مشاهدة النسخة كاملة : اللي حاكمة مصروف الدار تتفضل معانا
بنت الجزاير الغالية
2012-09-01, 14:23
السلام عليكم و رحمة الله و بركاته
واش راكم كــــــــــــــامل إن شاء الله تكونوا بخير
في موضوعي هذا حبيت نتبادلوا أفكارنا في مصروف البيت
طبعا هذا الموضوع يخص البنات اللي حاكمين هوما المصروف طبعا المعيشة غالية و الدار تستهلك مصروف شامل من الأكل و الشرب و اللباس و فواتير الكهرباء و الموبايل و الأنترنيت و مصروف الطوارئ الله لا يقدر مرض أو تصليح السيارة أو مناسبة في البيت
لهذا قلت نقترحوا هذا الموضوع و كل واحدة تشاركنا في طريقتها في المصروف و يا ترى نجحت في إدارة مصروف بيتها و عندها طريقة معينة ماشية عليها أم تصرف بطريقة عشوائية
نتمنى الموضوع يعجبكم و تشاركونا آراءكم
بنت الجزاير الغالية
2012-09-01, 19:13
محجووووووووووووووووز
اني معاك قلبا و قالبا
اكي تلات ملاين و ميتين قسميهالي
من فضلك اريد حلا سريعا
شكرا للموضوع الرايع
بنت الجزاير الغالية
2012-09-01, 19:38
اني معاك قلبا و قالبا
اكي تلات ملاين و ميتين قسميهالي
من فضلك اريد حلا سريعا
شكرا للموضوع الرايع
و يا ترى شاملة لكل شيء يعني التريسيتي و الماء و الأنترنيت و يا ترى عندك بيبي لأنه مصروفه وحده كوش و حليب و...... و كم فرد في العائلة
بنت الجزاير الغالية
2012-09-01, 20:36
مليون تخليه للكهرباء و الماء و النت و البورطابل و 800 للحم و الدجاج و الخضر و 900 للريفيطايمة و 500 خبيها في ظرف وانسيها و اجبدي منها للضرورة القسوة و على أساس سلف و عاودي رجعيهم مع الوقت و هكذا كل شهر و لمدة سنة تلاقاي روحك مخبية 6 ملاين و نص المهم حسن التدبير
nouna l maghbouna
2012-09-01, 20:52
موضوع رائع يعطيك الصحة
انا شهريتي كامل منعرف كيفاه تخلاص و ماندير بيها والو
زوج ملاين و نص من فضلك اختي واش تنصحيني مع العلم متهنية من مصروف الدار يعني شهريتي وحدي
اريد منك نصيحة اختي العزيزة
nouna l maghbouna
2012-09-01, 20:53
موضوع رائع يعطيك الصحة
انا شهريتي كامل منعرف كيفاه تخلاص و ماندير بيها والو
زوج ملاين و نص من فضلك اختي واش تنصحيني مع العلم متهنية من مصروف الدار يعني شهريتي وحدي
اريد منك نصيحة اختي العزيزة
ممكن اختي تقسميهم علا الاسابيع
يعني كل اسبوع شحال
للعلم
فاترة كهرباء كل تلات اشهر
برتابل كل شهرين فحدود ربعمية الف و الفكس ربعين الف
النت كل شهر
السيارة بنزين
لاسيرونس تاع السيارة
الطعام فطور غذاء و عشاء
باروك و ملابس و مواد تنظيف البيت و الجسم و التجميل
الطبيب حسب الحاجة
مع العلم انو الاسعار ملتهبة و المصروف اكل لوحده من بقال و جزار و خضار و خباز في حدود الخمسمئة كل اسبوع
النجدة؟؟؟؟؟؟؟؟
موضوع رائع يعطيك الصحة
انا شهريتي كامل منعرف كيفاه تخلاص و ماندير بيها والو
زوج ملاين و نص من فضلك اختي واش تنصحيني مع العلم متهنية من مصروف الدار يعني شهريتي وحدي
اريد منك نصيحة اختي العزيزة
خلا دار الصهاينة هههههههههههه زوج و نص وحدك و ماتسلكي لا غاز لاكرا لا ترسيتي و حاصلة
الله اكبر
مالا تلبسي مليح و الغالي و ديري مواد العناية غالية صح و تفليكسي بزاف صح؟؟؟؟؟؟؟؟
nouna l maghbouna
2012-09-01, 21:08
هههههه و الله غير صح نشري القش الغالي و كلش غير الغالي يااو رايحة نهبل مالقيتش كيفاه ندير انصحوني ربي يعيشكم
بنت الجزاير الغالية
2012-09-01, 21:12
خلا دار الصهاينة هههههههههههه زوج و نص وحدك و ماتسلكي لا غاز لاكرا لا ترسيتي و حاصلة
الله اكبر
مالا تلبسي مليح و الغالي و ديري مواد العناية غالية صح و تفليكسي بزاف صح؟؟؟؟؟؟؟؟
ههههههههههههه و الله غير ضحكتيني يا بتول :d
دمك خفيف
كيف ما قالتلك بتول كولي مليح واشربي مليح و فلكسي مليح و ما تنسيش تصدقي
ليا عودة للموضوع
أم ياسين الزهراء
2012-09-01, 21:30
اختي انا كان زوجي يعطيلي مليون مصروف الدار واللحم والفواتير والخضرة مسؤوليتو كان كلش مليح بصح ملي زيدت بنتي ربي يعيشها حاجة ماتكفي ليكوش كلاولي المصروف والحليب انتاعها ماكاله نحكي بصح الحمد لله
بنت الجزاير الغالية
2012-09-01, 21:58
ممكن اختي تقسميهم علا الاسابيع
يعني كل اسبوع شحال
للعلم
فاترة كهرباء كل تلات اشهر
برتابل كل شهرين فحدود ربعمية الف و الفكس ربعين الف
النت كل شهر
السيارة بنزين
لاسيرونس تاع السيارة
الطعام فطور غذاء و عشاء
باروك و ملابس و مواد تنظيف البيت و الجسم و التجميل
الطبيب حسب الحاجة
مع العلم انو الاسعار ملتهبة و المصروف اكل لوحده من بقال و جزار و خضار و خباز في حدود الخمسمئة كل اسبوع
النجدة؟؟؟؟؟؟؟؟
شوفي يا أخت بتول عندنا 3 ملاين و ميتين
الميتين خليها لفاتورة النت
و 3 ملاين جيبي أضرفة
الضرف الأول إكتبي عليه الأسبوع الأول و الثاني و الضرف الثاني تكتبي عليه الأسبوع الثالث و الرابع
كل ضرف تحطي فيه 700 ألف يعني مليون و 400
تاخذي من الضرف 400 تشري منها الدجاج و اللحم تاع الأسبوعين و 300 للخضرة و الفواكه
بقات عندنا مليون و 600
ال 600 ألف تنحي منها 220 للبورطابل و الفيكس تبقى 380 خليها للبواريك و مصاريفك الخاصة
يبقالنا المليون تشري منه للريفيطايمة
إن شاء الله نكون أفدتك
بنت الجزاير الغالية
2012-09-01, 22:04
اختي انا كان زوجي يعطيلي مليون مصروف الدار واللحم والفواتير والخضرة مسؤوليتو كان كلش مليح بصح ملي زيدت بنتي ربي يعيشها حاجة ماتكفي ليكوش كلاولي المصروف والحليب انتاعها ماكاله نحكي بصح الحمد لله
منورة أم ياسين التوبيك و ربي يحفظلك بنتك و يا ترى اشحال عمرها واش تصرفي بالضبط في الدار باش نركزو عليه
مولات الدار
2012-09-02, 07:50
شوفي يا أخت بتول عندنا 3 ملاين و ميتين
الميتين خليها لفاتورة النت
و 3 ملاين جيبي أضرفة
الضرف الأول إكتبي عليه الأسبوع الأول و الثاني و الضرف الثاني تكتبي عليه الأسبوع الثالث و الرابع
كل ضرف تحطي فيه 700 ألف يعني مليون و 400
تاخذي من الضرف 400 تشري منها الدجاج و اللحم تاع الأسبوعين و 300 للخضرة و الفواكه
بقات عندنا مليون و 600
ال 600 ألف تنحي منها 220 للبورطابل و الفيكس تبقى 380 خليها للبواريك و مصاريفك الخاصة
يبقالنا المليون تشري منه للريفيطايمة
إن شاء الله نكون أفدتك
ياأختي رايحه تكرهي من المصروف كل شهر تحطي الأظرفة وهذي للكوش وهذي للريفطايمة و................ أنا ننصح الجميع :تشوفي العيلة واش تحب تاكل وتكتبي مع مجيء كل خلصة وتقصد الحانوت وتشري مصروف الشهر كامل من ( زيت 2-3-4 لتر حسب الحاجة الشهريةولي يبقى خبيه ) القهوة (1-2 كلغ حسب حاجتك أو أقل ) المعجنات من كل نوع كيس كيس اذا الأسرة تتناولها 3-4 طماطم مصبرة 2-3 معجون 4-5 مارغرين وهكذا مع مواد التنظيف 3صابون طرف 2صابون الأواني صابون السائل قريزيل عطور المنزل تلقاي روحك صرفتي فايت المليون ولكن راح تشدلك أكثر من شهرين : لأن الدهاب للمرشي وسوبار مارشي كل يوم وكل أسبوع هما لي يتركو الحالة أما مصروف الخضرة راح يكون أسبوعس واللحم نصف شهري 2-3 دجاجات مع الاقتصاد مع 2-3كلغ لحم يستعمل عند الضرورة ضياف الغفلة أو يستهلك في أخر الشهر أو مرتين في الشهر .... وكلها وشطارتها والشيئ لي مايكلوش أصحاب البيت ماتعاودوش تشروه هذا العملية تسهل لكل لعندهم سيارة باه تشري كلي وقت واحد ومرة وحدة
أما ليكوش ننصحكم باه تشرو كرتونه كاملة راح تتقام لكم في حدود2000 دينار شهريا حسب النوعية أأقل
والله يعاونكم على مصروف الدار أما الي تشري الغالي وكل شهر 2تبديلا ت ماراحش تقدها الشهرية وماراحش تصيب الدراهم لعاقبتها .
في الشهر الثاني والثالث نقصي مبالغ كل ماتبقى عندك من مشتريات الشهر السابق وتخصيي جزء منها للماء والكهرباء و............................طولت عليكم بصح كي تبداو طبقو توجدوها سهلة أكثر من اللازم
زينب الهلالي
2012-09-02, 08:11
موضوع في القمة يستحق التقييم فعلا لأن الظروف الحالية للأسرة توجب على ربة البيت أن تكون حكيمة جدا .
وطريقة مولاة الدار رائعة وأطبقها وهي ناجحة جدا وتنفع حتى أولي الدخل البسيط
شكرا مع أفكار أخرى للحراير ,
على فكرة السيارة وما أدراك ما السيارة إنها الضرة الثانية إذا مرضت يا ويلك يا مولاة المصروف لا يغسلك ماء ولا صابون ومصاريفها تاخذ الأخضر واليابس
الله يرزنا طيب الحلال ويلهمنا صرفه في مصارفه الطيبة .
لا تنسوا الدخول المدرسي من المفروض نخصص له موضوعا لوحده
وشكرا للجميع
بنت الجزاير الغالية
2012-09-02, 09:12
مولاة الدار و زينب الهلالي نورتوا الموضوع و مشاركاتكم مميزة
شوفوا أنا نختصر الريفيطايمة من الشهر للشهر و نكتب كل ما نستحق حتى الشومبوان وجال دوش وكل شيء أغلبها تطيحلي مليون أو أزيد شوي
اللحوم و مشتقاتها كل 15 يوم يعني مرتين في الشهر 2 دجاجات + دماغ + 2 كيلو سردين +كيلو لحم + كيلو دوارة و هذي الكمية تكفيك 15 يوم و ساعات تتبقى وفي ال15 يوم الثانية نكمل دجاجة واحدة و كيلو لحم ورطل لحم مرحي
طبعا يتنظفواb1 و كل حاجة واحدها و على المجمد
بالنسبة للخضرة أسبوعيا و كيتطيح أنواع رخيصة نشري بالجملة مع أختي تطلعلي أرخص و تتنضف و على المجمد مثل الجلبانة و لوبيا قرينيا و لوبيا ماشطو و القرنون و البروكلي و الفول و البصل ندير منه شكشوكة المحجوبة كمية مليحة و نطيبها و كي تبرد نقسمها لمجموعات و على المجمد
و الله هذي الفكرة وفرت علي مجهود كبير اليوم اللي نتشاهو المحجوبة نجبدها تطلق الثلج و نكون نوجد في العجين و نطيب تتوجد في أسرع وقت توفرلك المجهود و الوقت
يالله شاركونا أفكاركم يا فحلات المنتدى
طبعا déja عندنا معونة مليحة في الكونجيلاتور و هذي راح تعاوننا
اللي عندها أفكار لإستغلال الدجاج على مدى 15 يوم تقوللنا وتشاركنا أفكارها
زينب الهلالي
2012-09-02, 12:08
مولاة الدار و زينب الهلالي نورتوا الموضوع و مشاركاتكم مميزة
شوفوا أنا نختصر الريفيطايمة من الشهر للشهر و نكتب كل ما نستحق حتى الشومبوان وجال دوش وكل شيء أغلبها تطيحلي مليون أو أزيد شوي
اللحوم و مشتقاتها كل 15 يوم يعني مرتين في الشهر 2 دجاجات + دماغ + 2 كيلو سردين +كيلو لحم + كيلو دوارة و هذي الكمية تكفيك 15 يوم و ساعات تتبقى وفي ال15 يوم الثانية نكمل دجاجة واحدة و كيلو لحم ورطل لحم مرحي
طبعا يتنظفواb1 و كل حاجة واحدها و على المجمد
بالنسبة للخضرة أسبوعيا و كيتطيح أنواع رخيصة نشري بالجملة مع أختي تطلعلي أرخص و تتنضف و على المجمد مثل الجلبانة و لوبيا قرينيا و لوبيا ماشطو و القرنون و البروكلي و الفول و البصل ندير منه شكشوكة المحجوبة كمية مليحة و نطيبها و كي تبرد نقسمها لمجموعات و على المجمد
و الله هذي الفكرة وفرت علي مجهود كبير اليوم اللي نتشاهو المحجوبة نجبدها تطلق الثلج و نكون نوجد في العجين و نطيب تتوجد في أسرع وقت توفرلك المجهود و الوقت
يالله شاركونا أفكاركم يا فحلات المنتدى
طبعا déja عندنا معونة مليحة في الكونجيلاتور و هذي راح تعاوننا
اللي عندها أفكار لإستغلال الدجاج على مدى 15 يوم تقوللنا وتشاركنا أفكارها
حبيبتي الغالية
اسمحي لي بسؤال تعيشي ،
القضية اللي قضيتيها هذه على قداش الشهرية : أي كم هي الشهرية التي تكفيك لكل هذا .
والله موضوعك جميل جدا
وبالنسبة للمثلج إذا وصعت أشياء في الثلاجة " لا قلاص " كي نجبدهم يطلقوا الماء وم تكونش مليحة لماذا وما هو الحل حتى استطيع استغلال المثلج .
وفكرة المحجوبة رائعة خصوصا أحنا في الصحراء لا نصبر على المطابيق أو المحاجب كما تسموها
وشكرا
بنت الجزاير الغالية
2012-09-02, 12:52
حبيبتي الغالية
اسمحي لي بسؤال تعيشي ،
القضية اللي قضيتيها هذه على قداش الشهرية : أي كم هي الشهرية التي تكفيك لكل هذا .
والله موضوعك جميل جدا
وبالنسبة للمثلج إذا وصعت أشياء في الثلاجة " لا قلاص " كي نجبدهم يطلقوا الماء وم تكونش مليحة لماذا وما هو الحل حتى استطيع استغلال المثلج .
وفكرة المحجوبة رائعة خصوصا أحنا في الصحراء لا نصبر على المطابيق أو المحاجب كما تسموها
وشكرا
أنا كانت مليون و نص بلا ريفيطايمة
و من بعد ولات 2 ملاين و نص بالريفيطايمة و الحمد لله ماشية ساعات نوفر و ساعات نجبد من الليوفرته
أنا تقريبا نوفر الأكثرية في الشتاء لأنه الصيف يتطلب مصاريف إضافية البحر و البواريك و لبس للأعراس و خلافه كيما تعرفي
بنت الجزاير الغالية
2012-09-02, 12:57
بالنسبة للمثلج نقصي في الدرجة تاع البرودة أنا و الله نخبي فيه برشة حاجات و نافعني و الحمد لله
الوبيا القرينيا نشري كمية مليحة كي تكون رخيسة و ننقيها و نغليها و كي تبرد نقسمها لأقسام و على المجمد و كي نحتاج ندير لاصوص ونرميها كذلك توفر الوقت
يالله يا بنات أفكاركم معانا كي تعم الفائدة على الجميع
أم احمد3
2012-09-02, 13:38
شكرا موضوع جيد
بنت الجزاير الغالية
2012-09-02, 16:34
شكرا موضوع جيد
نورتي صفحتي المتواضعة
انا منجي نكمل الشهر حتى عمري تخرج راجلي يدي 2000 ملايين وعندي بيبي
بنت الجزاير الغالية
2012-09-02, 17:19
انا منجي نكمل الشهر حتى عمري تخرج راجلي يدي 2000 ملايين وعندي بيبي
أهلا بيك يا أختي
أنا اللي فهمته من كلامك إنكم 3 في العايلة إنت و راجلك و بيبي فقط و زوجك يدي 2 ملاين هكذا و إلا أنا غالطة
و يا ترى عندك مدخول آخر و قداش يجيك التريسيتي
ما تقلقيش مع شوية تخطيط تنجحي إن شاء الله
زينب الهلالي
2012-09-02, 17:25
أنا كانت مليون و نص بلا ريفيطايمة
و من بعد ولات 2 ملاين و نص بالريفيطايمة و الحمد لله ماشية ساعات نوفر و ساعات نجبد من الليوفرته
أنا تقريبا نوفر الأكثرية في الشتاء لأنه الصيف يتطلب مصاريف إضافية البحر و البواريك و لبس للأعراس و خلافه كيما تعرفي
ما شاء الله تبارك الله
إذن اعلمي أختي أنها بركة من الله في رزقك انت واهل بيتك .
رب يكمل عليك .:19::19::19:
بنت الجزاير الغالية
2012-09-02, 18:14
ما شاء الله تبارك الله
إذن اعلمي أختي أنها بركة من الله في رزقك انت واهل بيتك .
رب يكمل عليك .:19::19::19:
اللهم لك الحمد و لك الشكر
أسعدني ردك فعلا البركة و حسن التدبير ماشي البخل لأنه كاين فرق
كاين حاجات كثيرة تستهلك دراهم و ممكن نديروها في البيت بأقل التكاليف و كذلك الماكلة تاع البرة تبلع الدراهم
المصاريف الإضافية اللي مالهاش لازمة نشطبو عليها و حاجات كثيرة و مع الوقت و مع التجربة نتعلموا بالسيف
pomaria_aindefla
2012-09-02, 19:18
قولونا واش تطيبو باش تقتاصدوا و في تقسيموكم نسيتوا المواعن و مشتريات أخرى للمنزل
pomaria_aindefla
2012-09-02, 19:20
قسمونا شهرية تع 27000 دج
بنت الجزاير الغالية
2012-09-02, 20:02
قولونا واش تطيبو باش تقتاصدوا و في تقسيموكم نسيتوا المواعن و مشتريات أخرى للمنزل
الوصفات كثير يا ختي المهم تديري جدول أكلات لمدة 15 يوم و على حسب اللحوم و الخضرة اللي شريتاها و بهذا توفري وقت و مجهود و دراهم و في نفس الوقت تاكلي أبهى أكل
و كذلك الحلويات كل أبوع أنا ندير قاطو لمدة أسبوع إن شاء الله حتى كروكو المهم حاجة نظيفة و كي يجيك ضيف ما تتوتريش و كذلك تفطري عليه إنت و العايلة دون الإضطرار لقاطو تاع البرة
بالنسبة للأكل ليا أنا : أنا نشري اللحوم بال 15 يوم 2 دجاجات و كيلو و نص حوت و دماغ و كيلو دوارة و الأسعار كالآتي 2 دجاجات ب 140 ألف و كيلو و نص حوت قريب 35 ألف و دماغ 50 ألف و كيلو الدوارة 40 ألف يعني المجموع 265 فقط نستعمل الحوت علة مرتين كل أسبوع مرة و نزود معاه فريت و طماطم مقلية بالثوم و خبز الدا و سلاطة و تاكلي أبهى أكل كذلك للدوارة نستعملها على مرتين مرة بلوبيا قرينيا و مرة بالحمص و و نهار ندير الدماغ و نهار شكشوكة من المخ تاع الدماغ و ما تنسوش عندنا 2 دجاجات نقسمها على سبعة 2 صدور كل صدر نعمل منه أكلة و 4 أفخاذ و 4 اللي تابع للفخذ و 4 جنحين و 2 ضلوع و 2 التحتاني أسفل الصدر ما نعرفش واش تسموه يعني تكفينا لسبعة أيام و ندير منهم أحلى أكل تتبقى الكبد و القوانص يجملو و ندير منهم كمونية أو حاجات أخرى كثير و تزيد طبق فوق الطاولة و بهذي الطريقة تاكلي باللحم لمدة 15 يوم و ب265 فقط
بالنسبة لل15 الأخرى يختلف الأمر ما نشريش نفس الحاجات إذا عجبتكم إقتراحاتي نواصل و ما زال الكثير بصح حبيت تشاركوني أفكاري ماشي أنا وحدي اللي نتكلم
مولات الدار
2012-09-02, 20:09
واش يأاختي راكي تستعمي كل شهر مقلة وترميها ولا كل شهر طجين وترميه ؟؟؟؟؟؟؟؟؟؟؟؟
مصاريف الأواني عندنا تكون قبل رمضان بشهر ( قدور طواجين مقالي طاوات أما اذا كنا خازنين نجبدوهم ومن بعد نعوضوهم ) وأيضا البركة تجي مع راس العام الهجري معودتا ماما نشرو حاجة مع راس العا ولو غي ابريق جديد يجيب البركة وبالطبع راح يكون عندك أواني جديدة للضياف مثل 3أو4 سرفيس القهوة ولاتاي والمشروبات وفلان أما في البيت نستعملو لي دايما وكذلك سوبيار مخزونة للضياف وطباسة تاع الضياف وحدهم وتاع الدار وحدهم اسمحيلي على الرد ولكن المرأة الناجحة تبعد على التكسالروتكون هادية في البيت مشي يدخل عليها حد تتقلق وتكسر وتبعد أواني على الأطفال واذا كانو صغار من3الى 9أو10سنوات نستعملولهم البلاستيك
نعرف وحدا ماعنهاش سرفيس كامل من كثرة تكسار :مامااعطيني الماء تجبد كاس زجاج وتخليه يدور بيه يحطه في أ مكان يجي الزوج يدهم فيه أو حتى ملرات هي تكسره ل÷ا ................
