من ادى الخدمة الوطنية يجيبني على بعض الاسئلة - من فظلكم-

[النجم السطايفي]

راني رايح لارمي في 22 سبتمبر 2012
مانيش فاهم كي نوصل اليوم الاول و ين نروح واش ندير يعني نفوت على الطبيب من النهار الاول و لا كيفاش؟
- تاني مرحلة الانتقاء و الاختيار واش معناها ؟
- ادا تم قبولي متى ابدأ التدريب من اليوم الاول او التاني او ...؟
- سمعت بان الحقنة مؤلمة جدا هل هدا صحيح ؟
واش ندي معايا من ناحية الالبسة و الاشياء الضرورية كدلك صح ينحولي البورتابل من اليوم الاول ؟
لي فوتها يجاوبني ربي يحفضكم و يجازيكم بالخير .

[fares_n95]

يا اخي توكل على ربي ما كاين والو كون راجل برك كلش يهون

[مراد1234]

متروحش......................

[abdelkader88]

أنتظر الرد من الإخوة الكرآم !

لا تبخلو علينا بمعلوماتكم و جزاكم الله خير

[العزائم]

متروحشمتروحش متروحش متروحش متروحش متروحشمتروحش متروحش متروحش متروحش

[زياني الجزائري]

انا نقولك خويا روح تهنى

[general major]

الاعضاء لي نصحونا باش ما نروحوش قولونا علاه والاسباب
نحن رانا جدد واضن انكم عندكم خبرة لانكم فوتوهاوعندكم معلومات

امالي راهم محل بحث و عصاة ماتقولوناش ما تروحوش باش نصبحو كيفكم

[نسيم87]

أنا ثاني نحوس نعرف وش نديو معانا

[nouar_yassine]

يا خويا انت راك معول باش تروح مالا توكل علا ربي و الحوايج اللي راك رايح تشوفهم مايبانوش مع الاسئلة اللى راك تحوس تعرفها...
اذا دخلت مع اللولين راح تستنى يامات باش تدربوا و الطبيب تروحوا عندوا فالنهار الاول ولا الزاوج و كي يقبلوك تحفف بالزيرو و ممبعد يعطوكا البدلة العسكرية ..الحقنة نورمال ماتخافش منها و صاي هي فيها الم بصح اتحمل و صاي .....الالبسة ماتستحقش بزاف مع الاول prsk انت فالنهار تكون لابس البدلة العسكرية و فالليل تلبس حوايج الرقاد و البس مليح باسك راح يكون البرد و ربي يفوقك و نصيحتي لك اجري على روحك و ماتروحش

[حسين القعقاع]

يا اخي توكل على ربي ما كاين والو كون راجل برك كلش يهون

[المارد الجنوبي]

اولا مدام نويت تروح توكل على ربي ماتسمعش للجماعة لي تقولك ماتروحش لان هم يا اما فارينها اوعصاة ....

اولا رايحين تفوتو بالدفعات على اطبيب ادا كنت من الاول تفوت من الاولين

مرحلة الانتقاء هي لي يحكمو فيها الجماعة لي عندهم ملفات طبية ولمقبولين رايحين يلمهم مع بعض حتى يكتمل العدد وتبداو التدريب كل مدرسة ووكيفاه

فيما يخص الحقنة ما ضرك ما والو لان راح تكون على مراحل

فيما يخص اللباس ادي معاك لباس رياضي ودي معاك تبديلة وحدة في حالة يطلقوكم برميسيون ودي معاك لباس الشتاء لان رايح يكون بارد الحال
البورطابل راح ينحهولك سيي ادي معاك زوج ومايكونش كاميرا باش كي نحولك واحد تلقى الاخر

كون راجل وكون صبار ولي كاتبتلك تشوفها

[isakovic82]

هذه شهادة مجرب و الله على ما أقول شهيـــــــــــــــد:
يا أخي واحد ما يخوفك. العسكر درك راه كيما الجامعة. كون راجل برك. كون ناس ملاح و و خصوصا نظيف ملتزم بواجباتك و الله الريح ما يقيسكش. حتى القيادة يحترموك انت مهنا كانت الرتبة نتاعك.
اللي قالك ما تروحش راه فاريها.و إذا تبقى تستنى عام يدز عام ؟ هاذيك حاجتك

[Dzomega]

افلو اهي باردة بزاف كثر اللبسة صحبيكي تروح راك تبقا سيفيل واحد السمانة جتى تلبس التدريب تبداه مع تلبس بعد الحقنة قالي صحبي ما تهلكش بصح تجيبها يسمانة و انت ديخان تاع 7مراض

نتلقاو لثما اذا انت مشاة

[كردادة]

ما سكسيتش روحك علاه ك انت لي تروح
يكي الخدمة للجزائريين قاع...علاه ك زوالي و ما عندوش الجنحين لي روح
كاش ما شوفت واحد واصل...و لا بن فلان في لارمـــي
راها كاينة ثورة في هذا الموضوع..........قريب.......

