزواج و تزول رغبتك فيه

وعندما تجد عمل و توفر مسكن ستتزوج

ليس رغبة في الزواج و حُبا في فتاة انت اخترتها

ولكن ستتزوج فقط لتتزوج و لتلبية رغبات المُجتمع

abdou27300

2012-09-05, 20:26

اجل، هذا ما قصدته بالضبط

أم محمد و آيه

2012-09-12, 22:59

ادا راك لام شوية دراهم باش تدفع وتشري ذهب ودير لعرس اصدم ودير الحلال

مي ادا معندكش دراهم صبر شوية باسكو حنا الغرب راك عارف مصروف تاع العرس....

ربي يسهلك وتلقى بنت صالحة ان شاء الله

faty05

2012-09-13, 08:48

مشكورة على النصيحة أختي

أنا ايضا اكملت ليسانس كلاسيك، وأكمل في الماستر lmd

وأنا أنتظر عملا دائما هذه السنة إن شاء الله
اخي سؤالي خارج الموضوع
يعني كيف حتي قدرت تسجل في الماستر و انت قريت كلاسيك
أنا هنا في باتنة ما يقبلوناش :(
يعني كاين مرسوم وزاري يقر باحقيتنا في التسجيل و هوما غير يبلعطو فينا
حسبي الله و نعم الوكيل

faty05

2012-09-13, 08:53

اما فيما يخص موضوعك أقول لك تريث شوية و حاول تعمل اي عمل حر اطم به الصوارد و زيد شارك في المسابقات هذا هو وقتهم
يا اخي به تخطب طفلة و تكون فترة الخطوبة ثلاثة او خمس سنوات و الله بزااف و تمرق الحالة
شوف صوم و صلي و ادعي ربي ديما و قوي ثقتك بالله لانو هو خير الرازقين

همسة مشاعر

2012-09-13, 09:03

اخي انا نحكي معاك كلام واقعي الحل الوحيد شوف بنت تخدم وتفاهم معاها واذا قبلت اخطبها باش تعاونك على الدنيا هذي
اخي راهي الدنيا صعيبة لازمك تخدم الخدمة راهي ضمان لكلش وكي تروح تتزوج وانت بلى خدمة راك تتعب نفسيا وماديا وتعب زوجتك
مش صعيب انو رجل بطال يتزوج وحدة خدامة وانت راك بشهادتك يعني يجي وقت وتخدم كاين بنات كي يلقاو رجل فقط يقبلو

AMINA.Z

2012-09-13, 14:13

الخدمة اساسية و السكنة من بعد تجي
المهم ما تكونش ساكن في f3
و ربي يسهل ان شاء الله

تالا تسنيم

2012-09-13, 14:40

أخي الكريم اتكل على ربي ........... الأرزاق راهي بيدو سبحانه عز و جل..........

abdou27300

2012-09-13, 20:08

بارك الله فيكم

*******

+ faty05 (http://www.djelfa.info/vb/member.php?u=108239)

بالنسبة لسؤالك، احنا في بعض ولايات الغرب يقبلون الكلاسيك في LMD عادي

عكس بعض الولايات، مع أنه من حقهم

شكرا