عفوا هذا الرد للاخت بوماريا عين الدفلى
soumay12
2012-09-02, 20:22
فعلا موضوع حساس ويعطيهم الصحة النسا الي حاكمين المصروف انا شخصيا جربت شهر
مازال ماكملتوش وعدت نصرف من عندي وزوجي يضحك عليا ويقولي مازال مادخلتيش في الفايدة
مازال ما كاملتش الشهر وقتلو خلاص تعبها والتخمام اكثر منها ربي يكون في عون الرجال مساكن
pomaria_aindefla
2012-09-03, 00:03
واش يأاختي راكي تستعمي كل شهر مقلة وترميها ولا كل شهر طجين وترميه ؟؟؟؟؟؟؟؟؟؟؟؟
مصاريف الأواني عندنا تكون قبل رمضان بشهر ( قدور طواجين مقالي طاوات أما اذا كنا خازنين نجبدوهم ومن بعد نعوضوهم ) وأيضا البركة تجي مع راس العام الهجري معودتا ماما نشرو حاجة مع راس العا ولو غي ابريق جديد يجيب البركة وبالطبع راح يكون عندك أواني جديدة للضياف مثل 3أو4 سرفيس القهوة ولاتاي والمشروبات وفلان أما في البيت نستعملو لي دايما وكذلك سوبيار مخزونة للضياف وطباسة تاع الضياف وحدهم وتاع الدار وحدهم اسمحيلي على الرد ولكن المرأة الناجحة تبعد على التكسالروتكون هادية في البيت مشي يدخل عليها حد تتقلق وتكسر وتبعد أواني على الأطفال واذا كانو صغار من3الى 9أو10سنوات نستعملولهم البلاستيك
نعرف وحدا ماعنهاش سرفيس كامل من كثرة تكسار :مامااعطيني الماء تجبد كاس زجاج وتخليه يدور بيه يحطه في أ مكان يجي الزوج يدهم فيه أو حتى ملرات هي تكسره ل÷ا ................
عفوا هذا الرد للاخت بوماريا عين الدفلى
طبعا و لكن كل المواضيع تدور على الأكل و فاتورة الدواء الكهرباء ... و كما تعرفوا كي يكون عرسان جدود أو بيت جديد نحتاج إلى أواني تأثيت و غيرها من الأشياء + سيارة للي عندو سيارة + الكراء لي راه ما تلقاهش أقل من 10000 دج إدا قولونا كيفاش نديرو و الأكل أصبح يأخد مجمل الشهرية لأنه السلع في تزايد مستمر
pomaria_aindefla
2012-09-03, 00:10
الوصفات كثير يا ختي المهم تديري جدول أكلات لمدة 15 يوم و على حسب اللحوم و الخضرة اللي شريتاها و بهذا توفري وقت و مجهود و دراهم و في نفس الوقت تاكلي أبهى أكل
و كذلك الحلويات كل أبوع أنا ندير قاطو لمدة أسبوع إن شاء الله حتى كروكو المهم حاجة نظيفة و كي يجيك ضيف ما تتوتريش و كذلك تفطري عليه إنت و العايلة دون الإضطرار لقاطو تاع البرة
بالنسبة للأكل ليا أنا : أنا نشري اللحوم بال 15 يوم 2 دجاجات و كيلو و نص حوت و دماغ و كيلو دوارة و الأسعار كالآتي 2 دجاجات ب 140 ألف و كيلو و نص حوت قريب 35 ألف و دماغ 50 ألف و كيلو الدوارة 40 ألف يعني المجموع 265 فقط نستعمل الحوت علة مرتين كل أسبوع مرة و نزود معاه فريت و طماطم مقلية بالثوم و خبز الدا و سلاطة و تاكلي أبهى أكل كذلك للدوارة نستعملها على مرتين مرة بلوبيا قرينيا و مرة بالحمص و و نهار ندير الدماغ و نهار شكشوكة من المخ تاع الدماغ و ما تنسوش عندنا 2 دجاجات نقسمها على سبعة 2 صدور كل صدر نعمل منه أكلة و 4 أفخاذ و 4 اللي تابع للفخذ و 4 جنحين و 2 ضلوع و 2 التحتاني أسفل الصدر ما نعرفش واش تسموه يعني تكفينا لسبعة أيام و ندير منهم أحلى أكل تتبقى الكبد و القوانص يجملو و ندير منهم كمونية أو حاجات أخرى كثير و تزيد طبق فوق الطاولة و بهذي الطريقة تاكلي باللحم لمدة 15 يوم و ب265 فقط
بالنسبة لل15 الأخرى يختلف الأمر ما نشريش نفس الحاجات إذا عجبتكم إقتراحاتي نواصل و ما زال الكثير بصح حبيت تشاركوني أفكاري ماشي أنا وحدي اللي نتكلم
شكرا لك سيدتي إجابة مفصلة شكرا و لكن سيدتي المخ معليش تكونجليه لأنه الدوارة نحن نخبيوها في العيد و لكن بعد ما نطيبوها لأنه ليزابا يقال ماشي مليح يتكونجلاو
بنت الجزاير الغالية
2012-09-03, 07:38
فعلا موضوع حساس ويعطيهم الصحة النسا الي حاكمين المصروف انا شخصيا جربت شهر
مازال ماكملتوش وعدت نصرف من عندي وزوجي يضحك عليا ويقولي مازال مادخلتيش في الفايدة
مازال ما كاملتش الشهر وقتلو خلاص تعبها والتخمام اكثر منها ربي يكون في عون الرجال مساكن
اللهم آمين و يكون في عوننا إحنا ثاني
شكرا لمرورك غاليتي
بنت الجزاير الغالية
2012-09-03, 07:42
شكرا لك سيدتي إجابة مفصلة شكرا و لكن سيدتي المخ معليش تكونجليه لأنه الدوارة نحن نخبيوها في العيد و لكن بعد ما نطيبوها لأنه ليزابا يقال ماشي مليح يتكونجلاو
شوفي المخ يتنضف مليح و نخبيه في الكونجيلاتور هكذاك mais الدوارة تتنضف عدة مرات و ننقعها في ماء و خل و ملح لمدة ساعة و نصفيها من هاذاك الماء و نزيد عليها ماء آخر نضيف و شوي ملح و طرونشات قارس و نغليها و كي تبرد نقطعها و نقسمها على زوج ساشيات بوكيلو و تتخبى في المجمد و الله تبقى كيما راهي بصح عمري ما خبيتها نية
و أي استفسار راني هنا
وفاء سعاد
2012-09-03, 07:52
ياختي والله موضوع في اللقمة انا الزوج هو اللي حاكم المصروف والله مايعرفش يصرف الصوارد يرو حو غير في الصقايط كالكشير والمرقاز احنا الشهر 6ملاين غير فالماكلة لااقتصاد لاوالو وراني ساكنة عند شيخي يعني الدار ماكانش والارض اللي رايحة نبنيها عليها المشاكل وقالي الصوارد لازم ىتصرفو ماعنديش فماه نحطهم والله مالقيت كيفاه ندير
بنت الجزاير الغالية
2012-09-03, 08:09
ياختي والله موضوع في اللقمة انا الزوج هو اللي حاكم المصروف والله مايعرفش يصرف الصوارد يرو حو غير في الصقايط كالكشير والمرقاز احنا الشهر 6ملاين غير فالماكلة لااقتصاد لاوالو وراني ساكنة عند شيخي يعني الدار ماكانش والارض اللي رايحة نبنيها عليها المشاكل وقالي الصوارد لازم ىتصرفو ماعنديش فماه نحطهم والله مالقيت كيفاه ندير
أختي ما تغضبيش مني هذا تبذير مش صرفان لازم توقفي وراه و توعيه رانا بلا دار و راه زمان ماشي ديما الدعوة زاهية لازم نخبو لغدوة أو يحكمك إنت المصروف و تصرفي غير 3 ملاين بالريفيطايمة و الخضرة و اللحم و خبي3 ملاين لوخرين حلي كونت و حطيه فيهم أو إشري بيهم الذهب و خاصة هذه الفترة الذهب بدا يطيح و كي تشوفيه غلا تخرجي تبيعيه و تلقاي صوارد كنت تصرفي فيها في التوافه ديرلك حاجة مليحة
ما تتهاونيش ب 3 ملاين فايدة كل شهر راي توليلك 36 مليون في العام تشري السلعة و تبني دارك و تعيشيحرة
و ربي إنشاء الله يهنيك و يمتعك
المنتصر1
2012-09-03, 08:21
ما شاء الله عليك بنت الجزائر
مدبرة وحكيمة بارك الله فيك راني نتابع ونستفيد لاني نخلص 6 ملاين وكلها رايحة
الله يخليك اختي ويبارك فيك
وفاء سعاد
2012-09-03, 08:25
أختي ما تغضبيش مني هذا تبذير مش صرفان لازم توقفي وراه و توعيه رانا بلا دار و راه زمان ماشي ديما الدعوة زاهية لازم نخبو لغدوة أو يحكمك إنت المصروف و تصرفي غير 3 ملاين بالريفيطايمة و الخضرة و اللحم و خبي3 ملاين لوخرين حلي كونت و حطيه فيهم أو إشري بيهم الذهب و خاصة هذه الفترة الذهب بدا يطيح و كي تشوفيه غلا تخرجي تبيعيه و تلقاي صوارد كنت تصرفي فيها في التوافه ديرلك حاجة مليحة
ما تتهاونيش ب 3 ملاين فايدة كل شهر راي توليلك 36 مليون في العام تشري السلعة و تبني دارك و تعيشيحرة
و ربي إنشاء الله يهنيك و يمتعك
ربي يحفضك ان شاء الله والله ماشي غيرتبدير راهي مدة زواج 12سنة واخنا في هده الطريقة واكتر ووالف يصرف ويقولي راني عمبالي واش قاعد ندير وكون غدوة لا قدر ربي ىموت الاب نصبحو بري ومكانش دار تلم الاتات تاعي لاانه كبير جدا لاننا ساكنين في فيلا ولازم نبنيو ادعيولي يعطيوني الارض نتاعي ومايلقاش حتي سبة
fبارك الله فيك على هذا الموضوع الاكثر من رائع
بالنسبة لتخصيص ميزانية امر مهم جدا وله فوائد وهذا عن تجربة
بالتوفيق لربات البيوت والله يكون في عون الجميع
بنت الجزاير الغالية
2012-09-03, 08:51
ما شاء الله عليك بنت الجزائر
مدبرة وحكيمة بارك الله فيك راني نتابع ونستفيد لاني نخلص 6 ملاين وكلها رايحة
الله يخليك اختي ويبارك فيك
الكل كنا نصرفوا بلا نظام و للأسف في آخر الشهر نحيرو وين راحت دراهمنا
بصح لازم وقفة كاين بنود ضرورية مافيها حتى تغيير تتحط نسبتها في ضرف وحدها و هذي البنود الأساسية تختلف من أسرة لأخرى :تريسيتي و الماء و الكراء و بنزين السيارة و فاتورة الهاتف و النت و البورطابل هذي المصاريف كل أسرة تشوف قداش مالفة تخلص هاتف و تريسيتي و بورطابل و النت و تحط هذا المبلغ وحده ما نقربوش ليه و بالنسبة للبنزين و البورطابل كيف كيف نشوفوا قداش مالفين نسلكو و تتحط في ظرف ثاني طبعا كل ظرف يتكتب عليه تاع واه
تبقى مصاريف الأكل و اللي هو أكبر بند نبذروا فيه و فوضى فيه و سقايط و ماكلة من بره و غيره و غيره هذا ليه وقفة نرجعولها من بعد
نزيدو أهم حاجة و أغلبنا نتهاون عليها و هي الصدقة فيه الكثير يقول أنا الشهرية ماشي مزيتني و تقولي نصدق راني أنا محتاج الصدقة لا هنا وقفة لوكان تعرفوا فوايد الصدقة و الله ما تستخسروا فيه فيه الكثير من الناس محتاجين الخبز نعم الخبز واحنا ناكلو اللحم و الخضرة و الفواكه و نشوفوا في رواحنا ضايعين فما بالكم هوما زيد و الله و عن تجربة الشهر اللي نصدق منه و الله ربي يباركلي في دراهمه و العكس صحيح
ظرف آخر نكتبوا عليه ظرف الطواريء الله لا يقدر بصح ديما نديرو حسابنا لكل شيء و هذا الظرف يتحط فيه مبلغ مالي ما يكونش أقل من 500 ألف و يتنسى نهائيا و ناخذو منه فقط للضرورة القصوى دخلة رمضان أو الدخول المدرسي أو بعيد الشر طبيب و دواء و غيره المهم للضرووووووووورة كيما قلنا
مازال بند الأكل نتكلموا عليه من بعد
بنت الجزاير الغالية
2012-09-03, 08:59
ربي يحفضك ان شاء الله والله ماشي غيرتبدير راهي مدة زواج 12سنة واخنا في هده الطريقة واكتر ووالف يصرف ويقولي راني عمبالي واش قاعد ندير وكون غدوة لا قدر ربي ىموت الاب نصبحو بري ومكانش دار تلم الاتات تاعي لاانه كبير جدا لاننا ساكنين في فيلا ولازم نبنيو ادعيولي يعطيوني الارض نتاعي ومايلقاش حتي سبة
إيييييييييييييييييييييييييييييييه 12 سنة هو في العام توفري 36 مليون أضربيها في 12 ربي يهديه
شوفي معليش أبدي من الشهر هذا شوفي جيبي ورقة و ستيلو و اكتبي بالضبط واش تحتاجي بالضبط واكتبيه الضروري فقط و الباقي خبي صدقيني الدار هي الأولى قبل كل شيء
المهم كان حكمت المصروف إكتبيلي إحتياجاتك و ندرلك ميزانية و تبدي توفري من هذا الشهر رانا مازالنا في أوله
بنت الجزاير الغالية
2012-09-03, 09:03
fبارك الله فيك على هذا الموضوع الاكثر من رائع
بالنسبة لتخصيص ميزانية امر مهم جدا وله فوائد وهذا عن تجربة
بالتوفيق لربات البيوت والله يكون في عون الجميع
أحسنت هديل باين فيك إمرأة شاطرة :19: بالتوفيق إن شاء الله
مريم سلسبيل
2012-09-03, 14:20
باركالله فيك صاحبة الموضوع انسبق واشرت لموضوع في هذ القسم بعنوان اخراناحبيت نتعلموا طرقق التدبير المنزلي للي يخلي مولات الدار تستفيد وتوفر دراهم يعني نقضوا علىالتبذير للي احنافيه ونحاربو غلاءالاسعار بطرق جديدة ولليعندها افكارتخبرناانامثلا استفدت من بعض المنتديات استعمالالصابون اي نغليو صابونالطرف ونحصل على كمية كبيرة تكفي للملابس لووحكان الماعن وحتى في صناعة جل دوش منزلي وغيره
بنت الجزاير الغالية
2012-09-03, 15:50
باركالله فيك صاحبة الموضوع انسبق واشرت لموضوع في هذ القسم بعنوان اخراناحبيت نتعلموا طرقق التدبير المنزلي للي يخلي مولات الدار تستفيد وتوفر دراهم يعني نقضوا علىالتبذير للي احنافيه ونحاربو غلاءالاسعار بطرق جديدة ولليعندها افكارتخبرناانامثلا استفدت من بعض المنتديات استعمالالصابون اي نغليو صابونالطرف ونحصل على كمية كبيرة تكفي للملابس لووحكان الماعن وحتى في صناعة جل دوش منزلي وغيره
هذا هو المطلوب من هذا الموضوع إننا نتبادلوا خبراتنا في كل الميادين الخاصة بالتدبير المنزلي و خاصة القضاء على التبذير و نحاولوا نكونوا سيدات مدبرات
نرحب بيك معانا أخت مريم و يا ريت تفيدينا بطريقة جل دوش و صابون الماعن
أنا جربت معطر الملابس بما إنه غالي و الكثير مننا يتفاداه لغلاء أسعاره أنا جربته و خرجت بنتيجة مرضية و لكن ليست ممتاااااااازة
و الله يا اختي طليتي على قلبي اح نهبل من هاذ النقطة
انا وراجلي نجيبو في زوج 6 ملايين اخر الشهر نلقاو روحنا زدنا ديينا من عند الناس عجب’’’’
تعيشي اعطيني طريقة نقسم بيها المصروف مع العلم انا نسلكو تريسيتي ماء غاز +بنزين السيارة +هاتف +انترنت +وزوج بناتي صغار يعني تعرفي مصروفهم وهذا طبيب هذا دوا وتاني نخدمو في زوج يعني نفطرو برا وراجلي الله يهديه يتكييف
كل شهر كيما نديرو ما ننجحوش مشكل راني حابة مرة برك يجي اخر الشهر نكون فضلت 1000 دينار حلمي
وفاء سعاد
2012-09-03, 16:18
شكرا واريد منك ان تعطيني ميزانية في حدود 3 ملايين للشهر حابة نجرب وماديريش فيهم التريسيتى والهاتف والماء والغاز لان هدوك من علي 3اشهر
شكرا على الموضوع
ربي يعيننا على الغلا
انا شريت سيارة بالتقسيط و زيرت روحي مدة اربع سنوات
انروح للسوق الاسبوعي و نشري الخضر كاين اللي نحطها في المجمد مثل الماشطو و الجلبانة والقرعة(الجريوات) الجزر بعد ان نغليها 5 دقائق و تبرد و الله تقعدلي شهر
نشوي الفلفل و الطماطم و نقشرهم ونقسمهم على عدة ساشيات
اما البصل و الثوم نرحيهم في الروبو ونحطهم في ساشيات مدة ساعتين و نجبدهم انكسرهم و نعاود نرجعهم في المجمد
اما اللحم و الدجاج نقصهم واحطهم في سينية صغيرة بعد ساعتين نجبدهم وانحطهم في ساشي راهي ما تلصقش و ترفدي المورصوات اللي تحبي
طبعا العدس و الحمص و اللوبيا و العجائن راهي تسلك
زينب الهلالي
2012-09-03, 18:51
شكرا أم شرفو الفكرة هايلة للتجميد كي لا يلتصق اللحم ببعضه .
الله يرزق الجميع .