[KHALED B]

روح فوتها وتهنى صاحبي ياك يقولو اللي دخل بكري يخرج بكري مالا روح فوتها على بركة الله

وا يخلعك حتى واحد انت راك راجل و حط روحك تلقى روحك

[aminerag]

ما تروحش خويا راك تندم راهو كاين ثورة في 2013 في الجزائر ويمكن تولي عسكري كيفك كي لمقاجي

[artist0801]

انا فوتها صاحبي نوصيك ادي معاك لي جوتابل وماتقاويش اللبسة معاك باسكو ماكش رايح تستعملهم الابرة لي راك تسقسي عليها ماهي والو ونزيد ك حاجة الستاج تفتو في الاشتاء خير من الصيف اتكل علي ربي وروح وحافظ على صلاتك مهما يكون ولازم تتقبل العقليات الاخرى نتاع الناس باسكو راك رايح تسكن في شالي

[artist0801]

البورتابل الا قادر تخبيه خبيه كاين بلاصا وحدة تخبي فيها امبوسيبل فتشك فيها وانت وشطارتك

[artist0801]

وعسى ان تكرهوا شيئا ويجعل الله فيه خيرا كثيرا انا شخصيل كنت نعاني مشاكل في الدار كي رحت فوتها ريحت شوية ووليت نصلي والحمدلله

[sirhaj]

متكصرش راسك كي تروح هوما يتكفلو بكلش متتخلع ما والو لعسكر نورمال حقنة مليحة والله متضر تدراب كل كزيرنة وكيفاش

[sirhaj]

تفوتها غير سوفونير كشما تحتاج ابعثلي رقمك ونعيطلك ونفهمك في كلش

[rosicadaboy]

السلام عليكم
أهلا اخي العزيز
انا ننصحك روج جوزهم خير لك و ان شاء الله ممكن تخرج فائض
و إيلا شدولك في الغازارنا عادي أخي و اللع غير راح توالف غلى
خاطر الستاج فيه بزاف اومبيونس بصح نو صيك تدي واش تحتاج
كيما صوالح الدوش و ادي معاك لبسة نتاع الشتا و لباس رياضي ممكن تحتاجو لما تخرج اجازة
ما تنساش تدي معاك الدراهم على خاطر تحتاج
بصح فيما يخص ااحقنة اللي يضربوهالك ما توجع ما والو
واحد ما يخرط عليك حبيببي
انا جوزت لالامي و نعرف بصح كل واحد كيفاه يعني هي اصلا
لوكان فيك مرض راح يخرج مع شوية سخانة تحكمك
فيما يخص البورتابل تقدر تخليه عند واحد تعرفو و ين راح تعقب
و ايلا كنت قحبون تقدر تفوتو في قلاويك و تخليه معاك شريكي
بصح ننصحك ما تديش واحد كاميرا ادي واحد عادي
المهم بالتوفيق اخي العزيز
ربي يكون في عونك

[كمال0772]

أخي الكريم بما أنك تنوي الذهاب فتوكل على الله عسى أن يكون خيرا.والخدمة العسكرية كما هو معلــوم
في الجزائر هي إلزامية على الزواولـــة فقط وستشاهد بعينك ما أقوله لك عند اجراء الفحص الطبي وهي فرصة
سانحة لأصحاب الأكتاف العريضة لتزوير ملفات طبية لأولادهم ومعارفهم من أجل الاعفاء من الخدمة وهذا أمر عادي في الجزائر فقط. أما الزوالي حتى وان كان فعلا يستحق الاعفاء فلن يناله ، كلامي هذا مأخزوذ من تجربتي الخاصة حيث رأينا بأم أعيننا أناسا يعانون من أمراض تعفيمهم من الخدمة لكن أدوها معنا رغم المعاناة فمثلا (منهم من يزن 45 كلغ ومنهم من بصره ضعيف لدرجة قصوى ومنهم من مجري له عمليات جراحية ومنهم ومنهم .....الخ).

[hicham.28]

أخي الكريم بما أنك تنوي الذهاب فتوكل على الله عسى أن يكون خيرا.والخدمة العسكرية كما هو معلــوم

في الجزائر هي إلزامية على الزواولـــة فقط وستشاهد بعينك ما أقوله لك عند اجراء الفحص الطبي وهي فرصة
سانحة لأصحاب الأكتاف العريضة لتزوير ملفات طبية لأولادهم ومعارفهم من أجل الاعفاء من الخدمة وهذا أمر عادي في الجزائر فقط. أما الزوالي حتى وان كان فعلا يستحق الاعفاء فلن يناله ، كلامي هذا مأخزوذ من تجربتي الخاصة حيث رأينا بأم أعيننا أناسا يعانون من أمراض تعفيمهم من الخدمة لكن أدوها معنا رغم المعاناة فمثلا (منهم من يزن 45 كلغ ومنهم من بصره ضعيف لدرجة قصوى ومنهم من مجري له عمليات جراحية ومنهم ومنهم .....الخ).

والله ما فهمت علاه هاد الهدرة انا واحد زوالي قدي قد روحي ديت ملف طبي مريض من المعدة اعطوني اعفاء طبي وين فوت انت لارمي ؟

[hicham.28]

أخي الكريم بما أنك تنوي الذهاب فتوكل على الله عسى أن يكون خيرا.والخدمة العسكرية كما هو معلــوم

في الجزائر هي إلزامية على الزواولـــة فقط وستشاهد بعينك ما أقوله لك عند اجراء الفحص الطبي وهي فرصة
سانحة لأصحاب الأكتاف العريضة لتزوير ملفات طبية لأولادهم ومعارفهم من أجل الاعفاء من الخدمة وهذا أمر عادي في الجزائر فقط. أما الزوالي حتى وان كان فعلا يستحق الاعفاء فلن يناله ، كلامي هذا مأخزوذ من تجربتي الخاصة حيث رأينا بأم أعيننا أناسا يعانون من أمراض تعفيمهم من الخدمة لكن أدوها معنا رغم المعاناة فمثلا (منهم من يزن 45 كلغ ومنهم من بصره ضعيف لدرجة قصوى ومنهم من مجري له عمليات جراحية ومنهم ومنهم .....الخ).

يا خي انا زوالي قدي قد روحي مريض من المعدة ديت ملف اعطوني الاعفاء وين فوت انت ؟ انا في بجاية