أفكاركم رائعة ,
أهلا بيك يا أختي
أنا اللي فهمته من كلامك إنكم 3 في العايلة إنت و راجلك و بيبي فقط و زوجك يدي 2 ملاين هكذا و إلا أنا غالطة
و يا ترى عندك مدخول آخر و قداش يجيك التريسيتي
ما تقلقيش مع شوية تخطيط تنجحي إن شاء الله
مشكورة ختي الغالية على الموضوع لالا ختي منخلاص لا تريسيتي ولا ماء نخلاص غير لنترانت ومعنديش مدخوال واحد اخر ايا عواني ختك بشوية افكار ومتنسياش دارهم ليسوناس
بنت الجزاير الغالية
2012-09-04, 07:23
و الله يا اختي طليتي على قلبي اح نهبل من هاذ النقطة
انا وراجلي نجيبو في زوج 6 ملايين اخر الشهر نلقاو روحنا زدنا ديينا من عند الناس عجب’’’’
تعيشي اعطيني طريقة نقسم بيها المصروف مع العلم انا نسلكو تريسيتي ماء غاز +بنزين السيارة +هاتف +انترنت +وزوج بناتي صغار يعني تعرفي مصروفهم وهذا طبيب هذا دوا وتاني نخدمو في زوج يعني نفطرو برا وراجلي الله يهديه يتكييف
كل شهر كيما نديرو ما ننجحوش مشكل راني حابة مرة برك يجي اخر الشهر نكون فضلت 1000 دينار حلمي
شوفي يا ختي الفواتير تاع الماء و التريسيتي و الغاز و الهاتف و الأنترنيت هذي تسلك كل شهرين و قداش يطيح مصروفكم في الفطور البره و راجلك قداش يستهلك دخان في الأسبوع
إكتبيلي هذه المصاريف بالتدقيق و بإذن الله نحطلك ميزانية مليحة إن شاء الله
بنت الجزاير الغالية
2012-09-04, 07:32
شكرا واريد منك ان تعطيني ميزانية في حدود 3 ملايين للشهر حابة نجرب وماديريش فيهم التريسيتى والهاتف والماء والغاز لان هدوك من علي 3اشهر
مليح تنحي مليون و 600 ألف غير للحم و مشتقاته و الخضر و الفواكه
و مليون للريفيطايمة أنا تطيحلي مليون و فيها كل شيء حتى الكاشير و التن و الفرماج و الزبدة كل شيء كل شيء المهم تشري من عند السوبرات الكبار les bon pris و تتبقالك 400 إذا ما عندكش مصاريف زايدة خليها وحدها في ظرف إجبدي منها فقط للضرورة
الخضرة إشري بالأسبوع من السوق الكبير و عليها الفاكهة هكذا توفري مشاوير كل يوم و الحاجة اللي تستحقيها تلقايها عندك في الفريجيدار
اللحم بال15 يوم و جربي طريقتي راني كتبتها في المشاركات السابقة و الله تنفع و تاكلي مليح و بأقل التكاليف
بصح الحوت ما تخبيهش هكذاك أبيض المهم تنضفيه مليح و تديريله الخلطة نتاعه و تقسميه على كيسين و كي تجي تستعمليه إجبديه عالصباح يوصل وقت الغداء يفك الثلج نتاعه و يجيك و الله كأنه جديد بصح كي حفظته أبيض ما عجبنيش :mad:
المهم أي إستفسار أختي راني معاكم
بنت الجزاير الغالية
2012-09-04, 07:39
شكرا على الموضوع
ربي يعيننا على الغلا
انا شريت سيارة بالتقسيط و زيرت روحي مدة اربع سنوات
انروح للسوق الاسبوعي و نشري الخضر كاين اللي نحطها في المجمد مثل الماشطو و الجلبانة والقرعة(الجريوات) الجزر بعد ان نغليها 5 دقائق و تبرد و الله تقعدلي شهر
نشوي الفلفل و الطماطم و نقشرهم ونقسمهم على عدة ساشيات
اما البصل و الثوم نرحيهم في الروبو ونحطهم في ساشيات مدة ساعتين و نجبدهم انكسرهم و نعاود نرجعهم في المجمد
اما اللحم و الدجاج نقصهم واحطهم في سينية صغيرة بعد ساعتين نجبدهم وانحطهم في ساشي راهي ما تلصقش و ترفدي المورصوات اللي تحبي
طبعا العدس و الحمص و اللوبيا و العجائن راهي تسلك
أهلا بيك أم شرفو أحسنت لازم هكذاك الواحد يزير و يعرف واش يصرف ماشي يجوع بصح ينظم روحه لأنه الغلا داير حالة في كل شيء و كيما قلت راهو جاي البرد يعني مع شوي حبوب و نهار محجوبة و نهار بيتزا أنا الطماطم تكون رخيصة نشري كمية مليحة و نغلي الماء و نرمي الحبات قيس 5 دقايق و نعاود نجبدهم من الماء تطير القشرة بكل سهولة و نقطعهم و نحطهم في الروبو و نرحيها و تتحفظ في المجمد النهار اللي ما نلقى ما ندير نعمللهم بيتزا و في الشتاء يحيروا بيتزا بطماطم حمراء و في الشتاء طبعا تعرفوا إنها في الشتاء تغلى حتى ل 8000 و في الصيف ساعات توصل 1500
شكرا ليك على هذه المشاركة نورتيني فعلا
بنت الجزاير الغالية
2012-09-04, 07:49
[QUOTE=nari21;11450953]مشكورة ختي الغالية على الموضوع لالا ختي منخلاص لا تريسيتي ولا ماء نخلاص غير لنترانت ومعنديش مدخوال واحد اخر ايا عواني ختك بشوية افكار ومتنسياش دارهم ليسوناس[
زوج ملاين ننحي منها 200 ألف تاع الأنترنيت و 500 ألف ريفيطايمة و 280 خضرة تتقسم على أربعة أسابيع يعني70 ألف في الأسبوع تتبقى مليون و 50 ألف تنحي منه 600 ألف للحم و ما تابعه و 450 تتبقى في ظرف مغلق
ال 600 تاع اللحم تقسميها على 2 يعني كل أسبوعين 300 ألف تشري دجاجة كبيرة و كيلو سردينو كيلو دوارة تقسميه على مرتين و كيلو لحم تطيح قد قد قوليلي واش رأيك في هذا التقسيم و راهي بقاتلك 450 يعني تاخذي منها فقط إن احتجت
إن شاء الله تعجبك طريقة التقسيم
اختي انا كان زوجي يعطيلي مليون مصروف الدار واللحم والفواتير والخضرة مسؤوليتو كان كلش مليح بصح ملي زيدت بنتي ربي يعيشها حاجة ماتكفي ليكوش كلاولي المصروف والحليب انتاعها ماكاله نحكي بصح الحمد لله
وكانت تكفيك المليون الله يبارك فحلة تعرفي تصرفي
مشكورة ختي الغالية على الموضوع لالا ختي منخلاص لا تريسيتي ولا ماء نخلاص غير لنترانت ومعنديش مدخوال واحد اخر ايا عواني ختك بشوية افكار ومتنسياش دارهم ليسوناس
دراه اليـــــــــــــــــــــــــــــــــــــــــــــــ ــــــــــــــــــــــــسونانس وحدهم كارتة سيرتو اذا حبيت تديري مشاوير
وفاء سعاد
2012-09-04, 08:35
بارك الله فيك الشهر هدا نطبق هده الميزانية وحابة نسقسيك علي الدوارة تاع البقري البارح جابهالي راجلي وغسلتها مليح ومباعد غليتها شوية وطيشت هداك الماء وطيبتها بصح لقيت الشعر تاع جلد البقرة في الماكلة ماقدرناش ناكلوها
بنت الجزاير الغالية
2012-09-04, 09:45
بارك الله فيك الشهر هدا نطبق هده الميزانية وحابة نسقسيك علي الدوارة تاع البقري البارح جابهالي راجلي وغسلتها مليح ومباعد غليتها شوية وطيشت هداك الماء وطيبتها بصح لقيت الشعر تاع جلد البقرة في الماكلة ماقدرناش ناكلوها
و علاه تشري تاع البقري أنا نكرهها نشري تاع الغنمي الكيلو ب 40000 و نطيبها على مرتين و تجي و الله هايلة ما فيها حتى شيء
طبقي و قوليلي واش درت في هذا الشهر
شكرا أم شرفو الفكرة هايلة للتجميد كي لا يلتصق اللحم ببعضه .
الله يرزق الجميع .
أفكاركم رائعة ,
جربتو مع اللحم و الدجاج
خوذي سينية تدخل في المجمد فرشيها بساشي و حطي قطع اللحم
بعديهم على بعض باش ما يلصقوش
تقدري تحطي ساشي اخرى فوق اللحم و تزيدي تحطي قطع اخرى اي على شكل طبقات بيناتهم الساشي
خليه يجمد حوالي ساعتين و كي تلميهم في ساشي وحدة راهم ما يلصقوش
على ضمانتي
بنت الجزاير الغالية
2012-09-04, 10:31
جربتو مع اللحم و الدجاج
خوذي سينية تدخل في المجمد فرشيها بساشي و حطي قطع اللحم
بعديهم على بعض باش ما يلصقوش
تقدري تحطي ساشي اخرى فوق اللحم و تزيدي تحطي قطع اخرى اي على شكل طبقات بيناتهم الساشي
خليه يجمد حوالي ساعتين و كي تلميهم في ساشي وحدة راهم ما يلصقوش
على ضمانتي
هذي هي طريقتي يعطيك الصح و أنا نخليه حتى يبات و من غدوة كل مورصو يروح وحده و نلمهم في ساشي واحد و ما يلصقوش
أم احمد3
2012-09-04, 10:54
بارك الله فيك
اولا اريد ان اعرف واش هذه الكلمة مفهمتهاش هي كلمة عربية ولا واش
لريفيطايمة
بنت الجزاير الغالية
2012-09-04, 12:12
بارك الله فيك
اولا اريد ان اعرف واش هذه الكلمة مفهمتهاش هي كلمة عربية ولا واش
لريفيطايمة
الريفيطايمة يعني السكر و الزيت و القهوة و العجائن و.........................غيره
زينب الهلالي
2012-09-04, 12:36
السلام عليكم
أخواتي راكم نسيتوا الخبز والحليب .
راجلي راه يضحك علي ويقول
اللي يعد لروحه يفضله .
واش رايكم في عايلة من 4 أطفال والاب والام .واش يكفي واش يفضل ....
ههههههههههههههههههههه
هذا رأي الراجل يا اختي قال المصروف بالورقة زي والواقع زي آخر ...
بنت الجزاير الغالية
2012-09-04, 13:25
السلام عليكم
أخواتي راكم نسيتوا الخبز والحليب .
راجلي راه يضحك علي ويقول
اللي يعد لروحه يفضله .
واش رايكم في عايلة من 4 أطفال والاب والام .واش يكفي واش يفضل ....
ههههههههههههههههههههه
هذا رأي الراجل يا اختي قال المصروف بالورقة زي والواقع زي آخر ...
عندنا مثل يقول اللي يحسب ياسر يفظله و فعلا هذا المثل مجرب بصح أنا مانيش نحسب فيها أنا ننظم فيها
و أنا عندي 3 أطفال و أب و أم يعني تقريبا كيفك غير ناقصة فرد واش ندير في الخبز و الحليب نشري اللحظة مع الريفيطايمة أنا نستهلك 2 علب في الأسبوع يعني للشهر 8 علب و الخبز أنا ندير الكسرة في الدار أنظف و الدراري يموت عليها نشري الخبز فقط يوم الميناج الكبير و إلا ندير حاجة تاع pate و بالنسبة للي يشري الخبز كيما إنت 5 في العائلة يعني 4 خبزات يومي ب 3000 يعني في الشهر 90000 تنحي من الشهرية و تحطيه في ظرف و تكتبي عيه مصاريف الخبز
و صدقيني الورقة و القلم خير من الفوضى كل شيء بلا نظام أنا نشوف هكذا و كل واحد كيماه يشوف قوليله يجرب يحسبها بالورقة و لعل يخرج بنتيجة
زينب الهلالي
2012-09-04, 15:48
أختي الغالية صحيح كسرة الدار أنظف لكن ربما تكون كيف كيف في الميزانية أو بل أكثر لأنها محبوبة كثيرا ههههههههههههه.
على كل حال ماهي الكسرة التي تقصديها : خبز الدار أو الرخساس أم الرقاق أم ماذا ؟؟؟؟
ولا تنسي أيضا أن النظام الغذائي يختلف من منطقة لأخرى ومن أسرة لأخرى ...
شكرا على ردودك العملية جدا .
والحقيقة أشفق على الرجال من هذه المسؤولية الشاقة خاصة من ليس لديه راتب ثابت أي ليس موظفا ، ولا يعمل أصلا .ما رأيك كيف يعيش أولئك ؟؟؟؟؟؟؟؟؟؟؟؟؟؟؟؟؟؟
أم احمد3
2012-09-04, 17:55
أختي الغالية صحيح كسرة الدار أنظف لكن ربما تكون كيف كيف في الميزانية أو بل أكثر لأنها محبوبة كثيرا ههههههههههههه. على كل حال ماهي الكسرة التي تقصديها : خبز الدار أو الرخساس أم الرقاق أم ماذا ؟؟؟؟ ولا تنسي أيضا أن النظام الغذائي يختلف من منطقة لأخرى ومن أسرة لأخرى ... شكرا على ردودك العملية جدا . والحقيقة أشفق على الرجال من هذه المسؤولية الشاقة خاصة من ليس لديه راتب ثابت أي ليس موظفا ، ولا يعمل أصلا .ما رأيك كيف يعيش أولئك ؟؟؟؟؟؟؟؟؟؟؟؟؟؟؟؟؟؟ زائد البركة اختى
انا والله نصرف بزاف رغم انني احاول ان اعمل اقتصاد شوية لكن واالله مقدرت
مريم سلسبيل
2012-09-04, 18:30
الاقتصاد يكون حتى في استعمال المواد الطبيعية في التجميل واستعمال الاعشاب لمعالجة وتقوية الجسم وتبادل الالبسة الاطفال كل واحدة مع خوتاتها يعني احذية حت البسة الاعراس وعلاها ميكونش هناك لبسة تقليدية نروحوا بها لوكان نرجعو للصح نلقاو بللي احنا النسا اسباب في التبدير ههههههههههههه ياخي كل شي غالي وعلا ها رانا كلنا نشروا بلا توقف لمجرد ان ابني لازم يلبس احسن وانا لازم نلبس اخر قندوة خرجت في السوف واحنعندنا الخزائن تفرعت من للي فبها حتى عاد الواحد ونقولها صراحة يرمي في اشياء مازالها صالحة لانه مالقينا وين نخبيو
بارك الله فيك
اولا اريد ان اعرف واش هذه الكلمة مفهمتهاش هي كلمة عربية ولا واش
لريفيطايمة
الريفيطايمة
انا نسميها العولة جاية من الفرنسية ravitaillement
أم احمد3
2012-09-05, 08:16
الريفيطايمة
انا نسميها العولة جاية من الفرنسية ravitaillement
شكرا اختى على التوضيح
امينة مناد
2012-09-05, 13:13
سلام ياو حاولت انخبي الدراهم وندير التاويل بصح مكاش بوفساد كيما انا ......................بصراحة
انا ادخلت على الموضوع وعجبني وعلى هادا انشارك فيه ودبروا عليا كيفاه اندير للمصروف
راجلي هو الي يخدم ويعطيني الدراهم بلا حساب بكل صراحة ومرانيش نكدب شوفوا يعطيني وندي من عندوا ونصرفهم وين معلاباليش ..............في بض الاحيان يوصل 4ملاين في شهر بلا ماناكل امليح كيما يلزم الحال وبلا متلقاو حاج شابة في الخزانة وبلا مراني مخبيا والوا
تعيشوا كيفاه اندير باش انحقق ميزانية ونريح راجلي عندي طفلة وحدا عندها ثلاث سنوات
انا راني حابة نصرف مليون برك في الشهر منوا الاكل ومنوا كاش احويجا البنتي وليا وهوا يدبر راسوا ولازم انخبي من المليون هادا ولخرين الي يربحم راجلي في عمله الحر يخبيهم هو
شوفوا انا منخلص اتريستي ولا الماء ولا الغاز ولا النات لاني بصراحة اسكن مع عجوزتي واولادها وعرايسها وهي لي حاملا هدي المسؤولية تع الفاتورات يعني الحق راهي مساعدتنا ربي يخليهنا وهمي الوحيد ياربي هوا السكن البيت يعني شراء منزل معليش ماشي الان معليش انا نتمرمد بصح في المستقبل ان شاء الله اوفره لاولادي
لا تبخلوا عني بنصايح راني نستنا فيكم
بنت الجزاير الغالية
2012-09-05, 15:56
أختي الغالية صحيح كسرة الدار أنظف لكن ربما تكون كيف كيف في الميزانية أو بل أكثر لأنها محبوبة كثيرا ههههههههههههه.
على كل حال ماهي الكسرة التي تقصديها : خبز الدار أو الرخساس أم الرقاق أم ماذا ؟؟؟؟
ولا تنسي أيضا أن النظام الغذائي يختلف من منطقة لأخرى ومن أسرة لأخرى ...
شكرا على ردودك العملية جدا .
والحقيقة أشفق على الرجال من هذه المسؤولية الشاقة خاصة من ليس لديه راتب ثابت أي ليس موظفا ، ولا يعمل أصلا .ما رأيك كيف يعيش أولئك ؟؟؟؟؟؟؟؟؟؟؟؟؟؟؟؟؟؟
فعلا هي مسؤولية صعيبة ربي يعين الجميع
بنت الجزاير الغالية
2012-09-05, 16:02
زائد البركة اختى
انا والله نصرف بزاف رغم انني احاول ان اعمل اقتصاد شوية لكن واالله مقدرت
الكثير منا كيفك بصح رانا نحاولوا نصرفو غير الملزوم و الباقي نوفروه ينفعنا في كاش حاجة
بنت الجزاير الغالية
2012-09-05, 16:07
الاقتصاد يكون حتى في استعمال المواد الطبيعية في التجميل واستعمال الاعشاب لمعالجة وتقوية الجسم وتبادل الالبسة الاطفال كل واحدة مع خوتاتها يعني احذية حت البسة الاعراس وعلاها ميكونش هناك لبسة تقليدية نروحوا بها لوكان نرجعو للصح نلقاو بللي احنا النسا اسباب في التبدير ههههههههههههه ياخي كل شي غالي وعلا ها رانا كلنا نشروا بلا توقف لمجرد ان ابني لازم يلبس احسن وانا لازم نلبس اخر قندوة خرجت في السوف واحنعندنا الخزائن تفرعت من للي فبها حتى عاد الواحد ونقولها صراحة يرمي في اشياء مازالها صالحة لانه مالقينا وين نخبيو
و الله كلامك صواب و تستحقي عليه أحلى شكر و يا ريت نلقوا أفكار نتبادلوها في هذا الميدان (قصدي الأعراس) واش من صبايغ واش من قش واش من صنادل واش من ماكياج واش من كوافير و في آخر العرس مع الباروك تلقي روحك صرفتي شهرية كاملة بلا ما تشعري و لازم الواحدة في العرس تبدل 4 أو 5 مرات و اللي ما تديرش هكذا راهي مهملة روحها هذا واش يقولوا
نتمنى نتناقشوا في هذا البند لأنه فعلا مهم
بنت الجزاير الغالية
2012-09-05, 16:13
سلام ياو حاولت انخبي الدراهم وندير التاويل بصح مكاش بوفساد كيما انا ......................بصراحة
انا ادخلت على الموضوع وعجبني وعلى هادا انشارك فيه ودبروا عليا كيفاه اندير للمصروف
راجلي هو الي يخدم ويعطيني الدراهم بلا حساب بكل صراحة ومرانيش نكدب شوفوا يعطيني وندي من عندوا ونصرفهم وين معلاباليش ..............في بض الاحيان يوصل 4ملاين في شهر بلا ماناكل امليح كيما يلزم الحال وبلا متلقاو حاج شابة في الخزانة وبلا مراني مخبيا والوا
تعيشوا كيفاه اندير باش انحقق ميزانية ونريح راجلي عندي طفلة وحدا عندها ثلاث سنوات
انا راني حابة نصرف مليون برك في الشهر منوا الاكل ومنوا كاش احويجا البنتي وليا وهوا يدبر راسوا ولازم انخبي من المليون هادا ولخرين الي يربحم راجلي في عمله الحر يخبيهم هو
شوفوا انا منخلص اتريستي ولا الماء ولا الغاز ولا النات لاني بصراحة اسكن مع عجوزتي واولادها وعرايسها وهي لي حاملا هدي المسؤولية تع الفاتورات يعني الحق راهي مساعدتنا ربي يخليهنا وهمي الوحيد ياربي هوا السكن البيت يعني شراء منزل معليش ماشي الان معليش انا نتمرمد بصح في المستقبل ان شاء الله اوفره لاولادي
لا تبخلوا عني بنصايح راني نستنا فيكم
ياختي طالما إنت في دار شيخك راكي ناقصة مصاريف تخيلي لوكان جيت تخلصي الكراء و الماء و التريسيتي و الغاز و النت تخيلي على الأقل 3 ملاين إحسبي روحك راكي تخلصي فيهم و كل شهر تنسيهم خلاص و كأنك فعلا خلصت بيهم
يبقالنا المصروف قلت مليون تنحي 300 ألف لحم و دجاج و سردين و 280 ألف خضرة على 4 أسابيع يعني في الأسبوع 70 ألف تبقى 420 ألف تصرفي فيها على رأيك
pomaria_aindefla
2012-09-05, 16:40
كاين موضوع ما تكلمتوش عليه ألا و هو القش ما شروش للأولاد و بالنسبة للخدامة ما نشريش باش تلبي
الخضر عندما تقولو المارشي الكبير يعتي المارشي تع القرو le marché de gros -fruits et legumes - أو السوق
بالنسبة للسيدات لي تخبي الخضر في المجمد أحكون عن طريقة التجميد و المحاقضة عليها
pomaria_aindefla
2012-09-05, 16:56
شكرا على الموضوع
ربي يعيننا على الغلا
انا شريت سيارة بالتقسيط و زيرت روحي مدة اربع سنوات
انروح للسوق الاسبوعي و نشري الخضر كاين اللي نحطها في المجمد مثل الماشطو و الجلبانة والقرعة(الجريوات) الجزر بعد ان نغليها 5 دقائق و تبرد و الله تقعدلي شهر
نشوي الفلفل و الطماطم و نقشرهم ونقسمهم على عدة ساشيات
اما البصل و الثوم نرحيهم في الروبو ونحطهم في ساشيات مدة ساعتين و نجبدهم انكسرهم و نعاود نرجعهم في المجمد
اما اللحم و الدجاج نقصهم واحطهم في سينية صغيرة بعد ساعتين نجبدهم وانحطهم في ساشي راهي ما تلصقش و ترفدي المورصوات اللي تحبي
طبعا العدس و الحمص و اللوبيا و العجائن راهي تسلك
شكرا لك سيدتي على الفكرة و بارك الله فيك و الله يسخرلك في الدرية إن شاء الله و لكن لدي بعض الإستقتارات من فضلك
اللوبيا و الجلبان تغلي الماء لما يغلي ترميهم في الماء لمدة 5 د ثم تصفيهم
القرعة أو الكابويا بالنسبة لي - تلمسان - كيفاش ديريلها ما كنتش عارفة بلي تتخبى في المجمد
الجزر بعد تغليتها وين تحطيها و ما هي المدة باش تقعدلك
الباربار أو الشمندر البيتراف كيفاش ديريلها من فضلك
و شكرا سيدتي
شكرا لك سيدتي على الفكرة و بارك الله فيك و الله يسخرلك في الدرية إن شاء الله و لكن لدي بعض الإستقتارات من فضلك
اللوبيا و الجلبان تغلي الماء لما يغلي ترميهم في الماء لمدة 5 د ثم تصفيهم
القرعة أو الكابويا بالنسبة لي - تلمسان - كيفاش ديريلها ما كنتش عارفة بلي تتخبى في المجمد
الجزر بعد تغليتها وين تحطيها و ما هي المدة باش تقعدلك
الباربار أو الشمندر البيتراف كيفاش ديريلها من فضلك
و شكرا سيدتي
السلام عليكم
انا ثاني ما كنتش نجمدها
واحد النهار اشرالي زوجي 5 كيلو قرعة نصو قطعتو دوائر قليتو غير شوية نص طياب والباقي غليتو 5 دقائق صفيتو و حطيتو في الساشيات
ساعات نجبد تاع اللي قليتو انديرو شكشوكة و الا زعلوك
اما الاخر انحطو مع المراقي
و مع الكسكس
كاين موضوع ما تكلمتوش عليه ألا و هو القش ما شروش للأولاد و بالنسبة للخدامة ما نشريش باش تلبي
الخضر عندما تقولو المارشي الكبير يعتي المارشي تع القرو le marché de gros -fruits et legumes - أو السوق
بالنسبة للسيدات لي تخبي الخضر في المجمد أحكون عن طريقة التجميد و المحاقضة عليها
ا اقوم بتجميد بعض الخضر وطريقتي هي غلي الماء ثم اكون مسبقا غسلت الخضر جيد ونشفت ونقيتها فمثلا اللوبية خضراء والجلبانة والخرشف والفول وكل خضرة على حدة وعندما يصل الماء الى الغليان اضع نوع من الخضرة ثم اتركه مدة عشر دقائق ثم اصفيه واصب عليها الماء المثلج وعندما تستقطر اضعها في البلاستيكات وافرغها من الهواء ثم ابسطها متساوية حتى لا تاخد لي مكان كبير في الكونجيلاتور
pomaria_aindefla
2012-09-05, 17:20
السلام عليكم
انا ثاني ما كنتش نجمدها
واحد النهار اشرالي زوجي 5 كيلو قرعة نصو قطعتو دوائر قليتو غير شوية نص طياب والباقي غليتو 5 دقائق صفيتو و حطيتو في الساشيات
ساعات نجبد تاع اللي قليتو انديرو شكشوكة و الا زعلوك
اما الاخر انحطو مع المراقي
و مع الكسكس
نعم كي تتوفر عندك كمية كبيرة لازم عليك ظبري عليها بكل الطرق شكرا و عن الجزر سيدتي من فضلك أنا سامطة لاعنداك حابة نتعلم برك
مريم سلسبيل
2012-09-05, 18:42
للي نعرفو انه الجزر يرابيوه مع الصوص نتاع السبقييتي زايد اه يعملوه عصير وهو مفيد جدا لوكان جينا نحافظوا على صحتنا بصح نقلكم هدا العام كل شي غالي مابقات كاين خضرا وفاكية نقدرو نكجلوها ربي كون فيعون القليل
pomaria_aindefla
2012-09-08, 19:55
بعد أن كانت للموضوع بداية رائعة ها الأن لا أحد يضيف لنا تجاربه أنا خائفة أن الموضوع ينسى مثل موضوع أخر مشابه له الدي هو - موضوع جديد - نتمنى من جميع الأعضاء أن يتكلمونا عن تجالربهم لكي نفيد و نستفيد
نسيبة2012
2012-09-08, 22:24
ييياااااااااااااااااااريت نلقا وحدة تعطيني حل الشهرية 3ملاين ونص والعايلة غير انا و راجلي و ولدي جربت كل الطرق اللي ذكرتوها وما نفع والو يخلاصو في ال20يوم الاولى مع العلم انو ما فيها لا بورابل ولا بنزين سيارة بصح التريسيتي ديما يجي من المليون وطلع مع العايلة ناعو يعني يخلص عليهم التريسيتي وحدو .............. واللحم من الشهر للشهر نشريو جاجة
اية الحسناء
2012-09-09, 19:12
اعجبنى الموضوع بزاف هذا ماكنت انحوس اعليه وفى كل منتدى ندخل انحوس مواضيع كيما هادى استفدت وكان تحسن وهدى تجربتى بالنسبة للاخت نسيبة 2012و زمتيلاتها انا نقسم شهرتى3ملاين على 3 اطحلى 10 ايام وانت وشطارتى فى انهار الواحد 100الف والى يقعد من قديان النهار خبيه تحتاجيه للمفاجئات كالضياف واذا ما استعملتيهم خبيهم للعوزة وهى كتيرة انا عاى تجربتى نكتب كلش واش نشرى وانهار مانكتبش انتبحر ونقعد انحوس وين راحوا او هوما ماعنهم وين راحوا كلش غالى نصيحتى ماترميش الماكلة هذى وصية النساء الكبارات ليا القيت عندهم الحق رانى احكيت بزاف انشاء اله تستفيدوا من تجربتى
narimane1991
2012-09-09, 21:52
والله غريب امر هذه الدنيا ناس عايشة مع العائلة ومدبرة امورها الحمد الله وناس براسها وضايعه سبحان الخالق
انا عن نفسي نخلص 3 ملاين ونص والله ماني عارفه وين راهي تروح راني عارف مليون نتع ماما نمدولها كل شهر باهتصرف علي روحها وتشوف واش يخصها
وعندي مليون نشري بيها عطر واحد و2 ديودورون ومعجون اسنان مع الفرشاة تعو و شومبوان كرام لشعر واحد للجسم وشوية ن تع كوسميتيك
ويقعد مليون نشري بيه حذاء و حاجة خفيفه نلبسها اكم عارفين الخدامة
و 200 متين الف تروح شهريا فليكسي منع التلفون
تقريبا يقعدلي من الشهربة 500 ولي تقعد في الصاك نتعي وتروح في الغداء كي نكون نخدم هاداي هي الشهريةنتعي وحدي؟
والله البركة مبقات
ممكن تعاودي تعطولي تقسيم جديد ليها هكدا باه نشري شوية دهب ولا سيارة ولا حاجة تقعد للزمان عقوبة ؟ راني نستني فيكم حنوناتي
narimane1991
2012-09-09, 21:57
والله غريب امر هذه الدنيا ناس عايشة مع العائلة ومدبرة امورها الحمد الله وناس براسها وضايعه سبحان الخالق
انا عن نفسي نخلص 3 ملاين ونص والله ماني عارفه وين راهي تروح راني عارف مليون نتع ماما نمدولها كل شهر باهتصرف علي روحها وتشوف واش يخصها
وعندي مليون نشري بيها عطر واحد و2 ديودورون ومعجون اسنان مع الفرشاة تعو و شومبوان كرام لشعر واحد للجسم وشوية ن تع كوسميتيك
ويقعد مليون نشري بيه حذاء و حاجة خفيفه نلبسها اكم عارفين الخدامة
و 200 متين الف تروح شهريا فليكسي نتع التلفون
تقريبا يقعدلي من الشهربة 500 ولي تقعد في الصاك نتعي وتروح في الغداء كي نكون نخدم هاداي هي الشهريةنتعي وحدي؟
والله البركة مبقات
ممكن تعاودي تعطولي تقسيم جديد ليها هكدا باه نشري شوية دهب ولا سيارة ولا حاجة تقعد للزمان عقوبة ؟ راني نستني فيكم حنوناتي
موضوع هااااااااااااااااايل
يا اخت ارجوا المساعدة احنا 8 في العائلة مع العلم ان الولد الصغير كامل عندوا عام
زوجي يجيب 4 ملاين او نصف يعطيني 3املاين ونصف ويشد مصروفوا الخاص للسيارة
ارجوا ان تفيديني كيفاش ندير نقسمهم
مع العلم عندي الفيكس والبورتابل والنات و3 اولاد يقراو
ارجوا المساعدة
pomaria_aindefla
2012-09-10, 13:51
إنشاء الله ترجع صاحبة الموضوع باش تجاوبنا
محــــــ النقاب بــــة
2012-09-10, 14:42
موضوع مليح ياااسر ... و سأحتاجه
جزاك الله خيرا اختي...
nokia111
2012-09-11, 10:30
زوجي يخلص مليون وتمنةئة والحمد لله كافيتنا وفايضة
موضوع قيم الله يجازيك المفروض كل واحدة تنحي مبلغ معين و تحطو في الكونت وما تخربش فيه مهما كان وفي اخر العام تلقى روحها مدخرة مبلغ معتبر انا ملي بديت نخدم ندير هاك و كل ما يزيدولي في المرتب نزيد في مبلغ الادخار و هكذا ما نحتاجش خلاص نهار الضايقة نلقى روحي دايرة لحساب.و من الله التوفيق.
زوجي يخلص مليون وتمنةئة والحمد لله كافيتنا وفايضة
حبذا لو تعطينا الطريقة اللي تبعوها في مصروفكم و شحال نتوما في العايلة؟
زوجي يخلص مليون وتمنةئة والحمد لله كافيتنا وفايضة
حبذا لو تحكينا بالتفصيل كيفاه راكم تتصرفوا و شحال انتما في العائلة؟
واش بكم غيبتو؟ان شاء الله تكونو بخير.
pomaria_aindefla
2012-09-12, 12:32
نعم صاحبة الموضوع غائبة مند مدة إن شاء الله المانع خير
بنت الجزاير الغالية
2012-09-12, 14:02
السلام عليكم و رحمة الله و بركاته
واش راكم يا بنات إن شاء الله تكونوا بخير
عدت إليكم من جديد و جبت معاي خبر فيه توفير واحنا على أبواب الشتاء : قريت اليوم هنا في المنتدى إنه أسعار الحبوب إنخفضت في الإتحاد العمومي راح نشوفلكم الموضوع و نجيبلكم الرابط و بما أننا داخلين عالبرد راح نستهلكوا الحبوب و هذي فرصة نشريوهم ما دام الأسعار رخيصة
الحمص ب 15000
و اللوبيا ب 10000
و الأرز ب 6000
و العدس تقريبا 8000
نروح نرد عالمشاركات السابقة و معذرة عن التأخير بصح حسيت في بعض المشاركات من عضوات الله يهديهم اللي تقول عندي 3 ملاين ما تكفنيش مليون غير للبرفانات و مليون للبسة و غيره و غيره
أنا حبيت نبهكم في هذا الموضوع رانا نتكلموا عالإقتصاد في المعيشة و اللي يشري في برفان بمليون الدنيا مزهزهة معاه يعني ما يحتاجش لموضوعنا
meriem hanin
2012-09-12, 14:07
بارك الله فيك على الموضوع
قيم جدا جزاك الله خيرا على كل النصائح
رايحة نحاول نستفاد ان شاء الله من موضوعك و من مشاركات الاعضاء
بوركت اختي في الله
بنت الجزاير الغالية
2012-09-12, 14:07
http://www.djelfa.info/vb/showthread.php?t=1090420
هذا هو رابط الموضوع
بنت الجزاير الغالية
2012-09-12, 14:20
كاين موضوع ما تكلمتوش عليه ألا و هو القش ما شروش للأولاد و بالنسبة للخدامة ما نشريش باش تلبي
الخضر عندما تقولو المارشي الكبير يعتي المارشي تع القرو le marché de gros -fruits et legumes - أو السوق
بالنسبة للسيدات لي تخبي الخضر في المجمد أحكون عن طريقة التجميد و المحاقضة عليها
شوفي في القش كل واحد نشريله لبستين مع أول كل فصل و زيد هوما تحت بعضاهم في السن يعني يلبسوا مع بعض أما المارشي هذاك واش نقصد المهم تشريو من البلاصة اللي تكون فيها الأسعار منخفضة أما لتجميد الخضر و الفواكه راح نحكي عليهم لاحقا
للي نعرفو انه الجزر يرابيوه مع الصوص نتاع السبقييتي زايد اه يعملوه عصير وهو مفيد جدا لوكان جينا نحافظوا على صحتنا بصح نقلكم هدا العام كل شي غالي مابقات كاين خضرا وفاكية نقدرو نكجلوها ربي كون فيعون القليل
فعلا الأسعار نار بصح لازم نتعايشوا معاها و نعرفوا كيفاه نمشو معاها
بعد أن كانت للموضوع بداية رائعة ها الأن لا أحد يضيف لنا تجاربه أنا خائفة أن الموضوع ينسى مثل موضوع أخر مشابه له الدي هو - موضوع جديد - نتمنى من جميع الأعضاء أن يتكلمونا عن تجالربهم لكي نفيد و نستفيد
صدقيني تشجيعك للموضوع هو اللي رجعني ليه
مشكورة بوماريا
بنت الجزاير الغالية
2012-09-12, 14:33
ييياااااااااااااااااااريت نلقا وحدة تعطيني حل الشهرية 3ملاين ونص والعايلة غير انا و راجلي و ولدي جربت كل الطرق اللي ذكرتوها وما نفع والو يخلاصو في ال20يوم الاولى مع العلم انو ما فيها لا بورابل ولا بنزين سيارة بصح التريسيتي ديما يجي من المليون وطلع مع العايلة ناعو يعني يخلص عليهم التريسيتي وحدو .............. واللحم من الشهر للشهر نشريو جاجة
بالنسبة للتريسيتي يجي كل شهرين و نقولوا مليون و نص في الفاتورة يعني كل شهرية ننحيو منها 750 ألف تبقى زوج ملاين و 250 ألف
ال 250 إشري بيها دجاجة نقوا 80 ألف و رطل لحم 65 ألف و كيلو و نص دوارة تديريها على مرتين مرة عصبان و مرة بكبوكة بالحمص تطلع ب 60 ألف و ال40 ألف الباقية سردين
مليح خير من دجاجة واحدة
تبقى زوج ملاين مليون العولة سكر و زيت و..........
و المليون الباقي تنحي منه 400 ألف للخضرة كل أسبوع 100 ألف و ال 600 ألف الباقية هذي خبيها للظروف الطارئة
إن شاء الله تعجبك طريقتي و تستفادي
pomaria_aindefla
2012-09-12, 14:36
أنا مازلت في دار بابا و لهدا حبيت نتعلم من موضوعك سيدتي و من الجميع كما قالت سيدة في موضوع اخر نتعلم للزمان
بنت الجزاير الغالية
2012-09-12, 14:41
اعجبنى الموضوع بزاف هذا ماكنت انحوس اعليه وفى كل منتدى ندخل انحوس مواضيع كيما هادى استفدت وكان تحسن وهدى تجربتى بالنسبة للاخت نسيبة 2012و زمتيلاتها انا نقسم شهرتى3ملاين على 3 اطحلى 10 ايام وانت وشطارتى فى انهار الواحد 100الف والى يقعد من قديان النهار خبيه تحتاجيه للمفاجئات كالضياف واذا ما استعملتيهم خبيهم للعوزة وهى كتيرة انا عاى تجربتى نكتب كلش واش نشرى وانهار مانكتبش انتبحر ونقعد انحوس وين راحوا او هوما ماعنهم وين راحوا كلش غالى نصيحتى ماترميش الماكلة هذى وصية النساء الكبارات ليا القيت عندهم الحق رانى احكيت بزاف انشاء اله تستفيدوا من تجربتى
طريقة ممتازة بصح نديرلك فيها تغيير بسيط تنحي من هاذيك الشهرية مبلغ معين للظروف الطارئة و ليكن حتى 300 ألف و الباقي قسميه على 3 و كل 10 أيام ناخدجزء و نشروا مقتضيات العشرة أيام من لحم و خضرة و عولة
والله غريب امر هذه الدنيا ناس عايشة مع العائلة ومدبرة امورها الحمد الله وناس براسها وضايعه سبحان الخالق
انا عن نفسي نخلص 3 ملاين ونص والله ماني عارفه وين راهي تروح راني عارف مليون نتع ماما نمدولها كل شهر باهتصرف علي روحها وتشوف واش يخصها
وعندي مليون نشري بيها عطر واحد و2 ديودورون ومعجون اسنان مع الفرشاة تعو و شومبوان كرام لشعر واحد للجسم وشوية ن تع كوسميتيك
ويقعد مليون نشري بيه حذاء و حاجة خفيفه نلبسها اكم عارفين الخدامة
و 200 متين الف تروح شهريا فليكسي منع التلفون
تقريبا يقعدلي من الشهربة 500 ولي تقعد في الصاك نتعي وتروح في الغداء كي نكون نخدم هاداي هي الشهريةنتعي وحدي؟
والله البركة مبقات
ممكن تعاودي تعطولي تقسيم جديد ليها هكدا باه نشري شوية دهب ولا سيارة ولا حاجة تقعد للزمان عقوبة ؟ راني نستني فيكم حنوناتي
:sdf::sdf::sdf:
لا تعليق
موضوع هااااااااااااااااايل
شكرا لمرورك
موضوع مليح ياااسر ... و سأحتاجه
جزاك الله خيرا اختي...
جزانا و إياك
بنت الجزاير الغالية
2012-09-12, 14:46
يا اخت ارجوا المساعدة احنا 8 في العائلة مع العلم ان الولد الصغير كامل عندوا عام
زوجي يجيب 4 ملاين او نصف يعطيني 3املاين ونصف ويشد مصروفوا الخاص للسيارة
ارجوا ان تفيديني كيفاش ندير نقسمهم
مع العلم عندي الفيكس والبورتابل والنات و3 اولاد يقراو
ارجوا المساعدة
حطيلي قداه موالفة تجيك فاتورة النت و الموبايل و الفيكس باش على أساسهم نقسملك الشهرية
بنت الجزاير الغالية
2012-09-12, 14:52
زوجي يخلص مليون وتمنةئة والحمد لله كافيتنا وفايضة
يعطيك الصح و يا ريت تشاركينا أفكارك و يجعلها في ميزان حسناتك باه البنات معانا يستفادوا
موضوع قيم الله يجازيك المفروض كل واحدة تنحي مبلغ معين و تحطو في الكونت وما تخربش فيه مهما كان وفي اخر العام تلقى روحها مدخرة مبلغ معتبر انا ملي بديت نخدم ندير هاك و كل ما يزيدولي في المرتب نزيد في مبلغ الادخار و هكذا ما نحتاجش خلاص نهار الضايقة نلقى روحي دايرة لحساب.و من الله التوفيق.
تصرف سليم مئة بالمئة نستعرف بيك هذا واش ندير و نوفر و كل شهر و نخرج بنتيجة و الحمد لله بصح كاينة مشكلة غني نصرفهم في دقيقة و ساعات على حاجة نندم عليها
واش بكم غيبتو؟ان شاء الله تكونو بخير.
يسقسي عليك الخير حنونة راني رجعتلكم
نعم صاحبة الموضوع غائبة مند مدة إن شاء الله المانع خير
:dj_17:
pomaria_aindefla
2012-09-12, 15:40
قسمونا شهرية تع 27000 دج
بنت الجزاير الغالية
2012-09-12, 16:36
قسمونا شهرية تع 27000 دج
قداه في العائلة و الفواتير قداه مالفة تجيكم باه نعرف نقسم
pomaria_aindefla
2012-09-12, 16:43
مازال كيما قلت راني في دارنا و لكن حبيت نتعلم
كما تعرفي كينكونو خدامت الشهرية تمشي في سقايط و الفطور
أم الفرسان
2012-09-12, 23:21
أختي الفاضلة موضوعك مهم للغاية .. وأنا شخصيا نعاني من هذا الموضوع بالذات :
أنا وراجلي نخلصو 75000.00 دج نخلصوا لكراء 8000 دج وتقسيط 25000.00 دج والباقي يادوب يلحق الشهر مع أني عندي ولد واحد برك .. ياريت أختي تنصحيني .. لازم واحد يدير الدار والتاويل.. والمشكل كل ما نقول راح نقتصد نلقاها توخذت أكثر...
تحياتي
salam barak allahou fiki un sujet hayal
choufi ana manich mzawja mais 7akma masrouf dar baba ya3tini 6 million 3yit kifach naktased chwiya
3andna 8 fi la famille, 2 bnagt ykraw fi lycée w 3 khawti dima hatilna masrouf!!!!
zid internet mais voiture makanech
svp kifach ndir merci
pomaria_aindefla
2012-09-13, 17:21
إن شاء الله تدخل صاحبة الموضوع و سيدات أخريات و تجاوبك و السيدات يثريينا الموضوع بمشاركاتهم و كيفية الإقتصاد لأنه كل شيء راه غالي
هبة الكوثر
2012-09-13, 19:23
السلام عليكم ان شاء الله تفيدكم طريقتي نستعملها على مدي 8 اسابيع اي شهرين
الشهر الاول لنحكم 2 ملاين نشري منها القهوة الاقتصادية ريادو فيها 750 غ ب 450 دج
ونشري 10 كلغ سكر
وزوج كلغ كل عدس + لوبيا + مخمصة + سباقيتي + مقارون + الارز + التليتلي + الكسكس + فرينة + دقيق
وبيدون 5 ليترات زيت وقرعة خل وماء زهر و 2 كلغ طمام مصبرة
بلاطو بيض + سانوجة تاع جي ولا قازوز
ونزيد نشري زوج جويجات صغورين نقيهم ونقطرهم ونقطعهم مليح ونوزعهم فلكونجيلاتور وكي يسسو نحطهم في صاشي ونشري كلغ ونص لحم غنمي نقطعهم طراف صغااااااار نينن بينهم برك
يبقالي وحد 300 الف نشرو بيها خضرة لي ماتفسدش كيا لبصل والبطاطا والطوماطيش
كي نطيب فيي السمانةنطيب ماكلة تاع فطور وعشاء مدايرة الميني تاع السمانه عدس +لوبيا + تليتلي + ماشتو + مقرون ونهار لخميس ندير بلا الله الله تاع الصح مليح شطاطح والجمعة طعام والا رشتة ولا شخشوخة ولا لمحاجب
مدايرين شحيحة في المطبخ عبارة عن بلارة زجاج نخطو فيها الصرف مدايرينها سبيسيال تاع الحبز
و 200 الف سبيسال لشكاير لحليب
الشهر لول لي نصرفو فيه ياربي تبقالنا مليون مي كي يجي الشهر التاني نلقاو روحنا مرتاحين خاطرش ماراناش رايحين نستهلكو كلش غير الا عاود شرا الخصرة ولا اللحم لنفس الكيل والا حاجة نتشهاوها
والهر التالت يجي فيه التريسيتي والماء نكونو ديجا موفرينلوا من االشهر التاني
انا في رايي المراة هي لي تتصرف كي تعرف واش تطيب ماشي شرط الماكلة يكون فيها كيلوا لحم بتاه تولي بنينة وماهوش شرط ناكلوه كل يوم انا نقطعو مورصوات صغار نبنن بيه الماكلة وكي نكونو في الشهر لي مرتاحين فيه نقدرو نشرو حتى لي كوتلات نشووهم ونقلوهم
نسيت نقوللكم انا تانيك حدامة على هكا نطيب ماكلة فطور وعشا وعندي الويكاند لي نفشش فيها راجلي بلمكالي ولله الحمد ونقوللكم القناعة كنز لايفني لي عندو مليون يصر قدر مليون ولي عندو زوج يحاول كيفاه يتقشف منها هادو يامات والواحد منا ماهوش عارف واش رايح يصرا بعيد الشر هدا طبيب هدا سفر هدا فرح هدا.................الخ
هبة الكوثر
2012-09-13, 19:28
وزيد انا لي يهنيلي نهنيلوا اما لي يجيني يديه مشبكين انا تانيك نروحلوا بيديا مشبكين ههههههههه
ااما الحفافات نروحلهم غير في عرس اقرب المقربين الناس لوخرين نلبس لي طايور شابين مع هادوك الخمارات الشابين تاع الاعراس ديجا الحال عاد يخوف الكاميرات والانترنت وناس ماتخافش ربي
والسقايط انا تانيك نحبهم وديما نشري كاشيرة كومبلي الفرامج والياوورت والطون تاع لي بوات لكبار اونسي جامي نططيح اومبان فلعشا ديفوا مايكفيش نكملوهم كاسكروطات هههههههههههه
هبة الكوثر
2012-09-13, 19:31
زوجي يخلص مليون وتمنةئة والحمد لله كافيتنا وفايضة
ياريتك ياختي تقولينا كيفاه راكي مقسمتيها وربي يهنيك ويكترلك من خيراته
الملاك المجروح93
2012-09-13, 20:12
قسمولنا شهرية تاع 5ملاين ونص
الافراد 6
أم الفرسان
2012-09-13, 21:46
يعطيك الصحة أختي هبة راكي قايمة بها على الكيف .. ربي يبارك لك
زينب الهلالي
2012-09-13, 22:24
ما شاء الله الموضوع توسع والخبرات كثرت جميل جدا هذا التفاعل ......
صحيح كلامكيا هبة الكوثر نصائحكواقعية ومجربتها خاصة بالنسبة للمصروف الشهري وكذا نظام الوجبة الواحدة حتى بالنسبة لي انا لا اعمل خارج المنزل لكن دائما نظام وجبة واحدة للغداء والعشاء وإذا ما كفاتش نكمل بالسلطة أو الحليب بالنسبة لي والمهم الأطفال نعشيهم الاول ثم أحنا الكبار نتصرفوا أحيانا ألغي العشاء نهائيا ههههههههههههه فقط حبات من التمر وكوب حليب خاصة مع الرضاعة الليلية المنهكة والمتعبة .....
وفعلا اللحم ليس كل شيء في الطبخ وأنصح ربات البيوت بتجنب الدوام في استهلاكه اليومي لأن هذا يسبب داء النقرس والعياذ بالله
أما البنة المرأة الشاطرة يكون طيابها وكأنه فيه اللحم وهو خال منه والحقيقة وبدون مغالاة زوجي دائما يقول من أين جاك اللحم الي طيبيت به ؟؟؟؟ لكنني اضحك عليه واقول ومن غيرك يصرف لينا ، لا لحم ولا دجاج راهي يدين الحراير ......ههههههههههه
pomaria_aindefla
2012-09-14, 00:22
ما شاء الله تيارك الله على نساء الجزائر إن شاء الله في المرة الفادمة تقولونا على واش ديرو في القدر من ليزيبيس و كيفاش تطيبو
بنت الجزاير الغالية
2012-09-14, 09:15
بسم الله ما شاء الله يعطيكم ألف صحة على المشاركات المميزة و نخص بالشكر أيضا أخت هبة و الله تشبهيلي في حوايج بصح أنا في السمانة ندير نهار واحد للحبوب و نهار للعجينة و نهار طاجين و نهار خضرة و النهارين الباقيين ندير المحاجب أو البيتزا أو الشخشوخة أو الطعام و يكون بالجمعة و لازم في الأسبوع نجربلهم حاجة جديدة مش شرط تكون مكلفة بصح تغيير
و زيد القاطو و القوفريت و غيره أنا نديرلهم قاطو للسمانة كاملة إن شاء الله حتى كروكو و حتى كي يجيني ضيف ما نخافش ديما راني موجدة روحي
كذلك كاين أكلات إقتصادية هايلة تحمر الوجه و ما تقضيش عالميزانية المهم تكون في طياب المرأة في حد ذاتها و ديكورها
لي عودة للرد على المشاركات السابقة
pomaria_aindefla
2012-09-14, 10:52
سيدتي بنت الجزائر الغالية من فضلك إدا كان بإستطاعتك تساعدينا السيدة أمينة ألاء في المحاولة في اٌيدخار من شهرية هدا موضوعها - كيف تسير امورك بيتك.......ساعدووووني - في قسم
منتدى الحياة الزوجية (http://www.djelfa.info/vb/forumdisplay.php?f=37)
http://www.djelfa.info/vb/showthread.php?t=1087825
هبة الكوثر
2012-09-14, 19:05
يعطيك الصحة أختي هبة راكي قايمة بها على الكيف .. ربي يبارك لك
الله يسلمك يالحبيبة ويهنيك :19:
هبة الكوثر
2012-09-14, 19:08
ما شاء الله الموضوع توسع والخبرات كثرت جميل جدا هذا التفاعل ......
صحيح كلامكيا هبة الكوثر نصائحكواقعية ومجربتها خاصة بالنسبة للمصروف الشهري وكذا نظام الوجبة الواحدة حتى بالنسبة لي انا لا اعمل خارج المنزل لكن دائما نظام وجبة واحدة للغداء والعشاء وإذا ما كفاتش نكمل بالسلطة أو الحليب بالنسبة لي والمهم الأطفال نعشيهم الاول ثم أحنا الكبار نتصرفوا أحيانا ألغي العشاء نهائيا ههههههههههههه فقط حبات من التمر وكوب حليب خاصة مع الرضاعة الليلية المنهكة والمتعبة .....
وفعلا اللحم ليس كل شيء في الطبخ وأنصح ربات البيوت بتجنب الدوام في استهلاكه اليومي لأن هذا يسبب داء النقرس والعياذ بالله
أما البنة المرأة الشاطرة يكون طيابها وكأنه فيه اللحم وهو خال منه والحقيقة وبدون مغالاة زوجي دائما يقول من أين جاك اللحم الي طيبيت به ؟؟؟؟ لكنني اضحك عليه واقول ومن غيرك يصرف لينا ، لا لحم ولا دجاج راهي يدين الحراير ......ههههههههههه
اممممم المرا الفحلة باينة وراهي هنا الله يبارك يازينب ربي يكملك ان شاء الله ويفرح بيك زوجك وولادك:mh31:
هبة الكوثر
2012-09-14, 19:12
بسم الله ما شاء الله يعطيكم ألف صحة على المشاركات المميزة و نخص بالشكر أيضا أخت هبة و الله تشبهيلي في حوايج بصح أنا في السمانة ندير نهار واحد للحبوب و نهار للعجينة و نهار طاجين و نهار خضرة و النهارين الباقيين ندير المحاجب أو البيتزا أو الشخشوخة أو الطعام و يكون بالجمعة و لازم في الأسبوع نجربلهم حاجة جديدة مش شرط تكون مكلفة بصح تغيير
و زيد القاطو و القوفريت و غيره أنا نديرلهم قاطو للسمانة كاملة إن شاء الله حتى كروكو و حتى كي يجيني ضيف ما نخافش ديما راني موجدة روحي
كذلك كاين أكلات إقتصادية هايلة تحمر الوجه و ما تقضيش عالميزانية المهم تكون في طياب المرأة في حد ذاتها و ديكورها
لي عودة للرد على المشاركات السابقة
ربي يهنيك حبيبتي الميني تاعك هايل رايحة نقل عليه انا والله لي جاتني على القوسطو نديرها ديفوا يفوتو يومين حبوب ولا عجائن انا والوقت لي نوض فيه ههههه مي ديفوا نزود معاهم شوية لي سلاد ولا غراتان تسمى نانتكوه شويه ههه
والقاطو تاع لعشية ندير موسكوتشو راجلي يحب العجائم معارك ولا لخساس ولا متقبة ولا لبراج مع لعشية وديما عندي بوات فيها الصابلي والمقروظ مخبي لضيف الغفلة يحمرو لوجه
meriem hanin
2012-09-14, 21:11
نرجو تثبيت الموضوع لما فيه من افكار قيمة و التفاعل الكبير من الاعضاء
بارك الله فيكم
موسى2207
2012-09-14, 22:39
والله الموضوع قريب يوصل 10 صفحات ومزال ماتثبتش
الف شكر لصاحبة الموضوع
بنت الجزاير الغالية
2012-09-15, 10:44
قسمونا شهرية تع 27000 دج
مازال كيما قلت راني في دارنا و لكن حبيت نتعلم
كما تعرفي كينكونو خدامت الشهرية تمشي في سقايط و الفطور
شوفي في البداية راح تكون زوج أفراد في العائلة يعني الإستهلاكات قليلة تنحي 700 ألف للفواتير و تبقى زوج ملاين تنحي منها 500 ألف للعولة سكر و زيت و حبوب و .......... و 700 ألف للخضرة و لللحم و تبقى 800 ألف هذي تنسيها خلاص لأنك مستقبليا راح تحتاجاها مع الحمل و الولادة و غيره و كل مرة تديري برنامج جديد على حسب أفراد عائلتك
بنت الجزاير الغالية
2012-09-15, 10:52
أختي الفاضلة موضوعك مهم للغاية .. وأنا شخصيا نعاني من هذا الموضوع بالذات :
أنا وراجلي نخلصو 75000.00 دج نخلصوا لكراء 8000 دج وتقسيط 25000.00 دج والباقي يادوب يلحق الشهر مع أني عندي ولد واحد برك .. ياريت أختي تنصحيني .. لازم واحد يدير الدار والتاويل.. والمشكل كل ما نقول راح نقتصد نلقاها توخذت أكثر...
تحياتي
شوفي المدخول نتاعك 7 ملاين و نص هكذا و المصاريف الثابتة عندك هي الكراء 800 ألف و الأقساط زوج ملاين و نص يعني المجموع 3 ملاين و 300 ألف تبقى 4 ملاين و 200 ألف مليون و 200 للفواتير و 3 ملاين تنحي منها مليون للعولة و 900 ألف لللحوم و الدجاج و غيره و هذي تقسميها على مرتين يعني كل 15 يوم تستهلكي 450 ألف لحم و دجاج و حوت تبقى مليون و 100 ألف ننحوا منها 400 ألف خضرة كل أسبوع ب 100 ألف خضرة و تبقى 700 ألف تنحي منها 300 ألف للفاكهة و ذلك بإستخدام 20 ألف فاكهة يوم تشري فاكهة و اليوم الثاني تديري في الدار تحلية أو فلان أو شيء آخر تبقى 400 ألف هذي تخبيها في حالة ما احتجتيها و إذا ما احتجتيهاش تجمل مع 400 ألف تاع الشهر الآخر
أم الفرسان
2012-09-15, 11:10
شكرا أختي الغالية ربي يحليك لينا.... هدفي عزيزتي ليس التقسيم وفقط .. أنا ابحث عن طريقة تجعلني أنقص من المصاريف ونخبي أكبر قدر ممكن باش ندير الدار.. وزيد عندي مصروف آخر ثابت وهي لاكريش تاع ولدي تبدا الشهر الجاي 530ألف.....
شكرا ثانية
بنت الجزاير الغالية
2012-09-15, 14:59
شكرا أختي الغالية ربي يحليك لينا.... هدفي عزيزتي ليس التقسيم وفقط .. أنا ابحث عن طريقة تجعلني أنقص من المصاريف ونخبي أكبر قدر ممكن باش ندير الدار.. وزيد عندي مصروف آخر ثابت وهي لاكريش تاع ولدي تبدا الشهر الجاي 530ألف.....
شكرا ثانية
العفو أختي أم الفرسان بالنسبة لإستفسارك عن طريقة إنقاص المصاريف كاين كثير بنود و بما إنك حابة تبني دار لازم تقشف في كل شيء يعني مش لازم 3 وجبات في اليوم يكفي الفطور و إن شاء الله معاه رخسيس أو مسمنات للذراري و خلاص في بلاصة قاطو اللي راح يستقاملك بهاذيك الحسبة و زيد ديري وجبة واحدة غداء و عشاء و إذا نقص في العشاء كملي بحاجة خفيفة و إذا ما بقاش خلاص ديري أكلات ناقصة تكاليف كيما المسفوف أو البغرير أو سفة أو أي أكلة غير مكلفة كذلك مصروف الفاكهة اللي هو 300 ألف يتلغى إشري مرة واحدة الفاكهة في الأسبوع و زيدي نقصي من الفواتير الإضافية مثلا الفيكس ديريه يستقبل برك تجيك غير 40 ألف و البورطابل قيس 20 ألف في الشهر ما تفوتيش و النت خلصي ب 6 أشهر و السرعة الضعيفة و يزيدوك معاها شهر قراتوي
كذلك الأعراس نقصي الألبسة المبالغ فيها إن شاء الله تسلفي راو نهار و يفوت و شعرك و المكياج ديري في الدار و إذا ما تعرفيش تعلمي و كذلك الصبغة هذي كــــــــــــــــامل مصاريف نحقروها و من بعد نلقوها مبلغ لاباس بيه
و كي تروحي للسوق هزي معاك قيس ما راح تشري ووصية مني أهبطي و إنت شبعانة لأنه النفس بطبيعتها طماعة بصح كي تكوني شبعانة ما تهفكش حتى ريحة
و زيد إستغني عن أي أكلة من البرة كلشي ديريه في الدار تستقاملك أرخص و كذلك أنظف كيف البيتزا و المحجوبة و الهامبورغر و الكاسكروت و الشيبس و أي شيء
كذلك ولادك ما تعوديهمش في مصروف يومي أنا عن نفسي نديرلهم مصروف شهري و يخبوه و كي يجمل يديروا بيه حاجة باينة ميكرو أو بلاي ستايشن أو أي حاجة أخرى و طبعا يشروها في الصيف باه يلعبوا بيها ماشي في وقت الدراسة
اللمجات إذا كانوا ولادك ياخذو اللمجات المشرية ما يكفيكش حتى مصروف هوما وحدهم يبلعوا الدراهم ديريلهم حوايج في الدار و معاه قرعة صغيرة تاع عصير فريش و بالطريقة هذي ياكلوا حاجة نظيفة و مغذية
بالنسبة للكريش أنا ضد المرأة اللي تحط وليدها في la crèche إلا إذا كانت عاملة هاذيك الله غالب أحكمي وليدك عندك ربيه إنت و قريه إنت و الله أجمل متعة إنك تقضي أوقاتك بين زوجك و أولادك
إن شاء الله نكون أفدتك و آسفة على الإطالة بصح حبيت نقولك كل حاجة نقدر نساعدك بيها
بنت الجزاير الغالية
2012-09-15, 15:04
salam barak allahou fiki un sujet hayal
choufi ana manich mzawja mais 7akma masrouf dar baba ya3tini 6 million 3yit kifach naktased chwiya
3andna 8 fi la famille, 2 bnagt ykraw fi lycée w 3 khawti dima hatilna masrouf!!!!
Zid internet mais voiture makanech
svp kifach ndir merci
أختي يا ريت تقوليلي هذي 6 ملاين شاملة فاتورة النت و الكهرباء و كل شيء و إلا فقط للأكل ؟
بنت الجزاير الغالية
2012-09-15, 15:06
قسمولنا شهرية تاع 5ملاين ونص
الافراد 6
و يا ترى شاملة الفواتير و كل شيء أو الأكل فقط ؟
و يا ريت تكتبيلنا قداه مالفة تجيكم الفاتورة
بنت الجزاير الغالية
2012-09-15, 15:08
سيدتي بنت الجزائر الغالية من فضلك إدا كان بإستطاعتك تساعدينا السيدة أمينة ألاء في المحاولة في اٌيدخار من شهرية هدا موضوعها - كيف تسير امورك بيتك.......ساعدووووني - في قسم
منتدى الحياة الزوجية (http://www.djelfa.info/vb/forumdisplay.php?f=37)
http://www.djelfa.info/vb/showthread.php?t=1087825
تم زيارة الموضوع:)
بنت الجزاير الغالية
2012-09-15, 15:10
نرجو تثبيت الموضوع لما فيه من افكار قيمة و التفاعل الكبير من الاعضاء
بارك الله فيكم
والله الموضوع قريب يوصل 10 صفحات ومزال ماتثبتش
الف شكر لصاحبة الموضوع
شكرا لإهتماكن إن شاء الله المشرفين عالقسم ياخذوا الموضوع بعين الإعتبار
شكرا ثـــــــــــــانية
السيدة عايدة
2012-09-15, 16:50
السلام عليكم اختي الغالية نشكرم على موضوعك القيم
وارجو مساعدتي في تقسيم مرتبي
46000 وابنائي كبار الا اثنين عدد الافراد ككل 6
مع العلم انني على ابواب مشروع تكملة بناء بيتي
شكرا يالغالية انتظر بفارغ الصبر
narimane1991
2012-09-15, 17:37
ياحنونتي بنت الجزائر الغالية انا نسيتيني؟ راني قتلك من قبل ديريلي حل لشهرية تاعي الي هي تروح في الباطل 3250 دج نحي منها مليون نتع ماما برك وراكي حرة فيها قسميهالي باه نشري شوية دهب ولا لوطو متنساينيش كما المرة الي فاتت
بنت الجزاير الغالية
2012-09-15, 17:54
السلام عليكم اختي الغالية نشكرم على موضوعك القيم
وارجو مساعدتي في تقسيم مرتبي
46000 وابنائي كبار الا اثنين عدد الافراد ككل 6
مع العلم انني على ابواب مشروع تكملة بناء بيتي
شكرا يالغالية انتظر بفارغ الصبر
ماكان حتى مشكل أختي عايدة ياريت فقط تكتبيلي المصاريف الثابتة اللي عندك يعني فواتير أو أقساط و قداش مالفة تخلصيهم باه نديرلك ميزانية مليحة
بنت الجزاير الغالية
2012-09-15, 17:59
ياحنونتي بنت الجزائر الغالية انا نسيتيني؟ راني قتلك من قبل ديريلي حل لشهرية تاعي الي هي تروح في الباطل 3250 دج نحي منها مليون نتع ماما برك وراكي حرة فيها قسميهالي باه نشري شوية دهب ولا لوطو متنساينيش كما المرة الي فاتت
يا ختي واش راح نقولك إنت باين من كلامك تحبي تاكلي السقايط تاع البرة و زيد مليون سبيسيال للروايح و الجال دوش و بهذي الطريقة مستحيل تديري من شهريتك حاجة باينة
إذا حبيتي تاخذي رأيي نحي مليون تاع ماماك ربي يحفظهالك و زيدي مليون حلي كونت و خبيه فيه و تصرفي على الباقي اللي عندك هاذاك يكفيك إحسبي روحك و كأناها هاذيك هي الشهرية الكل نتمنى نكون أفدتك
وفاء سعاد
2012-09-15, 19:32
مساء الخير ىاختي بنت الجزائرية والله راكي امراة انتاع الصح بسم الله ماشاء الله عليك خمسة وخموس عليك وراني قريت الرد انتاعك من قبل وشفت كي قولتي علي النت كى تخلصيه 6 اشهر يعطيوك شهر قراتوي هل هدا صحيح
بنت الجزاير الغالية
2012-09-15, 19:38
مساء الخير ىاختي بنت الجزائرية والله راكي امراة انتاع الصح بسم الله ماشاء الله عليك خمسة وخموس عليك وراني قريت الرد انتاعك من قبل وشفت كي قولتي علي النت كى تخلصيه 6 اشهر يعطيوك شهر قراتوي هل هدا صحيح
الله يسلمك وفاء
إيه أختي كي تخلصي 6 أشهر يزيدوك الشهر السابع قراتوي أنا ديما هكذا ما نخلصش باشهر نخلص مرة واحدة و نريح
nokia111
2012-09-15, 20:01
السلام عليكم احنا اتنان انا وزوجي اول شيئ طبقة قول الرسول في ان لا رمي شيئ من المنزل فان زالت منه النعمة لم تعد ادا انا لا ارمي شيئ والبركة في البنات وافكارهم من المنتدى عندي متلا الكهرباء انا اقتصد فيها معناه مكانش بريزا لاصقة بدون فائدة معناه مرات نقضي في النهار باه منستهلكش كهرباء معناه ضو تاع ربي بزاف وعدم استعمال الكمبيوتر والتلفاز لساعات متاخرة من الليل كدلك التلاجة وعندي براد كبير تاني لا اشغله كل العام انما فقط ايام لي مايقدنيش البلاص في الكونجيلاتار تاع التلاجة نشري الاشياء قبل وقتها متل الحبوب وقت تكون رخيصة وتاني الملابس وقت برموسيو متلا ملابس الشتاء في الصيف والصيف في شتاء ملابس العيد قبل بوقت نشري الاشياء من عند القروسيص لانو 5د و10 د دير فرق وبكميات ودلك لاربح دراهم الكورسا معنديش سيارة نشري مرة وحد اشياء لي ضاين عمري مانشري حاجة منستعملهاش وكدلك الخضر والفواكه وقت لعشية تكون رخيصة ولا من الفيرمات يعني من التاجر الاول
كل مرة راح نحط فكرة
اختي الغالية هناك شعرة رقيقة بين التقشف والبخل اتمنى ان لا نقع فيها
سؤالي هو مالاشياء التي وفرتيها من التقشف والاشياء التي اشتريتيها مثلا
وسؤالي الثاني ابنتي في اول التحضري لو يمكن تعطيني افكار بخصوص اللمجة اللي تديها صباحا ومساءا
الف شكر
أم الفرسان
2012-09-15, 23:44
شكرا حبيبتي بنت الجزائر من خلال كل نصائحك حطيت تقسيم وان شاء الله يمشيني الشهر...
وأنا عندي ولد واحد حبيبتي ونعمل أستاذة يعني مضطرة والله غالب...
لكن لاكريش اللي راح نحطو فيها مليخة ويسهروا على التربية والتوجيه ..
يعطيك الصحة أختي راني نتبع فيك ونحاول نستفيد من كل ملاحظة تحطيها للأخوات ..
اليوم رحت أجبدت الدراهم حطيت 500 ألف خصرة ولحم ..
300ألف أنترنت وتيليفون
400ألف مصروف يومي
ولأني شارية رفيطايمة من قبل حطيت 200 ألف برك تحسبا لأي حاجة ممكن نشريها
والله غالب عندي مصاريف جانبية ولأني أنا وزوجي نحضروا الدكتوراه حطيت 700 ألف كتابات
400 ألف لوازم سفر زوجي الأسبوع القادم .. وخبيت مليون و 200 ألف مصروف طوارئ
كلهم حطيتهم في انفلوبات صغار..
اذا احتجت مصروف الظوارئ نجبد وإذا لا نخبيه على جنب ..
صدقيني سابقا ما كنتش نخمم هاك كانت أموري مفرسعة طوووول .. والفضل لربي وليك ..
شكرا جزيلا وربي يصلح لك أولادك يارب
بنت الجزاير الغالية
2012-09-16, 07:59
السلام عليكم احنا اتنان انا وزوجي اول شيئ طبقة قول الرسول في ان لا رمي شيئ من المنزل فان زالت منه النعمة لم تعد ادا انا لا ارمي شيئ والبركة في البنات وافكارهم من المنتدى عندي متلا الكهرباء انا اقتصد فيها معناه مكانش بريزا لاصقة بدون فائدة معناه مرات نقضي في النهار باه منستهلكش كهرباء معناه ضو تاع ربي بزاف وعدم استعمال الكمبيوتر والتلفاز لساعات متاخرة من الليل كدلك التلاجة وعندي براد كبير تاني لا اشغله كل العام انما فقط ايام لي مايقدنيش البلاص في الكونجيلاتار تاع التلاجة نشري الاشياء قبل وقتها متل الحبوب وقت تكون رخيصة وتاني الملابس وقت برموسيو متلا ملابس الشتاء في الصيف والصيف في شتاء ملابس العيد قبل بوقت نشري الاشياء من عند القروسيص لانو 5د و10 د دير فرق وبكميات ودلك لاربح دراهم الكورسا معنديش سيارة نشري مرة وحد اشياء لي ضاين عمري مانشري حاجة منستعملهاش وكدلك الخضر والفواكه وقت لعشية تكون رخيصة ولا من الفيرمات يعني من التاجر الاول
كل مرة راح نحط فكرة
أختي نوكيا تستحقين شكر و الله راكي شاطرة بسم الله ما شاء الله شوفي كاين حوايج نديرهم يشبهولك مثلا قش العيد نشريه قبل رمضان واش ندير نشريلهم دوبل و نحسب روحي و كأني شريت في العيد وقت الغلاء لبسة يلبسوها في العيد و الأخرى في الدخول المدرسي
و زيد أنا نشري من سوق الجملة غير فيلية بطاطا كبيرة و بصلة و نوع خضرة يكون رخيص كيف اللوبيا أو الجلبانة أو نوع آخر و إذا ما كانش نشري غير البطاطا و البصل فقط و تحكملي شهر كامل و ياكلو الذراري و ننوعلهم و يشبعوا و لله الحمد و باقي الخضرة نشري من المرشي يوم السبت تكون بداية أسبوع قليل اللي يقضي و تجي رخيصة
بالنسبة لقش الشتاء تشريه في الصيف و تاع الصيف في الشتاء هذي لقطة جديدة نجربها إن شاء الله و نردلك الخبر
أسعدني مرورك كثيرا و يا ريت لكان عندك أفكار أخرى تفيدي بيها الأخوات
ام دعاء ومارية
2012-09-16, 08:05
السلام عليكم لا اطيل عليكي الكلام عندي
4 اولاد الشهرية 3 ملاين لا اجيد التصرف
بنت الجزاير الغالية
2012-09-16, 08:20
اختي الغالية هناك شعرة رقيقة بين التقشف والبخل اتمنى ان لا نقع فيها
سؤالي هو مالاشياء التي وفرتيها من التقشف والاشياء التي اشتريتيها مثلا
وسؤالي الثاني ابنتي في اول التحضري لو يمكن تعطيني افكار بخصوص اللمجة اللي تديها صباحا ومساءا
الف شكر
شكرا لمرورك أختي دارلا و ربي يسترني و إياكم من البخل أنا راني نتكلم عن حسن تسيير الزوجة لأمور بيتها المادية ماشي تبخل عليهم و أنا ضد البخل و الإنسان البخيل
شوفي ما دام الإنسان يتصدق و ياكل مليح و يشرب مليح و يكرم الضيف و يكون تاع واجب و هذا كله بما يرضي الله هذا ما نسموهش بخيل
بالنسبة للأمور اللي وفرت منها هي كثيرة و للأسف أمور نستهونوا بيها و في آخر الشهر لقيت روحي عندي مبلغ محترم ممكن ينجيني من ضيقة لا قدر الله
أكثر حاجة نسرفوا فيها أو بمعنى أصح نتعاملوا معاها بفوضى هي بند الأكل لوكان شوية نظام فقط كل شيء يمشي مليح
الأكل تاع البرة يتشطب عليه بيتزا نديرها في الدار قاطو كيف كيف و لمجات الأطفال و الشيبس و الفوشار و الكاسكروت و عباد الشمس أو تشغيل شباب كيما يقولوا البعض كل شيء في الدار و بربع التكاليف تخيلي في اليوم 20 يوميا هذي لمجة هذا فوشار هذا شيبس و غيره و غيره و كل يوم كل يوم في الشهر راهي 600 ألف هذا ماشي مبلغ نعملوا بيه حاجة مفيدة أو تشريلهم بيه حاجة يستفادوا منها أنا راني نحكي عالبيوت اللي فيها الولاد
كاين أيضا النت كل شهر 180 ألف و كاين اللي أكثر أنا ندير تاع 6 أشهر و شهر قراتوي تطيح ب 622 ألف فقط
كاينبند الملابس و خاصة للنساء و راكم تشوفوا في الخياطات كامل الغلاء و الموعد اللي ماشي ثابت و مصاريف المواصلات و خصوصا كي تكون في بلاصة بعيدة أنا تعلمت الخياطة و الحمد لله ماكسيموم 3 أشهر و تعودي تخيطي كيفها و أحسن
بالنسبة للحفافات أنا شعري نديره في الدار و قت مناسبة فقط نروح للحفافة
بالنسبة لقش الولاد كي يكونوا متقاربين يلبسو تحت بعض و هنا دور المرأة الشاطرة اللي تغسل مليح و تحدد و كأنه القش جديد أما الصبابط ما نكذبش عليكم هوما و المحافظ راني نشريلهم أغلى حاجة تكون حاجة مليحة و تحكم معاهو عام كامل أحسن ما تشريلهم محفظة 25 ألف و كل شهرين تشري واحدة أنا عندي واحة ب 150 ألف حاكمة معاهم 3 سنين و كأنها جديدة
كاين أفكار كثير بصح راني طولت عليك المهم كي تحبي تستفسري عن بند معين نقولك على خبرتي و كذلك البنات الله يبارك أفكارهم راهي في المستوى و إن شاء الله نكونوا في المستوى
بنت الجزاير الغالية
2012-09-16, 08:22
شكرا حبيبتي بنت الجزائر من خلال كل نصائحك حطيت تقسيم وان شاء الله يمشيني الشهر...
وأنا عندي ولد واحد حبيبتي ونعمل أستاذة يعني مضطرة والله غالب...
لكن لاكريش اللي راح نحطو فيها مليخة ويسهروا على التربية والتوجيه ..
يعطيك الصحة أختي راني نتبع فيك ونحاول نستفيد من كل ملاحظة تحطيها للأخوات ..
اليوم رحت أجبدت الدراهم حطيت 500 ألف خصرة ولحم ..
300ألف أنترنت وتيليفون
400ألف مصروف يومي
ولأني شارية رفيطايمة من قبل حطيت 200 ألف برك تحسبا لأي حاجة ممكن نشريها
والله غالب عندي مصاريف جانبية ولأني أنا وزوجي نحضروا الدكتوراه حطيت 700 ألف كتابات
400 ألف لوازم سفر زوجي الأسبوع القادم .. وخبيت مليون و 200 ألف مصروف طوارئ
كلهم حطيتهم في انفلوبات صغار..
اذا احتجت مصروف الظوارئ نجبد وإذا لا نخبيه على جنب ..
صدقيني سابقا ما كنتش نخمم هاك كانت أموري مفرسعة طوووول .. والفضل لربي وليك ..
شكرا جزيلا وربي يصلح لك أولادك يارب
و الله دعوتك أسعدتني كثيرا ربي يرزقك من وسع و ينجحك إنت و زوجك و يصلحلك في وليدك
بنت الجزاير الغالية
2012-09-16, 08:24
السلام عليكم لا اطيل عليكي الكلام عندي
4 اولاد الشهرية 3 ملاين لا اجيد التصرف
3 ملاين مصاريف الأكل فقط أم تشمل الفواتير و إن كانت كذلك إكتبيلي قداش مالفة تجيك الفاتورة
و شكرا لمرورك
صباح الخير يالغالية
ان شاء الله تعطيني افكار بخصوص اللمجة يعني في مكان اني نشريها واش نقدر ندير في مكانها
ام دعاء ومارية
2012-09-16, 09:49
تشمل كل شيء ولم اتبع اي برنامج
يعني نمشو فيها عشوائي
الكهرباء كانت تجي 250 ولكن هذا المرة جات 11م فترة الصيف
وباقي المصاريف لا احسب لكن المال المصروف اكثر من الشهرية
دائما ديون والله اسلكها الانترنات 150
هبة الكوثر
2012-09-16, 13:25
صباح الخير يالغالية
ان شاء الله تعطيني افكار بخصوص اللمجة يعني في مكان اني نشريها واش نقدر ندير في مكانها
حبيبتي عند الجزار تلقاي دي ترش فيوند كونجلي مدورين كل واحد كيفاه يسميهم المهم الواحدة تدير بالفين فراك اشري مجمعة وديريهم في الكونجيلاتور
مرة ديرهومها كاسكروط اليوم الثاني فورماج مع بيض مغلي
اليوم التالت ديرلها بطاطا مغلية من البارح والصباح حمريهالها في شوية زيت
ديرلها سلاطة فاريي لمجة تانيك هايلة
الطون والسردين والكاشير مي ماشي دايما
وزيدلها ديما فاكه والا فيتا جي اشري كليسة تستقاملك ارخس
والا باكي قاطو صغير لا الياوورت
ان شاء الله نكون نفعتك
ماتديرلهاش حاجة فيها المرقة حاطرش الدراري بسلامتهم يوسخو بزاف حوايجهم ربي يشدهلك وتشوفيها عروسة كي نهار اليوم
pomaria_aindefla
2012-09-16, 14:40
صباح الخير يالغالية
ان شاء الله تعطيني افكار بخصوص اللمجة يعني في مكان اني نشريها واش نقدر ندير في مكانها
اللمحة لي تتكلمي عليها لطفل رضيع أو خمس سنوات
إدا كانت طفلة في المدرسة
تفاحة + خبز ب الشوكولاطة + خبز بالفرماج + بانان + خبز بالبسض مسلوق + برتقالة + خبز بالمربى و لكن الأحسن خبز بالشكولاتا لأنها ما تسيح ما والوا
حبيبتي عند الجزار تلقاي دي ترش فيوند كونجلي مدورين كل واحد كيفاه يسميهم المهم الواحدة تدير بالفين فراك اشري مجمعة وديريهم في الكونجيلاتور
مرة ديرهومها كاسكروط اليوم الثاني فورماج مع بيض مغلي
اليوم التالت ديرلها بطاطا مغلية من البارح والصباح حمريهالها في شوية زيت
ديرلها سلاطة فاريي لمجة تانيك هايلة
الطون والسردين والكاشير مي ماشي دايما
وزيدلها ديما فاكه والا فيتا جي اشري كليسة تستقاملك ارخس
والا باكي قاطو صغير لا الياوورت
ان شاء الله نكون نفعتك
ماتديرلهاش حاجة فيها المرقة حاطرش الدراري بسلامتهم يوسخو بزاف حوايجهم ربي يشدهلك وتشوفيها عروسة كي نهار اليوم
كليسة وشي هي
انا بنني راي ما تاكلش هبلتني وراهي تقرا صباح وعشية لانها تحضيري
وربي يخليك اختي الباهية الف شكر
اللمحة لي تتكلمي عليها لطفل رضيع أو خمس سنوات
إدا كانت طفلة في المدرسة
تفاحة + خبز ب الشوكولاطة + خبز بالفرماج + بانان + خبز بالبسض مسلوق + برتقالة + خبز بالمربى و لكن الأحسن خبز بالشكولاتا لأنها ما تسيح ما والوا
شكرا عزيزتي حنين ابنني عمرها 4 سنووات وياريت كون تاكلي الخبز والو غلطتي ماولفتهاش
خبز بالنيتلا تقصدي
ان شاء الله ضرك نحاول نجرب وياريت تاكل برك
هبة الكوثر
2012-09-16, 19:25
كليسة وشي هي
انا بنني راي ما تاكلش هبلتني وراهي تقرا صباح وعشية لانها تحضيري
وربي يخليك اختي الباهية الف شكر
كوليسة هي كي تشري قراعي الجي ولا القازوز مجمعين مع بعضاهم
pomaria_aindefla
2012-09-16, 22:24
شكرا عزيزتي حنين ابنني عمرها 4 سنووات وياريت كون تاكلي الخبز والو غلطتي ماولفتهاش
خبز بالنيتلا تقصدي
ان شاء الله ضرك نحاول نجرب وياريت تاكل برك
نعم هدا النوع أو نوع أخر أو حتى قطعتين أو ثلاثة في الخبز اللمجة كي تكون جيعانة و مع زميلاتها راهي تاكلاها في المساء ما تمديلها والو وياك تخرج بكري و تكون فطرت في الدار كي جي طيبيلها الخليب مع قاطو وخلاص
كوليسا و كيما نقولو في تلمسان شدة تع ليموناد
بنت الجزاير الغالية
2012-09-18, 07:55
لي عودة للموضوع إسمحولي عندي شوية ظروف
السلام عليكم
ماشاء الله موضوع فى القمة
ربى يسل امورك اختى بنت لجزاير الغالية
كانت اخت سالت عن العائلة الى ما عندهاش شهرية
يعنى ماعندهاش دخلمحدد
يعنى الزوج و الزوج مرة يخدمو و مرات مايخدموش و المبلغ مش ثابت
يا ريت نلقى عندك حل او جواب
الملاك المجروح93
2012-09-19, 21:37
و يا ترى شاملة الفواتير و كل شيء أو الأكل فقط ؟
و يا ريت تكتبيلنا قداه مالفة تجيكم الفاتورة
ih okhti chamla kolchiiiiiiiiiiiiiiiiii
w lfatora ta3 tréciti men 3000 heta 7500 had lmara jatna 7500da w lma men 1000da matfoutch téléphone 600da lakher
ام دعاء ومارية
2012-09-20, 14:28
السلام عليكم اختاه ارجو ان تردي عليا
جازاك الله خير
اختي بنت الجزائر الغالية دبري عليا كيفاش نقتصد في شهرية زوج ملاين ونص
مع العلم اني مانخلص والو لا ما لا تريصيتي فقط الانترنت والتلفون
السيدة عايدة
2012-09-22, 19:00
اختي الكريمة انا نخلص اربعة ملايين وستة مائة و ماعرفتش كيفماه نوزعها و زيد عندي ولدي يدي في مصروفو من عندي يقرا فب الجامعة كل يوم يدي 40 الف و ساعات اكثر و انا حبة نبني داري من الفوق مع انني مانصرفش في الدار حابة تقسميلي كيفاش نوفر و كيفاش نبني و جزاك الله خيرا
pomaria_aindefla
2012-09-22, 19:20
لي عودة للموضوع إسمحولي عندي شوية ظروف
إن شاء الله العودة عن قريب لأنه الموضوع راه يزيدنا تشوق و معلومات يوم بعد يوم أصبح ك الفلم التركي
أم الفرسان
2012-09-23, 12:02
وللأسف لم ُثبت لحد الآن مع أنه يستحق ...............
السلام عليكم ورحمة الله وبركاتهالحمد لله والصلاة والسلام على رسول الله ، وعلى آله وصحبه ومن اتبع هداه اختي الكريمة انا راجلي خلصتو زوج ملاين ونص عندنا بيبي مصروفو وحدو 600 ونخلصوفي انترنت و التلفون500 الف بصح مش كافيتنا ودايما في اخر الشهر نسلفو ومن بعد نبداو في دوامة الدين ربي يخليك دبري عليا مع العلم انا ماعندي حتى مدخول ماتنسايش رودي عليا شكرا لك
halima574
2012-09-24, 13:54
انا المصروف مخليته لزوجي وريحت
:dj_17: الموضوع رائع وعجبني قلت نشارك فيه لان موضوع هادف ويعتبر من اساسيات الحياة
اختي دريلي حساب تاع 1800 غير ماكلة ولبسة وشكر
موضوعك رائع يستحق التقييم والتثبيت :19:
bilel9044
2012-09-26, 09:11
كل واحد يسرف قد قيسو زوخ علاه
ahlam2060
2012-09-26, 23:41
اود المشاركة في الموضوع لانه بالفعل رائع نرجو له التثبيت والشكر الكبير لصاحبة الفكرة
انا بطبعي نحب الاقتصاد وحسن التسيير وهذا هو شعاري اللي راني نعمل بيه و الحمد لله كيما قالو الاخوات قش العيد والدخول نشريهم قبل رمضان تكون اسعارهم معقولة ادوات مدرسية نشري في الصيف كل مرة نشري شوي قش الاولاد كي تصغار على الكبير يلبسها الصغير المحافظ كي تكون جديدة ما نزيدش نشري والقش القديم مانرميهش نخدم بيه بساطات .الماء انتاع الغسيل النظيف ما نرميهش نصيق بيه. القطع الصغيرة انتاع الصابون نلمها ونطيبها مع ماء نتحصل على غسول هايل .ازيس انتاع الاواني نخلط معاه جافيل وشوي ماء ونتحصل على كمية 2 قرع ازيس .ما زالو تدابير اخرين كي نتفكر نزيد نقوللكم
السلام عليكم
وين صاحبة الموضوع
أم أولادي*
2012-10-09, 10:44
السلام عليكم لا اطيل عليكي الكلام عندي
02بنات رضيعة واخرى عمرها عام ونصف الشهرية 4 ملاين لا اجيد التصرف
scorpionoir
2012-10-10, 12:50
السلام عليكم انا راني متاخرة هذا وين شفت الموضوع الشيق .المهم انا راجلي الي حاكم المصروف راهو مهبلني شهرية 60000 تروح منتخصش في اخر الشهر بصح منفضلش .ناكل مليح هو يشري غير اللحم ميشتيش الدجاج مثلا ويشري غير بالجيقو ولوكان نتبعو نحمرهولو في غدا .عندي 2بنات الصغيرة في لاكراش ب450 يلبسهم غير الحطة .من قبل رمضان وانا نقولو نقصو في المصاريف شوي ودرت روحي مرا ونص وقتلو اعطيني المصروف قالي نعطيك 40000 .20000 نخبيها و30000 منها الدوا والترسيتي والما الانترنت ولاكراش والماكلة الي بغيت نقص فيها و10000 قالي هذي شهريتك وحدك .من فضلك عاونيني راني عييت نقسمها والله يجازيك كل خير ويحفضلك عايلتك .
pomaria_aindefla
2012-10-10, 18:05
إن شاء الله تطل علينا صاحبة الموضوع أو سيدة أخرى تقسمنا الشهرية لأنه رانا غيل نسألوا و معرفماش نقدموا الحلول
سلمىسلمى
2012-10-11, 19:02
مساء الخير انا ام سلمى دخلت في هدا المنتدى اللي مسجلة فيه بنتي وعجبني هاد الموضوع يعطيك الصحة ربي يعيشك يعطيني زرجي 2 ملاين فالشهر ويقولي اصرفيهم على الدار مع العلم اني مانخلص والو غير النت وعندي زوج بنات و بيبي ارجوكي قسميلي مصروف الدار كيفاش تكفيني 2ملايين في الشهر
وشكرااااااااااااا:dj_17:
Amouna.DZ
2012-10-13, 09:37
موضوع في القمة ماشاء الله
هاكي 4 ملاين و500
واقسميهالي مصروف للكوزينة وطونوبيل وطبيب ان لزم الامر وهاتف والانترنت
ومصروف دار
بليييييييييييييييييييز
السلام عليكم موضوع فى القمة انا عضوة جديدة ليوم وين قرية هذا الموضوع و عجبنى بزاف و حبيتك تساعدينى انا زوجى يعطينى مليون و 500 غير مصروف الدار و منخلصش الكهرباء والماء والكراء و الانترنات الله يعيشك قسميهالى مع العلم انو هو ليكانحاكم المصروف و هذا الشهر حبيت نجرب ونشوف اذا نقدر نوفر او لا وشكرا على هذا الموضوع الرائع ارجو ان يثبتوه
scorpionoir
2012-10-21, 12:00
اين الجمييييييييييييييييع كي حلات الشياخة هربتو .استناو راه عندي جديد بصح للي يتفاعل معايا.
pomaria_aindefla
2012-10-21, 17:11
نتفاعل معك لسنا بمحلول كيمياء
scorpionoir
2012-10-24, 10:51
دمك خفييييف حنونة والله ضحكتيني.
غربة أهل السنّة
2012-10-24, 21:40
بارك الله فيكم على الموضوع المفيد
غربة أهل السنّة
2012-10-24, 21:42
الله أكبر* الله أكبر* الله أكبر....لا إله إلا الله
الله أكبر* الله أكبر ..........و لله الحمد
الاخت الكبرى
2012-10-28, 19:13
شكرا لكن جميعا انا تاني راه يهمني هدا الامر مدابيا توليو للمناقشة ولكم مني جزيل الشكر120
الاخت الكبرى
2012-10-28, 19:21
انا تاني يهمني هدا الموضوع مدبيا ترجعو للنقاش ولكم مني جزيل الشكر
اين الجمييييييييييييييييع كي حلات الشياخة هربتو .استناو راه عندي جديد بصح للي يتفاعل معايا.
هاتينا الجديد نتاعك ماذابينا نستفادو ......المهم نلقاو حل حتى ولو انحلينا مثل المواد الكيميائية هههههههههههههه:mh92:
noursin82
2012-11-07, 10:35
انا والله غير براسي و منصرف والو كلش نتقاسمو مع اختي و في الاخير تاع العم نتقاسمو شهريتي جربناها و لايمنا و شرينا سيارة
شكرا أختي الغالية ربي يحليك لينا.... هدفي عزيزتي ليس التقسيم وفقط .. أنا ابحث عن طريقة تجعلني أنقص من المصاريف ونخبي أكبر قدر ممكن باش ندير الدار.. وزيد عندي مصروف آخر ثابت وهي لاكريش تاع ولدي تبدا الشهر الجاي 530ألف.....
شكرا ثانية
اختي ماشاء الله دخلك مليح اذن انا اقترح عليك طريقة اتبعها لان وضعيتي نفس وضعيتك اريد التوفير لبناء سكن
كي تدخل الشهرية ضعي منها 2ملايين في دفتر التوفير وما تمسهاش لوكان واش يكون (اذا قدرتي تحطي اكثر يكون احسن) والباقي قسميه حسب حاجياتك واذا بقالك في اخر الشهر مبلغ زيديه للادخار و المداخيل الغير محسوبة مثل المردودية والمكافاءات ( المداخيل غير الدخل الشهري) ادخيريها احسبي كلي ما دخلتش عندك بمرور سنة انشاء الله تكوني ادخرتي قرابة30 مليون وهكذا دواليك والله الموفق.:19:
انا والله غير براسي و منصرف والو كلش نتقاسمو مع اختي و في الاخير تاع العم نتقاسمو شهريتي جربناها و لايمنا و شرينا سيارة
لم افهم طريقتك عسى ان تفيدينا .
الملاك المجروح93
2012-11-23, 12:25
wine rahi sahibat lmawdooooooo3???????????????/
kifach b 800 da techri la viande et poulet et legumes?win tekdiw? andkom marché gratuit hna kilos bata b 120 da
pomaria_aindefla
2012-12-01, 20:00
‘م شاء الله ترجع صاحبة الموضوع أو أخوات يعرفن التسيير يجيبونا عن الأسئلة
bouchraamine
2012-12-06, 15:28
موضوع رائع ياريت ترجعوا يا بنت الجزائر وام شرفو و باقي لبنات الفحلات وتفيدونا بافكار اقتصاية في كل شيء وشكرا
بالهدرة , سهل وتطبيق حج وحدخر ياختي
hidaya 05
2012-12-10, 11:30
لسلام عليكم
أختي موضوع في القمة جزاك الله خيرا
انا مشكلتي عويصة زوجي كان يعمل في التجارة فخسر الآن أنا الوحيدة التي تعمل مرتبي 26000دج لدي طفلة عمرها 2 سنوات و أنا حامل مع العلم لا املك بيتا 8000 دج للكراء الحفاضات كل يومين +لانجات و لنا ديون كثيرة
السلام عليكم
حبيت من صاحبة الموضوع ترشدني
اناعندي مبلغ من المال و عجبتني الفكرة اللي قلتي عليها في الردود السابقة انو الواحد يشري قدر معين من الذهب و يعاود يبيعو كي يغلى
لمن نبيعو للناس برا ولا عند الصايغي لانو رح ينقص سعرو اذا بعتو كاس
جاوبيني ربي يخليك
ردو عليناااااااااااااااااااااااااااااااااااااااااااا
pomaria_aindefla
2012-12-11, 13:29
صاحبة الموضوع غائية مند مدة إن شاء الله المانع خير
أحبك يا الله
2012-12-24, 23:25
أختي it's me نتي روحي للصايغي شفي قداش يجيبولك ومبعد شوفي زعما كي تعود مرا تحوس تشري من عندك تقلك قدداش يساعدها تديها من عندك وشوفي .... اللي تساعدك أنا من رايي بيعيها عن الصايغي أحسن خاطر كان تبيعيها للناس مثلا من الاخر تقلك رجعيلي دراهمي معجبتنيش .. هاذي نصيحتي وشكراااااا
douniadiab4
2012-12-25, 08:59
الله يعطيك العافية على الموضوع الرائع
اذا كان ممكن تقسميلي 3ملاين مع العلم انو عندنا سيارة وشوي تعبانة علا مكانش نخدموها
نحن 3 في العايلة وزوجي يصرف من الشهرية على تربية المواشي في الريف
ام احسان
2012-12-25, 09:54
السلام عليكم ورحمة الله وبركاته
بارك الله فيك اختي على الفكرة لقد اعجبتني كثيرا...وانا عندي نفس مشكلات النساء في المصروف ..حيث لا يمر شهر الا وعلينا ديون وحاولت بكل ماستطيع ان اجد حلا ولم اجد فهل من مساعدة؟؟؟
وادا نجحت الفكرة التي ستطرحينها علي سأدعو لكي كلماأصرف دينار.
شهرية زوجي 4 ملايين وعندي 5 بنات ماشاء الله وحدة في الجامعة و2 في ثانوي ووحدة في المتوسط ووحدة فلمسجد عمرها 4 سنين عندها ليكوش ومصروفها خاص بالاضافة الى الكهرباء والكراء والماء والغاز والفيكس ولي بورطابل 5 ههههه ومصاريف لهنوات والطبيب
ارجو منك جوابا وحل يخرجني من ورطتي ههههههه
السلام عليكم ورحمة الله وبركاته
بارك الله فيك اختي على الفكرة لقد اعجبتني كثيرا...وانا عندي نفس مشكلات النساء في المصروف ..حيث لا يمر شهر الا وعلينا ديون وحاولت بكل ماستطيع ان اجد حلا ولم اجد فهل من مساعدة؟؟؟
وادا نجحت الفكرة التي ستطرحينها علي سأدعو لكي كلماأصرف دينار.
شهرية زوجي 4 ملايين وعندي 5 بنات ماشاء الله وحدة في الجامعة و2 في ثانوي ووحدة في المتوسط ووحدة فلمسجد عمرها 4 سنين عندها ليكوش ومصروفها خاص بالاضافة الى الكهرباء والكراء والماء والغاز والفيكس ولي بورطابل 5 ههههه ومصاريف لهنوات والطبيب
ارجو منك جوابا وحل يخرجني من ورطتي ههههههه
ام احسان مرحبا
اولا لي كوش راها وحد الاخت قالت بلي لازم يتعود الصغير ع التواليت حاشاك و ربع سنين راها كبيرة يعني رح تتهناي من لي كوش
الفيكس؟؟؟ بصح علا حساب وش فهمت متهدريش بيه؟ تقصدي ديك الفاتورة كل شهرين تاع ربعين الف هادي مش حاجة يعني متقلقش و زيديلها النت يعني النت الحق متخسرش بزاف
اما ع مصاريف السيارة فهادي الكارثة الحقيقية و تاكل الشهرية بصح معندكمش؟؟؟تهنيتو
البنت لي فالجامعة لازم تخرج من مصروف الكسوة و النقل لازم تتعود تحافظ ع البورس تاعها باه تعاونكم لانو مصاريف اختها الصغيرة و تاع الطباء و و و اولى هادا ممكن حل
بالنسبة للكهرباء لازم تعوديهم يطفو الضوء كلما خرجو من غرفة لانو لي يهلك الفاتورة هو الضو لي نهار كامل شاعل تصوري لومبه تاكل اكثر من مكرو فالكهرباء و حنا الضوء شاعل ليل نهار
بقا الكرا لازم
الماء راه ميكلش بزاف فالفاتورة
المصروف لازم كل شهر تنحي مية الف و لا لي تقدري عليها تخبيهم فصندوق لا يفتح ابدا لاي سبب الا للطوارئ
لازم تنقصو من الكماليات مثل الياؤورت و الكشير و القازوز و و و
وش نسيت تاني,,,,,,,,,,
هادا وش قدرت نقلك خاصة يا ام حسن ادا معندكمش سكنة و كاريين لازم تشبحو رواحكم و ربي يهني الجميع
دمعة اسى
2012-12-25, 16:40
موضوع شباب حبيت نشاركم لكن الله غالب المصروف في يد زوجي واش نسحق يجيب مدبر راسو من الحليب للبنيان انا نشاور و هو ينفذ المهم مانقولوش هات المصروف حتى اشيائي الشخصية يروح معاي كي نشريهم او مانيش عروسة جديدة باه نقول مشتاق مسؤولية عندي ربع دراري ربي ييخليهم و يحفظهم
راني نشوف بلي واحد مارضى بقسمتو انا خطرات نقول ياريت انا المسؤولة على الميزانية و خطرات نقول بلي هناني من الحسابات
نتوما واش رايكم في وضعيتي ها انا حالة شاذة و هل لازم نتغير
لا يا دمعة
بالعكس راك فنعمه كبيرة
و الله المصروف راه يدوخك و يمرضك خلي علا راجلك خير
douniadiab4
2012-12-25, 22:31
الله يعطيك العافية على الموضوع الرائع
اذا كان ممكن تقسميلي 3ملاين مع العلم انو عندنا سيارة وشوي تعبانة علا مكانش نخدموها
نحن 3 في العايلة وزوجي يصرف من الشهرية على تربية المواشي في الريف
موضوع قمة
مصروف الدار يتصرف فيه الاب نتاعي
بصح حبيت نستشيركم في مصروفي
انا ندي مليون ونص للشهر
وتقدرو تقولو رايحا لبسة
كل حاجة جديدة تخرج نحب نشريها
وانا على باب زواج.حابا ندير قانون في مصروفي.يعني حابا ندخر باه ندير شويا ذهب
قولولي واش ندير
حطولي اشارة stop
سنوم
مليون و نص الحقيقة مديرلك والو ادا كنتي من نوع لي يصرف بزاف و غير الغالي لدا انصحك
كل شهر تخبي خمسمية علا جهة
تبقالك مليون اشتري كل مرة حاجة لبسة او للجهاز ادا كنتي رح تزوجي و حتا ادا ع الاقل ديري فاليزة لمي جهاز خفيف
الباقي رح يكون بين نقل و اكل و مكياج و مواد تجميل و متنسايش تصدقي ع الاقل عشرة الاف باش ربي يباركلك فيهم
و ع فكرة
للناس كامل كي
تقبضو فيدكم دراهم اقراو عليهم اية الكرسي عن تجربة ربي يبارك فيهم فالحلال و صدقو يا لوكان الفين فرنك للمسجد و لا للفقراء و لو بالبسيط جدا و الله ربي يخليهم تقول مليار ميخلاصوش و يفضلو
ادعيولي معاكم بالخير
douniadiab4
2012-12-28, 00:09
:sdf::sdf::sdf:الله يعطيك العافية على الموضوع الرائع
اذا كان ممكن تقسميلي 3ملاين مع العلم انو عندنا سيارة وشوي تعبانة علا مكانش نخدموها
نحن 3 في العايلة وزوجي يصرف من الشهرية على تربية المواشي في الريف
من فضلكم جاوبوني:sdf:
شوفي قسمي الشهرية على خمسة واصرفي مصرواف الاسبواع وكي تخرجي تشري ما ترفديش معاك الدراهم غي تاع طرونسبوار حاولي تفليكسي غير 50 دينار موبيليس وغي للضرورة واكتيفيها وقللي من مشتريات لي ماعندهاش معنى جوطابل وغيروا وسشيات وكيكينات ودشداش هذاك هوا لي يضيع دراهم ادا تحبوا نتبعوا حبة حبة ونطبقوا الكلام هذا برك مادبينا الصراحة كل يوام نقتارحوا على بعضانا واش نديروا فطوار وغيروا ونشوفوا متأكدة رايحة ترحي من مشكلتك وتاكلي مليح وتلبسي مليح نبداوها قبل كل وحدة شحال عندها من فرد في العائلة باه نعرفوا نتصرفوا لي موافقتني تكتب
:sdf::sdf:
من فضلكم جاوبوني:sdf:
يا اختي تقدري تصرفي خمس مية في الاسبواع رايحة لو تعرفي تتصرفي والباقي يتقسم على المواشي والسيارة نزيدلك حاجة المواشي لي تصرفيه عليها راها تعطيلك ثروة تستفيدي من الصوف والحليب والدهان وغيروا والله اعلم
نبض الفؤاد
2013-02-26, 08:04
موضوع شباب حبيت نشاركم لكن الله غالب المصروف في يد زوجي واش نسحق يجيب مدبر راسو من الحليب للبنيان انا نشاور و هو ينفذ المهم مانقولوش هات المصروف حتى اشيائي الشخصية يروح معاي كي نشريهم او مانيش عروسة جديدة باه نقول مشتاق مسؤولية عندي ربع دراري ربي ييخليهم و يحفظهم
راني نشوف بلي واحد مارضى بقسمتو انا خطرات نقول ياريت انا المسؤولة على الميزانية و خطرات نقول بلي هناني من الحسابات
نتوما واش رايكم في وضعيتي ها انا حالة شاذة و هل لازم نتغير
ما كيش حالة شاذة هذا هو الوضع الصحيح اذا تحملتي الحسابات شكون يتحمل مسؤولية التربية والتدريس وشؤون البيت
واش نخلو للراجل يدير هو ثاني يتحمل المسؤولية شوية
انا نشوف لازم تكامل وما تطالبش المرا بمصروف الدار وتهتم بتربية الاولاد هذا اهم بند في حياتها
;);););)
bjr okhti svp na3tili kifmeh netssaref fi chahriya psq matekfiniche w 42000da.merci
بسم الله الرحمان الرحيم السلام عليكم واش راكم
هذه اول مشاركة لى عجبني الموضوع حبيت انشارك معاكم عندي تجربة في هذا المجال نقترحها عليكم :
ل ماتجيك الشهرية تعملى كراس وتلسقي بين الورقة والورقة ظرف كل ظرف تكتبي عليه بهذا الشكل :
مثلا :
ظرف خاص بالاطفال
ظرف خاص باالترفيه
ظرف خاص جدا
ظرف خاص السيارة
ظرف خاص فاتورة الماء
ظرف خاص فاتورة الكهرباء والغاز
ظرف خاص بالهاتف والانترنات.
ظرف خاص بالعيادة والطبيب
ظرف خاص بدروس الدعم
ظرف خاص باالرفيتايمن
ظرف خاص لحم ابيض احمر اسماك بيض
ظرف خاص قضيان السوق
ظرف خاص بالديسار
ظرف خاص بالخبز
ظرف خاص بالصدقة تخرجينها كل شهر
ارجوا منكم الدعاء لي وشكرا اتمني الرد اذا اعجبتكم الفكرة .
hanadi21
2013-02-26, 17:30
aaaaaaaaaaaa mamdou3 amlih
ام امجد14
2013-02-27, 13:39
مشكوووووووووووووووووووووووووووووووووووووورة
الأستاذة حياة
2013-03-01, 16:59
مشكورة اختي على هد الموضوع الاكثر من رائع والله انا تاني حابا نحط حل لدراهمي راهم يروحو بلا ما نفيق ومانيش متزوجة لكن راني نعاون في بابا قبل في البنيان وخوتي الي مازالو يقراو وديما لحوايج الزايدة في الدار مخليتها عليا
السلام عليكم
اخواتي : موضوع هام وحساس راني رجعت باش نرد عليكم بخبرتي المتواضعة :
اناام لى 4اولاد والحمد لله اعيش على قد حالى انا عاملة والان عندي 3سنين مريضة ( invalide ) شهريتي تاتي متاخرة واعيش بشهرية زوجي فقط والحمد لله :
مدايرة برنامج عايشة به كما لي قلتلكم اذا حبيتو الى استفسار انا موجودة في الخدمة
دمتم في رعاية الله وحفظه
نايليةوافتخر
2013-03-03, 12:48
موضوع هايل وحبيت تقولولي انا مانيش خدامة نخدم بيدي الكروشي بالدوموند
وماعنديش اولاد وشهرية راجلي مليون ونحصلو كينكونو نقسمو فيها دبرو عليا كيفاه ندير
pomaria_aindefla
2013-03-03, 22:24
السلام عليكم
اخواتي : موضوع هام وحساس راني رجعت باش نرد عليكم بخبرتي المتواضعة :
اناام لى 4اولاد والحمد لله اعيش على قد حالى انا عاملة والان عندي 3سنين مريضة ( invalide ) شهريتي تاتي متاخرة واعيش بشهرية زوجي فقط والحمد لله :
مدايرة برنامج عايشة به كما لي قلتلكم اذا حبيتو الى استفسار انا موجودة في الخدمة
دمتم في رعاية الله وحفظه
إدا كان بإمكانك الرجوع إلى الصفحات الماضية هناك أسئلة لم تلقي بعد الإجابة من فضلك
طريقة الظرف هي الافضل في تدبير المصروف ومن الاحسن الرجل يصرف لانها مسؤولية كبيرة غير الدار وتعبها يكف
نايليةوافتخر
2013-03-08, 21:12
ماكانش الي ردت عليا وعطاتني اقتراح وراكم
~أمة الله~
2013-03-16, 16:03
السلام عليكم ورحمةُ الله وبركاته
اللهم بآآآآآآآرك الموضوع أكثر من رآآآائع ..
جزاك الله خيرا أخيتي وبارك لك في مالك وأهلك آآآامين ...
أفدتينا كثيرا ..
flifla123
2013-03-20, 13:47
السلام علي الجميع الموضوع رائع وكلنا نعرفو بلي المعيشة غالية وخاصة لي عندهم عايلة كبيرة و البركة انتاع ربي سبحانه هي السر في كل الامور ادا كان الانسان اتقي الله فسوف يبارك له في كل شيء وارجو من الله ان يبارك لنا في رزقنا و السلامممممممممممممممممممم
aminabil
2013-03-20, 14:19
اخواتي العزيزات انا و راجلي نخدموا في زوج وشهريتنا في ز وج 6 ملايين و 300 و حنا ساكنين مع اهل زوجي حنا نشاركو معاهم في المصروف و للعلم عندنا بيبي اي هناك مصروف للحليب و ليكوش لكن انا دائما نحس بلي الشهرية تخلاص بلخف و مارانش نوفروا دراهم بزاف فما هو الحل
ام عبودة
2013-03-20, 18:01
والله يا خاوتي المعيشة غلات بزاف والله الناس مكثورهم عايشين غير بالبركة
احنا في دار شيخي نخسرو في اسبوعين او عشرة ايام فقط ما يقارب خمس ملايين
العائلة كبيرة الاب والام والاولاد ستة وانا وزوجي واولادي الثلاثة
وما عنداش الظياف وما في هاش الفواتير ولا اي مصروف من غيير الاكل ومواد التنظيف والخبز والخظر واللحم والديسيير
ومصروفي انا وحدو بلا بيها
hadjira195
2013-03-21, 10:38
شكر خاص لصاحبة الموضوع با فضلها دخلت لهذا المنتدى و أخذت من أفكرها و جسدتهم في Excel ني ضروف ني تكسار راس
كي أنكمل Menage تاع الدار ران نعطيلكم أفكار
hadjira195
2013-03-21, 10:42
والله يا خاوتي المعيشة غلات بزاف والله الناس مكثورهم عايشين غير بالبركة
احنا في دار شيخي نخسرو في اسبوعين او عشرة ايام فقط ما يقارب خمس ملايين
العائلة كبيرة الاب والام والاولاد ستة وانا وزوجي واولادي الثلاثة
وما عنداش الظياف وما في هاش الفواتير ولا اي مصروف من غيير الاكل ومواد التنظيف والخبز والخظر واللحم والديسيير
ومصروفي انا وحدو بلا بيها
أنظن بلي راكم أتبذرو بزاف لازم الواحد إيطبق قول الرسول عليه الصلاة والسلام ًإخشوشنو فإن النعمة لا تدوم ً
hadjira195
2013-03-21, 10:48
موضوع هايل وحبيت تقولولي انا مانيش خدامة نخدم بيدي الكروشي بالدوموند
وماعنديش اولاد وشهرية راجلي مليون ونحصلو كينكونو نقسمو فيها دبرو عليا كيفاه ندير
يا أختي أنظن مليون ناقص بزاف لازملك التقشف يعني juste l essentiel ولازم راجلك إيزيد خدمة
hadjira195
2013-03-21, 10:51
bjr okhti svp na3tili kifmeh netssaref fi chahriya psq matekfiniche w 42000da.merci
قوليلي شحال راكم فا دار وإذا عندك بيبي شحال مصروف؟ و les facture eau et electricite et internet يدخل فيها و تان شحال تفليكسيو؟
hadjira195
2013-03-21, 10:56
السلام عليكم انا راني متاخرة هذا وين شفت الموضوع الشيق .المهم انا راجلي الي حاكم المصروف راهو مهبلني شهرية 60000 تروح منتخصش في اخر الشهر بصح منفضلش .ناكل مليح هو يشري غير اللحم ميشتيش الدجاج مثلا ويشري غير بالجيقو ولوكان نتبعو نحمرهولو في غدا .عندي 2بنات الصغيرة في لاكراش ب450 يلبسهم غير الحطة .من قبل رمضان وانا نقولو نقصو في المصاريف شوي ودرت روحي مرا ونص وقتلو اعطيني المصروف قالي نعطيك 40000 .20000 نخبيها و30000 منها الدوا والترسيتي والما الانترنت ولاكراش والماكلة الي بغيت نقص فيها و10000 قالي هذي شهريتك وحدك .من فضلك عاونيني راني عييت نقسمها والله يجازيك كل خير ويحفضلك عايلتك .
أنت عندك نفس مصروفي أول شئ لازم راجلك يأكل كل شئ
hadjira195
2013-03-21, 11:01
السلام عليكم
حبيت من صاحبة الموضوع ترشدني
اناعندي مبلغ من المال و عجبتني الفكرة اللي قلتي عليها في الردود السابقة انو الواحد يشري قدر معين من الذهب و يعاود يبيعو كي يغلى
لمن نبيعو للناس برا ولا عند الصايغي لانو رح ينقص سعرو اذا بعتو كاس
جاوبيني ربي يخليك
أنا jamais ما شفت أذهب يهبط تشريه من بعد عام بيعيه casse تربحي فيه
awhalda05
2013-03-22, 13:08
غير مصروف الدار لي منهدروش عليه تجبدي 100في عشوة ترو هههههههههههههههههه
ام عبودة
2013-03-22, 15:27
يا هجيرة راني روحت للقسم المتزوجات وطلب مني كلمة مرور
عييت دخلت هنا ما لا صبتك
صح حتى انا قلت بلى الى نخسرو فيها بزاف
انا لو كان كنت وحدى خمس ملايين ندير منها الذهب
انا عندي وحد السياسة
الحمد لله قادرة نشري كامل السوق لكن الفساد حرام
راجلي مين يدخل السوبيرات يبدا اشري من ومن نقوله علاواش الفساد ماشي مليح هذه المرة نشري زوج انواع من الفورماج والمرة الجاية نشري نوع اخر وهكذا
الياغورت والاشياء الى تخسر ثمثم
خيير من نشريها مرة وحدة وتخسرلي بالخف الاشياء الاخرى تحكم اطول مدة واللى عندي منها ما نجيبهاش
هكذا نقلش ولادي ونستحفظ على جيبي
مشكلة زوجي انه مايخممش لنهار غدوة سبحان الله الدنيا تتبدل وما تعرفيش واش مخبيتنا
نقولو اشري اراضي او محلات واكريها او بنايات......
مييييي ما كاين والو واش يقول انا عندى والحمد لله لواش نخمم في غدوة
واش رايكم راني صح ولا لالا
نايليةوافتخر
2013-03-23, 09:49
يا هجيرة راني روحت للقسم المتزوجات وطلب مني كلمة مرور
عييت دخلت هنا ما لا صبتك
صح حتى انا قلت بلى الى نخسرو فيها بزاف
انا لو كان كنت وحدى خمس ملايين ندير منها الذهب
انا عندي وحد السياسة
الحمد لله قادرة نشري كامل السوق لكن الفساد حرام
راجلي مين يدخل السوبيرات يبدا اشري من ومن نقوله علاواش الفساد ماشي مليح هذه المرة نشري زوج انواع من الفورماج والمرة الجاية نشري نوع اخر وهكذا
الياغورت والاشياء الى تخسر ثمثم
خيير من نشريها مرة وحدة وتخسرلي بالخف الاشياء الاخرى تحكم اطول مدة واللى عندي منها ما نجيبهاش
هكذا نقلش ولادي ونستحفظ على جيبي
مشكلة زوجي انه مايخممش لنهار غدوة سبحان الله الدنيا تتبدل وما تعرفيش واش مخبيتنا
نقولو اشري اراضي او محلات واكريها او بنايات......
مييييي ما كاين والو واش يقول انا عندى والحمد لله لواش نخمم في غدوة
واش رايكم راني صح ولا لالا
بارك الله فيك فعلا الدنيا ماليهاش امان ورايك في محلو الاراضي والاملاك تشد الدراهم حتى خير من انك تخبي الدراهم بالعكس لوكان يبيعها يلقى فيها فايدة وهكذا يخمم في مستقبل اولادو راهم يكبرو وماصاريفهم تكبر معاهم ربي يباركلكم في رزقكم
ام عبودة
2013-03-23, 13:35
بارك الله فيك فعلا الدنيا ماليهاش امان ورايك في محلو الاراضي والاملاك تشد الدراهم حتى خير من انك تخبي الدراهم بالعكس لوكان يبيعها يلقى فيها فايدة وهكذا يخمم في مستقبل اولادو راهم يكبرو وماصاريفهم تكبر معاهم ربي يباركلكم في رزقكم
مشكووورة خيتي على الراي والله يبرك فيكي انت والله يرزقك من بابو الواسع
السلام عليكم ارجو من الجنيع مساعدتي راتب زوجي 5ملايين ولكن نصرفوهم كامل في الشهر و ما يخبي والو غير اللبسة و اللحم و و ..........و اناعندي غير بنيتة واحدة دبرو عليا
قوليلي شحال راكم فا دار وإذا عندك بيبي شحال مصروف؟ و les facture eau et electricite et internet يدخل فيها و تان شحال تفليكسيو؟
ehnana fi 2 + un bb 3ana voiture w nkhlsou ghir electrecite ma3andiche internet.merci
معاذ عبدو
2013-03-27, 10:28
السلام عليك عجبتني اقتراحاتك و الموضوع المطروح
اما الان احكي لكي قصتي
انا متزوجة و ام لبنت و الحمد لله
ليس لي سكن يعني استاجر بيت .اعمل انا و زوجي انا محاسبة بشركة خاصة اتقاضى 25000 زوجي حارس بعقد بمستشفى يتقاضى 15000
الحمد لله انا و هو متفاهمين رغم الظروف .........
مشكلتي ان راتب زوجي لا يتقاضاه في الموعد دائما يتاخر ب10 ايام او اكثر
و بما اني محاسبة حسبت حسبت حتى ضيعت حساباتي
نحسب فالملاير ونجي قدام تفتوفة نتاعي نحصل ................
المهم "كي ندير حسابي ننسى ديما شهرية راجلي
نمد للكراء 8000
ونقصي قصية شهر للدار ب 5000
ليكوش و الحليب و الفرينة و امور بنتي على التقدير ب 7000 بنتي عندها 10 اشهر .
لاكراش ب 3500
ماعندناش تاكسي يعني مصروف ترونسبور انا و زوجي حوالي ب 3500.الخدمة بعيدة
ماتو صواردي .وراني بالدين .
ونسيت نقولك رانا ميتين وماناش مدفونين هكا نقول لزوجي علاه ؟
لا فليكسي نقتصد حتى بنتي نحصل كيفاه نطمن عليها .
لا نت ولا حتى البارابول الباخص راه فاسد حصلنا فخدام راني بلا تلفزيون كي نروح من الخدمة نلقى الضلمة مدة 20 يوم
ولا ولا ولا
وينو حساب المرض و المناسبات و الترسيتي و الغاز و الماء و مانحكي لا على دجاج و لا لحم لا على لبسة و لا ماكياج مالغري راني 28 سنة هدو نسيتهم
و كي تجي شهريت راجلي يمدهالي المسكين في يدي نزيد نكره حياتي ديما 3000 نمدها هذا دين يسالوه الناس كي زيدت بنتي ربي يحفضها لي راني نسلك فيه قريب نخلصو.
اتصرفي انت اختي فالباقي ديري حساباتك ؟و رجعيلي
راني دخلت المنتدى باسم اخي و ما نيش نشكي الشكوة لغير الله مذلة لكن اختي الفاضلة شكرا لانكي اعطيتني فرصة كي اخرج ما بصدري.
بيلسان11
2013-03-27, 12:34
يا هجيرة راني روحت للقسم المتزوجات وطلب مني كلمة مرور
عييت دخلت هنا ما لا صبتك
صح حتى انا قلت بلى الى نخسرو فيها بزاف
انا لو كان كنت وحدى خمس ملايين ندير منها الذهب
انا عندي وحد السياسة
الحمد لله قادرة نشري كامل السوق لكن الفساد حرام
راجلي مين يدخل السوبيرات يبدا اشري من ومن نقوله علاواش الفساد ماشي مليح هذه المرة نشري زوج انواع من الفورماج والمرة الجاية نشري نوع اخر وهكذا
الياغورت والاشياء الى تخسر ثمثم
خيير من نشريها مرة وحدة وتخسرلي بالخف الاشياء الاخرى تحكم اطول مدة واللى عندي منها ما نجيبهاش
هكذا نقلش ولادي ونستحفظ على جيبي
مشكلة زوجي انه مايخممش لنهار غدوة سبحان الله الدنيا تتبدل وما تعرفيش واش مخبيتنا
نقولو اشري اراضي او محلات واكريها او بنايات......
مييييي ما كاين والو واش يقول انا عندى والحمد لله لواش نخمم في غدوة
واش رايكم راني صح ولا لالا
أختي ام عبودة سلام.اذا زوجك ما يحبش يخبي الدراهم اذا تقدري بطريقة كل شهر أطلبي من عنده مبلغ في أول الشهر و قوليلو راكي محتاجتهم و لميهم و ديري الذهب . ابداي غير بالشوية راح تقولي5000 دينار أو مليون أو2 ملاين ما تدير والو بصح مع الوقت في العام ممكن تخبي 15 أو 20 ملين راح تديرلك حاجة. لازم الانسان يقرى للزمان عقوبة و ما تقوليش عندي 1000 دينار ما تدير والو كي نخبيها خلي نصرفها برك .ال1000 دينار تولي 2000 و من بعد 5000. أنا ننصحك كاخت لأنني عن تجربة قدرت ندير حوايج و نحيت من بالي بلي 1000 دينار خلي نصرفها برك. الدينار الأبيض ينفع لليوم الاسود. ربي يوفقك و يسترك.
زوجي يخلص مليون وتمنةئة والحمد لله كافيتنا وفايضة
ماشاء الله
غير وكان تعلمينا كيفاش تكفيكم تقريبا نحن نفس هذا الدخل 2 مليون (زوج ملاين) واحنا خمسة في الدار
*أمة الله*
2013-04-11, 12:07
لست ربة بيت بعد لكن بالنسبة لامي من قبل كان يعطيها 300دج في اليوم يعني كل يوم و بركاته و تشري غي للفطور و الخضرة لي تستحقها في الفطور اما هو كل شهر يجيب القفة كاملة
لكن نظرا لانو مكانش شكون يشريلها قرر الوالدان الكريمان انهما يشرو كلش يعني يشري الخضرة و معاها السباقيتس لوبيا .... باش دير فطور
و يخليلها كل يوم 200دج باش تشري الخبز و البيض فقط و احيانا يكون بيض تشري فرماج
بنت الجزاير الغالية
2013-04-12, 21:36
شكرا لتثبيت الموضوع
لي عودة للرد على المشاركات إن شاء الله
سمراء الدنيا
2013-04-13, 08:02
مبروك عليك التثبيت حبيبتي .... فعلا الموضوع يستاهل
من مدة راني متابعاتو لكن المصروف من اختصاص السبع و مهنيني فيه على الاخر
ما لقيتش حاجة نضيفها .... كفيتي ووفيتي ...
بارك الله فيك
oumayoub
2013-04-13, 15:30
بارك الله فيك و جعله في ميزان حسناتك.الله يخليك شهرية زوجي 2ملايين و 700 و عندي 3 اولاد و ساكنة مع شيخي كيما قالت واحد الاخت ونخلص غير النت 200الف والمصروف على شيخي انا نشري غير الفرماج والبيض و الحليب و السقايط و مصروف السيارة و نكملوا الشهر بسيف
ارجوك اعطيني حلا؟؟؟؟؟الله يجازيك الجنة لك و لاهل بيتك اللهم امين
بنت الجزاير الغالية
2013-04-13, 15:47
السلام عليكم و رحمة الله و بركاته
أخواتي الكريمات المشاركات راهي كثيرة رايحة نحاول نجاوب عليكم واحدة واحدة طولوا بالكم علي و إن شاء الله نكون عند حسن الظن
السلام عليكن .
موضوع رائع ... ارجوك شهرية 2 ملاين .. مع كهرباء 2000 دج و ماء 700 دج كل 3 أشهر .. عائلة من شخصين
عطر الياسمين الاصلي
2013-04-13, 18:54
شكرا لكم جميعا على هدا الموضوع الاكثر من رائع بارك الله فيكي يا صاحبة الموضوع وجعله الله في ميزان حسناتك بالنسبة لي رايحا نتحمل مسؤولية المصروف قريبا لانو زوجي بدا الخدمة في ولاية اخرى واكيد رايحا نحتاج لافكارك ورايك
بنت الجزاير الغالية
2013-04-13, 21:43
شكرا لكم جميعا على هدا الموضوع الاكثر من رائع بارك الله فيكي يا صاحبة الموضوع وجعله الله في ميزان حسناتك بالنسبة لي رايحا نتحمل مسؤولية المصروف قريبا لانو زوجي بدا الخدمة في ولاية اخرى واكيد رايحا نحتاج لافكارك ورايك
جزانا و إياكي أختي الكريمة و ربي يباركلك في رزقك و المهم النظام ووضع الأولويات في البداية باش تنجحي
بنت الجزاير الغالية
2013-04-13, 22:00
السلام عليكن .
موضوع رائع ... ارجوك شهرية 2 ملاين .. مع كهرباء 2000 دج و ماء 700 دج كل 3 أشهر .. عائلة من شخصين
الموضوع بسيط
2 ملاين نقصي منها 300 ألف تاع الماء و الكهرباء و نحي منها 700 ألف حطيها في ظرف ما تتقربيش ليها إلا للضرورة القصوى و إذا ما احتجتيهاش جمليها مع 700 تاع كل شهر و ديري منها حاجة ليك
يبقالنا مليون تنحي منه 400 للعولة يعني سكر و قهوة و و و و
و 400 ألف 2 دجاجات و كيلو لحم غنمي و كيلو لحم مرحي و 2 كيلو حوت تجي 400 بالضبط و طبعا كل شهر تنوعي ساعة مرقاز ساعة بوزلوف المهم تبقى 200 ألف هاذي خليها للسقايط كانش فورماج أو كاشير أو أو أو
إن شاء الله نكون أفدتك و أس استفسار أنا في الخدمة
بنت الجزاير الغالية
2013-04-13, 22:12
بارك الله فيك و جعله في ميزان حسناتك.الله يخليك شهرية زوجي 2ملايين و 700 و عندي 3 اولاد و ساكنة مع شيخي كيما قالت واحد الاخت ونخلص غير النت 200الف والمصروف على شيخي انا نشري غير الفرماج والبيض و الحليب و السقايط و مصروف السيارة و نكملوا الشهر بسيف
ارجوك اعطيني حلا؟؟؟؟؟الله يجازيك الجنة لك و لاهل بيتك اللهم امين
يا ختي 2 ملاين و 700 نحي منها 200 ألف تبقى 2 ملاين و نص أكيد راح تكفيك بالصح شوي نظام
في الشهر 4 بلاطاوات تاع بيض قرابة 160 ألف و 10 بايط لحظة 250 ألف و مصروف السيارة نقولوا تعمروا 4 مرات في الشهر يعني 400 ألف
يعني 810 ألاف تبقالك مليون و 690 ألف هاذوما أعرفي كيفاه تصرفي غير 690 على السقايط و المليون وفريه
جربي و رديلي الخبر
vBulletin® v3.8.10 Release Candidate 2, Copyright ©2000-2024, TranZ by Almuhajir